Fakasigadan 43
43
Use at ngay Faduksay Anfoli sas Talun Igiptu
1Ay ankaksvn at fanlunus sas Kanaan. 2Akub talanan at fakonun namin wan at nabayad siginans talun Igiptu. Ay Akub nasugu at ngay baguama te, “Afolii yap sas talun Igiptu ay namayad am fakonun dewa ro alay way.”
3Ay Uda nabalus at mama te, “Fun sirut nafararang wa emi te, lag ngap ami nangalagan ya anya nu dway mi gtaban em arian. 4Nu gfaalo tua ro wo emi em arian, kafoli yay ro mi sanya laman namayad fakonun. 5Ay dewa katanya, nu dway o kaylat gfaalo emi em arian, wami manangalagan ya anya.”
6Ay Akub nalong te, “Wain ay fagnafae fagidapunun daul angku? Ay wain ay fagnalongun sas fun sirut te, e faduksay yayam ste sadi?”
7Ay kanya fagayu nabalus te, “Aroro kanya nafabulun nainto sa emi sa baliwa antam fag talanan. Ay nainto yangay te, ‘O gleleg yay ay mama, ay o e arian yayam?’ Ay nabalus ami anya te, ‘Sabv yay.’ Aroro wami saful te, kanya ro glong sa emi te, tabani sa anya em arian.”
8Ay Uda nalong sat mama te, “Mama, aylati wa ngani nu gtaban ami em arian Benamin laman ro glao wami ay namayad fakonun, laman ban di tam kabul sis lunus. 9Mafalganan au gfon ku leleg aroro sas Benamin. Faurianani ban angku nu e ndasug way ban at mauri sa anya. Ay nu dway ban anfoli gleleg sa emu, fayudi waban fia angku kaduge au gleleg. 10Nu dyaman tam nafangulan at buknga, katsi ro dua ginan wami kafoli.”
11Ay at mama Israel nalong te, “Nu katanya, kin loi wan. Bubai tiba tungud fag ngay famaloun: ngay famafia, ay deut, ay famaenamnam, ay famaebebanglu, ay kayu at ngay rawvg. Ay suadi kafag ngay famaloun sa ay ngay fagsuadan laman ay fon sas Igiptu at fun sirut. 12Ay buba fag salapi laman ay famayad faduai kkayu ay famayad ebi taguna, aroro kanya manga fagayu ebi nasalan way. 13Tabani wan ay arian Benamin ay afolii wa vtv sas talun Igiptu at fun sirut. 14Nangus at mabalyanan fag Dius gfabali fun sirut at amatanganan laman ro umfanyu ay gfafoli sa antam Simyun ay Benamin. Dewa katanya, kanya fag dua deyud ban anfoli ya, kaylat kwan, masine wa sa ku amatanganan.”
15Ay duksayan nabuba at ngay famonun ay nafamut yay at buba fag salapi, sadi yak kayu ebi at famayad fag salapi. Ay kanya fagayu nalo wan gadgaloan Benamin sas talun Igiptu, laman nangablang Use. 16Ay Use nu nalag te, Benamin galo at ngay faduksay, kanya nalong sat tagulit fag fagsuguan te, “Tabani anya fagayu sa ku bale. Sanya ginan, namilas o ay namatama sik fagbaugun, aroro kanya ro fagayu nanmatawan gasfuan angku.” 17Ay at fagsuguan nafaning Use at suguan, ay kanya nataban duksayan sas Use at bale.
18Ay duksayan anlimu kafag fagsuguan nu nataban anya fagayu sas Use at bale aroro namatangan te, “At fagnatabanun antam stae, malgau gamatang yay ebi at nafafoli sa tam ngay fagsuadan fag ngay salapi. Ay nanggamat way siring antam ay namagsuguan ay nangagbilug tam ngay asnu.”
19Ay duksayan nanangakbang sa kafag fagsuguan sas sakbawan bale ay gfakamatoan. 20Ay duksayan nalong te, “Fagtainan, ebi sik lo nastae wami laman namayad fakonun. 21Ay gina ami guli, natiug yaymi sik yabi si sik furuan, ay nadama ami sa em ngay fagsuadan, ay nalag ami em famayad magamut si em nabayad fag fakonun. 22Katsi, nabuba ami sik salapi famamut em famayad fakonun. Ay wami nasaful te, sinu manga ebi at nasuad em famayad fag salapi sa em ngay fagsuadan.”
23Fun at fagsuguan nabalus te, “Duan, lag am kalimu. At matuyan, ay Dius ay ay mama yangay at Dius at nasuad kafag salapi sa ay fagsuadan. Nabul kwan ay famayad ebi.” Sanya ginan, kanya nataban Simyun sat ngay faduksay.
24Kafag fagsuguan nafasakbo duksayan sas Use at bale ay nafon mamam laman at famegus at ngay darafa. Ay nafon yangay fakonun sat ngay asnu. 25Duksayan nafalganan sik ngay famonun laman ro at fon sas Use gina sis wabilug menit aroro e nalong sa anya fagayu te, kanya ro fagayu nanmatawan sas Use at bale.
26Ay Use nu ndasug wan, duksayan narungan sit daga salubangan ay nafon at ngay famonun. 27Use nafakamatoan anya fagayu ay nainto te, “O mabayan tua ay mama, ebi ay nalong angku te, mafagtainan wan? O ay gleleg yay?”
28Ay duksayan gbalus te, “Em mama gleleg yay, ay mabayan tua.” Ay sanya ginan, kanya fagayu gdog yay narungan.
29Ay Use nu nalag at arian Benamin, kanya nalong te, “O tuy wan ay arian ebi ay nalong sa angku?” Ay kanya nalong wa vtv sas Benamin te, “Dius ban nangus gfadante emu.” 30Sanya ginan, Use masakit nu gduksun ay nawaywayun aroro wa magwanta ya sat amatanganan nu nalag at arian. Nu katanya, kanya nasakbo sat fagtiugan fag suluk ay sanya ya nu gwayway. 31Sanya ginan, Use nafegus at mata ay anfoli sat ngay faduksay ay nafaragang at fagamatanganun. Ay kanya nasugu te, “Baiti wan fakonun.”
32Ay Use at fagfangonan masaman way siginan at ngay faduksay ay anggan sa sangay taw Igiptu at fagfangonan masaman yangay. Aroro ngay taw Igiptu nu gfangon wa kaylat nangagamut sa sangay taw Ebreu, aroro mauri way sa anya fagayu. 33Ay Use malunggung gfasalubangan at ngay faduksay. At ngay faduksay gdaddaman aroro kadulo te, nu malunggung sit fagfangonan mafatvbtvbanan siginan at kaka daul sitsigon at arian. 34At fagnamulan duksayan at fakonun siginans Use at fagfangonan, dewa katanya, nu gfon sas Benamin at fakonun lima tua ginan at kayuan. Kanya fagayu nafangon ay nainum gfasfuan Use ay guseganan.
Currently Selected:
Fakasigadan 43: OCCT
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Philippines
Fakasigadan 43
43
Use at ngay Faduksay Anfoli sas Talun Igiptu
1Ay ankaksvn at fanlunus sas Kanaan. 2Akub talanan at fakonun namin wan at nabayad siginans talun Igiptu. Ay Akub nasugu at ngay baguama te, “Afolii yap sas talun Igiptu ay namayad am fakonun dewa ro alay way.”
3Ay Uda nabalus at mama te, “Fun sirut nafararang wa emi te, lag ngap ami nangalagan ya anya nu dway mi gtaban em arian. 4Nu gfaalo tua ro wo emi em arian, kafoli yay ro mi sanya laman namayad fakonun. 5Ay dewa katanya, nu dway o kaylat gfaalo emi em arian, wami manangalagan ya anya.”
6Ay Akub nalong te, “Wain ay fagnafae fagidapunun daul angku? Ay wain ay fagnalongun sas fun sirut te, e faduksay yayam ste sadi?”
7Ay kanya fagayu nabalus te, “Aroro kanya nafabulun nainto sa emi sa baliwa antam fag talanan. Ay nainto yangay te, ‘O gleleg yay ay mama, ay o e arian yayam?’ Ay nabalus ami anya te, ‘Sabv yay.’ Aroro wami saful te, kanya ro glong sa emi te, tabani sa anya em arian.”
8Ay Uda nalong sat mama te, “Mama, aylati wa ngani nu gtaban ami em arian Benamin laman ro glao wami ay namayad fakonun, laman ban di tam kabul sis lunus. 9Mafalganan au gfon ku leleg aroro sas Benamin. Faurianani ban angku nu e ndasug way ban at mauri sa anya. Ay nu dway ban anfoli gleleg sa emu, fayudi waban fia angku kaduge au gleleg. 10Nu dyaman tam nafangulan at buknga, katsi ro dua ginan wami kafoli.”
11Ay at mama Israel nalong te, “Nu katanya, kin loi wan. Bubai tiba tungud fag ngay famaloun: ngay famafia, ay deut, ay famaenamnam, ay famaebebanglu, ay kayu at ngay rawvg. Ay suadi kafag ngay famaloun sa ay ngay fagsuadan laman ay fon sas Igiptu at fun sirut. 12Ay buba fag salapi laman ay famayad faduai kkayu ay famayad ebi taguna, aroro kanya manga fagayu ebi nasalan way. 13Tabani wan ay arian Benamin ay afolii wa vtv sas talun Igiptu at fun sirut. 14Nangus at mabalyanan fag Dius gfabali fun sirut at amatanganan laman ro umfanyu ay gfafoli sa antam Simyun ay Benamin. Dewa katanya, kanya fag dua deyud ban anfoli ya, kaylat kwan, masine wa sa ku amatanganan.”
15Ay duksayan nabuba at ngay famonun ay nafamut yay at buba fag salapi, sadi yak kayu ebi at famayad fag salapi. Ay kanya fagayu nalo wan gadgaloan Benamin sas talun Igiptu, laman nangablang Use. 16Ay Use nu nalag te, Benamin galo at ngay faduksay, kanya nalong sat tagulit fag fagsuguan te, “Tabani anya fagayu sa ku bale. Sanya ginan, namilas o ay namatama sik fagbaugun, aroro kanya ro fagayu nanmatawan gasfuan angku.” 17Ay at fagsuguan nafaning Use at suguan, ay kanya nataban duksayan sas Use at bale.
18Ay duksayan anlimu kafag fagsuguan nu nataban anya fagayu sas Use at bale aroro namatangan te, “At fagnatabanun antam stae, malgau gamatang yay ebi at nafafoli sa tam ngay fagsuadan fag ngay salapi. Ay nanggamat way siring antam ay namagsuguan ay nangagbilug tam ngay asnu.”
19Ay duksayan nanangakbang sa kafag fagsuguan sas sakbawan bale ay gfakamatoan. 20Ay duksayan nalong te, “Fagtainan, ebi sik lo nastae wami laman namayad fakonun. 21Ay gina ami guli, natiug yaymi sik yabi si sik furuan, ay nadama ami sa em ngay fagsuadan, ay nalag ami em famayad magamut si em nabayad fag fakonun. 22Katsi, nabuba ami sik salapi famamut em famayad fakonun. Ay wami nasaful te, sinu manga ebi at nasuad em famayad fag salapi sa em ngay fagsuadan.”
23Fun at fagsuguan nabalus te, “Duan, lag am kalimu. At matuyan, ay Dius ay ay mama yangay at Dius at nasuad kafag salapi sa ay fagsuadan. Nabul kwan ay famayad ebi.” Sanya ginan, kanya nataban Simyun sat ngay faduksay.
24Kafag fagsuguan nafasakbo duksayan sas Use at bale ay nafon mamam laman at famegus at ngay darafa. Ay nafon yangay fakonun sat ngay asnu. 25Duksayan nafalganan sik ngay famonun laman ro at fon sas Use gina sis wabilug menit aroro e nalong sa anya fagayu te, kanya ro fagayu nanmatawan sas Use at bale.
26Ay Use nu ndasug wan, duksayan narungan sit daga salubangan ay nafon at ngay famonun. 27Use nafakamatoan anya fagayu ay nainto te, “O mabayan tua ay mama, ebi ay nalong angku te, mafagtainan wan? O ay gleleg yay?”
28Ay duksayan gbalus te, “Em mama gleleg yay, ay mabayan tua.” Ay sanya ginan, kanya fagayu gdog yay narungan.
29Ay Use nu nalag at arian Benamin, kanya nalong te, “O tuy wan ay arian ebi ay nalong sa angku?” Ay kanya nalong wa vtv sas Benamin te, “Dius ban nangus gfadante emu.” 30Sanya ginan, Use masakit nu gduksun ay nawaywayun aroro wa magwanta ya sat amatanganan nu nalag at arian. Nu katanya, kanya nasakbo sat fagtiugan fag suluk ay sanya ya nu gwayway. 31Sanya ginan, Use nafegus at mata ay anfoli sat ngay faduksay ay nafaragang at fagamatanganun. Ay kanya nasugu te, “Baiti wan fakonun.”
32Ay Use at fagfangonan masaman way siginan at ngay faduksay ay anggan sa sangay taw Igiptu at fagfangonan masaman yangay. Aroro ngay taw Igiptu nu gfangon wa kaylat nangagamut sa sangay taw Ebreu, aroro mauri way sa anya fagayu. 33Ay Use malunggung gfasalubangan at ngay faduksay. At ngay faduksay gdaddaman aroro kadulo te, nu malunggung sit fagfangonan mafatvbtvbanan siginan at kaka daul sitsigon at arian. 34At fagnamulan duksayan at fakonun siginans Use at fagfangonan, dewa katanya, nu gfon sas Benamin at fakonun lima tua ginan at kayuan. Kanya fagayu nafangon ay nainum gfasfuan Use ay guseganan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Philippines