Fakasigadan 44
44
At Nalyam fag Taya
1Ay Use nasugu sa tiba tungud fag tagalaga fagsuguan te, “Fapnui sas duksayan at ngay fagsuadan fakonun, nu seyu at fagmadun, ay suadi sat ngay fagsuadan at famayad fag ngay salapi. 2Ay suadi sat arian at fagsuadan ku taya at mawatan sanbung salapi magamut at famayad at ba fakonun.” Ay at fagsuguan nafakamulun kata Use at suguan.
3Ay balabag di, masurip yay, duksayan nalo wan gbuba at ba fakonun. 4Duksayan ya ngayayu siginans furuan daul ay Use nalong sat fagsuguan te, “Tarungi ay nangguyani kafag ngay taw. Ay nu nasud am anya fagayu, longi te, ‘Wain ay fagnafakamulunun yay sa emi at mauri ay masine oma em nafakamulun sa ayu? 5Wain ay fagnabulun ku fun at faginuman fag taya, at fagagbilugun yangay laman ginsaful? Mauri way takatanya ay fakamulun.’ ”
6At nasugu fag fagsuguan nasud duksayan ay nalong kata Use at nalong. 7Ay duksayan nalong sanya fag fagsuguan te, “Wain am fagmalongun takatanya? Wami mafakamulun takatanya. 8Saful am te, nafafoli wami sa ayu at salapi em nalag si em fagsuadan. Nu katanya, wain yay ro em fagfangkamulun sanbung salapi ay gintu siginan am fun at bale? 9Nu inda ro nu glag am kafag taya nu masuadan, fabuli anya ay fagsuguani ban emi.”
10Ay kafag fagsuguan glong te, “Agvd, kin, nu e nalag way ro mi kafag taya sas nusnga sinu si ayu, kanya ban em fagsuguan ay am ban tiba ulii wan.” 11Duksayan masakit nu gfatungkud ay naluas at fansalod at fagsuadan. 12Kafag fagsuguan grvbvy wa vtv kafag taya, gfasigad siginan at kaka yakmay andasug sat arian. Ay nalag kafag taya sis Benamin at fagsuadan. 13Ay duksayan nu nasaful te, sis Benamin at fagsuadan nu glag kafag taya, kanya fagayu nagirat at ngay lanbung at kaksvnan nu kabalu. Ay nadog yay nafasakay at ngay famubaun ay anfoli sas Use at fagbanwanan fag furuan.
14Ay gina Uda ay at ngay faduksay andasug sas Use at bale, Use sanya yay gugat. Ay kanya fagayu nanantudan sas Use at daga salubangan. 15Ay Use nalong sa anya fagayu te, “Wain ay fagnafakamulunun takatanya? O wam nasaful te, sik taginsaful au? Nu katanya, wam e fagmasuksukun sa angku.”
16Ay Uda glong te, “Em fun, wami e fagmalongun ya sa emu, ay wami malong te, wami e asalanan. Nu bunway Dius wan at nafasure em ngay asalanan. Nu katanya, katsi, fagsuguani wan emi fagayu, dangay ro lang at ke fagsuadan faglagan am taya.”
17Ay Use nalong te, “Kwa mafakamulun takatanya, nu bunway ku fagnamagsuguanun ro nusnga sinu way lang at ke fagsuadan faglagan ku taya. Ay am tiba ulii wan say mama, kwa gsalag.”
Uda nu Gfainfanyuan laman sas Benamin
18Uda nanangakbang sas Use ay nalong te, “Mesug fag fun, e fagetun au sa emu, nu masine dungugani angku, ay lag o nangus kauri angku, nu sik fun o dewa kata wa Igiptu at fun. 19Ebi nainto wo emi te, ‘O e mama yaymi ay e faduksay?’ 20Ay nabalus ami emu te, ‘E mama yaymi, dewa katanya mafufuama wan, ay gina kanya mafufuama wan, anke arian yaymi.’ Ay nalong ami te, ‘Em arian at faduksay anbul wan, ay sia way lang at kinsawad kafag duksay, nu katanya at mama maksvn nu kesug anya.’
21“Ay nalong yangay o sa emi te, ‘Tabanani ay arian laman lumag au anya.’ 22Ay nabalus ami emu te, ‘Em arian wa masine nu gubun em mama, aroro em mama ro kabul.’ 23Dewa katanya, nalong o sa emi te, ‘Lag ban mi galagan emu, em arian ban nu dway galo emi.’ 24Ay nalong ami sa em mama takatanya gina ami noli.
25“Nu nlangfe ngayuk buknga, em mama nalong sa emi te, ‘Dogi yap afolii sas talun Igiptu ay namayad am fakonun.’ 26Ay nalong ami sa em mama te, ‘Kin, gdog yay ro mi, nu gfaalo tuo ro wo sa emi em arian, aroro wami manangalagan ya talun Igiptu at tagfangguna, em arian ro nu dway galo emi.’ 27Ay em mama nabalus emi te, ‘Nasaful wam te, dua way ku baguama si ku mangena Rakel. 28At sadi nalyam wan. Malgau e nagat wan. Newa dasug katsi, kwa batang ya glag anya. 29Nu nataban ya ro am anya, ay nu e ndasug ro at mauri sa anya, umbul kro at kaksvnan nu kabalu au.’
30“Nu katanya, em mama at leleg mafonan wan sat sisian. Nu dway ro wo nafaalo ya sa emi em arian, 31em mama ro kabul wan sas fakabaluun. 32Nafon kwan ku leleg aroro sat sisian. Ay nalong au sa ku mama te, kway ban nafafoli ya at ngenge, au wan tagafayudan kaduge au gleleg. 33Nu katanya, mesug fag fun, au yakman takafamato ste laman am fagsuguan, abat ngate ku mama at ngenge. Faulii wan anya gadgaloan at ngay faduksay. 34Kwa ro mauli, em arian ro nu dway galo angku. Kwa magwanta glag ku mama nu e fakabaluun maksvn.”
Currently Selected:
Fakasigadan 44: OCCT
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Philippines
Fakasigadan 44
44
At Nalyam fag Taya
1Ay Use nasugu sa tiba tungud fag tagalaga fagsuguan te, “Fapnui sas duksayan at ngay fagsuadan fakonun, nu seyu at fagmadun, ay suadi sat ngay fagsuadan at famayad fag ngay salapi. 2Ay suadi sat arian at fagsuadan ku taya at mawatan sanbung salapi magamut at famayad at ba fakonun.” Ay at fagsuguan nafakamulun kata Use at suguan.
3Ay balabag di, masurip yay, duksayan nalo wan gbuba at ba fakonun. 4Duksayan ya ngayayu siginans furuan daul ay Use nalong sat fagsuguan te, “Tarungi ay nangguyani kafag ngay taw. Ay nu nasud am anya fagayu, longi te, ‘Wain ay fagnafakamulunun yay sa emi at mauri ay masine oma em nafakamulun sa ayu? 5Wain ay fagnabulun ku fun at faginuman fag taya, at fagagbilugun yangay laman ginsaful? Mauri way takatanya ay fakamulun.’ ”
6At nasugu fag fagsuguan nasud duksayan ay nalong kata Use at nalong. 7Ay duksayan nalong sanya fag fagsuguan te, “Wain am fagmalongun takatanya? Wami mafakamulun takatanya. 8Saful am te, nafafoli wami sa ayu at salapi em nalag si em fagsuadan. Nu katanya, wain yay ro em fagfangkamulun sanbung salapi ay gintu siginan am fun at bale? 9Nu inda ro nu glag am kafag taya nu masuadan, fabuli anya ay fagsuguani ban emi.”
10Ay kafag fagsuguan glong te, “Agvd, kin, nu e nalag way ro mi kafag taya sas nusnga sinu si ayu, kanya ban em fagsuguan ay am ban tiba ulii wan.” 11Duksayan masakit nu gfatungkud ay naluas at fansalod at fagsuadan. 12Kafag fagsuguan grvbvy wa vtv kafag taya, gfasigad siginan at kaka yakmay andasug sat arian. Ay nalag kafag taya sis Benamin at fagsuadan. 13Ay duksayan nu nasaful te, sis Benamin at fagsuadan nu glag kafag taya, kanya fagayu nagirat at ngay lanbung at kaksvnan nu kabalu. Ay nadog yay nafasakay at ngay famubaun ay anfoli sas Use at fagbanwanan fag furuan.
14Ay gina Uda ay at ngay faduksay andasug sas Use at bale, Use sanya yay gugat. Ay kanya fagayu nanantudan sas Use at daga salubangan. 15Ay Use nalong sa anya fagayu te, “Wain ay fagnafakamulunun takatanya? O wam nasaful te, sik taginsaful au? Nu katanya, wam e fagmasuksukun sa angku.”
16Ay Uda glong te, “Em fun, wami e fagmalongun ya sa emu, ay wami malong te, wami e asalanan. Nu bunway Dius wan at nafasure em ngay asalanan. Nu katanya, katsi, fagsuguani wan emi fagayu, dangay ro lang at ke fagsuadan faglagan am taya.”
17Ay Use nalong te, “Kwa mafakamulun takatanya, nu bunway ku fagnamagsuguanun ro nusnga sinu way lang at ke fagsuadan faglagan ku taya. Ay am tiba ulii wan say mama, kwa gsalag.”
Uda nu Gfainfanyuan laman sas Benamin
18Uda nanangakbang sas Use ay nalong te, “Mesug fag fun, e fagetun au sa emu, nu masine dungugani angku, ay lag o nangus kauri angku, nu sik fun o dewa kata wa Igiptu at fun. 19Ebi nainto wo emi te, ‘O e mama yaymi ay e faduksay?’ 20Ay nabalus ami emu te, ‘E mama yaymi, dewa katanya mafufuama wan, ay gina kanya mafufuama wan, anke arian yaymi.’ Ay nalong ami te, ‘Em arian at faduksay anbul wan, ay sia way lang at kinsawad kafag duksay, nu katanya at mama maksvn nu kesug anya.’
21“Ay nalong yangay o sa emi te, ‘Tabanani ay arian laman lumag au anya.’ 22Ay nabalus ami emu te, ‘Em arian wa masine nu gubun em mama, aroro em mama ro kabul.’ 23Dewa katanya, nalong o sa emi te, ‘Lag ban mi galagan emu, em arian ban nu dway galo emi.’ 24Ay nalong ami sa em mama takatanya gina ami noli.
25“Nu nlangfe ngayuk buknga, em mama nalong sa emi te, ‘Dogi yap afolii sas talun Igiptu ay namayad am fakonun.’ 26Ay nalong ami sa em mama te, ‘Kin, gdog yay ro mi, nu gfaalo tuo ro wo sa emi em arian, aroro wami manangalagan ya talun Igiptu at tagfangguna, em arian ro nu dway galo emi.’ 27Ay em mama nabalus emi te, ‘Nasaful wam te, dua way ku baguama si ku mangena Rakel. 28At sadi nalyam wan. Malgau e nagat wan. Newa dasug katsi, kwa batang ya glag anya. 29Nu nataban ya ro am anya, ay nu e ndasug ro at mauri sa anya, umbul kro at kaksvnan nu kabalu au.’
30“Nu katanya, em mama at leleg mafonan wan sat sisian. Nu dway ro wo nafaalo ya sa emi em arian, 31em mama ro kabul wan sas fakabaluun. 32Nafon kwan ku leleg aroro sat sisian. Ay nalong au sa ku mama te, kway ban nafafoli ya at ngenge, au wan tagafayudan kaduge au gleleg. 33Nu katanya, mesug fag fun, au yakman takafamato ste laman am fagsuguan, abat ngate ku mama at ngenge. Faulii wan anya gadgaloan at ngay faduksay. 34Kwa ro mauli, em arian ro nu dway galo angku. Kwa magwanta glag ku mama nu e fakabaluun maksvn.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Philippines