Fakasigadan 45
45
Use Nafatoglag Anya sat ngay Faduksay
1Use wa kagwanta ya, nu katanya, kanya nafaduksun fagayu at fagsuguan. Ay gina sia lang duksayan tagsanya, kanya nafatoglag anya sat ngay faduksay. 2Ay Use gwayway maksvn, ay ngay taw Igiptu ay anggan Igiptu at fun at talananan nadungug.
3Ay Use nalong wan sat ngay faduksay te, “Au wan ay faduksay Use. O matuyan tam mama gleleg yay?” Ay at ngay faduksay wa vtv nafabalus aroro anlimu.
4Ay Use nalong te, “Wainyayam, akbangi sa angku.” Ay fagayu nu nkakbang wan, Use nalong te, “Au wan ay faduksay Use ay nafaebayad sa sangay tagfalao at nataban angku stae stalun Igiptu. 5Katsi lag am gafanawa ya ay lag am gamatangan sabaliwa ay nafaloan angku stae. Aroro tam Dius tua at nasugu angku stae laman namalangfe ay ngay leleg. 6Dua yay kbanwa nu malunus ay katsi ban lima ya. 7Dius nasugu angku stae laman namalangfe ay ngay leleg laman ban di kamin tam ngay kasugfunanan. 8Nu katanya, bunwa am at nafastie angku nu bunway Dius tua. Igiptu at fun nafili angku sik fun, tagalaga at ngay talananan ay anggan sas fagdaul talun Igiptu. 9Katsi, afolii wan sa tam mama ay nanlong am sa anya te, katatuy am baguama Use at longan: ‘Dius nafastae angku laman tagalaga fagdaul talun Igiptu. Ay namanwan wo stae.’ 10Ay longi yangay sa anya te, istei waban nu gbanwan sis talun Gusen gadgaloan at ngay sisian ay at ngay fufu, anggan at ngay fagbaugun ay fagayu at ngay ramraman, laman ban munakbang si angku. 11Galaga kban anya ste sis Gusen aroro sa takadasug yay fag limak banwa nu malunus, laman ban fagayu am anggan ay ngay kalongan diam e fagidapun.”
12Ay Use gfataglayun glong te, “Katsi nasaful wam, anggan o ku faduksay Benamin te, au wan Use tagfakamatoan ayu. 13Longi sa ku mama sabaliwa ku fanambagun stes talun Igiptu anggan yangay fagayu ay nalag sabaliwa angku. Ay tabani wa vtv anya stae.”
14Sanya ginan, Use naugwan at arian Benamin ay gwayway, ay Benamin gwayway yangay kaduge duksay gugwanan. 15Ay Use nayuk at ngay faduksay ay gfataglayun nu gwayway. Ay sanya ginan at ngay faduksay gfakamatoan anya.
16Ay Igiptu at fun ay anggan at ngay tagfakamulun, maksvn nu guseganan nu nadungug te, Use at ngay faduksay andasug wan. 17Ay Igiptu at fun nalong sas Use te, “Nanlong o sa am ngay faduksay te, ‘Fagayu ay fagsuadan fae bilugi ay fasakayi sa ay ngay asnu ay ulii wan sas Kanaan. 18Ay nantaban am ay mama anggan ay ngay mesa talnayan ay adasugi stae sa angku, ay gfabanwan kban ayu sa sik masine fag fagbanwanan ste sis talun Igiptu ay ngayu ban ay gutluan.’ 19Longi yangay sam ngay faduksay te, ‘Bubai sik ngay faguyudan ste ginans talun Igiptu ay famuba ban ay ngay sisian ay ay ngay mangena. Ay tabani stae ay mama. 20Lag kafangulan ya ay ngay ramraman takafamato aroro gagbilug ban am fagayu fagagbilugun at masine tagste sfagdaul talun Igiptu.’ ”
21Nu katanya, Akub at ngay baguama nafakamulun takatanya. Ay kata Igiptu at fun at suguan, Use nafon sat ngay faduksay sik ngay sakayan ay nafon fetus laman at fakonun kaduge glao. 22Ay Use nafon sat ngay faduksay tagsadik lanbung, ay at nafon sas Benamin lima tuak lanbung ay tuluk sandank salapi. 23Ay Use nafabuba yangay safuluk sakayan asnu e buba at masine fag gutluan siginans talun Igiptu, ay safuluk tina asnu e buba trigu ay tinapay ay tiba yak fakonun at mama ban at fakonun kaduge glao. 24Ay Use gina gfalao at ngay faduksay nalong te, “Lag am gawayan sa sangaba dalan.”
25Nu katanya, duksayan nalo wan siginans talun Igiptu ay noli sat mama sas Kanaan. 26Ay duksayan nu ndasug, kanya fagayu nalong sat mama te, “Use gleleg yay, ay sia wan tagfangguna sas fagdaul talun Igiptu.” Ay Akub maksvn nu kadulo, ay wa gafanud. 27Ay kanya fagayu nu nalong Use at longan sa anya, ay kanya nu nalag ngay faguyudan Use at nafabuba laman ban at fagsakayan sas talun Igiptu, kanya anbitsug wa vtv. 28Ay Akub glong te, “Gafanud kwan, ku baguama Use gleleg yay. Katsi gina kyay gleleg, sa kyay ban anya.”
Currently Selected:
Fakasigadan 45: OCCT
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Philippines
Fakasigadan 45
45
Use Nafatoglag Anya sat ngay Faduksay
1Use wa kagwanta ya, nu katanya, kanya nafaduksun fagayu at fagsuguan. Ay gina sia lang duksayan tagsanya, kanya nafatoglag anya sat ngay faduksay. 2Ay Use gwayway maksvn, ay ngay taw Igiptu ay anggan Igiptu at fun at talananan nadungug.
3Ay Use nalong wan sat ngay faduksay te, “Au wan ay faduksay Use. O matuyan tam mama gleleg yay?” Ay at ngay faduksay wa vtv nafabalus aroro anlimu.
4Ay Use nalong te, “Wainyayam, akbangi sa angku.” Ay fagayu nu nkakbang wan, Use nalong te, “Au wan ay faduksay Use ay nafaebayad sa sangay tagfalao at nataban angku stae stalun Igiptu. 5Katsi lag am gafanawa ya ay lag am gamatangan sabaliwa ay nafaloan angku stae. Aroro tam Dius tua at nasugu angku stae laman namalangfe ay ngay leleg. 6Dua yay kbanwa nu malunus ay katsi ban lima ya. 7Dius nasugu angku stae laman namalangfe ay ngay leleg laman ban di kamin tam ngay kasugfunanan. 8Nu katanya, bunwa am at nafastie angku nu bunway Dius tua. Igiptu at fun nafili angku sik fun, tagalaga at ngay talananan ay anggan sas fagdaul talun Igiptu. 9Katsi, afolii wan sa tam mama ay nanlong am sa anya te, katatuy am baguama Use at longan: ‘Dius nafastae angku laman tagalaga fagdaul talun Igiptu. Ay namanwan wo stae.’ 10Ay longi yangay sa anya te, istei waban nu gbanwan sis talun Gusen gadgaloan at ngay sisian ay at ngay fufu, anggan at ngay fagbaugun ay fagayu at ngay ramraman, laman ban munakbang si angku. 11Galaga kban anya ste sis Gusen aroro sa takadasug yay fag limak banwa nu malunus, laman ban fagayu am anggan ay ngay kalongan diam e fagidapun.”
12Ay Use gfataglayun glong te, “Katsi nasaful wam, anggan o ku faduksay Benamin te, au wan Use tagfakamatoan ayu. 13Longi sa ku mama sabaliwa ku fanambagun stes talun Igiptu anggan yangay fagayu ay nalag sabaliwa angku. Ay tabani wa vtv anya stae.”
14Sanya ginan, Use naugwan at arian Benamin ay gwayway, ay Benamin gwayway yangay kaduge duksay gugwanan. 15Ay Use nayuk at ngay faduksay ay gfataglayun nu gwayway. Ay sanya ginan at ngay faduksay gfakamatoan anya.
16Ay Igiptu at fun ay anggan at ngay tagfakamulun, maksvn nu guseganan nu nadungug te, Use at ngay faduksay andasug wan. 17Ay Igiptu at fun nalong sas Use te, “Nanlong o sa am ngay faduksay te, ‘Fagayu ay fagsuadan fae bilugi ay fasakayi sa ay ngay asnu ay ulii wan sas Kanaan. 18Ay nantaban am ay mama anggan ay ngay mesa talnayan ay adasugi stae sa angku, ay gfabanwan kban ayu sa sik masine fag fagbanwanan ste sis talun Igiptu ay ngayu ban ay gutluan.’ 19Longi yangay sam ngay faduksay te, ‘Bubai sik ngay faguyudan ste ginans talun Igiptu ay famuba ban ay ngay sisian ay ay ngay mangena. Ay tabani stae ay mama. 20Lag kafangulan ya ay ngay ramraman takafamato aroro gagbilug ban am fagayu fagagbilugun at masine tagste sfagdaul talun Igiptu.’ ”
21Nu katanya, Akub at ngay baguama nafakamulun takatanya. Ay kata Igiptu at fun at suguan, Use nafon sat ngay faduksay sik ngay sakayan ay nafon fetus laman at fakonun kaduge glao. 22Ay Use nafon sat ngay faduksay tagsadik lanbung, ay at nafon sas Benamin lima tuak lanbung ay tuluk sandank salapi. 23Ay Use nafabuba yangay safuluk sakayan asnu e buba at masine fag gutluan siginans talun Igiptu, ay safuluk tina asnu e buba trigu ay tinapay ay tiba yak fakonun at mama ban at fakonun kaduge glao. 24Ay Use gina gfalao at ngay faduksay nalong te, “Lag am gawayan sa sangaba dalan.”
25Nu katanya, duksayan nalo wan siginans talun Igiptu ay noli sat mama sas Kanaan. 26Ay duksayan nu ndasug, kanya fagayu nalong sat mama te, “Use gleleg yay, ay sia wan tagfangguna sas fagdaul talun Igiptu.” Ay Akub maksvn nu kadulo, ay wa gafanud. 27Ay kanya fagayu nu nalong Use at longan sa anya, ay kanya nu nalag ngay faguyudan Use at nafabuba laman ban at fagsakayan sas talun Igiptu, kanya anbitsug wa vtv. 28Ay Akub glong te, “Gafanud kwan, ku baguama Use gleleg yay. Katsi gina kyay gleleg, sa kyay ban anya.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Philippines