Yoosuwa 19
19
SIMQAAN DEQSITTA KEDOH YECEEN BAAXO
1Yalli saami caxxal nammayhaak yeyyeeqe baaxo akah tontocowwem, Simqaan kedoh yooboke marak ten. Too marih baaxo Yuudâ-kedoh yeceen baaxoh addal ten. 2Keenih yeceen magaalooli ah teeti. Bersabaq kee Sabaq kee Molada kee 3Haxar-Suqal kee Baala kee Qexem kee 4Eltolad kee Batul kee Corma kee 5Xiklag kee Beet-Markabot kee Caxar-Suusa kee 6Beet-Labayot kee Saruucen deqsitta magaalooli akkuk ten. Tittat taban kee sidiica magaala akkuk ten. Too magaaloolih dariifal tan gaandoodi kaadu kenim tekke.
7Tohuk kalah kaadu affara magaala kee woo affara magaalah dariifal tan gaandoodi inkih kenim tekke. Too affara magaala maa magaala inteenik, Qayin kee Rimmon kee Qeter kee Qasan deqsitta magaaloolik ten. 8A magaaloolih dariifal tan gaandoodik gabbi-qaxat raqta Baqalat-Beer deqsitta magaalay kaadu Raama akak iyyaanahiyyah amma 'yaanam keenih yeceen. 9Yoosuwa, Yuudah yeceeh suge baaxo kaxxam manguk teneemih sabbatah, ken baaxok exxak teena Simqaan marah yecee.
DABLON DEQSITTA KEDOH YECEEN BAAXO
10Yalli saami caxxal sidochaak yeyyeeqe baaxo akah yeceenim, Dablon deqsitta kedok ten. Too mari baaxok gee exxa Saarid deqsitta magaala guffa hayta baaxok ten. 11Tokkeek cuduud keenik ayrô-culma fanah gexak Marqala deqsitta magaalak Dabbaset deqsitta magaala gacca 'yeh Yoknaqam deqsitta magaalak ayrô-mawqa le kabut raqta golo guffa haak yen. 12Saarid magaalak cuduud keenik ayrô-mawqa le kabul Kislot-Taabor deqsita rasih cuduuduh amma 'yeh; tokkeek kaadu Dabrat magaala kee Yafiyaq deqsitta magaala gufe. 13Tokkeek ayrô-mawqa le kabuk Gat-Ceefar kee Ektaxin deqsitta namma magaala guffa haa. Tokkeek Rimmon deqsitta magaalak gacca 'yah Neeqa deqsitta magaala fan gufa. 14Kilbat le kabuk cuduud keenik Cannaton deqsitta magaala fan makka 'yah Yiftacel Golo deqsitta golot yaade. 15Too baaxoh addal tan magaalooli tittat magaaloolik taban kee namma magaala kee woo magaalah dariifal tan gaandoodi kinni. Kattat kee Nahlal kee Simron kee Yidla kee Beetlacam deqsitta magaalooli too taban kee namma magaalat loowoh anuk ten. 16Ta magaalooli kee a magaaloolih dariifal tan gaandoodi inkih Dablon kedoh im tekke.
ISSAKAR DEQSITTA KEDOH YECEEN BAAXO
17Yalli saami caxxal fereyhaak yeyyeeqe baaxo akah yeceenim, Issakar deqsitta kedo kinni. 18Keenih yeceen magaalooli ah teeti: Yidraqel kee Kasullot kee Suunem kee 19Cafrayim kee Siiyon kee Anacrat kee 20Rabbit kee Kisyon kee Aabex kee 21Remet kee Qen-Gannim kee Qen-Hadda kee Beet-Faxxaxa. 22Kilbat le kabul cuduud keenik Taabor deqsitta qalek Sacsiima kee Beet-Semes deqsitta magaalak tabba 'yeh ayrô-mawqa le kabul Ordon weeqaytut idiyya axcuk yen. A marih magaala tittat taban kee lica magaala akkuk ten. Toh lih kaadu woo magaaloolih dariifal tan gaandoodi edde anuk keenih yeceen. 23Yoosuwa ta baaxo kee tet addal tan magaalooli kee gaandoodi inkih Issakar deqsitta kedoh yecee.
AASER DEQSITTA KEDOH YECEEN BAAXO
24Yalli saami caxxal konoyhaak yeyyeeqe baaxo akah yeceenim, Aaser deqsitta kedok ten. 25Too baaxoy keenih yeceenihiyyah addal Celkat kee Cali kee Beten kee Aksaf kee 26Allam-melek kee Qamqad kee Misyal deqsitta magaalooli ten. Ayrô-culma le kabuk Karmel kee Sicor-Libnat deqsitta namma magaala guffa haak ten. 27Cuduud keenik ayrô-mawqa fanah makita waqdi, Beet-Dagon deqsitta magaalaak Dablon kedoh yeceen baaxo kee Yiftacel Golo deqsitta golok adda gacca 'yah Beet-Qeemek kee Naqiyel deqsitta namma magaalay kilbat le kabut raqtahiyya fanah guffa haa. Tokkeek baaxo keenik kilbat le kabu fanah Kabul kee 28Qabdon kee Racob kee Cammon kee Kaana deqsitta magaalooliik Sayda deqsitta magaalah amma 'yaanam takke. 29Tokkeek cuduud keenik Raama deqsitta magaala fan makka 'yah Suur deqsitta magaalay gasot maroh tanihiyya fan gufa. Tokkeek kaadu Coosa deqsitta magaala fan makka 'yah Maditraaniyah Badat idiyya 'ya. Maclab kee Akdib kee 30-31Qumma kee Afeek kee Racob deqsitta magaalooli edde anuk, tittat ta magaalooliy labaatanna kee namma magaala takke kee, tohu lih kaadu ken dariifal tan gaandoodih agantah inkih Aaser kedoh im tekke.
NAFTAALI DEQSITTA KEDOH YECEEN BAAXO
32Yalli saami caxxal leceyhaak yeyyeeqe baaxo akah yeceenim, Naftaali deqsitta kedok ten. 33Too marak cuduud Celef deqsitta magaalak qimbisaah Xaqnannim deqsitta magaalah garil tan kaxxa caxa fan guffa haa. Tokkeek Adami-Nekeb kee Yabneel deqsitta namma magaalaak Lakkum deqsitta magaala guffa haah, tokkeek Ordon weeqaytut yaadee. 34Naftaalik gabbi-qaxa raaqa cuduud Ordon weeqaytuk qimbisaah; tokkeek ayrô culma kabul Adnot magaalay Tabor qaleh xaqul tanihiyya fan gufa. Tokkeek cuduud keenik kilbat le kabu fanah makka 'yah ayrô-mawqa le kabut raaqa Dablon cuduud gexam gexak Cukkok deqsitta magaala guffa haa. Tokkeek cuduud keenik ayrô-culma fan gexak, Dablonuk kilbat le kabut raaqa cuduud inkih gexam gexa. Ayrô-culma le kabuk Aaser baaxo keenik raqta. Ordon weeqayti ayrô-mawqa le kabut raaqa. 35Gaso maroh edde tan magaaloolik keenih yeceenim, Xiddim kee Seer kee Cammat kee Rakkat kee Kinneret kee 36Adaama kee Raama kee Caxor kee 37Kedes kee Adraqi kee Qen-Caxor kee 38Yiron kee Migdalel kee Corem kee Beet-Qanat kee Beet-Semes deqsitta magaalooliy taban kee sagaala takke kee, a magaaloolih dariifal tan gaandoodih agantah keenih yeceen. 39Ta magaalooli kee tet dariifal tan gaandoodi kee baaxo inkih Naftaalî-kedoh im tekke.
DAAN DEQSITTA KEDOH YECEEN BAAXO
40Yalli saami caxxal malciinhaak yeyyeeqe baaxo akah yeceenim, Daan deqsitta kedo. 41Baaxo keenik Xorqa kee Estool kee Qirsemes kee 42Saqlabbin kee Ayyalon kee Yitla kee 43Ilon kee Timnaq kee Ekron kee 44Eltakee kee Gibbaton kee Baqalat kee 45Yahud kee Banibarak kee Gat-Rimmon kee 46Meyarkon kee Rakkon kee Yaffa deqsitta baaxol enna 'ta arooca inkih kenimi. 47-48Ta magaalooli kee tet dariifal tan gaandoodi inkih Daan kedoh yeceen baaxol ten.
Takkay immay naqboytit tohuk lakal Daan marak baaxo beenih. Too waqdi Daan mari Laysa deqsitta magaala gexxa 'yeh qeebit yibbixen. Teetil suge mara seleeniih, magaala isinnih raqsiten. Tokkel nookeeniih, magaalak migaq korissa heeniih, isinnim aben. Migaaqah ken kedo akak radde Daan deqsita numul heen.
YOOSUWAH YECEEN BAAXO
49Ta baaxo Israayil marah inkih kurra heenih gaba kalla heen waqdi, Yoosuwah usuk elle faxe ikkel baaxo kaah yeceen. 50YALLI elle iyye innal, usuk isih elle essere aracal baaxo kaah yeceen. Usuk faxem, qaleela le Efrayim rasuk Timnat-Serac deqsitta magaalak ten. Too magaala kaah yeceen. Usuk woo magaala nammeyhaak xisak uqusbussa heeh dabaaqah elle gace.
51Sek Alqedar kee Nuun-Yoosuwa kee Israayil makaabon Siilô magaalal Israayil-kedoodah baaxo kurra heen. Tokkel Yallih Nabnah-Siraqak culmal, saami caxxa keenih qidak, woo saami caxxal YALLI akah iyye numuh acayuk, baaxo tonnal keenih yeceen.#19:51 saami caxxa keenih qidak Mawqa deqsita kitaabal 28:30 wagita. Israayil mari, *Urim kee Tummim deqsitta duyye qidak, woo duyyel Yalli faxam aaxaguk yenen.
Currently Selected:
Yoosuwa 19: NKM
Highlight
Share
Copy
Want to have your highlights saved across all your devices? Sign up or sign in