ሃዋ̈ 8
8
1ሳ̈ኦ̈ላር ኢስጣፋ̈ኖ̈ሲ ዓይቃ̈ዚን ኮሼ̇ ጌይ ኣሳ̈ባር ዎል ፔቲ̇ ቆፊ ኤ̈̇ኔ።
ኣማኒዝ ኣሳ ዳኪንቲ ላ̈ሊ̇ንቲ̇ዴ
ኢስጣፋ̈ኖ̈ሲ ዓይቃ̇ዝ ቃሚ̇ን ዬሩሳ̈ላም ዎ ኣማ̇ኒዝ ኣሳን ጋልዳ ሚ̈ን ዳሲ̇ ዬይዴ። ሃዋ̈ራታን ሙታ̇ ኣቲ̇ንዶኬ ኣማ̇ኒዝ ኣሳ ሜላ ዎይ ዪሁዳኬ ሳማ̈ራ ጋዳ̇ ዎይ ላ̈ሊንቲ̇ዴ። 2ጾ̈ሳ̇̇ ጎይኒ፥ ዎ̈ሳባር ሚ̈ጚ ዎ ፔቲ̇ ፔቲ̇ ኣሳን ኢስጣፋ̈ኖ̈ሳ ዎይሊን ዬ̈ኪ ኢያ ዱ̈ኪ̇ዴ።
3ሳ̈ኦሊ̇ ኣማ̇ኒኖ ኣሳን ይሳ̇ንዳብ ጊጻ̇ር ዲንዳሪ ፔታ̇ና ኣላፖ̇ ፔታ̇ና ኣል ጌሊሙታ̇ ኣቲናር ማ̈ቂ̇ን ማጫ̇ር ማ̈ቂ̇ን ዎይ ኬ̈ፖ̇ ጎ̈ቺ̇ ኬሲ̇ ቃሺ ኣል ጌልሲ̈ዴ።
ጾ̈ሳ̇ ቃ̈ላ ሳ̈ማራ ጋዳ̇ ሳባ̇ኪንቲ̇ዴ
4ዪን ላ̈ሊንቲኖ ኣማ̇ናን ፌ ሉኪ̇ኖ ቤሲ̇ን ዎ̈ይ ጾ̈ሳ̇ ቃ̈ሊን ሳባ̇ኪዴ። 5ፊልጶ̈ሳሬ ሳማ̇ራ ጋ̈ዝ ፔቲ̇ ካታ̇ሚን ጋርታ ቶ̈ራ ሉካ̇ሪ ክርስቶ̈ሳኮን ሳባ̇ኪዴ። 6ዎይሊን ዎርዦ ፊልጶሲ ሶ̈ላዚን ሲስካ̇ርኬ ኢ ዎቲኖ ጋራሚሲዝ ማላ̇ን ቤቃ̇ሪ ዎልኣ ፔቲ̇ ቡ̈ዳባር ኢ ሶ̈ላዚን ዎይ ሲስኪ̇ዴ። 7ኢ̈ታ ኣያ̇ናንሬ ዉይሲሙታ̇ ዎይሊን ኣሳ ጋልዳፖ̇ ኬስኪ̇ዴ ዎይሊን ዎባ̇ንኬ ቶሂ ሾሊኖን ፋጺዴ። 8ዪ̈ኮታ̇ቦ ካታ̇ሚን ጋርታ ዎ ኣሳንቦ ጴች ኡፋይስ ማ̈ቃ̇ዴ።
9ዪና̇ ኢዝ ካታሚን ጋርታ̇ ማራ ማሪቲሙታ̇ ሳማ̈ራ ዎ ኣሳን ዎይ ዎይሊን ጋራሚሲሙታ̇ ጋምኢኖ ሲሞ̈ና ጌይዛ ፔቲ̇ ኣሲ ዎ፤ ኢያር ፌ̈ና ጴች ኣሴ ጌዪ ዎ ኣሴ። 10ኣሳንር ዎይ ጊላ̇̈ዳር ጴቻ̇̈ዳር ዎይ “ዪ ና̈ሳ̈ዲ ‘ጴች ዎ̈ልቃ’ ጌይንታ̇ር ጼይጊንቲዝ ጾ̈ሳ̇ ዎልቃ̈ዳ” ጌዪሙታ̇ ኢ̈ኮን ዋይሲ ሲስኪ̇̈ሬ። 11ኢንቲ̇ ኢ ጋ̈ዚን ዎይ ዋይሲ ሲስካ̇ዚንዳ̇ ኢ ዎይሊን ኬ̈ላፖ̇ ኤ̈ር ዦ̈ቂ ኦ̈ሳባር ኣሳ ጋራሚሲሙታ̇ ዎኮታ̇ቦ። 12ዎቲናካር ፊልጶ̈ሲ ሳባ̇ኪ̇ኖ ጾ̈ሳ̇ ካ̈ቲቲንዲኬ ዬሱ̈ስ ክርስቶ̈ሳ ሱምንኮን ዎጛሊን ሲስካ̇ር ኣቲናንሬ ማጫ̇ንር ኣማ̇ናር ጻማ̇ቂንቲ̇ዴ። 13ሜላ ኣቲን ሲሞ̈ን ፌ ቆ̈ሚ̇ን ኣታካይ ኣማ̇ናር ጻማ̇ቂንቲ̇ዴ። ፊልጶ̈ሲ ኦ̈ዝ ጋራሚሲዝ ባዛንኬ ጴች ታ̈ሚ̇ራ̈ታን ቤቃ̇ር ጋራ̇ሚንታ̇ሪ ኢ ሉካ̇ዝ ቤሲ̇ን ዎይ ኢያር ኢ ዎሂን ዬ ኤ̈̇ዴ።
14ሳማ̈ራ ጋዶ̇ ኣሳን ጾ̈ሳ̇̇ ቃ̈ሊን ሲስካ̇ር ኣማ̇ኒኖን ዬሩሳ̈ላም ዎ̈ ሃዋ̈ራታን ሲስካ̇ሪ ጴ̈ጥሮሳኬ ዋ̈ኒ̇ሳክ ዎልኣ ኢንታ̇ክ ሚሺዴ። 15ኢንታ̇ሬ ሳማ̈ራ ዬላ̇ሪ ኣማ̇ኒኖ ኣሳንቦ ጌ̈ሻ̇ ኣያ̇ና ኢንቲ̇ ኤካ̇ምፔ̈ኒ ኢንታብ ጾ̈ሳ̇̇ ዎ̈ሲ̇ዴ። 16ኣባ ጌይን ሳማ̈ራ ኣሳን ጎዳ ዬሱ̈ሳ ሱምንባር ኣማ̇ናር ጻማ̇ቂንቲንዶኬ ጌ̈ሻ̇ ኣያ̇ኖ ኢንታ ጋርታ̇ፖ̇ ፔቲ̇ ኣሳ ጋልዳር ቢርት ሶ̈ባካ̇ዬ። 17ኢናፖ̇ ጴጥሮ̈ሳኬ ዋ̈ኒ̇ሳክ ፌ ኩሽ ኢንታ ጋልዳ ጋዳ̇ር ዎ̈ሲ̇ን ጌ̈ሻ̇ ኣያ̇ኖ ኢንታ ጋልዳ ሶ̈ቢዴ።
18ሃዋ̈ራታን ፌ ኩሽ ኣሳ ጋልዳ ጋዳ̇ር ዎ̈ሲ̇ን ጌ̈ሻ̇ ኣያ̇ኖ ኣሳብ ኢሚ̇ንታዚን ሲሞ̈ኒ ቤቃ̇ሪ ሚ̈ሺ̇ ኢንታ̇ብ ኤኪ̇ ዬ̈ሪ፥ 19“ታ̈ናር ቴ ኩሺን ኣሳ ጋልዳ ጋዳ̇ር ዎ̈ሲ̇ን ኣሲ ጌ̈ሻ̇ ኣያ̇ና ኤካ̇ምፔ̈ን ዎታዝ ኤሪን ዪኖ̇ ዪንቲ ታ̈ብ ኢማ̇ንቲሼ̈” ጌይዴ።
20ጴ̈ጥሮ̈ሲ ኢኮ “ጾ̈ሲ̇ ጪጊሻካ̇ይ ሜላ̇ ኢሚ̇ዝ ባዚን ኔ̈ኒ ሚ̈ሻ̇ባር ዎጛንዳብ ኮዪኖኮታ̇ቦ ኔ̈ናር ኔ ሚ̇ሺ̇ንዳር ዎልኣ ሜናብ ዪብቴ̇! 21ጾ̈ሳ̇ ቲን ኮሽ ቆ̈ፊ ኔ̈ብ ባዮኮታ̇ቦ ዓ ኦ̈ሳ ጋርታ ኔብ ቤ ባዬ̇። 22ዓታ̇ር ኔ ኢ̈ቲቲን ዓኒ̇ቦ ማ̈ሪቲ ጌላር ዎ̈ሳ̇ቤ፤ ኦ ኤሬ ጾ̈ሲ̇ ኔ ቡ̈ዳ ጋርቶ ቆ̈ፊን ኢ̈ቲን ዪኒ̇ቦ ኔ̈ብ ኣቶ̈ ጋ̈ንዳ̇ብ ዳንዳኢ̈ሬ። 23ኔ̈ኒ ናጋራባር ቃቺንቲ̇ኖንዲኬ ኔ̈ ጋርታ̇ ጴች ቂና̈ታ ኩሚኖ ኣስ ማ̈ቂ̇ኖን ታ̈ብ ኤሪንታ̇̈ሬ” ጌይዴ።
24ሲሞ̈ኒ ማ̈ቃ̇ሪ ኢንታ̇ኮ “ዪንቲ ዓት ሶ̈ሊኖ ሶ̈ላን ጋርታፖ̇ ኣባካር ታ ጋልዳ ዬላ̇ካ̇ዮ̈ዲፌ̈ን ዪንቲ̇ ታ̈ብ ጾ̈ሳ̇ ዎ̈ሲ̇ብቴ̈” ጌይዴ።
25ጴ̈ጥሮ̈ሳኬ ዋ̈ኒ̇ሳክ ዎልኣ ጎዳ ቃ̈ሊን ማርኪቲ ጌ̈ሻ̇ር ሶ̈ሊኖፖ̇ ዓኒ ዎይሊን ቤስ̇ ሳማ̈ራ ጋዲን ጋርታ ዎጛላ ሳባ̇ኪ ሙታ̇ ማ̈ቂ̇ ዬሩሳ̈ላም ዬይዴ።
ፊሊጶ̈ሲ ቶጳ̇ ጋዶ̇ ና̈ሳ ጻማቂዴ̈
26ጾ̈ሳ̇ ኪ̈ታ̇ንቻ̈ዲ ፊልጶ̈ሳኮ “ዲንዳር ዬሩሳ̈ላማፖ̇ ጋ̈ዛ ኤ̈ጛዝ ባራሃ ጎይምባር ዎታር ኦፓ̇ ጎይ ሉካ̇ቤ” ጌይዴ። 27ኢያሬ ዲንዳር ሉኪ̇ዴ፤ ኢና ቶጳ̇ ጋዶ̇ ፔቲ̇ ዳይንዶሪ ጾ̈ሳ̇ቦ ጎሽታ̇ንዳቦ ዬሩሳ̈ላም ሉኪ̇ንዶን፥ ዪ̈ ና̈ሳ̈ዲ ሂንዳ̈ኪ ጋ̈ዚን ቶጳ̇ ጋዶ̇ ማጫ̇ ካ̈ቲዶን ኢዝ ቆሊን ዎይ ኤ̈̇ ና̈ጋንዳ̇ብ ሲልጣ̈ና ዎ ኣሴ። 28ኢ ፌ ጋዳ̇ ማ̈ቂ̇ርዶሪ ፋራባር ጎቺንቲ̇ዝ ጋ̈ሪ ጋልዳ ዶ̈ኣሪ ና̈ባ ኢሳ̇ሳ ማጻ̈ፊን ናባ̇ቢ̈ሬ። 29ዪና ኢዝባራ ጌ̈ሻ̇ ኣያ̇ኖ ፊልጶ̈ሳኮ “ጋ̈ሪንኮ ሉካ̇ ኡካ̇ር ኤቃ̇ቤ” ጌይዴ። 30ፊልጶ̈ሲ ኤሊር ጋ̈ሪንኮ ሉኪ̇ዴ፤ ና̈ሳዳር ና̈ባ ኢሳ̈ሳ ማጻ̈ፊን ናባ̇ባምባ̇ር ሲስካ̇ር ኢ̈ኮ “ዓት ዪና̇ ኔ ናባ̇ባዚን ኢዝ ቢርሺቺ̇ን ኔ̈ብ ጌላ̈ራ?” ጌይዴ። 31ና̈ሳ̈ዳር ማ̈ቃ̇ር ኢ̈ኮ “ታ̈ብ ሶ̈ሊ ጌልሲዝ ኣሲ ባይዶ̈ን ዎዛ̈ርታር ታ̈ብ ጌላ̈ራ?” ጌይዴ። ኢናፖ̇ ፊልጶ̈ሲ ጋ̈ሪ̈ን ጋልዳ ኬስካ̇ሪ ፌባር ዶ̈ኣምፔ̈ን ኢያ ጌሺዴ። 32ና̈ሳ ዳይናዲ ናባ̇ባዝ ማጻ̈ፊን ቤሲ̇ንዳ፥
“ኢ ዶሪፌ̈ኒ ሹኪንታ̇ንዳብ ጎ̈ቺ̇ንቲዴ፤
ኢዝ ኢሲንን ቃጺ̇ዝ ና̈ሳ ቲ̈ን ዚምዶ̈ኣዝ ዶሪ ናኢንዲፌ̈ኒ
ኖ̈ና ሶ̈ላካ̇ዬ።
33ኢ ዉርዳት ቤቂ̇ዴ፤ ኪን ፊርዳር ዲጛካይ ኣቲ̇ዴ።
ኢ ሼምፒ̇ን ሳ̈ዝ ጋልዳፖ̇ ዪኖኮታ̇ቦ
ኢ ዜር ባዝ ኦ ሶ̈ላንዳብ ዳንዳኢ̈ራ?” ጋ̈ሬ።
34ና̈ሳ ዳይና̈ዲ ፊልጶ̈ሳኮ “ናባ ዓኖ̇ ኦ ባዝ ሶ̈ሊ̈ራ? ፌ ባዝቤ ዎይ ሜላ ኣሳ ባዛ? ዋ̈ዴ ታ̈ብ ሶ̈ሊሼ” ጌይዴ። 35ፊልጶ̈ሳሬ ማጻ̈ፊን ዪኒ̇ ቤሲ̇ን ጋልዳፖ ኤ̈ሪ ዬሱ̈ሳ ዎጛላ ኢ̈ብ ሳባ̇ኪዴ። 36ኢንቲ̇ ሉካ̇ዚምባ̇ራ ጎይም ጋልዳ ዋ̈ ዎ ቤስ̇ ዬላ̇ሪ ና̈ሳ ዳይናዲ ኢ̈ኮ “ዓይ ዋ̈ ዎ፤ ዪዚ ታ ዓንዳ ጻማ̇ቂንታ̇ንዳብ ታ̈ና ካያዝ ባዚን ኣብዛ?” ጌይዴ። 37[ፊልጶ̈ሳር ኢ̈ኮ “ኔ ኪን ቡ̈ዳባር ኣማ̇ኒኖኮ ጻማ̇ቂንታ̈ንዳብ ዳንዳኣ̈ሬ” ጌይዴ። ና̈ሳዳር ኢ̈ኮ “ዬሱ̈ስ ክርስቶ̈ሲ ጾ̈ሳ̇ ናኢ ማ̈ቂ̇ኖን ታ ኣማ̇ና̈ሬ” ጋ̈ሪ ኢ̈ብ ማሂዴ።] 38ኢናፖ̇ ጋ̈ሪን ኤቃ̇ምፔ̈ን ኪ̈ቲ̇ዴ ናምኣን ዎልኣ ዋ̈ን ጋርታ ጌላሪ ፊልጶ̈ሲ ና̈ሳ ዳይና ጻማ̇ቂዴ። 39ኢንቲ̇ ዋ̈ን ጋርታፖ̇ ኬስኪ̇ን ጾ̈ሳ̇ ኣያ̇ና̈ዲ ፊልጶ̈ሳ ዲንር ኤኪ̇ ሉኪ̇ዴ፤ ኢናፖ̇ ዎሃ ና̈ሳ ዳይና̈ዲ ኢያ ቤቃካ̇ዬ። ማ̈ቂ̇ናካሬ ኡፋይስባር ፌ ጎይን ሉኪ̇ዴ። 40ዪኒ̇ፖ ዓኒ ፊልጶ̈ሲ ኣዛ̈ጦሳ ጋ̈ዝ ካታሚን ጋርታ̇ ቤንታ̇ሪ ኢናፖ̇ ቂሳ̈ራ ዬሊ̇ዝ ዲራስ ፌ ኣ̈ዝ ካታማን ዎይን ጋርታ ጾ̈ሳ̇ ቃ̈ላ ታማርሲሙታ̇ ዬ̇ዴ።
Currently Selected:
ሃዋ̈ 8: ኦጫ̈ቃማ
Highlight
Share
Copy
Want to have your highlights saved across all your devices? Sign up or sign in
