ሉቃ̈ሳ 17
17
ኣሳብ ፊ ማ̈ቃ̇ንዳብ ኮሺባ̈ሴ
ማ̈ቶ̈ሳ 18፡6-7፥21-22፤ ማ̈ርቆ̈ሳ 9፡42
1ዬሱ̈ሲ ፌ ታማ̈ራንኮ “ኣሳብ ፊ ማ̈ቃ̇ር ናጋራ ኦ̈ምፔ̇̈ን ዎቲዝ ባዚ ዬንት ኣቲ̇ባ̈ስዶኒ ዪኒ̇ ፌ̈ኖ ፊን ዬ̈ምፔ̇̈ን ዎቲዝ ና̈ሳ ኢ ባዚ ኣዬ̇። 2ዪ ና̈ሳ̈ዲ ዪን ጊላ̇ን ጋርታ̇ፖ̇ ፔታ̇ና ናጋራ ኦ̈ምፔ̈ን ዎታናፖ̇ ጴች ዎጽ ሹች ኢ ጋኒ̇ን ጋል ቃቻ̇ር ባሃ̈ራ ጋርታ̇ ኢያ ሚሺ̈ርኮ ኢ̈ብ ኮሼ̇። 3ዪዚ ዪንቲ̇ ኦ̈ናካር ማ̈ቂ̇ን ናጋራ ጋርታ̇ ጌላምፔ̇̈ን ዎታካ̇ይፌ̈ኒ ናጊንቲ̇ብቴ̇።
“ኔ ላጋ̇ ኔ̈ብ ኢ̈ት ኦ̈ጌይን፥ ኢ ኢ̈ት ኦ̈ኖን ኢ̈ብ ሶ̈ላቤ። ኢ ‘ታ ባላ’ ጌዬጌይን፥ ኢ̈ብ ኣቶ̇ ጋ̈ቤ።
4ኢ ፔቲ̇ ጋላስ ሙታ̇ ታብዛ ቶህ ኔ ጋልዳ ኢ̈ት ኦ ታብዛ ቶህ ኔ̈ክ ዬ̈ሪ ‘ቴ ኔ̈ብ ኢ̈ት ኦ̈ኔ ታ ባላ’ ጌዬጌይንዶ ኢ̈ብ ኣቶ̇ ጋ̈ቤ” ጌይዴ።
5ሃዋ̈ራታን ጎዳ̈ኮ “ኑ ኣማ̇ናባር ሚ̈ጛምፔ̈̇ን ዎቲሼ” ጌይዴ።
6ኢያር ኢንታ̇ኮ “ዪንታ̇ቦ ጊላ̇ ማይጽ ኣ̈ፍፌ̈ኖ ኣማ̇ና ዎኮ፥ ዪንቲ̇ ኣማ̇ናባራ ዓና̇ ኤን ‘ሚዲንታ̇ር ባሃ̈ራ ጋርታ̇ ኬዳ̇ቤ’ ጌዬጌይን ኬዳ̇̈ሬ” ጌይዴ።
7“ማ ኢ ኢንታ̇ኮ ዪንታ̇ ጋርታ̇ፖ ፔታ̇ና̈ቦ ዎት ዎቲዝ ኣሲ ዎይ ዶሪ ዬ̈ጚዛ ማ̈ቂ̇ኖ ፔቲ̇ ኣይላ ኢ̈ብ ዎኮ ኢ ዎት ጋርታ̇ፖ̇ ማ̈ቃ̇ምባራ ኢ ላ̈̈ዲ ‘ኤሊ̇ ዓይ ዶኣራ ፊ̈ሺ ሞ̈ቤ’ ጌይራ? 8ዪኒ̇ፌ̈ን ጋ̈ባሴ። ኢ ጌይዛ̈ዲ ‘ታ̈ቦ ኢራ̈ታ ጊ̈ጊሳቤ፤ ቴ ሙያ ኡሽካ̇ ዉርሲ̇ዝ ዲራ̈ስ ኔ ኦ̈ስ ኣፊሊን ማኣራ ታ̈ቦ ዎ̈ሲንታ̇ቤ፤ ኢናፖ̇ ዎሃ ኔ̈ኒ ሙያ ኡሽካ̇ ዎታ̈ሬ’ ዪዝ ጋ̈ባስዶንዴ̇? 9ዪዚ ዪ ና̈ሳዲ ኢ ኣይላ ኪ̈ቲንታ̇ር ኦ̈ ፎቲኖኮታ̇ቦ ኢያ ኣንጂ̈ራ? 10ዪና̇ ኢዝፌ̈ኒ ዪንታ̇ሬ ዪንታ̇ ኦ̈ ጌይኖን ዎይ ኦ̈ ዉርሲ̇ኖፖ̇ ዓኒ ‘ኑ̈ኒ ፋባ̈ሶ ኣይላ፤ ኑ̈ና ኦ̈ቤ ጌይኖን ሙታ̇ ኦ̈ኔ’ ጌብቴ̇” ጌይዴ።
ዬሱ̈ሲ ሹያባሮ ታጳ ኣሳን ፋዴ
11ኢናፖ̇ ዬሱ̈ሲ ዬሩሳ̈ላም ሉኪ̇̈ርዶሪ ሳማ̈ራኬ ጋሊላ ጋዲን ዎሳሊንባር ኣ̈̇ዴ። 12ኢናፖ̇ ኢ ፔቲ̇ ሳፋራ ጋርታ̇ ጌሊኖንዲፌ̈ኒ ሹያባሮ ታጳ̇ ኣሳን ኢ̈ክ ዬ̈ርዶር ጎት ኤቃ̇ር 13ፌ ቆ̈ ሾክ ዎታሪ “ጎዳ̈ዶ! ዬሱ̈ሶ! ኑ̈ብ ሚጪንታ̇ር ኑ̈ና ፋሼ!” ጌይዴ።
14ዬሱ̈ሲ ኢንታ̇ ቤቃ̇ሪ “ዪንቲ̇ ሉካ̇ሪ ዪንታ̇ ቄ̈ሳንቦ ቤይሲብቴ̇” ጌይን ኢንታ̇ር ጌዳ ሉካ̇ምባራ ጎይምጋልዳ ኢንታ ጋልዶ ሹዪንዳ̇ ያዴ።
15ኢንታ̇ ጋርታ̇ፖ ፔታ̇ና̈ዲ ፌ ዓርጊን ጋርታ̇ፖ̇ ፋጺኖን ቤቃ̇ሪ ፌ ቆ̈ ሾክ ዎታር ጾ̈ሳ̇̇ ጋላቲሙታ̇ ዬሱ̈ሳክ ማ̈ቃ̇ሪ፥ 16ኢ ቶሂን ጋልዳ ኬዳ̇ር ኢያ ጋላቲዴ። ዪ ና̈ሳ̈ዲ ሳማ̈ራ ጋዶ̇ ኣሴ።
17ዬሱ̈ሲ ኢያ ኦይጪ̇ርዶሪ “ፋጺኖን ታጳ̇ ኣስ ባያ? ዓት ዪ̈ዶኮ ሳካሊ ኣሳን ዎይዲ ኣቴ̇? ጋ̈ር ኦይጪ̇ዴ። 18ኣሳ ጋዶ̇ ና̈ሳ ዓ̈ፖ̇ ኣቲ̇ን ሜላ ኣሲ ዬ̈ር ጾ̈ሳ̇̇ ጋላቲዛ ባዬ̇ ጌንት ባያ?” ጌይዴ። 19ኢናፖ̇ ኢ ና̈ሳ̈ኮ “ዪዚ ዲንዳ̇ር ሉካ̇ቤ ኔ ኣማ̇ኒን ኔ̈ና ፋኔ” ጌይዴ።
ጾ̈ሳ̇ ካ̈ቲቲን ዬንቲ̇ን ዎዛራ?
ማ̈ቶ̈ሳ 24፡23-28፥37-41
20ፔቲ̇ ጋላስ ፋራሳ̈ዋን ዬሱ̈ሳ “ጾ̈ሳ̇̇ ካ̈ቲቲን ኣ̈ንታ ዬ̈ራ?” ጋ̈ር ኦይጪ̇ን፥ ኢያር ኢንታ̇ኮ “ጾ̈ሳ̇̇ ካ̈ቲቲን ዬ̈ዝ ጋላሲ̇ን ማላ̇ ቤይሳር ዬ̈ባሴ። 21ኦ̈ናካር ጾ̈ሳ̇̇ ካ̈ቲቲን ‘ዓንዳ ዎ’ ዎይ ‘ሴካንዳ ዎ’ ጋ̈ንዳ̇ብ ዳንዳኢባ̈ሴ። ኣባ ጌይን ጾ̈ሳ̇̇ ካ̈ቲቲንዳ ዪንታ̇ ጊዳ̇ ጋርታ̇ ዎ” ጋ̈ር ኢንታ̇ብ ማሂዴ።
22ዬሱ̈ሲ ፌ ታማ̈ራንኮ “ዪንቲ̇ ቴ ኣሳ ናኣባራ ‘ሜላ ኣቲ̇ን ፔቲ̇ ጋላስ ኑ ኢባር ፌ̈ሽኪኖኮ ኣ ዎ’ ጌይዝ ቃሚ̇ ዬይሬ። ዎቲናካሬ ዪኖ̇ ዪንቲ̇ ዲጚባ̈ሴ። 23ኦ̈ናካር ዪንታ̇ኮ ‘ክርስቶ̈ሲ ዓይ ዓዲሼ ዎይ ሴካ̈ዲሼ’ ጌዬጌይን ኢንቲ̇ ጋ̈ዚን ኣማ̇ናፒ̇ቴ። ኢንታ ዎሂንዳ̇ር ሉካፒ̇ቴ። 24ዜ̈ሊን ኣፋ ዜ̈ሊጛሪ ዎይ ቤስ̇ ፎ̈ኢሳዚንዲ̇ፌ̈ኒ ቴ ኣሳ ናኣ ዬ̈ዝ ጋላሲ̇ንዳ̇ ዪኒ̇ፌ̈ን ማ̈ቃ̇̈ሬ። 25ማ̈ቂ̇ናካሬ ዪ ማ̈ቃ̇ናፖ ቲ̈ን ቴ ኣሳ ናኣ̈ዲ ዎይሊን ሜታ ኤካ̇ንዳ̇ብኬ ዓ̈ ዬሊቲ ጋርታ̇ ዎ ኣሳንባር ሌቂንታ̇ንዳ̇ብ ዎ።
26“ኖ̈ሂ ዎ ላይን ጋርታ̇ ማ̈ቂ̇ኖንዲፌ̈ን ዎይ ቴ ኣሳ ናኣ ዬ̈ዝ ላይን ጋርታ̇ ዪኒ̇ፌ̈ን ማ̈ቃ̇̈ሬ። 27ኖ̈ሂ ጎጚን ጋርታ̇ ጌሊዝ ጋላሲ̇ን ዬሊ̇ዝ ዲራ̈ስ ኣሳን ሙዪ ኡሽኪ̇ ዎልዎል ኤኪ̇ ዪዝ ዎታዚምባ̇ራ ይሲ̇ዝ ዋ̈ ዬ̈ሪ ኢንታ̇ ዎይ ይሲ̇ዴ።
28“ሎ̈ጢ ዎ ላይን ጋርታ̇ሬ ዪና̇ ኢዝፌ̈ን ኣሳን ሙዪ ኡሽኪ̇ ዓኒ ዎ̈ጚ፣ ጌዳ ዎጚ፣ ዱጫ ቶኪ̇፣ ኬ̈ ኬ̈ጺ̇ ዪስቲ̇ ዎን ጋርታ̇፥ 29ኢ ሶዶማ ካታሚን ጋርታ̇ፖ ኬስኪ̇ኖ ጋላሲ̇ን ኣፋፖ̇ ታማኬ ኤይቲ̇ዝ ሹች ኢርፌ̈ን ኬዳ̇ሪ ዎይ ባዝ ይሲ̇ዴ።
30“ታ ኣሳ ናኣ ዬ̈ዝ ጋላሲ̇ንዳሬ ዪና̇ ኢዝፌ̈ን ማ̈ቃ̇̈ሬ። 31ዪና̇ ኢዝ ጋላስ ዛ̈ና ዎ ኣሲ ፌባዝ ኬ̈ን ኤካ̇ንዳ̇ ጋ̈ሪ ማ̈ቃ̇ር ኣ̈ል ጌላፖ̇፤ ዎት ጋዳ̇ ዎ ኣሳሬ ኣ̈ል ዬንዳ̇ ጋ̈ር ጋስ ማ̈ቃፖ̇። 32ሎ̈ጢ ማጪ̇ን ጋልዳ ዬሊ̇ኖ ባዚን ኤልቅ ዎቲብቴ̇። 33ኦ̈ናካር ሳ̈ዝ ጋልዳ̇ ፌ ሼምፒ̇ምቦ ቆይቲ̇ዝ ኣሲ ፌ ሼምፒ̇ን ይሲ̈ሬ፥ ፌ ሼምፒ̇ምቦ̇ ቆይታካ̇ይ ቴ ዎሂን ዬ̇ዝ ኣሲ ፌ ሼምፒ̇ን ፋ̈ሬ። 34ቴ ዪንታ̇ክ ጋ̈ዚንዳ፥ ዪና̇ ኢዝ ቃሚ̇ ፔቲ̇ ኣርሳ ጋልዳ̇ ሱርቂ̇ኖ ናምኢ ኣሳን ጋርታ̇ፖ̇ ፔታ̇ና ፉዳ ኤኪንቲ̇ን ፔታ̇ና ኣቲ̇̈ሬ። 35ናምኢ ማጫ̇ን ዎልኣ ፔቲ ቤሲ̇ ዎን ዎንታ̇ዚምባራ ፔታ̇ኒን ፉዳ ኤኪንቲ̇ን ፔታ̇ኒን ኣታ̇̈ሬ። 36[ናምኢ ኣሳን ዎልኣ ፔቲ̇ ቤስ̇ ዎት ዎታዚምባራ ፔታ̇ና ፉዳ ኤኪንቲ̇ን ፔታ̇ና ኣቲ̇̈ሬ።] 37ኢንታ̇ሬ ማ̈ቃ̇ሪ “ጎዶ! ሉኪ̇ዝ ኣሳን ዎይዲያ?” ጋ̈ር ኢያ ኦይጪ̇ዴ። ኢያር ኢንታ̇ኮ “ዓይቂ̇ኖ ባዝ ዎ ቤሲ̇ ጺላ ሺ̈ቂ̈ሬ” ጋ̈ር ማሂዴ።
Currently Selected:
ሉቃ̈ሳ 17: ኦጫ̈ቃማ
Highlight
Share
Copy
Want to have your highlights saved across all your devices? Sign up or sign in
