ማ̈ርቆ̈ሳ 3

ዬሱ̈ሲ ና̈ሳ ኩሽ ዎባ̇ ፋዴ

ማ̈ቶ̈ሳ 12፡9-14፤ ሉቃ̈ሳ 6፡6-11

1ዬሱ̈ሲ ማ̈ቃ̇ሪ ኣይሁዳን ዎ̈ሳ ኬ̈ ጋርታ̇ ጌሊዴ። ኢና ኩሺ ዎቢ̇ኖ ፔቲ̇ ኣስ ዎዶ̈ን፥ 2ዬሱ̈ሳ ሞ̈ታ̈ንዳብ ኮዪዝ ኣሳን “ዪዚ ሳምባታ ጋላስ ኢ ፋናካር ኣታ̇ናካር ኑ ቤቆ̇” ዪዝ ጋ̈ር ኢያ ና̈ጊ ኤ̈̇ዴ። 3ኢያር ና̈ሳ ኩሽ ዎባ̇ኮ “ዓይ ዬ̈ራ ኣሳ̈ ሺ̈ቂኖ ጊዳ̇ ኤቃ̇ቤ” ጌይዴ።

4ዬሱ̈ሳር ሺ̈ቂኖ ኣሳ̈ኮ “ሳምባታ ጋላስ ኦ̈ ጌይኖንዳ̇ ኮሽ ኦ̈ሳቤ ኢ̈ት ኦ̈ሳ ኦ̈ ጌይና? ሼምፓ ፋ ጌይኔቤ ይሶ̇ ጌይና?” ጋ̈ር ኦይጪ̇ን፥ ኣሳ ዚምዶኢዴ።

5ኢያር ኢንታ̇ ቡ̈ዳ ዛቢሳ ቤቂ̇ ሺን̇ ጋ̈ሪ ፌ ቡጊድባር ዎ ኣሳን ጎይል ኣ̈ፍባር ቤቂ̇ሙታ̇ ና̈ሳ ዎባ̇̈ኮ “ኣ̈ን ኔ ኩሺን ዓኒ ቢላ̇ቤ” ጌይን ዎባ̇ ፌ ኩሺን ቢሊ̇ዴ፤ ኢ ኩሺንዳሬ ዉርሳ ፋጻዴ።

6ፋራሳ̈ዋን ኣይሁዳን ዎ̈ሳ ኬ̈ፖ̇ ኬስካሪ “ኑ ዓ̈ ና̈ሳ ዎዛርታ̇ር ይሳ̇ንዳብ ዳንዳኢ̈ራ?” ዪዝ ጋ̈ር ካ̈ታ ሄሮዶ̈ስ ኣሳንባር ዞሪንቲ̇ዴ።

ዎይሊን ኣሲ ዬሱ̈ሳ ዎሂን ዬ̇ዴ

ማ̈ቶ̈ሳ 12፡15-16፤ ሉቃ̈ሳ 6፡17-19

7ዬሱ̈ሲ ፌ ታማ̈ራንባር ዎልኣ ማ̈ቃ̇ሪ ጋሊላ ባሃ̈ሪንኮ ሉኪ̇ዴ። ጋሊላፔኬ ዪሁዳፖ̇ ዎይሊን ዎርዦ ኢ ዎሂን ዬይዴ። 8ዓታ̇ር ዬሩሳ̈ላማፖ፣ ኤዶ̈ማሳፖ፣ ዮርዳ̈ኖ̈ስ ፊ̈ን ዎ ጋዳን ጋርታ̇ፖ፣ ጢ̈ሮ̈ሳፔኬ ሲዶ̈ናፖ̇ ኢ ኦ̈ኖ ኦ̈ሲን ሲ̈ስኪኖ ዎይሊን ዎርዦ ኢ̈ክ ዬይዴ። 9ኣሳ ሺ̈ቂኖ ኢያ ሱጊ ዋ̈ዪካ̇ይፌ̈ኒ ፌ̈ብ ጎጛ ኤሄ̈ምፔ̈ን ፌ ታማ̈ራን ኪ̈ቲዴ። 10ኢ ዎይሊን ኣስ ፋኖኮታ̇ቦ ማዝ ኣሳን ዎይ ቲ̈ን ኣ̈ር ኢያ ፌ ኩሽባር ዎሻ̇ንዳብ ኮያሪ ዎልዎልኣ ሱጊ ኤ̈ዴ። 11ኢ̈ታ ኣያ̇ናንር ዎይ ጋላስ ኢያ ቤቃ̇ር ኢ ቲ̈ን ኬዲ̇ ሙታ̇ዶ̈ር “ኔ̈ኒ ጾ̈ሳ̇̇ ናኣ̈ዳ ባያ?” ዪዝ ጌዪ ዉይሲ̈ዴ። 12ዬሱ̈ሳሬ “ቴ ኦ̈ናኮ ኦ̈ባካር ሶ̈ላፒቴ” ጋ̈ሪ ኢንታ ቆዲ̇ዴ።

ዬሱ̈ሲ ታጶ ናምኢ ሃዋ̈ራን ማራ̇ጺዴ

ማ̈ቶ̈ሳ 10፡1-4፤ ሉቃ̈ሳ 6፡12-16

13ዬሱ̈ሲ ኢንዳ̇ ጋልዳ ኬስካ̇ሪ ፌ ኮዪኖ ኣሳን ፌ̈ክ ዬ̈ምፔ̇̈ን ጼይጊዴ፤ ኢንታ̇ር ኢ̈ክ ዬይዴ። 14ፌባር ዶኣምፔ̈ንኬ ጾ̈ሳ̇̇ ቃ̈ላ ሶ̈ላምፔ̈ን ሚሻንዳቦ ታጶ ናምኢ ኣሳን ማራ̇ጺዴ። 15ኢ̈ታ ኣያ̇ናር ኬሳ̇ምፔ̈ኒ ኢንታ̇ቦ ዎልቃ ኢሚ̇ዴ። 16ማራ̇ጺንቲ̇ኖ ታጶ ናምኢ ኣሳንር ዪ̈ን፦ ጴ̈ጥሮ̈ሳ ጋ̈ር ጼይጊ̈ኖ ሲሞ̈ና፣ 17ቦኣኔ̈ርጌስ ዎይ “ዳዳ ናኣን” ጋ̈ር ዬሱ̈ሲ ኢንታ̇ብ ሱም ጋዲ̇ኖ ዛብዶ̈ሳ ናኣን ዓይቆ̈ባኬ ዋ̈ኒ̇ስኬ፣ 18ኢንድራ̈ሳ፣ ፊልጶ̈ሳ፥ ባርታሎሞ̈ሳ፣ ማ̈ቶ̈ሳ፣ ቶ̈ማ̈ሳ፣ ኢልፎ̈ሳ ናኣ ዓይቆ̈ባ፣ ታ̈ዶ̈ሳ፣ ፌ ጋዲምቦ ሚጪንቲ̇ዛ ሲሞ̈ናኬ 19ዬሱ̈ሳ ኢ ጻላ̈ታንቦ ኣ̈ ኢሚ̇ኖ ዪሁዳ ኣስቆሮቶ̈ዳ።

ዬሱ̈ስኬ ኢ̈ታ ኣያ̇ናን ኣላቃ ቡኤ̈ልዜቡ̈ላኬ

ማ̈ቶ̈ሳ 12፡23-32፤ ሉቃ̈ሳ 11፡14-23

20ኢናፖ̇ ዬሱ̈ሲ ፔቲ̇ ኣሳ ኣ̈ል ጌሊዴ። ዎይሊን ዎርዦ ኢና ማ̈ቃ̇ር ሺ̈ቂኖኮታ̇ቦ ኢያኬ ኢ ታማ̈ራን ሜላ ኣቲ̇ን ቡና ኡሽካንዳ̇ብ ዳንዳኣካ̇ዬ። 21“ዬሱ̈ሲ ዣ̈ሽቲኔ” ጌይን ሲስካ̇ሪ ኢ ዳባ̇ን ኢያ ኤ̈̇ንዳብ ዬይዴ።

22ዬሩሳ̈ላማፖ̇ ዬይኖ ሙ̈ሳ ሂጋ̇ ታማ̈ርሲዝ ኣሳን “ኢ ጋልዳ ቡኤ̈ልዜቡ̈ል ዎ፤ ኢ ኢ̈ታ ኣያ̇ና ኬሲ̇ዛ̈ዳሬ ዪ ኢ̈ታ ኣያ̇ናን ኣላቃ ቡኤ̈ልዜቡ̈ላባርሽዋ” ጌይዴ።

23ዬሱ̈ሳር ኢንታ ጼይጋሪ ሚሳ̇̈ሊባር ኢንታኮ “ሴ̈ጣኖ ሴ̈ጣና ዎዛርታር ኬሳ̇ንዳብ ዳንዳኢ̈ራ? 24ፔቲ̇ ካ̈ቲ ጻና ኣቂዝ ዎርዣ ዎልዎልኣ ፋጊንቴጌይንዶ ሚ̈ጚ ዶኣንዳ̇ብ ዳንዳኢባ̈ሴ። 25ፔቲ̇ ኣ̈ሎ ኣሳሬ ዎልዎልኣ ፋጊንቴጌ̈ይንዶ ሚ̈ጛር ዶኣንዳ̇ብ ዳንዳኢባ̈ሴ። 26ዪና̇ ኢዝፌ̈ኒ ሴ̈ጣናር ፌ ኣሳን ኢጻ̇ር ዎል ፋጊንቲዝባዝ ማ̈ቄ̈ጌይንዶ ኬዲ̇̈ርዶኬ ኤቃ̇ንዳብ ዳንዳኢባ̈ሴ። 27ማ ፔቲ̇ ኣሲ ፔቲ̇ ሚ̈ን ኣስ ኣ̈ል ጌላሪ ቲ̈ን ና̈ሳ ቃቺ̇ኖፖ̇ ዓኒ ኢ ቆሊንን ቡሪ̈ርዶኬ፥ ቲ̈ን ኢያ ቃቻ̇ካ̇ይዶ̈ር ቡራንዳ̇ብ ዳንዳኢባ̈ሴ። 28ቴ ዪንታ̇ክ ኪን ጋ̈ሬ፥ ኣሲ ኦ̈ኖ ናጋራ̈ዲኬ ቆ̈ዝ ቆ̈ሳ ዎይ ኢንታብ ኣቶ̇ ጌዪንቲ̈ርዶ̈ን፥ 29ጌ̈ሻ̇ ኣያ̇ና ቆ̈ዝ ኣሳንቦ ዎይ ሜናብ ኣቶ̇ ጌዪንቲባ̈ሶ ናጋራ ኣጫ ኢንታብ ማ̈ቂ̈ሬ” ጌይዴ።

30ዬሱ̈ሲ ዪኖ̇ ጌይኖ̈ዲ ፔቲ̇ ፔቲ̇ ኣሳን “ኢ ጋልዳ̇ ኢ̈ታ ኣያ̇ና ዎ” ጋ̈ሪ ሶ̈ሊኖኮታ̇ቦ።

ዬሱ̈ሳ ኢንዲኬ ኢ ኢና̇ኣንኬ

ማ̈ቶ̈ሳ 12፡46-50፤ ሉቃ̈ሳ 8፡19-21

31ዬሱ̈ሳ ኢንዲኬ ኢ ኢና̇ኣን ዎልማ̈ቃር ኢ̈ክ ዬ̈ሪ ዛ̈ና ኤቃ̇ር ኣስ ሚሻር ኢያ ጼይጊሲዴ። 32ኢ ቡጊድባር ዶኢኖ ኣሳን ኢ̈ኮ “ኔ ኢንዲኬ ኔ ኢና̇ኣንኬ ዛ̈ና ኔ̈ና ኮዪ̈ሬ” ጋ̈ር ኢ̈ብ ሶ̈ሊን፥ 33ኢያር ማ̈ቃ̇ሪ “ቴ ኢንዲን ኦ̈ኖ? ቴ ኢና̇ኣን ዎን?” ጌይዴ። 34ፌ ቡጊድባር ዶኢኖን ቤቂ̇ሙታ̇ዶ̈ሪ “ቴ ኢንዲኬ ቴ ኢና̇ኣን ዓን። 35ጾ̈ሳ̇̇̈ቦ ኪ̈ቲንቲ̇ዛን ዎይ ኢንቲ ታ̈ቦ ኢና̇ኢ፣ ሚሾ፣ ኢንዶ” ጌይዴ።

Currently Selected:

ማ̈ርቆ̈ሳ 3: ኦጫ̈ቃማ

Highlight

Copy