ማ̈ርቆ̈ሳ ጌላ
ጌላ
ማ̈ርቆ̈ስ ዎጛላ “ጾ̈ሳ̇̇ ናኣ ዬሱ̈ስ ክርስቶ̈ሳ ዎጛላ ዣማ̇ሪዛ ዪዜ” ጋ̈ራ ዣማ̇ራ̈ሬ፤ ዓና̇ ዎጛሊን ጋርታ ዬሱ̈ሲ ሲልጣ̈ናባሮ ኣስ ማ̈ቃ̇ር ቤንቲ̇ሬ። ኢ ሲልጣ̇̈ኒንዳሬ ኢ ፌ ታማ̈ርሳዝ ቲሚርቲ̇ንባራ፤ ሴ̈ጣና ጋልዳ ኢብ ዎ ዎልቂንባርኬ ማ ኣሳ ናእ ናጋራ ኣቶ̇ ጌይኖምባር ኤሪንቲኔ̇። ዬሱ̈ሲ “ኣሳን ናጋራ ኣይሊቲ ጋርታፖ ኬሳ̇ንዳቦ ቴ ሼምፒ̇ን ኣ ኢማ̇ንዳብ ዬይኖ ኣሳ ናኣዳ” ጋ̈ሪ ሶ̈ሊኔ።
ማ̈ርቆ̈ሲ ዬሱ̈ሳ ታ̈ሪኪን ጻ̈ፊ̈ርዶሪ ሺ ቤይሲኖንዳ ኢ ቃ̈ሊንዲኬ ኢ ቲሚርቲን ጊዳካ̇ይዶን ኢ ኦ̈ኖ ታ̈ሚራ̈ታን ሺ ቤይሲኔ፤ ጻማ̇ቂዛ ዋ̈ኒ̇ሳባዝ፤ ዬሱ̈ሳ ጺንቃታኬ ኢ ሴ̈ጣናባር ፋታ̇ኒንቲ̇ኖንዶ ቃቢንባር ሶ̈ሊኖፖ ዓኒ ዬሱ̈ሲ ኣሳን ዱማ ዱማ ዓርጋ ጋርታፖ ፋኖንዲኬ ታማ̈ርሲኖ ቲሚርቲንዶ ኮሺንቻ̇ር ሶ̈ሊ̈ሬ። ዪኒ̇ፖ ዎሃ ዬሱ̈ሳ ታማ̈ራን ቲ̈ኖምፖ ኣ̈ር ኢያ ኤሪሙታ ሉካ̇ምባራ ኢያ ኢጺ̇ዝ ኣሳንሬ ቲ̈ኖምፖ ሺ ኢያ ኢጺ̇ዴ። ዉርሲ ጋልዳ ዎ ኤ̈ን ዉርሲ ሳሚንቲን ጋርታ ዬሱ̈ሳ ጋልዳ ዬሊ̇ኖ ሜታን ማ ዪን ጋርታፓሬ ኢያ ሶቲ̇ኖንዲኬ ኢ ዓይቃ ጋርታፖ ዲንዲኖን ሶ̈ሊ̈ሬ።
ማጻ̈ፊን ጋርታ ዎ ቆፋን
ጻማ̇ቂዛ ዋ̈ኒ̇ሳ ሲብካታ 1፡1-13
ዬሱሲ ጋሊላ ጋዳ ታማ̈ርሲ ኤ̈ኖንዶ 1፡14-9፡50
ዬሱ̈ሲ ጋሊላፖ ዲንዳር ዬሩሳ̈ላም ዬሊ̇ዝ ዲራስ ኦ̈ሲንቲ̇ኖ ባዛን 10፡1-52
ዬሱ̈ሲ ሜታ ኤኪ̇̇̇̇ኖንዲኬ ዓይቂ̇ኖንዶ 11፡1-15፡47
ዬሱ̈ሲ ዓይቃ ጋርታፖ ዲንዲኖንዶ 16፡1-8
ዬሱ̈ሲ ዓይቃ ጋርታፖ ዲንዳሪ ኣሳባር ቤንቲ̇ኖንዲኬ ፉዳ ኣፋ ሉኪ̇ኖንዶ 16፡9-20
Currently Selected:
ማ̈ርቆ̈ሳ ጌላ: ኦጫ̈ቃማ
Highlight
Share
Copy
Want to have your highlights saved across all your devices? Sign up or sign in