ማ̈ርቆ̈ሳ 1

ጻማ̇ቂዛ ዋ̈ኒ̇ሲ ጬ̈ቂ̇ኖ ጬ̈ቃ

ማ̈ቶ̈ሳ 3፡1-11፤ ሉቃ̈ሳ 3፡2-16

1ጾ̈ሳ̇̇ ናኣ ዬሱ̈ስ ክርስቶ̈ሳ ዎጛላ ዣማ̇ሪዛ ዪዜ፦ 2-3ናባ#1፡2-3 ናቢ ጌይዛ̈ዲ ጾ̈ሳ̇̇̈ፖ̇ ኪ̈ቲንታ̇ሪ ጾ̈ሳ̇̇ ቃ̈ሊን ሶ̈ሊ፥ ቢርት ማ̈ቂ̇ዝ ባዝ ካ̈ያ ካ̈ዪ ዎቲዝ ኣሴ። ኢሳ̈ሳ ማጻ̈ፋ ጋልዳ፥

“ታ̈ኒ ኔ ጎይሚን ኮሺንቺ̇ዝ ቴ ኪ̈ታ ኣስ ኔ ቲ̈ን ሚሻንዳ̇።#1፡2-3 ሚልካ̈ሳ 3፡1 ‘ጎዳ̈ብ ጎይን ኮሺንቺ̇ብቴ̇፥ ኢ ዬ̇ዚን ጌ̈ሺ̇ብቴ̇’ ዪዝ ጌዪ ጬ̈ቂ̇ዝ ኣስ ቆ̈ ባራሃ ጋርታ̇ ሲስኪንቲ̇̈ሬ”#1፡2-3 ኢሳ̈ሳ 40፡3 ዪዝ ጋ̈ር ጻ̈ፊንቲ̇ኔ።

4ዪ̈ኮታ̇ቦ ዋ̈ኒ̇ሲ ጻማ̇ቂ ሙታ̇ ኣሳ̈ኮ “ዪንታ̇ ናጋራ ጾ̈ሲ̇ ኣቶ̇ ጋ̈ምፔ̈ኒ ማ̈ሪቲ ጌላር ጻማ̇ቂንቲ̇ብቴ” ዪዝ ጌዪ ባራሃ ጋርስባር ጬ̈ቂ̇ ሙታ̇ ዬይዴ። 5ዪሁዳ ጋዳ̇ ዎ ኣሳ ዎይ፥ ዬሩሳ̈ላም ኣሳ̈ዳር ዎይ ኬስካ̇ሪ ፌ ናጋራ ኣሳ ቲ̈ን ቡ̈ጺ ሙታ̇ ዮርዳ̈ኖ̈ስ ዋ̈ን ጋርታ̇ ዋ̈ኒ̇ሳ ኩሽታ̇ ጻማ̇ቂንቲ̇ዴ። 6ዋ̈ኒ̇ሲ ማኢዛ̈ዲ ጊማ̈ል ጌይዝ ሜሃ ኢሲንባር ዳዲ̇ኖ ኣፊላ፥ ፌ ባንታባራ ጋማ̇ ጻ̈ዚ ጊጺ̇ሪ፤ ኢ ሞ̈ዚንዳሬ ቦ̈ላኬ ኤቲ ኤ̈ስኬ። 7ኢ ጌይርዶሪ፥ “ቴ ዪርክ ጋ̈ራ ኢ ጫ̈ሚ̇ን ቢላ̇ንዳብ ዳንዳኣካ̇ዮ፥ ታ̈ፖ̇ ሺዛ ጋስ ዬይሬ፥ 8ቴ ዪንታ̇ ዋ̈ባር ጻማ̇ቃሬ፤ ኢ ዪንታ̇ ጌ̈ሻ̇ ኣያ̇ናባር ጻማ̇ቂ̈ሬ” ጌይዴ።

ዬሱ̈ሲ ጻማ̇ቂንቲ̇ኖንዲኬ ሴ̈ጣናባር ፋታ̇ኒንቲ̇ኖንዲክ

ማ̈ቶ̈ሳ 3፡13-17፤ 4፡1-11፤ ሉቃ̈ሳ 3፡21-22፤ 4፡1-13

9ዪና̇ ኢዝ ኬሊ̇ንባር ዬሱ̈ሲ ጋሊላ ጋዳ̇ ዎ ና̈ዝሬ̈ት ጋ̈ዝ ካታሚን ጋርታፖ ዬ̈ሪ ዮርዳ̈ኖ̈ስ ዋ̈ን ጋርታ̇ ዋ̈ኒ̇ሳ ኩሽታ̇ ጻማ̇ቂንቲዴ። 10ኢ ዋ̈ን ጋርታ̇ፖ̇ ቢርት ኬስካ̇ዚምባራ ኣፋ ጪላ ፊርቂ̇ንታ̇ሪ ጌ̈ሻ̇ ኣያ̇ና ዶላፌ̈ን ማይጻር ዬሱሳ ጋልዳ ሶ̈ባምባር ቤቂ̇ዴ። 11ኢናፖ̇ “ቴ ኔባር ኡፋይቲ̇ዛ ታ ካዝ ናኣ ኔ̈ና” ዪዝ ጌይዝ ጊርሲ ኣፋፖ̇ ሲስኪንቲ̇ዴ።

12ኢናፖ̇ ጌ̈ሻ̇ ኣያ̇ና ኤሊ̇ባር ኢያ ቲ̈ናር ባራሃ ኤ̈ጚዴ። 13ሴ̈ጣና ኢያ ናጋራ ኦ̈ሲሲ̈ሬ ጌዪ ፋታ̇ናምባ̇ር ሙታ፥ ኦይዲ̇ ታጳ ቃም ማ̈ታ ባዝባራር ዎልኣ ኢና ጋም̇ኢዴ፤ ኪ̈ታንቻ̇ንር ኢ̈ብ ዎ̈ሲንቲ̇ ኢያ ማ̈ዲ̇ዴ።

ዬሱ̈ሲ ሞላ ኤ̈̇ዝ ኦይዲ̇ ኣሳን ጼይጊዴ

ማ̈ቶ̈ሳ 4፡18-22፤ ሉቃ̈ሳ 5፡2-11፤ ዋ̈ኒ̇ሳ 1፡35-42

14ዋ̈ኒ̇ሲ ቃሺ ኣ̈ል ጌሊኖፖ̇ ዓኒ፥ ዬሱ̈ሲ ጾ̈ሳ̇̇ ዎጛላ ጬ̈ቂ̇ ኬዳ̇ ጋሊላ ሉካ̇ሪ፥ 15“ኬላ̇ ዬሊ̇ኔ፤ ጾ̈ሳ̇̇ ካ̈ቲቲ ኡኪ̇ኔ፤ ማ̈ሪቲ ጌሊብቴ፤ ዎጛላባር ኣማ̇ኒብቴ̇” ጌዪ ሳባ̇ኪዴ።

16ዬሱ̈ሲ ጋሊላ ባሃ̈ሪን ላፊንባር ኣ̈ርዶ̈ር ሲሞ̈ናኬ ኢ ኢሻ ኢንድዲራ̈ሳክ ሞላ ኤ̈̇ዝ ኣስ ማ̈ቂ̇ኖኮታ̇ቦ፥ ፌ ማግላባን ባሃ̈ሪን ጋርታ ሚሻምባ̇ር ቤቂ̇ዴ። 17ዬሱ̈ሳር ኢንታ̇ኮ “ቴ ዎሂን ዬ̇ብቴ፥ ዪንቲ̇ ሞላ ኤ̈̇ዚንዲፌ̈ኒ ቴ ዪንታ̇ ታ̈ብ ኣስ ሺሺዝ ኣስ ማሃንዳ̇” ዪዝ ጌይን፥ 18ኢንታ̇ር ኤሊ̇ር ፌ ማግላባን ኣሻ̇ር ኢ ዎሂን ዬ̇ዴ።

19ኢናፖ̇ ጊላ̇ ጌዳ ኣ̈̇ሪ፥ ዛብዶ̈ሳ ናኣ ዓይቆ̈ባኬ ኢሻ ዋ̈ኒ̇ሳኬ ዎልኣ ጎጛ ጋርታ̇ ዶኣር ፌ ማግላባን ኮሺንቻ̇ምባር ቤቃ̇ሪ፥ 20ኤሊ̇ር ኢንታ ጼይጊዴ። ኢንታ̇ር ፌ ባ̈ባ ዛብዶ̈ሳ ኦ̈ዝ ኣሳንባር ጎጚን ጋርታ̇ ኢና ኣሻ̇ሪ ኢ ዎሂን ሉኪ̇ዴ።

ዬሱ̈ሲ ኢ̈ታ ኣያ̇ና ኤ̈̇ኖ ና̈ሳ ፋዴ

ሉቃ̈ሳ 4፡31-37

21ኢንቲ̇ ኢናፖ̇ ዲንዳ̇ሪ ቂፊርና̈ሆ̈ማ ጋ̈ዝ ካታሚን ጋርታ̇ ሉኪ̇ዴ። ዬሱ̈ሳር ሳምባታ ጋላስ ኣይሁዳን ዎ̈ሳ ኬ̈ ጋርታ̇ ጌላሪ ታማ̈ርሲ ኤ̈̇ዴ። 22ኢ ታማ̈ርሳዚንዳሬ ሙ̈ሳ ሂጋ̇ ታማ̈ርሲዝ ኣሳንፌ̈ን ጊዳካ̇ይዶ̈ን ጴች ኣላቃፌ̈ኒ ታማ̈ርሲን ሲስኪ̇ኖ ዎርዣ ዎይ ኢ ቲሚርታ̇ባር ዎይሊን ጋራ̇ሚንቲ̇ዴ። 23ኢና ኣይሁዳን ዎ̈ሳ ኬ̈ን ጋርታ̇ ኢ̈ታ ኣያ̇ናባር ኤ̈ንቲ̇ኖ ፔቲ̇ ኣስ ዎዶ̈ሪ፥ 24“ኣ̈ን ና̈ዝሬ̈ት ዬሱ̈ሶ ኔ ኣብዝ ኮያር ኑ̈ክ ዬይና? ኑ̈ና ይሳ̇ንዳብ ዬይና? ኔ ኦ̈ናኮ ቴ ኔ̈ና ኤራ̈ርሽዋ፤ ኔ̈ኒ ጾ̈ሳ̇̇ ቲ̈ናፖ ዬይኖ ጌ̈ሻ̇̈ዳባያ!” ጋ̈ር ዉይሲዴ።

25ዬሱ̈ሳር ኢ̈ታ ኣያ̇ና̈ዳ “ዚምዶኣር ኢ̈ ጋልዳፖ̇ ኬስካ̇ር ሉካ̇ቤ” ጋ̈ር ቆዲ̇ዴ። 26ኢ̈ታ ኣያ̇ና̈ዳር ና̈ሳ ቶጛር ዎይሊን ቃኪቲሲኖፖ̇ ዓኒ ዉ̈ይሳር ኢ ጋልዳፖ ኬስኪ̇ዴ። 27ዎርዣ ዎይ ጋራ̇ሚንታ̇ር ጌዪ “ኑ ዓ̈ ኣቤ ጋ̈ኔ? ፌ ዎልቃባር ኢ̈ታ ኣያ̇ናን ኪ̈ቲን ኢንቲ ኢ̈ብ ኪቲንቲ̈ሪ! ዪ̈ዲፌ̈ኖ ኦራ ቲሚርታ ባያ?” ጋ̈ር ዎልዎልኣ ሶ̈ሊንቲ̇ዴ። 28ኢ ኦ̈ኖ ጴች ኦ̈ሳዲ ጋሊላ ጋዳ̇ ዎ ቤሳ̇ን ዎይን ጋልዳ ኤሊ̇ባር ሲስኪንቲዴ።

ዬሱ̈ሲ ማኖ ኣስ ዎይሊን ፋዴ

ማ̈ቶ̈ሳ 8፡14-17፤ ሉቃ̈ሳ 4፡38-41

29ዬሱ̈ሲ ኣይሁዳን ዎ̈ሳ ኬ̈ ጋርታ̇ፖ̇ ኬስኪ̇ኖንዲፌ̈ኒ፥ ዓይቆ̈ባባርኬ ዋ̈ኒ̇ሳባር ዎል ማ̈ቃ̇ሪ ሲሞ̈ናኬ ኢንዲራ̈ሳ ኣ̈ል ጌሊዴ። 30ሲሞ̈ና ባይሲማ ጋላ̇ባር ሶ̈ላር ማጋራ ዬሊን ሱርቂ̇ኖን ዬሱ̈ሳብ ሶ̈ሊዴ። 31ኢያ̈ሬ ኢዛ ሱርቂኖ ቤሲ̇ን ጋል ሉካ̇ሪ ኢዝ ኩሺን ኤ̈̇ ዲንን፥ ጋላ̇ባር ሶ̈ሊዛ ኣቲ̇ን ዲንዳ̇ራ ኢንታብ ቡና ባሽካ̇ ዎ̈ሲን ኤ̈̇ዴ።

32ሳ̈ዚ ቃሚ̇ን ኦማ̈ ኣዋ̈ፊ ጌሊኖፖ ዓኒ፥ ኢና ቡጊድባር ዎ ኣሳን ማኖ̈ንኬ ኢ̈ታ ኣያ̇ናባር ኤ̈ንቲ̇ኖ ኣሳን ኢ̈ክ ኤሄይዴ። 33ካታሚን ጋርታ ዎ ዎርዣ ዎይ ኢንታ ኣ̈ል ካራ ጋልዳ ሺ̈ቂን፥ 34ኢ ዱማ ዱማ ዓርጋባር ማኖ ዎይሊን ኣስ ፋዴ፥ ኢ̈ታ ኣያ̇ናር ዎይሊን ኬሲ̇ዴ። ኢ̈ታ ኣያ̇ናንር ዬሱ̈ሳ ኤሪዛኮታ̇ቦ፥ ኣባካር ሶ̈ላካ̇ይፌ̈ን ኢ ኢንታ ካዪዴ።

ዬሱ̈ሲ ጌ̈ማ ቤስ̇ ኣ̈̇ር ዎ̈ሲዴ

ሉቃ̈ሳ 4፡42-43

35ዬሱ̈ሲ ጌ̈ሽ ቃም ጋማ ዳርኣካ̇ይዶ̈ን ዲንዳ̇ር ኣ̈ላፖ̇ ኬስካር ፔቲ̇ ጌ̈ማ ቤስ̇ ሉካ̇ሪ ዎ̈ሳ ኤ̈̇ዴ። 36ሲሞ̈ኒ ፌ ላጋ̇ንባር ዎል ማ̈ቃሪ ኢ ዎሂን ሉካ̇ር ኢያ ኮዪ ኤ̈̇ዴ። 37ኢያ ኮዪ ዲጛሪ ኢ̈ኮ “ኣሲ ዎይ ኔ̈ና ኮዪርሽዋ” ጌይዴ።

38ኢ ጌይርዶ̈ሪ “ዓንዳፖ̇ ዲንዳ̇ሪ ጌዳ ኡክ ዎ ቤሳ̇ን ሉኪ̇ስቶ፥ ቴ ኢና ታማ̈ርሳንዳ፥ ቴ ዬይኖንዳሬ ኢዝቦ ባያ?” ጌይዴ። 39ዪ̈ኮታ̇ቦ ኣይሁዳን ዎ̈ሳ ኬ̈ ጋርታ̇ ታማ̇ርሲሙታ̇ኬ ኢ̈ታ ኣያ̇ና ኬሲ̇ ሙታ̇ ጋሊላ ጋዲን ዎይ̈ን ጋርታ ቢሪንቲ̇ ኤ̈̇ዴ።

ዬሱ̈ሲ ፔቲ̇ ሹያ ባሮ ኣስ ፋዴ

ማ̈ቶ̈ሳ 8፡1-4፤ ሉቃ̈ሳ 5፡12-14

40ሹያባሮ ፔቲ̇ ኣሲ ዬሱ̈ሳ ቲ̈ን ዬ̈ር ቡቂንታ̇ሪ “ኔ ታ̈ና ማ̈ዳንዳብ ኮያዶኮ፥ ታ̈ና ፋንዳብ ዳንዳኣ̈ርሽዋ” ጋ̈ር ጌሺዴ።

41ዬሱ̈ሳር ኢ̈ብ ሚጪንታ̇ሪ፥ ፌ ኩሺን ኢ ጋልዳ ጋዲኖፖ ዓኒ “ቴ ኔ̈ና ፋንዳብ ኮያ̈ሬ ፋጻቤ” ጌይን፥ 42ና̈ሳ ፌ ሹዪምፖ ኤሊ̇ባር ፋጺዴ።

43ዬሱ̈ሲ ና̈ሳ ሚሺ̈ርዶ̈ሪ ኢ̈ብ ሚ̈ን ሶ̈ሊ̈ርዶር ጌዪ፥ 44“ኔ ዓርጊን ዓኒ̇ ጋልዳፖ̇ ፋጺኖን ኢንታ̇ቦ ማርካ̇ ማ̈ቃ̇ምፔ̇̈ኒ፥ ኔ ኔ̈ና ቄ̈ሳብ ቤይሳቤ፤ ኔ ፋጺኖምቦ̇ ሙ̈ሶ ኪ̈ቲኖን ዣ̈ርሺን ሺ̈ሻብዶኬ ኦ̈ባካር ፔቲ̇ ባዝ ሶ̈ላካይፌ̈ኒ ና̈ጊንታቤ” ጌይዴ። 45ና̈ሳ̈ዲ ጌይኖን ኣሻ̇ሪ ሉኪ̇ኖ ቤስ̇ ጋልዳ ዎይ ሶ̈ሊ ኤ̈̇ዴ። ዪ̈ኮታ̇ቦ ዬሱ̈ሲ ዎይዲካር ካታማ ጋርታ̇ ኣሲ ኢያ ቤቃ̇ምባር ጌላንዳ̇ብ ዳንዳኣካ̇ዮኮታ̇ቦ ካታማ ጋርታፖ̇ ኬስካ̇ሪ ጌ̈ማ ቤስ̇ ዶኢ ኤ̈̇ዴ። ማ̈ቂ̇ናካሬ ኣሳ̈ዲ ዎይ ቤሳ̇̈ፖ ኢ̈ክ ዬንቲ̇ን ኣሻካ̇ዬ።

Currently Selected:

ማ̈ርቆ̈ሳ 1: ኦጫ̈ቃማ

Highlight

Copy