LUKAS 10
10
I Yesus nundoi tumatuhu-E pitumpul᷊o su kataunge
1Bou e'e Mawu namile tumatuhu-E pitumpul᷊o#10:1: pitumpul᷊o: pira mbau wohe horo: pitumpul᷊odua. mbuhue nundoi si sire taha dua ngkatau pangihoro si Sie sarang apang soa l᷊au tampa ko itamaing-E. 2#Mat. 9:37-38“Wua ko sarung itipo maul᷊i,” angkung-E si sire, “arawe mananiponge kitang singkodo. Ual᷊ingu e'e pundote su tataghuang u anseri e'e tadeau I Sie mundoho ngu mul᷊al᷊ahal᷊i guna ngu panipo hasili u sasuang-E. 3#Mat. 10:16Ho, l᷊al᷊engte! Ia mundoi si kumu musul᷊ung u domba su tal᷊oara u sarigala. 4#Mat. 10:7-14; Mrk. 6:8-11; Luk. 9:3-5Kumbahang mumbawa dompeti arako pondi arako sapatu. Kumbahang mangiro su tal᷊oara u l᷊al᷊eng guna ngu munggile adati sarang su singkatau. 5Boko i kumu sumu su wal᷊e simbau, puhabari horo, “Mal᷊umbako purarame ene su l᷊al᷊ung u wal᷊e i'i.” 6Boko su se'e pia taumata ko mo u purarame, kuteu al᷊amatiu e'e sarung matatapi dingange; boko ta, sul᷊ete sau al᷊amati e'e. 7#1Kor. 9:14; 1Tim. 5:18Katanae kadongki su wal᷊e simbau. Tarimae apang ko nisadiang i sire su se'e si kumu, watu'u taumata ko muhal᷊i pia hakie manarima wawaehi. Kumbahang mupapangal᷊ing bou wal᷊e simbau sarang wal᷊e ko wal᷊inge. 8Boko i kumu sumongo su soa simbau, dang su se'e i kumu itarima dingang mapia, kangte apang ko nisadia si kumu su se'e. 9Pakaul᷊ete taumata ko masasaki su soa e'e, dang puhabari suapang taumata su se'e, ‘Mawu Ruata seng maehong mamarenta kere Ratu su tal᷊oara i kumu.’ 10#Wuk. 13:51Arawe boko i kumu sumongo su soa simbau dang se'e i kumu ta itarima, suwangte sarang l᷊al᷊eng dang puhabari, 11‘Sarang awu ngu soa ngi kumu ko nurumike su l᷊aeri kami, itontong i kami tadeau makoa kere l᷊aonggo ingati si kumu. Kateho katitongte himoneu seng masandighi temponge Mawu Ruata manita mamarenta kere Ratu su tal᷊oara i kumu!’ 12#Kar. 19:24-28; Mat. 10:15, 11:24Putinaungte, su L᷊ou Kiamati, taumata ngu Sodom mborong nangilebe mal᷊owo ampungang u Mawu Ruata bou taumata su soa e'e!”
Apang soa ko ta mangimang
(Mat. 11:20-24)
13 #
Yes. 23:1-18; Yeh. 26:1–28:26; Yl. 3:4-8; Am. 1:9-10; Za. 9:2-4 “Silaka si kumu, Korazim! Dang silaka si kumu Betsaida! Kiko manga ko makal᷊aherang ko nikoa su tal᷊oara i kumu e'e seng nikoa su soa ngu Tirus l᷊au Sidon, nal᷊ahe apang taumata pai se'e seng mal᷊iwue nutobati bou dosa ngi sire, dang nul᷊oho l᷊aku mul᷊al᷊utu l᷊au nanimbo ngu awu su timbo i sire. 14Su L᷊ou Kiamati, manga tau Tirus l᷊au Sidon sarung nangilebe mal᷊owo ampungang u Mawu Ruata bo i kumu. 15#Yes. 14:13-15Dang i kumu, Kapernaum! I kumu musipiri, i kumu sarung ipakarange sarang sorga? Ta! I kumu katewe irume sarang naraka!”
16 #
Mat. 10:40; Mrk. 9:37; Luk. 9:48; Yoh. 13:20 Bou e'e I Yesus nangul᷊i su manga tumatuhu-E, “Taumata ko mundaringihi si kumu, mundaringihi si Sia. Taumata ko manolaki kumu, manolaki si Sia. Dang taumata ko manolaki si Sia, manolaki si Sie l᷊ai ko nundoi si Sia.”
Pusasul᷊e ngi sire Pitumpul᷊o tumatuhu
17I sire pitumpul᷊o#10:17: pitumpul᷊o: pira mbau wohe horo: pitumpul᷊odua (putuhung ayeti 1) tumatuhu e'e seng nusul᷊e dingang kal᷊al᷊uasi. “Mawu”, angkung i sire, “Manga roh ko dal᷊ai l᷊ai nutumuhu si kami boko i kami muparenta si sire dingang u areng u Mawu!”
18I Yesus nusumimbahi, “Ia nakawua setang nanawo bou l᷊angi musul᷊ung kere kila. 19#Mzm. 91:13Katitongte! I kumu seng Daku nionggol᷊ang u kawasa tadeau i kumu makatoto katoang l᷊au i ma u l᷊ipang dang mamare kaul᷊i u katatoghasi u roka, sarang takoae ko makasilaka si kumu. 20Maning kere'e kumbahang i kumu l᷊umiaghi ual᷊ingu roh ko dal᷊ai nutumuhu si kumu. Mapiang i kumu l᷊iaghi ual᷊ing u areng i kumu mawawohe su sorga.”
I Yesus nal᷊uasi
(Mat. 11:25-27, 13:16-17)
21Su tempo e'e l᷊ai, I Yesus nal᷊uasi ual᷊ingu nikawasa ngu Roh u Mawu Ruata.#10:21: bou Roh u Mawu Ruata: pira mbau wohe horo: bou Roh; pia l᷊ai: su l᷊al᷊ung u Roh-E. I Yesus nangul᷊i, “I Yamang, Mawu ko makawasa su l᷊angi l᷊au su dunia! Ia mutarimakase si Kau watu'u kaul᷊i u e'e nipakarumasi-U bou apang taumata ko pande dang pia titong i sire, kateho nipakal᷊ahe-U su taumata ko takoae sikol᷊a ngi sire. E'e nakal᷊uasi naung I Yamang.
22 #
Yoh. 3:35, 10:15 Kaul᷊i u patiku seng nisarakang I Yamang si Sia. Takoae singkatau ko matitong u Ana su l᷊ikuri I Yamang. Takoae l᷊ai ko matitong I Yamang su l᷊ikuru Ana; dang manga taumata si sai Anae mo mupakal᷊ahe I Yamang.”
23Bou e'e I Yesus nuwihu su manga tumatuhu-E, bou e'e nangul᷊i si sire ha, “Kal᷊auntung si kumu watu'u seng nakawua ko nituhungang i kumu su tempo i'i. 24Watu'u tinaunge: Maul᷊i nabi l᷊au ratu mo makawua ko nikawua ngi kumu su tempo i'i kateho i sire ta nakawua e'e. I sire mo makaringihi ko nikaringihi kumu su tempo i'i, kateho i sire ta nakaringihi.”
Papinintu ngu tau Samaria ko mapia naunge
25 #
Mat. 22:35-40; Mrk. 12:28-34 Bou e'e singkatau meteri agama nusumongga mundea sal᷊a ngi Yesus. I sie nukina, “Tuang Guru, ia mambeng mukoa apa tadeau makatarima puwawiahi ko kahingang l᷊au ko kakal?”
26I Yesus nusumimbahi, “Apa ko mawawohe su l᷊al᷊ung u Buki Susi? Kirapa su titong u hal᷊i e'e?”
27 #
Im. 19:18; Sau. 6:5 Tau e'e nusumimbahi, “ ‘Kindaghite Mawu Ruata ngu dingang kal᷊abo u naungu, dingang kaul᷊i u jiwangu, dingang kaul᷊i u katatoghasiu, dang dingang kaul᷊i u sipirangu,’ dang ‘Kindaghite sinsul᷊ungu kere i kau kumindaghi u watangengu sisane.’ ”
28 #
Im. 18:5
“Sasimbahiu e'e nuhino,” angkung I Yesus. “Koako e'e, inau i kau sarung muwiahi.”
29Kateho meteri agama e'e mo mupuhino ngu watangenge. I sie nukina, “Ko i sai sinsul᷊ungku e'e?”
30I Yesus nusumimbahi, “Pia singkatau ko ese karusunge bou Yerusalem sarang Yerikho. Su tal᷊oara u l᷊al᷊eng i sie nihombangeng u tahahampasi, nihampasi kaul᷊i u rarotonge, bou e'e nirarihang maturu-turu, mbuhue niwala watang-watang su l᷊al᷊eng dingang l᷊esie ko l᷊abo. 31Nusarita u e'e singkatau imam nul᷊umal᷊eng l᷊ai su l᷊al᷊eng e'e. Su tempo ngi sie nakawua tau e'e, i sie nul᷊umihi sarang simbuka ngu l᷊al᷊eng, mbuhue l᷊imal᷊eng turusi. 32Kere'e l᷊ai singkatau tau Lewi ko kasahenge se'e; su tempo ngi sie nakawua tau e'e, nisandighange dingang nituhungange. Kateho i sie l᷊ai nul᷊umihi sarang simbuka ngu l᷊al᷊eng, bou e'e nul᷊umal᷊eng turusi. 33#2Taw. 28:15Arawe bou e'e pia singkatau Samaria ko su l᷊al᷊ung u l᷊al᷊al᷊engang, nusumahe su se'e l᷊ai. Su tempo nikawuange tau e'e, i sie nukumindaghi kahingang. 34Kuteu nisandighange tau e'e, bou e'e niuhasie manga l᷊esie dingang u anggori dang niundangenge dingang u l᷊ana, mbuhue nipikunge manga l᷊esi e'e. Nasue e'e, niruie tau e'e su wawo u keledainge, mbuhue niwawae sarang simbau katanakeng mbuhue nital᷊ungange. 35Ndai mal᷊ou i sie nupasuwang u doi sal᷊aka darua nionggoe su tataghuang u katanakeng e'e, dang nangul᷊i, ‘Tal᷊ungete i sie, dang boko pia manga wawaehi ko wal᷊inge hindo daku waehang boko ia musul᷊e mai.’ ”
36Bou e'e I Yesus nanginsue wuke e'e dingang u kakina i'i, “Bo i sire tilu e'e sude'e, tumuhu sipirangu, ko nakoa sinsul᷊ungu taumata ko nipangahong e'e?”
37Meteri agama ko nipakinateng e'e nusumimbahi, “Taumata ko seng nutul᷊ung tau e'e.”
“Ho, dakote dang pukoate l᷊ai kere'e!” angkung I Yesus.
I Yesus nutiwo si Marta l᷊au i Maria
38 #
Yoh. 11:1
Bou e'e I Yesus dingang u manga tumatuhu-E nanurusi l᷊al᷊al᷊eng i sire, sarang nurating u kampong simbau. Su se'e pia singkatau kowawine arenge i Marta, nunoti si Sie sarang wal᷊enge. 39I Marta pia tuaringe arenge i Maria. I Maria i'i kakangiang su sindihang u Mawu Yesus kapundaringihi apang tintiro-E. 40Arawe i Marta mangkate kapusasibu ngu hal᷊i u l᷊al᷊ung u wal᷊enge. I sie nusumandighi si Yesus dang nangul᷊i, “Mawu, apa I Kau ta musumpi makawua si Maria namala ngu ia puhal᷊i sisaneku? Roiko i sie pusumbala si sia!”
41“Marta, Marta!” sasimbahi Mawu. “I kau maghagha dang musasibu musipiri u haghi-haghi; 42sumbal᷊i kal᷊abokange mang simbau. Dang i Maria seng namile ko kapiange, ko ta sarung al᷊akeng bo i sie.”
Currently Selected:
LUKAS 10: PLT
Highlight
Share
Copy
Want to have your highlights saved across all your devices? Sign up or sign in
