LUKAS 7
7
I Yesus nupakaul᷊e ngu paparentang singkatau parwira ngu Roma
(Mat. 8:5-13)
1Suapang nasue bou nuhabari apang hal᷊i e'e su taumata maul᷊i, I Yesus natamai sarang Kapernaum. 2Pai se'e pia parwira ngu Roma ko pia paparentange ko tumaniu ikindaghie. Paparentang e'e nasaki dang masandighi mate. 3Su tempo parwira e'e nakaringihi hal᷊i I Yesus, i sie nundoi pirangkatau pangaha u tau Yahudi patamai sarang koa I Sie tadeau pundo I Sie sumongo dang mupakaul᷊e ngu paparentange. 4Suapang nurating I Yesus, i sire nundo singapang botonge tadeau I Sie mutul᷊ung u parwira e'e. “Parwira e'e hinonge itul᷊ung I Tuang,” angkung i sire, 5“Watu'u i sie nukumindaghi u bangsa ngi kite dang seng nupararisi u wal᷊e pukakal᷊iomanengang guna ngi kami.”
6Kuteu I Yesus natamai dingang i sire. Su tempo I Yesus seng masandighi murating u wal᷊e e'e, parwira e'e nundoi u manga ghawe'e sarang koa-E pangul᷊i, “Kuhaete I Tuang mutingkawau sarang wal᷊eku. Ia ta hinonge manarima I Tuang su wal᷊eku. 7E'e sabapie ia sisane ko ta wahani mupasaruang I Tuang inau piange pupaparentate tadeau paparentangku maul᷊e. 8Watu'u ia mambeng tumuhu parenta ngu tumbonangku dang su al᷊ungku pia l᷊ai manga sordado ko mambeng tumuhu su parentaku. Boko ia muparenta singkatau sordado, ‘Tamai!’ i sie mang tamai, dang boko ia mangul᷊i su ko wal᷊inge, ‘Mai si'i!’ i sie mang mamai. Dang boko ia muparenta paparentangku, ‘Koako i'i!’ i sie mang mukoa.”
9I Yesus naherang nakaringihi e'e. I Sie nuwihu dang nangul᷊i su taumata maul᷊i ko katuhue si Sie, “Wal᷊inge gampang taumata i'i. Su tal᷊oara u tau Israel Ia mborong ta nakarea pangangimang kiri'i kal᷊aboe!”
10Su tempo ngu taumata ko niparentang e'e nusul᷊e sarang wal᷊e ngu parwira e'e, paparentange e'e seng naul᷊e.
I Yesus sau nupuwiahi ana u singkatau ko wal᷊u
11Ta nal᷊iwue bou e'e,#7:11: Ta nal᷊iwue bou e'e: pira mbau wohe horo: Ndai mal᷊ou. I Yesus nakoa sarang soa ngu Nain. Manga tumatuhu-E l᷊au taumata maul᷊i natamai dingang-E. 12Su tempo I Yesus masandighi u sasukang u soa, manga taumata kaputatimbang u tau ko nate inturi sarang l᷊ikuru soa. Tau ko nate e'e ana ko ese, ana sisanenge bou singkatau kowawine ko wal᷊u. Napene tataho u soa e'e nanakiri si mamange e'e. 13Su tempo ngu Mawu Yesus nakawua kowawine e'e I Sie nukumindaghi si sie bou e'e nangul᷊i, “Kumbahang sumangi tau!” 14Bou e'e I Yesus nusumandighi su tampa u taumata ko nate e'e dingang nisuhungange. Kuteu mamamikul᷊ie nangiro. I Yesus nangul᷊i, “Ei ana ko umbaseng, Ia muparenta si kau, wangungte!” 15Ana ko umbaseng ko seng nate e'e, nuwangung nukumangiang dang nanita nudidato. Kuteu I Yesus nanarakang i sie si mamange.
16Kaul᷊i u taumata nataku dang nanita nundalo Mawu Ruata. I sire nangul᷊i, “Singkatau nabi ko l᷊abo seng nasongo su tal᷊oara i kite! Mawu Ruata seng nuruminta guna ngu manal᷊amati umati-E!”
17Habari u hal᷊i I Yesus i'i nakeke su kaul᷊i u Yudea dang su tampa su sindihange.
Raroi i Yohanes Mananahani
(Mat. 11:2-19)
18Manga tumatuhu i Yohanes nuhabari si Yohanes kaul᷊i u hal᷊i ko nariadi e'e. Kuteu i Yohanes nukui tumatuhue dua ngkatau, 19bou e'e nundoi si sire rua patamai sarang koa u Mawu Yesus dang pakina, “Seng I Tuang taumata ko sarung ruminta tumuhu diandi ngu Mawu Ruata, arako i kami mambeng mangampal᷊i taumata ko wal᷊inge?”
20I sire rua tumatuhu i Yohanes e'e natamai sarang koa I Yesus dang nangul᷊i, “I Yohanes Mananahani nundoi si kami pakina si Tuang, apa I Tuang taumata ko sarung ruminta tumuhu diandi ngu Mawu Ruata, arako i kami mambeng mangampal᷊i taumata ko wal᷊inge?”
21Su tempo e'e I Yesus nupakaul᷊e ngu taumata maul᷊i, dang nanguseri napene roh ko dal᷊ai l᷊au nukoa maul᷊i taumata ko wuta, nakawua. 22#Yes. 35:5-6, 61:1Inau I Yesus nusumimbahi, “Pusul᷊ete sarang koa i Yohanes dang pakatitongte apang ko nikaringihi dang ko nikawua ngi kumu: tau ko wuta nakawua, tau ko pepa nakal᷊al᷊eng, tau pia sakie pisi ko makatataku,#7:22: pia saki pisi ko makatataku: Putuhung 5:12. naul᷊e, tau ko wenggeli nakaringihi, tau ko nate sau nuwiahi, dang Habari Mapia bou Mawu Ruata nihabari suapang taumata ko susa. 23Kal᷊al᷊uasi su taumata ko takoae alasange manolaki si Ia.”
24Suapang raroi i Yohanes e'e natamai, I Yesus nanita nudidato su taumata ko maul᷊i hal᷊i i Yohanes, angkung-E. “I kumu nakoa sarang tana l᷊inggi tadeau mutuhung apa? Raung singkal᷊upa ko kahitiukang u anging? 25I kumu tamai tadeau mutuhung apa? Singkatau ko dingang u l᷊akue masidada? Manga taumata ko dingang u l᷊aku kere'e dang ko muwiahi sanang natana su Istana! 26Inau i kumu sumuwang tadeau mutuhung apa? Tadeau mutuhung singkatau nabi? Tingari, dang mborong nangilebe bou singkatau nabi. 27#Mal. 3:1Watu'u i Yohanes e'e ko nihabari su l᷊al᷊ung u ayeti u Buki Susi i'i,
‘I'i raroi-Ku,’ Angkung u Mawu Ruata,
‘Ia sarung mundoi i sie pangihoro si Kau,
tadeau i sie panal᷊uahi l᷊al᷊eng guna ngi Kau!’ ”
28“Tinaungete”, I Yesus sau nangul᷊i, “Su dunia i'i mborong takoae taumata ko nangilebe l᷊abo bo i Yohanes Mananahani. Kateho taumata ko kadiokange su tal᷊oara umati Mawu Ruata, mborong nangilebe l᷊abo bo i Yohanes Mananahani.”
29 #
Mat. 21:32; Luk. 3:12 Kaul᷊i u taumata – nataho l᷊ai manga mananuntu balasteng nakaringihi si Yesus nuhabari e'e; i sire e'e manga taumata ko seng nutumuhu kao u Mawu Ruata dang mo isahani ngi Yohanes. 30Arawe manga tau Farisi l᷊au manga meteri agama mandi manarima kirou-U Mawu Ruata guna ngi sire. I sire mandi isahani ngi Yohanes.
31Bou e'e I Yesus sau nangul᷊i, angkung-E, “Dingang u apa Daku ikasul᷊ung manga taumata su tempo i'i? Musul᷊ung apa i sire e'e? 32I sire musul᷊ung u manga rario ko kakangiang su pasari; singkomol᷊i kumiha su ko wal᷊inge, ‘I kami kapusamperi samperi u l᷊al᷊iaghi guna ngi kumu, kateho i kumu mandi musal᷊ai! I kami kapusamperi samperi ko makasasusa, i kumu ta nusumangi!’ 33I Yohanes Mananahani nusumongo – i sie nupuasa dang ta nanginung anggori dang i kumu nangul᷊i, ‘I sie nikasukang u setang!’ 34Ahusi Taumata nusumongo – i sie nukumang dingang nanginung – bou e'e angkung i kumu, ‘Tuhunge ko taumata e'e! Maanggang, mawukang, ghawe ngu mananuntu balasteng, dang ghawe ngu taumata ko bardosa.’ 35Maning kere'e, kapapande ngu Mawu Ruata nal᷊ahe bou kaul᷊i u taumata ko seng nanarima u e'e.”
I Yesus su wal᷊e ngi Simon
36Singkatau Farisi, arenge i Simon, nunoti si Yesus mukumang. I Yesus natamai nakoa sarang wal᷊enge dang nukumangiang nukumang. 37#Mat. 26:7; Mrk. 14:3; Yoh. 12:3Su soa e'e pia l᷊ai singkatau kowawine ko mborong kapuwiahi su l᷊al᷊ung u dosa. Su tempo i sie nakaringihi himoneu I Yesus ko kakange su wal᷊e ngu tau Farisi e'e, i sie nusumongo numbawa l᷊anisi simbotol᷊i. 38I sie nurumarisi su l᷊ikuri Yesus masandighi u l᷊aeri-E dang kasangie apiru nupakaunsa l᷊aeri Yesus dingang u l᷊ounge. Bou e'e l᷊aeri Yesus nimue dingang utae, mbuhue niimbue l᷊au nisiwohi u l᷊anisi. 39Su tempo ngu tau Farisi ko nunoti si Yesus nakawua hal᷊i e'e, i sie nangul᷊i su l᷊al᷊ung u naunge, “Kiko tau e'e nabi, tantu i sie matitong ko i sai tau kowawine e'e ko nanuhung si Sie, dang himoneu kowawine e'e kapuwiahi su l᷊al᷊ung u dosa!”
40Bou e'e I Yesus nangul᷊i si Simon, “Simon, pia ko daku ihabari si kau.”
“Iya, Tuang Guru”, sasimbahi Simon, “Habariete.”
41I Yesus nangul᷊i, “Pia dua ngkatau ko nakautang su taumata ko pangirangeng u doi. Singkatau nangutang l᷊imahasu doi sal᷊aka, dang singkatau l᷊ai l᷊imampul᷊o doi sal᷊aka. 42I sire rua kaul᷊ie ta nakawaehi utang e'e, kuteu utang i sire rua kaul᷊ie nimue. Ho, i sai su tal᷊oara u tau rarua e'e nangilebe kumindaghi u taumata ko nangonggo rang doi e'e?”
43“Su pundangku taumata ko nangilebe maul᷊i utange nimu!” Sasimbahi Simon.
“Nuhino titongu”, sasimbahi Yesus. 44Bou e'e I Yesus nutuhung su kowawine e'e dang nangul᷊i si Simon, “I kau nakawua tau kowawine i'i? Ia nuruminta su wal᷊e ngu, i kau ta nanadia ake l᷊auhasi l᷊aeri-Ku; arawe tau kowawine i'i nanguhasi l᷊aeri-Ku dingang u l᷊ounge, dang nangumu dingang u utae. 45I kau ta nangimbu si Sia pia Ia nasongo, arawe kowawine i'i mangkate kapangimbunge l᷊aeri-Ku mangki su sasongo-Ku. 46I kau ta naniwohi u l᷊ana su timbo-Ku, arawe tau kowawine i'i seng naniwohi l᷊anisi su l᷊aeri-Ku. 47Tingari, kakindaghie ko l᷊abo e'e manode u dosange ko maul᷊i e'e seng niampungang! Boko taumata niampungang singkodo, i sie l᷊ai sarung kumindaghi singkodo.”
48Bou e'e I Yesus nangul᷊i su tau kowawine e'e, “Apang dosangu seng niampungang.”
49Manga taumata ko wal᷊inge ko kakangiang kakange dingang I Yesus nanita nudidato simbau dingang ko wal᷊inge, “I sai taumata i'i sarang I Sie makaampung dosa?”
50Arawe I Yesus nangul᷊i su tau kowawine e'e, “Watu'u i kau mangimang si Sia, i kau seng nipakasal᷊amati. Dakoe tamai dingang purarame!”
Currently Selected:
LUKAS 7: PLT
Highlight
Share
Copy
Want to have your highlights saved across all your devices? Sign up or sign in
LUKAS 7
7
I Yesus nupakaul᷊e ngu paparentang singkatau parwira ngu Roma
(Mat. 8:5-13)
1Suapang nasue bou nuhabari apang hal᷊i e'e su taumata maul᷊i, I Yesus natamai sarang Kapernaum. 2Pai se'e pia parwira ngu Roma ko pia paparentange ko tumaniu ikindaghie. Paparentang e'e nasaki dang masandighi mate. 3Su tempo parwira e'e nakaringihi hal᷊i I Yesus, i sie nundoi pirangkatau pangaha u tau Yahudi patamai sarang koa I Sie tadeau pundo I Sie sumongo dang mupakaul᷊e ngu paparentange. 4Suapang nurating I Yesus, i sire nundo singapang botonge tadeau I Sie mutul᷊ung u parwira e'e. “Parwira e'e hinonge itul᷊ung I Tuang,” angkung i sire, 5“Watu'u i sie nukumindaghi u bangsa ngi kite dang seng nupararisi u wal᷊e pukakal᷊iomanengang guna ngi kami.”
6Kuteu I Yesus natamai dingang i sire. Su tempo I Yesus seng masandighi murating u wal᷊e e'e, parwira e'e nundoi u manga ghawe'e sarang koa-E pangul᷊i, “Kuhaete I Tuang mutingkawau sarang wal᷊eku. Ia ta hinonge manarima I Tuang su wal᷊eku. 7E'e sabapie ia sisane ko ta wahani mupasaruang I Tuang inau piange pupaparentate tadeau paparentangku maul᷊e. 8Watu'u ia mambeng tumuhu parenta ngu tumbonangku dang su al᷊ungku pia l᷊ai manga sordado ko mambeng tumuhu su parentaku. Boko ia muparenta singkatau sordado, ‘Tamai!’ i sie mang tamai, dang boko ia mangul᷊i su ko wal᷊inge, ‘Mai si'i!’ i sie mang mamai. Dang boko ia muparenta paparentangku, ‘Koako i'i!’ i sie mang mukoa.”
9I Yesus naherang nakaringihi e'e. I Sie nuwihu dang nangul᷊i su taumata maul᷊i ko katuhue si Sie, “Wal᷊inge gampang taumata i'i. Su tal᷊oara u tau Israel Ia mborong ta nakarea pangangimang kiri'i kal᷊aboe!”
10Su tempo ngu taumata ko niparentang e'e nusul᷊e sarang wal᷊e ngu parwira e'e, paparentange e'e seng naul᷊e.
I Yesus sau nupuwiahi ana u singkatau ko wal᷊u
11Ta nal᷊iwue bou e'e,#7:11: Ta nal᷊iwue bou e'e: pira mbau wohe horo: Ndai mal᷊ou. I Yesus nakoa sarang soa ngu Nain. Manga tumatuhu-E l᷊au taumata maul᷊i natamai dingang-E. 12Su tempo I Yesus masandighi u sasukang u soa, manga taumata kaputatimbang u tau ko nate inturi sarang l᷊ikuru soa. Tau ko nate e'e ana ko ese, ana sisanenge bou singkatau kowawine ko wal᷊u. Napene tataho u soa e'e nanakiri si mamange e'e. 13Su tempo ngu Mawu Yesus nakawua kowawine e'e I Sie nukumindaghi si sie bou e'e nangul᷊i, “Kumbahang sumangi tau!” 14Bou e'e I Yesus nusumandighi su tampa u taumata ko nate e'e dingang nisuhungange. Kuteu mamamikul᷊ie nangiro. I Yesus nangul᷊i, “Ei ana ko umbaseng, Ia muparenta si kau, wangungte!” 15Ana ko umbaseng ko seng nate e'e, nuwangung nukumangiang dang nanita nudidato. Kuteu I Yesus nanarakang i sie si mamange.
16Kaul᷊i u taumata nataku dang nanita nundalo Mawu Ruata. I sire nangul᷊i, “Singkatau nabi ko l᷊abo seng nasongo su tal᷊oara i kite! Mawu Ruata seng nuruminta guna ngu manal᷊amati umati-E!”
17Habari u hal᷊i I Yesus i'i nakeke su kaul᷊i u Yudea dang su tampa su sindihange.
Raroi i Yohanes Mananahani
(Mat. 11:2-19)
18Manga tumatuhu i Yohanes nuhabari si Yohanes kaul᷊i u hal᷊i ko nariadi e'e. Kuteu i Yohanes nukui tumatuhue dua ngkatau, 19bou e'e nundoi si sire rua patamai sarang koa u Mawu Yesus dang pakina, “Seng I Tuang taumata ko sarung ruminta tumuhu diandi ngu Mawu Ruata, arako i kami mambeng mangampal᷊i taumata ko wal᷊inge?”
20I sire rua tumatuhu i Yohanes e'e natamai sarang koa I Yesus dang nangul᷊i, “I Yohanes Mananahani nundoi si kami pakina si Tuang, apa I Tuang taumata ko sarung ruminta tumuhu diandi ngu Mawu Ruata, arako i kami mambeng mangampal᷊i taumata ko wal᷊inge?”
21Su tempo e'e I Yesus nupakaul᷊e ngu taumata maul᷊i, dang nanguseri napene roh ko dal᷊ai l᷊au nukoa maul᷊i taumata ko wuta, nakawua. 22#Yes. 35:5-6, 61:1Inau I Yesus nusumimbahi, “Pusul᷊ete sarang koa i Yohanes dang pakatitongte apang ko nikaringihi dang ko nikawua ngi kumu: tau ko wuta nakawua, tau ko pepa nakal᷊al᷊eng, tau pia sakie pisi ko makatataku,#7:22: pia saki pisi ko makatataku: Putuhung 5:12. naul᷊e, tau ko wenggeli nakaringihi, tau ko nate sau nuwiahi, dang Habari Mapia bou Mawu Ruata nihabari suapang taumata ko susa. 23Kal᷊al᷊uasi su taumata ko takoae alasange manolaki si Ia.”
24Suapang raroi i Yohanes e'e natamai, I Yesus nanita nudidato su taumata ko maul᷊i hal᷊i i Yohanes, angkung-E. “I kumu nakoa sarang tana l᷊inggi tadeau mutuhung apa? Raung singkal᷊upa ko kahitiukang u anging? 25I kumu tamai tadeau mutuhung apa? Singkatau ko dingang u l᷊akue masidada? Manga taumata ko dingang u l᷊aku kere'e dang ko muwiahi sanang natana su Istana! 26Inau i kumu sumuwang tadeau mutuhung apa? Tadeau mutuhung singkatau nabi? Tingari, dang mborong nangilebe bou singkatau nabi. 27#Mal. 3:1Watu'u i Yohanes e'e ko nihabari su l᷊al᷊ung u ayeti u Buki Susi i'i,
‘I'i raroi-Ku,’ Angkung u Mawu Ruata,
‘Ia sarung mundoi i sie pangihoro si Kau,
tadeau i sie panal᷊uahi l᷊al᷊eng guna ngi Kau!’ ”
28“Tinaungete”, I Yesus sau nangul᷊i, “Su dunia i'i mborong takoae taumata ko nangilebe l᷊abo bo i Yohanes Mananahani. Kateho taumata ko kadiokange su tal᷊oara umati Mawu Ruata, mborong nangilebe l᷊abo bo i Yohanes Mananahani.”
29 #
Mat. 21:32; Luk. 3:12 Kaul᷊i u taumata – nataho l᷊ai manga mananuntu balasteng nakaringihi si Yesus nuhabari e'e; i sire e'e manga taumata ko seng nutumuhu kao u Mawu Ruata dang mo isahani ngi Yohanes. 30Arawe manga tau Farisi l᷊au manga meteri agama mandi manarima kirou-U Mawu Ruata guna ngi sire. I sire mandi isahani ngi Yohanes.
31Bou e'e I Yesus sau nangul᷊i, angkung-E, “Dingang u apa Daku ikasul᷊ung manga taumata su tempo i'i? Musul᷊ung apa i sire e'e? 32I sire musul᷊ung u manga rario ko kakangiang su pasari; singkomol᷊i kumiha su ko wal᷊inge, ‘I kami kapusamperi samperi u l᷊al᷊iaghi guna ngi kumu, kateho i kumu mandi musal᷊ai! I kami kapusamperi samperi ko makasasusa, i kumu ta nusumangi!’ 33I Yohanes Mananahani nusumongo – i sie nupuasa dang ta nanginung anggori dang i kumu nangul᷊i, ‘I sie nikasukang u setang!’ 34Ahusi Taumata nusumongo – i sie nukumang dingang nanginung – bou e'e angkung i kumu, ‘Tuhunge ko taumata e'e! Maanggang, mawukang, ghawe ngu mananuntu balasteng, dang ghawe ngu taumata ko bardosa.’ 35Maning kere'e, kapapande ngu Mawu Ruata nal᷊ahe bou kaul᷊i u taumata ko seng nanarima u e'e.”
I Yesus su wal᷊e ngi Simon
36Singkatau Farisi, arenge i Simon, nunoti si Yesus mukumang. I Yesus natamai nakoa sarang wal᷊enge dang nukumangiang nukumang. 37#Mat. 26:7; Mrk. 14:3; Yoh. 12:3Su soa e'e pia l᷊ai singkatau kowawine ko mborong kapuwiahi su l᷊al᷊ung u dosa. Su tempo i sie nakaringihi himoneu I Yesus ko kakange su wal᷊e ngu tau Farisi e'e, i sie nusumongo numbawa l᷊anisi simbotol᷊i. 38I sie nurumarisi su l᷊ikuri Yesus masandighi u l᷊aeri-E dang kasangie apiru nupakaunsa l᷊aeri Yesus dingang u l᷊ounge. Bou e'e l᷊aeri Yesus nimue dingang utae, mbuhue niimbue l᷊au nisiwohi u l᷊anisi. 39Su tempo ngu tau Farisi ko nunoti si Yesus nakawua hal᷊i e'e, i sie nangul᷊i su l᷊al᷊ung u naunge, “Kiko tau e'e nabi, tantu i sie matitong ko i sai tau kowawine e'e ko nanuhung si Sie, dang himoneu kowawine e'e kapuwiahi su l᷊al᷊ung u dosa!”
40Bou e'e I Yesus nangul᷊i si Simon, “Simon, pia ko daku ihabari si kau.”
“Iya, Tuang Guru”, sasimbahi Simon, “Habariete.”
41I Yesus nangul᷊i, “Pia dua ngkatau ko nakautang su taumata ko pangirangeng u doi. Singkatau nangutang l᷊imahasu doi sal᷊aka, dang singkatau l᷊ai l᷊imampul᷊o doi sal᷊aka. 42I sire rua kaul᷊ie ta nakawaehi utang e'e, kuteu utang i sire rua kaul᷊ie nimue. Ho, i sai su tal᷊oara u tau rarua e'e nangilebe kumindaghi u taumata ko nangonggo rang doi e'e?”
43“Su pundangku taumata ko nangilebe maul᷊i utange nimu!” Sasimbahi Simon.
“Nuhino titongu”, sasimbahi Yesus. 44Bou e'e I Yesus nutuhung su kowawine e'e dang nangul᷊i si Simon, “I kau nakawua tau kowawine i'i? Ia nuruminta su wal᷊e ngu, i kau ta nanadia ake l᷊auhasi l᷊aeri-Ku; arawe tau kowawine i'i nanguhasi l᷊aeri-Ku dingang u l᷊ounge, dang nangumu dingang u utae. 45I kau ta nangimbu si Sia pia Ia nasongo, arawe kowawine i'i mangkate kapangimbunge l᷊aeri-Ku mangki su sasongo-Ku. 46I kau ta naniwohi u l᷊ana su timbo-Ku, arawe tau kowawine i'i seng naniwohi l᷊anisi su l᷊aeri-Ku. 47Tingari, kakindaghie ko l᷊abo e'e manode u dosange ko maul᷊i e'e seng niampungang! Boko taumata niampungang singkodo, i sie l᷊ai sarung kumindaghi singkodo.”
48Bou e'e I Yesus nangul᷊i su tau kowawine e'e, “Apang dosangu seng niampungang.”
49Manga taumata ko wal᷊inge ko kakangiang kakange dingang I Yesus nanita nudidato simbau dingang ko wal᷊inge, “I sai taumata i'i sarang I Sie makaampung dosa?”
50Arawe I Yesus nangul᷊i su tau kowawine e'e, “Watu'u i kau mangimang si Sia, i kau seng nipakasal᷊amati. Dakoe tamai dingang purarame!”
Currently Selected:
:
Highlight
Share
Copy
Want to have your highlights saved across all your devices? Sign up or sign in