LUKAS 8
8
Manga kowawine ko nusumbala si Yesus
1Ta nal᷊iwue bou e'e, I Yesus nakoa sarang apang soa l᷊au manga kampong, guna ngu muhabari Habari Mapia himoneu Mawu Ruata seng nanita namarenta kere Ratu. Manga tumatuhu-E mapul᷊odua e'e nutumuhu dingang-E. 2#Mat. 27:55-56; Mrk. 15:40-41; Luk. 23:49 Kere'e l᷊ai pirangkatau kowawine ko seng nipakaul᷊e bou roh ko dal᷊ai l᷊au saki. I sire ko i Maria ko nisigho si Magdalena (pitu roh ko dal᷊ai seng nipasuwang bo i sie); 3I Yohana l᷊ai, kawing i Khuza, mul᷊ahal᷊i su istana ngi Herodes; i Susana, dang maul᷊i l᷊ai manga kowawine ko wal᷊inge – Dingang u wawaehi sire sisane, i sire nusumbala si Yesus l᷊au manga tumatuhu-E.
Papinintu Mananawuhi
(Mat. 13:1-9; Mrk. 4:1-9)
4Manga taumata mangkate kasongonge turusi sarang koa I Yesus bou haghi ngu soa. Dang su tempo seng napene taumata nakomol᷊i, I Yesus nuwuke si sire papinintu i'i: 5“Singkatau mangangawuhi tarai nanawuhi sasuang. Su tempo ngi sie kapanawuhi, pia sasuang ko nanawo su l᷊al᷊eng. Singga nikal᷊inda ngu taumata, dang ko wal᷊inge nitodo u burung. 6Pia l᷊ai ko nanawo su tampa ko mawatu. Su tempo tuwoe nusumuwang sasuang e'e nal᷊obe watu'u tanange mamara. 7Pia l᷊ai sasuang nanawo su ghal᷊umue ko mal᷊ahoro. Ghal᷊umue ko mal᷊ahoro e'e nutumuwo singkatuwo dingang u sasuang e'e dang nuhepesi sasuang ko seng nutumuwo e'e hakiu nate. 8Kateho pia l᷊ai sasuang ko nanawo su tana ko matawa, bou e'e nutumuwo dang nuwua pakamahasu su sul᷊enge.”
Nasue bou nuwuke ngu papinintu e'e, I Yesus nangul᷊i, “Boko pia tul᷊i, pundaringihi!”
Nakura I Yesus nupake u papinintu
(Mat. 13:10-17; Mrk. 4:10-12)
9Manga tumatuhu I Yesus nukina si Sie mangal᷊eng u papinintu e'e. 10#Yes. 6:9-10I Yesus nusumimbahi, “I kumu seng ninggilenang u ghaghile guna ngu matitong rahasia ngu kirapa Mawu Ruata mamarenta kere Ratu. Arawe manga taumata ko wal᷊inge tintirong dingang u papinintu, tadeau i sire mupandung, kateho wugha ngu apang ko nariadi; dang i sire mundaringihi, kateho ta makahingang.”
I Yesus nupakal᷊ahe papinintu ngu singkatau mananawuhi
(Mat. 13:18-23; Mrk. 4:13-20)
11“Ii mangal᷊eng u papinintu e'e: sasuang e'e ko hengetang u Mawu Ruata. 12Sasuang ko nanawo su l᷊al᷊eng, musul᷊ung u manga taumata ko nakaringihi didato e'e. Kateho setang nusumongo dang namal᷊aho habari e'e bou naung i sire, tadeau kumbahang i sire mangimang dang ipakasal᷊amati. 13Sasuang ko nanawo su tampa ko mawatu e'e ko musul᷊ung u taumata ko su tempo ngu nakaringihi habari e'e, nanarima dingang l᷊uasi u naung. Kateho habari e'e ta nuhamu su naung i sire. I sire nangimang kitang singkatempo, dang su tempo nisongong u sasal᷊uka, i sire nutumal᷊ikuri. 14Sasuang ko nanawo su tal᷊oara u ghal᷊umu ko makasusu musul᷊ung u taumata ko nakaringihi habari e'e, kateho maghagha hal᷊i u puwawiahi sire dang mo muwiahi ko kala l᷊au sanang su l᷊al᷊ung u dunia i'i. Kaul᷊ie e'e nuhepesi si sire hakiu ta nuwua ko masasa. 15Sasuang ko nanawo su tana ko matawa, musul᷊ung u taumata ko nakaringihi habari e'e, bou e'e nundeso e'e su naung ko mapia dang ko matul᷊iri. I sire nakaputatahang sarang nuwua.”
Sol᷊o ko nitaka u bunsari
(Mrk. 4:21-25)
16 #
Mat. 5:15; Luk. 11:33 “Takoae taumata ko mundiko sol᷊o bou e'e manaka dingang u bunsari, arako mamilo su l᷊ungang u l᷊al᷊okang. I sie sarung mamilo sol᷊o e'e su tampae, tadeau taumata ko sumu makawua sinange. 17#Mat. 10:26; Luk. 12:2Takoae ko kawawuni ko ta ikawua; dang takoae ko nipakarumasi ko ta sarung bongkareng dang katitonang.
18 #
Mat. 25:29; Luk. 19:26 Ual᷊ingu e'e tuhunge ko pakapia-pia, apang ko nikaringihi kumu. Watu'u taumata ko seng pia, sarung onggol᷊ang lebe maul᷊i l᷊ai; arawe taumata ko takoae, singkodo ko mborong pia si sie sarung al᷊akeng l᷊ai.”
I Mama ngi Yesus l᷊au manga ana u singkatau-E
(Mat. 12:46-50; Mrk. 3:31-35)
19I Mama ngi Yesus dingang u manga ana u singkatau-E nusumongo sarang koa-E, kateho i sire ta nakarating sarang koa-E ual᷊ingu taumata tumaniu maul᷊i. 20Kuteu pia singkatau ko nangul᷊i si Yesus, “Tuang, i mama l᷊au manga ana u singkatau ngi Tuang pai su l᷊ikuri. I sire mo musombang dingang I Tuang.”
21Arawe I Yesus nangul᷊i si sire, “Apang taumata ko mundaringihi didato ngu Mawu Ruata dang mukoa e'e, i sire e'e i mama-Ku dang manga ana u singkatau-Ku.”
I Yesus nupakal᷊enehi u anging mauha
(Mat. 8:23-27; Mrk. 4:35-41)
22Pia su silou I Yesus dingang u manga tumatuhu-E nusumake sakaeng. “Intate i kite tamai sarang simbuka ngu rano,” angkung I Yesus si sire. Kuteu i sire nuwua. 23Su tempo ngi sire kasakaenge, I Yesus nikapatikilang. Singkawua anging ko mauha nutumiu su rano e'e. Ake nanita nakasu su l᷊al᷊ung u sakaeng, hakiu makasilaka si sire kaul᷊ie. 24Manga tumatuhu I Yesus nusumandighi si Sie dang namuko si Sie. I sire nangul᷊i, “Tuang Guru, Tuang Guru, i kite masilaka!”
I Yesus nuwangung bou e'e nuheang anging l᷊au l᷊ua ko l᷊abo e'e. Anging dingang u l᷊ua e'e turusi nangiro, bou e'e rano nakoa ko mal᷊ene-l᷊enehi. 25Bou e'e I Yesus nangul᷊i su manga tumatuhu-E, “Nakurawe i kumu ta mangimang si Sia?”
I sire naherang l᷊au nataku. Dang nangul᷊i i sire simbau dingang ko wal᷊inge, “I sai hinonge taumata i'i sarang nuparenta su anging l᷊au l᷊ua, dang I Sie niraringihang!”
I Yesus nupakaul᷊e ngu taumata ko nikasukang u roh ko dal᷊ai
(Mat. 8:28-34; Mrk. 5:1-20)
26I Yesus l᷊au manga tumatuhu-E nusakaeng turusi sarang wanua ngu Gerasa#8:26: Gerasa: pira mbau wohe horo: Gadara (putuhung Mat. 8:28); pia l᷊ai Gergesa. su simbuka ngu rano Galilea. 27Su tempo I Yesus nul᷊umintu sarang l᷊ul᷊unge, I Sie nisongong u singkatau ko ese ko nikasukang u roh ko dal᷊ai. Tau e'e nusumongo bou soa. Seng mal᷊iwue i sie takoae l᷊akue dang mandi matana su wal᷊e. I sie kitang mo matana su manga l᷊iang u kubul᷊i. 28Suapang nakawua si Yesus, i sie nukumiha bou e'e nusuba su saruang I Yesus dang nukui, “Yesus, Ahusi Mawu Ruata Ko Karangetange! Pakuraneng-U ia i'i? Ia mukal᷊iomaneng ariwe wauke ia!” 29Tau e'e nangul᷊i kere'e watu'u I Yesus nuparenta roh ko dal᷊ai e'e pasuwang bo i sie. Seng masau i sie ikawasa ngu roh ko dal᷊ai e'e hakiu maneng l᷊ima l᷊au l᷊aeri ikitang u hante dang diagateng pakatoghasi, i sie l᷊ai mborong makabusu hante e'e, bou e'e iwawa u roh ko dal᷊ai e'e sarang tana l᷊inggi.
30I Yesus nukina su tau e'e, “I sai arengu?”
“Arengku i ‘Legion’,” sasimbahi tau e'e – watu'u maul᷊i roh ko dal᷊ai seng nusumu si sie. 31Manga roh ko dal᷊ai e'e mundo singapang botonge tadeau I Yesus ta manguseri sire sarang Towa u Papate.#8:31: Towa u Papate: su naung u taumata himoneu manga roh ko dal᷊ai nitaho su tutupang su l᷊al᷊ung u towae ko mal᷊al᷊ung kahingang sarang hukumang si sire masue.
32Masandighi u tampa e'e pia wawi napene kapundeae kang i sire su l᷊engehi u wul᷊uri. Manga roh ko dal᷊ai e'e mundo si Yesus tadeau i sire ipakawala sumu su manga wawi e'e. I Yesus nukumire. 33Kuteu manga roh ko dal᷊ai e'e nusumuwang bou taumata e'e nangal᷊ing nusumu su manga wawi e'e. Bou e'e manga wawi e'e nutumal᷊ang nutumumpa bou wiwihi u towae sarang l᷊al᷊ung u rano, bou e'e nal᷊umisi.
34Manga mudadiaga wawi e'e nakawua apang ko seng nariadi. Kuteu i sire nutumal᷊ang dang nangeke ngu habari e'e su soa dang su kampong su sindihange. 35Bou e'e manga taumata nusumuwang nutuhung apang ko nariadi. I sire nakoa sarang koa I Yesus, dang su se'e i sire nakahombang tau ko seng nakapilo bou manga roh ko dal᷊ai e'e kakangiang masandighi u l᷊aeri Yesus. I sie seng dingang u l᷊akue dang sipirange seng natilang. I sire nataku. 36I sire ko nakawua hal᷊i ko nariadi e'e nuwuke suapang taumata kirapa taumata e'e nipakaul᷊e. 37Bou e'e kaul᷊i u tataho u wanua ngu Gerasa e'e nundo singapang botonge tadeau I Yesus panintang u tampa e'e, watu'u i sire kaul᷊ie mataku kahingang. Inau I Yesus nusumake sakaeng napul᷊e. 38Taumata ko seng napilo bou manga roh ko dal᷊ai e'e mundo si Yesus tadeau i sie botonge tumuhu.
Kateho I Yesus nuparenta si sie patamai, angkung-E, 39“Kapul᷊e'e dang habari apang ko seng nikoa u Mawu Ruata si kau.”
Kuteu tau e'e nul᷊umal᷊eng nupakatitong su kaul᷊i u soa, apang ko seng nikoa I Yesus si sie.
Ana i Yairus – Tau kowawine ko nanuhung si Yesus
(Mat. 9:18-26; Mrk. 5:21-43)
40Su tempo I Yesus nusul᷊e sarang simbuka ngu rano, I Sie nitarima u manga taumata dingang u l᷊al᷊iaghi, watu'u i sire kapangampal᷊i si Sie. 41Bou e'e nasongo singkatau tumbonang u wal᷊e pukakal᷊iomanengang su se'e. Arenge i Yairus. I sie nusuba su saruang I Yesus dang nundo singapang botonge I Yesus sumongo su wal᷊enge, 42Watu'u anae kowawine mang simbau, umurie mapul᷊odua su taunge masandighi mate.
Tintal᷊a I Yesus kal᷊al᷊enge sarang wal᷊e ngi Yairus, manga taumata mangkate kapunanenggehi si Sie bou apang wukunge. 43Su tal᷊oara i sire pia l᷊ai singkatau kowawine ko seng mapul᷊odua su taunge pia sakie l᷊al᷊engang u kotori ual᷊ingu songong u wul᷊ange. I sie seng nuwal᷊u apang rarotonge guna ngu makiundang su dokter,#8:43: Su l᷊al᷊ung u pira mbau wohe horo takoae: I sie seng nanginsue kaul᷊i u rarotonge guna ngu nakiundang su dokter. kateho mang takoae ko nakaul᷊e. 44Tau kowawine e'e nusumandighi si Yesus bou l᷊ikuri, bou e'e nanuhung pondol᷊i kakingkaeng-E. Singkatempo e'e l᷊al᷊al᷊eng u kotori kowawine e'e nangiro. 45I Yesus nukina, “I sai nanuhung si Sia?”
Kaul᷊i taumata nusunial᷊i. Bou e'e i Petrus nangul᷊i, “Tuang, napene taumata su sindihang I Tuang; i sire kapunenggehi si Tuang!”
46I Yesus nangul᷊i, “Kateho pia taumata ko nanuhung si Sia. Ia matitong e'e, watu'u pia katatoghasi nusumuwang bou badang-Ku.” 47Tau kowawine e'e nakapundang himoneu kakanoae seng nikatitonang. Inau i sie nusumandighi dingang kakendenge nusuba su saruang I Yesus. Kuteu i sie nuwuke su tingo ngu taumata maul᷊i, nakurawe i sie nanuhung si Yesus dang sakie singkatempo e'e l᷊ai naul᷊e. 48I Yesus nangul᷊i si sie, “Ana-Ku, ual᷊ing i kau mangimang si sia, i kau naul᷊e. Tamaite dingang u sal᷊amati.”
49Tintal᷊a I Yesus mborong kadidatonge, singkatau paparentang nasongo bou wal᷊e ngi Yairus. I sie nangul᷊i si Yairus, “Ana i Tuang kowawine seng nate. Ta wahal᷊uasu l᷊ai i Tuang mupakasusa ngi Tuang Guru.”
50Su tempo I Yesus nakaringihi e'e, I Sie nangul᷊i si Yairus, “Kumbahang mataku. Pangimangte dang ana u sarung maul᷊e.”
51Suapang nurating u wal᷊e ngi Yairus, I Yesus ta nupakawala sarang singkatau sumu dingang-E su l᷊ikuri Petrus, i Yohanes, i Yakobus, l᷊au i mama papa ngu ana e'e. 52Kaul᷊i u taumata kasangie dang kapukahuange ual᷊ingu kapapate ngu ana e'e. Kateho I Yesus nangul᷊i, “Kumbahang sumangi. Ana e'e ko ta nate, i sie kitang katikie!”
53I sire nul᷊umighei ngi Yesus, watu'u i sire matitong ana kowawine e'e ko seng nate. 54Bou e'e I Yesus nuhinggo l᷊ima ngu ana e'e dingang nangul᷊i, “Ndio, wangungte!” 55Sinango ngu ana e'e sau nusul᷊e su ana e'e, dang singkatempo e'e l᷊ai i sie nuwangung. Bou e'e I Yesus nangoro si sire pupakang u ana e'e. 56Ghaghurang u ana e'e naherang kahingang. Kateho I Yesus nularang si sire muhabari hal᷊i e'e si sai-sai.
Currently Selected:
LUKAS 8: PLT
Highlight
Share
Copy
Want to have your highlights saved across all your devices? Sign up or sign in
LUKAS 8
8
Manga kowawine ko nusumbala si Yesus
1Ta nal᷊iwue bou e'e, I Yesus nakoa sarang apang soa l᷊au manga kampong, guna ngu muhabari Habari Mapia himoneu Mawu Ruata seng nanita namarenta kere Ratu. Manga tumatuhu-E mapul᷊odua e'e nutumuhu dingang-E. 2#Mat. 27:55-56; Mrk. 15:40-41; Luk. 23:49 Kere'e l᷊ai pirangkatau kowawine ko seng nipakaul᷊e bou roh ko dal᷊ai l᷊au saki. I sire ko i Maria ko nisigho si Magdalena (pitu roh ko dal᷊ai seng nipasuwang bo i sie); 3I Yohana l᷊ai, kawing i Khuza, mul᷊ahal᷊i su istana ngi Herodes; i Susana, dang maul᷊i l᷊ai manga kowawine ko wal᷊inge – Dingang u wawaehi sire sisane, i sire nusumbala si Yesus l᷊au manga tumatuhu-E.
Papinintu Mananawuhi
(Mat. 13:1-9; Mrk. 4:1-9)
4Manga taumata mangkate kasongonge turusi sarang koa I Yesus bou haghi ngu soa. Dang su tempo seng napene taumata nakomol᷊i, I Yesus nuwuke si sire papinintu i'i: 5“Singkatau mangangawuhi tarai nanawuhi sasuang. Su tempo ngi sie kapanawuhi, pia sasuang ko nanawo su l᷊al᷊eng. Singga nikal᷊inda ngu taumata, dang ko wal᷊inge nitodo u burung. 6Pia l᷊ai ko nanawo su tampa ko mawatu. Su tempo tuwoe nusumuwang sasuang e'e nal᷊obe watu'u tanange mamara. 7Pia l᷊ai sasuang nanawo su ghal᷊umue ko mal᷊ahoro. Ghal᷊umue ko mal᷊ahoro e'e nutumuwo singkatuwo dingang u sasuang e'e dang nuhepesi sasuang ko seng nutumuwo e'e hakiu nate. 8Kateho pia l᷊ai sasuang ko nanawo su tana ko matawa, bou e'e nutumuwo dang nuwua pakamahasu su sul᷊enge.”
Nasue bou nuwuke ngu papinintu e'e, I Yesus nangul᷊i, “Boko pia tul᷊i, pundaringihi!”
Nakura I Yesus nupake u papinintu
(Mat. 13:10-17; Mrk. 4:10-12)
9Manga tumatuhu I Yesus nukina si Sie mangal᷊eng u papinintu e'e. 10#Yes. 6:9-10I Yesus nusumimbahi, “I kumu seng ninggilenang u ghaghile guna ngu matitong rahasia ngu kirapa Mawu Ruata mamarenta kere Ratu. Arawe manga taumata ko wal᷊inge tintirong dingang u papinintu, tadeau i sire mupandung, kateho wugha ngu apang ko nariadi; dang i sire mundaringihi, kateho ta makahingang.”
I Yesus nupakal᷊ahe papinintu ngu singkatau mananawuhi
(Mat. 13:18-23; Mrk. 4:13-20)
11“Ii mangal᷊eng u papinintu e'e: sasuang e'e ko hengetang u Mawu Ruata. 12Sasuang ko nanawo su l᷊al᷊eng, musul᷊ung u manga taumata ko nakaringihi didato e'e. Kateho setang nusumongo dang namal᷊aho habari e'e bou naung i sire, tadeau kumbahang i sire mangimang dang ipakasal᷊amati. 13Sasuang ko nanawo su tampa ko mawatu e'e ko musul᷊ung u taumata ko su tempo ngu nakaringihi habari e'e, nanarima dingang l᷊uasi u naung. Kateho habari e'e ta nuhamu su naung i sire. I sire nangimang kitang singkatempo, dang su tempo nisongong u sasal᷊uka, i sire nutumal᷊ikuri. 14Sasuang ko nanawo su tal᷊oara u ghal᷊umu ko makasusu musul᷊ung u taumata ko nakaringihi habari e'e, kateho maghagha hal᷊i u puwawiahi sire dang mo muwiahi ko kala l᷊au sanang su l᷊al᷊ung u dunia i'i. Kaul᷊ie e'e nuhepesi si sire hakiu ta nuwua ko masasa. 15Sasuang ko nanawo su tana ko matawa, musul᷊ung u taumata ko nakaringihi habari e'e, bou e'e nundeso e'e su naung ko mapia dang ko matul᷊iri. I sire nakaputatahang sarang nuwua.”
Sol᷊o ko nitaka u bunsari
(Mrk. 4:21-25)
16 #
Mat. 5:15; Luk. 11:33 “Takoae taumata ko mundiko sol᷊o bou e'e manaka dingang u bunsari, arako mamilo su l᷊ungang u l᷊al᷊okang. I sie sarung mamilo sol᷊o e'e su tampae, tadeau taumata ko sumu makawua sinange. 17#Mat. 10:26; Luk. 12:2Takoae ko kawawuni ko ta ikawua; dang takoae ko nipakarumasi ko ta sarung bongkareng dang katitonang.
18 #
Mat. 25:29; Luk. 19:26 Ual᷊ingu e'e tuhunge ko pakapia-pia, apang ko nikaringihi kumu. Watu'u taumata ko seng pia, sarung onggol᷊ang lebe maul᷊i l᷊ai; arawe taumata ko takoae, singkodo ko mborong pia si sie sarung al᷊akeng l᷊ai.”
I Mama ngi Yesus l᷊au manga ana u singkatau-E
(Mat. 12:46-50; Mrk. 3:31-35)
19I Mama ngi Yesus dingang u manga ana u singkatau-E nusumongo sarang koa-E, kateho i sire ta nakarating sarang koa-E ual᷊ingu taumata tumaniu maul᷊i. 20Kuteu pia singkatau ko nangul᷊i si Yesus, “Tuang, i mama l᷊au manga ana u singkatau ngi Tuang pai su l᷊ikuri. I sire mo musombang dingang I Tuang.”
21Arawe I Yesus nangul᷊i si sire, “Apang taumata ko mundaringihi didato ngu Mawu Ruata dang mukoa e'e, i sire e'e i mama-Ku dang manga ana u singkatau-Ku.”
I Yesus nupakal᷊enehi u anging mauha
(Mat. 8:23-27; Mrk. 4:35-41)
22Pia su silou I Yesus dingang u manga tumatuhu-E nusumake sakaeng. “Intate i kite tamai sarang simbuka ngu rano,” angkung I Yesus si sire. Kuteu i sire nuwua. 23Su tempo ngi sire kasakaenge, I Yesus nikapatikilang. Singkawua anging ko mauha nutumiu su rano e'e. Ake nanita nakasu su l᷊al᷊ung u sakaeng, hakiu makasilaka si sire kaul᷊ie. 24Manga tumatuhu I Yesus nusumandighi si Sie dang namuko si Sie. I sire nangul᷊i, “Tuang Guru, Tuang Guru, i kite masilaka!”
I Yesus nuwangung bou e'e nuheang anging l᷊au l᷊ua ko l᷊abo e'e. Anging dingang u l᷊ua e'e turusi nangiro, bou e'e rano nakoa ko mal᷊ene-l᷊enehi. 25Bou e'e I Yesus nangul᷊i su manga tumatuhu-E, “Nakurawe i kumu ta mangimang si Sia?”
I sire naherang l᷊au nataku. Dang nangul᷊i i sire simbau dingang ko wal᷊inge, “I sai hinonge taumata i'i sarang nuparenta su anging l᷊au l᷊ua, dang I Sie niraringihang!”
I Yesus nupakaul᷊e ngu taumata ko nikasukang u roh ko dal᷊ai
(Mat. 8:28-34; Mrk. 5:1-20)
26I Yesus l᷊au manga tumatuhu-E nusakaeng turusi sarang wanua ngu Gerasa#8:26: Gerasa: pira mbau wohe horo: Gadara (putuhung Mat. 8:28); pia l᷊ai Gergesa. su simbuka ngu rano Galilea. 27Su tempo I Yesus nul᷊umintu sarang l᷊ul᷊unge, I Sie nisongong u singkatau ko ese ko nikasukang u roh ko dal᷊ai. Tau e'e nusumongo bou soa. Seng mal᷊iwue i sie takoae l᷊akue dang mandi matana su wal᷊e. I sie kitang mo matana su manga l᷊iang u kubul᷊i. 28Suapang nakawua si Yesus, i sie nukumiha bou e'e nusuba su saruang I Yesus dang nukui, “Yesus, Ahusi Mawu Ruata Ko Karangetange! Pakuraneng-U ia i'i? Ia mukal᷊iomaneng ariwe wauke ia!” 29Tau e'e nangul᷊i kere'e watu'u I Yesus nuparenta roh ko dal᷊ai e'e pasuwang bo i sie. Seng masau i sie ikawasa ngu roh ko dal᷊ai e'e hakiu maneng l᷊ima l᷊au l᷊aeri ikitang u hante dang diagateng pakatoghasi, i sie l᷊ai mborong makabusu hante e'e, bou e'e iwawa u roh ko dal᷊ai e'e sarang tana l᷊inggi.
30I Yesus nukina su tau e'e, “I sai arengu?”
“Arengku i ‘Legion’,” sasimbahi tau e'e – watu'u maul᷊i roh ko dal᷊ai seng nusumu si sie. 31Manga roh ko dal᷊ai e'e mundo singapang botonge tadeau I Yesus ta manguseri sire sarang Towa u Papate.#8:31: Towa u Papate: su naung u taumata himoneu manga roh ko dal᷊ai nitaho su tutupang su l᷊al᷊ung u towae ko mal᷊al᷊ung kahingang sarang hukumang si sire masue.
32Masandighi u tampa e'e pia wawi napene kapundeae kang i sire su l᷊engehi u wul᷊uri. Manga roh ko dal᷊ai e'e mundo si Yesus tadeau i sire ipakawala sumu su manga wawi e'e. I Yesus nukumire. 33Kuteu manga roh ko dal᷊ai e'e nusumuwang bou taumata e'e nangal᷊ing nusumu su manga wawi e'e. Bou e'e manga wawi e'e nutumal᷊ang nutumumpa bou wiwihi u towae sarang l᷊al᷊ung u rano, bou e'e nal᷊umisi.
34Manga mudadiaga wawi e'e nakawua apang ko seng nariadi. Kuteu i sire nutumal᷊ang dang nangeke ngu habari e'e su soa dang su kampong su sindihange. 35Bou e'e manga taumata nusumuwang nutuhung apang ko nariadi. I sire nakoa sarang koa I Yesus, dang su se'e i sire nakahombang tau ko seng nakapilo bou manga roh ko dal᷊ai e'e kakangiang masandighi u l᷊aeri Yesus. I sie seng dingang u l᷊akue dang sipirange seng natilang. I sire nataku. 36I sire ko nakawua hal᷊i ko nariadi e'e nuwuke suapang taumata kirapa taumata e'e nipakaul᷊e. 37Bou e'e kaul᷊i u tataho u wanua ngu Gerasa e'e nundo singapang botonge tadeau I Yesus panintang u tampa e'e, watu'u i sire kaul᷊ie mataku kahingang. Inau I Yesus nusumake sakaeng napul᷊e. 38Taumata ko seng napilo bou manga roh ko dal᷊ai e'e mundo si Yesus tadeau i sie botonge tumuhu.
Kateho I Yesus nuparenta si sie patamai, angkung-E, 39“Kapul᷊e'e dang habari apang ko seng nikoa u Mawu Ruata si kau.”
Kuteu tau e'e nul᷊umal᷊eng nupakatitong su kaul᷊i u soa, apang ko seng nikoa I Yesus si sie.
Ana i Yairus – Tau kowawine ko nanuhung si Yesus
(Mat. 9:18-26; Mrk. 5:21-43)
40Su tempo I Yesus nusul᷊e sarang simbuka ngu rano, I Sie nitarima u manga taumata dingang u l᷊al᷊iaghi, watu'u i sire kapangampal᷊i si Sie. 41Bou e'e nasongo singkatau tumbonang u wal᷊e pukakal᷊iomanengang su se'e. Arenge i Yairus. I sie nusuba su saruang I Yesus dang nundo singapang botonge I Yesus sumongo su wal᷊enge, 42Watu'u anae kowawine mang simbau, umurie mapul᷊odua su taunge masandighi mate.
Tintal᷊a I Yesus kal᷊al᷊enge sarang wal᷊e ngi Yairus, manga taumata mangkate kapunanenggehi si Sie bou apang wukunge. 43Su tal᷊oara i sire pia l᷊ai singkatau kowawine ko seng mapul᷊odua su taunge pia sakie l᷊al᷊engang u kotori ual᷊ingu songong u wul᷊ange. I sie seng nuwal᷊u apang rarotonge guna ngu makiundang su dokter,#8:43: Su l᷊al᷊ung u pira mbau wohe horo takoae: I sie seng nanginsue kaul᷊i u rarotonge guna ngu nakiundang su dokter. kateho mang takoae ko nakaul᷊e. 44Tau kowawine e'e nusumandighi si Yesus bou l᷊ikuri, bou e'e nanuhung pondol᷊i kakingkaeng-E. Singkatempo e'e l᷊al᷊al᷊eng u kotori kowawine e'e nangiro. 45I Yesus nukina, “I sai nanuhung si Sia?”
Kaul᷊i taumata nusunial᷊i. Bou e'e i Petrus nangul᷊i, “Tuang, napene taumata su sindihang I Tuang; i sire kapunenggehi si Tuang!”
46I Yesus nangul᷊i, “Kateho pia taumata ko nanuhung si Sia. Ia matitong e'e, watu'u pia katatoghasi nusumuwang bou badang-Ku.” 47Tau kowawine e'e nakapundang himoneu kakanoae seng nikatitonang. Inau i sie nusumandighi dingang kakendenge nusuba su saruang I Yesus. Kuteu i sie nuwuke su tingo ngu taumata maul᷊i, nakurawe i sie nanuhung si Yesus dang sakie singkatempo e'e l᷊ai naul᷊e. 48I Yesus nangul᷊i si sie, “Ana-Ku, ual᷊ing i kau mangimang si sia, i kau naul᷊e. Tamaite dingang u sal᷊amati.”
49Tintal᷊a I Yesus mborong kadidatonge, singkatau paparentang nasongo bou wal᷊e ngi Yairus. I sie nangul᷊i si Yairus, “Ana i Tuang kowawine seng nate. Ta wahal᷊uasu l᷊ai i Tuang mupakasusa ngi Tuang Guru.”
50Su tempo I Yesus nakaringihi e'e, I Sie nangul᷊i si Yairus, “Kumbahang mataku. Pangimangte dang ana u sarung maul᷊e.”
51Suapang nurating u wal᷊e ngi Yairus, I Yesus ta nupakawala sarang singkatau sumu dingang-E su l᷊ikuri Petrus, i Yohanes, i Yakobus, l᷊au i mama papa ngu ana e'e. 52Kaul᷊i u taumata kasangie dang kapukahuange ual᷊ingu kapapate ngu ana e'e. Kateho I Yesus nangul᷊i, “Kumbahang sumangi. Ana e'e ko ta nate, i sie kitang katikie!”
53I sire nul᷊umighei ngi Yesus, watu'u i sire matitong ana kowawine e'e ko seng nate. 54Bou e'e I Yesus nuhinggo l᷊ima ngu ana e'e dingang nangul᷊i, “Ndio, wangungte!” 55Sinango ngu ana e'e sau nusul᷊e su ana e'e, dang singkatempo e'e l᷊ai i sie nuwangung. Bou e'e I Yesus nangoro si sire pupakang u ana e'e. 56Ghaghurang u ana e'e naherang kahingang. Kateho I Yesus nularang si sire muhabari hal᷊i e'e si sai-sai.
Currently Selected:
:
Highlight
Share
Copy
Want to have your highlights saved across all your devices? Sign up or sign in