LUKAS 9
9
I Yesus nundoi si sire mapul᷊odua Tumatuhu-E
(Mat. 10:5-15; Mrk. 6:7-13)
1I Yesus nukui si sire mapul᷊odua tumatuhu-E, bou e'e nangonggo si sire kawasa guna ngu manguseri roh ko dal᷊ai dang mupakaul᷊e ngu saki. 2Bou e'e I Sie nundoi si sire pal᷊al᷊eng pupakaul᷊e ngu taumata ko masaki dang pangeke ngu habari hal᷊i u kirapa Mawu Ruata mamarenta kere Ratu. 3#Luk. 10:4-11“Kumbahang mumbawa manga apa guna ngu l᷊al᷊al᷊engang i kumu”, habari Yesus si sire. Kumbahang mumbawa tiking, arako peta ngu sasumba, arako kang, arako doi, arako pakeang darua. 4Su apa i kumu itarima, katanae su se'e sarang i kumu manintang u soa e'e. 5#Wuk. 13:51Dang su apa i kumu ta itarima, su tempo ngi kumu manintang u soa e'e, tontongte awu su l᷊aeri u, kere l᷊aonggo ingati si sire.
6Manga tumatuhu I Yesus nuwua, bou e'e nul᷊umal᷊eng sarang apang kampong guna ngu muhabari Habari Mapia e'e dang mupakaul᷊e ngu taumata ko masaki su apang tampa.
I Herodes nubingo
(Mat. 14:1-12; Mrk. 6:14-29)
7 #
Mat. 16:14; Mrk. 8:18; Luk. 9:19 Su tempo ngi Herodes, ko kapuparentange su Galilea, nakaringihi hal᷊i kaul᷊ie ko nariadi e'e, i sie nubingo. Watu'u pia ko nangul᷊i uare i Yohanes Mananahani seng sau nuwiahi. 8Pia l᷊ai ko nangul᷊i uare i Elia seng sau nusumongo. Taumata ko wal᷊inge l᷊ai nangul᷊i uare singkatau nabi bou tal᷊oara u manga nabi ko horo seng sau nuwiahi. 9I Herodes nangul᷊i, “Ia seng nundoi u taumata pamoto timbo i Yohanes. Arawe taumata i'i, ko i sai I Sie hinonge? Seng maul᷊i daku nikaringihi bou hal᷊i I Sie.” Kuteu i Herodes mutawakal᷊i tadeau makawua si Yesus.
I Yesus nupakang si sire l᷊imahiwu su kataunge
(Mat. 14:13-21; Mrk. 6:30-44; Yoh. 6:1-14)
10Manga rasuli Yesus seng nusul᷊e dang nuwuke si Yesus kaul᷊ie apang ko nikoa i sire. I Yesus nuhawu si sire, bou e'e natamai singkahindo nutingkaghea sarang soa ngu Betsaida. 11Kateho su apang taumata natitong hal᷊i e'e i sire nutumuhu si Yesus. I Sie nanarima si sire, bou e'e nudidato si sire hal᷊i u kirapa Mawu Ruata mamarenta kere Ratu, dang I Sie l᷊ai nupakaul᷊e ngu taumata ko masaki su tal᷊oara i sire.
12Su tempo ngu matangutiti nanita kasirae, i sire mapul᷊odua tumatuhu I Yesus nusumandighi si Sie dang nangul᷊i, “Tuang, tampa i'i ko naghea. Mapiang I Tuang pundoi manga taumata i'i pukaesi, tadeau i sire botonge mundea kang dang tampa pamunakeng suapang kampong l᷊au manga desa su sindihange.”
13Kateho I Yesus nusumimbahi, “I kumute pangonggo kang si sire.”
Manga tumatuhu I Yesus nangul᷊i, “I kami kitang pia boroti l᷊ima mbau l᷊au kina dua mbua. Apa i kami mambeng ipal᷊al᷊eng pul᷊uang guna ngu taumata sindu i'i?” 14(Pia manga l᷊imahiwu su kataunge ko ese su se'e)
I Yesus nangul᷊i su manga tumatuhu-E, “Roite apang taumata i'i pakangiang pusingkomol᷊i, manga taha l᷊imampul᷊o su kataunge singkomol᷊i.”
15Manga Tumatuhu I Yesus e'e nukoa apang ko niul᷊i I Yesus si sire. 16Bou e'e I Yesus nangal᷊a boroti l᷊ima l᷊au kina darua e'e, mbuhue nul᷊umal᷊ingara sarang l᷊angi dang nutarimakase su Mawu Ruata. Nasue e'e I Sie nangangompeng boroti l᷊au kina e'e dingang u l᷊ima-Nge mbuhue nangonggo su manga tumatuhu-E tadeau pakipahia su taumata maul᷊i e'e 17I Sire kaul᷊ie nukumang sarang nal᷊aeri. Bou e'e manga tumatuhu I Yesus nangomol᷊i l᷊umbei ngu wiahi e'e kaul᷊ie mapul᷊odua su wawewekang.
Pangakuang i Petrus hal᷊i I Yesus
(Mat. 16:13-19; Mrk. 8:27-29)
18Pia su sil᷊ou, su tempo ngi Yesus kapukal᷊iomanenge sisane, manga tumatuhu-E nusumongo sarang koa-E. I Yesus nukina si sire, “Tumuhu didato ngu taumata, Ia i'i ko i sai?”
19 #
Mat. 14:1-2; Mrk. 6:14-15; Luk. 9:7-8 I sire nusumimbahi, “Pia ko nangul᷊i i Yohanes Mananahani. Pia l᷊ai ko nangul᷊i i Elia, ko wal᷊inge l᷊ai nangul᷊i singkatau bou manga nabi tempo tamai ko seng sau nuwiahi.”
20 #
Yoh. 6:68-69
“Arawe tumuhu si kumu, Ia i'i ko i sai?” kakina I Yesus.
I Petrus nusumimbahi, “I Tuang ko Ratu Mananal᷊amati ko nidiandi ngu Mawu Ruata.”
I Yesus kapuwisara ngu hal᷊i u singsara l᷊au papate-Nge
(Mat. 16:21-28; Mrk. 8:31–9:1)
21Bou e'e I Yesus nangul᷊i su manga tumatuhu-E, “Kumbahang-bahang muhabari hal᷊i e'e si sai-sai.” 22I Yesus nangul᷊i l᷊ai, “Ahusi Taumata mambeng mutatahang u singsara dang rokateng u manga pangaha dang tumbonang u manga imam, l᷊au manga meteri agama. I Sie sarung pateng, kateho su l᷊ou katilunge sarung sau ipuwangung.” 23#Mat. 10:38; Luk. 14:27Bou e'e I Yesus nangul᷊i su kaul᷊i u taumata ko ene su se'e, “Taumata ko mo tumuhu si Sia, mambeng ari putinaung hal᷊i u watangeng, mamikul᷊i salipie l᷊ou-l᷊ou, dang turusi putuhu si Sia. 24#Mat. 10:39; Luk. 17:33; Yoh. 12:25Watu'u taumata ko mutahatinda u puwawiahi sarung kailangeng u puwawiahi. Arawe taumata ko manarakang puwawiahi ual᷊ingu Ia, sarung ipakasal᷊amati. 25Apa untunge su singkatau boko kaul᷊i u dunia i'i makoa koae, kateho i sie munggoghahi dang kailangeng u puwawiahie? 26Boko taumata mamea mangaku ngu Ia l᷊au tintiro-Ku, Ahusi Taumata l᷊ai sarung mamea mangaku ngu tau e'e su tempo ngi Sie sarung sumongo dingang u kawasang-E, dang dingang u kawasang I Yamang dang kawasa ngu manga malaikati ko susi. 27Katitongte: bou tal᷊oara i kumu su si'i pia ko sarung ta mate suhoro i sie makawua Mawu Ruata mamarenta.”
I Yesus nipakawantughi
(Mat. 17:1-8; Mrk. 9:2-8)
28 #
2Ptr. 1:17-18
Manga singkamisa bo I Yesus nanintiro ngu apang hal᷊i e'e, I Sie numbawa si Petrus, I Yohanes, l᷊au i Yakobus nusumaka wul᷊uri, guna ngu mukal᷊iomaneng. 29Tintal᷊a I Yesus kapukal᷊iomanenge su se'e, pahesi-E nuwal᷊u dang pakeang-E nakoa ko mawira kukerong. 30-31Singkawua dua ngkatau, i Musa dingang i Elia nutingkaandaghi badange dingang u sinang bou sorga. I sire rua kapudidatonge dingang I Yesus hal᷊i u kapapohong-E ko seng ta mal᷊iwue sarung il᷊al᷊engang-E su Yerusalem. 32Su tempo e'e i Petrus l᷊au manga ringange nikapatikilang, kateho singkawua napuko, dang nakawua si Yesus nusuminang dingang u tau darua e'e kararisi dingang-E. 33Su tempo ngi sire rua e'e nanintang I Yesus, i Petrus nangul᷊i si Yesus, “Tuang Guru, matemang kahingang i kite su si'i. Mapiang i kami mukoa selo tatilu; simbau guna ngi Tuang, simbau guna ngi Musa, dang simbau l᷊ai guna ngi Elia.” (I Petrus nangul᷊i kere'e kateho i sie wugha ngu apang ko nihabarie).
34Tintal᷊a i Petrus kapuwisarange, pia winawa ko namikung si sire, hakiu i sire nataku. 35#Yes. 42:1; Mat. 3:17, 12:18; Mrk. 1:11; Luk. 3:22Bou e'e bou l᷊al᷊ung u winawa e'e nikaringihi pia tingihi nangul᷊i, “I'i Ana-Ku ko Daku nipile. Raringihi I Sie!”
36Suapang tingihi e'e nangiro, i sire nakawua si Yesus sisanenge su se'e. Manga tumatuhu I Yesus nupakarumasi kaul᷊i u e'e, dang ta nangul᷊i si sai-sai apang ko seng nikawua ngi sire.
I Yesus nupakaul᷊e ngu ana ko nikasukang u roh ko dal᷊ai
(Mat. 17:14-18; Mrk. 9:14-27)
37Ndai mal᷊ou I Yesus dingang i sire tilu tumatuhu-E nurumusung bou wul᷊uri e'e, dang taumata maul᷊i nusumongo sarang koa I Yesus. 38Singkatau ko ese bou tal᷊oara u taumata maul᷊i e'e nukumiha, “Tuang Guru tul᷊ung ko tuhunge anaku – i sie anaku mang simbau! 39Boko roh ko dal᷊ai sumu si sie, singkahuwiu i sie seng nukumiha dang badange nutumondohi sarang mohonge nusumuwu. Roh e'e turusi kapamahange si sie dang mandi sumuwang bo i sie! 40Ia seng mbuae nundo su manga tumatuhu I Tuang panguseri roh e'e, kateho i sire ta nakakoa.”
41I Yesus nusumimbahi, “Wal᷊inge gampang i kumu i'i. I kumu tinga-tingari taumata ko mal᷊awang dang ta mangangimang! Sarang kangereng Ia mambeng matana dingang i kumu dang musabari su tingo ngi kumu? Wawate mai ana u e'e!”
42Tintal᷊a ana e'e kal᷊al᷊enge mai sarang koa I Yesus, roh ko dal᷊ai e'e namanting si sie dang nukoa badange nutumondohi. Kateho I Yesus namarenta roh ko dal᷊ai e'e pasuwang dang ana e'e naul᷊e. Bou e'e ana e'e sau nionggo si papange. 43Kaul᷊i u taumata naherang nakawua kawasa ngu Mawu Ruata ko kere'e kal᷊aboe.
I Yesus sau nuhabari hal᷊i u papate-Nge
(Mat. 17:22-23; Mrk. 9:30-32)
Su tempo ngu manga taumata mborong naherang nakawua kaul᷊i ko nikoa-E, I Yesus nangul᷊i su manga tumatuhu-E. 44“Putuhungko pakapia-pia, dang kumbahang mal᷊iwuhi didato-Ku i'i: Ahusi Taumata sarung ionggo su kawasa ngu taumata.” 45Kateho manga tumatuhu I Yesus e'e ta nakahingang wisara-Nge e'e. Hal᷊i e'e nipakarumasi si sire tadeau i sire ta makahingang. Arawe i sire mataku mukina u hal᷊i e'e si Sie.
Ko i sai kal᷊abokange
(Mat. 18:1-5; Mrk. 9:33-37)
46 #
Luk. 22:24
Su tal᷊oara u manga tumatuhu I Yesus nutumimbul᷊i purarendehi hal᷊i u ko i sai kal᷊abokange bo i sire. 47I Yesus matitong u sipirang i sire, ual᷊ingu e'e I Sie nangal᷊a singkatau ana ko dio dang nupararisi ana e'e su sindihang-E 48#Mat. 10:40; Luk. 10:16; Yoh. 13:20Bou e'e I Sie nangul᷊i su manga tumatuhu-E, “Taumata ko manarima ana i'i ual᷊ingu Ia, mangal᷊enge musul᷊ung u nanarima si Sia. Dang taumata ko manarima u Ia, manarima I Sie ko nundoi si Sia. Watu'u taumata ko kadiokange su tal᷊oara i kumu, seng i sie kal᷊abokange!”
Taumata ko ta mundoka si kumu manimbuka si kumu
(Mrk. 9:38-40)
49I Yohanes nangul᷊i, “Tuang, i kami nakawua taumata ko nanguseri setang dingang u areng I Tuang, dang nilarang i kami, watu'u i sie wal᷊inge dingang i kite.”
50“Kumbahang mularang i sie,” angkung I Yesus si Yohanes l᷊au manga tumatuhu I Yesus ko wal᷊inge, “Watu'u taumata ko ta mundoka si kumu, mangal᷊enge musul᷊ung u manimbuka si kumu.”
Pia kampong simbau su Samaria mandi manarima si Yesus
51Suapang seng masandighi temponge I Yesus ihengke sarang sorga, I Sie namutusi makoa sarang Yerusalem. 52Kuteu I Sie nundoi taumata pangihoro bo I Sie. Apang taumata ko niroi-E e'e natamai, bou e'e nusumu su kampong simbau su Samaria guna ngu manadia manga apa guna ngi Yesus. 53Arawe apang taumata su kampong e'e mandi manarima I Yesus, ual᷊ingu seng mal᷊ahe kahingang i Sie kal᷊al᷊enge sarang Yerusalem. 54#2Mar. 1:9-16Kuteu su tempo ngu manga tumatuhu I Yesus, i Yakobus l᷊au i Yohanes natitong u hal᷊i e'e, i sire nangul᷊i, “Tuang, apa I Tuang mo, i kami mundo putung bou l᷊angi guna ngu mupakawinasa ngu apang taumata i'i?”#9:54: Su l᷊al᷊ung u pira mbau wohe horo pia manga didato: kere ko nikoa i nabi Elia.
55I Yesus nuwihu, bou e'e nuwawal᷊uang si sire.#9:55: Su l᷊al᷊ung u pira mbau wohe horo pia manga didato: dang nangul᷊i, “I kumu wugha Roh sude'e ko nangawasa si kumu; watu'u Ana u taumata ta nuruminta guna ngu mupakawinasa taumata, kateho guna ngu mupakasal᷊amati taumata.” 56Bou e'e i sire nakoa sarang kampong ko wal᷊inge.
Apang taumata ko mo makoa tumatuhu I Yesus
(Mat. 8:19-22)
57Tintal᷊a I Yesus dingang u manga tumatuhu-E kapanurusie l᷊al᷊al᷊eng i sire, pia taumata nangul᷊i si Yesus, “Tuang, ia mo mutumuhu si Tuang maning sarang apa!”
58I Yesus nusumimbahi, “Sarigala pia l᷊iange, dang burung pia sal᷊ehi, arawe Ahusi Taumata takoae tampa katikilang.” 59Bou e'e I Yesus nangul᷊i su singkatau ko wal᷊inge, “Tuhue si Sia.”
Kateho tau e'e nangul᷊i, “Tuang pakawalako ia mapul᷊e horo mul᷊uwing i papaku.”
60I Yesus nusumimbahi, “Walate kere tau ko nate pul᷊uwing sisane taumatange ko seng nate. Arawe i kau, l᷊al᷊engte pangeke ngu habari himoneu Mawu Ruata seng nanita namarenta.”
61 #
1Mar. 19:20
Pia l᷊ai singkatau ko wal᷊inge nangul᷊i, “Tuang, ia mo tumuhu si Tuang, kitang pakawalako ia mapul᷊e mangilei horo.”
62I Yesus nangul᷊i su tau e'e, “Taumata ko seng nanita namungkala, bou e'e muwihu sarang l᷊ikuri, ta hinonge makoa tataho umati Mawu Ruata.”
Currently Selected:
LUKAS 9: PLT
Highlight
Share
Copy
Want to have your highlights saved across all your devices? Sign up or sign in
LUKAS 9
9
I Yesus nundoi si sire mapul᷊odua Tumatuhu-E
(Mat. 10:5-15; Mrk. 6:7-13)
1I Yesus nukui si sire mapul᷊odua tumatuhu-E, bou e'e nangonggo si sire kawasa guna ngu manguseri roh ko dal᷊ai dang mupakaul᷊e ngu saki. 2Bou e'e I Sie nundoi si sire pal᷊al᷊eng pupakaul᷊e ngu taumata ko masaki dang pangeke ngu habari hal᷊i u kirapa Mawu Ruata mamarenta kere Ratu. 3#Luk. 10:4-11“Kumbahang mumbawa manga apa guna ngu l᷊al᷊al᷊engang i kumu”, habari Yesus si sire. Kumbahang mumbawa tiking, arako peta ngu sasumba, arako kang, arako doi, arako pakeang darua. 4Su apa i kumu itarima, katanae su se'e sarang i kumu manintang u soa e'e. 5#Wuk. 13:51Dang su apa i kumu ta itarima, su tempo ngi kumu manintang u soa e'e, tontongte awu su l᷊aeri u, kere l᷊aonggo ingati si sire.
6Manga tumatuhu I Yesus nuwua, bou e'e nul᷊umal᷊eng sarang apang kampong guna ngu muhabari Habari Mapia e'e dang mupakaul᷊e ngu taumata ko masaki su apang tampa.
I Herodes nubingo
(Mat. 14:1-12; Mrk. 6:14-29)
7 #
Mat. 16:14; Mrk. 8:18; Luk. 9:19 Su tempo ngi Herodes, ko kapuparentange su Galilea, nakaringihi hal᷊i kaul᷊ie ko nariadi e'e, i sie nubingo. Watu'u pia ko nangul᷊i uare i Yohanes Mananahani seng sau nuwiahi. 8Pia l᷊ai ko nangul᷊i uare i Elia seng sau nusumongo. Taumata ko wal᷊inge l᷊ai nangul᷊i uare singkatau nabi bou tal᷊oara u manga nabi ko horo seng sau nuwiahi. 9I Herodes nangul᷊i, “Ia seng nundoi u taumata pamoto timbo i Yohanes. Arawe taumata i'i, ko i sai I Sie hinonge? Seng maul᷊i daku nikaringihi bou hal᷊i I Sie.” Kuteu i Herodes mutawakal᷊i tadeau makawua si Yesus.
I Yesus nupakang si sire l᷊imahiwu su kataunge
(Mat. 14:13-21; Mrk. 6:30-44; Yoh. 6:1-14)
10Manga rasuli Yesus seng nusul᷊e dang nuwuke si Yesus kaul᷊ie apang ko nikoa i sire. I Yesus nuhawu si sire, bou e'e natamai singkahindo nutingkaghea sarang soa ngu Betsaida. 11Kateho su apang taumata natitong hal᷊i e'e i sire nutumuhu si Yesus. I Sie nanarima si sire, bou e'e nudidato si sire hal᷊i u kirapa Mawu Ruata mamarenta kere Ratu, dang I Sie l᷊ai nupakaul᷊e ngu taumata ko masaki su tal᷊oara i sire.
12Su tempo ngu matangutiti nanita kasirae, i sire mapul᷊odua tumatuhu I Yesus nusumandighi si Sie dang nangul᷊i, “Tuang, tampa i'i ko naghea. Mapiang I Tuang pundoi manga taumata i'i pukaesi, tadeau i sire botonge mundea kang dang tampa pamunakeng suapang kampong l᷊au manga desa su sindihange.”
13Kateho I Yesus nusumimbahi, “I kumute pangonggo kang si sire.”
Manga tumatuhu I Yesus nangul᷊i, “I kami kitang pia boroti l᷊ima mbau l᷊au kina dua mbua. Apa i kami mambeng ipal᷊al᷊eng pul᷊uang guna ngu taumata sindu i'i?” 14(Pia manga l᷊imahiwu su kataunge ko ese su se'e)
I Yesus nangul᷊i su manga tumatuhu-E, “Roite apang taumata i'i pakangiang pusingkomol᷊i, manga taha l᷊imampul᷊o su kataunge singkomol᷊i.”
15Manga Tumatuhu I Yesus e'e nukoa apang ko niul᷊i I Yesus si sire. 16Bou e'e I Yesus nangal᷊a boroti l᷊ima l᷊au kina darua e'e, mbuhue nul᷊umal᷊ingara sarang l᷊angi dang nutarimakase su Mawu Ruata. Nasue e'e I Sie nangangompeng boroti l᷊au kina e'e dingang u l᷊ima-Nge mbuhue nangonggo su manga tumatuhu-E tadeau pakipahia su taumata maul᷊i e'e 17I Sire kaul᷊ie nukumang sarang nal᷊aeri. Bou e'e manga tumatuhu I Yesus nangomol᷊i l᷊umbei ngu wiahi e'e kaul᷊ie mapul᷊odua su wawewekang.
Pangakuang i Petrus hal᷊i I Yesus
(Mat. 16:13-19; Mrk. 8:27-29)
18Pia su sil᷊ou, su tempo ngi Yesus kapukal᷊iomanenge sisane, manga tumatuhu-E nusumongo sarang koa-E. I Yesus nukina si sire, “Tumuhu didato ngu taumata, Ia i'i ko i sai?”
19 #
Mat. 14:1-2; Mrk. 6:14-15; Luk. 9:7-8 I sire nusumimbahi, “Pia ko nangul᷊i i Yohanes Mananahani. Pia l᷊ai ko nangul᷊i i Elia, ko wal᷊inge l᷊ai nangul᷊i singkatau bou manga nabi tempo tamai ko seng sau nuwiahi.”
20 #
Yoh. 6:68-69
“Arawe tumuhu si kumu, Ia i'i ko i sai?” kakina I Yesus.
I Petrus nusumimbahi, “I Tuang ko Ratu Mananal᷊amati ko nidiandi ngu Mawu Ruata.”
I Yesus kapuwisara ngu hal᷊i u singsara l᷊au papate-Nge
(Mat. 16:21-28; Mrk. 8:31–9:1)
21Bou e'e I Yesus nangul᷊i su manga tumatuhu-E, “Kumbahang-bahang muhabari hal᷊i e'e si sai-sai.” 22I Yesus nangul᷊i l᷊ai, “Ahusi Taumata mambeng mutatahang u singsara dang rokateng u manga pangaha dang tumbonang u manga imam, l᷊au manga meteri agama. I Sie sarung pateng, kateho su l᷊ou katilunge sarung sau ipuwangung.” 23#Mat. 10:38; Luk. 14:27Bou e'e I Yesus nangul᷊i su kaul᷊i u taumata ko ene su se'e, “Taumata ko mo tumuhu si Sia, mambeng ari putinaung hal᷊i u watangeng, mamikul᷊i salipie l᷊ou-l᷊ou, dang turusi putuhu si Sia. 24#Mat. 10:39; Luk. 17:33; Yoh. 12:25Watu'u taumata ko mutahatinda u puwawiahi sarung kailangeng u puwawiahi. Arawe taumata ko manarakang puwawiahi ual᷊ingu Ia, sarung ipakasal᷊amati. 25Apa untunge su singkatau boko kaul᷊i u dunia i'i makoa koae, kateho i sie munggoghahi dang kailangeng u puwawiahie? 26Boko taumata mamea mangaku ngu Ia l᷊au tintiro-Ku, Ahusi Taumata l᷊ai sarung mamea mangaku ngu tau e'e su tempo ngi Sie sarung sumongo dingang u kawasang-E, dang dingang u kawasang I Yamang dang kawasa ngu manga malaikati ko susi. 27Katitongte: bou tal᷊oara i kumu su si'i pia ko sarung ta mate suhoro i sie makawua Mawu Ruata mamarenta.”
I Yesus nipakawantughi
(Mat. 17:1-8; Mrk. 9:2-8)
28 #
2Ptr. 1:17-18
Manga singkamisa bo I Yesus nanintiro ngu apang hal᷊i e'e, I Sie numbawa si Petrus, I Yohanes, l᷊au i Yakobus nusumaka wul᷊uri, guna ngu mukal᷊iomaneng. 29Tintal᷊a I Yesus kapukal᷊iomanenge su se'e, pahesi-E nuwal᷊u dang pakeang-E nakoa ko mawira kukerong. 30-31Singkawua dua ngkatau, i Musa dingang i Elia nutingkaandaghi badange dingang u sinang bou sorga. I sire rua kapudidatonge dingang I Yesus hal᷊i u kapapohong-E ko seng ta mal᷊iwue sarung il᷊al᷊engang-E su Yerusalem. 32Su tempo e'e i Petrus l᷊au manga ringange nikapatikilang, kateho singkawua napuko, dang nakawua si Yesus nusuminang dingang u tau darua e'e kararisi dingang-E. 33Su tempo ngi sire rua e'e nanintang I Yesus, i Petrus nangul᷊i si Yesus, “Tuang Guru, matemang kahingang i kite su si'i. Mapiang i kami mukoa selo tatilu; simbau guna ngi Tuang, simbau guna ngi Musa, dang simbau l᷊ai guna ngi Elia.” (I Petrus nangul᷊i kere'e kateho i sie wugha ngu apang ko nihabarie).
34Tintal᷊a i Petrus kapuwisarange, pia winawa ko namikung si sire, hakiu i sire nataku. 35#Yes. 42:1; Mat. 3:17, 12:18; Mrk. 1:11; Luk. 3:22Bou e'e bou l᷊al᷊ung u winawa e'e nikaringihi pia tingihi nangul᷊i, “I'i Ana-Ku ko Daku nipile. Raringihi I Sie!”
36Suapang tingihi e'e nangiro, i sire nakawua si Yesus sisanenge su se'e. Manga tumatuhu I Yesus nupakarumasi kaul᷊i u e'e, dang ta nangul᷊i si sai-sai apang ko seng nikawua ngi sire.
I Yesus nupakaul᷊e ngu ana ko nikasukang u roh ko dal᷊ai
(Mat. 17:14-18; Mrk. 9:14-27)
37Ndai mal᷊ou I Yesus dingang i sire tilu tumatuhu-E nurumusung bou wul᷊uri e'e, dang taumata maul᷊i nusumongo sarang koa I Yesus. 38Singkatau ko ese bou tal᷊oara u taumata maul᷊i e'e nukumiha, “Tuang Guru tul᷊ung ko tuhunge anaku – i sie anaku mang simbau! 39Boko roh ko dal᷊ai sumu si sie, singkahuwiu i sie seng nukumiha dang badange nutumondohi sarang mohonge nusumuwu. Roh e'e turusi kapamahange si sie dang mandi sumuwang bo i sie! 40Ia seng mbuae nundo su manga tumatuhu I Tuang panguseri roh e'e, kateho i sire ta nakakoa.”
41I Yesus nusumimbahi, “Wal᷊inge gampang i kumu i'i. I kumu tinga-tingari taumata ko mal᷊awang dang ta mangangimang! Sarang kangereng Ia mambeng matana dingang i kumu dang musabari su tingo ngi kumu? Wawate mai ana u e'e!”
42Tintal᷊a ana e'e kal᷊al᷊enge mai sarang koa I Yesus, roh ko dal᷊ai e'e namanting si sie dang nukoa badange nutumondohi. Kateho I Yesus namarenta roh ko dal᷊ai e'e pasuwang dang ana e'e naul᷊e. Bou e'e ana e'e sau nionggo si papange. 43Kaul᷊i u taumata naherang nakawua kawasa ngu Mawu Ruata ko kere'e kal᷊aboe.
I Yesus sau nuhabari hal᷊i u papate-Nge
(Mat. 17:22-23; Mrk. 9:30-32)
Su tempo ngu manga taumata mborong naherang nakawua kaul᷊i ko nikoa-E, I Yesus nangul᷊i su manga tumatuhu-E. 44“Putuhungko pakapia-pia, dang kumbahang mal᷊iwuhi didato-Ku i'i: Ahusi Taumata sarung ionggo su kawasa ngu taumata.” 45Kateho manga tumatuhu I Yesus e'e ta nakahingang wisara-Nge e'e. Hal᷊i e'e nipakarumasi si sire tadeau i sire ta makahingang. Arawe i sire mataku mukina u hal᷊i e'e si Sie.
Ko i sai kal᷊abokange
(Mat. 18:1-5; Mrk. 9:33-37)
46 #
Luk. 22:24
Su tal᷊oara u manga tumatuhu I Yesus nutumimbul᷊i purarendehi hal᷊i u ko i sai kal᷊abokange bo i sire. 47I Yesus matitong u sipirang i sire, ual᷊ingu e'e I Sie nangal᷊a singkatau ana ko dio dang nupararisi ana e'e su sindihang-E 48#Mat. 10:40; Luk. 10:16; Yoh. 13:20Bou e'e I Sie nangul᷊i su manga tumatuhu-E, “Taumata ko manarima ana i'i ual᷊ingu Ia, mangal᷊enge musul᷊ung u nanarima si Sia. Dang taumata ko manarima u Ia, manarima I Sie ko nundoi si Sia. Watu'u taumata ko kadiokange su tal᷊oara i kumu, seng i sie kal᷊abokange!”
Taumata ko ta mundoka si kumu manimbuka si kumu
(Mrk. 9:38-40)
49I Yohanes nangul᷊i, “Tuang, i kami nakawua taumata ko nanguseri setang dingang u areng I Tuang, dang nilarang i kami, watu'u i sie wal᷊inge dingang i kite.”
50“Kumbahang mularang i sie,” angkung I Yesus si Yohanes l᷊au manga tumatuhu I Yesus ko wal᷊inge, “Watu'u taumata ko ta mundoka si kumu, mangal᷊enge musul᷊ung u manimbuka si kumu.”
Pia kampong simbau su Samaria mandi manarima si Yesus
51Suapang seng masandighi temponge I Yesus ihengke sarang sorga, I Sie namutusi makoa sarang Yerusalem. 52Kuteu I Sie nundoi taumata pangihoro bo I Sie. Apang taumata ko niroi-E e'e natamai, bou e'e nusumu su kampong simbau su Samaria guna ngu manadia manga apa guna ngi Yesus. 53Arawe apang taumata su kampong e'e mandi manarima I Yesus, ual᷊ingu seng mal᷊ahe kahingang i Sie kal᷊al᷊enge sarang Yerusalem. 54#2Mar. 1:9-16Kuteu su tempo ngu manga tumatuhu I Yesus, i Yakobus l᷊au i Yohanes natitong u hal᷊i e'e, i sire nangul᷊i, “Tuang, apa I Tuang mo, i kami mundo putung bou l᷊angi guna ngu mupakawinasa ngu apang taumata i'i?”#9:54: Su l᷊al᷊ung u pira mbau wohe horo pia manga didato: kere ko nikoa i nabi Elia.
55I Yesus nuwihu, bou e'e nuwawal᷊uang si sire.#9:55: Su l᷊al᷊ung u pira mbau wohe horo pia manga didato: dang nangul᷊i, “I kumu wugha Roh sude'e ko nangawasa si kumu; watu'u Ana u taumata ta nuruminta guna ngu mupakawinasa taumata, kateho guna ngu mupakasal᷊amati taumata.” 56Bou e'e i sire nakoa sarang kampong ko wal᷊inge.
Apang taumata ko mo makoa tumatuhu I Yesus
(Mat. 8:19-22)
57Tintal᷊a I Yesus dingang u manga tumatuhu-E kapanurusie l᷊al᷊al᷊eng i sire, pia taumata nangul᷊i si Yesus, “Tuang, ia mo mutumuhu si Tuang maning sarang apa!”
58I Yesus nusumimbahi, “Sarigala pia l᷊iange, dang burung pia sal᷊ehi, arawe Ahusi Taumata takoae tampa katikilang.” 59Bou e'e I Yesus nangul᷊i su singkatau ko wal᷊inge, “Tuhue si Sia.”
Kateho tau e'e nangul᷊i, “Tuang pakawalako ia mapul᷊e horo mul᷊uwing i papaku.”
60I Yesus nusumimbahi, “Walate kere tau ko nate pul᷊uwing sisane taumatange ko seng nate. Arawe i kau, l᷊al᷊engte pangeke ngu habari himoneu Mawu Ruata seng nanita namarenta.”
61 #
1Mar. 19:20
Pia l᷊ai singkatau ko wal᷊inge nangul᷊i, “Tuang, ia mo tumuhu si Tuang, kitang pakawalako ia mapul᷊e mangilei horo.”
62I Yesus nangul᷊i su tau e'e, “Taumata ko seng nanita namungkala, bou e'e muwihu sarang l᷊ikuri, ta hinonge makoa tataho umati Mawu Ruata.”
Currently Selected:
:
Highlight
Share
Copy
Want to have your highlights saved across all your devices? Sign up or sign in