YOHANES 16
16
1Kiniliti An noba ebebar andarugup mende eti mi erogo bugunem yiluk, wene etoma obogar An yokiragi o. 2Kir tamban erir tagama nggwe etoma nen mugogo wulbinagagun o. Ir akuni nen, kir min kinakbiluk kalok eti, an Ar Allah eyabu arar eki o, yiluk andagwa mende inai telek ari warigin ar o. 3Kir etegerogon ekinabugun eti nenaluk, ir An Nombae inom, nen An inom, dik binanenggek dek eti paga arar o. 4Ogwe yogondak An wene eti yokiragi o. Nen wene eti arar etari waga kalok, kir kinakla eberno o, wene yi obogar ar yokiragi o.”
Ar Roh Allah nen yabu erurak yirige wene
5“Ogwe, An Ar lakbani wagage eti oba yogondak ligin o; kir kar ambi nen kwak, nen An nggoma ligin mende eti, kinok yornirugun dek o. 6An wene eti yokiragi paga, yogondak kir kinakla maduk agwi kinagi o. 7Ogwe wene ebebar mende kwak yi, yokerak o: An ligin kalok, kir kinake paga eti mondok pano arar o; nenaluk An ligin dek kalok, kir yamak kinaga dogu mende eti warigin dek arar o. Ogwe An ligin kalok, An nen Ar eti kir kinoba lakbi warigin o. 8Nen Ar waga kalok, Ar nen o agar paga yoma, maduk ekwi eti nena, yiluk enggen mende bugalka, tuguluk, Ar Allah nen maduk onggo erigin eti, ebebar mende kwak nggi yiluk, enam erogo bigin o. 9Ir akuni An noba iniliti ebebar andagikdek kalok eti, ir inomaduk arar o yiluk, Ar nen kenam erogo bigin o; 10Nen An eti ebebar o, nenaluk An eti Nombae oba ligin o, nen kir kinil neyagun mondok dek arar o; 11nen Ar Allah nen maduk ekwi mende ake hukuman muk inoba biktaga o, nenaluk ar o agar paga yoma obarne werek mende ernogo, omaduk onggo hukuman muk oba bege yi arar o.
12Wene amberak pakalok negen inomar kir yokeragin o, ogwe yogondak ya, kir nen wene waganu ndak dek o. 13Nen Ar Roh Allah eti waga kalok, Ar nen wene Allah abok ebebar mende eti, bagalka kalok, wene ebebar mende eti, kir kinil kobagik nen yiluk, yamakinagin o. Wene Ar aburak nen ambi yigin mondok dek arar o, ogwe wene Ar aruk kolaligin mende eti mban, yigin o. Nen Ar nen yabongga nena arigin mende eti, kir yokeragin ar o. 14Ar nen An nendaga wogok bigin o, nenaluk nena-nena Ar nen emekiragin mende etoma, An yigin mende ndak-ndak arar o. 15An Nombae oba agarik mende etoma obogar, An mende arar o. Eti paga nen, wene An nen Ar Roh Allah eti yorigin mende mban arar, kir yokeragin o,” yiluk yoragage.
Inoba dibi yugun inom, nen inoba adeknggen erugun inom, abok yirige wene
16Yoraga lagagerek, “We idu paga negen dogolukdek ar kir nen An kinil neyagun dek o, Ogwe tuguluk dogoluk dek negen ar, kir nen An muk kinil neyagun o.”
17Yoragi nanggige, ir Ar mutok lagwi mende nen kinok ar ambi yogik eku dogolir, “Ar wene nena akla andalok nir yorniraga dogolir, ‘Dogoluk dek negen ar An kir kinil neyagun dek o, nen dogoluk dek negen ar An kir muk kinil neyagun o’? yiluk yoknirage. Nen ambi inom ar, ‘An Nombae oba ligin yege eti, nena andalok kogop’?” 18Ir kinok idu negen yugu dogolir, “Dogoluk dek negen ar yege eti nena andalok? Nir ninakla Ar yege eti andau ndak dek mondok arar o!” yiluk yirugwa.
19Ar Yesus nen, ir wene kinok yoruwok nen yiluk andagwi il yenggak dalok, ir yoraga dogolir, “An nen kir obok yokiragi o, ‘Dogoluk dek negen ar, An kir kinil neyagun dek o, nen dogoluk dek negen ar, An kir muk kinil neyagun o,’ yiluk yokiragi enogo paga, kir-kir mumun kokop yirtagwi a?
20Kinakla ebebar andani o, kir de yugu dogolir nen de nggu makwi, erugun ogwe, o agar paga yoma inakla adeknggen ambik erugun o. Kir kinakla yiduk maduk arugun eti ogwe, kinakla yiduk maduk arugun eti elokte medak togon kinadeknggen mende arar etarigin o. 21Ar kwe nen elege endaru amor-maro kalok, oba kener watartaga mende o. Nenaluk ar anggon panggon kaurak mende eti arar panggo yi wagatek ma o. Ogwe, Ar elege enogo arar endak biluk kalok, ar kwe enogo anggon panggon eketek enogo akla mi ari taga mende o. Nenaluk, elege ambi o agar paga yoma arar endak laga o yiluk, adeknggen ketaga mende o. 22Eti ndak-ndak kir etegerogon arar o: yogondak kir kinakla maduk ari tagwi ogwe, An kir ninom abuk arugun ar o, nen o eta paga, kir kinakla adeknggen nggok mondok arugun o. Nen ar ambi ta nen kwak kinadeknggen eti ndilogo waganigin mondok dek o.
23O eta paga, kir An wene kinok ambi yornirugun mondok dek arar o. Ebebar andani o: Kir An Nombae oba, ye mende nde mende, An nendaga paga nggino yorugun kalok, An Nombae nen kir nggino yorugun mende eti wokiragin arar o. 24Yogondak ya kudi paga, kir nen nena-nena kwak ambi, An nendaga paga nggino yugwi dek agoktip o. Ma, nggino yokni o, yogwi kalok kir yorugun mende eti kodagun o. Eti erugun paga, kir kinadeknggen mende enogo pani pano arar etarigin o,” yiluk yorarige.
O agar paga yoma apma tebelogo bigin yirige wene
25“Wene yoma obogar oba lirogo mban kir yokiragi o. Ogwe, o telek ambi ari warigin eti paga, An wene oba lirogo eti yigin dek o. Ogwe, wene An Nombae abok mende eti yangguk togon telekma ar yokeragin o. 26O eti paga, kir An Nombae oba, ngginongge An nendaga paga yorugun o. Ma, kir kinilu togon o, kir kinake ekbinagu paga, An Nombae ngginongge ambi yorigin mondok dek. 27Nenaluk, Ar An Nombae nen, kir Ar iliti kunik mondok o. Ar kir iliti kunik eti, kir An kiniliti kunik ernakwi nen An Ar Allah nen arar lakbi wagage o, yiluk kinakla ebebar andar tagwi eti paga arar o. 28Nen An o agar paga yoma arar wagagi eti, An nedo eti Ar Allah oba nen arar wagagi o. Nen yogondak o agar paga yoma dambe kalok, niyok paga Nombae oba ligin o.”
29Yigi nanggige, ir Ar mutok lagwi mende nen Ar yogu dogolir, “Yogondak Tuhan kar wene oba lirogo dek, telekma yangguk togon arar yokniragen o. 30Nen nir ninilu aga eti, Kar Tuhan mende ye wene nde wene kilu eti Kar arar o. Ir akuni ambi nen ye wene nde wene kinok ambi Tuhan Kar yokiru ndak dek arar o. Eti paga nen, Kar Tuhan eti, Ar Allah oba nen arar wagagen o, yiluk ninakla ebebar andar tagwi o.”
31Ar Yesus nen onggo yoraga dogolir, “Yogo kir kinakla ebebar andagop a? 32Kinakla eberek dogono o! Kir tidik mbidik mugogo lakbinagurak mende, o telek arar panggo yi waga o, ogwe yogondak ya arar etarirtaga o. An nadik ar togok baniluk, kir kinuma kinadikndak dombok lugun o. Ogwe An nadik ar dek o, nenaluk An Nombae eti Ar ebe nimbirak o. 33Wene yoma obogar yigi eti, kir kinakla adeknggen aruwak nen yiluk yigi o. Nenaluk An ninom dambulik arar. O agar paga yoma, kir anggon panggon ekinabugun o. Ogwe kiniliti yanggo yiluk dogono o. Nen An o agar paga yoma, muk nakma tebelogo arar bigi o!”
Currently Selected:
YOHANES 16: WLW
Highlight
Share
Copy
Want to have your highlights saved across all your devices? Sign up or sign in
YOHANES 16
16
1Kiniliti An noba ebebar andarugup mende eti mi erogo bugunem yiluk, wene etoma obogar An yokiragi o. 2Kir tamban erir tagama nggwe etoma nen mugogo wulbinagagun o. Ir akuni nen, kir min kinakbiluk kalok eti, an Ar Allah eyabu arar eki o, yiluk andagwa mende inai telek ari warigin ar o. 3Kir etegerogon ekinabugun eti nenaluk, ir An Nombae inom, nen An inom, dik binanenggek dek eti paga arar o. 4Ogwe yogondak An wene eti yokiragi o. Nen wene eti arar etari waga kalok, kir kinakla eberno o, wene yi obogar ar yokiragi o.”
Ar Roh Allah nen yabu erurak yirige wene
5“Ogwe, An Ar lakbani wagage eti oba yogondak ligin o; kir kar ambi nen kwak, nen An nggoma ligin mende eti, kinok yornirugun dek o. 6An wene eti yokiragi paga, yogondak kir kinakla maduk agwi kinagi o. 7Ogwe wene ebebar mende kwak yi, yokerak o: An ligin kalok, kir kinake paga eti mondok pano arar o; nenaluk An ligin dek kalok, kir yamak kinaga dogu mende eti warigin dek arar o. Ogwe An ligin kalok, An nen Ar eti kir kinoba lakbi warigin o. 8Nen Ar waga kalok, Ar nen o agar paga yoma, maduk ekwi eti nena, yiluk enggen mende bugalka, tuguluk, Ar Allah nen maduk onggo erigin eti, ebebar mende kwak nggi yiluk, enam erogo bigin o. 9Ir akuni An noba iniliti ebebar andagikdek kalok eti, ir inomaduk arar o yiluk, Ar nen kenam erogo bigin o; 10Nen An eti ebebar o, nenaluk An eti Nombae oba ligin o, nen kir kinil neyagun mondok dek arar o; 11nen Ar Allah nen maduk ekwi mende ake hukuman muk inoba biktaga o, nenaluk ar o agar paga yoma obarne werek mende ernogo, omaduk onggo hukuman muk oba bege yi arar o.
12Wene amberak pakalok negen inomar kir yokeragin o, ogwe yogondak ya, kir nen wene waganu ndak dek o. 13Nen Ar Roh Allah eti waga kalok, Ar nen wene Allah abok ebebar mende eti, bagalka kalok, wene ebebar mende eti, kir kinil kobagik nen yiluk, yamakinagin o. Wene Ar aburak nen ambi yigin mondok dek arar o, ogwe wene Ar aruk kolaligin mende eti mban, yigin o. Nen Ar nen yabongga nena arigin mende eti, kir yokeragin ar o. 14Ar nen An nendaga wogok bigin o, nenaluk nena-nena Ar nen emekiragin mende etoma, An yigin mende ndak-ndak arar o. 15An Nombae oba agarik mende etoma obogar, An mende arar o. Eti paga nen, wene An nen Ar Roh Allah eti yorigin mende mban arar, kir yokeragin o,” yiluk yoragage.
Inoba dibi yugun inom, nen inoba adeknggen erugun inom, abok yirige wene
16Yoraga lagagerek, “We idu paga negen dogolukdek ar kir nen An kinil neyagun dek o, Ogwe tuguluk dogoluk dek negen ar, kir nen An muk kinil neyagun o.”
17Yoragi nanggige, ir Ar mutok lagwi mende nen kinok ar ambi yogik eku dogolir, “Ar wene nena akla andalok nir yorniraga dogolir, ‘Dogoluk dek negen ar An kir kinil neyagun dek o, nen dogoluk dek negen ar An kir muk kinil neyagun o’? yiluk yoknirage. Nen ambi inom ar, ‘An Nombae oba ligin yege eti, nena andalok kogop’?” 18Ir kinok idu negen yugu dogolir, “Dogoluk dek negen ar yege eti nena andalok? Nir ninakla Ar yege eti andau ndak dek mondok arar o!” yiluk yirugwa.
19Ar Yesus nen, ir wene kinok yoruwok nen yiluk andagwi il yenggak dalok, ir yoraga dogolir, “An nen kir obok yokiragi o, ‘Dogoluk dek negen ar, An kir kinil neyagun dek o, nen dogoluk dek negen ar, An kir muk kinil neyagun o,’ yiluk yokiragi enogo paga, kir-kir mumun kokop yirtagwi a?
20Kinakla ebebar andani o, kir de yugu dogolir nen de nggu makwi, erugun ogwe, o agar paga yoma inakla adeknggen ambik erugun o. Kir kinakla yiduk maduk arugun eti ogwe, kinakla yiduk maduk arugun eti elokte medak togon kinadeknggen mende arar etarigin o. 21Ar kwe nen elege endaru amor-maro kalok, oba kener watartaga mende o. Nenaluk ar anggon panggon kaurak mende eti arar panggo yi wagatek ma o. Ogwe, Ar elege enogo arar endak biluk kalok, ar kwe enogo anggon panggon eketek enogo akla mi ari taga mende o. Nenaluk, elege ambi o agar paga yoma arar endak laga o yiluk, adeknggen ketaga mende o. 22Eti ndak-ndak kir etegerogon arar o: yogondak kir kinakla maduk ari tagwi ogwe, An kir ninom abuk arugun ar o, nen o eta paga, kir kinakla adeknggen nggok mondok arugun o. Nen ar ambi ta nen kwak kinadeknggen eti ndilogo waganigin mondok dek o.
23O eta paga, kir An wene kinok ambi yornirugun mondok dek arar o. Ebebar andani o: Kir An Nombae oba, ye mende nde mende, An nendaga paga nggino yorugun kalok, An Nombae nen kir nggino yorugun mende eti wokiragin arar o. 24Yogondak ya kudi paga, kir nen nena-nena kwak ambi, An nendaga paga nggino yugwi dek agoktip o. Ma, nggino yokni o, yogwi kalok kir yorugun mende eti kodagun o. Eti erugun paga, kir kinadeknggen mende enogo pani pano arar etarigin o,” yiluk yorarige.
O agar paga yoma apma tebelogo bigin yirige wene
25“Wene yoma obogar oba lirogo mban kir yokiragi o. Ogwe, o telek ambi ari warigin eti paga, An wene oba lirogo eti yigin dek o. Ogwe, wene An Nombae abok mende eti yangguk togon telekma ar yokeragin o. 26O eti paga, kir An Nombae oba, ngginongge An nendaga paga yorugun o. Ma, kir kinilu togon o, kir kinake ekbinagu paga, An Nombae ngginongge ambi yorigin mondok dek. 27Nenaluk, Ar An Nombae nen, kir Ar iliti kunik mondok o. Ar kir iliti kunik eti, kir An kiniliti kunik ernakwi nen An Ar Allah nen arar lakbi wagage o, yiluk kinakla ebebar andar tagwi eti paga arar o. 28Nen An o agar paga yoma arar wagagi eti, An nedo eti Ar Allah oba nen arar wagagi o. Nen yogondak o agar paga yoma dambe kalok, niyok paga Nombae oba ligin o.”
29Yigi nanggige, ir Ar mutok lagwi mende nen Ar yogu dogolir, “Yogondak Tuhan kar wene oba lirogo dek, telekma yangguk togon arar yokniragen o. 30Nen nir ninilu aga eti, Kar Tuhan mende ye wene nde wene kilu eti Kar arar o. Ir akuni ambi nen ye wene nde wene kinok ambi Tuhan Kar yokiru ndak dek arar o. Eti paga nen, Kar Tuhan eti, Ar Allah oba nen arar wagagen o, yiluk ninakla ebebar andar tagwi o.”
31Ar Yesus nen onggo yoraga dogolir, “Yogo kir kinakla ebebar andagop a? 32Kinakla eberek dogono o! Kir tidik mbidik mugogo lakbinagurak mende, o telek arar panggo yi waga o, ogwe yogondak ya arar etarirtaga o. An nadik ar togok baniluk, kir kinuma kinadikndak dombok lugun o. Ogwe An nadik ar dek o, nenaluk An Nombae eti Ar ebe nimbirak o. 33Wene yoma obogar yigi eti, kir kinakla adeknggen aruwak nen yiluk yigi o. Nenaluk An ninom dambulik arar. O agar paga yoma, kir anggon panggon ekinabugun o. Ogwe kiniliti yanggo yiluk dogono o. Nen An o agar paga yoma, muk nakma tebelogo arar bigi o!”
Currently Selected:
:
Highlight
Share
Copy
Want to have your highlights saved across all your devices? Sign up or sign in