YOHANES 17
17
Ar Yesus mutok lagi mende inake tamban ekige wene
1Etegerogon yoraga lagagerek, Ar Yesus elokte mbogor paga ilik taga lagagerek, “Nombae o, yogondak arar panggo yege o. Kar kakbur Ar ebe legerogo bin o, nen Ar Kar Kakbur nen, Kar legerogo baguak nen o. 2Ir akuni o agar taga yoma obogar, Ar Kakbur apma balok dogorak paga, Nombae Kar Kobarne mende obogar woknirigen eti paga, ir akuni Nombae Kar nen wogorigin mende yoma obogar, ir iniluk nabedal kabedal eku dogorak paga, Ar Kakbur nen wogoragin o. 3Ar Allah eti omanggi omangga adigar ebebar mende arar o, nen Yesus Kristus eti, Ar Ombae nen lakbi wagage o, yiluk inilu arurak ake paga, nabedal kabedal iniluk inaitok mondok dogorak paga bege yi arar o. 4Nombae Kar nen, o agar paga yoma yabu eruwak nen yiluk, An noba birigen ernogo, obogar eki paga, Nombae Kar Kendaga nggogar yadek yege o. 5Ai Nombae o! Mbogor agar auwan kenam ekbigikdek kigik, An nanggup lektek welagagi mende ernogo, yogondak arar Kar nen yadek banin o.
6Ir akuni o agar paga mende An woknirigen mende yoma, Kar kabok mende obogar An nen bagalogo ir yoragi o. Ir inebe eti Nombae Kar mende arar o, nen Nombae Kar nen ir An woknirigen o. Nen ir Nombae Kar kane dikbiluk obogar wagangga o. 7Kar nen obogar An woknirigen mende etoma, edo Kar mban ar o, yiluk ir obogar inilu aga o. 8Kar wene An noba birigen ernogo, ir An nen obogar yoragi o. Nen ir wene ebe obogar wagangga o. An Kar nen lakbani wagagen yiluk, ir nen mondok ebebar inilu agiya o. Nen ir Kar nen lakbani wagagen yiluk iniliti ebebar andega o.
9An tamban erir taga yi, o agar paga yoma ake erir taga dek ogwe, ir akuni An woknirigen mende yi inake arar o. Nenaluk ir inebe eti, Kar kamende arar eti paga o. Eti paga, An tamban ir inake erir taga o. 10An namindi namende eti, Nombae Kar kamindi kamende ar o; nen Nombae Kar kamindi kamende eti, An namindi namende ar o. Ma, An ir inake nen paga yade banuwak o. 11Yogondak An Kar koba wagi arar o. Nen An o agar paga yoma ninom agarik dek o; ogwe ir o agar paga yoma agarik o. Nombae kar maduk koba lap yitagodek mende Kar arar o. Kar kendaga nggok kalon palek mende, Nombae Kar kendaga, An noba birigen enogo paga, inaruam bagarek dogon o. Eti paga, Nombae Kar o, An o, nimbirak ambiar dambulik agorik ndak-ndak, ir ambi ar atuk dambulik doguwak nen o. 12#Mzm. 41:10; Yoh. 13:18An ir ninom dogolir paga, Kar kendaga nggok lektek mende, kendaga An woknirigen eti paga, ir inaruam welagi o. An inaruam welagwi nen inaruam werek kigik, akuni ambiar ogwe ebe bularukdek o; eti paga, Alkitab akla diru mbalek apma dik yuak nen o. 13Yogondak An Nombae koba wagi o. Yogondak An o agar paga ya, we dudu dogolir, ye wene nde wene etoma obogar An yokigi o. Eti paga, An nadeknggen mende eti, aktip ar ir inoba eginaka kowak nen o. 14Nombae Kar kane yirigen mende, An ir obogar yoragi o. O agar paga yoma nen, ir ina'ir kuninabi tagwi o, nenaluk ir o agar paga yoma inamendek dek o, nen eti ndak-ndak, An ogwe ir o agar paga yoma inamendek dek o. 15An ir o agar paga yoma nen, Nombae kar wogonabu yiluk nggino yirtaga dek o, ogwe An nen nggino Nombae Kar yokiri taga eti, ar ap inakwa etnogo nen, maduk eginaka kau, Kar inaruam dogu nggino yigi o. 16An o agar paga yoma, inamendek dek eti ndak-ndak, ir ogwe o agar paga yoma inamendek dek ar o. 17Wene ebebar mende eti paga, ir yi Nombae Kar kadik kake mondok erogo bano o; Nen Kar kane eti ebebar mende wene arar o. 18Kar Nombae An o agar paga yoma lakbani wagagen ndak-ndak, Eti ndak-ndak ar, An nen ir o agar paga yoma arar lakbagi o. 19Ir yi inadik inake paga, An nebe nadik Nombae Kar kamende erogo bigi o. Eti ar ma, wene ebebar mende paga, inebe Kar kadik kamende arar erogo bagi o. Eti paga, ir ogwe Nombae kar kadik kamende arar etaruwak o.
20Ir yi inadik inake paga, An tamban yi eki dek o. An tamban yi ir akuni ambi, ir yi nen wene inane bagalugun paga, ir ebebar andugun mende eti inake paga inomar yigi o. 21Nombae o, Kar An nimbirak ambiar dambulik, nen An Kar nimbirak ambiar dambulik eti ndak-ndak, ambi yi An nggino yokirir taga o, eti ir yi obogar ambi dambulik arar aruwak nen o. Ir Nir ninom dambulik arugun paga, An eti Nombae Kar nen lakbani wagagen yiluk, ir o agar paga yoma iniliti ebebar andagun o. 22Nombae Kar kendaga mbogor lektek mende, An woknirigen ernogo, An nen ir arar wogoragi o. Eti paga, ir ogwe Nir nimbirak ambiar dambulik eti ndak-ndak, ir ambi dambulik ar ertaruak o. 23An Kar nimbirak, nen Nombae Kar An nimbirak; Eti erugun paga, ir mondok-mondok ebebar ambi dambulik etarugun o. Eti erugun paga, o agar paga yoma, Nombae Kar nen An lakbani wagagen yiluk eti inilu arugun o. Nen Kar ir inakba kiliti kunik eti ndak-ndak, An Kar kiliti kunik arar o.
24Ai Nombae, An nakla wadok eti men o, Kar nen An woknirigen mende etoma, An nggoma ari ligin mo etoma, ir ninom ar ari laurak o. Eti erigin paga, ir nen An lektek mende erogo banengga, ir inil kugun o. Kar nen An kiliti kunik eti paga nen, Mbogor agar auwan kenamer bigikdek kigik, lektek mende eti Kar nen An woknirigen enogo, ir nen inil kowak o. 25Ai Nombae, Kar eti akuni inelokte yambeni tagodek o! Ir o agar paga yoma nen, Nombae Kebe inunggukdek o, ogwe An Nombae Kar eti nilu o. Nen ir akuni yoma, Kar nen An lakbani wagagen eti arar inilu agiya o. 26Nombae Kar kendaga telekma erogo arar ir yoragi o. Nen An etegerogon mondok arar erigin o, Eti eka paga, Nombae Kar An noba kiliti kunik mondok eti, ir inoba ogwe kiliti kunik eti dogowagar o. Nen ogwe ir inilitimo ambi ar dambulik dogogun eti paga, An ir ninom dambulik dogogin o.”
Currently Selected:
YOHANES 17: WLW
Highlight
Share
Copy
Want to have your highlights saved across all your devices? Sign up or sign in
YOHANES 17
17
Ar Yesus mutok lagi mende inake tamban ekige wene
1Etegerogon yoraga lagagerek, Ar Yesus elokte mbogor paga ilik taga lagagerek, “Nombae o, yogondak arar panggo yege o. Kar kakbur Ar ebe legerogo bin o, nen Ar Kar Kakbur nen, Kar legerogo baguak nen o. 2Ir akuni o agar taga yoma obogar, Ar Kakbur apma balok dogorak paga, Nombae Kar Kobarne mende obogar woknirigen eti paga, ir akuni Nombae Kar nen wogorigin mende yoma obogar, ir iniluk nabedal kabedal eku dogorak paga, Ar Kakbur nen wogoragin o. 3Ar Allah eti omanggi omangga adigar ebebar mende arar o, nen Yesus Kristus eti, Ar Ombae nen lakbi wagage o, yiluk inilu arurak ake paga, nabedal kabedal iniluk inaitok mondok dogorak paga bege yi arar o. 4Nombae Kar nen, o agar paga yoma yabu eruwak nen yiluk, An noba birigen ernogo, obogar eki paga, Nombae Kar Kendaga nggogar yadek yege o. 5Ai Nombae o! Mbogor agar auwan kenam ekbigikdek kigik, An nanggup lektek welagagi mende ernogo, yogondak arar Kar nen yadek banin o.
6Ir akuni o agar paga mende An woknirigen mende yoma, Kar kabok mende obogar An nen bagalogo ir yoragi o. Ir inebe eti Nombae Kar mende arar o, nen Nombae Kar nen ir An woknirigen o. Nen ir Nombae Kar kane dikbiluk obogar wagangga o. 7Kar nen obogar An woknirigen mende etoma, edo Kar mban ar o, yiluk ir obogar inilu aga o. 8Kar wene An noba birigen ernogo, ir An nen obogar yoragi o. Nen ir wene ebe obogar wagangga o. An Kar nen lakbani wagagen yiluk, ir nen mondok ebebar inilu agiya o. Nen ir Kar nen lakbani wagagen yiluk iniliti ebebar andega o.
9An tamban erir taga yi, o agar paga yoma ake erir taga dek ogwe, ir akuni An woknirigen mende yi inake arar o. Nenaluk ir inebe eti, Kar kamende arar eti paga o. Eti paga, An tamban ir inake erir taga o. 10An namindi namende eti, Nombae Kar kamindi kamende ar o; nen Nombae Kar kamindi kamende eti, An namindi namende ar o. Ma, An ir inake nen paga yade banuwak o. 11Yogondak An Kar koba wagi arar o. Nen An o agar paga yoma ninom agarik dek o; ogwe ir o agar paga yoma agarik o. Nombae kar maduk koba lap yitagodek mende Kar arar o. Kar kendaga nggok kalon palek mende, Nombae Kar kendaga, An noba birigen enogo paga, inaruam bagarek dogon o. Eti paga, Nombae Kar o, An o, nimbirak ambiar dambulik agorik ndak-ndak, ir ambi ar atuk dambulik doguwak nen o. 12#Mzm. 41:10; Yoh. 13:18An ir ninom dogolir paga, Kar kendaga nggok lektek mende, kendaga An woknirigen eti paga, ir inaruam welagi o. An inaruam welagwi nen inaruam werek kigik, akuni ambiar ogwe ebe bularukdek o; eti paga, Alkitab akla diru mbalek apma dik yuak nen o. 13Yogondak An Nombae koba wagi o. Yogondak An o agar paga ya, we dudu dogolir, ye wene nde wene etoma obogar An yokigi o. Eti paga, An nadeknggen mende eti, aktip ar ir inoba eginaka kowak nen o. 14Nombae Kar kane yirigen mende, An ir obogar yoragi o. O agar paga yoma nen, ir ina'ir kuninabi tagwi o, nenaluk ir o agar paga yoma inamendek dek o, nen eti ndak-ndak, An ogwe ir o agar paga yoma inamendek dek o. 15An ir o agar paga yoma nen, Nombae kar wogonabu yiluk nggino yirtaga dek o, ogwe An nen nggino Nombae Kar yokiri taga eti, ar ap inakwa etnogo nen, maduk eginaka kau, Kar inaruam dogu nggino yigi o. 16An o agar paga yoma, inamendek dek eti ndak-ndak, ir ogwe o agar paga yoma inamendek dek ar o. 17Wene ebebar mende eti paga, ir yi Nombae Kar kadik kake mondok erogo bano o; Nen Kar kane eti ebebar mende wene arar o. 18Kar Nombae An o agar paga yoma lakbani wagagen ndak-ndak, Eti ndak-ndak ar, An nen ir o agar paga yoma arar lakbagi o. 19Ir yi inadik inake paga, An nebe nadik Nombae Kar kamende erogo bigi o. Eti ar ma, wene ebebar mende paga, inebe Kar kadik kamende arar erogo bagi o. Eti paga, ir ogwe Nombae kar kadik kamende arar etaruwak o.
20Ir yi inadik inake paga, An tamban yi eki dek o. An tamban yi ir akuni ambi, ir yi nen wene inane bagalugun paga, ir ebebar andugun mende eti inake paga inomar yigi o. 21Nombae o, Kar An nimbirak ambiar dambulik, nen An Kar nimbirak ambiar dambulik eti ndak-ndak, ambi yi An nggino yokirir taga o, eti ir yi obogar ambi dambulik arar aruwak nen o. Ir Nir ninom dambulik arugun paga, An eti Nombae Kar nen lakbani wagagen yiluk, ir o agar paga yoma iniliti ebebar andagun o. 22Nombae Kar kendaga mbogor lektek mende, An woknirigen ernogo, An nen ir arar wogoragi o. Eti paga, ir ogwe Nir nimbirak ambiar dambulik eti ndak-ndak, ir ambi dambulik ar ertaruak o. 23An Kar nimbirak, nen Nombae Kar An nimbirak; Eti erugun paga, ir mondok-mondok ebebar ambi dambulik etarugun o. Eti erugun paga, o agar paga yoma, Nombae Kar nen An lakbani wagagen yiluk eti inilu arugun o. Nen Kar ir inakba kiliti kunik eti ndak-ndak, An Kar kiliti kunik arar o.
24Ai Nombae, An nakla wadok eti men o, Kar nen An woknirigen mende etoma, An nggoma ari ligin mo etoma, ir ninom ar ari laurak o. Eti erigin paga, ir nen An lektek mende erogo banengga, ir inil kugun o. Kar nen An kiliti kunik eti paga nen, Mbogor agar auwan kenamer bigikdek kigik, lektek mende eti Kar nen An woknirigen enogo, ir nen inil kowak o. 25Ai Nombae, Kar eti akuni inelokte yambeni tagodek o! Ir o agar paga yoma nen, Nombae Kebe inunggukdek o, ogwe An Nombae Kar eti nilu o. Nen ir akuni yoma, Kar nen An lakbani wagagen eti arar inilu agiya o. 26Nombae Kar kendaga telekma erogo arar ir yoragi o. Nen An etegerogon mondok arar erigin o, Eti eka paga, Nombae Kar An noba kiliti kunik mondok eti, ir inoba ogwe kiliti kunik eti dogowagar o. Nen ogwe ir inilitimo ambi ar dambulik dogogun eti paga, An ir ninom dambulik dogogin o.”
Currently Selected:
:
Highlight
Share
Copy
Want to have your highlights saved across all your devices? Sign up or sign in