YOHANES 19
19
1Yorugwama ar Pilatus enogo, ar iyok paga uma onggega lagagerek, Ar Yesus lakmbirok watni yiluk, ir akuni yorarige. 2Yirigemo, ir ap tentara yemenogo nen, mumun adok werek mende mbalogo, teweri talek mendagago Ar Yesus aluak paga yikbugwi, nen tu jubah ambi elokte ungu Ar oba yikbiluk yogu dogolir, 3“Ir akuni Yahudi mende inewe raja eti Kar ar o!” yiluk dakor paga yogu dogolir, ilka paga lagik wagik eku dogolir, elokte ininggi ndugwi taguk tagak wakugwa.
4Arar wakugwama, ar Pilatus enogo ambi inom ar wundi laga lagagerek, akuni pakalok yemenogo yoraga dogolir, “Kinil laka watni! Ar ap yi oba, maduk ambi labek mondok dek arar o, yiluk kir kinilu arurak paga, Ar ebe an kinoba wolok wundi wagi yi o.” 5Ma Ar Yesus wulka dogolir, mumun adok komago enogo aluak paga yugu, nen tu jubah elokte ungu eti yugu inoba wulkige. Nen ar Pilatus nen yega dogolir, “Yogo akuni endi kinil bik kani!”
6Nen tuguluk ir ap imam-imam kepala mende inom, nen ir tuam lagugwa mende yemenogo inom, inane nggok mondok yogu dogolir, “O kari karo paga warogo burak! O kari karo paga warogo burak?” yiluk yirugwa.
Yirugwama ar Pilatus nen ir yoraga dogolir, “Ar ap yi omaduk ambi ar ogwe an kigi dek arar o, kir nen arar waganini, nen kir nen mban arar o kari karo paga warogo bino o,” yiluk yoragage.
7Ir akuni Yahudi mende yemenogo nen wene onggo yogu dogolir, “Nir mende wene eku dogu mende diru mbalek agarik ndak-ndak eti, Ar yi mondok min arar warurak o. Nenaluk Ar yega dogolir, An yi Ar Allah Akbur yiluk yege paga o.”
8Ar Pilatus enogo ir etegerogon yugwi aruk kolalka lagagerek, ar obade nggok mondok etagage. 9Tuguluk ar iyok paga uma onggega lagagerek werek ma, nin Ar Yesus enogo wolok ar Pilatus oba unggirugwama, wene kinok yoga dogolir, “Kar kao edo o ngga?”
Yorige mende ar Yesus onggo yu dambe kalok puk agage. 10Ane dek puk ekigemo, tuguluk ar Pilatus nen yoga dogolir, “Kar an nimbirak wene mbalu ka'ir a? Wene yi kilu togon o, Kar maga bagu inom, nen o kari karo paga lambologo warogo bagu inom, eti an nendaga nggok nalon palek mende ar ma, eru ndak arar o.”
11Yorigemo Ar Yesus nen onggo yoga dogolir, “Kar kendaga nggok kalon palek mende eti, Ar Allah nen wokigi dek kalok, kar kendaga nggok kalon palek mende eti paga, An nake ambi erurak mondok ndak dek arar o. Eti paga ma, ir akuni An nebe kar kinggimo bega mende eti perak, inomaduk nggok mende arar inoba arigin o, ogwe kar koba eti, we bugudak arar o,” yiluk yorige.
12Etegerogon yorigemo, etanogo kudi nen, Ar Pilatus ernogo, Ar kede pigalogo wulabu paga ekige. Ogwe ir ap Yahudi mende inane obatne paga yogu dogolir, “Kar nen Ar yi kede pigalogo wulabigin kalok, kar eti ar Kaisar kimbirak kunik dek arar o. Ir akuni ta nen kwak, an ap raja arar o yiluk andega kalok, ar eti Kaisar imbirak wim mende arar o!”
13Etegerogon yugwi ar Pilatus aruk kolalka lagagerek, Ar Yesus wolok wundi lani yiluk yoralok, ar ebe kursi ndalek wene akuni inuwak doli tagama, endaga Litostrotos#19:13 Litostrotos eti, o ndik nggir paga ndalek yiluk. Ma ir Ibrani inane paga eti Gabata., ir akuni Ibrani inane paga Gabata, etoma arar korek tari dagarige. 14O eti paga eti, hari Paskah ake ndugurkwi paga arar, mo il jam dua belas ndak-ndak arar ertagagemo, ar Pilatus nen ir akuni Yahudi mende yemenogo yoraga dogolir, “Kir mende raja yi kinil lakani!” yiluk yoragage. 15Yiluk yoragi nanggige ir nen, “Alep dek erogo burak! Alep dek erogo burak! O kari karo paga warogo burak!” yiluk ir inane nggok naik waik yogu dogolir yorugwa. Yorugwama ar Pilatus nen onggo yoraga dogolir, “Kir mende raja eti, an nen mondogar o kari karo paga warogo burak a?” Yoragagemo, ir ap imam-imam kepala nen yogu dogolir, “Nir mende raja eti ar Kaisar arar, nen akuni ir ninggalok mende ambi mondok dek arar o!” yiluk yorugwa. 16Etegerogon yugwi agagemo, ar Pilatus ernogo, Ar Yesus o kari karo paga warogo buak nen yiluk, arar wogoragage. Arar wogoragi nanggige, ir enogo arar waganggugwa.
Ar Yesus o kari karo paga warogo birugwa
(Mat. 27:32-44; Mrk. 15:21-32; Luk. 23:26-43)
17Ar enogo o kari karo enogo piyalka lagagerek, wundiluk wolok, o endaga Ibrani wene paga: Golgota etoma wolok arar lagage. 18Wolok lagagemo, ir nen, Ar o kari karo paga warogo bugu dogolir, Ar ebe odo warogo biluk, ap mbere inom eragalu penak-penak warogo barugwa. 19Ar Pilatus nen ambi yoraga dogolir, o kari karo eti irep paga etoma, “Ar Yesus Nazaret mende, ir akuni Yahudi mende Raja yi o,” yiluk wene eti diru mbalogo tugun duak nen yiluk birige. 20Ar o kari karo paga warogo birugwama eta, o kota korok negen ar, ir akuni Yahudi mende pakalok nen diru mbalek eti endaga talkugwa. Nen diru mbalkugwa enogo eti, ir Yahudi wene paga inom, Latin mende wene paga inom, nen Yunani mende wene paga inom, diru mbalogo birige. 21Tuguluk ar ir Yahudi mende imam-imam kepala enogo nen, Pilatus yoga dogolir, “Kar diru ‘Ap Yahudi mende raja yi arar o’ yiluk diru mbalu dek ogwe, arte, ‘Ar nen yega dogolir: An akuni Yahudi mende raja yege o,’ yiluk diru mbalurak o,” yiluk yorige. 22Ogwe ar Pilatus nen onggo yoga dogolir, “Diru An Mbalki eti mbalek arar dogowak o,” yiluk yirige.
23Ir ap tentara yemenogo nen, Ar Yesus arar warogo bugu lagugwarik, Ar iyom yugu welagage mende, empat paga mbal-mbal erogo biluk, ir tentara inebe ndak-ndak tumburkugwa. Nen tu jubah oba yugu welagage mende eti waganggugwa ar. Nen tu jubah eti ebe, diru nggwarek elok dek arar karugwa. Nenaluk tu ebe mbindul ogona nen, lok-lok kogona iyok paga kudi mendakugwa mende karugwa. 24#Mzm. 22:19Eti erek kalok, ir nen ar ambi yogik eku dogolir, “Tu jubah yi mbal-mbal eru dambe o, ogwe nir nen o mbuk tenggelogo, yikwa-yikwa, ta kwak oba arigin eruwok o,” yiluk yirugwa. Ir eta ekugwa eti, Alkitab pada diru mbalek ndak-ndak arar apma dik yirige yi o,
“Ir nen An niyom mbal-mbal erogo tumbuk kodagwi,
nen An niyom jubah ake paga, ir nen ta kwak kodagin yiluk yikwa-yikwa o mbuk tenggelogo erugun o.”
Ma wene eti yirige ndak-ndak, ir tentara yemenogo nen etegerogon arar ekugwa o.
25Ar Yesus warek eragalu korok etanogo, Ar agwiya o, Ar agwiya ogar Maria o, nen ar Klopas agwe o, nen Maria Magdalena o, mendek welagugwa. 26Tuguluk Ar Yesus nen, Ar agwiya o, Ar mutok lagwi mende Ar iliti kunik kwak o, etanogo obogar welagwi il daga lagagerek, Ar agwiya yoga dogolir, “Kwei, elege endi kar kagadak arar o!” yiluk yorige.
27Yoga lagagerek, Ar awor enogo yoga dogolir, “Kwe endi kar kagwiya arar o,” yiluk yorige. Yorige etanogo kudi nen, Ar awor enogo nen, kwedak enogo ar uma wolok lagagerek imbirak welagage.
Ar Yesus arar Kanggige
(Mat. 27:45-56; Mrk. 15:33-41; Luk. 23:44-49)
28 #
Mzm. 22:16, 69:22 Tuguluk Ar Yesus, ye wene nde wene Ar eru mende eti, obok arar ekige ilu ar ma, wene ambi Alkitab akla nen yirige mende ambi, apma dik yuwak nen yiluk, “An i abu o!” yiluk yirige. 29Nen etoma anggur ade werek mende amburu igirak akla todek welagage. Werek ma nen, o mbore talek ma enogo irep ma, i wogoru negen erogo pirik perek eku lagugwarik, anggur amburu ade werek mende enogo, yidak wudak erogo, Ar Yesus andema birugwa. 30Ar Yesus anggur ade werek mende amburu enogo arar nengga lagagerek, “Obok arar eki o,” yiluk yirige.
Yega lagagerek, Ar iliti agurengge waganogo wogotuk, uruwak yiwo-yiwo arar kanggige.
Ar Yesus iliti tega ndauk togon arar wakugwa
31O Hari Sabat ake komari tagwi ake paga, nggok negen komarurak eti kubenengge komarurak arar panggo yirigerek ma, ir ap Yahudi mende nggaindak nen, ir akuni o kari karo paga warogo barugwa etoma, warek tugunik nogo yu nina'ir o yiluk yirugwa. Ma Ar Yesus o kari karo paga birugwa etinem nogo yiluk, kubenengge eti hari Sabat eti ake paga komarurak ma, ir akuni Yahudi mende nen ar Pilatus nggino yogu dogolir, ir akuni o kari karo paga warek etoma, iniyok pugulogo nen, inebe nggorogo wukba warurak o, yiluk yorugwa.
32Tuguluk ir ap tentara yemenogo wagu lagugwarik, ir inebe mbere Ar Yesus inom o kari karo paga lambologo warogo barugwa ernogo, ar ambi ndak iyok pugulku lagugwarik, ar ambi yabongga iyok pugulkugwa. 33Eku lagugwarik, Ar Yesus iyok pugulu paga oba panggo yugu lagugwarik, inil bikugu lagugwa, Ar ebe obogar arar kanggigemo inil kalok, Ar iyok pugulu dambe karugwa. 34Ogwe ar ap tentara ambi nen, tega wagangga lagagerek, elabur tega ndaluk togon arar wakige. Waki nanggige, Ar elabutla nen, 35i inom, amep inom wundi wagage. 36#Kel. 12:46; Bil. 9:12; Mzm. 34:21Nenaluk eti etagage eti, Alkitab akla diru mbalek ndak-ndak apma dik yega dogolir, “Ar uwagalo ambiar ogwe pugularigin dek o!” yiluk yirige apma dik yuwak nen yiluk ekige o. 37#Za. 12:10; Why. 1:7Engga wene diru mbalek amberak paga nen, etegerogon ar yega dogolir, “Ir nen Ar tega ndalugun etnogo, tuguluk ir inil bikugun o,” yiluk yirige o.
Ar Yesus warek o kwiyonla bi lagugwa wene
(Mat. 27:57-61; Mrk. 15:42-47; Luk. 23:50-56)
38Tuguluk ar Yusuf ai o Arimatea mende eti waga lagagerek, Ar Yesus warek o paga enogo nggoro wurabu paga, Ar Pilatus nggino yorigemo, ar Pilatus nen, wurabu ndak ar o yiluk yorigemo, ar waga lagagerek, Ar Yesus warek enogo, o paga nen wurabi wagage. (Nen ar Yusuf eti, Ar Yesus mutok laga lagage mende arar, ogwe ar ir akuni Yahudi mende nggaindak etoma inoba obade nen, we lambi lambo ekige o.) 39#Yoh. 3:1-2Etanogo ekanem, ar Nekodemus ibanini kukbagane lambi lambo ar Yesus oba wagage mende enogo wagage. Ar waga dogolir, o minyak mur amburu inom, gaharu amburu inom, anggin tiga puluh kilo ndak-ndak arar wolok wagage. 40Ar Yesus warek ernogo, ir waganggu lagugwarik, kain kafan eti paga pirik perek ekwi, nen ir akuni Yahudi mende akuni warek kwiyonla bau kalok, obari-obari dabulogo bartagwi ndak-ndak, Ar Yesus oba dabuk dabak erogo kuburan birugwa. 41Nen Ar Yesus o kari karo paga warogo birugwama eta, taman bunga erekma etoma, akuni kubur bau elo lendago, akuni warek mende ambi auwan bigikdek mende ambi welagage. 42O hari eti paga, ir akuni Yahudi mende o ndugurkwi mende paga ma, nen kubur elo lendago eti lok negen dek ogwe, korok ar ma, Ar Yesus warek enogo yemenogo akla arar bi unggirugwa o.
Currently Selected:
YOHANES 19: WLW
Highlight
Share
Copy
Want to have your highlights saved across all your devices? Sign up or sign in
YOHANES 19
19
1Yorugwama ar Pilatus enogo, ar iyok paga uma onggega lagagerek, Ar Yesus lakmbirok watni yiluk, ir akuni yorarige. 2Yirigemo, ir ap tentara yemenogo nen, mumun adok werek mende mbalogo, teweri talek mendagago Ar Yesus aluak paga yikbugwi, nen tu jubah ambi elokte ungu Ar oba yikbiluk yogu dogolir, 3“Ir akuni Yahudi mende inewe raja eti Kar ar o!” yiluk dakor paga yogu dogolir, ilka paga lagik wagik eku dogolir, elokte ininggi ndugwi taguk tagak wakugwa.
4Arar wakugwama, ar Pilatus enogo ambi inom ar wundi laga lagagerek, akuni pakalok yemenogo yoraga dogolir, “Kinil laka watni! Ar ap yi oba, maduk ambi labek mondok dek arar o, yiluk kir kinilu arurak paga, Ar ebe an kinoba wolok wundi wagi yi o.” 5Ma Ar Yesus wulka dogolir, mumun adok komago enogo aluak paga yugu, nen tu jubah elokte ungu eti yugu inoba wulkige. Nen ar Pilatus nen yega dogolir, “Yogo akuni endi kinil bik kani!”
6Nen tuguluk ir ap imam-imam kepala mende inom, nen ir tuam lagugwa mende yemenogo inom, inane nggok mondok yogu dogolir, “O kari karo paga warogo burak! O kari karo paga warogo burak?” yiluk yirugwa.
Yirugwama ar Pilatus nen ir yoraga dogolir, “Ar ap yi omaduk ambi ar ogwe an kigi dek arar o, kir nen arar waganini, nen kir nen mban arar o kari karo paga warogo bino o,” yiluk yoragage.
7Ir akuni Yahudi mende yemenogo nen wene onggo yogu dogolir, “Nir mende wene eku dogu mende diru mbalek agarik ndak-ndak eti, Ar yi mondok min arar warurak o. Nenaluk Ar yega dogolir, An yi Ar Allah Akbur yiluk yege paga o.”
8Ar Pilatus enogo ir etegerogon yugwi aruk kolalka lagagerek, ar obade nggok mondok etagage. 9Tuguluk ar iyok paga uma onggega lagagerek werek ma, nin Ar Yesus enogo wolok ar Pilatus oba unggirugwama, wene kinok yoga dogolir, “Kar kao edo o ngga?”
Yorige mende ar Yesus onggo yu dambe kalok puk agage. 10Ane dek puk ekigemo, tuguluk ar Pilatus nen yoga dogolir, “Kar an nimbirak wene mbalu ka'ir a? Wene yi kilu togon o, Kar maga bagu inom, nen o kari karo paga lambologo warogo bagu inom, eti an nendaga nggok nalon palek mende ar ma, eru ndak arar o.”
11Yorigemo Ar Yesus nen onggo yoga dogolir, “Kar kendaga nggok kalon palek mende eti, Ar Allah nen wokigi dek kalok, kar kendaga nggok kalon palek mende eti paga, An nake ambi erurak mondok ndak dek arar o. Eti paga ma, ir akuni An nebe kar kinggimo bega mende eti perak, inomaduk nggok mende arar inoba arigin o, ogwe kar koba eti, we bugudak arar o,” yiluk yorige.
12Etegerogon yorigemo, etanogo kudi nen, Ar Pilatus ernogo, Ar kede pigalogo wulabu paga ekige. Ogwe ir ap Yahudi mende inane obatne paga yogu dogolir, “Kar nen Ar yi kede pigalogo wulabigin kalok, kar eti ar Kaisar kimbirak kunik dek arar o. Ir akuni ta nen kwak, an ap raja arar o yiluk andega kalok, ar eti Kaisar imbirak wim mende arar o!”
13Etegerogon yugwi ar Pilatus aruk kolalka lagagerek, Ar Yesus wolok wundi lani yiluk yoralok, ar ebe kursi ndalek wene akuni inuwak doli tagama, endaga Litostrotos#19:13 Litostrotos eti, o ndik nggir paga ndalek yiluk. Ma ir Ibrani inane paga eti Gabata., ir akuni Ibrani inane paga Gabata, etoma arar korek tari dagarige. 14O eti paga eti, hari Paskah ake ndugurkwi paga arar, mo il jam dua belas ndak-ndak arar ertagagemo, ar Pilatus nen ir akuni Yahudi mende yemenogo yoraga dogolir, “Kir mende raja yi kinil lakani!” yiluk yoragage. 15Yiluk yoragi nanggige ir nen, “Alep dek erogo burak! Alep dek erogo burak! O kari karo paga warogo burak!” yiluk ir inane nggok naik waik yogu dogolir yorugwa. Yorugwama ar Pilatus nen onggo yoraga dogolir, “Kir mende raja eti, an nen mondogar o kari karo paga warogo burak a?” Yoragagemo, ir ap imam-imam kepala nen yogu dogolir, “Nir mende raja eti ar Kaisar arar, nen akuni ir ninggalok mende ambi mondok dek arar o!” yiluk yorugwa. 16Etegerogon yugwi agagemo, ar Pilatus ernogo, Ar Yesus o kari karo paga warogo buak nen yiluk, arar wogoragage. Arar wogoragi nanggige, ir enogo arar waganggugwa.
Ar Yesus o kari karo paga warogo birugwa
(Mat. 27:32-44; Mrk. 15:21-32; Luk. 23:26-43)
17Ar enogo o kari karo enogo piyalka lagagerek, wundiluk wolok, o endaga Ibrani wene paga: Golgota etoma wolok arar lagage. 18Wolok lagagemo, ir nen, Ar o kari karo paga warogo bugu dogolir, Ar ebe odo warogo biluk, ap mbere inom eragalu penak-penak warogo barugwa. 19Ar Pilatus nen ambi yoraga dogolir, o kari karo eti irep paga etoma, “Ar Yesus Nazaret mende, ir akuni Yahudi mende Raja yi o,” yiluk wene eti diru mbalogo tugun duak nen yiluk birige. 20Ar o kari karo paga warogo birugwama eta, o kota korok negen ar, ir akuni Yahudi mende pakalok nen diru mbalek eti endaga talkugwa. Nen diru mbalkugwa enogo eti, ir Yahudi wene paga inom, Latin mende wene paga inom, nen Yunani mende wene paga inom, diru mbalogo birige. 21Tuguluk ar ir Yahudi mende imam-imam kepala enogo nen, Pilatus yoga dogolir, “Kar diru ‘Ap Yahudi mende raja yi arar o’ yiluk diru mbalu dek ogwe, arte, ‘Ar nen yega dogolir: An akuni Yahudi mende raja yege o,’ yiluk diru mbalurak o,” yiluk yorige. 22Ogwe ar Pilatus nen onggo yoga dogolir, “Diru An Mbalki eti mbalek arar dogowak o,” yiluk yirige.
23Ir ap tentara yemenogo nen, Ar Yesus arar warogo bugu lagugwarik, Ar iyom yugu welagage mende, empat paga mbal-mbal erogo biluk, ir tentara inebe ndak-ndak tumburkugwa. Nen tu jubah oba yugu welagage mende eti waganggugwa ar. Nen tu jubah eti ebe, diru nggwarek elok dek arar karugwa. Nenaluk tu ebe mbindul ogona nen, lok-lok kogona iyok paga kudi mendakugwa mende karugwa. 24#Mzm. 22:19Eti erek kalok, ir nen ar ambi yogik eku dogolir, “Tu jubah yi mbal-mbal eru dambe o, ogwe nir nen o mbuk tenggelogo, yikwa-yikwa, ta kwak oba arigin eruwok o,” yiluk yirugwa. Ir eta ekugwa eti, Alkitab pada diru mbalek ndak-ndak arar apma dik yirige yi o,
“Ir nen An niyom mbal-mbal erogo tumbuk kodagwi,
nen An niyom jubah ake paga, ir nen ta kwak kodagin yiluk yikwa-yikwa o mbuk tenggelogo erugun o.”
Ma wene eti yirige ndak-ndak, ir tentara yemenogo nen etegerogon arar ekugwa o.
25Ar Yesus warek eragalu korok etanogo, Ar agwiya o, Ar agwiya ogar Maria o, nen ar Klopas agwe o, nen Maria Magdalena o, mendek welagugwa. 26Tuguluk Ar Yesus nen, Ar agwiya o, Ar mutok lagwi mende Ar iliti kunik kwak o, etanogo obogar welagwi il daga lagagerek, Ar agwiya yoga dogolir, “Kwei, elege endi kar kagadak arar o!” yiluk yorige.
27Yoga lagagerek, Ar awor enogo yoga dogolir, “Kwe endi kar kagwiya arar o,” yiluk yorige. Yorige etanogo kudi nen, Ar awor enogo nen, kwedak enogo ar uma wolok lagagerek imbirak welagage.
Ar Yesus arar Kanggige
(Mat. 27:45-56; Mrk. 15:33-41; Luk. 23:44-49)
28 #
Mzm. 22:16, 69:22 Tuguluk Ar Yesus, ye wene nde wene Ar eru mende eti, obok arar ekige ilu ar ma, wene ambi Alkitab akla nen yirige mende ambi, apma dik yuwak nen yiluk, “An i abu o!” yiluk yirige. 29Nen etoma anggur ade werek mende amburu igirak akla todek welagage. Werek ma nen, o mbore talek ma enogo irep ma, i wogoru negen erogo pirik perek eku lagugwarik, anggur amburu ade werek mende enogo, yidak wudak erogo, Ar Yesus andema birugwa. 30Ar Yesus anggur ade werek mende amburu enogo arar nengga lagagerek, “Obok arar eki o,” yiluk yirige.
Yega lagagerek, Ar iliti agurengge waganogo wogotuk, uruwak yiwo-yiwo arar kanggige.
Ar Yesus iliti tega ndauk togon arar wakugwa
31O Hari Sabat ake komari tagwi ake paga, nggok negen komarurak eti kubenengge komarurak arar panggo yirigerek ma, ir ap Yahudi mende nggaindak nen, ir akuni o kari karo paga warogo barugwa etoma, warek tugunik nogo yu nina'ir o yiluk yirugwa. Ma Ar Yesus o kari karo paga birugwa etinem nogo yiluk, kubenengge eti hari Sabat eti ake paga komarurak ma, ir akuni Yahudi mende nen ar Pilatus nggino yogu dogolir, ir akuni o kari karo paga warek etoma, iniyok pugulogo nen, inebe nggorogo wukba warurak o, yiluk yorugwa.
32Tuguluk ir ap tentara yemenogo wagu lagugwarik, ir inebe mbere Ar Yesus inom o kari karo paga lambologo warogo barugwa ernogo, ar ambi ndak iyok pugulku lagugwarik, ar ambi yabongga iyok pugulkugwa. 33Eku lagugwarik, Ar Yesus iyok pugulu paga oba panggo yugu lagugwarik, inil bikugu lagugwa, Ar ebe obogar arar kanggigemo inil kalok, Ar iyok pugulu dambe karugwa. 34Ogwe ar ap tentara ambi nen, tega wagangga lagagerek, elabur tega ndaluk togon arar wakige. Waki nanggige, Ar elabutla nen, 35i inom, amep inom wundi wagage. 36#Kel. 12:46; Bil. 9:12; Mzm. 34:21Nenaluk eti etagage eti, Alkitab akla diru mbalek ndak-ndak apma dik yega dogolir, “Ar uwagalo ambiar ogwe pugularigin dek o!” yiluk yirige apma dik yuwak nen yiluk ekige o. 37#Za. 12:10; Why. 1:7Engga wene diru mbalek amberak paga nen, etegerogon ar yega dogolir, “Ir nen Ar tega ndalugun etnogo, tuguluk ir inil bikugun o,” yiluk yirige o.
Ar Yesus warek o kwiyonla bi lagugwa wene
(Mat. 27:57-61; Mrk. 15:42-47; Luk. 23:50-56)
38Tuguluk ar Yusuf ai o Arimatea mende eti waga lagagerek, Ar Yesus warek o paga enogo nggoro wurabu paga, Ar Pilatus nggino yorigemo, ar Pilatus nen, wurabu ndak ar o yiluk yorigemo, ar waga lagagerek, Ar Yesus warek enogo, o paga nen wurabi wagage. (Nen ar Yusuf eti, Ar Yesus mutok laga lagage mende arar, ogwe ar ir akuni Yahudi mende nggaindak etoma inoba obade nen, we lambi lambo ekige o.) 39#Yoh. 3:1-2Etanogo ekanem, ar Nekodemus ibanini kukbagane lambi lambo ar Yesus oba wagage mende enogo wagage. Ar waga dogolir, o minyak mur amburu inom, gaharu amburu inom, anggin tiga puluh kilo ndak-ndak arar wolok wagage. 40Ar Yesus warek ernogo, ir waganggu lagugwarik, kain kafan eti paga pirik perek ekwi, nen ir akuni Yahudi mende akuni warek kwiyonla bau kalok, obari-obari dabulogo bartagwi ndak-ndak, Ar Yesus oba dabuk dabak erogo kuburan birugwa. 41Nen Ar Yesus o kari karo paga warogo birugwama eta, taman bunga erekma etoma, akuni kubur bau elo lendago, akuni warek mende ambi auwan bigikdek mende ambi welagage. 42O hari eti paga, ir akuni Yahudi mende o ndugurkwi mende paga ma, nen kubur elo lendago eti lok negen dek ogwe, korok ar ma, Ar Yesus warek enogo yemenogo akla arar bi unggirugwa o.
Currently Selected:
:
Highlight
Share
Copy
Want to have your highlights saved across all your devices? Sign up or sign in