YOHANES 4
4
Ar Yesus kwe o Samaria mende, imbirak abuk agage wene
1Ir akuni Farisi mende inaruk kolalku dogolir, dek o, ar Yohanes eka lagage mende kwak we bugudak negen ar kigik, Ar Yesus kwak eti, akuni yugar ima wukbaga, nen Ar aworomi wogonakige mende yuk negen ar o, yiluk inaruk kolalkugwa. 2(Ebebar kwa eti, Ar Yesus nen, ir akuni ima wukbalokdek, ogwe Ar aworomi nen mban, ir akuni ima wukbagu lagugwa o.) 3Nen Ar Yesus ekige mende yemenogo, ir akuni Farisi mende muk inaruk kolalka o yiluk yirugwama, Ar o Yudea paga etoma dambe kalok, o Galilea paga arar lagage. 4Nen laga dogolir, Ar tuan o Samaria nggweru, podok togon arar lagage o. 5#Kej. 33:19; Yos. 24:32Ma, o Samaria etomala, o paga etoma ar Yakub nen, akbur Yusuf agar wogorigemo eragalu korok negen eta, kota ambi endaga Sikhar ma, yogo Ar Yesus eta arar ari lagage. 6Nen o etala, ar Yakub nen, i nunggu dogu agar kululkige sumur kululik ambi eta welagage. Ma, o jam dua belas dindagane eta amor-amor, Ar Yesus i kululik aik paga etanogo, Ar akla tar mbalka korek kigik, 7nen ir Ar Yesus mutok lagwi mende yemenogo, o kota etoma nau ngge mende onggo mbaluwok nen yiluk arar lagugwa. 8Ma, kwe o Samaria etoma mende ambi, agi totak nen yiluk wagage. Wagagemo, ar Yesus nen kwe enogo yoga dogolir, “Kole, An i ambi maknirin nde?” yiluk nggino yorige.
9 #
Ezr. 4:1-5; Neh. 4:1-2 Kwe o Samaria mende enogo nen onggo yoga dogolir, “Wau, Kar ap Yahudi mende, nen an kwe Samaria mende; nenaluk i an noba nggino yotnegen?” (Wene eta yorige eti, ir akuni Yahudi mende, ir akuni Samaria mende inom kunik dek welagugwa paga o.)#4:9: Ir Akuni Yahudi mende, akuni Samaria mende inom kunik dek walagwi: tuguluk wene amberak diru mbalek eti, ir akuni Samaria mende inagirak akla kalok, ir akuni Yahudi mende nen, i nau mondok maga yiluk wene mbalek welagugwa.
10Yiluk yorigemo, Ar Yesus nen wene onggo yoga dogolir, “Ogwe, Ar Allah nen we wokniragage mende eti inom, nen akuni yi ta nen i nggino yotnege inom, kar kilu dogolep ma, ebebar etatep kwak eti, kar nen Ar oba i nggino yotep ma, Ar nen kar kagi iluk mondok mende arar woketep o.”
11Ar kwe enogo nen wene onggo yoga dogolir, “Kar elak kagi totar taga mende dek endare, nen i yi kululik kogona loknengga mondok ar o. Nen Kar i iluk mondok mende eti ngga nen kodagen? 12Ar Yakub nir ninumbu eti nen, i kululik yi nir wokniragage o. Ar ebe ake inom, umbui endaktarir wagugwa etoma inom, anggumidak mende etoma inom, inagi lak yi ar nunggu lagugwa o. Kar kakla nen ar Yakub eti nggok lektek kigik ogwe, Kar kanggup kwak ibiluk lektek mondok yiluk andagen a?”
13Yirigemo Ar Yesus nen, “Akuni i yi nugun mende eti, i abu arugun mban ar o. 14Ogwe, akuni ta nen i An wogorigin mende eti nigin kalok perak, i abu ekbega dogogin mondok-mondok dek o. Nenaluk, i An nen wogorigin eti ernogo, ar ebe akla etoma nen, i iliri wundi waga dogolir, nen iluk mondok-mondok dogorak mende, wene iniluk nabedal kabedal edo eti wogorigin o,” yiluk yorige.
15Yorigemo kwe enogo nen, “Ai Ambo, i eti ar nalok puk dogolir, niyok paga i yoma todi wagikdek dogik nen, i eti an ambi maknirin nde.”
16Ar Yesus nen onggo yoga dogolir, “Kalok, kar kagun wai yori lalok, kimbirak noba watno o,” yiluk ar Yesus nen yorige.
17Yorigemo ar kwe enogo nen, “An nagun dek o,” yiluk kwe enogo nen onggo yorige.
“Ebebar yegen o.” 18“Nenaluk, kar ap inebe lima paga wogonakigen o. Nen ap yogondak ya, waganek kimbirak agandik eti, kar kagun dek etnogogi,” yiluk yorige.
19Yorigemo ar kwe enogo nen, “Yogondak ya nen perak, kar yi ap Nabi mende arar keyagi o. 20Nir ninumbu ninomba, ir Ar Allah kur yi paga dagi lalok, endaga yadek dugu lagugwa o. Ogwe akuni Kar mende nen yugu dogolir, Ar Allah alon palogo woguk bugu dogowam eti, o Yerusalem mban arar o,” yiluk yugwi o.
21Yirigemo Ar Yesus nen, “Wene yi kakla ebebar andaurak o, o ambi paga, ir akuni nen, An Nombae mban alon palogo wogok bugwi dogogun. O Yerusalem paga nggwe inom, o kur taga yoma nggwe inom, eku dogogun mondok dek o. 22Kir akuni Samaria mende nen, ebe kinunggukdek kigik ar, alon palogo woguk bugwi agotik o. Nen nir akuni Yahudi mende kwak eti, Ar ebe nir ninilu mondok eti paga nen, alon palogo woguk bugwi agorik o. Nenaluk, nabedal kabedal eti, ir akuni Yahudi mende inobadek warigin o. 23Ogwe, o telek ambi etari warigin eti paga, nen o telek ebe muk etari waga yi arar ma, ir akuni nen, Nombae akla andar taga ndak-ndak, Ar Allah eti ebebar mende o yiluk, Roh Allah nen yamak daga kigik, Nombae alon palogo woguk bugwi dogogun o. 24Nenaluk? Ar Allah ebe eti Roh arar o, Nen Ar Roh Allah eti adigar obatne paga, ir akuni nen, Nombae Ar ebe obabur dogir taga ndak-ndak, alon palogo woguk bugwi dogogun o,” yiluk yorige.
25Yorigemo ar kwe enogo nen, “Raja Ndilinakwa (Kristus yitagwi eti) mende eti warigin, an nilu o. Nen Ar eti watuk kalok, Ar nen, ye wene nde wene etoma, yoknera warigin o yiluk yugwi o.” 26Yorigemo ar Yesus nen onggo yoga dogolir, Ar Akuni abok yirtagwi eti ebe, An arar o. Nen An nebe arar yogondak nimbirak wene yirtagwi o, yiluk yorige.
27Wene eta yoga amor-amor, ir Ar mutok lagwi mende yemenogo arar wagugwa. Wagu lagugwarik, Ar Yesus kwe enogo imbirak wene mbalka paga, wi au yiluk yirugwa. Ogwe, “Kar kwe yi nena wadok nen?” yiluk kinok yoru inom, nen Ar Yesus, “Ninombae Kar nenaluk kwe yi kimbirak wene mbali tagan yiluk yoru inom,” ir obogar inobade agage.
28Nen ar kwe ernogo, ar agirak enogo yatnogo arar dambe kalok, o kota yemenogo mbu agan unggi lagagerek, ir akuni etoma obogar yoraga dogolir, 29“Ap ambi ye wene nde wene, an eka lagagi mende yotnege etnaga kinil kobagik nen, ibar watni o. Ar ap eti Raja Ndilinakwa mende yitagwi enogo arar a, men a, ibar watni o,” yiluk yoragage. 30Yoragagemo, ir akuni yemenogo, o kota nggwe dambe kalok, Ar Yesus oba arar lagugwa.
31Etanogo eku nggodek, Ir Ar mutok lagwi mende yemenogo nen, “Abiyak, Guru Ninombae, kagarom ya nan,” yiluk wogorugwa.
32Ogwe Ar Yesus nen onggo yoraga dogolir, “Nonggwa mende an pago agarik eti, kir kinungguk dek agoktip o,” yiluk yoragage.
33Yoragagemo, ir Ar mutek lagwi mende yemenogo nen, ar ambi yogik eku dogolir, “Ah, wadigi a, Ir akuni ambi nen, Ar nonggwa mende ambi muk wogori wagiya kogop a?” yiluk yirugwa.
34Yugwi agagemo, Ar Yesus nen yoraga dogolir, “An nena-nena naurak mende eti, Ar An lakbani wagage werek owadok mende mban mutok laurak o. Nen yabu Ar nen erurak yiluk, An noba birige eti werok togon erurak eti mban arar o. 35Kir nen yugu dogolir, ‘Empat bulan ekbiluk, aingge yago mende enggen mbalurak panggo yi warigin yiluk, kinilu agotik o.’ Ogwe An wene yi yokerak o: aingge yago mende enggen obok kode agama, ogwe enggen yugu mende, enggen obok kode arir waga yoma kinil lakani nda! 36Ir akuni aingge yago mende enggen mbalu enogo, yogondak muk onggo kodar tagwi o. Nen iniluk nabedal kabedal kodaurak paga, wonggalogo batar tagwi o. Etiar ma, ir enggen ai ndulugun mende inom, nen ir enggen yugu mbalugun mende inom, dambuk togon inadeknggen eruak o. 37Wene yugwi yi etnaga ebebar o, ‘Ir amberak nen ai ndulir lagwi, nen ir amberak nen enggen mbalir lagwi ekwi o.’ 38An nen kir yokiraga dogolir, kir yabu etukdek ma ar ogwe, yago enggen mbali lani yokeragin eti; ir akuni amberak nen yabu obok etoma erogo begama o, ma kir ir yabu ekugwa mende etoma, onggo luktagun o.”
39Ir akuni o kota Samaria mende, inebe pakalok Ar Yesus eti ebebar o yiluk inakla andarugwa. Nenaluk ar kwe enogo nen, “Ar eti nen ye wene nde wene, an alep kwak eka lagagi mende etoma yotnege o, yiluk yirige eti paga.” 40Eti paga nen, ir akuni o Samaria mende yemenogo nen, Ar Yesus inom abuk agu lagugwarik, Ar Yesus ebe eta inom dogu yiluk mondok nggino nggano togon ar yorugwa. Eti yorugwa paga, Ar Yesus inom etoma kigik, inggi mbere paga nogo yirugwa.
41Ar Yesus o etoma dogolir, wene adik engga werek nen emeriragage paga, tuguluk ir akuni pakalok iniliti Ar Yesus ebebar o, yiluk andarugwa. 42Ir akuni yemenogo nen, ar kwe enogo yogu dogolir, “Wene kar yokniragen paga kwak dek ogwe, nir ninengga werek nen, Ar wene yega ninaruk kolalko paga, yogondak nir ninakla Ar oba ebebar andago. Mar, o agar paga yoma akuni Ndilinakwa mende enogo, Ar yi arar o,” yiluk yirugwa.
Ar Yesus nen elege ap pegawai istana akbur, u oba dek erogo birige wene
43Ar Yesus o Sikhar etoma inggi mbere paga welagagerek, o Galilea paga arar lagage. 44#Mat. 13:57; Mrk. 6:4; Luk. 4:24Ar Yesus nen wene ambi men yirige, “Ar ap nabi eti, ar uma ai edo paga etoma nen, Ar ane kologo wogokbi tagodek o.
45 #
Yoh. 2:23
Ogwe, ar Yesus o Galilea paga ari lagagemo, ir akuni etoma nen iniliti adeknggen paga arar waganggugwa. Nenaluk? Ar Yesus o Yerusalem hari Paskah komakwi paga, ye wene nde wene ekige mende yemenogo, ir obogar inil karugwa eti paga o.
46 #
Yoh. 2:1-11
Tuguluk Ar Yesus o Galilea paga, o Kana etoma, i ebe i ar mende anggur amburu elalin ekigemo yemenogo, iyok paga lagage. O kota etoma ap pegawai istana mende ambi, akbur u warek o Kapernaum paga etoma welagage. 47Ar Yesus o Yudea paga nen, muk o Galilea paga ari lagage enogo, ar ap enogo aruk kolal biluk, Ar Yesus oba arar lagagerek, ar akbur u warek mondok kamburak panggolek ma, iluk ekbuak nen yiluk nggino yori lagage.”
48Ar Yesus nen ap pegawai pemerintah enogo yoga dogolir, “Kir wene elalin mende kinil kigikdek kalok, kiniliti ebebar andaurak ndak dek o,” yiluk yirige.
49Ogwe, ar ap pegawai pemerintah enogo nen onggo yoga dogolir, “Ai Ambo, an nakbur auwan kanggik dek kigik, ibar-ibar eme o, lak.”
50Yorigemo Ar Yesus nen yoga dogolir, “Kar kakbur oba u obok dek aga o, ibar lan,” yiluk yorige.
Nen ar ap enogo wene Ar Yesus yirige enogo akla ebebar andega lagagerek, arar lagage. 51Tuan paga auwan ligi nanggige, ar ayedoman oba wagu lagugwarik nen yogu dogolir, “Kar kakbur oba u obok dek agama yokiri wago,” yiluk yorugwa.
52Yorugwama ar nen yoraga dogolir, “Elege eti jam mende paga u oba dek aga? Ir nen onggo yogu dogolir, U oba togi-togi eka laga mende, keyam jam satu paga eta amor-amor arar dek aga o.” 53Yorugwama ar ap enogo akla ebeklari waga dogolir, o keyam ar Yesus nen mo eta paga arar, “Kakbur u oba dek aga yotnege ernogo,” yiluk akla ebetlari wagage. Eti ekige paga, ar inom, keluarga ar mende ir obogar iniliti Yesus ebebar o, yiluk andarugwa. 54Ar Yesus elalin erukbuk mende o Yudea nen Galilea paga waga lagagerek, inggi ambotna mbere paga ekige ebe eti arar o.
Currently Selected:
YOHANES 4: WLW
Highlight
Share
Copy
Want to have your highlights saved across all your devices? Sign up or sign in
YOHANES 4
4
Ar Yesus kwe o Samaria mende, imbirak abuk agage wene
1Ir akuni Farisi mende inaruk kolalku dogolir, dek o, ar Yohanes eka lagage mende kwak we bugudak negen ar kigik, Ar Yesus kwak eti, akuni yugar ima wukbaga, nen Ar aworomi wogonakige mende yuk negen ar o, yiluk inaruk kolalkugwa. 2(Ebebar kwa eti, Ar Yesus nen, ir akuni ima wukbalokdek, ogwe Ar aworomi nen mban, ir akuni ima wukbagu lagugwa o.) 3Nen Ar Yesus ekige mende yemenogo, ir akuni Farisi mende muk inaruk kolalka o yiluk yirugwama, Ar o Yudea paga etoma dambe kalok, o Galilea paga arar lagage. 4Nen laga dogolir, Ar tuan o Samaria nggweru, podok togon arar lagage o. 5#Kej. 33:19; Yos. 24:32Ma, o Samaria etomala, o paga etoma ar Yakub nen, akbur Yusuf agar wogorigemo eragalu korok negen eta, kota ambi endaga Sikhar ma, yogo Ar Yesus eta arar ari lagage. 6Nen o etala, ar Yakub nen, i nunggu dogu agar kululkige sumur kululik ambi eta welagage. Ma, o jam dua belas dindagane eta amor-amor, Ar Yesus i kululik aik paga etanogo, Ar akla tar mbalka korek kigik, 7nen ir Ar Yesus mutok lagwi mende yemenogo, o kota etoma nau ngge mende onggo mbaluwok nen yiluk arar lagugwa. 8Ma, kwe o Samaria etoma mende ambi, agi totak nen yiluk wagage. Wagagemo, ar Yesus nen kwe enogo yoga dogolir, “Kole, An i ambi maknirin nde?” yiluk nggino yorige.
9 #
Ezr. 4:1-5; Neh. 4:1-2 Kwe o Samaria mende enogo nen onggo yoga dogolir, “Wau, Kar ap Yahudi mende, nen an kwe Samaria mende; nenaluk i an noba nggino yotnegen?” (Wene eta yorige eti, ir akuni Yahudi mende, ir akuni Samaria mende inom kunik dek welagugwa paga o.)#4:9: Ir Akuni Yahudi mende, akuni Samaria mende inom kunik dek walagwi: tuguluk wene amberak diru mbalek eti, ir akuni Samaria mende inagirak akla kalok, ir akuni Yahudi mende nen, i nau mondok maga yiluk wene mbalek welagugwa.
10Yiluk yorigemo, Ar Yesus nen wene onggo yoga dogolir, “Ogwe, Ar Allah nen we wokniragage mende eti inom, nen akuni yi ta nen i nggino yotnege inom, kar kilu dogolep ma, ebebar etatep kwak eti, kar nen Ar oba i nggino yotep ma, Ar nen kar kagi iluk mondok mende arar woketep o.”
11Ar kwe enogo nen wene onggo yoga dogolir, “Kar elak kagi totar taga mende dek endare, nen i yi kululik kogona loknengga mondok ar o. Nen Kar i iluk mondok mende eti ngga nen kodagen? 12Ar Yakub nir ninumbu eti nen, i kululik yi nir wokniragage o. Ar ebe ake inom, umbui endaktarir wagugwa etoma inom, anggumidak mende etoma inom, inagi lak yi ar nunggu lagugwa o. Kar kakla nen ar Yakub eti nggok lektek kigik ogwe, Kar kanggup kwak ibiluk lektek mondok yiluk andagen a?”
13Yirigemo Ar Yesus nen, “Akuni i yi nugun mende eti, i abu arugun mban ar o. 14Ogwe, akuni ta nen i An wogorigin mende eti nigin kalok perak, i abu ekbega dogogin mondok-mondok dek o. Nenaluk, i An nen wogorigin eti ernogo, ar ebe akla etoma nen, i iliri wundi waga dogolir, nen iluk mondok-mondok dogorak mende, wene iniluk nabedal kabedal edo eti wogorigin o,” yiluk yorige.
15Yorigemo kwe enogo nen, “Ai Ambo, i eti ar nalok puk dogolir, niyok paga i yoma todi wagikdek dogik nen, i eti an ambi maknirin nde.”
16Ar Yesus nen onggo yoga dogolir, “Kalok, kar kagun wai yori lalok, kimbirak noba watno o,” yiluk ar Yesus nen yorige.
17Yorigemo ar kwe enogo nen, “An nagun dek o,” yiluk kwe enogo nen onggo yorige.
“Ebebar yegen o.” 18“Nenaluk, kar ap inebe lima paga wogonakigen o. Nen ap yogondak ya, waganek kimbirak agandik eti, kar kagun dek etnogogi,” yiluk yorige.
19Yorigemo ar kwe enogo nen, “Yogondak ya nen perak, kar yi ap Nabi mende arar keyagi o. 20Nir ninumbu ninomba, ir Ar Allah kur yi paga dagi lalok, endaga yadek dugu lagugwa o. Ogwe akuni Kar mende nen yugu dogolir, Ar Allah alon palogo woguk bugu dogowam eti, o Yerusalem mban arar o,” yiluk yugwi o.
21Yirigemo Ar Yesus nen, “Wene yi kakla ebebar andaurak o, o ambi paga, ir akuni nen, An Nombae mban alon palogo wogok bugwi dogogun. O Yerusalem paga nggwe inom, o kur taga yoma nggwe inom, eku dogogun mondok dek o. 22Kir akuni Samaria mende nen, ebe kinunggukdek kigik ar, alon palogo woguk bugwi agotik o. Nen nir akuni Yahudi mende kwak eti, Ar ebe nir ninilu mondok eti paga nen, alon palogo woguk bugwi agorik o. Nenaluk, nabedal kabedal eti, ir akuni Yahudi mende inobadek warigin o. 23Ogwe, o telek ambi etari warigin eti paga, nen o telek ebe muk etari waga yi arar ma, ir akuni nen, Nombae akla andar taga ndak-ndak, Ar Allah eti ebebar mende o yiluk, Roh Allah nen yamak daga kigik, Nombae alon palogo woguk bugwi dogogun o. 24Nenaluk? Ar Allah ebe eti Roh arar o, Nen Ar Roh Allah eti adigar obatne paga, ir akuni nen, Nombae Ar ebe obabur dogir taga ndak-ndak, alon palogo woguk bugwi dogogun o,” yiluk yorige.
25Yorigemo ar kwe enogo nen, “Raja Ndilinakwa (Kristus yitagwi eti) mende eti warigin, an nilu o. Nen Ar eti watuk kalok, Ar nen, ye wene nde wene etoma, yoknera warigin o yiluk yugwi o.” 26Yorigemo ar Yesus nen onggo yoga dogolir, Ar Akuni abok yirtagwi eti ebe, An arar o. Nen An nebe arar yogondak nimbirak wene yirtagwi o, yiluk yorige.
27Wene eta yoga amor-amor, ir Ar mutok lagwi mende yemenogo arar wagugwa. Wagu lagugwarik, Ar Yesus kwe enogo imbirak wene mbalka paga, wi au yiluk yirugwa. Ogwe, “Kar kwe yi nena wadok nen?” yiluk kinok yoru inom, nen Ar Yesus, “Ninombae Kar nenaluk kwe yi kimbirak wene mbali tagan yiluk yoru inom,” ir obogar inobade agage.
28Nen ar kwe ernogo, ar agirak enogo yatnogo arar dambe kalok, o kota yemenogo mbu agan unggi lagagerek, ir akuni etoma obogar yoraga dogolir, 29“Ap ambi ye wene nde wene, an eka lagagi mende yotnege etnaga kinil kobagik nen, ibar watni o. Ar ap eti Raja Ndilinakwa mende yitagwi enogo arar a, men a, ibar watni o,” yiluk yoragage. 30Yoragagemo, ir akuni yemenogo, o kota nggwe dambe kalok, Ar Yesus oba arar lagugwa.
31Etanogo eku nggodek, Ir Ar mutok lagwi mende yemenogo nen, “Abiyak, Guru Ninombae, kagarom ya nan,” yiluk wogorugwa.
32Ogwe Ar Yesus nen onggo yoraga dogolir, “Nonggwa mende an pago agarik eti, kir kinungguk dek agoktip o,” yiluk yoragage.
33Yoragagemo, ir Ar mutek lagwi mende yemenogo nen, ar ambi yogik eku dogolir, “Ah, wadigi a, Ir akuni ambi nen, Ar nonggwa mende ambi muk wogori wagiya kogop a?” yiluk yirugwa.
34Yugwi agagemo, Ar Yesus nen yoraga dogolir, “An nena-nena naurak mende eti, Ar An lakbani wagage werek owadok mende mban mutok laurak o. Nen yabu Ar nen erurak yiluk, An noba birige eti werok togon erurak eti mban arar o. 35Kir nen yugu dogolir, ‘Empat bulan ekbiluk, aingge yago mende enggen mbalurak panggo yi warigin yiluk, kinilu agotik o.’ Ogwe An wene yi yokerak o: aingge yago mende enggen obok kode agama, ogwe enggen yugu mende, enggen obok kode arir waga yoma kinil lakani nda! 36Ir akuni aingge yago mende enggen mbalu enogo, yogondak muk onggo kodar tagwi o. Nen iniluk nabedal kabedal kodaurak paga, wonggalogo batar tagwi o. Etiar ma, ir enggen ai ndulugun mende inom, nen ir enggen yugu mbalugun mende inom, dambuk togon inadeknggen eruak o. 37Wene yugwi yi etnaga ebebar o, ‘Ir amberak nen ai ndulir lagwi, nen ir amberak nen enggen mbalir lagwi ekwi o.’ 38An nen kir yokiraga dogolir, kir yabu etukdek ma ar ogwe, yago enggen mbali lani yokeragin eti; ir akuni amberak nen yabu obok etoma erogo begama o, ma kir ir yabu ekugwa mende etoma, onggo luktagun o.”
39Ir akuni o kota Samaria mende, inebe pakalok Ar Yesus eti ebebar o yiluk inakla andarugwa. Nenaluk ar kwe enogo nen, “Ar eti nen ye wene nde wene, an alep kwak eka lagagi mende etoma yotnege o, yiluk yirige eti paga.” 40Eti paga nen, ir akuni o Samaria mende yemenogo nen, Ar Yesus inom abuk agu lagugwarik, Ar Yesus ebe eta inom dogu yiluk mondok nggino nggano togon ar yorugwa. Eti yorugwa paga, Ar Yesus inom etoma kigik, inggi mbere paga nogo yirugwa.
41Ar Yesus o etoma dogolir, wene adik engga werek nen emeriragage paga, tuguluk ir akuni pakalok iniliti Ar Yesus ebebar o, yiluk andarugwa. 42Ir akuni yemenogo nen, ar kwe enogo yogu dogolir, “Wene kar yokniragen paga kwak dek ogwe, nir ninengga werek nen, Ar wene yega ninaruk kolalko paga, yogondak nir ninakla Ar oba ebebar andago. Mar, o agar paga yoma akuni Ndilinakwa mende enogo, Ar yi arar o,” yiluk yirugwa.
Ar Yesus nen elege ap pegawai istana akbur, u oba dek erogo birige wene
43Ar Yesus o Sikhar etoma inggi mbere paga welagagerek, o Galilea paga arar lagage. 44#Mat. 13:57; Mrk. 6:4; Luk. 4:24Ar Yesus nen wene ambi men yirige, “Ar ap nabi eti, ar uma ai edo paga etoma nen, Ar ane kologo wogokbi tagodek o.
45 #
Yoh. 2:23
Ogwe, ar Yesus o Galilea paga ari lagagemo, ir akuni etoma nen iniliti adeknggen paga arar waganggugwa. Nenaluk? Ar Yesus o Yerusalem hari Paskah komakwi paga, ye wene nde wene ekige mende yemenogo, ir obogar inil karugwa eti paga o.
46 #
Yoh. 2:1-11
Tuguluk Ar Yesus o Galilea paga, o Kana etoma, i ebe i ar mende anggur amburu elalin ekigemo yemenogo, iyok paga lagage. O kota etoma ap pegawai istana mende ambi, akbur u warek o Kapernaum paga etoma welagage. 47Ar Yesus o Yudea paga nen, muk o Galilea paga ari lagage enogo, ar ap enogo aruk kolal biluk, Ar Yesus oba arar lagagerek, ar akbur u warek mondok kamburak panggolek ma, iluk ekbuak nen yiluk nggino yori lagage.”
48Ar Yesus nen ap pegawai pemerintah enogo yoga dogolir, “Kir wene elalin mende kinil kigikdek kalok, kiniliti ebebar andaurak ndak dek o,” yiluk yirige.
49Ogwe, ar ap pegawai pemerintah enogo nen onggo yoga dogolir, “Ai Ambo, an nakbur auwan kanggik dek kigik, ibar-ibar eme o, lak.”
50Yorigemo Ar Yesus nen yoga dogolir, “Kar kakbur oba u obok dek aga o, ibar lan,” yiluk yorige.
Nen ar ap enogo wene Ar Yesus yirige enogo akla ebebar andega lagagerek, arar lagage. 51Tuan paga auwan ligi nanggige, ar ayedoman oba wagu lagugwarik nen yogu dogolir, “Kar kakbur oba u obok dek agama yokiri wago,” yiluk yorugwa.
52Yorugwama ar nen yoraga dogolir, “Elege eti jam mende paga u oba dek aga? Ir nen onggo yogu dogolir, U oba togi-togi eka laga mende, keyam jam satu paga eta amor-amor arar dek aga o.” 53Yorugwama ar ap enogo akla ebeklari waga dogolir, o keyam ar Yesus nen mo eta paga arar, “Kakbur u oba dek aga yotnege ernogo,” yiluk akla ebetlari wagage. Eti ekige paga, ar inom, keluarga ar mende ir obogar iniliti Yesus ebebar o, yiluk andarugwa. 54Ar Yesus elalin erukbuk mende o Yudea nen Galilea paga waga lagagerek, inggi ambotna mbere paga ekige ebe eti arar o.
Currently Selected:
:
Highlight
Share
Copy
Want to have your highlights saved across all your devices? Sign up or sign in