Wïlöölö 25
25
Luum Thøw Eeberam
1'Ba Eeberam acäŋ määnyö ki dhaagø mør mo nyeŋŋe cwøl ni Këthura. 2Ni ö nyaanøgø ni nyöötge ko obwöre ki Eeberam, ni beege Dhemran, ki Jökcan, ki Mëdan, ki Midien, ki Ecbök, ki Cuwëk. 3Ni ö Jökcanni ni nyööde ki wääte mo nyeŋge cwøl ni Cïïba ki Didan. Ni wäät Didan beege jø Acör, ki jø Lethuca, ki jø Lewuma. 4Ni wäät Midien beege Gëpër, ki Ëpër, ki Anök, ka Abida, ki Eldaa. Jøøgø bëët beege jiy moa käl dëër Këthura.
5'Ba Eeberam gïïa en jïre bëët awii cer wääde ma Aydhak; 6'ba wääte moa nywøle kööth määre moa na akwaanya amooe ki muuce, ni wëëk geni wääth; ni cige yïth ŋøøm moa en jï løø kur tuul-cäŋ, ni bëëtge ni karge bäyö ki wääde ma Aydhak. Gïïögø bëët tïïe kanya poode ni eni poot kwøw.
7'Ba cwiiri bëët moa beet Eeberammi beege cwiiri ma dïpa ki pïërabïriiø kurbïïc. 8Køøre ena thøw ni ena dhaanhø mo ojal ki jalø ma wøp, na jaal mo bëëtö ee pwøø wøk; ni put läp køør jø poge. 9Ni ö wääte na näk Aydhak ki Icmiel ni koonyge wääge yi kään kïnna en Makpila, yi pwöth Ëprön o Dhöar na näk nyï Këth, kanya näk dïët ki Mamrë. 10Ni beeye pwötha ŋeew Eeberammi baŋ jø Këth; ni put Eeberam koony yie kaace buut cïïe ma Ceera. 11'Ba køør thøw Eeberam, Jwøk Aydhak wär Eeberam agwïëdhe; ni ö Aydhaki ni bëëde buut iith mana cwøl ni Laay-Röi.
Luum Nyïïkwaac Icmiel
12Man beeye luum nyïïkwaac Icmiel, wär Eeberam mana nywøle kö Eegar nyi jø Ijep, na näk laŋ Ceera; 13ni nyeŋ wäät Icmiel, na cak ki køør nyöödö mana nywøl ge ki gø, beege Nebayöt na näk kany Icmiel, ki Këdar, ki Adebiel, ki Mepcam, 14ki Macma, ki Duma, ki Maca, 15ki Adat, ki Tëma, ki Jetur, ki Napëc, ki Këdema. 16Moøgø beege nyeŋ wäät Icmiel, ki køør mïëcge ki twëëre moge, ni gena kwääri apaar kurriiø mo wïth tuŋi moge. 17'Ba cwiiri moa beet Icmielli beege cwiiri ma dïpa ki pïëradäk ka abïriiø; ni thøøe, ni put läp køør jø poge. 18'Ba nyïïkwaaye abëëdö yaakic Ëwlath ki Cur, løø Ijep jï løø kur tuul-cäŋ, jöö mana näk pöötha Aciria; ni putge bëëtö ni geno pääö ki tuuŋge.
Kanya Lwaarø Ki Icøø Ki Jeekap
19Man beeye luum nyïïkwaac Aydhak wär Eeberam. Eeberam Aydhak anywøle. 20'Ba kanya tïm Aydhaki ni cwiiye pïëraŋween, Rebëëka nyi Batuël na näk nyï Aram, paana en Padan-Aram, anywøme. Rebëëka beeye cöök Leeban na näk nyï Aram thuwø.
21Køøre Aydhak alämö jï Wuuö Jwøk kiper cïïe, kiper cïïe jïre bäŋ obwöre mo ee nywølø; ni ö Wuuö Jwøki ni wïny lam mare, ni jït yi cïïe ma Rebëëka ki dhaanhø. 22'Ba obwöre atïmö ni ge cäbö yi Rebëëka; ni kööe, na «?Aŋø, a teeŋ gïnaŋø no otägö dëëra en?» Køøre ena aay ni läme ni pëëny Wuuö Jwøk.
23Ni kö Wuuö Jwøki jïre,
ni «Jiy ma wïth juurre ariiø beege ni en yiï yøø;
ni jiy ariiø moøge onywølï, ni bëëtge ni dëëtge ege pääŋŋö;
ni ö acielli dëëtge ni tïme ni teeka eni døc ki maya;
ni ö mana dwøŋŋi ni tïny mana thiinh.»
24'Ba kanya tïme na kar lwaar mare kiree, ena put lwaar ko obwöre ma cïp Jwøk. 25Ni mana kwøŋ ö wøk kwaar ni dëëre da jïër; ni cakge nyeŋ gø ni Icøø. 26Køøre cään coki alwaarø ki gøøni, ni ö wøk no opuny Icøø ee maaø ki cere, ni cakge nyeŋ gø ni Jeekap.#25:26 Jeekap ki dhi Ibaru tiere beeye dhaanhø mo maga opuny dhaanhø mør wala dhaanhø mo maya kar dhaanhø mør. 'Ba kar kanya ö Rebëëka na nywøl obwöre moøgø, Aydhak cwiiye oløny na pïërabïciel.
Kanya Ö Icøø Na Dwøk Lweth Mare Pwödhö
27'Ba kanya døøŋ obwöre moøgø, Icøø atïmö na dhaanhø mo dwaar ŋääe døc kiree, ni put bëëdö na ŋat paap. 'Ba Jeekap ena dhaanhø mo yie ee cïp piny jaak, ni bëëdö paac cooth. 28'Ba Aydhak mëër ki Icøø døc ni kaala Jeekap, kiper yie met ki rïŋ mo wø käle jïre ki baŋ dwaar ni wø came. 'Ba Rebëëka mëër ka Jeekap døc ni kaala Icøø.
29Dïcäŋ aciel ni Jeekap otëëdö ki kadø, Icøø aöö ki paap ni eno näk käci; 30ni kö Icøø jï Jeekap, na «A mooc ki gïno kwaar enøgø nee weedha, kiper aano näk käci.» Kiper manøgø nø nyeŋŋe acwøl ni Ëdöm.#25:30 Ëdöm ki dhi Ibaru tiere beeye kwaar.
31'Ba Jeekap aköö, ni «Kwøŋ dööŋö marï ŋeew ki aani dïkwøŋ.»
32Ni kö Icøø, ni «Ennø, kara oløny ni cään ki man thøøa. ?Aŋø, dööŋö mara oduu ŋø jïra cøøn?»
33Ni kö Jeekapi, ni «Kwøŋ kööŋ dïkwøŋ nø;» ni put kööŋ, ni ŋeew dööŋö mare ki Jeekap.
34Køøre Jeekap Icøø amooe ki cam ki kat adaci; ni cäme ni mäthe ki pïï, ni ö maal ni aae, ni gïr dööŋö mare ee taaø jaak.
Currently Selected:
Wïlöölö 25: AnyuB
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia
Wïlöölö 25
25
Luum Thøw Eeberam
1'Ba Eeberam acäŋ määnyö ki dhaagø mør mo nyeŋŋe cwøl ni Këthura. 2Ni ö nyaanøgø ni nyöötge ko obwöre ki Eeberam, ni beege Dhemran, ki Jökcan, ki Mëdan, ki Midien, ki Ecbök, ki Cuwëk. 3Ni ö Jökcanni ni nyööde ki wääte mo nyeŋge cwøl ni Cïïba ki Didan. Ni wäät Didan beege jø Acör, ki jø Lethuca, ki jø Lewuma. 4Ni wäät Midien beege Gëpër, ki Ëpër, ki Anök, ka Abida, ki Eldaa. Jøøgø bëët beege jiy moa käl dëër Këthura.
5'Ba Eeberam gïïa en jïre bëët awii cer wääde ma Aydhak; 6'ba wääte moa nywøle kööth määre moa na akwaanya amooe ki muuce, ni wëëk geni wääth; ni cige yïth ŋøøm moa en jï løø kur tuul-cäŋ, ni bëëtge ni karge bäyö ki wääde ma Aydhak. Gïïögø bëët tïïe kanya poode ni eni poot kwøw.
7'Ba cwiiri bëët moa beet Eeberammi beege cwiiri ma dïpa ki pïërabïriiø kurbïïc. 8Køøre ena thøw ni ena dhaanhø mo ojal ki jalø ma wøp, na jaal mo bëëtö ee pwøø wøk; ni put läp køør jø poge. 9Ni ö wääte na näk Aydhak ki Icmiel ni koonyge wääge yi kään kïnna en Makpila, yi pwöth Ëprön o Dhöar na näk nyï Këth, kanya näk dïët ki Mamrë. 10Ni beeye pwötha ŋeew Eeberammi baŋ jø Këth; ni put Eeberam koony yie kaace buut cïïe ma Ceera. 11'Ba køør thøw Eeberam, Jwøk Aydhak wär Eeberam agwïëdhe; ni ö Aydhaki ni bëëde buut iith mana cwøl ni Laay-Röi.
Luum Nyïïkwaac Icmiel
12Man beeye luum nyïïkwaac Icmiel, wär Eeberam mana nywøle kö Eegar nyi jø Ijep, na näk laŋ Ceera; 13ni nyeŋ wäät Icmiel, na cak ki køør nyöödö mana nywøl ge ki gø, beege Nebayöt na näk kany Icmiel, ki Këdar, ki Adebiel, ki Mepcam, 14ki Macma, ki Duma, ki Maca, 15ki Adat, ki Tëma, ki Jetur, ki Napëc, ki Këdema. 16Moøgø beege nyeŋ wäät Icmiel, ki køør mïëcge ki twëëre moge, ni gena kwääri apaar kurriiø mo wïth tuŋi moge. 17'Ba cwiiri moa beet Icmielli beege cwiiri ma dïpa ki pïëradäk ka abïriiø; ni thøøe, ni put läp køør jø poge. 18'Ba nyïïkwaaye abëëdö yaakic Ëwlath ki Cur, løø Ijep jï løø kur tuul-cäŋ, jöö mana näk pöötha Aciria; ni putge bëëtö ni geno pääö ki tuuŋge.
Kanya Lwaarø Ki Icøø Ki Jeekap
19Man beeye luum nyïïkwaac Aydhak wär Eeberam. Eeberam Aydhak anywøle. 20'Ba kanya tïm Aydhaki ni cwiiye pïëraŋween, Rebëëka nyi Batuël na näk nyï Aram, paana en Padan-Aram, anywøme. Rebëëka beeye cöök Leeban na näk nyï Aram thuwø.
21Køøre Aydhak alämö jï Wuuö Jwøk kiper cïïe, kiper cïïe jïre bäŋ obwöre mo ee nywølø; ni ö Wuuö Jwøki ni wïny lam mare, ni jït yi cïïe ma Rebëëka ki dhaanhø. 22'Ba obwöre atïmö ni ge cäbö yi Rebëëka; ni kööe, na «?Aŋø, a teeŋ gïnaŋø no otägö dëëra en?» Køøre ena aay ni läme ni pëëny Wuuö Jwøk.
23Ni kö Wuuö Jwøki jïre,
ni «Jiy ma wïth juurre ariiø beege ni en yiï yøø;
ni jiy ariiø moøge onywølï, ni bëëtge ni dëëtge ege pääŋŋö;
ni ö acielli dëëtge ni tïme ni teeka eni døc ki maya;
ni ö mana dwøŋŋi ni tïny mana thiinh.»
24'Ba kanya tïme na kar lwaar mare kiree, ena put lwaar ko obwöre ma cïp Jwøk. 25Ni mana kwøŋ ö wøk kwaar ni dëëre da jïër; ni cakge nyeŋ gø ni Icøø. 26Køøre cään coki alwaarø ki gøøni, ni ö wøk no opuny Icøø ee maaø ki cere, ni cakge nyeŋ gø ni Jeekap.#25:26 Jeekap ki dhi Ibaru tiere beeye dhaanhø mo maga opuny dhaanhø mør wala dhaanhø mo maya kar dhaanhø mør. 'Ba kar kanya ö Rebëëka na nywøl obwöre moøgø, Aydhak cwiiye oløny na pïërabïciel.
Kanya Ö Icøø Na Dwøk Lweth Mare Pwödhö
27'Ba kanya døøŋ obwöre moøgø, Icøø atïmö na dhaanhø mo dwaar ŋääe døc kiree, ni put bëëdö na ŋat paap. 'Ba Jeekap ena dhaanhø mo yie ee cïp piny jaak, ni bëëdö paac cooth. 28'Ba Aydhak mëër ki Icøø døc ni kaala Jeekap, kiper yie met ki rïŋ mo wø käle jïre ki baŋ dwaar ni wø came. 'Ba Rebëëka mëër ka Jeekap døc ni kaala Icøø.
29Dïcäŋ aciel ni Jeekap otëëdö ki kadø, Icøø aöö ki paap ni eno näk käci; 30ni kö Icøø jï Jeekap, na «A mooc ki gïno kwaar enøgø nee weedha, kiper aano näk käci.» Kiper manøgø nø nyeŋŋe acwøl ni Ëdöm.#25:30 Ëdöm ki dhi Ibaru tiere beeye kwaar.
31'Ba Jeekap aköö, ni «Kwøŋ dööŋö marï ŋeew ki aani dïkwøŋ.»
32Ni kö Icøø, ni «Ennø, kara oløny ni cään ki man thøøa. ?Aŋø, dööŋö mara oduu ŋø jïra cøøn?»
33Ni kö Jeekapi, ni «Kwøŋ kööŋ dïkwøŋ nø;» ni put kööŋ, ni ŋeew dööŋö mare ki Jeekap.
34Køøre Jeekap Icøø amooe ki cam ki kat adaci; ni cäme ni mäthe ki pïï, ni ö maal ni aae, ni gïr dööŋö mare ee taaø jaak.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia