LUQAASI 12
12
MEESSANAA ALE TUQQINANNIKKI GEDE UYINOONNI SEEJJO
1Kumunni kiirranni manni gamba yee mimmito cifanni hee'reenna Yesuusi balaxe rosaanosira, «Farisootu gamaancho agadhe!» yiinsa. (Hatto yaa insanaa ale tuqqitannore agadhe yaate.) 2Ledeno, «Dimboonnihu fa'namikkinni, maanxoonnihu anfikkinni digatanno. 3Kunnira tunsote coyidhinoonnire barra xawoho macciishshinanni. Cunfoonni mini giddo hashaashantinoonnire, minu iimira giddine lallambanni» yii.
WAAJJINANNIHU MAGANO CALLAHO
(Mat 10:28-31)
4Yesuusi, «Jaalla'ya ani kuleemmo'nena, maala shaa agurranna wolere assa dandiitannokkire waajjitinoonte! 5Waajjitinanniha kuleemmo'nena, shiihu gedensaanni gaannaamete giirara tugate roorre afi'rinoha Magano waajje! Halaale kuleemmo'nena, iso waajje! 6Onte gurrae lame saantera hirranni dihee'noonni? Maganu hakkuri giddonni mitticho nafa dihawanno. 7Umi'ne dananchi baalu nafa kiirreenna no; kunnira, waajjitinoonte; ki'ne lowo gurraenni roortinanni» yii.
MANNU ALBAANNI KIRISTOOSIRE FARCI'RA
(Mat 10:32-33; 12:32; 10:19-20)
8Yesuusi, «Kuleemmo'nena, mannu albaanni anere farci'rannohura, anino isire Maganu sokkaasine albaanni farci'reemmo. 9Mannu albaanni, ‹Diegennoommosi› yaannoha, anino Maganu sokkaasine albaanni, ‹Diegennoommohe› yaannosi. 10Manchi Beettira busha coyi'rannohu sao agurranni. Qullaawu Ayyaanira busha coyi'rannohu sao kayinni horonta diagurranni. 11Xaadu minira haadhe hadhu'nero gashshaanotenna roorrootu albira massitu'nero, ‹Ma dawarreemmo? Hiitto assine coyi'neemmo?› yitine yaaddinoonte. 12Yitinannire hatte yannara Qullaawu Ayyaani kulanno'ne» yii.
HAWANYA DUREESSA
13Mannu giddonni mittu manchi Yesuusa, «Rosiisaancho, anninke uyinonke iqqa beehannoe gede rodii'yara kulisi» yiisi. 14Yesuusi qole, «Koo mancho, ane ki'nera cimeessanna iqqa beeheemmoha asse worinoehu ayeti?» yiisi. 15Qoleno wo'munkura, «Mannu heeshsho woxu batinyinni anfannita di"ikkitinona, hafuuraamma ikkitinoonte! Umo'ne agadhe!» yiinsa.
16Hakkiinni aanche Yesuusi, «Jajja dancha gede fushshitanno baatto afi'rinohu mittu dureessu manchi no. 17Isino wodanisinni, ‹Jajja'ya gamba assi're wodheemmo dargi dinoe. Ma asso?› yee hedi. 18Kunnira, ‹Jajja wodheemmo gootara diige halashshi'reemmo. Gide'yanna jajja'ya hakko duu'neemmo. 19Aneneera, lowo dirira ikkitannoti lowo jiro noohena, xaate fooliishshidhe ittanninna agganni hagiidhi yeemmo› yii. 20Maganu kayinni, ‹Koo hawanya, kunni hashshinni lubbokki atewiinni haa'nanni. Tini gamba assi'rootto jiro ayera ikkitanno?› yiisi. 21Baattote aana jiro duu'ne, Maganu albaanni buxino manchi hattooho» yii.
MAGANO AMMANNE IKKINNINA YAADDINOONTE!
(Mat 6:25-34)
22Hakkunni gedensaanni Yesuusi rosaanosira, «Kunnira ani kuleemmo'nena, ‹Ma inteemmo? Ma uddi'neemmo?› yitine heeshsho'nera yaaddinoonte! 23Sagaletenni lubbo roorete; uddanotenni mannimma roorete. 24Hanni haraqeeyye la'e; diwixidhanno; dimixxitanno; gide duu'nitannowi woy gootaru dinonsa. Maganu itisannonsa. Ki'ne, ceatenni lowo geeshsha diroortinanni? 25Ki'ne giddonni, yaade hojjasi aana mitte cigile lexxa dandaannohu nooni? 26Konne shiima coye nafa assa dandiitinoonnikkiri, wolu coyira mayira yaaddinanni? 27Xawu daraaro hiitto ikkite lophitannoro la'e! Insa diloosidhanno; disuqqidhanno. Kuleemmo'nena, Selemooni nafa hakkuyi baalu ayirrinyisinni, tenne daraaro giddonni mittichu geeshsha biifado uddano diuddi'rino. 28Techo leelte ga'a giirante ba'anno hayisso uddisiisanno Magani, ki'ne hiitto roore uddisiisa hooganno'ne? Ki'nera ammana ajjino'ne!
29«Kunnira, ‹Ma inteemmo? Ma angeemmo?› yitine yaaddinoonte. 30Konne coye afi'rate goxxukkinni galtannori Magano egentinokki dagaati. Ki'nera kayinni kuni baalu hasiisanno'neta Anni'ne egennino. 31Balaxxine Isi gashshoote hasidhe; kuni coyi baalu ledamanno'ne.
GORDU JIRO
(Mat 6:19-21)
32«Ki'ne shiima hoshsha, Anni'ne gashshootesi aa'nera hasi'rinona waajjitinoonte. 33Noo'nere baala hirtine buxanete uuyye! Akkalannokki ogoro seekkidhine, mooraanchu iillannokkiwa, daanillu qasannokkiwanna goofannokkiwa gordoho wodhe. 34Woxi'ne noowa, wodani'neno hakko galanno» yii.
DIINAGGAAMO SOQQAMAANCHO
35Yesuusi lede, «Hallo'ne qodhitine, caabbicho'ne xawisidhine qixxaabbine agadhe!#Mat 25:1-13 lai. 36Adhamate jiliwiinni daannoha mootichansa agadhite noore labbe. Hakkuri, mootichinsa hedeweelcho daye ciratanno woyite rakke cufana fanate qixxaabbinoreeti.#Maq 13:34-36 lai. 37Mootichinsa daanno woyite, baqqi yite agarte heedheenna afannonsari ba'raadhinoreeti. Halaale yeemmo'nena, hallo qodhe, insano sagale intanniwa ofoltanno gede asse kae soqqamannonsa. 38Mootichinsa hashshu taalo woy soodimaroho goxxukkinni agadhite heedheenna daye afannonsari, ba'raadhinoreeti. 39Mitto coye afa hasiissanno'ne: Minu anni mooraanchu daanno yanna afoommero, mooraanchu minesi fane eara wore diaguranno.#Mat 24:43-44 lai. 40Manchi Beetti, heddinoonnikki yannara hedeweelcho daannona, ki'neno qixxaabbine agadhe» yii.
AMMANAMINOHANNA AMMANAMINOKKI SOQQAMAANCHO
41Pheexiroosino, «Mooticha, tenne masalo ninkeralla kultanni noottonso wo'munkuraati?» yee xa'mi.
42Mootichu qole, «Sagale yannatenni aannonsa gede, mootichisi minisi manni baalaho annimma aannosihu, egennaamunna ammanamino soqqamaanchi ayeti? 43Hatto assanni hee'reenna mootichisi daye afannosi soqqamaanchi ba'raa'rinoho. 44Halaale kuleemmo'nena, mootichu jajjisi baalunku annimma, hakko soqqamaanchira aannosi. 45Hakku soqqamaanchi kayinni, ‹Mootichi'ya rahe didaanno› yee hede, meyaanna labbaa soqqamaano gananni, aganni, itanni, dimba hanafiro, 46Mootichisi hedeweelcho barranna agadhinokki yannara daye mure lamewa fushshe, ammantinokkiri ledo gaamannosi. 47Mootichisi hedo afanni hee'renni agadhinokkihunna hajajosi wonshinokki soqqamaanchi lowo geeshsha qorichishamanno. 48Ikkollana, mootichisi hedo afa hoogatenni qoricha abbanno coye assiro, shiima geeshsha calla qorichishamanno. Lowoha uyinoonnihuwiinni lowore agadhinanni; lowore eeggo uyinoonniha loworira hexxinanni» yee rosiisinsa.
MANNU MEREERO KA"ANNO BABBADOOSHSHE
(Mat 10:34-36)
49Yesuusi lede, «Ani baattote aana giira qasammora dayommo. Giirano rakke bubboommero halcho'yaati. 50Ikkollana, anera cuuama agarte nooe; ise sa'a geeshsha ani yaaddote giddo noommo. 51Ani baattote aanira keere haa're dayommoha lawanno'ne? Dee'ni, kuleemmo'nena, babbadama haa're dayommo. 52Kunni ka'a, mitto mine noohu ontu manni mimmituwiinni babbaxxe, sasu lamu aana, lamu sasu aana ka'anno. 53Annu beettu aana, beettu annu aana, ama beettote aana, beetto amate aana, ballo beettise galte aana, beettu galte ballose aana ka'e babbaxxitanno» yii.
YANNA EGENNA
(Mat 16:2-3)
54Yesuusi qole mannaho, «Soojjaatoonni gomicho affinanni woyite, ‹Techo xeena ganaraati› yitinanni. Yitinoonni gedeno ikkanno. 55Wodiidoonni bubbisanno woyite, ‹Techo arrishshanno› yitinanni. Hattono ikkanno. 56Ki'ne lawisiisaano, gordunna baattote dana la'ine ikkannore affinanni. Tenne yannara ikkannore baddine afa mayira hoogginiyya?» yii.
QAHU LEDO ARAARAMA
(Mat 5:25-26)
57Yesuusi lede, «Ki'ne umi'ne affine halaalaancho yoo mayira diyitinanni? 58Qahikki ate ledo giwame yoote dargira haa're ha'rannahe doogote aana heedhineenna araaramate wo'naali. Hatto assa hoogittoro, qahikki yoo yaannohuwa goshooshe massannohe; yoo yaannohuno usurannohura sayise aannohe; usurannohuno masse usuru mine tugannohe. 59Kuleemmohena, karroonnihe erecco mitturino gatikkinni baaxxite gudittokkinni hakkiinni difulatto» yii.
Currently Selected:
LUQAASI 12: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
LUQAASI 12
12
MEESSANAA ALE TUQQINANNIKKI GEDE UYINOONNI SEEJJO
1Kumunni kiirranni manni gamba yee mimmito cifanni hee'reenna Yesuusi balaxe rosaanosira, «Farisootu gamaancho agadhe!» yiinsa. (Hatto yaa insanaa ale tuqqitannore agadhe yaate.) 2Ledeno, «Dimboonnihu fa'namikkinni, maanxoonnihu anfikkinni digatanno. 3Kunnira tunsote coyidhinoonnire barra xawoho macciishshinanni. Cunfoonni mini giddo hashaashantinoonnire, minu iimira giddine lallambanni» yii.
WAAJJINANNIHU MAGANO CALLAHO
(Mat 10:28-31)
4Yesuusi, «Jaalla'ya ani kuleemmo'nena, maala shaa agurranna wolere assa dandiitannokkire waajjitinoonte! 5Waajjitinanniha kuleemmo'nena, shiihu gedensaanni gaannaamete giirara tugate roorre afi'rinoha Magano waajje! Halaale kuleemmo'nena, iso waajje! 6Onte gurrae lame saantera hirranni dihee'noonni? Maganu hakkuri giddonni mitticho nafa dihawanno. 7Umi'ne dananchi baalu nafa kiirreenna no; kunnira, waajjitinoonte; ki'ne lowo gurraenni roortinanni» yii.
MANNU ALBAANNI KIRISTOOSIRE FARCI'RA
(Mat 10:32-33; 12:32; 10:19-20)
8Yesuusi, «Kuleemmo'nena, mannu albaanni anere farci'rannohura, anino isire Maganu sokkaasine albaanni farci'reemmo. 9Mannu albaanni, ‹Diegennoommosi› yaannoha, anino Maganu sokkaasine albaanni, ‹Diegennoommohe› yaannosi. 10Manchi Beettira busha coyi'rannohu sao agurranni. Qullaawu Ayyaanira busha coyi'rannohu sao kayinni horonta diagurranni. 11Xaadu minira haadhe hadhu'nero gashshaanotenna roorrootu albira massitu'nero, ‹Ma dawarreemmo? Hiitto assine coyi'neemmo?› yitine yaaddinoonte. 12Yitinannire hatte yannara Qullaawu Ayyaani kulanno'ne» yii.
HAWANYA DUREESSA
13Mannu giddonni mittu manchi Yesuusa, «Rosiisaancho, anninke uyinonke iqqa beehannoe gede rodii'yara kulisi» yiisi. 14Yesuusi qole, «Koo mancho, ane ki'nera cimeessanna iqqa beeheemmoha asse worinoehu ayeti?» yiisi. 15Qoleno wo'munkura, «Mannu heeshsho woxu batinyinni anfannita di"ikkitinona, hafuuraamma ikkitinoonte! Umo'ne agadhe!» yiinsa.
16Hakkiinni aanche Yesuusi, «Jajja dancha gede fushshitanno baatto afi'rinohu mittu dureessu manchi no. 17Isino wodanisinni, ‹Jajja'ya gamba assi're wodheemmo dargi dinoe. Ma asso?› yee hedi. 18Kunnira, ‹Jajja wodheemmo gootara diige halashshi'reemmo. Gide'yanna jajja'ya hakko duu'neemmo. 19Aneneera, lowo dirira ikkitannoti lowo jiro noohena, xaate fooliishshidhe ittanninna agganni hagiidhi yeemmo› yii. 20Maganu kayinni, ‹Koo hawanya, kunni hashshinni lubbokki atewiinni haa'nanni. Tini gamba assi'rootto jiro ayera ikkitanno?› yiisi. 21Baattote aana jiro duu'ne, Maganu albaanni buxino manchi hattooho» yii.
MAGANO AMMANNE IKKINNINA YAADDINOONTE!
(Mat 6:25-34)
22Hakkunni gedensaanni Yesuusi rosaanosira, «Kunnira ani kuleemmo'nena, ‹Ma inteemmo? Ma uddi'neemmo?› yitine heeshsho'nera yaaddinoonte! 23Sagaletenni lubbo roorete; uddanotenni mannimma roorete. 24Hanni haraqeeyye la'e; diwixidhanno; dimixxitanno; gide duu'nitannowi woy gootaru dinonsa. Maganu itisannonsa. Ki'ne, ceatenni lowo geeshsha diroortinanni? 25Ki'ne giddonni, yaade hojjasi aana mitte cigile lexxa dandaannohu nooni? 26Konne shiima coye nafa assa dandiitinoonnikkiri, wolu coyira mayira yaaddinanni? 27Xawu daraaro hiitto ikkite lophitannoro la'e! Insa diloosidhanno; disuqqidhanno. Kuleemmo'nena, Selemooni nafa hakkuyi baalu ayirrinyisinni, tenne daraaro giddonni mittichu geeshsha biifado uddano diuddi'rino. 28Techo leelte ga'a giirante ba'anno hayisso uddisiisanno Magani, ki'ne hiitto roore uddisiisa hooganno'ne? Ki'nera ammana ajjino'ne!
29«Kunnira, ‹Ma inteemmo? Ma angeemmo?› yitine yaaddinoonte. 30Konne coye afi'rate goxxukkinni galtannori Magano egentinokki dagaati. Ki'nera kayinni kuni baalu hasiisanno'neta Anni'ne egennino. 31Balaxxine Isi gashshoote hasidhe; kuni coyi baalu ledamanno'ne.
GORDU JIRO
(Mat 6:19-21)
32«Ki'ne shiima hoshsha, Anni'ne gashshootesi aa'nera hasi'rinona waajjitinoonte. 33Noo'nere baala hirtine buxanete uuyye! Akkalannokki ogoro seekkidhine, mooraanchu iillannokkiwa, daanillu qasannokkiwanna goofannokkiwa gordoho wodhe. 34Woxi'ne noowa, wodani'neno hakko galanno» yii.
DIINAGGAAMO SOQQAMAANCHO
35Yesuusi lede, «Hallo'ne qodhitine, caabbicho'ne xawisidhine qixxaabbine agadhe!#Mat 25:1-13 lai. 36Adhamate jiliwiinni daannoha mootichansa agadhite noore labbe. Hakkuri, mootichinsa hedeweelcho daye ciratanno woyite rakke cufana fanate qixxaabbinoreeti.#Maq 13:34-36 lai. 37Mootichinsa daanno woyite, baqqi yite agarte heedheenna afannonsari ba'raadhinoreeti. Halaale yeemmo'nena, hallo qodhe, insano sagale intanniwa ofoltanno gede asse kae soqqamannonsa. 38Mootichinsa hashshu taalo woy soodimaroho goxxukkinni agadhite heedheenna daye afannonsari, ba'raadhinoreeti. 39Mitto coye afa hasiissanno'ne: Minu anni mooraanchu daanno yanna afoommero, mooraanchu minesi fane eara wore diaguranno.#Mat 24:43-44 lai. 40Manchi Beetti, heddinoonnikki yannara hedeweelcho daannona, ki'neno qixxaabbine agadhe» yii.
AMMANAMINOHANNA AMMANAMINOKKI SOQQAMAANCHO
41Pheexiroosino, «Mooticha, tenne masalo ninkeralla kultanni noottonso wo'munkuraati?» yee xa'mi.
42Mootichu qole, «Sagale yannatenni aannonsa gede, mootichisi minisi manni baalaho annimma aannosihu, egennaamunna ammanamino soqqamaanchi ayeti? 43Hatto assanni hee'reenna mootichisi daye afannosi soqqamaanchi ba'raa'rinoho. 44Halaale kuleemmo'nena, mootichu jajjisi baalunku annimma, hakko soqqamaanchira aannosi. 45Hakku soqqamaanchi kayinni, ‹Mootichi'ya rahe didaanno› yee hede, meyaanna labbaa soqqamaano gananni, aganni, itanni, dimba hanafiro, 46Mootichisi hedeweelcho barranna agadhinokki yannara daye mure lamewa fushshe, ammantinokkiri ledo gaamannosi. 47Mootichisi hedo afanni hee'renni agadhinokkihunna hajajosi wonshinokki soqqamaanchi lowo geeshsha qorichishamanno. 48Ikkollana, mootichisi hedo afa hoogatenni qoricha abbanno coye assiro, shiima geeshsha calla qorichishamanno. Lowoha uyinoonnihuwiinni lowore agadhinanni; lowore eeggo uyinoonniha loworira hexxinanni» yee rosiisinsa.
MANNU MEREERO KA"ANNO BABBADOOSHSHE
(Mat 10:34-36)
49Yesuusi lede, «Ani baattote aana giira qasammora dayommo. Giirano rakke bubboommero halcho'yaati. 50Ikkollana, anera cuuama agarte nooe; ise sa'a geeshsha ani yaaddote giddo noommo. 51Ani baattote aanira keere haa're dayommoha lawanno'ne? Dee'ni, kuleemmo'nena, babbadama haa're dayommo. 52Kunni ka'a, mitto mine noohu ontu manni mimmituwiinni babbaxxe, sasu lamu aana, lamu sasu aana ka'anno. 53Annu beettu aana, beettu annu aana, ama beettote aana, beetto amate aana, ballo beettise galte aana, beettu galte ballose aana ka'e babbaxxitanno» yii.
YANNA EGENNA
(Mat 16:2-3)
54Yesuusi qole mannaho, «Soojjaatoonni gomicho affinanni woyite, ‹Techo xeena ganaraati› yitinanni. Yitinoonni gedeno ikkanno. 55Wodiidoonni bubbisanno woyite, ‹Techo arrishshanno› yitinanni. Hattono ikkanno. 56Ki'ne lawisiisaano, gordunna baattote dana la'ine ikkannore affinanni. Tenne yannara ikkannore baddine afa mayira hoogginiyya?» yii.
QAHU LEDO ARAARAMA
(Mat 5:25-26)
57Yesuusi lede, «Ki'ne umi'ne affine halaalaancho yoo mayira diyitinanni? 58Qahikki ate ledo giwame yoote dargira haa're ha'rannahe doogote aana heedhineenna araaramate wo'naali. Hatto assa hoogittoro, qahikki yoo yaannohuwa goshooshe massannohe; yoo yaannohuno usurannohura sayise aannohe; usurannohuno masse usuru mine tugannohe. 59Kuleemmohena, karroonnihe erecco mitturino gatikkinni baaxxite gudittokkinni hakkiinni difulatto» yii.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014