LUQAASI 13
13
AAGINTAAWA HOONGIRO BA'NANNI
1Hatte yannara gamu manni Yesuusiwa dagge, Philaaxoosi Galiilu manna shiinotanna mundeensano kakkalonsa ledo karsiisinota kultusi. 2Yesuusi qole, «Kunni Galiilu mannira tini bao iillitinohu wolu manni Galiilunnihunni roore cubbo loosseennaatini? 3Dee'ni, dihattooti; cubbo'ne aagintaawa hoogginiro ki'neno ba'inanni. 4Selihoomihu kinchu huxxi aanaho toe shiihu tonaa settu mannire ma yitinanni? Insa Yerusaalamete hee'ranno manni baalunni roore cubbaataamma ikkitinoha lawanno'neni? 5Dee'ni, dihattooti; cubbo'ne aagintaawa hoogginiro, ki'neno ba'inanni» yiinsa.
LAALTANNOKKI BALASE LAWISHSHA
6Hakkunni gedensaanni Yesuusi masalsanni, «Mittu manchira woyinete haqqe darga kaansoonniti mitte balasete haqqicho noosi. Laalo adhara maranno woyite, aanaho mitturino dino. 7Kunnira gatesi loosannohura, ‹Tenne balase aaninni laalo adhammora sase diro wo'ma hodhoommo; ikkollana mitte laalono diafi'roommo. Xa ise murte huni; mulla baatto mayira mooshshitanno› yiisi.
8«Gatesi loosannohu kayinni, ‹Mooticha'ya, hanni konne diro calla agari. Qooxeessase loose ha'rishsha woreemmo; 9daanno dirira laalo uyituro danchaho. Laalo aa gibburo kayinni murantanno› yiino» yii.
YESUUSI UKKITTE MANCHO FOOLIISHSHOTE BARRA HURSI
10Fooliishshote barra Yesuusi mittu xaadu mini giddo rosiisanni no. 11Tonaa sette diro wo'ma battete ayyaani amade hallo ukkiseenna heedhanno mancho no. Hallo ukkitino daafira horonta subbe uurra didandiitanno. 12Yesuusi ise afe woshshe, «Tee mancho, dhibbikkinni hurootta» yiise. 13Angasi aanase woreenna, hakkawoyintenni subbe uurritu; Maganono galaxxitu.
14Fooliishshote Barra hursinohura, xaadu mini roorrichi hanqe mannaho, «Lamalate giddo loosunnihu leyu barri no. Hatte barruwanni daggine hurre; Fooliishshote Barra kayinni di"ikkanno» yiinsa.
15Mootichu qole, «Ki'ne lawisiisaano, Fooliishshote Barra handosi woy harrichosi hadirinni tire waa hayikkisi'rara adhe ha'rannokkihu nooni? 16Tini Abirihaami ilama ikkitino mancho, tonaa sette diro wo'ma Sheexaanu usureenna heedhinoti, usurantinowiinni Fooliishshote Barra tidhama dihasiissannose?» yiinsa. 17Yesuusi tenne qolonni qoxxissannosire baala irraawisi. Mannu kayinni isi assino maalale baalatenni hagiidhi.
SHIIMU GUMI LAWISHSHA
(Mat 13:31-32; Maq 4:30-32)
18Yesuusi lede, «Maganu Gashshooti maricho lawanno? Woy mayinni masalseemmo? 19Maganu gashshooti manchu haa're gate wixinoha shiima guma lawanno. Gumu mu're haqqicho ikki. Ceano sinnate aana mine mi'nitu» yii.
GAMAANCHU LAWISHSHA
(Mat 13:33)
20Yesuusi lede, «Maganu Gashshoote mayinni masalseemmo? 21Mitte mancho hongoonni abbichi hoqe itate iillanno gede wortino gamaancho lawanno» yii.
RUUKKASHSHO WAALCHO
(Mat 7:13-14,21-23)
22Hakkunni gedensaanni, Yesuusi Yerusaalame ha'ranni, katammatenna qachuwate giddoonni hige rosiisanni sai. 23Hattenne giddo mittu manchi, «Mooticha, gatannohu shiima mannaatini?» yee xa'mi.
Yesuusi qole, 24«Ruukkashsho waalcho higgine eate, wolqa'ne uyitu deerrinni jawaatte; kuleemmo'nena, hakko waalchi widoonni hige eate lowo manni hasi'ranno; ea kayinni didandaanno. 25Minu anni kae waalcho cufanno. Ki'ne gobbaanni uurritine woshshitinanni, ‹Mooticha, ninkeetina faninke!› yitinanni. Isi qole, ‹Maminni dagginoonniro diegennoommo'ne› yaanno'ne.
26«Ki'neno, ‹Ate ledo intoommo; angoommo. Kataminkerano rosiisoottonke› yitine qoltinanni.
27«Isi daware, ‹Maminni dagginoonniro diegennoommo'nena, ki'ne bunshe loossinoonniri baalu anewiinni faffe!› yaanno'ne» yiinsa.#Mat 6:8 lai.
28Yesuusi lede, «Abirihaami, Yisihaaqi, Yaiqoobinna himanaano baala Maganu Gashshooti giddo affinanni; ki'ne kayinni gobbaanni tugantine gattinanni woyite, wi'lanna hinkote quruuxa ikkanno'ne. 29Hakka woyite mannu soojjaatinni galchiminni, aliyyenninna wodiidinni daye, Maganu Gashshooti giddo jilaho ofollanno. 30Kunnira albiidiri gedensiidire, gedensiidiri albiidire ikkitanno» yii.
YESUUSI YERUSAALAMETE DAAFIRA WI'LI
(Mat 23:37-39)
31Hatte yannara gamu Farisooti Yesuusiwa dagge, «Heeroodisi shaahera hasanni noohena, kawiinni ka'e wolewa ha'ri» yitusi.
32Yesuusi qole, «Hadhine hakko yeedaalchira, ‹Techonna ga'a durriisa fushsheemmo; dhiwantinoreno hurseemmo. Sayikki barra looso'ya gudeemmo yiino› yitine kullesi. 33Ikkollana, himanaanchu Yerusaalamete ikkinnina wolewa direyannona, techonna ga'a, oyimbarrano doogo'ya ha'ra hasiissannoe.
34«Yerusaalame, Yerusaalame, himanaano shaattati, atewa sonkoonnireno kinnatenni awwaalattati, lukkicho caacurrese qoolise giddo hanqafidhannohu gede, oosokki me"e hige hanqafammora hasi'rummo. Atinna mannikki kayinni dihasidhinoonni. 35Kunnira, mini'ne onanno. Halaale kuleemmo'nena, ‹Mootichu su'minni daannohu maassaminoho› yitina geeshsha ane horonta diaffinannie» yiinsa.#Far 118:26; Erm 22:5 lai.
Currently Selected:
LUQAASI 13: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
LUQAASI 13
13
AAGINTAAWA HOONGIRO BA'NANNI
1Hatte yannara gamu manni Yesuusiwa dagge, Philaaxoosi Galiilu manna shiinotanna mundeensano kakkalonsa ledo karsiisinota kultusi. 2Yesuusi qole, «Kunni Galiilu mannira tini bao iillitinohu wolu manni Galiilunnihunni roore cubbo loosseennaatini? 3Dee'ni, dihattooti; cubbo'ne aagintaawa hoogginiro ki'neno ba'inanni. 4Selihoomihu kinchu huxxi aanaho toe shiihu tonaa settu mannire ma yitinanni? Insa Yerusaalamete hee'ranno manni baalunni roore cubbaataamma ikkitinoha lawanno'neni? 5Dee'ni, dihattooti; cubbo'ne aagintaawa hoogginiro, ki'neno ba'inanni» yiinsa.
LAALTANNOKKI BALASE LAWISHSHA
6Hakkunni gedensaanni Yesuusi masalsanni, «Mittu manchira woyinete haqqe darga kaansoonniti mitte balasete haqqicho noosi. Laalo adhara maranno woyite, aanaho mitturino dino. 7Kunnira gatesi loosannohura, ‹Tenne balase aaninni laalo adhammora sase diro wo'ma hodhoommo; ikkollana mitte laalono diafi'roommo. Xa ise murte huni; mulla baatto mayira mooshshitanno› yiisi.
8«Gatesi loosannohu kayinni, ‹Mooticha'ya, hanni konne diro calla agari. Qooxeessase loose ha'rishsha woreemmo; 9daanno dirira laalo uyituro danchaho. Laalo aa gibburo kayinni murantanno› yiino» yii.
YESUUSI UKKITTE MANCHO FOOLIISHSHOTE BARRA HURSI
10Fooliishshote barra Yesuusi mittu xaadu mini giddo rosiisanni no. 11Tonaa sette diro wo'ma battete ayyaani amade hallo ukkiseenna heedhanno mancho no. Hallo ukkitino daafira horonta subbe uurra didandiitanno. 12Yesuusi ise afe woshshe, «Tee mancho, dhibbikkinni hurootta» yiise. 13Angasi aanase woreenna, hakkawoyintenni subbe uurritu; Maganono galaxxitu.
14Fooliishshote Barra hursinohura, xaadu mini roorrichi hanqe mannaho, «Lamalate giddo loosunnihu leyu barri no. Hatte barruwanni daggine hurre; Fooliishshote Barra kayinni di"ikkanno» yiinsa.
15Mootichu qole, «Ki'ne lawisiisaano, Fooliishshote Barra handosi woy harrichosi hadirinni tire waa hayikkisi'rara adhe ha'rannokkihu nooni? 16Tini Abirihaami ilama ikkitino mancho, tonaa sette diro wo'ma Sheexaanu usureenna heedhinoti, usurantinowiinni Fooliishshote Barra tidhama dihasiissannose?» yiinsa. 17Yesuusi tenne qolonni qoxxissannosire baala irraawisi. Mannu kayinni isi assino maalale baalatenni hagiidhi.
SHIIMU GUMI LAWISHSHA
(Mat 13:31-32; Maq 4:30-32)
18Yesuusi lede, «Maganu Gashshooti maricho lawanno? Woy mayinni masalseemmo? 19Maganu gashshooti manchu haa're gate wixinoha shiima guma lawanno. Gumu mu're haqqicho ikki. Ceano sinnate aana mine mi'nitu» yii.
GAMAANCHU LAWISHSHA
(Mat 13:33)
20Yesuusi lede, «Maganu Gashshoote mayinni masalseemmo? 21Mitte mancho hongoonni abbichi hoqe itate iillanno gede wortino gamaancho lawanno» yii.
RUUKKASHSHO WAALCHO
(Mat 7:13-14,21-23)
22Hakkunni gedensaanni, Yesuusi Yerusaalame ha'ranni, katammatenna qachuwate giddoonni hige rosiisanni sai. 23Hattenne giddo mittu manchi, «Mooticha, gatannohu shiima mannaatini?» yee xa'mi.
Yesuusi qole, 24«Ruukkashsho waalcho higgine eate, wolqa'ne uyitu deerrinni jawaatte; kuleemmo'nena, hakko waalchi widoonni hige eate lowo manni hasi'ranno; ea kayinni didandaanno. 25Minu anni kae waalcho cufanno. Ki'ne gobbaanni uurritine woshshitinanni, ‹Mooticha, ninkeetina faninke!› yitinanni. Isi qole, ‹Maminni dagginoonniro diegennoommo'ne› yaanno'ne.
26«Ki'neno, ‹Ate ledo intoommo; angoommo. Kataminkerano rosiisoottonke› yitine qoltinanni.
27«Isi daware, ‹Maminni dagginoonniro diegennoommo'nena, ki'ne bunshe loossinoonniri baalu anewiinni faffe!› yaanno'ne» yiinsa.#Mat 6:8 lai.
28Yesuusi lede, «Abirihaami, Yisihaaqi, Yaiqoobinna himanaano baala Maganu Gashshooti giddo affinanni; ki'ne kayinni gobbaanni tugantine gattinanni woyite, wi'lanna hinkote quruuxa ikkanno'ne. 29Hakka woyite mannu soojjaatinni galchiminni, aliyyenninna wodiidinni daye, Maganu Gashshooti giddo jilaho ofollanno. 30Kunnira albiidiri gedensiidire, gedensiidiri albiidire ikkitanno» yii.
YESUUSI YERUSAALAMETE DAAFIRA WI'LI
(Mat 23:37-39)
31Hatte yannara gamu Farisooti Yesuusiwa dagge, «Heeroodisi shaahera hasanni noohena, kawiinni ka'e wolewa ha'ri» yitusi.
32Yesuusi qole, «Hadhine hakko yeedaalchira, ‹Techonna ga'a durriisa fushsheemmo; dhiwantinoreno hurseemmo. Sayikki barra looso'ya gudeemmo yiino› yitine kullesi. 33Ikkollana, himanaanchu Yerusaalamete ikkinnina wolewa direyannona, techonna ga'a, oyimbarrano doogo'ya ha'ra hasiissannoe.
34«Yerusaalame, Yerusaalame, himanaano shaattati, atewa sonkoonnireno kinnatenni awwaalattati, lukkicho caacurrese qoolise giddo hanqafidhannohu gede, oosokki me"e hige hanqafammora hasi'rummo. Atinna mannikki kayinni dihasidhinoonni. 35Kunnira, mini'ne onanno. Halaale kuleemmo'nena, ‹Mootichu su'minni daannohu maassaminoho› yitina geeshsha ane horonta diaffinannie» yiinsa.#Far 118:26; Erm 22:5 lai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014