LUQAASI 14
14
YESUUSI DHIWAMINO MANCHO HURSI
1Yesuusi Fooliishshote Barra mittu Farisootu roorrichi mine sagale itara ei. Farisootu Yesuusi assannore galaalchitanni no. 2Hatte yannara, mittu biso darshino manchi Yesuusi albaanni no. 3Yesuusi Seeru rosiisaanonna Farisoota, «Fooliishshote Barra hursinannita Seeru aannonso hoolanno?» yee xa'minsa.
4Insa kayinni mittoreno didawartino. Yesuusi mancho amade hurse ha'risisi. 5Hakkiinni aanche, «Ki'ne giddo harrichu woy handu Fooliishshote Barra balete uweenna, rahe fushshannokkihu nooni?» yiinsa. 6Kunni coyirano mittore dawara didandiitino.
JILANNOHANNA JILAHO WOSHSHINANNIHA
7Yesuusi jilaho woshshinoonni manni ayirradu dargira beellantanna lae, kunninni aane noo maammaashsha kulinsa: 8Mittu manchi adhamate jilira woshshihero, ayirrado darga ofoltooti. Miteekke, atenni roore ayirradu woshshame nooha ikkanno. 9Ki'ne lamenka jilaho woshshino manchi daye, «Konne darga isira uyi!» yiihero, ati galagalte lowo saalinni woffi yiino darga marte ofollatto. 10Jilaho woshshineennahe marte woffi yiino darga ofolte heedheenna woshshinohe manchi daye, «Jaala'ya, kawiinni ka'e amo naggi yiino darga ofolli» yiihero, woshshinoonni wosini baalu giddo ayirrinye ikkannohe. 11Isonoo gotti assannohu, heeshshi yaanno; isonoo heeshshi assannohu, gotti yaanno.#Mat 23:12; Luq 18:14 lai.
12Yesuusi jilu annano, «Barri woy hashshi hurbaatira manna woshshatto woyite, badote jilte woshshitannohere jaallakki, roduuwakki, fiixakkinna dureeyye olliikki manna woshshitooti. 13Jila jilatto woyite, buxane, laanshaabbinore, naafootanna illiweeloota woshshi. 14Hatto assittoro, insa qola dandiitannokki daafira maassamatto. Keeraano ka'anno barrano Maganu bado qolannohe» yiisi.
JAWU JILI LAWISHSHA
(Mat 22:1-10)
15Ledosi sagalete ofolte noori giddonni mittichu Yesuusi coyi'rinore macciishshe, «Maganu Gashshootira jilaho ofollannohu hiitto ba'raa'rinoho» yii. 16Yesuusi qole, «Mittu manchi jawa jila jile, lowo manna woshshino. 17Jilu yanna iillituta, ‹Wo'munkuri qixxaawinona jilaho amme› yee kulanno gede jilu anni soqqamaanchosi jilaho woshshinoonni manniwa soyi. 18Ikkollana, woshshinoonniri jilaho mara gibbara yite, umu umunkunni gajaajji'ra hanaffu. Mittu, ‹Baatto hidhoommona, mare la"a hasiissannoe daafira, daa didandeemmona agurie› yii. 19Woluno, ‹Onte waaxa handa hidhoommohura, insa leenjishi'rammoraati. Kunnira, daa didandeemmona agurie› yii. 20Wolu qole, ‹Seenne adhoommo daafira daa didandeemmo› yii.
21«Soqqamaanchuno galagale hige konne coye baala mootichisira kuli. Minu annino hanqe, soqqamaanchosi, ‹Rakke ka'e katammate doogganna qarruwa marte buxane, laanshaabbinore, illiweelootanna naafoota woshshite abbi!› 22Soqqamaanchuno hakkawoyintenni hige, ‹Mooticha'ya, hajajoottore baala wonshoommo; ikkollana xaano dargu gate no› yii. 23Mootichisi qole soqqamaancho, ‹Mannu mine'ya wo'manno gede, katamaho gobbaanni noo doogganna qarruwa marte, wole mannano daanno gede assi. 24Halaale kuleemmo'nena, hakkuri woshshummori giddonni mittu nafa jila'ya hinkotenni diqasanno› yiino» yii.
YESUUSI HOODE HA'RA
(Mat 10:37-38)
25Lowo manni Yesuusi ledo ha'ranni hee'reenna Yesuusi alba insawa hige, 26«Anewa daannohu annasi, amasi, galtesi, oososi, meyaanna labbaa roduuwasinna heeshshosi anenni roorse baxannoha ikkiro, rosaancho'ya ikka didandaanno.#Mat 10:37 lai. 27Masiqalasi duqqe hoode'ya daannokkihu, ane rosaancho ikka didandaanno.
28«Ki'ne giddonni mittu mine mi'nara kairo, mageeshshi woxi hasiisannosiro, ikkanno geeshshi woxi noosironna hoongosiro ofolle dimalanno? 29Gaata dadhe kae mi'ne guda hoogeenna minu doogo uurre gatannoha ikkiro, sa"annohu baalu qacifatannosi. 30‹La'e kuni manchi mine hanafi're kae guxxa hoogino› yaanni qacifatannosi.
31«Tonnu kumi olanto noosi moote lemuu kumi olanto noosihu ledo olama hasi'riro, dandaannotanna hoogannota ofolle dima'lanno? 32Dandaannokkiha ikkiro kayinni balaxe xeertote hee're, manna soqqe araara amadanno. 33Hattonni ki'ne giddo ayino afi'rinore baala ane daafira yee agura hoogiro, ane rosaancho ikka didandaanno» yii.
BADA MAXINE LAWISHSHA
(Mat 5:13; Maq 9:50)
34Yesuusi qole, «Maxine danchate; maxinimmase muude hoogguro kayinni mayinni coommitanno? 35Baattote woy ha'rishshate ikkitannokki daafira, fushshine hunnanni. Macca noohu macciishsho!» yii.
Currently Selected:
LUQAASI 14: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
LUQAASI 14
14
YESUUSI DHIWAMINO MANCHO HURSI
1Yesuusi Fooliishshote Barra mittu Farisootu roorrichi mine sagale itara ei. Farisootu Yesuusi assannore galaalchitanni no. 2Hatte yannara, mittu biso darshino manchi Yesuusi albaanni no. 3Yesuusi Seeru rosiisaanonna Farisoota, «Fooliishshote Barra hursinannita Seeru aannonso hoolanno?» yee xa'minsa.
4Insa kayinni mittoreno didawartino. Yesuusi mancho amade hurse ha'risisi. 5Hakkiinni aanche, «Ki'ne giddo harrichu woy handu Fooliishshote Barra balete uweenna, rahe fushshannokkihu nooni?» yiinsa. 6Kunni coyirano mittore dawara didandiitino.
JILANNOHANNA JILAHO WOSHSHINANNIHA
7Yesuusi jilaho woshshinoonni manni ayirradu dargira beellantanna lae, kunninni aane noo maammaashsha kulinsa: 8Mittu manchi adhamate jilira woshshihero, ayirrado darga ofoltooti. Miteekke, atenni roore ayirradu woshshame nooha ikkanno. 9Ki'ne lamenka jilaho woshshino manchi daye, «Konne darga isira uyi!» yiihero, ati galagalte lowo saalinni woffi yiino darga marte ofollatto. 10Jilaho woshshineennahe marte woffi yiino darga ofolte heedheenna woshshinohe manchi daye, «Jaala'ya, kawiinni ka'e amo naggi yiino darga ofolli» yiihero, woshshinoonni wosini baalu giddo ayirrinye ikkannohe. 11Isonoo gotti assannohu, heeshshi yaanno; isonoo heeshshi assannohu, gotti yaanno.#Mat 23:12; Luq 18:14 lai.
12Yesuusi jilu annano, «Barri woy hashshi hurbaatira manna woshshatto woyite, badote jilte woshshitannohere jaallakki, roduuwakki, fiixakkinna dureeyye olliikki manna woshshitooti. 13Jila jilatto woyite, buxane, laanshaabbinore, naafootanna illiweeloota woshshi. 14Hatto assittoro, insa qola dandiitannokki daafira maassamatto. Keeraano ka'anno barrano Maganu bado qolannohe» yiisi.
JAWU JILI LAWISHSHA
(Mat 22:1-10)
15Ledosi sagalete ofolte noori giddonni mittichu Yesuusi coyi'rinore macciishshe, «Maganu Gashshootira jilaho ofollannohu hiitto ba'raa'rinoho» yii. 16Yesuusi qole, «Mittu manchi jawa jila jile, lowo manna woshshino. 17Jilu yanna iillituta, ‹Wo'munkuri qixxaawinona jilaho amme› yee kulanno gede jilu anni soqqamaanchosi jilaho woshshinoonni manniwa soyi. 18Ikkollana, woshshinoonniri jilaho mara gibbara yite, umu umunkunni gajaajji'ra hanaffu. Mittu, ‹Baatto hidhoommona, mare la"a hasiissannoe daafira, daa didandeemmona agurie› yii. 19Woluno, ‹Onte waaxa handa hidhoommohura, insa leenjishi'rammoraati. Kunnira, daa didandeemmona agurie› yii. 20Wolu qole, ‹Seenne adhoommo daafira daa didandeemmo› yii.
21«Soqqamaanchuno galagale hige konne coye baala mootichisira kuli. Minu annino hanqe, soqqamaanchosi, ‹Rakke ka'e katammate doogganna qarruwa marte buxane, laanshaabbinore, illiweelootanna naafoota woshshite abbi!› 22Soqqamaanchuno hakkawoyintenni hige, ‹Mooticha'ya, hajajoottore baala wonshoommo; ikkollana xaano dargu gate no› yii. 23Mootichisi qole soqqamaancho, ‹Mannu mine'ya wo'manno gede, katamaho gobbaanni noo doogganna qarruwa marte, wole mannano daanno gede assi. 24Halaale kuleemmo'nena, hakkuri woshshummori giddonni mittu nafa jila'ya hinkotenni diqasanno› yiino» yii.
YESUUSI HOODE HA'RA
(Mat 10:37-38)
25Lowo manni Yesuusi ledo ha'ranni hee'reenna Yesuusi alba insawa hige, 26«Anewa daannohu annasi, amasi, galtesi, oososi, meyaanna labbaa roduuwasinna heeshshosi anenni roorse baxannoha ikkiro, rosaancho'ya ikka didandaanno.#Mat 10:37 lai. 27Masiqalasi duqqe hoode'ya daannokkihu, ane rosaancho ikka didandaanno.
28«Ki'ne giddonni mittu mine mi'nara kairo, mageeshshi woxi hasiisannosiro, ikkanno geeshshi woxi noosironna hoongosiro ofolle dimalanno? 29Gaata dadhe kae mi'ne guda hoogeenna minu doogo uurre gatannoha ikkiro, sa"annohu baalu qacifatannosi. 30‹La'e kuni manchi mine hanafi're kae guxxa hoogino› yaanni qacifatannosi.
31«Tonnu kumi olanto noosi moote lemuu kumi olanto noosihu ledo olama hasi'riro, dandaannotanna hoogannota ofolle dima'lanno? 32Dandaannokkiha ikkiro kayinni balaxe xeertote hee're, manna soqqe araara amadanno. 33Hattonni ki'ne giddo ayino afi'rinore baala ane daafira yee agura hoogiro, ane rosaancho ikka didandaanno» yii.
BADA MAXINE LAWISHSHA
(Mat 5:13; Maq 9:50)
34Yesuusi qole, «Maxine danchate; maxinimmase muude hoogguro kayinni mayinni coommitanno? 35Baattote woy ha'rishshate ikkitannokki daafira, fushshine hunnanni. Macca noohu macciishsho!» yii.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014