ႁဵတ်းဝၢတ်ႈ 12
12
မႄႈယိင်းၸိူဝ်းဢၼ်ၵိူတ်ႇလဵင်ႉလုၵ်ႈ
1ထႃႇဝရႃႉၽြႃးသမ်ႉမီးဢမိင်ႉတီႈမူဝ်းသေႇလႄႈဝႃႈၸမ်ႉ၊- 2မႂ်းသင်ႇလၢတ်ႈတီႈၵူၼ်းမဵဝ်းဢီႉသရေႇလႃႉတင်းလၢႆၼၼ်ႉလႄႈဝႃႈ၊ ပေႃးမႄႈယိင်းပႃးပတိၵ်ႉသၼ်ႇထေႇလႄႈ ၵိူတ်ႇလဵင်ႉလုၵ်ႈၸၢႆးယဝ်ႉၸိုင်၊ မၼ်းတၵ်းဢမ်ႇမူတ်းသႂ်ၸဵတ်းဝၼ်းဢေႃႈ။ မၼ်းတၵ်းဢမ်ႇမူတ်းသႂ်မိူၼ်ၸိူဝ်ႉၼင်ႇဢၼ်ၶိင်ႇဢူႉတူႉမၼ်းႁွတ်ႈထိုင်လႄႈ မၼ်းဢမ်ႇမူတ်းသႂ်ၼၼ်ႉဢေႃႈ။- 3ဝၼ်းဢႃႉထမႃႉၼၼ်ႉ၊ တၵ်းလႆႈႁဵတ်းတၢင်းဢၼ်ထိူဝ်ႁိမ်းပၢႆၼင်တီႈလုၵ်ႈၸၢႆးၼၼ်ႉဢေႃႈ။- 4လိုၼ်းၼၼ်ႉ မႄႈယိင်းၼၼ်ႉတၵ်းလႆႈယူႇလူၺ်ႈလိူတ်ႈဢၼ်ၸၢပ်ႈသႅင်ႇၵၼ်တင်း တၢင်းဢၼ်ႁႂ်ႈမူတ်းသႂ်ၼၼ်ႉ သၢမ်သိပ်းပၢႆသၢမ်ဝၼ်းတဵမ်တဵမ်ဢေႃႈ။ မၼ်းဢမ်ႇလႆႈယိပ်းလႆႈၵမ်ၶိူင်ႈပိူင်ဢၼ်မူတ်းၸၢင်ႇ။ ဢမ်ႇလႆႈၵႂႃႇၵႃႈတီႈထႃႇၼႃႉတီႈမူတ်းၸၢင်ႇၸဝ်ႈတေႃႇထိုင်ႁွတ်ႈၶိင်ႇဝၼ်းဢၼ် တၢင်းဢၼ်ႁႂ်ႈမူတ်းသႂ်ၼၼ်ႉၸေးၼၼ်ႉ။- 5ပေႃးမၼ်းၵိူတ်ႇလဵင်ႉလုၵ်ႈယိင်းၸိုင်၊ မၼ်းတၵ်းလႆႈဢမ်ႇမူတ်းသႂ်သိပ်းပၢႆသီႇဝၼ်းတဵမ်တဵမ်လႄႈ ယူႇမိူၼ်ၸိူဝ်ႉၼင်ႇဢၼ်ၶိင်ႇဢူႉတူႉမၼ်းႁွတ်ႈထိုင်ၼၼ်ႉဢေႃႈ။ လိုၼ်းၼၼ်ႉ မၼ်းတၵ်းလႆႈယူႇလူၺ်ႈလိူတ်ႈ ဢၼ်ၸၢပ်ႈသႅင်ႇၵၼ်တင်း တၢင်းဢၼ်ႁႂ်ႈမူတ်းသႂ်ၼၼ်ႉ ႁူၵ်းသိပ်းပၢႆႁူၵ်းဝၼ်းတဵမ်တဵမ်ဢေႃႈ။- 6မိူဝ်ႈဢၼ်ၶိင်ႇဝၼ်းတၢင်းဢၼ်ႁႂ်ႈမူတ်းသႂ်ပုၼ်ႈလုၵ်ႈၸၢႆး၊ ဢမ်ႇၼၼ် ပုၼ်ႈလုၵ်ႈယိင်းၼၼ်ႉၸေးယဝ်ႉၼၼ်ႉၸိုင်၊ မၼ်းတၵ်းလႆႈဢဝ်သူဝ်းဢွၼ်ႇ ဢၼ်ဢမ်ႇပႆႇၶွပ်ႈၶူပ်ႇတူဝ်ၼိုင်ႈပုၼ်ႈယိတ်ႈဢၼ်တုတ်ႇၽႆး၊ ၵႃၵႄဢွၼ်ႇတူဝ်ၼိုင်ႈ၊ ဢမ်ႇၼၼ် ၼူၵ်ႉတူႈတူဝ်ၼိုင်ႈပုၼ်ႈယိတ်ႈဢၼ်ၽေႇဢပႅတ်ႈ မႃးၵႃႈတီႈယိတ်ႈပရေႃးႁဵၵ်ႈ ၸူးၵႃႈတီႈၽၵ်းတူမူဝ်းၵႃႇၸဝ်ႈတီႈၸူႉတီႈတုမ်ပရဵၵ်ႈသၢတ်ႈၼၼ်ႉဢေႃႈ။- 7မၼ်းၼၼ်ႉ တၵ်းလႆႈဢဝ်ပုၵ်ႈၸေႃႇၵႃႈတီႈၽၢႆႇၼႃႈထႃႇဝရႃႉၽြႃးလႄႈ ႁဵတ်းတၢင်းဢၼ်ၽေႇဢပႅတ်ႈပုၼ်ႈမၼ်းဢေႃႈ။ ၵမ်းၼၼ်ႉ မၼ်းတၵ်းလႆႈမူတ်းၸၢင်ႇလွတ်ႈသေဢပႅတ်ႈ တၢင်းဢၼ်လႆႈထွၵ်ႇလိူတ်ႈၼၼ်ႉဢေႃႈ။ ဢၼ်ၼႆႉၸမ်ႉ၊ ပဵၼ်တြႃးဢၼ်ၸၢပ်ႈသႅင်ႇၵၼ်တင်းမႄႈယိင်းဢၼ်ၵိူတ်ႇလဵင်ႉလုၵ်ႈၸၢႆး၊ လုၵ်ႈယိင်းၼၼ်ႉဢေႃႈ။- 8ပေႃးမၼ်းဢမ်ႇတၢတ်ႈၼိူင်ႇဢဝ်သူဝ်းဢွၼ်ႇမႃးၸိုင်၊ မၼ်းတၵ်းလႆႈဢဝ်ၼူၵ်ႉတူႈသွင်တူဝ်၊ ဢမ်ႇၼၼ် ၵႃၵႄဢွၼ်ႇသွင်တူဝ်၊ ပုၼ်ႈယိတ်ႈဢၼ်တုတ်ႇၽႆးတူဝ်ၼိုင်ႈ၊ ပုၼ်ႈယိတ်ႈဢၼ်ၽေႇဢပႅတ်ႈတူဝ်ၼိုင်ႈမႃးလႄႈ၊ ယိတ်ႈပရေႃးႁဵၵ်ႈတၵ်းလႆႈႁဵတ်းတၢင်းဢၼ်ၽေႇဢပႅတ်ႈပုၼ်ႈမၼ်းဢေႃႈ။ ၵမ်းၼၼ်ႉ မၼ်းတၵ်းလႆႈမူတ်းၸၢင်ႇဢေႃႈ။
Currently Selected:
ႁဵတ်းဝၢတ်ႈ 12: CBMS
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship