ႁဵတ်းဝၢတ်ႈ 25
25
ပီႊၵမ်သိၼ်
(တူၺ်း၊ ႁေႃး 15:1-11)
1ထႃႇဝရႃႉၽြႃးသမ်ႉမီးဢမိင်ႉတီႈမူဝ်းသေႇ ၵႃႈၼိူဝ်လွႆသီႉၼႃႉၼၼ်ႉၸမ်ႉ၊- 2မႂ်းသင်ႇလၢတ်ႈတီႈၵူၼ်းမဵဝ်းဢီႉသရေႇလႃႉတင်းလၢႆလႄႈဝႃႈ၊ မိူဝ်ႈဢၼ်သူႁွတ်ႈထိုင်ၵႃႈတီႈမိူင်းဢၼ်ၵဝ်တၵ်းပၼ်ၼၼ်ႉၸိုင်၊ မိူင်းၼၼ်ႉ တၵ်းလႆႈၵမ်သိၼ်ပုၼ်ႈထႃႇဝရႃႉၽြႃးဢေႃႈ။- 3ႁူၵ်းပီႊတဵမ်တဵမ်မႂ်းတၵ်းလႆႈႁဵတ်းႁႆႊႁဵတ်းၼႃးယူႇ၊ ႁူၵ်းပီႊတဵမ်တဵမ်မႂ်းတၵ်းလႆႈတႅပ်းလႆႈလၢၼ်း ၵႃႈတီႈသူၼ်ဢူးယဵၼ်ႇမၢၵ်ႇၸပိတ်ႈယူႇသေလႄႈ သိမ်းဢဝ်မၢၵ်ႇမၼ်းႁူင်းမၼ်းယူႇဢေႃႈ။- 4ပီႊသတ်ႉတမႃႉၼၼ်ႉ တၵ်းလႆႈပဵၼ်ပီႊၵမ်သိၼ် ဢၼ်တင်းဝၢၼ်ႈတင်းမိူင်း တၵ်းလႆႈယူႇၼိမ်ၼိမ်လီလီ၊ ပီႊၵမ်သိၼ်ပုၼ်ႈထႃႇဝရႃႉၽြႃးဢေႃႈ။ မႂ်းဢမ်ႇလႆႈႁဵတ်းႁႆႊႁဵတ်းၼႃး၊ ဢမ်ႇလႆႈတႅပ်းလႆႈလၢၼ်း ၵႃႈတီႈသူၼ်ဢူးယဵၼ်ႇမၢၵ်ႇၸပိတ်ႈ။- 5မၢၵ်ႇႁူင်းဢၼ်ဢွၵ်ႇပဵၼ်မႃးၵူၺ်းမၼ်းၵႃႈတီႈႁႆႊတီႈၼႃးၼၼ်ႉၵေႃႈ မႂ်းဢမ်ႇလႆႈပၢတ်ႇလႆႈထိူဝ်။ မၢၵ်ႇသူၼ်ဢူးယဵၼ်ႇၸပိတ်ႈ ဢၼ်ယင်းဢမ်ႇတႅပ်းဢမ်ႇလၢၼ်းဝႆႉၼၼ်ႉၵေႃႈ မႂ်းဢမ်ႇလႆႈဝိတ်းဢဝ်သိမ်းဢဝ်။ ပဵၼ်ပီႊဢၼ်တင်းဝၢၼ်ႈတင်းမိူင်းတၵ်းလႆႈယူႇၼိမ်ၼိမ်လီလီဢေႃႈ။- 6တၢင်းဢၼ်မိူင်းၵမ်သိၼ်ဢၼ်ဝႃႈ တၢင်းဢၼ်ဢွၵ်ႇပဵၼ်မႃးၵူၺ်းမၼ်းၵႃႈမီးၸိူဝ်းၼၼ်ႉ တၵ်းလႆႈပဵၼ်တၢင်းၵိၼ်တၢင်းၶူပ်းပုၼ်ႈ ၸႃႉၸဵမ်မႂ်းလႄႈၶႃႈမႂ်း၊ ၶႃႈၵူၼ်းယိင်းမႂ်း၊ ၵူၼ်းၵိၼ်ၸၢင်ႈၵိၼ်ငႃမႂ်း၊ ၶႅၵ်ႇဢၼ်သွၼ်ႈပိုင်ႈယူႇၵႃႈတီႈမႂ်း၊- 7ဢိၵ်ႇတင်း တၢင်းၵိၼ်တၢင်းၶူပ်းပုၼ်ႈတူဝ်ငႄႈတူဝ်ႁၢႆႉ ဢၼ်မီးၵႃႈတီႈမိူင်းမႂ်းဢေႃႈ။
ပီႊယူႉပီႉလီႉ
8မႂ်းတၵ်းလႆႈၼပ်ႉဢၢၼ်ႇပီႊၵမ်သိၼ်ၸဵတ်းပီႊ ဢၼ်ဝႃႈၸဵတ်းပီႊမိူင်းၸဵတ်းပွၵ်ႈဢေႃႈ။ ပီႊၵမ်သိၼ်ၸဵတ်းပီႊၼၼ်ႉ တၵ်းလႆႈပဵၼ်သီႇသိပ်းပၢႆၵဝ်ႈပီႊမိူင်းတီႈမႂ်းဢေႃႈ။- 9ၵမ်းၼၼ်ႉ ၵႃႈတီႈလိူၼ်သတ်ႉတမႃႉသိပ်းဝၼ်းၼၼ်ႉ မႂ်းတၵ်းလႆႈႁႂ်ႈပဝ်ႇၼႄးၶရႃႇဢၼ်မေႃးလင်လႄႈ ၼႂ်းဝၼ်းဢၼ်ႁဵတ်းတၢင်းဢၼ်ၽေႇဢပႅတ်ႈၼၼ်ႉ၊ သူတၵ်းလႆႈႁႂ်ႈပဝ်ႇၼႄးၶရႃႇတင်းဝၢၼ်ႈတင်းမိူင်းဢေႃႈ။- 10သူတၵ်းလႆႈႁႂ်ႈပီႊမိူင်းဢၼ်ထူၼ်ႈထိုင်ႁႃႈသိပ်းပီႈၼၼ်ႉမူတ်းၸၢင်ႇလႄႈ၊ ႁွင်ႉသေႃႇႁွင်ႉလၢတ်ႈဢၶႂၢင်ႉတၢင်းဢၼ်လွတ်ႈၼၼ်ႉ တီႈၵူၼ်းဝၢၼ်ႈၵူၼ်းမိူင်းတင်းသဵင်ႈတင်းလူင် ၵႃႈၼႂ်းမိူင်းၵူႈတီႈၵူႈလႅၼ်ဢေႃႈ။ တၵ်းလႆႈပဵၼ် ပီႊယူႉပီႉလီႉတီႈသူလႄႈ သူၵူႈၵေႃႉၵူႈၵူၼ်း တၵ်းလႆႈၶိုၼ်းၸူးၵႃႈတီႈလိၼ် ဢၼ်တူဝ်ၸဝ်ႈၵဝ်ႇပိူင်ႇၼၼ်ႉလႄႈ သူၵူႈၵေႃႉၵူႈၵူၼ်းတၵ်းလႆႈၶိုၼ်းၸူးၵႃႈတီႈပီႈၼွင်ႉၸိူဝ်ႉၶိူဝ်းတူဝ်ၸဝ်ႈၵဝ်ႇဢေႃႈ။- 11ၵွပ်ႈပိူဝ်ႈဢၼ်ပီႊမိူင်းဢၼ်ထူၼ်ႈထိုင်ႁႃႈသိပ်းပီႊၼၼ်ႉ ပဵၼ်ပီႊယူႉပီႉလီႉ တီႈသူလႄႈ သူဢမ်ႇလႆႈဝၢၼ်ႇၸိူဝ်ႉဝၢၼ်ႇၽၼ်း၊ တူၼ်ႈဢၼ်ဢွၵ်ႇမႃးၵူၺ်းမၼ်းၼၼ်ႉၵေႃႈ၊ ဢမ်ႇလႆႈပၢတ်ႇလႆႈထိူဝ်။ မၢၵ်ႇသူၼ်ဢူးယဵၼ်ႇၸပိတ်ႈ ဢၼ်ယင်းဢမ်ႇတႅပ်းဢမ်ႇလၢၼ်းဝႆႉၼၼ်ႉၵေႃႈ ဢမ်ႇလႆႈဝိတ်းဢဝ်သိမ်းဢဝ်။- 12ၵွပ်ႈပိူဝ်ႈဢၼ်ပဵၼ်ပီႊယူႉပီႉလီႉ တီႈသူလႄႈ ပဵၼ်ပီႊဢၼ်မူတ်းၸၢင်ႇတီႈသူၼၼ်ႉလႄႈ သူတၵ်းလႆႈၵိၼ်မၢၵ်ႇႁူင်းဢၼ်ဢွၵ်ႇပဵၼ်မႃးၵူၺ်းမၼ်း ၵႃႈတီႈႁႆႊတီႈၼႃးၼၼ်ႉၵူၺ်းဢေႃႈ။- 13ၼႂ်းပီႊယူႉပီႉလီႉၼၼ်ႉ၊ သူၵူႈၵေႃႉၵူႈၵူၼ်းတၵ်းလႆႈၶိုၼ်းၸူးၵႃႈတီႈလိၼ် ဢၼ်တူဝ်ၸဝ်ႈၵဝ်ႇပိူင်ႇၼၼ်ႉဢေႃႈ။- 14ပေႃးသူႁဵတ်းတၢင်းဢၼ်သိုဝ်ႉဢဝ်သေၸိူဝ်ႉသေပိူင် တီႈၵူၼ်းႁိူၼ်းၸမ်ၵၼ်၊ ဢမ်ႇၼၼ်ၵေႃႈ ပေႃးသူႁဵတ်းတၢင်းဢၼ်ၶၢႆသေၸိူဝ်ႉသေပိူင် တီႈၵူၼ်းႁိူၼ်းၸမ်ၵၼ်ၸိုင်၊ သူၵေႃႉၼိုင်ႈလႄႈၵေႃႉၼိုင်ႈ ဢမ်ႇလႆႈၼိၵ်ႈၸၢၵ်ႈငႅၼ်းသႄးၵၼ်။- 15ၸွမ်းၼင်ႇဢၼ်ၼပ်ႉဢၢၼ်ႇပီႊဢၼ်ပဵၼ်လိုၼ်းသေ ပီႊယူႉပီႉလီႉၼၼ်ႉသေလႄႈ သူတၵ်းလႆႈႁဵတ်းတၢင်းဢၼ်သိုဝ်ႉဢဝ် ၵႃႈတီႈၵူၼ်းႁိူၼ်းၸမ်ၵၼ်ဢေႃႈ။ ၸွမ်းၼင်ႇဢၼ်ၼပ်ႉဢၢၼ်ႇပီႊဢၼ်တၵ်းမၢၵ်ႇ မၢၵ်ႇမၼ်းႁူင်းမၼ်းၼၼ်ႉၸိူဝ်းၼၼ်ႉသေလႄႈ မၼ်းၼၼ်ႉတၵ်းလႆႈႁဵတ်းတၢင်းဢၼ်ၶၢႆပၼ်တီႈမႂ်းဢေႃႈ။- 16ၸွမ်းလူၺ်ႈပီႊဢၼ်ၼမ်သေလႄႈ မႂ်းတၵ်းလႆႈၶိုၼ်ႈၵႃႈမၼ်းၶၼ်မၼ်းလႄႈ ၸွမ်းလူၺ်ႈပီႊဢၼ်ၵေႇသေလႄႈ မႂ်းတၵ်းလႆႈယွမ်းၵႃႈမၼ်းၶၼ်မၼ်းလႄႈၶၢႆဢေႃႈ။ လွင်ႈမၼ်းၸမ်ႉ မၼ်းၸွမ်းတၢင်းဢၼ်တၵ်းမၢၵ်ႇ မၢၵ်ႇမၼ်းႁူင်းမၼ်းၸိူဝ်းၼၼ်ႉသေလႄႈ ၶၢႆတီႈမႂ်းဢေႃႈ။- 17သူၵေႃႉၼိုင်ႈလႄႈၵေႃႉၼိုင်ႈ ဢမ်ႇလႆႈၼိၵ်ႈၸၢၵ်ႈငႅၼ်းသႄးၵၼ်။ မႂ်းတၵ်းလႆႈၵူဝ်ႁႄၽြႃးပဵၼ်ၸဝ်ႈမႂ်းဢေႃႈ၊ ၵဝ်ပဵၼ်ထႃႇဝရႃႉၽြႃး ၽြႃးပဵၼ်ၸဝ်ႈသူဢေႃႈ။
တၢင်းလီပုၼ်ႈပီႊယူႉပီႉလီႉ
18သူၵမ်ၵျၢင်ႉပိင်းၺၢပ်ႈတြႃးၵဝ်တင်းလၢႆလႄႈ ပႂ်ႉၸွမ်းတၢင်းဢၼ်ၵဝ်ၸီႇယၢင်ႇဝႆႉၸိူဝ်းၼၼ်ႉတႃႉ။ ၼင်ႇၼၼ်လႄႈ သူတၵ်းလႆႈၵၢင်းလွတ်ႈတင်းၽေးသေလႄႈ ယူႇၵႃႈတီႈမိူင်းၼၼ်ႉဢေႃႈ။- 19လိၼ်ၵေႃႈတၵ်းပၼ်မၢၵ်ႇမၼ်းႁူင်းမၼ်းလႄႈ သူတၵ်းလႆႈၵိၼ်ဢိမ်ႇၵိၼ်တဵမ်လႄႈ ၵၢင်းလွတ်ႈတင်းၽေးသေလႄႈယူႇဢေႃႈ။- 20ပေႃးသူလၢတ်ႈလႄႈဝႃႈ၊ ၼႂ်းပီႊသတ်ႉတမႃႉၼၼ်ႉ၊ ႁဝ်းတၵ်းႁဵတ်းၸိူဝ်ႉၼင်ႇႁိုဝ်လႄႈလႆႈၵိၼ်။ ႁဝ်းဢမ်ႇလႆႈဝၢၼ်ႇၸိူဝ်ႉဝၢၼ်ႇၽၼ်း၊ ဢမ်ႇလႆႈသိမ်းမၢၵ်ႇသိမ်းႁူင်းလူင်ပႄႇ၊ ဝႃႈၼင်ႇၼႆၸိုင်၊- 21ၼႂ်းပီႊသတ်ႉတမႃႉၼၼ်ႉ ၵဝ်တၵ်းပၼ်တၢင်းလီတီႈသူလႄႈ ႁႂ်ႈမၢၵ်ႇႁူင်းပဵၼ်မႃးၼႂ်းပီႊၼၼ်ႉ ပုၼ်ႈတႃႇသၢမ်ပီႊဢေႃႈ။- 22သူတၵ်းလႆႈဝၢၼ်ႇၸိူဝ်ႉဝၢၼ်ႇၽၼ်း ၼႂ်းပီႊဢႃႉထမႃႉလႄႈ ဢဝ်မၢၵ်ႇဢဝ်ႁူင်းဢၼ်ၵဝ်ႇၼၼ်ႉၵိၼ်ဢေႃႈ။ တၵ်းလႆႈဢဝ်မၢၵ်ႇဢဝ်ႁူင်းဢၼ်ၵဝ်ႇၼၼ်ႉ ၵိၼ်တေႃႇထိုင်ႁွတ်ႈ ၶိင်ႇၵႃႇလႃႉဢၼ်သိမ်းဢဝ်မၢၵ်ႇဢဝ်ႁူင်းတီႈပီႊၼဝမႃႉၼၼ်ႉဢေႃႈ။
တၢင်းဢၼ်ၶိုၼ်းထုတ်ႇဢဝ်လိၼ်
23လိၼ်ၸိုင်၊ ဢမ်ႇလႆႈၶၢႆႁႂ်ႈပိူၼ်ႈတၢင်ႇၵေႃႉလႆႈပိူင်ႇဢဝ်ယူႇသေႇသေႇ။ လိၼ်ၼၼ်ႉပဵၼ်ၶွင်ၵဝ်ဢေႃႈ။ သူပဵၼ်ၶႅၵ်ႇဢႃႇၵၼ်ႇတူႉ ဢၼ်သွၼ်ႈပိုင်ႈယူႇတီႈၵဝ်ဢေႃႈ။- 24ၵႃႈတီႈလိၼ်ဢၼ်သူပိူင်ႇၵူႈတီႈၵူႈလႅၼ်ၼၼ်ႉ၊ သူတၵ်းလႆႈပၼ်ဢၶႂၢင်ႉဢၼ်ထုတ်ႇဢဝ်ဢေႃႈ။
25ပေႃးၵူၼ်းၸိူဝ်ႉၶိူဝ်းလဵဝ်ၵၼ်တင်းမႂ်း ယၢၵ်ႈၵႂႃႇၽၢၼ်ၵႂႃႇလႄႈ ၶၢႆလိၼ်ဢၼ်တူဝ်ၸဝ်ႈၵဝ်ႇပိူင်ႇၼၼ်ႉၵမ်ႈၽွင်ႈၸိုင် ပီႈၼွင်ႉမၼ်းဢၼ်ၸမ်ၵၼ်တင်းမၼ်းသေပိူၼ်ႈၼၼ်ႉ တၵ်းလႆႈမႃးထုတ်ႇဢဝ်ဢၼ်ပီႈၼွင်ႉမၼ်းၶၢႆၼၼ်ႉဢေႃႈ။- 26ပေႃးမၼ်းဢမ်ႇမီးၵေႃႉဢၼ်ထုတ်ႇဢဝ်လိၼ်ၼၼ်ႉလႄႈ သမ်ႉမၢၵ်ႈမီးမႃးထၼ်ႈပေႃးထုတ်ႇဢဝ်လႆႈၼၼ်ႉၸိုင်၊- 27ႁႂ်ႈမၼ်းၼပ်ႉဢၢၼ်ႇပီႊဢၼ်ၶၢႆလႄႈ ပူၼ်ႉမႃးယဝ်ႉၸိူဝ်းၼၼ်ႉသေလႄႈ ဢဝ်ၵႃႈမၼ်းၶၼ်မၼ်း ဢၼ်လူဝ်ႇထႅင်ႈၼၼ်ႉ ၶိုၼ်းပၼ်တီႈၵေႃႉဢၼ်မၼ်းၶၢႆမႃးယဝ်ႉမိူဝ်ႈဢွၼ်တၢင်းၼၼ်ႉတႃႉ။ ၼင်ႇၼၼ်လႄႈမၼ်းတၵ်းလႆႈၶိုၼ်းၸူးၵႃႈတီႈလိၼ်ဢၼ်တူဝ်ၸဝ်ႈၵဝ်ႇပိူင်ႇၼၼ်ႉဢေႃႈ။- 28ပေႃးမၼ်းဢမ်ႇၶိုၼ်းပၼ်လႆႈၸိုင်၊ ဢၼ်မၼ်းၶၢႆမႃးယဝ်ႉၼၼ်ႉ တၵ်းလႆႈမီးယူႇၵႃႈၼႂ်းမိုဝ်းၵေႃႉဢၼ်သိုဝ်ႉဢဝ်ၼၼ်ႉ တေႃႇထိုင်ႁွတ်ႈပီႊယူႉပီႉလီႉၼၼ်ႉဢေႃႈ။ ၼႂ်းပီႊယူႉပီႉလီႉၼၼ်ႉ၊ တၵ်းလႆႈလွတ်ႈသေၵႃႈၼႂ်းမိုဝ်းၵေႃႉၼၼ်ႉလႄႈ မၼ်းတၵ်းလႆႈၶိုၼ်းၸူးၵႃႈတီႈလိၼ်ဢၼ်တူဝ်ၸဝ်ႈၵဝ်ႇပိူင်ႇၼၼ်ႉဢေႃႈ။
29ပေႃးသေၵေႃႉသေၵူၼ်း ၶၢႆႁိူၼ်းဢၼ်မီးၵႃႈၼႂ်းဝဵင်းဢၼ်မီးလမ်းဝဵင်းၼၼ်ႉၸိုင်၊ မၼ်းတၵ်းလႆႈမီးဢၶႂၢင်ႉ ဢၼ်လႆႈထုတ်ႇဢဝ်ၵႃႈၼႂ်းပီႊၼိုင်ႈဢေႃႈ။ ၵႃႈၼႂ်းပီႊၼိုင်ႈၼၼ်ႉၵူၺ်း မၼ်းတၵ်းလႆႈမီးဢၶႂၢင်ႉဢၼ်ထုတ်ႇဢဝ်ဢေႃႈ။- 30ပေႃးဢမ်ႇထုတ်ႇဢဝ်ၵႃႈၼႂ်းပီႊၼိုင်ႈၼၼ်ႉၸိုင်၊ ႁိူၼ်းဢၼ်မီးၵႃႈၼႂ်းဝဵင်းဢၼ်မီးလမ်းဝဵင်းၼၼ်ႉ တၵ်းလႆႈပဵၼ်တီႈဢၼ်ၵေႃႉဢၼ်သိုဝ်ႉဢဝ်ၼၼ်ႉ တၵ်းလႆႈပိူင်ႇဢဝ်ယူႇသေႇသေႇ တေႃႇထိုင်ႁွတ်ႈၸူဝ်ႈလုၵ်ႈပၢၼ်လၢၼ်မၼ်းဢေႃႈ။ ပိၵ်ႉသမ်ႉပီႊယူႉပီႉလီႉ ႁွတ်ႈထိုင်သေၵေႃႈ ဢမ်ႇလႆႈလွတ်ႈသေၵႃႈၼႂ်းမိုဝ်းမၼ်း။- 31ႁိူၼ်းဢၼ်မီးၵႃႈတီႈဝၢၼ်ႈဢၼ်ဢမ်ႇမီးလမ်းဝဵင်းၸိူဝ်းၼၼ်ႉၸိုင်၊ တၵ်းလႆႈမၢတ်ႈပဵၼ်ၸိူဝ်ႉၼင်ႇႁႆႊၼင်ႇၼႃးလႄႈ မီးဢၶႂၢင်ႉဢၼ်လႆႈထုတ်ႇဢဝ်ဢေႃႈ။ မိူဝ်ႈဢၼ်ႁွတ်ႈထိုင်ပီႊယူႉပီႉလီႉၼၼ်ႉ၊ တၵ်းလႆႈလွတ်ႈသေၵႃႈၼႂ်းမိုဝ်းဢေႃႈ။- 32ၼႂ်းဝႃႈၼၼ်သေၵေႃႈ ဝဵင်းၵူၼ်းမဵဝ်းလေႇဝီႉ ဢိၵ်ႇတင်းႁိူၼ်းဝဵင်းဢၼ်ၶဝ်ပိူင်ႇၸိူဝ်းၼၼ်ႉၸိုင်၊- 33ၶိင်ႇၵႃႇလႃႉမိူဝ်ႈလႂ်ဢမ်ႇဝႃႈ၊ မီးဢၶႂၢင်ႉဢၼ်လႆႈထုတ်ႇဢဝ်ဢေႃႈ။ ပေႃးသေၵေႃႉသေၵူၼ်း သိုဝ်ႉဢဝ်တီႈၵူၼ်းမဵဝ်းလေႇဝီႉၸိူဝ်းၼၼ်ႉၸိုင်၊ ႁိူၼ်းဢၼ်မၼ်းၶၢႆပၼ် ဢိၵ်ႇတင်းဝဵင်းဢၼ်မၼ်းပိူင်ႇၸိူဝ်းၼၼ်ႉ၊ မိူဝ်ႈဢၼ်ႁွတ်ႈထိုင်ပီႊယူႉပီႉလီႉၼၼ်ႉၸိုင်၊ တၵ်းလႆႈလွတ်ႈသေၵႃႈၼႂ်းမိုဝ်းဢေႃႈ။ လွင်ႈမၼ်းၸမ်ႉ ႁိူၼ်းဝဵင်းၵူၼ်းမဵဝ်းလေႇဝီႉတင်းလၢႆၼၼ်ႉၸိူဝ်းၼၼ်ႉ ပဵၼ်တီႈဢၼ်ၶဝ်လႆႈပိူင်ႇဢဝ်ၵႃႈၼႂ်းၵူၼ်းမဵဝ်းဢီႉသရေႇလႃႉတင်းလၢႆဢေႃႈ။- 34ၼႂ်းဝႃႈၼၼ်သေၵေႃႈ ႁႆႊၼႃးဢၼ်မီးၵႃႈတီႈႁိမ်းဝဵင်းၶဝ်ၼၼ်ႉၸိုင်၊ ဢမ်ႇလႆႈၶၢႆ။ ပဵၼ်တီႈဢၼ်ၶဝ် တၵ်းလႆႈပိူင်ႇယူႇသေႇသေႇဢေႃႈ။
တၢင်းဢၼ်ႁႂ်ႈၵူၼ်းၽၢၼ်ၵူႈယိမ်
35ပေႃးၵူၼ်းမဵဝ်းၸိူဝ်ႉၶိူဝ်းလဵဝ်ၵၼ်တင်းမႂ်းၼၼ်ႉယၢၵ်ႈၽၢၼ်လႄႈ ႁႅင်းမိုဝ်းဢူၼ်ႈၵႂႃႇၸိုင်၊ မႂ်းတၵ်းလႆႈၸွႆႈထႅမ်မႃႉၸႃႉမၼ်းဢေႃႈ။ မၼ်းတၵ်းလႆႈယူႇၵႃႈတီႈမႂ်းမိူၼ်ၸိူဝ်ႉၼင်ႇ ၶႅၵ်ႇဢႃႇၵၼ်ႇတူႉ ၵူၼ်းတၢင်ႇၸိူဝ်ႉတၢင်ႇၶိူဝ်းၼၼ်ႉဢေႃႈ။- 36မႂ်းဢမ်ႇလႆႈဢဝ်ဢတူဝ်းဢမျၢတ်ႈတီႈမၼ်း။ လွင်ႈၼင်ႇႁိုဝ်ၵူၼ်းမဵဝ်းၸိူဝ်ႉၶိူဝ်းလဵဝ်ၵၼ်တင်းမႂ်းၼၼ်ႉ တၵ်းလႆႈယူႇၵႃႈတီႈမႂ်းၸိုင်၊ ၵူဝ်ႁႄၽြႃးပဵၼ်ၸဝ်ႈမႂ်းတႃႉ။- 37မႂ်းဢမ်ႇလႆႈၵိူဝ်းလႆႈၶီႈမၼ်းသေလႄႈ ပၼ်ၵူႈပၼ်ယိမ်ငိုၼ်းတီႈၵေႃႉၼၼ်ႉ။ မႂ်းဢမ်ႇလႆႈၵိူဝ်းလႆႈဢတူဝ်းဢမျၢတ်ႈမၼ်းသေလႄႈ ပၼ်ၵူႈပၼ်ယိမ်တၢင်းၵိၼ်တၢင်းၶူပ်းတီႈၵေႃႉၼၼ်ႉ။- 38ၵဝ်ထႃႇဝရႃႉၽြႃး ၽြႃးပဵၼ်ၸဝ်ႈသူ ဢၼ်ၼုၵ်ႈဢဝ်သူဢွၵ်ႇသေၵႃႈၼႂ်းမိူင်းဢေႇၵိပ်ႉတူႉမႃးႁႂ်ႈလႆႈဢဝ်မိူင်းၶႃႇၼၢၼ်ႇ ပၼ်တီႈသူလႄႈ ပဵၼ်ၽြႃးပဵၼ်ၸဝ်ႈသူဢေႃႈ။
တၢင်းဢၼ်ၶိုၼ်းပွႆႇၶႃႈ
39ပေႃးၵူၼ်းမဵဝ်းၸိူဝ်ႉၶိူဝ်းလဵဝ်ၵၼ်တင်းမႂ်းၼၼ်ႉယၢၵ်ႈၽၢၼ်လႄႈ ဢဝ်တူဝ်ၸဝ်ႈၵဝ်ႇၶၢႆပၼ်တီႈမႂ်းၸိုင်၊ မႂ်းဢမ်ႇလႆႈႁႂ်ႈမၼ်းၶၢမ်ႇတၢင်းၸႂ်ႉတၢင်းသွႆ မိူၼ်ၸိူဝ်ႉၼင်ႇၶႃႈ ဢၼ်ၶၢမ်ႇတၢင်းၸႂ်ႉတၢင်းသွႆၼၼ်ႉ။- 40မၼ်းၼၼ်ႉတၵ်းလႆႈယူႇၵႃႈတီႈမႂ်းမိူၼ်ၸိူဝ်ႉၼင်ႇၵူၼ်းၵိၼ်ၸၢင်ႈၵိၼ်ငႃ ဢိၵ်ႇတင်းမိူၼ်ၸိူဝ်ႉၼင်ႇၶႅၵ်ႇဢႃႇၵၼ်ႇတူႉၼၼ်ႉလႄႈ ၶၢမ်ႇတၢင်းၸႂ်ႉတၢင်းသွႆတီႈမႂ်းတေႃႇထိုင်ႁွတ်ႈပီႊယူႉပီႉလီႉၼၼ်ႉဢေႃႈ။- 41မိူဝ်ႈၼၼ်ႉ မၼ်းဢိၵ်ႇလူၺ်ႈၵၼ်တင်းလုၵ်ႈလၢင်းမၼ်းတင်းလၢႆ တၵ်းလႆႈဢွၵ်ႇသေၵႃႈတီႈမႂ်းလႄႈ ၶိုၼ်းၸူးၵႃႈတီႈပီႈၼွင်ႉၸိူဝ်ႉၶိူဝ်းမၼ်း ဢိၵ်ႇတင်းၵႃႈတီႈလိၼ်ဢၼ်ပူႇမၼ်းမွၼ်ႇမၼ်းပိူင်ႇၼၼ်ႉဢေႃႈ။- 42လွင်ႈမၼ်းၸမ်ႉ ၶဝ်ၼၼ်ႉပဵၼ်ၶႃႈၵဝ် ဢၼ်ၵဝ်ၼုၵ်ႈဢဝ်ဢွၵ်ႇသေၵႃႈၼႂ်းမိူင်းဢေႇၵိပ်ႉတူႉမႃးၼၼ်ႉလႄႈ ဢမ်ႇလႆႈၶၢႆႁႂ်ႈၶဝ်လႆႈပဵၼ်ၶႃႈ ဢၼ်ၶၢမ်ႇတၢင်းၸႂ်ႉတၢင်းသွႆ။- 43မႂ်းဢမ်ႇလႆႈၸီႇယၢင်ႇယၢပ်ႇယဵၼ်းၼႃႇလူင်လၢင်တီႈမၼ်း။ မႂ်းတၵ်းလႆႈၵူဝ်ႁႄၽြႃးပဵၼ်ၸဝ်ႈမႂ်းဢေႃႈ။- 44ၶႃႈၸႂ်ႉၶႃႈသွႆလႂ်၊ ၶႃႈမႄႈယိင်းလႂ်ဢၼ်သူတၵ်းလႆႈမီးၼၼ်ႉၸမ်ႉ၊ မႂ်းတၵ်းလႆႈသိုဝ်ႉဢဝ် ၶႃႈၸႂ်ႉၶႃႈသွႆလႂ်၊ ၶႃႈမႄႈယိင်းလႂ် ၵႃႈၼႂ်းၵူၼ်းတၢင်ႇၸိူဝ်ႉတၢင်ႇၶိူဝ်းဢၼ်ယူႇလဵပ်ႈႁွပ်ႈမႂ်းယူႇ ၵူႈၽၢႆႇၵူႈပႃႈၸိူဝ်းၼၼ်ႉဢေႃႈ။- 45လိူဝ်သေၼၼ်ႉ သူတၵ်းလႆႈသိုဝ်ႉဢဝ်ၵႃႈၼႂ်းလုၵ်ႈလၢင်းၵူၼ်းတၢင်ႇဝၢၼ်ႈတၢင်ႇမိူင်း ဢၼ်သွၼ်ႈပိုင်ႈယူႇၵႃႈတီႈသူ ဢိၵ်ႇတင်းၵႃႈၼႂ်းႁိူၼ်းၼႂ်းယေးၶဝ် ဢၼ်ၶဝ်လႆႈၵႃႈတီႈမိူင်းသူလႄႈ ယူႇၵႃႈတီႈသူၸိူဝ်းၼၼ်ႉဢေႃႈ။- 46ၶဝ်ၼၼ်ႉ တၵ်းလႆႈပဵၼ်တီႈဢၼ်သူလႆႈပိူင်ႇဢေႃႈ။ သူတၵ်းလႆႈဢဝ်ၶဝ်ပုၼ်ႈဢၼ်လုၵ်ႈလၢၼ်သူဢၼ် ပေႃႇမႃးလိုၼ်းလင်သူၼၼ်ႉ တၵ်းလႆႈၶၢမ်ႇဢမူၺ်ႇလႄႈပိူင်ႇဢေႃႈ။ သူတၵ်းလႆႈဢဝ်ၵႃႈၼႂ်းၶဝ်ၼၼ်ႉ ႁဵတ်းၶႃႈၸႂ်ႉၶႃႈသွႆယူႇသေႇသေႇဢေႃႈ။ ၵူၺ်းၵႃႈ တီႈၵူၼ်းမဵဝ်းၸိူဝ်ႉၶိူဝ်းလဵဝ်ၵၼ်တင်းမႂ်းဢၼ်ဝႃႈ ၵူၼ်းမဵဝ်းဢီႉသရေႇလႃႉ တင်းလၢႆၼၼ်ႉၸိုင်၊ သူၵေႃႉၼိုင်ႈလႄႈၵေႃႉၼိုင်ႈ ဢမ်ႇလႆႈၸီႇယၢင်ႇယၢပ်ႇယဵၼ်းၼႃႇလူင်လၢင်တီႈၵၼ်။
47ပေႃးၵူၼ်းတၢင်ႇဝၢၼ်ႈတၢင်ႇမိူင်း၊ ဢမ်ႇၼၼ် ၶႅၵ်ႇဢႃႇၵၼ်ႇတူႉ ဢၼ်သွၼ်ႈပိုင်ႈယူႇၵႃႈတီႈမႂ်းၸိူဝ်းၼၼ်ႉ ၸၢင်ႈမၢၵ်ႈၸၢင်ႈမီးလႄႈ ၵူၼ်းမဵဝ်းၸိူဝ်ႉၶိူဝ်းလဵဝ်ၵၼ်တင်းမႂ်းယၢၵ်ႈၽၢၼ်ၵႃႈတီႈႁိမ်းမၼ်းလႄႈ ဢဝ်တူဝ်ၸဝ်ႈၵဝ်ႇၶၢႆပၼ်တီႈၵူၼ်းတၢင်ႇဝၢၼ်ႈတၢင်ႇမိူင်း၊ ဢမ်ႇၼၼ် တီႈၶႅၵ်ႇဢႃႇၵၼ်ႇတူႉ ဢၼ်သွၼ်ႈပိုင်ႈယူႇၵႃႈႁိမ်းမႂ်းၼၼ်ႉ ဢမ်ႇၼၼ် တီႈလုၵ်ႈလၢၼ်ၵူၼ်းတၢင်ႇဝၢၼ်ႈတၢင်ႇမိူင်းၼၼ်ႉၸိုင်၊- 48လိုၼ်းသေမၼ်းၶၢႆပၼ်ၼၼ်ႉသေယဝ်ႉ၊ တၵ်းလႆႈမီးဢၶႂၢင်ႉဢၼ်လႆႈထုတ်ႇဢဝ်ဢေႃႈ။ ပီႈဢၢႆႈၼွင်ႉၸၢႆးမၼ်းသေၵေႃႉၵေႃႉ တၵ်းလႆႈထုတ်ႇဢဝ်မၼ်းဢေႃႈ။- 49ဢမ်ႇၼၼ်ၵေႃႈ ပေႃႈၼႃႉ ပေႃႈဢႃမၼ်း၊ ဢမ်ႇၼၼ်ၵေႃႈ လုၵ်ႈပီႈလုၵ်ႈၼွင်ႉမၼ်း၊ ဢမ်ႇၼၼ်ၵေႃႈ ပီႈၼွင်ႉၸိူဝ်ႉၶိူဝ်းဢွၵ်ႇမၼ်း သေၵေႃႉသေၵူၼ်းၼၼ်ႉ တၵ်းလႆႈထုတ်ႇဢဝ်မၼ်းဢေႃႈ။ ပေႃးတူဝ်မၼ်းၶိုၼ်းမၢၵ်ႈၶိုၼ်းမီးမႃးၸိုင်၊ တူဝ်မၼ်း တၵ်းလႆႈထုတ်ႇဢဝ် တူဝ်မၼ်းဢေႃႈ။- 50မၼ်းတၵ်းလႆႈၼပ်ႉဢၢၼ်ႇပီႊ ၸႃႉၸဵမ်ပီႊဢၼ်မၼ်းဢဝ်တူဝ်ၸဝ်ႈၵဝ်ႇၶၢႆပၼ်ၼၼ်ႉလႄႈ တေႃႇထိုင်ႁွတ်ႈ ပီႊယူႉပီႉလီႉၼၼ်ႉ လူၺ်ႈၵၼ်တင်းၵေႃႉဢၼ်သိုဝ်ႉဢဝ်မၼ်းၼၼ်ႉသေလႄႈ ၵႃႈၶၼ်ဢၼ်မၼ်းတၵ်းလႆႈပၼ်ၼၼ်ႉ မၼ်းတၵ်းလႆႈၸွမ်းလူၺ်ႈပီႊၼမ်ပီႊၵေႇၼၼ်ႉဢေႃႈ။ တၵ်းလႆႈပဵၼ်ၸွမ်းလူၺ်ႈၶိင်ႇၵႃႇလႃႉ ဢၼ်ၵူၼ်းၵိၼ်ၸၢင်ႈၵိၼ်ငႃ ႁဵတ်းၼၼ်ႉဢေႃႈ။- 51ပေႃးပီႊယင်းၵိုတ်းၼမ်ၸိုင်၊ မၼ်းတၵ်းလႆႈၸွမ်းလူၺ်ႈပီႊၸိူဝ်းၼၼ်ႉလႄႈ ဢဝ်ၵႃႈၶၼ်ဢၼ်တၵ်းထုတ်ႇဢဝ်တူဝ်မၼ်းၼၼ်ႉ ၼုၵ်ႈဢဝ်ၵႃႈၼႂ်းငိုၼ်းဢၼ်လႆႈသိုဝ်ႉဢဝ်မၼ်းယဝ်ႉၼၼ်ႉသေလႄႈ ၶိုၼ်းပၼ်ဢေႃႈ။- 52ၸူဝ်ႈဢၼ်ဢမ်ႇပႆႇႁွတ်ႈထိုင် ပီႊယူႉပီႉလီႉၼၼ်ႉ ပေႃးယင်းၵိုတ်းပီႊၵေႇၸိုင်၊ မၼ်းတၵ်းလႆႈၼပ်ႉဢၢၼ်ႇလူၺ်ႈၵၼ်တင်းၵေႃႉၼၼ်ႉလႄႈ ၸွမ်းလူၺ်ႈ ပီႊၸိူဝ်းၼၼ်ႉသေလႄႈ ဢဝ်ၵႃႈၶၼ်ဢၼ်တၵ်းထုတ်ႇဢဝ်ၼၼ်ႉၶိုၼ်းပၼ်ဢေႃႈ။- 53မၼ်းတၵ်းလႆႈယူႇလူၺ်ႈၵၼ်တင်းၵေႃႉၼၼ်ႉ ပီႊၼိုင်ႈယဝ်ႉပီႊၼိုင်ႈမိူၼ်ၸိူဝ်ႉၼင်ႇၵူၼ်းၵိၼ်ၸၢင်ႈၵိၼ်ငႃၼၼ်ႉဢေႃႈ။ ၵေႃႉၼၼ်ႉဢမ်ႇလႆႈၸီႇယၢင်ႇမၼ်းယၢပ်ႇယဵၼ်းၼႃႇလူင်လၢင်တီႈမၼ်း သိုဝ်ႈၼႃႈတႂ်ႈတႃမႂ်း။- 54ပေႃးမၼ်းဢမ်ႇၶၢမ်ႇတၢင်းဢၼ် ၶဝ်ၸိူဝ်ႉၼင်ႇၼၼ်ထုတ်ႇဢဝ်ၸိုင်၊ မိူဝ်ႈဢၼ်ႁွတ်ႈထိုင်ပီႊယူႉပီႉလီႉၼၼ်ႉ၊ မၼ်းဢိၵ်ႇတင်းလုၵ်ႈလၢင်းမၼ်းတင်းလၢႆ တၵ်းလႆႈလွတ်ႈသေၵႃႈၼႂ်းမိုဝ်းၵေႃႉၼၼ်ႉဢေႃႈ။- 55လွင်ႈမၼ်းၸမ်ႉ ၵူၼ်းမဵဝ်းဢီႉသရေႇလႃႉတင်းလၢႆ ပဵၼ်ၶႃႈၵဝ်ဢေႃႈ။ ပဵၼ်ၶႃႈၵဝ်ဢၼ်ၵဝ်ၼုၵ်ႈဢဝ်ဢွၵ်ႇသေ ၵႃႈၼႂ်းမိူင်းဢေႇၵိပ်ႉတူႉမႃးၼၼ်ႉဢေႃႈ။ ၵဝ်ပဵၼ်ထႃႇဝရႃႉၽြႃး ၽြႃးပဵၼ်ၸဝ်ႈသူဢေႃႈ။
Currently Selected:
ႁဵတ်းဝၢတ်ႈ 25: CBMS
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship
ႁဵတ်းဝၢတ်ႈ 25
25
ပီႊၵမ်သိၼ်
(တူၺ်း၊ ႁေႃး 15:1-11)
1ထႃႇဝရႃႉၽြႃးသမ်ႉမီးဢမိင်ႉတီႈမူဝ်းသေႇ ၵႃႈၼိူဝ်လွႆသီႉၼႃႉၼၼ်ႉၸမ်ႉ၊- 2မႂ်းသင်ႇလၢတ်ႈတီႈၵူၼ်းမဵဝ်းဢီႉသရေႇလႃႉတင်းလၢႆလႄႈဝႃႈ၊ မိူဝ်ႈဢၼ်သူႁွတ်ႈထိုင်ၵႃႈတီႈမိူင်းဢၼ်ၵဝ်တၵ်းပၼ်ၼၼ်ႉၸိုင်၊ မိူင်းၼၼ်ႉ တၵ်းလႆႈၵမ်သိၼ်ပုၼ်ႈထႃႇဝရႃႉၽြႃးဢေႃႈ။- 3ႁူၵ်းပီႊတဵမ်တဵမ်မႂ်းတၵ်းလႆႈႁဵတ်းႁႆႊႁဵတ်းၼႃးယူႇ၊ ႁူၵ်းပီႊတဵမ်တဵမ်မႂ်းတၵ်းလႆႈတႅပ်းလႆႈလၢၼ်း ၵႃႈတီႈသူၼ်ဢူးယဵၼ်ႇမၢၵ်ႇၸပိတ်ႈယူႇသေလႄႈ သိမ်းဢဝ်မၢၵ်ႇမၼ်းႁူင်းမၼ်းယူႇဢေႃႈ။- 4ပီႊသတ်ႉတမႃႉၼၼ်ႉ တၵ်းလႆႈပဵၼ်ပီႊၵမ်သိၼ် ဢၼ်တင်းဝၢၼ်ႈတင်းမိူင်း တၵ်းလႆႈယူႇၼိမ်ၼိမ်လီလီ၊ ပီႊၵမ်သိၼ်ပုၼ်ႈထႃႇဝရႃႉၽြႃးဢေႃႈ။ မႂ်းဢမ်ႇလႆႈႁဵတ်းႁႆႊႁဵတ်းၼႃး၊ ဢမ်ႇလႆႈတႅပ်းလႆႈလၢၼ်း ၵႃႈတီႈသူၼ်ဢူးယဵၼ်ႇမၢၵ်ႇၸပိတ်ႈ။- 5မၢၵ်ႇႁူင်းဢၼ်ဢွၵ်ႇပဵၼ်မႃးၵူၺ်းမၼ်းၵႃႈတီႈႁႆႊတီႈၼႃးၼၼ်ႉၵေႃႈ မႂ်းဢမ်ႇလႆႈပၢတ်ႇလႆႈထိူဝ်။ မၢၵ်ႇသူၼ်ဢူးယဵၼ်ႇၸပိတ်ႈ ဢၼ်ယင်းဢမ်ႇတႅပ်းဢမ်ႇလၢၼ်းဝႆႉၼၼ်ႉၵေႃႈ မႂ်းဢမ်ႇလႆႈဝိတ်းဢဝ်သိမ်းဢဝ်။ ပဵၼ်ပီႊဢၼ်တင်းဝၢၼ်ႈတင်းမိူင်းတၵ်းလႆႈယူႇၼိမ်ၼိမ်လီလီဢေႃႈ။- 6တၢင်းဢၼ်မိူင်းၵမ်သိၼ်ဢၼ်ဝႃႈ တၢင်းဢၼ်ဢွၵ်ႇပဵၼ်မႃးၵူၺ်းမၼ်းၵႃႈမီးၸိူဝ်းၼၼ်ႉ တၵ်းလႆႈပဵၼ်တၢင်းၵိၼ်တၢင်းၶူပ်းပုၼ်ႈ ၸႃႉၸဵမ်မႂ်းလႄႈၶႃႈမႂ်း၊ ၶႃႈၵူၼ်းယိင်းမႂ်း၊ ၵူၼ်းၵိၼ်ၸၢင်ႈၵိၼ်ငႃမႂ်း၊ ၶႅၵ်ႇဢၼ်သွၼ်ႈပိုင်ႈယူႇၵႃႈတီႈမႂ်း၊- 7ဢိၵ်ႇတင်း တၢင်းၵိၼ်တၢင်းၶူပ်းပုၼ်ႈတူဝ်ငႄႈတူဝ်ႁၢႆႉ ဢၼ်မီးၵႃႈတီႈမိူင်းမႂ်းဢေႃႈ။
ပီႊယူႉပီႉလီႉ
8မႂ်းတၵ်းလႆႈၼပ်ႉဢၢၼ်ႇပီႊၵမ်သိၼ်ၸဵတ်းပီႊ ဢၼ်ဝႃႈၸဵတ်းပီႊမိူင်းၸဵတ်းပွၵ်ႈဢေႃႈ။ ပီႊၵမ်သိၼ်ၸဵတ်းပီႊၼၼ်ႉ တၵ်းလႆႈပဵၼ်သီႇသိပ်းပၢႆၵဝ်ႈပီႊမိူင်းတီႈမႂ်းဢေႃႈ။- 9ၵမ်းၼၼ်ႉ ၵႃႈတီႈလိူၼ်သတ်ႉတမႃႉသိပ်းဝၼ်းၼၼ်ႉ မႂ်းတၵ်းလႆႈႁႂ်ႈပဝ်ႇၼႄးၶရႃႇဢၼ်မေႃးလင်လႄႈ ၼႂ်းဝၼ်းဢၼ်ႁဵတ်းတၢင်းဢၼ်ၽေႇဢပႅတ်ႈၼၼ်ႉ၊ သူတၵ်းလႆႈႁႂ်ႈပဝ်ႇၼႄးၶရႃႇတင်းဝၢၼ်ႈတင်းမိူင်းဢေႃႈ။- 10သူတၵ်းလႆႈႁႂ်ႈပီႊမိူင်းဢၼ်ထူၼ်ႈထိုင်ႁႃႈသိပ်းပီႈၼၼ်ႉမူတ်းၸၢင်ႇလႄႈ၊ ႁွင်ႉသေႃႇႁွင်ႉလၢတ်ႈဢၶႂၢင်ႉတၢင်းဢၼ်လွတ်ႈၼၼ်ႉ တီႈၵူၼ်းဝၢၼ်ႈၵူၼ်းမိူင်းတင်းသဵင်ႈတင်းလူင် ၵႃႈၼႂ်းမိူင်းၵူႈတီႈၵူႈလႅၼ်ဢေႃႈ။ တၵ်းလႆႈပဵၼ် ပီႊယူႉပီႉလီႉတီႈသူလႄႈ သူၵူႈၵေႃႉၵူႈၵူၼ်း တၵ်းလႆႈၶိုၼ်းၸူးၵႃႈတီႈလိၼ် ဢၼ်တူဝ်ၸဝ်ႈၵဝ်ႇပိူင်ႇၼၼ်ႉလႄႈ သူၵူႈၵေႃႉၵူႈၵူၼ်းတၵ်းလႆႈၶိုၼ်းၸူးၵႃႈတီႈပီႈၼွင်ႉၸိူဝ်ႉၶိူဝ်းတူဝ်ၸဝ်ႈၵဝ်ႇဢေႃႈ။- 11ၵွပ်ႈပိူဝ်ႈဢၼ်ပီႊမိူင်းဢၼ်ထူၼ်ႈထိုင်ႁႃႈသိပ်းပီႊၼၼ်ႉ ပဵၼ်ပီႊယူႉပီႉလီႉ တီႈသူလႄႈ သူဢမ်ႇလႆႈဝၢၼ်ႇၸိူဝ်ႉဝၢၼ်ႇၽၼ်း၊ တူၼ်ႈဢၼ်ဢွၵ်ႇမႃးၵူၺ်းမၼ်းၼၼ်ႉၵေႃႈ၊ ဢမ်ႇလႆႈပၢတ်ႇလႆႈထိူဝ်။ မၢၵ်ႇသူၼ်ဢူးယဵၼ်ႇၸပိတ်ႈ ဢၼ်ယင်းဢမ်ႇတႅပ်းဢမ်ႇလၢၼ်းဝႆႉၼၼ်ႉၵေႃႈ ဢမ်ႇလႆႈဝိတ်းဢဝ်သိမ်းဢဝ်။- 12ၵွပ်ႈပိူဝ်ႈဢၼ်ပဵၼ်ပီႊယူႉပီႉလီႉ တီႈသူလႄႈ ပဵၼ်ပီႊဢၼ်မူတ်းၸၢင်ႇတီႈသူၼၼ်ႉလႄႈ သူတၵ်းလႆႈၵိၼ်မၢၵ်ႇႁူင်းဢၼ်ဢွၵ်ႇပဵၼ်မႃးၵူၺ်းမၼ်း ၵႃႈတီႈႁႆႊတီႈၼႃးၼၼ်ႉၵူၺ်းဢေႃႈ။- 13ၼႂ်းပီႊယူႉပီႉလီႉၼၼ်ႉ၊ သူၵူႈၵေႃႉၵူႈၵူၼ်းတၵ်းလႆႈၶိုၼ်းၸူးၵႃႈတီႈလိၼ် ဢၼ်တူဝ်ၸဝ်ႈၵဝ်ႇပိူင်ႇၼၼ်ႉဢေႃႈ။- 14ပေႃးသူႁဵတ်းတၢင်းဢၼ်သိုဝ်ႉဢဝ်သေၸိူဝ်ႉသေပိူင် တီႈၵူၼ်းႁိူၼ်းၸမ်ၵၼ်၊ ဢမ်ႇၼၼ်ၵေႃႈ ပေႃးသူႁဵတ်းတၢင်းဢၼ်ၶၢႆသေၸိူဝ်ႉသေပိူင် တီႈၵူၼ်းႁိူၼ်းၸမ်ၵၼ်ၸိုင်၊ သူၵေႃႉၼိုင်ႈလႄႈၵေႃႉၼိုင်ႈ ဢမ်ႇလႆႈၼိၵ်ႈၸၢၵ်ႈငႅၼ်းသႄးၵၼ်။- 15ၸွမ်းၼင်ႇဢၼ်ၼပ်ႉဢၢၼ်ႇပီႊဢၼ်ပဵၼ်လိုၼ်းသေ ပီႊယူႉပီႉလီႉၼၼ်ႉသေလႄႈ သူတၵ်းလႆႈႁဵတ်းတၢင်းဢၼ်သိုဝ်ႉဢဝ် ၵႃႈတီႈၵူၼ်းႁိူၼ်းၸမ်ၵၼ်ဢေႃႈ။ ၸွမ်းၼင်ႇဢၼ်ၼပ်ႉဢၢၼ်ႇပီႊဢၼ်တၵ်းမၢၵ်ႇ မၢၵ်ႇမၼ်းႁူင်းမၼ်းၼၼ်ႉၸိူဝ်းၼၼ်ႉသေလႄႈ မၼ်းၼၼ်ႉတၵ်းလႆႈႁဵတ်းတၢင်းဢၼ်ၶၢႆပၼ်တီႈမႂ်းဢေႃႈ။- 16ၸွမ်းလူၺ်ႈပီႊဢၼ်ၼမ်သေလႄႈ မႂ်းတၵ်းလႆႈၶိုၼ်ႈၵႃႈမၼ်းၶၼ်မၼ်းလႄႈ ၸွမ်းလူၺ်ႈပီႊဢၼ်ၵေႇသေလႄႈ မႂ်းတၵ်းလႆႈယွမ်းၵႃႈမၼ်းၶၼ်မၼ်းလႄႈၶၢႆဢေႃႈ။ လွင်ႈမၼ်းၸမ်ႉ မၼ်းၸွမ်းတၢင်းဢၼ်တၵ်းမၢၵ်ႇ မၢၵ်ႇမၼ်းႁူင်းမၼ်းၸိူဝ်းၼၼ်ႉသေလႄႈ ၶၢႆတီႈမႂ်းဢေႃႈ။- 17သူၵေႃႉၼိုင်ႈလႄႈၵေႃႉၼိုင်ႈ ဢမ်ႇလႆႈၼိၵ်ႈၸၢၵ်ႈငႅၼ်းသႄးၵၼ်။ မႂ်းတၵ်းလႆႈၵူဝ်ႁႄၽြႃးပဵၼ်ၸဝ်ႈမႂ်းဢေႃႈ၊ ၵဝ်ပဵၼ်ထႃႇဝရႃႉၽြႃး ၽြႃးပဵၼ်ၸဝ်ႈသူဢေႃႈ။
တၢင်းလီပုၼ်ႈပီႊယူႉပီႉလီႉ
18သူၵမ်ၵျၢင်ႉပိင်းၺၢပ်ႈတြႃးၵဝ်တင်းလၢႆလႄႈ ပႂ်ႉၸွမ်းတၢင်းဢၼ်ၵဝ်ၸီႇယၢင်ႇဝႆႉၸိူဝ်းၼၼ်ႉတႃႉ။ ၼင်ႇၼၼ်လႄႈ သူတၵ်းလႆႈၵၢင်းလွတ်ႈတင်းၽေးသေလႄႈ ယူႇၵႃႈတီႈမိူင်းၼၼ်ႉဢေႃႈ။- 19လိၼ်ၵေႃႈတၵ်းပၼ်မၢၵ်ႇမၼ်းႁူင်းမၼ်းလႄႈ သူတၵ်းလႆႈၵိၼ်ဢိမ်ႇၵိၼ်တဵမ်လႄႈ ၵၢင်းလွတ်ႈတင်းၽေးသေလႄႈယူႇဢေႃႈ။- 20ပေႃးသူလၢတ်ႈလႄႈဝႃႈ၊ ၼႂ်းပီႊသတ်ႉတမႃႉၼၼ်ႉ၊ ႁဝ်းတၵ်းႁဵတ်းၸိူဝ်ႉၼင်ႇႁိုဝ်လႄႈလႆႈၵိၼ်။ ႁဝ်းဢမ်ႇလႆႈဝၢၼ်ႇၸိူဝ်ႉဝၢၼ်ႇၽၼ်း၊ ဢမ်ႇလႆႈသိမ်းမၢၵ်ႇသိမ်းႁူင်းလူင်ပႄႇ၊ ဝႃႈၼင်ႇၼႆၸိုင်၊- 21ၼႂ်းပီႊသတ်ႉတမႃႉၼၼ်ႉ ၵဝ်တၵ်းပၼ်တၢင်းလီတီႈသူလႄႈ ႁႂ်ႈမၢၵ်ႇႁူင်းပဵၼ်မႃးၼႂ်းပီႊၼၼ်ႉ ပုၼ်ႈတႃႇသၢမ်ပီႊဢေႃႈ။- 22သူတၵ်းလႆႈဝၢၼ်ႇၸိူဝ်ႉဝၢၼ်ႇၽၼ်း ၼႂ်းပီႊဢႃႉထမႃႉလႄႈ ဢဝ်မၢၵ်ႇဢဝ်ႁူင်းဢၼ်ၵဝ်ႇၼၼ်ႉၵိၼ်ဢေႃႈ။ တၵ်းလႆႈဢဝ်မၢၵ်ႇဢဝ်ႁူင်းဢၼ်ၵဝ်ႇၼၼ်ႉ ၵိၼ်တေႃႇထိုင်ႁွတ်ႈ ၶိင်ႇၵႃႇလႃႉဢၼ်သိမ်းဢဝ်မၢၵ်ႇဢဝ်ႁူင်းတီႈပီႊၼဝမႃႉၼၼ်ႉဢေႃႈ။
တၢင်းဢၼ်ၶိုၼ်းထုတ်ႇဢဝ်လိၼ်
23လိၼ်ၸိုင်၊ ဢမ်ႇလႆႈၶၢႆႁႂ်ႈပိူၼ်ႈတၢင်ႇၵေႃႉလႆႈပိူင်ႇဢဝ်ယူႇသေႇသေႇ။ လိၼ်ၼၼ်ႉပဵၼ်ၶွင်ၵဝ်ဢေႃႈ။ သူပဵၼ်ၶႅၵ်ႇဢႃႇၵၼ်ႇတူႉ ဢၼ်သွၼ်ႈပိုင်ႈယူႇတီႈၵဝ်ဢေႃႈ။- 24ၵႃႈတီႈလိၼ်ဢၼ်သူပိူင်ႇၵူႈတီႈၵူႈလႅၼ်ၼၼ်ႉ၊ သူတၵ်းလႆႈပၼ်ဢၶႂၢင်ႉဢၼ်ထုတ်ႇဢဝ်ဢေႃႈ။
25ပေႃးၵူၼ်းၸိူဝ်ႉၶိူဝ်းလဵဝ်ၵၼ်တင်းမႂ်း ယၢၵ်ႈၵႂႃႇၽၢၼ်ၵႂႃႇလႄႈ ၶၢႆလိၼ်ဢၼ်တူဝ်ၸဝ်ႈၵဝ်ႇပိူင်ႇၼၼ်ႉၵမ်ႈၽွင်ႈၸိုင် ပီႈၼွင်ႉမၼ်းဢၼ်ၸမ်ၵၼ်တင်းမၼ်းသေပိူၼ်ႈၼၼ်ႉ တၵ်းလႆႈမႃးထုတ်ႇဢဝ်ဢၼ်ပီႈၼွင်ႉမၼ်းၶၢႆၼၼ်ႉဢေႃႈ။- 26ပေႃးမၼ်းဢမ်ႇမီးၵေႃႉဢၼ်ထုတ်ႇဢဝ်လိၼ်ၼၼ်ႉလႄႈ သမ်ႉမၢၵ်ႈမီးမႃးထၼ်ႈပေႃးထုတ်ႇဢဝ်လႆႈၼၼ်ႉၸိုင်၊- 27ႁႂ်ႈမၼ်းၼပ်ႉဢၢၼ်ႇပီႊဢၼ်ၶၢႆလႄႈ ပူၼ်ႉမႃးယဝ်ႉၸိူဝ်းၼၼ်ႉသေလႄႈ ဢဝ်ၵႃႈမၼ်းၶၼ်မၼ်း ဢၼ်လူဝ်ႇထႅင်ႈၼၼ်ႉ ၶိုၼ်းပၼ်တီႈၵေႃႉဢၼ်မၼ်းၶၢႆမႃးယဝ်ႉမိူဝ်ႈဢွၼ်တၢင်းၼၼ်ႉတႃႉ။ ၼင်ႇၼၼ်လႄႈမၼ်းတၵ်းလႆႈၶိုၼ်းၸူးၵႃႈတီႈလိၼ်ဢၼ်တူဝ်ၸဝ်ႈၵဝ်ႇပိူင်ႇၼၼ်ႉဢေႃႈ။- 28ပေႃးမၼ်းဢမ်ႇၶိုၼ်းပၼ်လႆႈၸိုင်၊ ဢၼ်မၼ်းၶၢႆမႃးယဝ်ႉၼၼ်ႉ တၵ်းလႆႈမီးယူႇၵႃႈၼႂ်းမိုဝ်းၵေႃႉဢၼ်သိုဝ်ႉဢဝ်ၼၼ်ႉ တေႃႇထိုင်ႁွတ်ႈပီႊယူႉပီႉလီႉၼၼ်ႉဢေႃႈ။ ၼႂ်းပီႊယူႉပီႉလီႉၼၼ်ႉ၊ တၵ်းလႆႈလွတ်ႈသေၵႃႈၼႂ်းမိုဝ်းၵေႃႉၼၼ်ႉလႄႈ မၼ်းတၵ်းလႆႈၶိုၼ်းၸူးၵႃႈတီႈလိၼ်ဢၼ်တူဝ်ၸဝ်ႈၵဝ်ႇပိူင်ႇၼၼ်ႉဢေႃႈ။
29ပေႃးသေၵေႃႉသေၵူၼ်း ၶၢႆႁိူၼ်းဢၼ်မီးၵႃႈၼႂ်းဝဵင်းဢၼ်မီးလမ်းဝဵင်းၼၼ်ႉၸိုင်၊ မၼ်းတၵ်းလႆႈမီးဢၶႂၢင်ႉ ဢၼ်လႆႈထုတ်ႇဢဝ်ၵႃႈၼႂ်းပီႊၼိုင်ႈဢေႃႈ။ ၵႃႈၼႂ်းပီႊၼိုင်ႈၼၼ်ႉၵူၺ်း မၼ်းတၵ်းလႆႈမီးဢၶႂၢင်ႉဢၼ်ထုတ်ႇဢဝ်ဢေႃႈ။- 30ပေႃးဢမ်ႇထုတ်ႇဢဝ်ၵႃႈၼႂ်းပီႊၼိုင်ႈၼၼ်ႉၸိုင်၊ ႁိူၼ်းဢၼ်မီးၵႃႈၼႂ်းဝဵင်းဢၼ်မီးလမ်းဝဵင်းၼၼ်ႉ တၵ်းလႆႈပဵၼ်တီႈဢၼ်ၵေႃႉဢၼ်သိုဝ်ႉဢဝ်ၼၼ်ႉ တၵ်းလႆႈပိူင်ႇဢဝ်ယူႇသေႇသေႇ တေႃႇထိုင်ႁွတ်ႈၸူဝ်ႈလုၵ်ႈပၢၼ်လၢၼ်မၼ်းဢေႃႈ။ ပိၵ်ႉသမ်ႉပီႊယူႉပီႉလီႉ ႁွတ်ႈထိုင်သေၵေႃႈ ဢမ်ႇလႆႈလွတ်ႈသေၵႃႈၼႂ်းမိုဝ်းမၼ်း။- 31ႁိူၼ်းဢၼ်မီးၵႃႈတီႈဝၢၼ်ႈဢၼ်ဢမ်ႇမီးလမ်းဝဵင်းၸိူဝ်းၼၼ်ႉၸိုင်၊ တၵ်းလႆႈမၢတ်ႈပဵၼ်ၸိူဝ်ႉၼင်ႇႁႆႊၼင်ႇၼႃးလႄႈ မီးဢၶႂၢင်ႉဢၼ်လႆႈထုတ်ႇဢဝ်ဢေႃႈ။ မိူဝ်ႈဢၼ်ႁွတ်ႈထိုင်ပီႊယူႉပီႉလီႉၼၼ်ႉ၊ တၵ်းလႆႈလွတ်ႈသေၵႃႈၼႂ်းမိုဝ်းဢေႃႈ။- 32ၼႂ်းဝႃႈၼၼ်သေၵေႃႈ ဝဵင်းၵူၼ်းမဵဝ်းလေႇဝီႉ ဢိၵ်ႇတင်းႁိူၼ်းဝဵင်းဢၼ်ၶဝ်ပိူင်ႇၸိူဝ်းၼၼ်ႉၸိုင်၊- 33ၶိင်ႇၵႃႇလႃႉမိူဝ်ႈလႂ်ဢမ်ႇဝႃႈ၊ မီးဢၶႂၢင်ႉဢၼ်လႆႈထုတ်ႇဢဝ်ဢေႃႈ။ ပေႃးသေၵေႃႉသေၵူၼ်း သိုဝ်ႉဢဝ်တီႈၵူၼ်းမဵဝ်းလေႇဝီႉၸိူဝ်းၼၼ်ႉၸိုင်၊ ႁိူၼ်းဢၼ်မၼ်းၶၢႆပၼ် ဢိၵ်ႇတင်းဝဵင်းဢၼ်မၼ်းပိူင်ႇၸိူဝ်းၼၼ်ႉ၊ မိူဝ်ႈဢၼ်ႁွတ်ႈထိုင်ပီႊယူႉပီႉလီႉၼၼ်ႉၸိုင်၊ တၵ်းလႆႈလွတ်ႈသေၵႃႈၼႂ်းမိုဝ်းဢေႃႈ။ လွင်ႈမၼ်းၸမ်ႉ ႁိူၼ်းဝဵင်းၵူၼ်းမဵဝ်းလေႇဝီႉတင်းလၢႆၼၼ်ႉၸိူဝ်းၼၼ်ႉ ပဵၼ်တီႈဢၼ်ၶဝ်လႆႈပိူင်ႇဢဝ်ၵႃႈၼႂ်းၵူၼ်းမဵဝ်းဢီႉသရေႇလႃႉတင်းလၢႆဢေႃႈ။- 34ၼႂ်းဝႃႈၼၼ်သေၵေႃႈ ႁႆႊၼႃးဢၼ်မီးၵႃႈတီႈႁိမ်းဝဵင်းၶဝ်ၼၼ်ႉၸိုင်၊ ဢမ်ႇလႆႈၶၢႆ။ ပဵၼ်တီႈဢၼ်ၶဝ် တၵ်းလႆႈပိူင်ႇယူႇသေႇသေႇဢေႃႈ။
တၢင်းဢၼ်ႁႂ်ႈၵူၼ်းၽၢၼ်ၵူႈယိမ်
35ပေႃးၵူၼ်းမဵဝ်းၸိူဝ်ႉၶိူဝ်းလဵဝ်ၵၼ်တင်းမႂ်းၼၼ်ႉယၢၵ်ႈၽၢၼ်လႄႈ ႁႅင်းမိုဝ်းဢူၼ်ႈၵႂႃႇၸိုင်၊ မႂ်းတၵ်းလႆႈၸွႆႈထႅမ်မႃႉၸႃႉမၼ်းဢေႃႈ။ မၼ်းတၵ်းလႆႈယူႇၵႃႈတီႈမႂ်းမိူၼ်ၸိူဝ်ႉၼင်ႇ ၶႅၵ်ႇဢႃႇၵၼ်ႇတူႉ ၵူၼ်းတၢင်ႇၸိူဝ်ႉတၢင်ႇၶိူဝ်းၼၼ်ႉဢေႃႈ။- 36မႂ်းဢမ်ႇလႆႈဢဝ်ဢတူဝ်းဢမျၢတ်ႈတီႈမၼ်း။ လွင်ႈၼင်ႇႁိုဝ်ၵူၼ်းမဵဝ်းၸိူဝ်ႉၶိူဝ်းလဵဝ်ၵၼ်တင်းမႂ်းၼၼ်ႉ တၵ်းလႆႈယူႇၵႃႈတီႈမႂ်းၸိုင်၊ ၵူဝ်ႁႄၽြႃးပဵၼ်ၸဝ်ႈမႂ်းတႃႉ။- 37မႂ်းဢမ်ႇလႆႈၵိူဝ်းလႆႈၶီႈမၼ်းသေလႄႈ ပၼ်ၵူႈပၼ်ယိမ်ငိုၼ်းတီႈၵေႃႉၼၼ်ႉ။ မႂ်းဢမ်ႇလႆႈၵိူဝ်းလႆႈဢတူဝ်းဢမျၢတ်ႈမၼ်းသေလႄႈ ပၼ်ၵူႈပၼ်ယိမ်တၢင်းၵိၼ်တၢင်းၶူပ်းတီႈၵေႃႉၼၼ်ႉ။- 38ၵဝ်ထႃႇဝရႃႉၽြႃး ၽြႃးပဵၼ်ၸဝ်ႈသူ ဢၼ်ၼုၵ်ႈဢဝ်သူဢွၵ်ႇသေၵႃႈၼႂ်းမိူင်းဢေႇၵိပ်ႉတူႉမႃးႁႂ်ႈလႆႈဢဝ်မိူင်းၶႃႇၼၢၼ်ႇ ပၼ်တီႈသူလႄႈ ပဵၼ်ၽြႃးပဵၼ်ၸဝ်ႈသူဢေႃႈ။
တၢင်းဢၼ်ၶိုၼ်းပွႆႇၶႃႈ
39ပေႃးၵူၼ်းမဵဝ်းၸိူဝ်ႉၶိူဝ်းလဵဝ်ၵၼ်တင်းမႂ်းၼၼ်ႉယၢၵ်ႈၽၢၼ်လႄႈ ဢဝ်တူဝ်ၸဝ်ႈၵဝ်ႇၶၢႆပၼ်တီႈမႂ်းၸိုင်၊ မႂ်းဢမ်ႇလႆႈႁႂ်ႈမၼ်းၶၢမ်ႇတၢင်းၸႂ်ႉတၢင်းသွႆ မိူၼ်ၸိူဝ်ႉၼင်ႇၶႃႈ ဢၼ်ၶၢမ်ႇတၢင်းၸႂ်ႉတၢင်းသွႆၼၼ်ႉ။- 40မၼ်းၼၼ်ႉတၵ်းလႆႈယူႇၵႃႈတီႈမႂ်းမိူၼ်ၸိူဝ်ႉၼင်ႇၵူၼ်းၵိၼ်ၸၢင်ႈၵိၼ်ငႃ ဢိၵ်ႇတင်းမိူၼ်ၸိူဝ်ႉၼင်ႇၶႅၵ်ႇဢႃႇၵၼ်ႇတူႉၼၼ်ႉလႄႈ ၶၢမ်ႇတၢင်းၸႂ်ႉတၢင်းသွႆတီႈမႂ်းတေႃႇထိုင်ႁွတ်ႈပီႊယူႉပီႉလီႉၼၼ်ႉဢေႃႈ။- 41မိူဝ်ႈၼၼ်ႉ မၼ်းဢိၵ်ႇလူၺ်ႈၵၼ်တင်းလုၵ်ႈလၢင်းမၼ်းတင်းလၢႆ တၵ်းလႆႈဢွၵ်ႇသေၵႃႈတီႈမႂ်းလႄႈ ၶိုၼ်းၸူးၵႃႈတီႈပီႈၼွင်ႉၸိူဝ်ႉၶိူဝ်းမၼ်း ဢိၵ်ႇတင်းၵႃႈတီႈလိၼ်ဢၼ်ပူႇမၼ်းမွၼ်ႇမၼ်းပိူင်ႇၼၼ်ႉဢေႃႈ။- 42လွင်ႈမၼ်းၸမ်ႉ ၶဝ်ၼၼ်ႉပဵၼ်ၶႃႈၵဝ် ဢၼ်ၵဝ်ၼုၵ်ႈဢဝ်ဢွၵ်ႇသေၵႃႈၼႂ်းမိူင်းဢေႇၵိပ်ႉတူႉမႃးၼၼ်ႉလႄႈ ဢမ်ႇလႆႈၶၢႆႁႂ်ႈၶဝ်လႆႈပဵၼ်ၶႃႈ ဢၼ်ၶၢမ်ႇတၢင်းၸႂ်ႉတၢင်းသွႆ။- 43မႂ်းဢမ်ႇလႆႈၸီႇယၢင်ႇယၢပ်ႇယဵၼ်းၼႃႇလူင်လၢင်တီႈမၼ်း။ မႂ်းတၵ်းလႆႈၵူဝ်ႁႄၽြႃးပဵၼ်ၸဝ်ႈမႂ်းဢေႃႈ။- 44ၶႃႈၸႂ်ႉၶႃႈသွႆလႂ်၊ ၶႃႈမႄႈယိင်းလႂ်ဢၼ်သူတၵ်းလႆႈမီးၼၼ်ႉၸမ်ႉ၊ မႂ်းတၵ်းလႆႈသိုဝ်ႉဢဝ် ၶႃႈၸႂ်ႉၶႃႈသွႆလႂ်၊ ၶႃႈမႄႈယိင်းလႂ် ၵႃႈၼႂ်းၵူၼ်းတၢင်ႇၸိူဝ်ႉတၢင်ႇၶိူဝ်းဢၼ်ယူႇလဵပ်ႈႁွပ်ႈမႂ်းယူႇ ၵူႈၽၢႆႇၵူႈပႃႈၸိူဝ်းၼၼ်ႉဢေႃႈ။- 45လိူဝ်သေၼၼ်ႉ သူတၵ်းလႆႈသိုဝ်ႉဢဝ်ၵႃႈၼႂ်းလုၵ်ႈလၢင်းၵူၼ်းတၢင်ႇဝၢၼ်ႈတၢင်ႇမိူင်း ဢၼ်သွၼ်ႈပိုင်ႈယူႇၵႃႈတီႈသူ ဢိၵ်ႇတင်းၵႃႈၼႂ်းႁိူၼ်းၼႂ်းယေးၶဝ် ဢၼ်ၶဝ်လႆႈၵႃႈတီႈမိူင်းသူလႄႈ ယူႇၵႃႈတီႈသူၸိူဝ်းၼၼ်ႉဢေႃႈ။- 46ၶဝ်ၼၼ်ႉ တၵ်းလႆႈပဵၼ်တီႈဢၼ်သူလႆႈပိူင်ႇဢေႃႈ။ သူတၵ်းလႆႈဢဝ်ၶဝ်ပုၼ်ႈဢၼ်လုၵ်ႈလၢၼ်သူဢၼ် ပေႃႇမႃးလိုၼ်းလင်သူၼၼ်ႉ တၵ်းလႆႈၶၢမ်ႇဢမူၺ်ႇလႄႈပိူင်ႇဢေႃႈ။ သူတၵ်းလႆႈဢဝ်ၵႃႈၼႂ်းၶဝ်ၼၼ်ႉ ႁဵတ်းၶႃႈၸႂ်ႉၶႃႈသွႆယူႇသေႇသေႇဢေႃႈ။ ၵူၺ်းၵႃႈ တီႈၵူၼ်းမဵဝ်းၸိူဝ်ႉၶိူဝ်းလဵဝ်ၵၼ်တင်းမႂ်းဢၼ်ဝႃႈ ၵူၼ်းမဵဝ်းဢီႉသရေႇလႃႉ တင်းလၢႆၼၼ်ႉၸိုင်၊ သူၵေႃႉၼိုင်ႈလႄႈၵေႃႉၼိုင်ႈ ဢမ်ႇလႆႈၸီႇယၢင်ႇယၢပ်ႇယဵၼ်းၼႃႇလူင်လၢင်တီႈၵၼ်။
47ပေႃးၵူၼ်းတၢင်ႇဝၢၼ်ႈတၢင်ႇမိူင်း၊ ဢမ်ႇၼၼ် ၶႅၵ်ႇဢႃႇၵၼ်ႇတူႉ ဢၼ်သွၼ်ႈပိုင်ႈယူႇၵႃႈတီႈမႂ်းၸိူဝ်းၼၼ်ႉ ၸၢင်ႈမၢၵ်ႈၸၢင်ႈမီးလႄႈ ၵူၼ်းမဵဝ်းၸိူဝ်ႉၶိူဝ်းလဵဝ်ၵၼ်တင်းမႂ်းယၢၵ်ႈၽၢၼ်ၵႃႈတီႈႁိမ်းမၼ်းလႄႈ ဢဝ်တူဝ်ၸဝ်ႈၵဝ်ႇၶၢႆပၼ်တီႈၵူၼ်းတၢင်ႇဝၢၼ်ႈတၢင်ႇမိူင်း၊ ဢမ်ႇၼၼ် တီႈၶႅၵ်ႇဢႃႇၵၼ်ႇတူႉ ဢၼ်သွၼ်ႈပိုင်ႈယူႇၵႃႈႁိမ်းမႂ်းၼၼ်ႉ ဢမ်ႇၼၼ် တီႈလုၵ်ႈလၢၼ်ၵူၼ်းတၢင်ႇဝၢၼ်ႈတၢင်ႇမိူင်းၼၼ်ႉၸိုင်၊- 48လိုၼ်းသေမၼ်းၶၢႆပၼ်ၼၼ်ႉသေယဝ်ႉ၊ တၵ်းလႆႈမီးဢၶႂၢင်ႉဢၼ်လႆႈထုတ်ႇဢဝ်ဢေႃႈ။ ပီႈဢၢႆႈၼွင်ႉၸၢႆးမၼ်းသေၵေႃႉၵေႃႉ တၵ်းလႆႈထုတ်ႇဢဝ်မၼ်းဢေႃႈ။- 49ဢမ်ႇၼၼ်ၵေႃႈ ပေႃႈၼႃႉ ပေႃႈဢႃမၼ်း၊ ဢမ်ႇၼၼ်ၵေႃႈ လုၵ်ႈပီႈလုၵ်ႈၼွင်ႉမၼ်း၊ ဢမ်ႇၼၼ်ၵေႃႈ ပီႈၼွင်ႉၸိူဝ်ႉၶိူဝ်းဢွၵ်ႇမၼ်း သေၵေႃႉသေၵူၼ်းၼၼ်ႉ တၵ်းလႆႈထုတ်ႇဢဝ်မၼ်းဢေႃႈ။ ပေႃးတူဝ်မၼ်းၶိုၼ်းမၢၵ်ႈၶိုၼ်းမီးမႃးၸိုင်၊ တူဝ်မၼ်း တၵ်းလႆႈထုတ်ႇဢဝ် တူဝ်မၼ်းဢေႃႈ။- 50မၼ်းတၵ်းလႆႈၼပ်ႉဢၢၼ်ႇပီႊ ၸႃႉၸဵမ်ပီႊဢၼ်မၼ်းဢဝ်တူဝ်ၸဝ်ႈၵဝ်ႇၶၢႆပၼ်ၼၼ်ႉလႄႈ တေႃႇထိုင်ႁွတ်ႈ ပီႊယူႉပီႉလီႉၼၼ်ႉ လူၺ်ႈၵၼ်တင်းၵေႃႉဢၼ်သိုဝ်ႉဢဝ်မၼ်းၼၼ်ႉသေလႄႈ ၵႃႈၶၼ်ဢၼ်မၼ်းတၵ်းလႆႈပၼ်ၼၼ်ႉ မၼ်းတၵ်းလႆႈၸွမ်းလူၺ်ႈပီႊၼမ်ပီႊၵေႇၼၼ်ႉဢေႃႈ။ တၵ်းလႆႈပဵၼ်ၸွမ်းလူၺ်ႈၶိင်ႇၵႃႇလႃႉ ဢၼ်ၵူၼ်းၵိၼ်ၸၢင်ႈၵိၼ်ငႃ ႁဵတ်းၼၼ်ႉဢေႃႈ။- 51ပေႃးပီႊယင်းၵိုတ်းၼမ်ၸိုင်၊ မၼ်းတၵ်းလႆႈၸွမ်းလူၺ်ႈပီႊၸိူဝ်းၼၼ်ႉလႄႈ ဢဝ်ၵႃႈၶၼ်ဢၼ်တၵ်းထုတ်ႇဢဝ်တူဝ်မၼ်းၼၼ်ႉ ၼုၵ်ႈဢဝ်ၵႃႈၼႂ်းငိုၼ်းဢၼ်လႆႈသိုဝ်ႉဢဝ်မၼ်းယဝ်ႉၼၼ်ႉသေလႄႈ ၶိုၼ်းပၼ်ဢေႃႈ။- 52ၸူဝ်ႈဢၼ်ဢမ်ႇပႆႇႁွတ်ႈထိုင် ပီႊယူႉပီႉလီႉၼၼ်ႉ ပေႃးယင်းၵိုတ်းပီႊၵေႇၸိုင်၊ မၼ်းတၵ်းလႆႈၼပ်ႉဢၢၼ်ႇလူၺ်ႈၵၼ်တင်းၵေႃႉၼၼ်ႉလႄႈ ၸွမ်းလူၺ်ႈ ပီႊၸိူဝ်းၼၼ်ႉသေလႄႈ ဢဝ်ၵႃႈၶၼ်ဢၼ်တၵ်းထုတ်ႇဢဝ်ၼၼ်ႉၶိုၼ်းပၼ်ဢေႃႈ။- 53မၼ်းတၵ်းလႆႈယူႇလူၺ်ႈၵၼ်တင်းၵေႃႉၼၼ်ႉ ပီႊၼိုင်ႈယဝ်ႉပီႊၼိုင်ႈမိူၼ်ၸိူဝ်ႉၼင်ႇၵူၼ်းၵိၼ်ၸၢင်ႈၵိၼ်ငႃၼၼ်ႉဢေႃႈ။ ၵေႃႉၼၼ်ႉဢမ်ႇလႆႈၸီႇယၢင်ႇမၼ်းယၢပ်ႇယဵၼ်းၼႃႇလူင်လၢင်တီႈမၼ်း သိုဝ်ႈၼႃႈတႂ်ႈတႃမႂ်း။- 54ပေႃးမၼ်းဢမ်ႇၶၢမ်ႇတၢင်းဢၼ် ၶဝ်ၸိူဝ်ႉၼင်ႇၼၼ်ထုတ်ႇဢဝ်ၸိုင်၊ မိူဝ်ႈဢၼ်ႁွတ်ႈထိုင်ပီႊယူႉပီႉလီႉၼၼ်ႉ၊ မၼ်းဢိၵ်ႇတင်းလုၵ်ႈလၢင်းမၼ်းတင်းလၢႆ တၵ်းလႆႈလွတ်ႈသေၵႃႈၼႂ်းမိုဝ်းၵေႃႉၼၼ်ႉဢေႃႈ။- 55လွင်ႈမၼ်းၸမ်ႉ ၵူၼ်းမဵဝ်းဢီႉသရေႇလႃႉတင်းလၢႆ ပဵၼ်ၶႃႈၵဝ်ဢေႃႈ။ ပဵၼ်ၶႃႈၵဝ်ဢၼ်ၵဝ်ၼုၵ်ႈဢဝ်ဢွၵ်ႇသေ ၵႃႈၼႂ်းမိူင်းဢေႇၵိပ်ႉတူႉမႃးၼၼ်ႉဢေႃႈ။ ၵဝ်ပဵၼ်ထႃႇဝရႃႉၽြႃး ၽြႃးပဵၼ်ၸဝ်ႈသူဢေႃႈ။
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship