ႁဵတ်းဝၢတ်ႈ 26
26
တၢင်းလီမင်ႇၵလႃႇၵွပ်ႈပိူဝ်ႈထွမ်ႇဢဝ်
(တူၺ်း၊ ႁေႃး 7:12-24။ ႁေႃး 28:1-14)
1သူဢမ်ႇလႆႈႁဵတ်းရုၵ်ႈထူႉပုၼ်ႈတူဝ်ၸဝ်ႈၵဝ်ႇ။ သူဢမ်ႇလႆႈပူၵ်းတင်ႈႁၢင်ႈဢၼ်တွင်ႈႁဵတ်းၶၵ်းႁဵတ်းၼၼ်ႉ ပုၼ်ႈတူဝ်ၸဝ်ႈၵဝ်ႇ။ သူဢမ်ႇလႆႈပၵ်းဝႆႉသဝ်တီႈၵူဝ်းၵႂၢႆႇၼၼ်ႉ။ သူဢမ်ႇလႆႈပူၵ်းလႆႈတင်ႈမၢၵ်ႇႁိၼ်ဢၼ်တွင်ႈႁဵတ်းၼၼ်ႉ ၵႃႈၼႂ်းမိူင်းသူၼၼ်ႉ။ ၵဝ်ပဵၼ်ထႃႇဝရႃႉၽြႃး ၽြႃးပဵၼ်ၸဝ်ႈသူဢေႃႈ။
2သူတၵ်းလႆႈၵမ်ဝၼ်းၵမ်သိၼ်ၵဝ်တင်းလၢႆလႄႈ ရူဝ်ႇသေႇၵူဝ်ယမ်ထႃႇၼႃႉတီႈမူတ်းၸၢင်ႇၵဝ်ဢေႃႈ။ ၵဝ်ပဵၼ်ထႃႇဝရႃႉၽြႃးဢေႃႈ။
3ပေႃးသူၸွမ်းသဵၼ်ႈတၢင်းထုင်းၽိင်ႈတြႃးၵဝ်လႄႈ ပႂ်ႉပိင်းၺၢပ်ႈၵဝ်တင်းလၢႆသေလႄႈ ၵမ်ၵျၢင်ႉယူႇၸိုင်၊- 4ၵဝ်တၵ်းႁႂ်ႈၽူၼ်တူၵ်းပုၼ်ႈသူၼႂ်းၶိင်ႇမၼ်းမိူဝ်ႈမၼ်းလႄႈ လိၼ်တၵ်းဢဝ်ၽၼ်ႇတႃႇတူဝ်ၸဝ်ႈၵဝ်ႇပၼ်လႄႈ တူၼ်ႈမႆႉသူၼ်ဢူးယဵၼ်ႇတင်းလၢႆ တၵ်းမၢၵ်ႇမၢၵ်ႇမၼ်းဢေႃႈ။- 5လွင်ႈတၢင်းဢၼ်ယဵပ်ႇၶဝ်ႈပေႃႉၶဝ်ႈၼၼ်ႉ တၵ်းလႆႈၶိုတ်းထိုင်ၶိင်ႇဢၼ်ဝိတ်းမၢၵ်ႇၸပိတ်ႈလႄႈ လွင်ႈတၢင်းဢၼ်ဝိတ်းမၢၵ်ႇၸပိတ်ႈၼၼ်ႉ တၵ်းလႆႈၶိုတ်းထိုင်ၶိင်ႇဢၼ်ဝၢၼ်ႇၸိူဝ်ႉဝၢၼ်ႇၽၼ်းဢေႃႈ။ သူတၵ်းလႆႈၵိၼ်ဢိမ်ႇၵိၼ်တဵမ်လႄႈ ၵၢင်းလွတ်ႈတင်းၽေးသေလႄႈ ယူႇၵႃႈၼႂ်းမိူင်းတူဝ်ၸဝ်ႈၵဝ်ႇဢေႃႈ။- 6ၵဝ်တၵ်းႁႂ်ႈဢမူႉသိုၵ်းထၢတ်ႇယဵၼ်သေၵႃႈတီႈမိူင်းသူလႄႈ၊ သူယင်းဢမ်ႇမီးၵေႃႉဢၼ်လွၵ်ႇဢၼ်ငိုတ်ႈလႄႈ တၵ်းလႆႈၼွၼ်းဢေႃႈ။ တူဝ်ထိူၼ်ႇဢၼ်ႁၢႆႉတင်းလၢႆၵေႃႈ ၵဝ်တၵ်းပႄႇပႅတ်ႈသေၵႃႈၼႂ်းမိူင်းဢေႃႈ။ ၽေးလၢပ်ႇၽေးမိတ်ႈ ဢမ်ႇလႆႈၽႃႇလႆႈလတ်းၵႃႈၼႂ်းမိူင်းသူ။- 7သူတၵ်းလိုပ်ႈလမ်းၸွမ်းရၢၼ်ႇသူႇသူလႄႈ ၶဝ်တၵ်းလူမ်ႉတၵ်းတူၵ်းလူၺ်ႈလၢပ်ႇလူၺ်ႈလႅဝ်း ၵႃႈတီႈၽၢႆႇၼႃႈသူဢေႃႈ။- 8ၵူၼ်းၵႃႈၼႂ်းသူႁႃႈၵေႃႉ တၵ်းလိုပ်ႈလမ်းၸွမ်းၵူၼ်းပၢၵ်ႇၼိုင်ႈဢေႃႈ။ ၵူၼ်းပၢၵ်ႇၼိုင်ႈ တၵ်းလိုပ်ႈလမ်းၸွမ်းၵူၼ်းမိုၼ်ႇၼိုင်ႈလႄႈ ရၢၼ်ႇသူႇသူတၵ်းလူမ်ႉတၵ်းတူၵ်းလူၺ်ႈလၢပ်ႇလူၺ်ႈလႅဝ်း ၵႃႈတီႈၽၢႆႇၼႃႈသူဢေႃႈ။- 9ၵဝ်တၵ်းပႂ်ႉၸွႆႈပႂ်ႉထႅမ်သူယူႇလႄႈ ႁႂ်ႈသူၵိူတ်ႇလဵင်ႉလုၵ်ႈလဵင်ႉလၢင်းမႃး ႁႂ်ႈသူယႂ်ႇၽႄႈၼမ်ၵိုၼ်းမႃးလႄႈ ႁႂ်ႈပတီႉၺိၺ်ႇဢၼ်ၵဝ်ႁဵတ်းလူၺ်ႈၵၼ်တင်းသူၼၼ်ႉမၼ်ႈၶိူင်ႇဢေႃႈ။- 10သူတၵ်းၵိၼ်ၶဝ်ႈပိူၵ်ႇဢၼ်ၵဝ်ႇ ဢၼ်သိမ်းဝႆႉၼၼ်ႉယူႇလႄႈ လႆႈဢဝ်ၶဝ်ႈပိူၵ်ႇဢၼ်ၵဝ်ႇၼၼ်ႉ ဢွၵ်ႇပႅတ်ႈၵွပ်ႈပိူဝ်ႈဢၼ် ၶဝ်ႈပိူၵ်ႇဢၼ်မႂ်ႇဢေႃႈ။- 11ၵဝ်တၵ်းတႄႇသုမ်ႉထဵင်ၵဝ်ယူႇၵႃႈၼႂ်းသူလႄႈ တၵ်းဢမ်ႇမီးတၢင်းဢၼ်လီႁင်ႈဢဵတ်ႇသဵတ်ႇသူ၊- 12ၵဝ်တၵ်းလႄႇၵႂႃႇလႄႇမႃးၵႃႈၼႂ်းသူလႄႈ ပဵၼ်ၽြႃးပဵၼ်ၸဝ်ႈသူဢေႃႈ။ သူၵေႃႈတၵ်းပဵၼ်ၵူၼ်းၵဝ်ဢေႃႈ။- 13ၵဝ်ပဵၼ်ထႃႇဝရႃႉၽြႃး ၽြႃးပဵၼ်ၸဝ်ႈသူ ဢၼ်ၼုၵ်ႈဢဝ်သူဢွၵ်ႇသေၵႃႈၼႂ်းမိူင်းဢေႇၵိပ်ႉတူႉမႃး ပုၼ်ႈလွင်ႈၼင်ႇႁိုဝ် သူတၵ်းဢမ်ႇလႆႈပဵၼ်ၶႃႈၸႂ်ႉၶႃႈသွႆၶဝ်ၼၼ်ႉဢေႃႈ။ ၵဝ်တႅပ်းၸိူၵ်ႈၵၢၼ်းၸိူၵ်ႈဢႅၵ်ႇသူပႅတ်ႈလႄႈ ႁႂ်ႈသူပူၵ်းတင်ႈၵႂႃႇသိုဝ်ႈသိုဝ်ႈယဝ်ႉ။
ဢပႅတ်ႈတၢမ်ႇၵွပ်ႈပိူဝ်ႈဢမ်ႇထွမ်ႇဢဝ်
(တူၺ်း၊ ႁေႃး 28:15-68)
14ပေႃးသူဢမ်ႇထွမ်ႇဢဝ်ၵႂၢမ်းၵဝ်၊ ဢမ်ႇပႂ်ႉၸွမ်းပိင်းၺၢပ်ႈၼႆႉတင်းသဵင်ႈတင်းလူင်၊- 15ႁဵတ်းဢမ်ႇပေႃးၼင်ႇႁိုဝ်တီႈထုင်းၽိင်ႈတြႃးၵဝ်၊ လီႁင်ႈဢဵတ်ႇသဵတ်ႇတၢင်းဢၼ်ၵဝ်ၸီႇယၢင်ႇဝႆႉတင်း လၢႆထၼ်ႈပေႃးဢမ်ႇၵမ်ဢမ်ႇၵျၢင်ႉပိင်းၺၢပ်ႈၵဝ်တင်းသဵင်ႈတင်းလူင်ယူႇသေလႄႈ ယႃႉသဵတ်ႈၸႃႇပတီႉၺိၺ်ႇၵဝ်ၼၼ်ႉပႅတ်ႈၸိုင်၊- 16လွင်ႈတၢင်းဢၼ်ၵဝ်တၵ်းလႆႈႁဵတ်းတီႈသူၸမ်ႉ၊ ၵဝ်တၵ်းၶၢၼ်းဝႆႉတၢင်းဢၼ်တူၵ်းၸႂ်ၵူဝ်ႁႄ ဢၼ်ဝႃႈတူႇလႃႇ၊ ၶႆႈၼၢဝ်ဢၼ်တၵ်းႁႂ်ႈမၢၵ်ႇတႃသူလူႉလႄႈ ႁႂ်ႈႁူဝ်ၸႂ်သူဢူၼ်ႈၵႂႃႇယွမ်းၵႂႃႇၼၼ်ႉ ၵႃႈၼိူဝ်သူဢေႃႈ။ ယင်းဢမ်ႇမီးဢၵျူဝ်းလႄႈ သူတၵ်းလႆႈဝၢၼ်ႇၸိူဝ်ႉဝၢၼ်ႇၽၼ်းဢေႃႈ။- 17ရၢၼ်ႇသူႇသူတင်းလၢႆ တၵ်းၵိၼ်မၢၵ်ႇၵိၼ်ႁူင်းမၼ်းဢေႃႈ။ ၵဝ်တၵ်းဝၢႆႇၼႃႈပႅတ်ႈသေသူလႄႈ ႁႂ်ႈသူတူၵ်းသုမ်းၵႃႈတီႈၽၢႆႇၼႃႈ ရၢၼ်ႇသူႇသူဢေႃႈ။ ၶဝ်ၸိူဝ်းဢၼ်ၸင်းသူၼၼ်ႉ တၵ်းလႆႈဢုပ်ႉပိူင်ႇၵႃႈၼိူဝ်သူလႄႈ ၽူႈလႂ်ယင်းဢမ်ႇလိုပ်ႈၸွမ်းလမ်းၸွမ်းလႄႈ သူတၵ်းပၢႆႈဢေႃႈ။- 18သူလႆႈၶၢမ်ႇထၢၼ်ႇၼၼ်ႉသေၵေႃႈ ပေႃးသူယင်းဢမ်ႇပႆႇထွမ်ႇဢဝ်ၵႂၢမ်းၵဝ်လႄႈယူႇၸိုင်၊ ၵွပ်ႈပိူဝ်ႈဢပႅတ်ႈသူၼၼ်ႉလႄႈ ၵဝ်တၵ်းပၼ်တၢမ်ႇၸဵတ်းပုၼ်ႈလူးၵွၼ်ႇဢေႃႈ။- 19ၵဝ်တၵ်းႁၵ်းမႃႇၼႃႉၸႂ်သုင်ႁႅင်းတၼ်းၶူဝ်းသူပႅတ်ႈဢေႃႈ။ ၵဝ်တၵ်းႁႂ်ႈၽႃႉၵၢင်ႁၢဝ်ပဵၼ်ၸိူဝ်ႉၼင်ႇလဵၵ်း၊ လိၼ်မိူင်းပဵၼ်ၸိူဝ်ႉၼင်ႇတွင်းလိူင်လႄႈ၊- 20သူတၵ်းဢဝ်ဢဵၼ်ႁႅင်းသူႁဵတ်းလၢႆလၢႆလွၵ်ႇလွၵ်ႇဢမ်ႇပွင်လွင်ႈၵႃႈသင်ဢေႃႈ။ လိၼ်သူတၵ်းဢမ်ႇဢဝ်ၽၼ်ႇတႃႇ တူဝ်ၸဝ်ႈၵဝ်ႇပၼ်တီႈသူ။ တူၼ်ႈမႆႉသူၼ်ဢူးယဵၼ်ႇသူတၵ်းဢမ်ႇမၢၵ်ႇမၢၵ်ႇ။
21ပေႃးသူႁဵတ်းတၢင်းဢၼ်ၶတ်းၵၼ်တင်းၵဝ်လႄႈ ဢမ်ႇထွမ်ႇဢဝ်ၵႂၢမ်းၵဝ်ၸိုင်၊ ၸွမ်းလူၺ်ႈဢပႅတ်ႈသူၼၼ်ႉသေလႄႈ ၵဝ်တၵ်းႁႂ်ႈၽေးလူင် ၸဵတ်းပုၼ်ႈတူၵ်းႁွတ်ႈၵႃႈၼိူဝ်သူဢေႃႈ။- 22ၵဝ်တၵ်းပွႆႇၸႂ်ႉတူဝ်ႁၢႆႉ၊ ဢၼ်တၵ်းၵၢပ်ႈဢဝ်လုၵ်ႈလၢင်းသူၵႂႃႇယူႇ၊ ယႃႉပႅတ်ႈတရိၵ်ႈသၢၼ်ႇသူယူႇသေလႄႈ ႁႂ်ႈသူလဵၵ်ႉၵႂႃႇၵေႇၵႂႃႇၼၼ်ႉၵႃႈၼႂ်းသူလႄႈ သဵၼ်ႈတၢင်းဢၼ်သူၵႂႃႇမႃးၸိူဝ်းၼၼ်ႉ တၵ်းပဵၼ်တီႈဢၼ်သဵတ်ႇၵူၼ်းယဵၼ်ၵူၼ်းၵႂႃႇဢေႃႈ။- 23သူလႆႈၶၢမ်ႇၸိူဝ်ႉၼင်ႇၼၼ်သေၵေႃႈ ပေႃးသူဢမ်ႇလႆႈသတီႉၵွပ်ႈပိူဝ်ႈၵဝ်လႄႈ ယင်းႁဵတ်းတၢင်းဢၼ်ၶတ်းၵၼ်တင်းၵဝ်ယူႇၸိုင်၊- 24ၵဝ်ၵေႃႈတၵ်းႁဵတ်းတၢင်းဢၼ်ၶတ်းၵၼ်တင်းသူလႄႈ ပၼ်တၢမ်ႇၸဵတ်းပုၼ်ႈ ၵွပ်ႈပိူဝ်ႈဢပႅတ်ႈသူၼၼ်ႉ လူးၵွၼ်ႇဢေႃႈ။- 25ၵဝ်တၵ်းႁႂ်ႈၽေးလၢပ်ႇ ဢၼ်လႆႈယူႇၽၢႆႇပတီႉၺိၺ်ႇၵဝ်သေလႄႈ ၸီႇယၢင်ႇတြႃးၼၼ်ႉတူၵ်းႁွတ်ႈၵႃႈၼိူဝ်သူဢေႃႈ။ မိူဝ်ႈဢၼ်သူယင်းၸူႉၵၼ်တုမ်ၵၼ်ယူႇၵႃႈၼႂ်းဝဵင်းသူၼၼ်ႉၸိုင်၊ ၵဝ်တၵ်းပွႆႇၸႂ်ႉၽေးၵႃႇလႃႉႁႃႈလႅင်မိူင်းၵႃႈၼႂ်းသူလႄႈ ႁႂ်ႈသူႁွတ်ႈထိုင်ၵႃႈၼႂ်းမိုဝ်းရၢၼ်ႇသူႇသူဢေႃႈ။- 26မိူဝ်ႈဢၼ်ၵဝ်ပႄႇပႅတ်ႈ ဢၼ်ၵမ်ႉဢၼ်ထွၵ်ႈဢႁႃႇရႃႉတၢင်းၵိၼ်သူၼၼ်ႉၸိုင်၊ မႄႈယိင်းသိပ်းၼိုင်ႈတၵ်းဢွၼ်ၵၼ်ဢဝ် ၶဝ်ႈမုၼ်းသူၸီႇၽဝ် ၵႃႈတီႈၽီးၽႆးဢၼ်လဵဝ်ၵူၺ်းသေယဝ်ႉ၊ ဢဝ်ၶဝ်ႈမုၼ်းသူၼၼ်ႉၸင်ႈပၼ်ႁိဝ်ႈပၼ်လႄႈ သူဢမ်ႇလႆႈၵိၼ်ဢိမ်ႇၵိၼ်တဵမ်။- 27သူလႆႈၶၢမ်ႇထၢၼ်ႇၼၼ်ႉသေၵေႃႈ ပေႃးသူဢမ်ႇထွမ်ႇဢဝ်ၵႂၢမ်းၵဝ်လႄႈ ယင်းႁဵတ်းတၢင်းဢၼ်ၶတ်းၵၼ်တင်းၵဝ်ယူႇၸိုင်၊- 28ၵဝ်ၵေႃႈတၵ်းၸႂ်မႆႈၶႆႈၸႃႉႁႅင်းယႂ်ႇၼႃႇလူင်လၢင်ယူႇသေလႄႈ ႁဵတ်းတၢင်းဢၼ်ၶတ်းၵၼ်တင်းသူလႄႈ ပၼ်တၢမ်ႇၸဵတ်းပုၼ်ႈတီႈသူ ၵွပ်ႈပိူဝ်ႈဢပႅတ်ႈသူၼၼ်ႉလူးၵွၼ်ႇဢေႃႈ။- 29သူတၵ်းလႆႈၵိၼ်ၼိူဝ်ႉလုၵ်ႈၸၢႆးသူလႄႈ ၼိူဝ်ႉလုၵ်ႈယိင်းသူၵေႃႈ သူတၵ်းလႆႈၵိၼ်ဢေႃႈ။- 30ၵဝ်တၵ်းယႃႉၽဵဝ်ႈထႃႇၼႃႉတီႈသုင်သူၸိူဝ်းၼၼ်ႉပႅတ်ႈလႄႈ ၽၼ်းရုၵ်ႈထူႉၵၢင်ဝၼ်းသူၸိူဝ်းၼၼ်ႉလူမ်ႉပႅတ်ႈဢေႃႈ။ ၵဝ်တၵ်းဢဝ်တူဝ်တၢႆသူပႅတ်ႈတူၵ်းသႂ်ႇၵႃႈၼိူဝ်တူဝ်တၢႆရုၵ်ႈထူႉသူၸိူဝ်းၼၼ်ႉလႄႈ လီႁင်ႈဢဵတ်ႇသဵတ်ႇသူဢေႃႈ။- 31ၵဝ်တၵ်းယႃႉဝဵင်းသူၸိူဝ်းၼၼ်ႉပႅတ်ႈလႄႈ ၽဵဝ်ႈထႃႇၼႃႉတီႈမူတ်းၸၢင်ႇသူၸိူဝ်းၼၼ်ႉပႅတ်ႈသေဢေႃႈ။ ဢၼ်ႁွမ်ဢၼ်ႁူၺ်းၼၢမ်ႇသႃႇသူၼၼ်ႉၸိုင် ၵဝ်တၵ်းဢမ်ႇသုတ်ႇဢမ်ႇၼူမ်။- 32ၵဝ်တၵ်းၽဵဝ်ႈမိူင်းပႅတ်ႈသေလႄႈ ရၢၼ်ႇသူႇသူဢၼ်ယူႇၵႃႈၼႂ်းမၼ်းၸိူဝ်းၼၼ်ႉ တၵ်းဢွၼ်ၵၼ်ဢၢမ်းၼႃႇလူင်လၢင်လႄႈ ၵႂင်ၸႂ်ယူႇဢေႃႈ။- 33ၵဝ်တၵ်းႁႂ်ႈသူၽၢတ်ႇၽႄၵၼ်ၵႂႃႇၵူႈတီႈၵူႈလႅၼ် ၵႃႈၼႂ်းၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆလႄႈ၊ ထွတ်ႇလၢပ်ႇလိုပ်ႈလမ်းၸွမ်းသူၵႂႃႇဢေႃႈ။ မိူင်းသူၵေႃႈတၵ်းလႆႈမီးတၢင်းဢၼ်သဵတ်ႇၵူၼ်းယဵၼ်ၵူၼ်း၊ ဝဵင်းသူၸိူဝ်းၼၼ်ႉၵေႃႈ တၵ်းလႆႈမီးတၢင်းဢၼ်လူႉဢၼ်လႅဝ်ဢေႃႈ။- 34ၼင်ႇၼၼ်လႄႈ ၶိင်ႇၵႃႇလႃႉၼႂ်းမိူဝ်ႈဢၼ်မိူင်းသူ သဵတ်ႇၵူၼ်းယဵၼ်ၵူၼ်းယူႇၼၼ်ႉ၊ မိူင်းသူတၵ်းလႆႈမူၼ်ႈပျေႃႇၵႃႈတီႈ ဝၼ်းၵမ်သိၼ်မၼ်းလႄႈ သူၸိုင်တၵ်းလႆႈယူႇၵႃႈၼႂ်းမိူင်းရၢၼ်ႇသူႇသူဢေႃႈ။ မိူဝ်ႈၶိင်ႇၼၼ်ႉ မိူင်းတၵ်းလႆႈယူႇၼိမ်ၼိမ်လီလီလႄႈ မူၼ်ႈပျေႃႇယူႇၵႃႈတီႈဝၼ်းၵမ်သိၼ်မၼ်းဢေႃႈ။- 35ၶိင်ႇၵႃႇလႃႉၼႂ်းမိူဝ်ႈဢၼ်မၼ်းလႆႈယူႇ သဵတ်ႇၵူၼ်းယဵၼ်ၵူၼ်းၼၼ်ႉ၊ မၼ်းတၵ်းလႆႈမီးတၢင်းဢၼ်ယူႇၼိမ်ၼိမ်လီလီ ဢၼ်ဝႃႈတၢင်းဢၼ်ယူႇၼိမ်ၼိမ်လီလီ ဢၼ်မၼ်းဢမ်ႇလႆႈဢၶႂၢင်ႉ ၼႂ်းဝၼ်းၵမ်သိၼ်သူတင်းလၢႆ ၼႂ်းမိူဝ်ႈဢၼ်သူယင်းယူႇၵႃႈၼႂ်းမၼ်းယူႇၼၼ်ႉဢေႃႈ။- 36ၶဝ်ၸိူဝ်းဢၼ်ၵိုတ်းဢၼ်ၵျၢၼ်ႇၼႂ်းသူၼၼ်ႉၸမ်ႉ၊ ၵဝ်တၵ်းဢဝ်သၽေႃးဢၼ်တူၵ်းၸႂ်သႂ်ႇသႂၢင်းပၼ် ၵႃႈၼႂ်းႁူဝ်ၸႂ်ၶဝ် ၵႃႈၼႂ်းမိူင်းရၢၼ်ႇသူႇၶဝ်ၼၼ်ႉလႄႈ သဵင်မႂ်မႆႉဢၼ်တူင်ႉၼိုင်ၼၼ်ႉ တၵ်းၸွမ်းလွၵ်ႇၶဝ်လႄႈ ၶဝ်တၵ်းတိုၼ်ႇပၢႆႈမိူၼ်ၸိူဝ်ႉၼင်ႇဢၼ်ပၢႆႈၽေးလၢပ်ႇၽေးလႅဝ်းၼၼ်ႉဢေႃႈ။ ၽူႈလႂ်ဢမ်ႇလိုပ်ႈၸွမ်းသေၵေႃႈ တၵ်းလူမ်ႉဢေႃႈ။- 37ၽူႈလႂ်ယင်းဢမ်ႇလိုပ်ႈလမ်းၸွမ်းလႄႈ ၶဝ်ၵေႃႉၼိုင်ႈတၵ်းလူမ်ႉတူၵ်းသႂ်ႇၵႃႈၼိူဝ်ၵေႃႉၼိုင်ႈမိူၼ်ၸိူဝ်ႉၼင်ႇဢၼ် ပၢႆႈၽေးလၢပ်ႇၽေးလႅဝ်းၼၼ်ႉဢေႃႈ။ ဢမ်ႇလႆႈမီးတၼ်းၶူဝ်းဢၼ်ၸုၵ်းၶၢမ်ႇယူႇ ၵႃႈတီႈၽၢႆႇၼႃႈရၢၼ်ႇသူႇသူလႆႈၼၼ်ႉလႃးလႃး။- 38သူတၵ်းသုမ်းၸွမ်း ၵႃႈၼႂ်းၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆလႄႈ မိူင်းရၢၼ်ႇသူႇသူၼၼ်ႉတၵ်းဢိုၼ်ၵိၼ်သူဢေႃႈ။- 39ၶဝ်ၸိူဝ်းဢၼ်ၵိုတ်းဢၼ်ၵျၢၼ်ႇတီႈသူၼၼ်ႉ တၵ်းၶၢမ်ႇဢပႅတ်ႈတူဝ်ၸဝ်ႈၵဝ်ႇ ၵႃႈတီႈၼႂ်းမိူင်းရၢၼ်ႇသူႇသူၼၼ်ႉလႄႈ ႁႅင်းဢူၼ်ႈၵႂႃႇဢေႃႈ။ ဢပႅတ်ႈပူႇမွၼ်ႇၶဝ်ၼၼ်ႉၵေႃႈ ၶဝ်တၵ်းလႆႈၶၢမ်ႇလႄႈ ႁႅင်းဢူၼ်ႈၵႂႃႇလူၺ်ႈၵၼ် တင်းၶဝ်ၼၼ်ႉဢေႃႈ။- 40ၼႂ်းဝႃႈၼၼ်သေၵေႃႈ ပေႃးၶဝ်ၽုၺ်ႇဢွၵ်ႇၼႄပျႃးတွင်းပၢၼ်ႇဢပႅတ်ႈၶဝ် ဢပႅတ်ႈပူႇမွၼ်ႇၶဝ်တင်းလၢႆ ၼႂ်းတၢင်းဢၼ်ၽိတ်းပိူင်ႈ ဢၼ်ၶဝ်ၽိတ်းပိူင်ႈၵဝ်ၼၼ်ႉ၊- 41ဢိၵ်ႇတင်းလွင်ႈတၢင်းဢၼ်ၵဝ်ႁဵတ်းတၢင်းဢၼ်ၶတ်းၵၼ်တင်းၶဝ်လႄႈ ဢဝ်ၶဝ်ၵႂႃႇသူင်ႇၵႃႈတီႈမိူင်းရၢၼ်ႇသူႇၶဝ် ၵွပ်ႈပိူဝ်ႈဢၼ်ၶဝ်ႁဵတ်းတၢင်းဢၼ်ၶတ်းၵၼ်တင်းၵဝ်ၼၼ်ႉ၊ ပေႃးၶဝ်ဢဝ်ႁူဝ်ၸႂ်တူဝ်ၸဝ်ႈၵဝ်ႇ ဢၼ်ဢမ်ႇၶၢမ်ႇတၢင်းဢၼ်ထိူဝ်ႁိမ်းၼၼ်ႉ ၶျႃးတူၵ်းတီႈတႅမ်ႇလႄႈ ႁပ်ႉတုင်းဢဝ်တၢမ်ႇဢၼ်လႆႈၶၢမ်ႇၵွပ်ႈပိူဝ်ႈဢပႅတ်ႈတူဝ်ၸဝ်ႈၵဝ်ႇၼၼ်ႉၸိုင်၊- 42ၵဝ်တၵ်းၶုၵ်းၸႂ်လႆႈၶႆႈၸႂ်ထူပ်း ပတီႉၺိၺ်ႇဢၼ်ၵဝ်ႁဵတ်းလူၺ်ႈၵၼ်တင်းယႃႇၵုပ်ႈ၊ ပတီႉၺိၺ်ႇဢၼ်ၵဝ်ႁဵတ်းလူၺ်ႈၵၼ်တင်းဢီႉၸၢၵ်ႈ၊ ပတီႉၺိၺ်ႇဢၼ်ၵဝ်ႁဵတ်းလူၺ်ႈၵၼ်တင်းဢႃႇပြႃႇႁၢမ်ႇၼၼ်ႉဢေႃႈ။ မိူင်းၼၼ်ႉၵေႃႈ ၵဝ်တၵ်းၶုၵ်းၸႂ်လႆႈၶႆႈၸႂ်ထူပ်းဢေႃႈ။- 43မိူင်းၼၼ်ႉတၵ်းလွတ်ႈသေၵႃႈၼႂ်းမိုဝ်းၶဝ်လႄႈ ၶိင်ႇၵႃႇလႃႉၼႂ်းမိူဝ်ႈဢၼ်ၶဝ်ယင်းဢမ်ႇမီးလႄႈ သဵတ်ႇၵူၼ်းယဵၼ်ၵူၼ်းယူႇၼၼ်ႉၸိုင်၊ တၵ်းမူၼ်ႈပျေႃႇၵႃႈတီႈဝၼ်းၵမ်သိၼ်မၼ်းတင်းလၢႆဢေႃႈ။ ၶဝ်ၼၼ်ႉတၵ်းလႆႈႁပ်ႉတုင်းဢဝ်တၢမ်ႇဢပႅတ်ႈဢၼ်ၶဝ်လႆႈၶၢမ်ႇၼၼ်ႉ ၵွပ်ႈပိူဝ်ႈဢၼ်ၶဝ်ႁဵတ်းဢမ်ႇပေႃးၼင်ႇႁိုဝ် တီႈတၢင်းဢၼ်ၵဝ်ၸီႇယၢင်ႇဝႆႉၸိူဝ်းၼၼ်ႉလႄႈ လီႁင်ႈဢဵတ်ႇသဵတ်ႇထုင်းၽိင်ႈတြႃးၵဝ်ၸိူဝ်းၼၼ်ႉဢေႃႈ။- 44ၼႂ်းဝႃႈၼၼ်သေၵေႃႈ မိူဝ်ႈဢၼ်ၶဝ်ယူႇၵႃႈၼႂ်းမိူင်းရၢၼ်ႇသူႇၶဝ်ယူႇၼၼ်ႉ၊ ၵဝ်တၵ်းဢမ်ႇၸုၼ်ႉပႅတ်ႈၶဝ်၊ ၵဝ်တၵ်းဢမ်ႇလီႁင်ႈဢဵတ်ႇသဵတ်ႇၶဝ် ထၼ်ႈပေႃးယႃႉၶဝ်မူတ်းမူတ်းသဵင်ႈသဵင်ႈပႅတ်ႈလႄႈ ပႄႇပတီႉၺိၺ်ႇဢၼ်ၵဝ်ႁဵတ်းလူၺ်ႈၵၼ်တင်းၶဝ်ၼၼ်ႉပႅတ်ႈ။ ၵဝ်ပဵၼ်ထႃႇဝရႃႉၽြႃး ၽြႃးပဵၼ်ၸဝ်ႈၶဝ်ဢေႃႈ။- 45ၵွပ်ႈပိူဝ်ႈၶဝ်လႄႈ ၵဝ်တၵ်းၶုၵ်းၸႂ်လႆႈၶႆႈၸႂ်ထူပ်းပတီႉၺိၺ်ႇ ဢၼ်ၵဝ်ႁဵတ်းလူၺ်ႈၵၼ်တင်းပူႇမွၼ်ႇၶဝ် ဢၼ်ၵဝ်ၼုၵ်ႈဢဝ်ဢွၵ်ႇသေၵႃႈၼႂ်းမိူင်းဢေႇၵိပ်ႉတူႉ သိုဝ်ႈၼႃႈတႂ်ႈတႃ ၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆမႃး လွင်ႈၼင်ႇႁိုဝ်ၵဝ်တၵ်းလႆႈပဵၼ်ၽြႃးပဵၼ်ၸဝ်ႈၶဝ်ၼၼ်ႉဢေႃႈ။ ၵဝ်ပဵၼ်ထႃႇဝရႃႉၽြႃးဢေႃႈ၊ ဝႃႈၼင်ႇၼႆတႃႉ၊ ဝႃႈၼင်ႇၼႆဢေႃႈ။- 46ဢၼ်ၼႆႉၸမ်ႉ၊ ပဵၼ်ထုင်းၽိင်ႈတြႃး ဢိၵ်ႇတင်းလွင်ႈတၢင်းဢၼ်ထႃႇဝရႃႉၽြႃး ၸီႇယၢင်ႇဝႆႉတင်းတြႃးၸဝ်ႈတင်းလၢႆ ဢၼ်မၼ်းၸဝ်ႈႁဵတ်းဝႆႉဝူင်ႈၵၢင်မၼ်းၸဝ်ႈ ဢိၵ်ႇတင်းၵူၼ်းမဵဝ်း ဢီႉသရေႇလႃႉတင်းလၢႆ ၵႃႈၼိူဝ်လွႆသီႉၼႃႉၼၼ်ႉ ၵႃႈၼႂ်းမိုဝ်းမူဝ်းသေႇဢေႃႈ။
Currently Selected:
ႁဵတ်းဝၢတ်ႈ 26: CBMS
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship
ႁဵတ်းဝၢတ်ႈ 26
26
တၢင်းလီမင်ႇၵလႃႇၵွပ်ႈပိူဝ်ႈထွမ်ႇဢဝ်
(တူၺ်း၊ ႁေႃး 7:12-24။ ႁေႃး 28:1-14)
1သူဢမ်ႇလႆႈႁဵတ်းရုၵ်ႈထူႉပုၼ်ႈတူဝ်ၸဝ်ႈၵဝ်ႇ။ သူဢမ်ႇလႆႈပူၵ်းတင်ႈႁၢင်ႈဢၼ်တွင်ႈႁဵတ်းၶၵ်းႁဵတ်းၼၼ်ႉ ပုၼ်ႈတူဝ်ၸဝ်ႈၵဝ်ႇ။ သူဢမ်ႇလႆႈပၵ်းဝႆႉသဝ်တီႈၵူဝ်းၵႂၢႆႇၼၼ်ႉ။ သူဢမ်ႇလႆႈပူၵ်းလႆႈတင်ႈမၢၵ်ႇႁိၼ်ဢၼ်တွင်ႈႁဵတ်းၼၼ်ႉ ၵႃႈၼႂ်းမိူင်းသူၼၼ်ႉ။ ၵဝ်ပဵၼ်ထႃႇဝရႃႉၽြႃး ၽြႃးပဵၼ်ၸဝ်ႈသူဢေႃႈ။
2သူတၵ်းလႆႈၵမ်ဝၼ်းၵမ်သိၼ်ၵဝ်တင်းလၢႆလႄႈ ရူဝ်ႇသေႇၵူဝ်ယမ်ထႃႇၼႃႉတီႈမူတ်းၸၢင်ႇၵဝ်ဢေႃႈ။ ၵဝ်ပဵၼ်ထႃႇဝရႃႉၽြႃးဢေႃႈ။
3ပေႃးသူၸွမ်းသဵၼ်ႈတၢင်းထုင်းၽိင်ႈတြႃးၵဝ်လႄႈ ပႂ်ႉပိင်းၺၢပ်ႈၵဝ်တင်းလၢႆသေလႄႈ ၵမ်ၵျၢင်ႉယူႇၸိုင်၊- 4ၵဝ်တၵ်းႁႂ်ႈၽူၼ်တူၵ်းပုၼ်ႈသူၼႂ်းၶိင်ႇမၼ်းမိူဝ်ႈမၼ်းလႄႈ လိၼ်တၵ်းဢဝ်ၽၼ်ႇတႃႇတူဝ်ၸဝ်ႈၵဝ်ႇပၼ်လႄႈ တူၼ်ႈမႆႉသူၼ်ဢူးယဵၼ်ႇတင်းလၢႆ တၵ်းမၢၵ်ႇမၢၵ်ႇမၼ်းဢေႃႈ။- 5လွင်ႈတၢင်းဢၼ်ယဵပ်ႇၶဝ်ႈပေႃႉၶဝ်ႈၼၼ်ႉ တၵ်းလႆႈၶိုတ်းထိုင်ၶိင်ႇဢၼ်ဝိတ်းမၢၵ်ႇၸပိတ်ႈလႄႈ လွင်ႈတၢင်းဢၼ်ဝိတ်းမၢၵ်ႇၸပိတ်ႈၼၼ်ႉ တၵ်းလႆႈၶိုတ်းထိုင်ၶိင်ႇဢၼ်ဝၢၼ်ႇၸိူဝ်ႉဝၢၼ်ႇၽၼ်းဢေႃႈ။ သူတၵ်းလႆႈၵိၼ်ဢိမ်ႇၵိၼ်တဵမ်လႄႈ ၵၢင်းလွတ်ႈတင်းၽေးသေလႄႈ ယူႇၵႃႈၼႂ်းမိူင်းတူဝ်ၸဝ်ႈၵဝ်ႇဢေႃႈ။- 6ၵဝ်တၵ်းႁႂ်ႈဢမူႉသိုၵ်းထၢတ်ႇယဵၼ်သေၵႃႈတီႈမိူင်းသူလႄႈ၊ သူယင်းဢမ်ႇမီးၵေႃႉဢၼ်လွၵ်ႇဢၼ်ငိုတ်ႈလႄႈ တၵ်းလႆႈၼွၼ်းဢေႃႈ။ တူဝ်ထိူၼ်ႇဢၼ်ႁၢႆႉတင်းလၢႆၵေႃႈ ၵဝ်တၵ်းပႄႇပႅတ်ႈသေၵႃႈၼႂ်းမိူင်းဢေႃႈ။ ၽေးလၢပ်ႇၽေးမိတ်ႈ ဢမ်ႇလႆႈၽႃႇလႆႈလတ်းၵႃႈၼႂ်းမိူင်းသူ။- 7သူတၵ်းလိုပ်ႈလမ်းၸွမ်းရၢၼ်ႇသူႇသူလႄႈ ၶဝ်တၵ်းလူမ်ႉတၵ်းတူၵ်းလူၺ်ႈလၢပ်ႇလူၺ်ႈလႅဝ်း ၵႃႈတီႈၽၢႆႇၼႃႈသူဢေႃႈ။- 8ၵူၼ်းၵႃႈၼႂ်းသူႁႃႈၵေႃႉ တၵ်းလိုပ်ႈလမ်းၸွမ်းၵူၼ်းပၢၵ်ႇၼိုင်ႈဢေႃႈ။ ၵူၼ်းပၢၵ်ႇၼိုင်ႈ တၵ်းလိုပ်ႈလမ်းၸွမ်းၵူၼ်းမိုၼ်ႇၼိုင်ႈလႄႈ ရၢၼ်ႇသူႇသူတၵ်းလူမ်ႉတၵ်းတူၵ်းလူၺ်ႈလၢပ်ႇလူၺ်ႈလႅဝ်း ၵႃႈတီႈၽၢႆႇၼႃႈသူဢေႃႈ။- 9ၵဝ်တၵ်းပႂ်ႉၸွႆႈပႂ်ႉထႅမ်သူယူႇလႄႈ ႁႂ်ႈသူၵိူတ်ႇလဵင်ႉလုၵ်ႈလဵင်ႉလၢင်းမႃး ႁႂ်ႈသူယႂ်ႇၽႄႈၼမ်ၵိုၼ်းမႃးလႄႈ ႁႂ်ႈပတီႉၺိၺ်ႇဢၼ်ၵဝ်ႁဵတ်းလူၺ်ႈၵၼ်တင်းသူၼၼ်ႉမၼ်ႈၶိူင်ႇဢေႃႈ။- 10သူတၵ်းၵိၼ်ၶဝ်ႈပိူၵ်ႇဢၼ်ၵဝ်ႇ ဢၼ်သိမ်းဝႆႉၼၼ်ႉယူႇလႄႈ လႆႈဢဝ်ၶဝ်ႈပိူၵ်ႇဢၼ်ၵဝ်ႇၼၼ်ႉ ဢွၵ်ႇပႅတ်ႈၵွပ်ႈပိူဝ်ႈဢၼ် ၶဝ်ႈပိူၵ်ႇဢၼ်မႂ်ႇဢေႃႈ။- 11ၵဝ်တၵ်းတႄႇသုမ်ႉထဵင်ၵဝ်ယူႇၵႃႈၼႂ်းသူလႄႈ တၵ်းဢမ်ႇမီးတၢင်းဢၼ်လီႁင်ႈဢဵတ်ႇသဵတ်ႇသူ၊- 12ၵဝ်တၵ်းလႄႇၵႂႃႇလႄႇမႃးၵႃႈၼႂ်းသူလႄႈ ပဵၼ်ၽြႃးပဵၼ်ၸဝ်ႈသူဢေႃႈ။ သူၵေႃႈတၵ်းပဵၼ်ၵူၼ်းၵဝ်ဢေႃႈ။- 13ၵဝ်ပဵၼ်ထႃႇဝရႃႉၽြႃး ၽြႃးပဵၼ်ၸဝ်ႈသူ ဢၼ်ၼုၵ်ႈဢဝ်သူဢွၵ်ႇသေၵႃႈၼႂ်းမိူင်းဢေႇၵိပ်ႉတူႉမႃး ပုၼ်ႈလွင်ႈၼင်ႇႁိုဝ် သူတၵ်းဢမ်ႇလႆႈပဵၼ်ၶႃႈၸႂ်ႉၶႃႈသွႆၶဝ်ၼၼ်ႉဢေႃႈ။ ၵဝ်တႅပ်းၸိူၵ်ႈၵၢၼ်းၸိူၵ်ႈဢႅၵ်ႇသူပႅတ်ႈလႄႈ ႁႂ်ႈသူပူၵ်းတင်ႈၵႂႃႇသိုဝ်ႈသိုဝ်ႈယဝ်ႉ။
ဢပႅတ်ႈတၢမ်ႇၵွပ်ႈပိူဝ်ႈဢမ်ႇထွမ်ႇဢဝ်
(တူၺ်း၊ ႁေႃး 28:15-68)
14ပေႃးသူဢမ်ႇထွမ်ႇဢဝ်ၵႂၢမ်းၵဝ်၊ ဢမ်ႇပႂ်ႉၸွမ်းပိင်းၺၢပ်ႈၼႆႉတင်းသဵင်ႈတင်းလူင်၊- 15ႁဵတ်းဢမ်ႇပေႃးၼင်ႇႁိုဝ်တီႈထုင်းၽိင်ႈတြႃးၵဝ်၊ လီႁင်ႈဢဵတ်ႇသဵတ်ႇတၢင်းဢၼ်ၵဝ်ၸီႇယၢင်ႇဝႆႉတင်း လၢႆထၼ်ႈပေႃးဢမ်ႇၵမ်ဢမ်ႇၵျၢင်ႉပိင်းၺၢပ်ႈၵဝ်တင်းသဵင်ႈတင်းလူင်ယူႇသေလႄႈ ယႃႉသဵတ်ႈၸႃႇပတီႉၺိၺ်ႇၵဝ်ၼၼ်ႉပႅတ်ႈၸိုင်၊- 16လွင်ႈတၢင်းဢၼ်ၵဝ်တၵ်းလႆႈႁဵတ်းတီႈသူၸမ်ႉ၊ ၵဝ်တၵ်းၶၢၼ်းဝႆႉတၢင်းဢၼ်တူၵ်းၸႂ်ၵူဝ်ႁႄ ဢၼ်ဝႃႈတူႇလႃႇ၊ ၶႆႈၼၢဝ်ဢၼ်တၵ်းႁႂ်ႈမၢၵ်ႇတႃသူလူႉလႄႈ ႁႂ်ႈႁူဝ်ၸႂ်သူဢူၼ်ႈၵႂႃႇယွမ်းၵႂႃႇၼၼ်ႉ ၵႃႈၼိူဝ်သူဢေႃႈ။ ယင်းဢမ်ႇမီးဢၵျူဝ်းလႄႈ သူတၵ်းလႆႈဝၢၼ်ႇၸိူဝ်ႉဝၢၼ်ႇၽၼ်းဢေႃႈ။- 17ရၢၼ်ႇသူႇသူတင်းလၢႆ တၵ်းၵိၼ်မၢၵ်ႇၵိၼ်ႁူင်းမၼ်းဢေႃႈ။ ၵဝ်တၵ်းဝၢႆႇၼႃႈပႅတ်ႈသေသူလႄႈ ႁႂ်ႈသူတူၵ်းသုမ်းၵႃႈတီႈၽၢႆႇၼႃႈ ရၢၼ်ႇသူႇသူဢေႃႈ။ ၶဝ်ၸိူဝ်းဢၼ်ၸင်းသူၼၼ်ႉ တၵ်းလႆႈဢုပ်ႉပိူင်ႇၵႃႈၼိူဝ်သူလႄႈ ၽူႈလႂ်ယင်းဢမ်ႇလိုပ်ႈၸွမ်းလမ်းၸွမ်းလႄႈ သူတၵ်းပၢႆႈဢေႃႈ။- 18သူလႆႈၶၢမ်ႇထၢၼ်ႇၼၼ်ႉသေၵေႃႈ ပေႃးသူယင်းဢမ်ႇပႆႇထွမ်ႇဢဝ်ၵႂၢမ်းၵဝ်လႄႈယူႇၸိုင်၊ ၵွပ်ႈပိူဝ်ႈဢပႅတ်ႈသူၼၼ်ႉလႄႈ ၵဝ်တၵ်းပၼ်တၢမ်ႇၸဵတ်းပုၼ်ႈလူးၵွၼ်ႇဢေႃႈ။- 19ၵဝ်တၵ်းႁၵ်းမႃႇၼႃႉၸႂ်သုင်ႁႅင်းတၼ်းၶူဝ်းသူပႅတ်ႈဢေႃႈ။ ၵဝ်တၵ်းႁႂ်ႈၽႃႉၵၢင်ႁၢဝ်ပဵၼ်ၸိူဝ်ႉၼင်ႇလဵၵ်း၊ လိၼ်မိူင်းပဵၼ်ၸိူဝ်ႉၼင်ႇတွင်းလိူင်လႄႈ၊- 20သူတၵ်းဢဝ်ဢဵၼ်ႁႅင်းသူႁဵတ်းလၢႆလၢႆလွၵ်ႇလွၵ်ႇဢမ်ႇပွင်လွင်ႈၵႃႈသင်ဢေႃႈ။ လိၼ်သူတၵ်းဢမ်ႇဢဝ်ၽၼ်ႇတႃႇ တူဝ်ၸဝ်ႈၵဝ်ႇပၼ်တီႈသူ။ တူၼ်ႈမႆႉသူၼ်ဢူးယဵၼ်ႇသူတၵ်းဢမ်ႇမၢၵ်ႇမၢၵ်ႇ။
21ပေႃးသူႁဵတ်းတၢင်းဢၼ်ၶတ်းၵၼ်တင်းၵဝ်လႄႈ ဢမ်ႇထွမ်ႇဢဝ်ၵႂၢမ်းၵဝ်ၸိုင်၊ ၸွမ်းလူၺ်ႈဢပႅတ်ႈသူၼၼ်ႉသေလႄႈ ၵဝ်တၵ်းႁႂ်ႈၽေးလူင် ၸဵတ်းပုၼ်ႈတူၵ်းႁွတ်ႈၵႃႈၼိူဝ်သူဢေႃႈ။- 22ၵဝ်တၵ်းပွႆႇၸႂ်ႉတူဝ်ႁၢႆႉ၊ ဢၼ်တၵ်းၵၢပ်ႈဢဝ်လုၵ်ႈလၢင်းသူၵႂႃႇယူႇ၊ ယႃႉပႅတ်ႈတရိၵ်ႈသၢၼ်ႇသူယူႇသေလႄႈ ႁႂ်ႈသူလဵၵ်ႉၵႂႃႇၵေႇၵႂႃႇၼၼ်ႉၵႃႈၼႂ်းသူလႄႈ သဵၼ်ႈတၢင်းဢၼ်သူၵႂႃႇမႃးၸိူဝ်းၼၼ်ႉ တၵ်းပဵၼ်တီႈဢၼ်သဵတ်ႇၵူၼ်းယဵၼ်ၵူၼ်းၵႂႃႇဢေႃႈ။- 23သူလႆႈၶၢမ်ႇၸိူဝ်ႉၼင်ႇၼၼ်သေၵေႃႈ ပေႃးသူဢမ်ႇလႆႈသတီႉၵွပ်ႈပိူဝ်ႈၵဝ်လႄႈ ယင်းႁဵတ်းတၢင်းဢၼ်ၶတ်းၵၼ်တင်းၵဝ်ယူႇၸိုင်၊- 24ၵဝ်ၵေႃႈတၵ်းႁဵတ်းတၢင်းဢၼ်ၶတ်းၵၼ်တင်းသူလႄႈ ပၼ်တၢမ်ႇၸဵတ်းပုၼ်ႈ ၵွပ်ႈပိူဝ်ႈဢပႅတ်ႈသူၼၼ်ႉ လူးၵွၼ်ႇဢေႃႈ။- 25ၵဝ်တၵ်းႁႂ်ႈၽေးလၢပ်ႇ ဢၼ်လႆႈယူႇၽၢႆႇပတီႉၺိၺ်ႇၵဝ်သေလႄႈ ၸီႇယၢင်ႇတြႃးၼၼ်ႉတူၵ်းႁွတ်ႈၵႃႈၼိူဝ်သူဢေႃႈ။ မိူဝ်ႈဢၼ်သူယင်းၸူႉၵၼ်တုမ်ၵၼ်ယူႇၵႃႈၼႂ်းဝဵင်းသူၼၼ်ႉၸိုင်၊ ၵဝ်တၵ်းပွႆႇၸႂ်ႉၽေးၵႃႇလႃႉႁႃႈလႅင်မိူင်းၵႃႈၼႂ်းသူလႄႈ ႁႂ်ႈသူႁွတ်ႈထိုင်ၵႃႈၼႂ်းမိုဝ်းရၢၼ်ႇသူႇသူဢေႃႈ။- 26မိူဝ်ႈဢၼ်ၵဝ်ပႄႇပႅတ်ႈ ဢၼ်ၵမ်ႉဢၼ်ထွၵ်ႈဢႁႃႇရႃႉတၢင်းၵိၼ်သူၼၼ်ႉၸိုင်၊ မႄႈယိင်းသိပ်းၼိုင်ႈတၵ်းဢွၼ်ၵၼ်ဢဝ် ၶဝ်ႈမုၼ်းသူၸီႇၽဝ် ၵႃႈတီႈၽီးၽႆးဢၼ်လဵဝ်ၵူၺ်းသေယဝ်ႉ၊ ဢဝ်ၶဝ်ႈမုၼ်းသူၼၼ်ႉၸင်ႈပၼ်ႁိဝ်ႈပၼ်လႄႈ သူဢမ်ႇလႆႈၵိၼ်ဢိမ်ႇၵိၼ်တဵမ်။- 27သူလႆႈၶၢမ်ႇထၢၼ်ႇၼၼ်ႉသေၵေႃႈ ပေႃးသူဢမ်ႇထွမ်ႇဢဝ်ၵႂၢမ်းၵဝ်လႄႈ ယင်းႁဵတ်းတၢင်းဢၼ်ၶတ်းၵၼ်တင်းၵဝ်ယူႇၸိုင်၊- 28ၵဝ်ၵေႃႈတၵ်းၸႂ်မႆႈၶႆႈၸႃႉႁႅင်းယႂ်ႇၼႃႇလူင်လၢင်ယူႇသေလႄႈ ႁဵတ်းတၢင်းဢၼ်ၶတ်းၵၼ်တင်းသူလႄႈ ပၼ်တၢမ်ႇၸဵတ်းပုၼ်ႈတီႈသူ ၵွပ်ႈပိူဝ်ႈဢပႅတ်ႈသူၼၼ်ႉလူးၵွၼ်ႇဢေႃႈ။- 29သူတၵ်းလႆႈၵိၼ်ၼိူဝ်ႉလုၵ်ႈၸၢႆးသူလႄႈ ၼိူဝ်ႉလုၵ်ႈယိင်းသူၵေႃႈ သူတၵ်းလႆႈၵိၼ်ဢေႃႈ။- 30ၵဝ်တၵ်းယႃႉၽဵဝ်ႈထႃႇၼႃႉတီႈသုင်သူၸိူဝ်းၼၼ်ႉပႅတ်ႈလႄႈ ၽၼ်းရုၵ်ႈထူႉၵၢင်ဝၼ်းသူၸိူဝ်းၼၼ်ႉလူမ်ႉပႅတ်ႈဢေႃႈ။ ၵဝ်တၵ်းဢဝ်တူဝ်တၢႆသူပႅတ်ႈတူၵ်းသႂ်ႇၵႃႈၼိူဝ်တူဝ်တၢႆရုၵ်ႈထူႉသူၸိူဝ်းၼၼ်ႉလႄႈ လီႁင်ႈဢဵတ်ႇသဵတ်ႇသူဢေႃႈ။- 31ၵဝ်တၵ်းယႃႉဝဵင်းသူၸိူဝ်းၼၼ်ႉပႅတ်ႈလႄႈ ၽဵဝ်ႈထႃႇၼႃႉတီႈမူတ်းၸၢင်ႇသူၸိူဝ်းၼၼ်ႉပႅတ်ႈသေဢေႃႈ။ ဢၼ်ႁွမ်ဢၼ်ႁူၺ်းၼၢမ်ႇသႃႇသူၼၼ်ႉၸိုင် ၵဝ်တၵ်းဢမ်ႇသုတ်ႇဢမ်ႇၼူမ်။- 32ၵဝ်တၵ်းၽဵဝ်ႈမိူင်းပႅတ်ႈသေလႄႈ ရၢၼ်ႇသူႇသူဢၼ်ယူႇၵႃႈၼႂ်းမၼ်းၸိူဝ်းၼၼ်ႉ တၵ်းဢွၼ်ၵၼ်ဢၢမ်းၼႃႇလူင်လၢင်လႄႈ ၵႂင်ၸႂ်ယူႇဢေႃႈ။- 33ၵဝ်တၵ်းႁႂ်ႈသူၽၢတ်ႇၽႄၵၼ်ၵႂႃႇၵူႈတီႈၵူႈလႅၼ် ၵႃႈၼႂ်းၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆလႄႈ၊ ထွတ်ႇလၢပ်ႇလိုပ်ႈလမ်းၸွမ်းသူၵႂႃႇဢေႃႈ။ မိူင်းသူၵေႃႈတၵ်းလႆႈမီးတၢင်းဢၼ်သဵတ်ႇၵူၼ်းယဵၼ်ၵူၼ်း၊ ဝဵင်းသူၸိူဝ်းၼၼ်ႉၵေႃႈ တၵ်းလႆႈမီးတၢင်းဢၼ်လူႉဢၼ်လႅဝ်ဢေႃႈ။- 34ၼင်ႇၼၼ်လႄႈ ၶိင်ႇၵႃႇလႃႉၼႂ်းမိူဝ်ႈဢၼ်မိူင်းသူ သဵတ်ႇၵူၼ်းယဵၼ်ၵူၼ်းယူႇၼၼ်ႉ၊ မိူင်းသူတၵ်းလႆႈမူၼ်ႈပျေႃႇၵႃႈတီႈ ဝၼ်းၵမ်သိၼ်မၼ်းလႄႈ သူၸိုင်တၵ်းလႆႈယူႇၵႃႈၼႂ်းမိူင်းရၢၼ်ႇသူႇသူဢေႃႈ။ မိူဝ်ႈၶိင်ႇၼၼ်ႉ မိူင်းတၵ်းလႆႈယူႇၼိမ်ၼိမ်လီလီလႄႈ မူၼ်ႈပျေႃႇယူႇၵႃႈတီႈဝၼ်းၵမ်သိၼ်မၼ်းဢေႃႈ။- 35ၶိင်ႇၵႃႇလႃႉၼႂ်းမိူဝ်ႈဢၼ်မၼ်းလႆႈယူႇ သဵတ်ႇၵူၼ်းယဵၼ်ၵူၼ်းၼၼ်ႉ၊ မၼ်းတၵ်းလႆႈမီးတၢင်းဢၼ်ယူႇၼိမ်ၼိမ်လီလီ ဢၼ်ဝႃႈတၢင်းဢၼ်ယူႇၼိမ်ၼိမ်လီလီ ဢၼ်မၼ်းဢမ်ႇလႆႈဢၶႂၢင်ႉ ၼႂ်းဝၼ်းၵမ်သိၼ်သူတင်းလၢႆ ၼႂ်းမိူဝ်ႈဢၼ်သူယင်းယူႇၵႃႈၼႂ်းမၼ်းယူႇၼၼ်ႉဢေႃႈ။- 36ၶဝ်ၸိူဝ်းဢၼ်ၵိုတ်းဢၼ်ၵျၢၼ်ႇၼႂ်းသူၼၼ်ႉၸမ်ႉ၊ ၵဝ်တၵ်းဢဝ်သၽေႃးဢၼ်တူၵ်းၸႂ်သႂ်ႇသႂၢင်းပၼ် ၵႃႈၼႂ်းႁူဝ်ၸႂ်ၶဝ် ၵႃႈၼႂ်းမိူင်းရၢၼ်ႇသူႇၶဝ်ၼၼ်ႉလႄႈ သဵင်မႂ်မႆႉဢၼ်တူင်ႉၼိုင်ၼၼ်ႉ တၵ်းၸွမ်းလွၵ်ႇၶဝ်လႄႈ ၶဝ်တၵ်းတိုၼ်ႇပၢႆႈမိူၼ်ၸိူဝ်ႉၼင်ႇဢၼ်ပၢႆႈၽေးလၢပ်ႇၽေးလႅဝ်းၼၼ်ႉဢေႃႈ။ ၽူႈလႂ်ဢမ်ႇလိုပ်ႈၸွမ်းသေၵေႃႈ တၵ်းလူမ်ႉဢေႃႈ။- 37ၽူႈလႂ်ယင်းဢမ်ႇလိုပ်ႈလမ်းၸွမ်းလႄႈ ၶဝ်ၵေႃႉၼိုင်ႈတၵ်းလူမ်ႉတူၵ်းသႂ်ႇၵႃႈၼိူဝ်ၵေႃႉၼိုင်ႈမိူၼ်ၸိူဝ်ႉၼင်ႇဢၼ် ပၢႆႈၽေးလၢပ်ႇၽေးလႅဝ်းၼၼ်ႉဢေႃႈ။ ဢမ်ႇလႆႈမီးတၼ်းၶူဝ်းဢၼ်ၸုၵ်းၶၢမ်ႇယူႇ ၵႃႈတီႈၽၢႆႇၼႃႈရၢၼ်ႇသူႇသူလႆႈၼၼ်ႉလႃးလႃး။- 38သူတၵ်းသုမ်းၸွမ်း ၵႃႈၼႂ်းၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆလႄႈ မိူင်းရၢၼ်ႇသူႇသူၼၼ်ႉတၵ်းဢိုၼ်ၵိၼ်သူဢေႃႈ။- 39ၶဝ်ၸိူဝ်းဢၼ်ၵိုတ်းဢၼ်ၵျၢၼ်ႇတီႈသူၼၼ်ႉ တၵ်းၶၢမ်ႇဢပႅတ်ႈတူဝ်ၸဝ်ႈၵဝ်ႇ ၵႃႈတီႈၼႂ်းမိူင်းရၢၼ်ႇသူႇသူၼၼ်ႉလႄႈ ႁႅင်းဢူၼ်ႈၵႂႃႇဢေႃႈ။ ဢပႅတ်ႈပူႇမွၼ်ႇၶဝ်ၼၼ်ႉၵေႃႈ ၶဝ်တၵ်းလႆႈၶၢမ်ႇလႄႈ ႁႅင်းဢူၼ်ႈၵႂႃႇလူၺ်ႈၵၼ် တင်းၶဝ်ၼၼ်ႉဢေႃႈ။- 40ၼႂ်းဝႃႈၼၼ်သေၵေႃႈ ပေႃးၶဝ်ၽုၺ်ႇဢွၵ်ႇၼႄပျႃးတွင်းပၢၼ်ႇဢပႅတ်ႈၶဝ် ဢပႅတ်ႈပူႇမွၼ်ႇၶဝ်တင်းလၢႆ ၼႂ်းတၢင်းဢၼ်ၽိတ်းပိူင်ႈ ဢၼ်ၶဝ်ၽိတ်းပိူင်ႈၵဝ်ၼၼ်ႉ၊- 41ဢိၵ်ႇတင်းလွင်ႈတၢင်းဢၼ်ၵဝ်ႁဵတ်းတၢင်းဢၼ်ၶတ်းၵၼ်တင်းၶဝ်လႄႈ ဢဝ်ၶဝ်ၵႂႃႇသူင်ႇၵႃႈတီႈမိူင်းရၢၼ်ႇသူႇၶဝ် ၵွပ်ႈပိူဝ်ႈဢၼ်ၶဝ်ႁဵတ်းတၢင်းဢၼ်ၶတ်းၵၼ်တင်းၵဝ်ၼၼ်ႉ၊ ပေႃးၶဝ်ဢဝ်ႁူဝ်ၸႂ်တူဝ်ၸဝ်ႈၵဝ်ႇ ဢၼ်ဢမ်ႇၶၢမ်ႇတၢင်းဢၼ်ထိူဝ်ႁိမ်းၼၼ်ႉ ၶျႃးတူၵ်းတီႈတႅမ်ႇလႄႈ ႁပ်ႉတုင်းဢဝ်တၢမ်ႇဢၼ်လႆႈၶၢမ်ႇၵွပ်ႈပိူဝ်ႈဢပႅတ်ႈတူဝ်ၸဝ်ႈၵဝ်ႇၼၼ်ႉၸိုင်၊- 42ၵဝ်တၵ်းၶုၵ်းၸႂ်လႆႈၶႆႈၸႂ်ထူပ်း ပတီႉၺိၺ်ႇဢၼ်ၵဝ်ႁဵတ်းလူၺ်ႈၵၼ်တင်းယႃႇၵုပ်ႈ၊ ပတီႉၺိၺ်ႇဢၼ်ၵဝ်ႁဵတ်းလူၺ်ႈၵၼ်တင်းဢီႉၸၢၵ်ႈ၊ ပတီႉၺိၺ်ႇဢၼ်ၵဝ်ႁဵတ်းလူၺ်ႈၵၼ်တင်းဢႃႇပြႃႇႁၢမ်ႇၼၼ်ႉဢေႃႈ။ မိူင်းၼၼ်ႉၵေႃႈ ၵဝ်တၵ်းၶုၵ်းၸႂ်လႆႈၶႆႈၸႂ်ထူပ်းဢေႃႈ။- 43မိူင်းၼၼ်ႉတၵ်းလွတ်ႈသေၵႃႈၼႂ်းမိုဝ်းၶဝ်လႄႈ ၶိင်ႇၵႃႇလႃႉၼႂ်းမိူဝ်ႈဢၼ်ၶဝ်ယင်းဢမ်ႇမီးလႄႈ သဵတ်ႇၵူၼ်းယဵၼ်ၵူၼ်းယူႇၼၼ်ႉၸိုင်၊ တၵ်းမူၼ်ႈပျေႃႇၵႃႈတီႈဝၼ်းၵမ်သိၼ်မၼ်းတင်းလၢႆဢေႃႈ။ ၶဝ်ၼၼ်ႉတၵ်းလႆႈႁပ်ႉတုင်းဢဝ်တၢမ်ႇဢပႅတ်ႈဢၼ်ၶဝ်လႆႈၶၢမ်ႇၼၼ်ႉ ၵွပ်ႈပိူဝ်ႈဢၼ်ၶဝ်ႁဵတ်းဢမ်ႇပေႃးၼင်ႇႁိုဝ် တီႈတၢင်းဢၼ်ၵဝ်ၸီႇယၢင်ႇဝႆႉၸိူဝ်းၼၼ်ႉလႄႈ လီႁင်ႈဢဵတ်ႇသဵတ်ႇထုင်းၽိင်ႈတြႃးၵဝ်ၸိူဝ်းၼၼ်ႉဢေႃႈ။- 44ၼႂ်းဝႃႈၼၼ်သေၵေႃႈ မိူဝ်ႈဢၼ်ၶဝ်ယူႇၵႃႈၼႂ်းမိူင်းရၢၼ်ႇသူႇၶဝ်ယူႇၼၼ်ႉ၊ ၵဝ်တၵ်းဢမ်ႇၸုၼ်ႉပႅတ်ႈၶဝ်၊ ၵဝ်တၵ်းဢမ်ႇလီႁင်ႈဢဵတ်ႇသဵတ်ႇၶဝ် ထၼ်ႈပေႃးယႃႉၶဝ်မူတ်းမူတ်းသဵင်ႈသဵင်ႈပႅတ်ႈလႄႈ ပႄႇပတီႉၺိၺ်ႇဢၼ်ၵဝ်ႁဵတ်းလူၺ်ႈၵၼ်တင်းၶဝ်ၼၼ်ႉပႅတ်ႈ။ ၵဝ်ပဵၼ်ထႃႇဝရႃႉၽြႃး ၽြႃးပဵၼ်ၸဝ်ႈၶဝ်ဢေႃႈ။- 45ၵွပ်ႈပိူဝ်ႈၶဝ်လႄႈ ၵဝ်တၵ်းၶုၵ်းၸႂ်လႆႈၶႆႈၸႂ်ထူပ်းပတီႉၺိၺ်ႇ ဢၼ်ၵဝ်ႁဵတ်းလူၺ်ႈၵၼ်တင်းပူႇမွၼ်ႇၶဝ် ဢၼ်ၵဝ်ၼုၵ်ႈဢဝ်ဢွၵ်ႇသေၵႃႈၼႂ်းမိူင်းဢေႇၵိပ်ႉတူႉ သိုဝ်ႈၼႃႈတႂ်ႈတႃ ၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆမႃး လွင်ႈၼင်ႇႁိုဝ်ၵဝ်တၵ်းလႆႈပဵၼ်ၽြႃးပဵၼ်ၸဝ်ႈၶဝ်ၼၼ်ႉဢေႃႈ။ ၵဝ်ပဵၼ်ထႃႇဝရႃႉၽြႃးဢေႃႈ၊ ဝႃႈၼင်ႇၼႆတႃႉ၊ ဝႃႈၼင်ႇၼႆဢေႃႈ။- 46ဢၼ်ၼႆႉၸမ်ႉ၊ ပဵၼ်ထုင်းၽိင်ႈတြႃး ဢိၵ်ႇတင်းလွင်ႈတၢင်းဢၼ်ထႃႇဝရႃႉၽြႃး ၸီႇယၢင်ႇဝႆႉတင်းတြႃးၸဝ်ႈတင်းလၢႆ ဢၼ်မၼ်းၸဝ်ႈႁဵတ်းဝႆႉဝူင်ႈၵၢင်မၼ်းၸဝ်ႈ ဢိၵ်ႇတင်းၵူၼ်းမဵဝ်း ဢီႉသရေႇလႃႉတင်းလၢႆ ၵႃႈၼိူဝ်လွႆသီႉၼႃႉၼၼ်ႉ ၵႃႈၼႂ်းမိုဝ်းမူဝ်းသေႇဢေႃႈ။
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship