ႁဵတ်းဝၢတ်ႈ 3
3
တၢင်းလူႇမိၵ်ႉသႃႇႁႃယႃႉ
1ပေႃးတၢင်းပုၵ်ႈၸေႃႇမၼ်းၼၼ်ႉ ပဵၼ်တၢင်းဢၼ်ႁဵတ်းယိတ်ႈမိၵ်ႉသႃႇႁႃယႃႉ၊ ပေႃးမၼ်းဢဝ်တူဝ်ပေႃႈ၊ ဢမ်ႇၼၼ် တူဝ်မႄႈၵႃႈၼႂ်းၽုင်ဝူဝ်းလႄႈပုၵ်ႈၸေႃႇၸိုင်၊ မၼ်းတၵ်းလႆႈဢဝ်တူဝ်ဢၼ်ဢမ်ႇပႃးဢပႅတ်ႈၼၼ်ႉ ပုၵ်ႈၸေႃႇၵႃႈတီႈၽၢႆႇၼႃႈထႃႇဝရႃႉၽြႃးဢေႃႈ။- 2မၼ်းတၵ်းလႆႈဢဝ်မိုဝ်းမၼ်းတၢင်ႇသႂ်ႇၵႃႈၼိူဝ်ႁူဝ်ဝူဝ်းဢၼ်မၼ်းပုၵ်ႈၸေႃႇၼၼ်ႉလႄႈ ဢဝ်တၢႆၵႃႈတီႈႁိမ်းၽၵ်းတူမူဝ်းၵႃႇၸဝ်ႈ တီႈၸူႉတီႈတုမ်ပရဵၵ်ႈသၢတ်ႈၼၼ်ႉသေယဝ်ႉ၊ လုၵ်ႈၸၢႆးဢႃႇရုၼ်ႇ၊ ဢၼ်ပဵၼ်ယိတ်ႈပရေႃးႁဵၵ်ႈၸိူဝ်းၼၼ်ႉ တၵ်းလႆႈဢဝ်လိူတ်ႈၼၼ်ႉၽႅတ်းသႂ်ႇလဵပ်ႈႁွပ်ႈၵႃႈၼိူဝ်ယိတ်ႈပလၢင်ႇဢေႃႈ။- 3မၼ်းတၵ်းလႆႈဢဝ်ၵႃႈၼႂ်းတူဝ်ယိတ်ႈမိၵ်ႉသႃႇႁႃယႃႉၼၼ်ႉဢွၵ်ႇလႄႈ သၢၵ်ႈၵၢပ်ႈတင်းပုၵ်ႈၸေႃႇဢၼ် ဢဝ်တင်းၽႆးႁဵတ်းတီႈထႃႇဝရႃႉၽြႃးၼၼ်ႉဢေႃႈ။ မၼ်းတၵ်းလႆႈဢဝ်ၵွၼ်ႈၶႆၵွၼ်ႈမၼ်း ဢၼ်ႁူမ်ႇသႆႈမၼ်း၊ ၵွၼ်ႈၶႆၵွၼ်ႈမၼ်း ဢၼ်ၸၢပ်ႈသႅင်ႇၵၼ်တင်းသႆႈမၼ်းတင်းသဵင်ႈတင်းလူင်၊- 4မၢၵ်ႇလၼ်းသွင်ႁူၺ်ႇတင်းၵွၼ်ႈၶႆၵွၼ်ႈမၼ်း မၢၵ်ႇလၼ်းဢၼ်မီးၵႃႈၼႂ်းႁိမ်းဢႅဝ်မၼ်း၊ ၽၢင်ႉၽၢပ်ႇဢၼ်မီးၵႃႈၼိူဝ်တပ်းမၼ်း ဢိၵ်ႇတင်းမၢၵ်ႇလၼ်းမၼ်းၸိူဝ်းၼၼ်ႉဢွၵ်ႇလႄႈ၊- 5လုၵ်ႈၸၢႆးဢႃႇရုၼ်ႇၸိူဝ်းၼၼ်ႉ တၵ်းလႆႈဢဝ်တုတ်ႇၽႆးလူၺ်ႈၵၼ်တင်းတူဝ်ယိတ်ႈဢၼ်တုတ်ႇၽႆး ဢၼ်တၢင်ႇသႂ်ႇၵႃႈၼိူဝ်ၽိူၼ် ဢၼ်မီးၵႃႈၼိူဝ်ၽႆး ၵႃႈၼိူဝ်ယိတ်ႈပလၢင်ႇၼၼ်ႉဢေႃႈ။ ပဵၼ်တၢင်းပုၵ်ႈၸေႃႇဢၼ်ဢဝ် တင်းၽႆးသၢၵ်ႈၵၢပ်ႈလႄႈ ႁွမ်ႁူၺ်းတီႈထႃႇဝရႃႉၽြႃးဢေႃႈ။
6ပေႃးတၢင်းပုၵ်ႈၸေႃႇမၼ်းပဵၼ်တၢင်းဢၼ် ဢဝ်ၵႃႈၼႂ်းၽုင်သူဝ်းၽုင်ပႄႉႁဵတ်းယိတ်ႈမိၵ်ႉသႃႇႁႃယႃႉတီႈထႃႇဝရႃႉၽြႃးၸိုင်၊ ပဵၼ်တူဝ်ပေႃႈသေဢမ်ႇဝႃႈ၊ ပဵၼ်တူဝ်မႄႈသေဢမ်ႇဝႃႈ၊ တၵ်းလႆႈဢဝ်တူဝ်ဢၼ်ဢမ်ႇပႃးဢပႅတ်ႈၼၼ်ႉပုၵ်ႈၸေႃႇဢေႃႈ။- 7ပေႃးမၼ်းဢဝ်သူဝ်းဢွၼ်ႇႁဵတ်းတၢင်းပုၵ်ႈၸေႃႇၸိုင်၊ မၼ်းတၵ်းလႆႈဢဝ်သၢၵ်ႈၵၢပ်ႈၵႃႈတီႈၽၢႆႇၼႃႈထႃႇဝရႃႉၽြႃးလႄႈ၊- 8ဢဝ်မိုဝ်းမၼ်းတၢင်ႇသႂ်ႇၵႃႈၼိူဝ်ႁူဝ်သူဝ်းဢၼ်ပုၵ်ႈၸေႃႇၼၼ်ႉသေလႄႈ ဢဝ်တၢႆၵႃႈတီႈၽၢႆႇၼႃႈမူဝ်းၵႃႇၸဝ်ႈတီႈၸူႉတီႈတုမ်ပရဵၵ်ႈသၢတ်ႈသေယဝ်ႉ၊ လုၵ်ႈၸၢႆးဢႃႇရုၼ်ႇၸိူဝ်းၼၼ်ႉ တၵ်းလႆႈဢဝ်လိူတ်ႈၼၼ်ႉၽႅတ်းသႂ်ႇလဵပ်ႈႁွပ်ႈၵႃႈၼိူဝ် ယိတ်ႈပလၢင်ႇဢေႃႈ။- 9မၼ်းတၵ်းလႆႈဢဝ်ၵႃႈၼႂ်းတူဝ်ယိတ်ႈမိၵ်ႉသႃႇႁႃယႃႉၼၼ်ႉဢွၵ်ႇလႄႈ သၢၵ်ႈၵၢပ်ႈတၢင်းပုၵ်ႈၸေႃႇဢၼ် ဢဝ်တင်းၽႆးႁဵတ်းတီႈထႃႇဝရႃႉၽြႃးၼၼ်ႉဢေႃႈ။ မၼ်းတၵ်းလႆႈဢဝ်ၵွၼ်ႈၶႆၵွၼ်ႈမၼ်းမၼ်း၊ ႁၢင်ဢၼ်တႅပ်းသဵၼ်ႈၶၢတ်ႇသေ ၵႃႈတီႈလုပ်ႇသၼ်လင်ၵႃႈမီး၊ ၵွၼ်ႈၶႆၵွၼ်ႈမၼ်းဢၼ်ႁူမ်ႇသႆႈမၼ်း၊ ၵွၼ်ႈၶႆၵွၼ်ႈမၼ်းဢၼ် ၸၢပ်ႈသႅင်ႇၵၼ်တင်းသႆႈမၼ်းၵႃႈမီး၊- 10မၢၵ်ႇလၼ်းသွင်ႁူၺ်ႇတင်းၵွၼ်ႈၶႆၵွၼ်ႈမၼ်းမၢၵ်ႇလၼ်း ဢၼ်မီးၵႃႈၼႂ်းႁိမ်းဢႅဝ်မၼ်း၊ ၽၢင်ႉၽၢပ်ႇဢၼ်မီးၵႃႈၼိူဝ်တပ်းမၼ်း ဢိၵ်ႇတင်းမၢၵ်ႇလၼ်းမၼ်းၸိူဝ်းၼၼ်ႉဢွၵ်ႇလႄႈ၊- 11ယိတ်ႈပရေႃးႁဵၵ်ႈတၵ်းလႆႈဢဝ်တုတ်ႇၽႆးၵႃႈၼိူဝ်ယိတ်ႈပလၢင်ႇဢေႃႈ။ ပဵၼ်ဢႁႃႇရႃႉတၢင်းၵိၼ် တၢင်းပုၵ်ႈၸေႃႇ ဢၼ်ဢဝ်တင်းၽႆးႁဵတ်းတီႈထႃႇဝရႃႉၽြႃးၼၼ်ႉဢေႃႈ။
12ပေႃးတၢင်းပုၵ်ႈၸေႃႇမၼ်းပဵၼ်တၢင်းဢၼ်ဢဝ်ပႄႉပုၵ်ႈၸေႃႇၸိုင်၊ မၼ်းတၵ်းလႆႈဢဝ်သၢၵ်ႈၵၢပ်ႈၵႃႈတီႈၽၢႆႇၼႃႈထႃႇဝရႃႉၽြႃးလႄႈ၊- 13ဢဝ်မိုဝ်းမၼ်းတၢင်ႇသႂ်ႇၵႃႈၼိူဝ်ႁူဝ်ပႄႉၼၼ်ႉသေလႄႈ ဢဝ်တၢႆၵႃႈတီႈၽၢႆႇၼႃႈမူဝ်းၵႃႇၸဝ်ႈတီႈၸူႉတီႈတုမ်ပရဵၵ်ႈသၢတ်ႈၼၼ်ႉသေယဝ်ႉ၊ လုၵ်ႈၸၢႆးဢႃႇရုၼ်ႇၸိူဝ်းၼၼ်ႉတၵ်းလႆႈဢဝ်လိူတ်ႈၼၼ်ႉၽႅတ်းသႂ်ႇလဵပ်ႈႁွပ်ႈၵႃႈၼိူဝ်ယိတ်ႈပလၢင်ႇဢေႃႈ။- 14မၼ်းတၵ်းလႆႈဢဝ် ၵႃႈၼႂ်းတူဝ်ယိတ်ႈၼၼ်ႉဢွၵ်ႇလႄႈ သၢၵ်ႈၵၢပ်ႈပုၼ်ႈတၢင်းပုၵ်ႈၸေႃႇ ဢၼ်ဢဝ်တင်းၽႆးႁဵတ်းတီႈထႃႇဝရႃႉၽြႃးၼၼ်ႉဢေႃႈ။ မၼ်းတၵ်းလႆႈဢဝ်ၵွၼ်ႈၶႆၵွၼ်ႈမၼ်းဢၼ်ႁူမ်ႇသႆႈမၼ်း၊ ၵွၼ်ႈၶႆၵွၼ်ႈမၼ်း ဢၼ်ၸၢပ်ႈသႅင်ႇၵၼ်တင်းသႆႈမၼ်းၵႃႈမီး၊- 15မၢၵ်ႇလၼ်းသွင်ႁူၺ်ႇတင်းၵွၼ်ႈၶႆၵွၼ်ႈမၼ်း၊ မၢၵ်ႇလၼ်းဢၼ်မီးၵႃႈၼႂ်းႁိမ်းဢႅဝ်မၼ်း၊ ၽၢင်ႉၽၢပ်ႇဢၼ်မီးၵႃႈၼိူဝ်တပ်းမၼ်း၊ ဢိၵ်ႇတင်း မၢၵ်ႇလၼ်းၼၼ်ႉၸိူဝ်းၼၼ်ႉဢွၵ်ႇလႄႈ၊- 16ယိတ်ႈပရေႃးႁဵၵ်ႈတၵ်းလႆႈဢဝ်တုတ်ႇၽႆးၵႃႈၼိူဝ်ယိတ်ႈပလၢင်ႇဢေႃႈ။ ပဵၼ်ဢႁႃႇရႃႉတၢင်းၵိၼ်တၢင်းပုၵ်ႈၸေႃႇ ဢၼ်ဢဝ်တၢင်းၽႆးႁဵတ်း ပုၼ်ႈတၢင်းဢၼ်ႁွမ်ဢၼ်ႁူၺ်းဢေႃႈ။ ၵွၼ်ႈၶႆၵွၼ်ႈမၼ်းၵႃႈမီးၸိုင်၊ ၸၢပ်ႈသႅင်ႇၵၼ်တင်းထႃႇဝရႃႉၽြႃးဢေႃႈ။- 17လွင်ႈတၢင်းဢၼ်သူဢမ်ႇလႆႈၵိၼ်ၵွၼ်ႈၶႆၵွၼ်ႈမၼ်း ဢိၵ်ႇတင်းလိူတ်ႈၼၼ်ႉ ပဵၼ်ပိင်းၺၢပ်ႈဢၼ်တႃႇသေႇ တီႈမဵဝ်းၸိူဝ်ႉၶိူဝ်းသူသိုပ်ႇသိုပ်ႇတၢမ်းတၢမ်းၵႃႈၼႂ်းတီႈဢၼ်သူယူႇသူသဝ်းၵႃႈမီးတင်းသဵင်ႈတင်းလူင်ၼၼ်ႉဢေႃႈ၊ ဝႃႈၼင်ႇၼႆဢေႃႈ။
Currently Selected:
ႁဵတ်းဝၢတ်ႈ 3: CBMS
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship