OO MEYO ACHIMOOWIN ST MARK 2
2
PISKE̔TUSSINA̔HIKUN II.
1Ākose atee̔t kesikawa ka̔ muyawepuyeyikee, itoo̔tāo mena Capernaumi̔k; ākose we̔tumwan ā ayat pee̔che ākota waskahikuni̔k. 2Ākose sāmak me̔chāt mawutchehitoowuk mamowe, peyis eyekoo̔k āka wawach ā towak kitta pee̔tokwātchik, numma wawach a̔po waska iskwa̔tāmi̔k: ākose we̔tumowāo ayumewin.
3Ākose pā natāwuk, ā pāsewatchik pāuk ā nunumaspināyit, nāo ā pimoo̔tahatchik. 4Ākose āka kissewak ā ke̔ natatchik ā isse see̔tiskumatoowee̔t, otinumwuk upu̔kwana itta ā ayayit: ākose ispe ka̔ towinu̔kik, pukitinumwuk nipāwin itta oonunumaspināwa ka pimissineyit. 5Ispe Jesus weäpu̔tumwat oo tapwā̔tumoowineyew, omisse itāo oonunumaspināwa, Ne’ Koosā, ke muche̔tewina ket usānumakowin. 6Maka ākota oot uppe̔tawaw atee̔t oomussina̔hikāwuk, mena ā mamitoonāye̔tu̔kik oo’ tā̔ewa̔k, 7Tanā̔kā owa napāo wā̔che pastamoot? owāna kā ke̔ usānu̔k muche̔tewina piko Muneto? 8Ākose sāmak Jesus kāskāye̔tu̔k oot a̔cha̔koo̔k ā mamitoonāye̔tumeyit, omisse itāo, Tanā̔kā wā̔che mamitoonāye̔tumāk ohoo kākwia ke’ tā̔ewa̔k? 9Tanunima nowutch weyā̔tu̔k kitta itee̔t oonunumaspināo, Ke muche̔tewina ket usānumakowin; a̔po kitta itwā̔k, Wuniska, mena otina ke nipāwin, ākose pimoo̔tā? 10Maka kitta ke̔ kiskāye̔tumāk napāo oo’ Koosisan ā ayat soo̔katissewin uskee̔k kitta usānumakāt muche̔tewina, (omisse itāo oonunumaspināwa,) 11Omisse k’ititin, Wuniska, mena otina ke nipāwin, ākose itoo̔tā k’ekee̔k isse. 12Ākose sāmak wuniskaw, otinum nipāwin, mena wuyoweew ā wapumikoot ka̔keyow; peyis ka̔keyow ā mamuskatumeyit, mena mume̔chimāwuk Munetoowa, omisse ā itwātchik, Numma we̔kach omisse isse ne ke̔ isse wapu̔tānan.
13Ākose mena itoo̔tāo sisooch wenepākoo̔k; ākose ka̔keyow ookistukāwe āyiseyinewa natik, ākose kiskino̔humowāo. 14Ākose ā utte pimoo̔tāt ākota, wapumāo Levia Alpheusa oo’ koosiseyewa ā uppeyit itta ka otinimee̔t sooneyawa, ākose omisse itāo, Pimitissa̔hoon. Ākose pussikoo mena pimitissa̔wāo.
15Ākose utte e̔kin, mākwach Jesus ā uppit ā mechesoot oo waskahikuneyee̔k, me̔chātpublicanuk ussitche oomuchatissewuk weetuppimāwuk Jesusa ussitche oo kiskino̔humowakuneyewa: weya ā me̔chātitchik, mena ā pimitissa̔watchik. 16Ākose ispe oomussina̔hikāwuk ussitche Phariseewuk weäpumatchik ā weche mechesoomayit publicana mena oomuchatissewa, omisse itāwuk oo kiskino̔humowakuneyewa, Tanse oma wā̔che weche mechesoomat mena mini̔kwāmat publicana mena oomuchatissewa? 17Ispe Jesus peā̔tu̔k, omisse itāo, Unekee ka meyo ayatchik numoweya nutowāyimāwuk nutoo̔koonuya, piko unekee ka a̔koositchik: Numoweya n’o̔che pā itoo̔tan kitta nutoomuk kwiusk ootitatissew, maka oomuchatissewuk kitta nukutu̔kik oo muche̔tewinewawa.
18Ākose oo kiskino̔humowakunewawa John mena Phariseewuk oo we̔ke kowu̔kutāhoo̔tawaw: ākose pā itoo̔tāwuk mena omisse itāwuk, Tanā̔kā oo kiskino̔humowakunewawa John mena Phariseewuk wā̔che kowu̔kutāhooyit, maka keya ke kiskino̔humowakunuk numma wawach kowu̔kutāhoowuk? 19Ākose Jesus omisse itāo, Oot owasimisa che wekee̔toowekumik kitta ke̔ kowu̔kutāyewa, ā āskwa wechāwikootchik oowekee̔toowa? ā āskwa wechāwatchik oowekee̔toowa, numoweya kitta ke̔ kowu̔kutātchik. 20Maka kesikawa kitta oche̔chepuyewa, ispe oowekee̔toowa muskumee̔twawe, ākose āwukwunee kesikawa kā kowu̔kutāhootchik. 21Numoweya mena oweyuk ukoostahum ooske munetoākin kuyase weya̔chekuni̔k: owāka unima ooske aye ka ke̔ mesa̔hikakā̔k otinumomukun kuyase ayi̔k o̔che, ākose itta ka peekopuyik owusimā missaw. 22Mena numoweya oweyuk ustaw ooske meenisapoë kuyase ussewutchekuni̔k: owāka weya ooske meenisapoë kitta nissewunache̔tamukun ussewutchekuna, ākose ā seekepuyik meenisapoë, mena ussewutchekuna kitta nissewunatunwa: maka ooske meenisapoë kitta ustanewun ooske ussewutchekuni̔k.
23Ākose ke̔ e̔kin, ā pimoo̔tāt pu̔kwāsekuniska̔k kistekani̔k ā ayumehākesikayik; ākose oo kiskino̔humowakuna, ā utte pimoo̔tāyit, moosu̔kepitāyewa pu̔kwasekuna. 24Ākose Phariseewa omisse itik, Cheest, tanā̔kā wā̔che totu̔kik unima ā ayumehākesikayik āka kitta ke̔ tochekatāpun? 25Ākose omisse itāo, Numma we̔kach na k’ o̔che ayume̔tanawaw tanse David ka̔ totu̔k, ispe kweyeetumat, mena neyoo̔tā̔kutāt, weya, ussitche unehee ka ke̔ wechāwikoot? 26Ka ke̔ isse pee̔tokwāt Munetoowekumikoo̔k mākwach Abiathar ā ke̔che ayumehāwekemawit, mena ka ke̔ moowat ooyustwakoowe ayu̔konawa, āka oweyuk oo ga ke̔ moowa̔ty piko ayumehāwekemawa, mena ka ke̔ meeyat unehee ka ke̔ wechāwikoot? 27Ākose omisse itāo, Ayumehākesikaw ke̔ ose̔chekatāo ayiseyinew o̔che, mena numoweya ayiseyinew ayumehākesikaw o̔che: 28Āwuk’ o̔che napāo oo’ Koosisan Tipāye̔tum mena ayumehākesikayew.
Currently Selected:
OO MEYO ACHIMOOWIN ST MARK 2: CSW
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1876-1877.
