Luca 1

Lucapa Teop'iloa bɨ tea peeda

1Tachi Ak'õrepa tachi t'ãena ooda k'orea, ẽpẽerã chok'araɨrãpa k'art'ade bɨ k'ɨ̃ria p'anasidama. 2Chi mãɨ ooda ununaanapa mãɨ nepɨrɨsidama mãɨnepa jarateasidama. Maapae chi k'art'a bɨdaadapa mãɨ bɨsidama. 3Mãɨpuru mɨa ãchia bɨdada mãɨnepa nepɨrɨdada k'orea ãarea idi basima. Maapae mãɨ k'ɨ̃risiak'ari, mɨa nãɨ nepɨra bɨmaa bɨma pɨ pae, chi minachia k'awa bɨ Teóp'ilo pae. 4Mãɨya pɨa k'awaipɨ pɨá jarateadada piarãpɨ.

Juan chi Porochoaparí t'õi k'awapida

5Herode Judea tuadepema minachia k'awa bɨ paside p'aare Zak'aria apachidaɨ basima.#1:5 Herode. Mãɨ Herode «chi Minachia K'awa bɨade» apatama. Mãɨ Zak'aria mimiapachima p'aarerã waapẽarã paara; mãɨ Abía apachidaɨdepema pasima.#1:5 Abía. Abía chõarãenapema p'aare pasima. 1 Crónica 24:10. Chi k'ima Elisabé Aarón ẽpẽrarãnepa cheda pasima. 6Ãchi umea Tachi Ak'õre k'ĩrari jĩp'a p'anasidama. Tachi Chiparipa oopi bɨ pedea jõma ĩjãapachida pẽra, waapẽarãpa k'achia pedeadaiwẽa p'anasidama. 7Maamina Elisabé warra t'õk'a pada pẽra warra nea p'anasidama. Mãɨ awara minachia chõa p'anasidama.

8Mãɨya p'anɨne Zak'aria Tachi Ak'õre te minachia bɨde mimiapataɨ ewari pasima. Mãɨpuru ichi, waapẽarã p'aarerã ichi ome mimiapataɨ sida Tachi Ak'õre k'ĩrari mimia p'anasidama. 9Mãɨne p'aarerãpa oopataɨ jĩra ne jemena ajorosidama k'awadai k'orea k'aipa Tachi Chipari te minachia bɨde eda ãp'o k'era uruapik'ari ameeit'a. Mãɨne Zak'aria t'ɨ̃t'u baesima.

10Ãp'o k'era paateai hora pada pẽra Zak'aria eda wãsima.#1:10 Ãp'o k'era paateai hora. Éxodo 30:34-38. Mãɨne ẽpẽerã chok'araɨrãpa tajataria Tachi Ak'õrea ɨt'aa chiidimaa p'anasidama. 11Mãɨya bɨde Tachi Chiparipa ɨt'aripa peeda, ãp'o k'era paateapataɨ bɨk'á juaraari unupisima. 12Ichi unuside Zak'aria minachia p'erak'ari k'awa k'ɨ̃risiaé pasima. 13Maamina Tachi Ak'õrepa ɨt'aripa peedapa jarasima:

—Wap'earãse. Pɨa Tachi Ak'õrea ɨt'aa chiidi bada ichia ũrisima. Pɨ k'ima Elisabepa warra t'õipɨ. Ichi t'ɨ̃ bɨse Juan. 14-15Uvaba asia mãɨnepa it'ua tok'á baipɨ. Warra t'õi naena, Tachi Ak'õre Jaore ichi ome baima. Mãɨ warra k'orea ẽpẽerã minachia sõ arapaadaipɨ. Ichi Tachi Chipari k'ĩrari chi waibɨa pai pẽra, pɨ sida minachia arapá baipɨ.#Número 6:1-5; Juece 13:2-5. 16Ichia chok'ará israel ĩjũanepemarã Tachi Ak'õremá jĩitea chepiipɨ. 17Eliapa uru bada jaore, mãɨnepa ichi jua chaareadepema sida pɨ warrapa uru baipɨ. Mãɨnepa ichi Tachi Chipari naa wãipɨ chi ak'õrerã mãɨnepa chi naerã ãchi warrarã ome sõpiapii k'orea.#Malak'ia 4:5-6. Mãɨ awara ichia ĩjãanak'apɨɨrã sida k'aripaipɨ jĩp'a berãpa k'ɨ̃risiapataɨ jĩra k'ɨ̃risiadamẽrá. Mãɨya k'aripaipɨ p'uurudepemarãpa Tachi Chiparia pia pedeadamẽrá.

18Mãɨne Zak'aríapa chi Tachi Ak'õrepa ɨt'aripa peedá idisima:

—¿Mɨa sãmaasã́ k'awai pɨa jara bɨ piarãt'a? Mɨ minachia chõa bɨma. Mɨ k'ima sida chõtã́ bɨma.

19Chi ɨt'aripa peedapa Zak'aria jarasima:

—Mɨ Gabrielpɨ, Tachi Ak'õre pae pari mimiaparipɨ. Ichia mɨ pɨmá peesima mãɨ pedea pia jaramẽrá. 20Mɨa jara bɨma Tachi Ak'õrepa bɨda ewaride piarã mãɨyaipɨ. Maamina pɨa mɨ pedea ĩjãaé pada pẽra, k'ĩrame t'urrá beeyade asima, mɨa nãɨ ewari jarada ará parudea.

21Mãɨmisa ẽpẽrarãpa tajataria nɨ p'anasidama. Ãchia k'awadawẽa p'anasidama k'ãre k'orea Zak'aria jãɨya eda tãaraamaa basit'a. 22Mãɨya bɨde ichi tajatá chesima maamina p'ue pedeaé pasima. K'ĩrame t'urrá beesideepuru, juadepa puru su jara beepachima. Mãɨpa ẽpẽrarãpa k'awasidama Tachi Ak'õrepa ichiá ne unupisit'a.

23Mãɨ Zak'aríapa chi mimiat'a p'aare judiodé jõma ook'ari, ichi tiidá wãsima. 24Mãɨya bak'ari chi k'ima Elisabé biak'oa beesima. Mãɨpuru Elisabé jedek'o joesoma tiida beesima. Nãɨya k'ɨ̃risiasima: 25«Tachi Chiparipa mɨ k'aripasima biak'oa beemẽrá. Jãɨya ichia pia oodapa mɨ k'ĩra p'era bada ãyá bɨsima. Ẽpẽrarãpa mɨ k'orea waa k'achia pedeadaiwẽma».

Ɨt'aripema peedapa Mariá jarada

26-27Elisabé jedek'o k'ak'o sei biak'oa beek'ari Tachi Ak'õrepa ɨt'aripa peeda Gabriel Galilea tuade, Nazaré p'uurudea peesima ãwẽra waidi ɨmɨk'ĩra ome k'ãik'apɨ́ Mariamá. Mãɨ María José ome miak'ãii pasima. José Davidepa cheda pasima. 28Chi ɨt'aripa peeda Mariamá chek'ari nãɨya jarasima:

—¡María! Tachi Chiparipa pɨ pia uru bɨma.#1:28 Tachi Chiparipa pɨ pia uru bɨma. Griego pedeade chi eda waapẽarã k'art'ade nãɨya bɨ bɨma: Tachi Ak'õrepa pɨ waapẽarã wẽrarã k'aepẽra pia uru bɨma. Ichi pɨ ome bɨma.

29Mãɨ pedea ũriside Mariapa k'awa k'ɨ̃risiaé pasima, k'ãre k'orea chi Tachi Ak'õrepa ɨt'aripa peeda mãɨya pedea bɨt'a. 30Mãɨne chi Tachi Ak'õrepa ɨt'aripa peedapa ichiá jarasima:

—María, wap'earãse; Tachi Ak'õrepa pɨ k'aripa bɨma. 31Biak'oa beek'ari warra t'õipɨ. Mãɨ warra t'ɨ̃ bɨse Jesú.#Mateo 1:21. 32Ichi chi minachia k'awa bɨ paipɨ mãɨnepa Tachi Ak'õre chi Atepe bɨpa ichi Warraade aipɨ. Tachi Chiparipa ichi israel ĩjũanepemarã chi minachia k'awa bɨ bɨipɨ ichi chõarãenapema Daví bada jĩra. 33Ichi Jacobodepa chedaadarã chi minachia k'awa bɨ baipɨ. Ewaricha ichidirã ichi juade ua baipɨ.#2 Samuel 7:8,16.

34Mãɨne Mariapa chi ɨt'aripa peedá idisima:

—Mɨ ɨmɨk'ĩra ome k'ãik'apɨ́, ¿sãmaasã́ biak'oa beeima?

35Chi ɨt'aripema peedapa p'anoosima:

—Tachi Ak'õrepa ichi Jaore pɨmá peek'ari, ichi jua chaareadepa pɨ ome baipɨ.#1:35 Pɨ ome baipɨ. Griego pedeade nãɨya bɨ bɨma: Ichi Jaore pɨmá cheipɨ, jɨ̃ara jĩra. Mãɨpuru ichia tearu warra pɨa t'õru, Tachi Ak'õrepa ichi Warraade aipɨ. 36Mãɨnepa pɨ ũpẽawẽra Elisabé biak'oada jedek'o k'ak'o sei pa bɨma, chõtã́ bɨmina. Ichi warra t'õk'aade apachidamina, ɨmɨk'ĩra warra t'õpiipɨ.#1:36 Pɨ ũpẽawẽra. Griego pedeade mãɨ pedea pia ũri bɨwẽma. 37Tachi Ak'õrepa p'ue ooiwẽa bɨ newẽma.

38Mariapa p'anoosima:

—Mɨ Tachi Chipari pae pari mimiaparipɨ. Pia bɨma pɨchia jara bɨ jĩra ichia ooit'a mɨ ome.

Maapae chi Tachi Ak'õrepa ɨt'aripa peeda wãsima.

Mariapa Elisabé ak'ɨde wãna

39Mãɨya bak'ari María isapea Elisabé p'uurudea wãsima. Mãɨ p'uuru Judea ĩjũa eya pará bɨde bɨma. 40Mãma Zak'aria tede eda wãk'ari Elisabea pia pedeasima.

41Elisabepa María pedea ũrirune ichi warra bide eda k'ɨrɨ totomĩasima. Ara mãɨne Elisabé Tachi Ak'õre Jaorede beesima. 42Mãɨne Elisabepa Mariá nãɨya jĩk'ua jarasima:

—Pɨ piarã waapẽarã wẽrarã k'aepẽra Tachi Ak'õrepa pia k'aripa bɨma. Pɨ warra sida Tachi Ak'õrepa pia k'aripaipɨ. 43¿Mɨ k'aima, mɨ Chipari naepa nãɨya ak'ɨde che bɨma? 44Piarã pɨ pedea ũrirune warra mɨ bide bɨ arapaapa totomĩasima. 45Tachi Chiparipa jarada piarã mãɨyai ĩjãana pẽra pɨ minachia pia bɨma.

46Mãɨne Mariapa jarasima:

«Sõnepa mɨa jararuma: Tachi Chipari chi Atepe bɨpɨ.#1 Samuel 2:1-10; Salmo 113:5-9.

47Mɨ sõ arapá bɨma Tachi Ak'õre ome, mɨ k'aripaparí.

48-49Mɨ ichi pae pari mimiaparí wẽra jĩra bɨmina, mãɨnepa minachia k'awa bɨwẽmina, mɨ pia ak'ɨsima.

Idiipa waa jõmãɨrãpa jaradaipɨ Tachi Ak'õrepa nejõma p'ue bɨpa mɨ minachia k'aripa bɨma, mɨ pae ne waibɨa oo bɨẽra.

¡Aba ichit'a Tachi Ak'õrepɨ!

50Mãɨpuru ichi wap'ea berã ewaricha k'ĩra chupuria baparima.

51Tachi Ak'õrepa ichi jua chaareadepa ne waibɨa ook'oasima.

Ara ãchi tuaba chi minachia k'awa k'ɨ̃risia berã ichia ãyá jĩichoapisima.

52Chi atepe beada ãyá jeret'aak'oak'ari chi k'aepe k'ede chi atepe bɨk'oasima.

53Chi nenea k'edea nejõma pia teasima, maamina chi minachia uru beadá jua k'ak'uá ãyá wãpik'oasima.

54-55Ichi pae pari mimiaparí Israel p'uuru k'aripasima. Ichia Abrahán, ichidepa chedaadarã sida ewaricha k'ĩra chupuriasima tachi chõarãenapemarã́ jarada jĩra».

56María Elisabé tede jedek'o k'ak'o ũpea bak'ari ichi tedea wãsima.

Juan chi Porochoaparí t'õna

57Ichi ewari paside Elisabé warra t'õsima. 58Ichi ara k'ait'a p'anapataɨrãpa, ichidirã pida mãɨ ũrisidaɨde ichi ome sõ arapá p'aneesidama Tachi Chiparipa minachia k'ĩra chupuriada pẽra.

59Warra t'õk'ari ewari k'ak'o ocho pa bɨde ateewãsidama warra k'ak'ua tauchaadai k'orea.#Génesi 17:10-12. Mãɨne waapẽarãpa ichi ak'õre t'ɨ̃ Zak'aria t'ɨ̃ jĩra bɨ k'ɨ̃ria p'anasidama. 60Maamina chi naepa jarasima:

—Mãɨya t'ɨ̃ bɨdaiwẽma, mãɨpari ichi t'ɨ̃ bɨdaipɨ Juan.

61Ãchia jarasidama:

—¿K'ãarea mãɨ t'ɨ̃ bɨdaima? Mãra ẽpẽrarã t'ãena mãɨ t'ɨ̃ newẽma.

62Maapae chi ak'õre Zak'ariá juadepa idisidama k'ãre t'ɨ̃ bɨ k'ɨ̃ria bɨ k'awadayá. 63Mãɨ k'orea Zak'ariapa pak'uru p'ep'edea peda enemeepisima. Mãɨne nãɨya bɨsima: «Ichi t'ɨ̃ Juan bɨdaipɨ».

Mãɨ unusidaɨde jõmãɨrãpa k'awa k'ɨ̃risiadaé pasima. 64Ara mãɨne Zak'aria k'ĩrame t'urrá bada mãicha pedeasima mãɨnepa Tachi Ak'õrea pia pedeasima.

65Jõma ãchi k'ait'apemarãpa mãɨ k'orea ũrisidaɨde Tachi Ak'õre wap'ea p'anɨpa jõma Judea tua eya pará bɨde nepɨrɨpachidama. 66Jõma mãɨ ũrinaanapa jarapachidama: «Mãɨya paipɨra, mãɨ warra chi atepe paipɨ». Mãɨya jarasidama Tachi Chipari jua chaarea chi warra ome bɨẽra.

67Maapae chi Juan ak'õre Zak'ariapa Tachi Ak'õre Jaoredepa nãɨya pedeasima:

68«¡Israel p'uuru Tachi Ak'õre minachia pia bɨma, ichi ẽpẽrarã k'aripai k'orea chesideepuru!

69Ichi pae pari mimiaparí Davidepa cheda peeruma Tachi k'aripaparí jua chaarea bɨt'a bamẽrá.#2 Samuel 7:12-13; Salmo 132:17.

70Naena Tachi Ak'õrepa ichi pari pedeapataɨrã́ mãɨ k'orea jarapisima.

71Ichia jarapisima jõma tachi nek'ĩramá, mãɨnepa tachi unuemaa p'anɨ ãchi jua chaareadepema k'aripait'a.

72Mãɨya ooipɨ tachi chõarãenapemarã́ k'ĩra chupuriayade ada pẽra

ichiaba ãchi ome pedea bɨda jõma ooyade ada pẽra.

73-74Ichia tachi chõarãenapema Abrahaná jarasima tachi chi nek'ĩramá jua chaareadepema k'aripai.

Mãɨya ne wap'eawẽa tachia ichi pae nepia oo p'ananai.

75Tachi chok'ae p'anɨmisa ichi k'ĩrari pia jĩp'a nipadaipɨ».

76Maapae Zak'ariapa ichi warra k'orea nãɨya jarasima:

«Warra, pɨ Tachi Ak'õre chi atepe bɨ pari pedeapariade adaipɨ. Pɨ Tachi Chipari naa wãipɨ ichi o jarii k'orea.#Malak'ia 3:1.

77Pɨa israel ĩjũanepemarã́ k'awapiipɨ sãmaasã́ Tachi Ak'õrepa ãchi nemietá k'ɨ̃risia atuak'ari k'aripait'a.

78Ichia tachi minachia k'ĩra chupuria bɨẽra, ɨmata pajãne ochiapari jĩra, ara mãɨya Tachi K'aripaparí pajãnepa cheipɨ.

79Mãɨpa chi p'ãrione berã́, mãɨnepa chi piudai wap'ea berã́ Tachi Ak'õrepa ichi ɨnaa k'awapiipɨ.

Ichiaba tachiá k'awapiipɨ sãmaasã́ ichi ode ne k'ɨ̃risiawẽa nipadai k'orea».

80Chi warra warisima mãɨnepa Tachi Ak'õre Jaoredepa chaarea beesima. Chõa bak'ari ĩjũa pania newẽa bɨde bade wãsima. Mãma bapachima aba israel ĩjũanepemarã k'ĩrari pedearudea.

Currently Selected:

Luca 1: tdc

Highlight

Copy