Marco 2
2
Jesupa ẽpẽra bɨɨrɨ sorek'ea bɨ jɨpa beepida
Mateo 9:1-8; Luca 5:17-26
1Mãɨya bak'ari Jesú mãicha Capernaum p'uurudea wãk'ari, ẽpẽerãpa ichi tiida bɨade a jara para beesima. 2Ẽpẽerã minachia chesidadeepuru, waa k'ɨda neé pasima, chi eda wãpataɨk'á pida. Mãɨne Jesupa Tachi Ak'õre pedea jaratea basima. 3Mãɨya bɨde ẽpẽra k'ĩmari p'anɨrãpa bɨɨrɨ sorek'ea bɨt'a enemeesidama. 4Maamina ẽpẽerã minachia nɨbɨdepa ichi Jesú bɨmá p'ue ateewãnaé pasi pẽra, te ɨ̃rɨ uria oodak'ari chi sorek'ea bɨ chi ẽpẽra uapataɨde bari bɨt'a edá t'aa peesidama Jesumá. 5Jesupa ãchia piarã ĩjãa p'anɨ k'awak'ari, chi sorek'ea bɨa nãɨya jarasima:
—K'ũtã́, pɨa nemietá ooda mɨa k'ɨ̃risia atuasima.
6Mãɨne chi Moisepa bɨda jarateapataɨrã chi eda waapẽarã mãma suak'abari p'anasidama. Mãɨrãpa k'ɨ̃risiasidama: 7«¿K'ãre k'orea mãɨya pedea bɨma? ¡Tachi Ak'õre k'ĩrari piawẽa pedea bɨma! Aba Tachi Ak'õrepuru ẽpẽrapa nemietá ooda p'ue k'ɨ̃risia atuaipɨ».
8Ara mãɨne Jesupa ãchia k'ɨ̃risia p'anɨt'a ichi sõne k'awasima.#2:8 Sõne. Griego pedeade nãɨya bɨ bɨma: Jaorede. Mãɨpuru ãchiá jarasima:
«¿K'ãre k'orea mãra sõne jãɨya k'ɨ̃risia p'anɨma? 9Mãramá ¿chi sãɨ jarait'a chaarea bɨma: “Pɨa nemietá ooda k'ɨ̃risia atuayade ait'a wa p'irabarik'ari pɨ ne ẽpẽra uapataɨ atak'ari nipapade ait'a?” 10Tachi Ak'õrepa mɨ, Ẽpẽra Warra bɨsima nãɨ ĩjũane p'anɨpa nemietá oopataɨ k'ɨ̃risia atuamẽrá. Mãɨ mãrá unupiipɨ».
Ara mãɨne chi sorek'ea bɨa nãɨya jarasima:
11—P'irabarise. Pɨchi ne ẽpẽra uapataɨ atak'ari tiidá wãse.
12Ara mãɨne ichi p'irabarik'ari, ichi ne ẽpẽra uapataɨ atak'ari ãareaɨrã k'ĩrari wãsima. Mãɨ k'orea ãareaɨrãpa k'awa k'ɨ̃risiadaé pasima mãɨnepa Tachi Ak'õrea pia pedea tuaneesidama. Nãɨya jarasidama:
—¡Ewariaba pida nãɨ jĩra tachia ununak'a pasima!
Jesupa Leví t'ɨ̃na
Mateo 9:9-13; Luca 5:27-32
13Mãɨya nak'ari Jesú mãicha Galilea senia ik'idá wãsima. Mãɨne ẽpẽerã chok'ará ichimá wãpachida pẽra, ichia ãchiá jarateapachima. 14Wãrune Jesupa Alp'eo warra Leví unusima. Mãɨ Leví chi Romanepema pae erreara jɨrɨp'eparí tede suak'abari basima. Jesupa ichiá jarasima: «Mɨ ome chese».
Ara mãɨne Leví p'irabarik'ari Jesú ome wãsima.
15Mãɨya nak'ari Jesú chi ichi ome p'ɨrrɨapataɨrã paara Leví tiidá nek'ode wãsidama. Minachia chi Romanepema pae erreara jɨrɨp'epataɨrã mãɨnepa minachia nemietá oopataɨrã#2:15 Nemietá oopataɨrã. Mãɨrã judiorã chi p'ariseorãpa jarateapataɨ jĩra oodak'a pasima. mãma suak'a p'anasidama, ãchi sida Jesú ome p'ɨrrɨapachida pẽra. 16Mãɨya p'anɨne Moisepa bɨda jarateapataɨrã (chi mãɨrã sida p'ariseorã pasima), ãchia Jesú k'ai ome nek'o bɨt'a unusidama. Mãɨ k'orea p'ariseorãpa Jesú ome p'ɨrrɨapataɨrã́ idisidama:
—Mãrá jarateaparipa ¿k'ãre k'orea Romanepema pae erreara jɨrɨp'epataɨrã mãɨnepa waapẽarã nemietá oopataɨrã ome ará nek'oparima?
17Mãɨ ũrik'ari Jesupa jarasima:
—Chi k'ak'ua pia bepa nẽará teaparí jɨrɨdak'ama. Mãɨpari chi k'ak'ua piawẽa bepa ichi jɨrɨpatama. Mɨ chi jĩp'a berã t'ɨ̃i k'orea chewẽa bɨma, mãɨpari nemietá oopataɨrãt'u t'ɨ̃ bɨma Tachi Ak'õremá chedamẽrá.
Jesua nek'odak'apɨ́ ewari k'orea ididada
Mateo 9:14-17; Luca 5:33-34
18Mãɨ ewaride chi Juan chi Porochoaparí ome p'ɨrrɨapataɨrãpa mãɨnepa p'ariseorãpa Tachi Ak'õrene k'ɨ̃risiadayá nek'odak'apɨ́ ewari oo p'anasidama. Mãɨya p'anɨne waapẽarãpa Jesumá orrobaridak'ari idisidama:
—Chi Juan ome p'ɨrrɨapataɨrãpa mãɨnepa p'ariseorãpa Tachi Ak'õrene k'ɨ̃risiadayá nek'odak'apɨ́ ewaride oopatama. Maamina chi pɨ ome p'ɨrrɨapataɨrãpa ¿k'ãre k'orea mãɨya oodak'ama?
19Jesupa p'anoosima:
—Ɨmɨk'ĩrapa wẽra atarude ¿k'aipa Tachi Ak'õrene k'ɨ̃risiadayá nek'odak'apɨ́ ewaride ooima? Mãɨ ɨmɨk'ĩra chi ichia t'ɨ̃narã ome bɨmisa nek'odak'apɨ́ ewaride oodaiwẽma. 20Maamina chi ewari ará parude waapẽarã ẽpẽerãpa ichi ãyá ateewãnaipɨ. Mãɨ ewaridepuru ichia t'ɨ̃narãpa Tachi Ak'õrene k'ɨ̃risiadayá nek'odak'apɨ́ ewari oodaipɨ.
21Tachia neet'á sore k'õa bɨmá p'aru chiwidi ará k'osadak'ama. Mãɨya k'osadaipɨra, chi abaɨ jidibarirupa chi p'aru sore minachia atepe k'õawãipɨ. 22Mãɨnepa abaɨ pida uvaba chiwidi ãnimara e ooda chi sorede t'ɨɨdak'ama. Mãɨya oodaipɨra baak'ak'ari mãɨ ãnimara e ooda chota jĩawãipɨ. Maapae uvaba weawãipɨ mãɨnepa chi ãnimara e ooda ãriipɨ. Mãɨpuru uvaba chiwidi ãnimara e ooda chiwidide t'ɨɨdai p'anɨma.#2:22 Mãɨneepuru Jesupa k'awapisima ichi pedea ãchi chõarãenapema k'ɨ̃risia ome abarik'a jarateak'at'a.
Jesú chi mimianak'apɨ́ ewari chiparipɨ
Mateo 12:1-8; Luca 6:1-5
23Mimianak'apɨ́ ewaride Jesú ĩjũa trigo uudade wãsidaɨde, chi ichi ome p'ɨrrɨapataɨrãpa trigo k'ɨmɨ chae baa p'aneesidama k'odai k'orea. 24Mãɨ k'orea p'ariseorã ãchi k'aade cheutapa Jesua jarasidama:
—Ak'ɨse, pɨ ome p'ɨrrɨapataɨrãpa ¿K'ãre k'orea mimianak'apɨ́ ewaride chi tachia oodak'apɨɨt'a jãɨya oo p'anɨma?
25Jesupa ãchiá jarasima:
—¿Tachi Ak'õre pedea bɨdade eda jaradawẽa p'anɨk'ãra? Ewari aba Daví mãɨnepa chi ichi ome p'ɨrrɨapataɨrãpa k'odai k'orea nea p'anasidama. Jarra p'anasidaɨde ¿k'ãre oosidama?#1 Samuel 21:1-6. 26Abiatar p'aare minachia k'awa bɨ baside, Daví Tachi Ak'õre tede eda wãk'ari Tachi Ak'õre k'ĩrari bɨda p'ana atasima.#Levítico 24:5-9. Mãɨ p'ana ¿abapuru p'aarerãpa k'odai p'anasidawẽk'ãra? Maamina Davipa k'ok'ari ichi ome p'ɨrrɨapataɨrã́ teasima.
27Maapae Jesupa ãchiá jarasima:
—Tachi Ak'õrepa ẽpẽra ooé pasima mimianak'apɨ́ ewari ak'ɨdamẽrá mãɨpari mimianak'apɨ́ ewari bɨsima ẽpẽerã ɨ̃apaadamẽrá. 28Mɨ, chi Ẽpẽra Warra mimianak'apɨ́ ewari chiparipɨ.
Currently Selected:
Marco 2: tdc
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Marco 2
2
Jesupa ẽpẽra bɨɨrɨ sorek'ea bɨ jɨpa beepida
Mateo 9:1-8; Luca 5:17-26
1Mãɨya bak'ari Jesú mãicha Capernaum p'uurudea wãk'ari, ẽpẽerãpa ichi tiida bɨade a jara para beesima. 2Ẽpẽerã minachia chesidadeepuru, waa k'ɨda neé pasima, chi eda wãpataɨk'á pida. Mãɨne Jesupa Tachi Ak'õre pedea jaratea basima. 3Mãɨya bɨde ẽpẽra k'ĩmari p'anɨrãpa bɨɨrɨ sorek'ea bɨt'a enemeesidama. 4Maamina ẽpẽerã minachia nɨbɨdepa ichi Jesú bɨmá p'ue ateewãnaé pasi pẽra, te ɨ̃rɨ uria oodak'ari chi sorek'ea bɨ chi ẽpẽra uapataɨde bari bɨt'a edá t'aa peesidama Jesumá. 5Jesupa ãchia piarã ĩjãa p'anɨ k'awak'ari, chi sorek'ea bɨa nãɨya jarasima:
—K'ũtã́, pɨa nemietá ooda mɨa k'ɨ̃risia atuasima.
6Mãɨne chi Moisepa bɨda jarateapataɨrã chi eda waapẽarã mãma suak'abari p'anasidama. Mãɨrãpa k'ɨ̃risiasidama: 7«¿K'ãre k'orea mãɨya pedea bɨma? ¡Tachi Ak'õre k'ĩrari piawẽa pedea bɨma! Aba Tachi Ak'õrepuru ẽpẽrapa nemietá ooda p'ue k'ɨ̃risia atuaipɨ».
8Ara mãɨne Jesupa ãchia k'ɨ̃risia p'anɨt'a ichi sõne k'awasima.#2:8 Sõne. Griego pedeade nãɨya bɨ bɨma: Jaorede. Mãɨpuru ãchiá jarasima:
«¿K'ãre k'orea mãra sõne jãɨya k'ɨ̃risia p'anɨma? 9Mãramá ¿chi sãɨ jarait'a chaarea bɨma: “Pɨa nemietá ooda k'ɨ̃risia atuayade ait'a wa p'irabarik'ari pɨ ne ẽpẽra uapataɨ atak'ari nipapade ait'a?” 10Tachi Ak'õrepa mɨ, Ẽpẽra Warra bɨsima nãɨ ĩjũane p'anɨpa nemietá oopataɨ k'ɨ̃risia atuamẽrá. Mãɨ mãrá unupiipɨ».
Ara mãɨne chi sorek'ea bɨa nãɨya jarasima:
11—P'irabarise. Pɨchi ne ẽpẽra uapataɨ atak'ari tiidá wãse.
12Ara mãɨne ichi p'irabarik'ari, ichi ne ẽpẽra uapataɨ atak'ari ãareaɨrã k'ĩrari wãsima. Mãɨ k'orea ãareaɨrãpa k'awa k'ɨ̃risiadaé pasima mãɨnepa Tachi Ak'õrea pia pedea tuaneesidama. Nãɨya jarasidama:
—¡Ewariaba pida nãɨ jĩra tachia ununak'a pasima!
Jesupa Leví t'ɨ̃na
Mateo 9:9-13; Luca 5:27-32
13Mãɨya nak'ari Jesú mãicha Galilea senia ik'idá wãsima. Mãɨne ẽpẽerã chok'ará ichimá wãpachida pẽra, ichia ãchiá jarateapachima. 14Wãrune Jesupa Alp'eo warra Leví unusima. Mãɨ Leví chi Romanepema pae erreara jɨrɨp'eparí tede suak'abari basima. Jesupa ichiá jarasima: «Mɨ ome chese».
Ara mãɨne Leví p'irabarik'ari Jesú ome wãsima.
15Mãɨya nak'ari Jesú chi ichi ome p'ɨrrɨapataɨrã paara Leví tiidá nek'ode wãsidama. Minachia chi Romanepema pae erreara jɨrɨp'epataɨrã mãɨnepa minachia nemietá oopataɨrã#2:15 Nemietá oopataɨrã. Mãɨrã judiorã chi p'ariseorãpa jarateapataɨ jĩra oodak'a pasima. mãma suak'a p'anasidama, ãchi sida Jesú ome p'ɨrrɨapachida pẽra. 16Mãɨya p'anɨne Moisepa bɨda jarateapataɨrã (chi mãɨrã sida p'ariseorã pasima), ãchia Jesú k'ai ome nek'o bɨt'a unusidama. Mãɨ k'orea p'ariseorãpa Jesú ome p'ɨrrɨapataɨrã́ idisidama:
—Mãrá jarateaparipa ¿k'ãre k'orea Romanepema pae erreara jɨrɨp'epataɨrã mãɨnepa waapẽarã nemietá oopataɨrã ome ará nek'oparima?
17Mãɨ ũrik'ari Jesupa jarasima:
—Chi k'ak'ua pia bepa nẽará teaparí jɨrɨdak'ama. Mãɨpari chi k'ak'ua piawẽa bepa ichi jɨrɨpatama. Mɨ chi jĩp'a berã t'ɨ̃i k'orea chewẽa bɨma, mãɨpari nemietá oopataɨrãt'u t'ɨ̃ bɨma Tachi Ak'õremá chedamẽrá.
Jesua nek'odak'apɨ́ ewari k'orea ididada
Mateo 9:14-17; Luca 5:33-34
18Mãɨ ewaride chi Juan chi Porochoaparí ome p'ɨrrɨapataɨrãpa mãɨnepa p'ariseorãpa Tachi Ak'õrene k'ɨ̃risiadayá nek'odak'apɨ́ ewari oo p'anasidama. Mãɨya p'anɨne waapẽarãpa Jesumá orrobaridak'ari idisidama:
—Chi Juan ome p'ɨrrɨapataɨrãpa mãɨnepa p'ariseorãpa Tachi Ak'õrene k'ɨ̃risiadayá nek'odak'apɨ́ ewaride oopatama. Maamina chi pɨ ome p'ɨrrɨapataɨrãpa ¿k'ãre k'orea mãɨya oodak'ama?
19Jesupa p'anoosima:
—Ɨmɨk'ĩrapa wẽra atarude ¿k'aipa Tachi Ak'õrene k'ɨ̃risiadayá nek'odak'apɨ́ ewaride ooima? Mãɨ ɨmɨk'ĩra chi ichia t'ɨ̃narã ome bɨmisa nek'odak'apɨ́ ewaride oodaiwẽma. 20Maamina chi ewari ará parude waapẽarã ẽpẽerãpa ichi ãyá ateewãnaipɨ. Mãɨ ewaridepuru ichia t'ɨ̃narãpa Tachi Ak'õrene k'ɨ̃risiadayá nek'odak'apɨ́ ewari oodaipɨ.
21Tachia neet'á sore k'õa bɨmá p'aru chiwidi ará k'osadak'ama. Mãɨya k'osadaipɨra, chi abaɨ jidibarirupa chi p'aru sore minachia atepe k'õawãipɨ. 22Mãɨnepa abaɨ pida uvaba chiwidi ãnimara e ooda chi sorede t'ɨɨdak'ama. Mãɨya oodaipɨra baak'ak'ari mãɨ ãnimara e ooda chota jĩawãipɨ. Maapae uvaba weawãipɨ mãɨnepa chi ãnimara e ooda ãriipɨ. Mãɨpuru uvaba chiwidi ãnimara e ooda chiwidide t'ɨɨdai p'anɨma.#2:22 Mãɨneepuru Jesupa k'awapisima ichi pedea ãchi chõarãenapema k'ɨ̃risia ome abarik'a jarateak'at'a.
Jesú chi mimianak'apɨ́ ewari chiparipɨ
Mateo 12:1-8; Luca 6:1-5
23Mimianak'apɨ́ ewaride Jesú ĩjũa trigo uudade wãsidaɨde, chi ichi ome p'ɨrrɨapataɨrãpa trigo k'ɨmɨ chae baa p'aneesidama k'odai k'orea. 24Mãɨ k'orea p'ariseorã ãchi k'aade cheutapa Jesua jarasidama:
—Ak'ɨse, pɨ ome p'ɨrrɨapataɨrãpa ¿K'ãre k'orea mimianak'apɨ́ ewaride chi tachia oodak'apɨɨt'a jãɨya oo p'anɨma?
25Jesupa ãchiá jarasima:
—¿Tachi Ak'õre pedea bɨdade eda jaradawẽa p'anɨk'ãra? Ewari aba Daví mãɨnepa chi ichi ome p'ɨrrɨapataɨrãpa k'odai k'orea nea p'anasidama. Jarra p'anasidaɨde ¿k'ãre oosidama?#1 Samuel 21:1-6. 26Abiatar p'aare minachia k'awa bɨ baside, Daví Tachi Ak'õre tede eda wãk'ari Tachi Ak'õre k'ĩrari bɨda p'ana atasima.#Levítico 24:5-9. Mãɨ p'ana ¿abapuru p'aarerãpa k'odai p'anasidawẽk'ãra? Maamina Davipa k'ok'ari ichi ome p'ɨrrɨapataɨrã́ teasima.
27Maapae Jesupa ãchiá jarasima:
—Tachi Ak'õrepa ẽpẽra ooé pasima mimianak'apɨ́ ewari ak'ɨdamẽrá mãɨpari mimianak'apɨ́ ewari bɨsima ẽpẽerã ɨ̃apaadamẽrá. 28Mɨ, chi Ẽpẽra Warra mimianak'apɨ́ ewari chiparipɨ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.