Marco 6
6
Jesú Nazarede bada
Mateo 13:53-58; Luca 4:16-30
1Mãmãɨpa Jesú ichi p'uurudea wãsima. Ichi ome p'ɨrrɨapataɨrã sida wãsidama. 2Mimianak'apɨ́ ewaride Jesupa judiorã ará pedeapataɨ tede Tachi Ak'õre pedea jaratea beesima. Mãɨne chok'ará ũri p'anɨpa k'awa k'ɨ̃risiadaé pasi pẽra mãɨya jara tuaneesidama:
—Ichia ¿sãmãɨpa jãɨ k'ɨ̃risia k'awasima? ¿K'aipa ichiá k'ɨ̃risia teasima? ¿Sãmaasã́ ẽpẽerãpa ne p'ue oodak'apɨɨrã ichia mãɨ p'ue ooima? 3¿Ichia pak'urudepa ne ook'oapariwẽk'ãra? ¿María warrawẽk'ãra? ¿Ichi ũpẽarã Santiago, José, Juda mãɨnepa Simonwẽk'ãra? ¿Ichi ũpẽawẽrarã sida tachi t'ãena p'anɨwẽk'ãra?
Ãchia Jesude ĩjãanai k'ɨ̃rianaé pasima. 4Mãɨpuru Jesupa jarasima:
—Tachi Ak'õre pari pedeaparí tua awaraɨdepemarãpa wap'eapatama, maamina ara ichi tuadepemarãpa, chi ichi ũpẽarã ara k'ait'apemarãpa mãɨnepa chi ichi tedepemarã pida wap'eadak'ama.
5Mãma Jesupa ne oodak'apɨ́ p'ue ooé pasima. Abapuru chi eda k'ɨdade be ɨ̃rɨ ichi jua bɨrude jɨpa beepik'oasima. 6Ichi p'uurudepemarãpa ĩjãanaé pada pẽra Jesupa k'awa k'ɨ̃risiawẽa beesima.
Jesupa doce jɨrɨ atadaɨrã peeda
Mateo 10:5-15; Luca 9:1-6
Jesupa p'uuru chak'e becha jaratea wãsima. 7Ichia chi doce jɨrɨ atadaɨrã ãarea ará t'ɨ̃sima. Ãchirã́ jua chaarea teasima jaore mietá ãyá jeret'aadamẽrá. Maapae p'uuru chak'e becha umeemea peesima. 8Ãchi wãnai naena jarasima mãɨ wãutade mi ãpia pida ne ateewãpidaemaapa. Ode chik'o, neet'á yaaparí mãɨnepa erreara sida ateewãnaiwẽa p'anɨane asima. Tumaawa puru ateewãnai p'anɨane asima. 9Mãɨnepa jarasima jĩrune jɨ̃pataɨ ateewãnai p'anɨt'a, maamina neet'á ume ateewãrãt'ɨ. 10Mãɨ awara jarasima:
—Mãra paritua p'uurude cheutade ẽpẽra tiida chi abaɨ temá wãutapɨra mãma p'aneet'ɨ aba p'uurudepa wãutadea. 11Maamina ãchia mãrá pia chesidade adaepɨra mãɨnepa mãra pedea ũri k'ɨ̃rianaepɨra, mãmãɨpa wãt'ɨ. Wãutade yooro jora mãra jĩrunepema jãrap'et'at'ɨ, Tachi Ak'õrepa mãɨ k'ɨ̃riawẽa bɨt'a ãchiá unupidai k'orea.#6:11 Griego pedeade chi eda waapẽarã k'art'ade nãɨya bɨ bɨma: Mɨa piarã jararuma: Tachi Ak'õrepa ɨtɨai ewaride Sodoma, Gomorra p'uuru k'aepẽra mãɨ p'uuru atepe ɨtɨaipɨ.
12Ara mãɨne chi Jesú ome p'ɨrrɨapataɨrã wãsidama. Wãutacha ẽpẽerã́ jarapachidama ãchi nemietá oopataɨ itu bɨdak'ari Tachi Ak'õremá chedamẽrá. 13Mãɨ awara minachia jaore mietá ẽpẽerã k'ak'uadepema ãyá jerek'oasidama mãɨnepa minachia chi k'ɨdade be olivo taapa p'ɨrɨutade jɨpa beepipachidama.#6:13 Jesú ome p'ɨrrɨapataɨrãpa k'ɨdade be olivo taapa p'ɨrɨdak'a pasima jɨpa beepidai k'orea. Mãɨpari mãɨya p'ɨrɨutade k'awapipachidama Tachi Ak'õrepuru ẽpẽerã jɨpa beepi bɨt'a. Santiago 5:14-15.
Herodepa Jesú k'orea ũrina
Mateo 14:1-12; Luca 9:7-9
14Herode Galilea tuadepema chi poro jũra jɨ̃parí jɨ̃ bɨ pasima.#6:14 Herode. Mãɨ Herode «Antipa» apachidama. Ichi k'orea nãma pedea bɨma: Mateo 14:1-10; Luca 3:19; 9:7-9; 13:31-33; 23:6-12. Ichi ak'õre «Herode chi Minachia K'awa Bɨade» apachidama. Mateo 2:1-23. Mãɨ Herodepa Jesupa ooda k'orea ũrisima. Chi eda waapẽarãpa Jesú k'orea nãɨya jarapachidama: «Juan chi Porochoaparí chok'ae p'irabarisima. Mãɨpuru jõma ẽpẽerãpa ne p'ue oodak'apɨɨrã p'ue oo bɨma».#6:14 Griego pedeade chi eda waapẽarã k'art'ade bɨ bɨma Herodepa mãɨya jarasit'a.
15Waapẽarãpa jarasidama Jesú Tachi Ak'õre pari pedeaparí Eliapɨ. Chi waapẽarãpa jarasidama: «Ichi Tachi Ak'õre pari pedeaparí tachi chõarãenapema p'anana jĩra bɨpɨ».
16Maamina Herodepa mãɨya ũrik'ari jarasima: «Mãɨ Juanpɨ. Mɨa ichi poro bɨat'upisimina, piuda chok'ae p'irabarisima».
17-18Herodepa Juan peapida nãɨya basima: Herodepa ara ichi ũpẽa P'elipe k'ima atasima. Mãɨ wẽra Herodía apachidama. Herodepa ichi ãyore atada pẽra Juanpa jarapachima: «Moisepa bɨdade bɨ bɨma pɨ ũpẽa k'ima p'ue uru baiwẽa bɨma».#Levítico 18:16. Mãɨ k'orea Herodepa Juan jitapik'ari jɨ̃a nɨbɨpataɨ tede k'ãnenapa jɨ̃ nɨbɨpisima.
19Mãɨ awara Herodiapa Juan k'ĩramá basima. Ichi peapi k'ɨ̃ria basima maamina p'ue oowẽa basima. 20Herodepa Juan wap'ea basima Juan ẽpẽra jĩp'a bɨt'a mãɨnepa Tachi Ak'õre pae bɨt'a k'awasi pẽra. Mãɨpuru Juan ak'ɨ bapachima, mãɨnepa ichia jarateada ũri k'ɨ̃ria bapachimina k'awa k'ɨ̃risiawẽa beepachima.
21Jãapae Herodiapa k'awasima ichia sãmaasã́ Juan p'ue peapiit'a. Nãɨya basima: Mãɨ Herode t'õna ewari paside nek'opataɨ waibɨa oopisima. Herode tedepemarã chi chaarearã, papaká be chi chaarearã mãɨnepa chi Galilea tuadepema chi chaarearã t'ɨ̃pisima ichi ome nek'odamẽrá. 22Mãɨya nek'o p'anɨne Herodía k'au eda chek'ari jõmãɨrã k'ĩrari paerasima. Mãɨpa Herode mãɨnepa chi ichi ome nek'o p'anɨrã minachia arapaasidama. Herodepa mãɨ ãwẽrá piarã jarasima:
—Pɨa k'ɨ̃riarut'a mɨá idise. Ara mãɨne mɨa pɨá mãɨ teaipɨ.
23Ichia piarã jarasima:
—Pɨa mɨá idiru mɨa ãarea teaipɨ. Mãɨnepa chi mɨa uru bɨdepema estarik'a teaipɨ.
24Herodía k'au tajatá wãk'ari ichi naea nãɨya idisima:
—Mɨa ¿k'ãre idiima?
Mãɨne chi naepa p'anoosima:
—Juan chi Porochoaparí poro idise.
25Chi k'au Herodemá isapea jĩitea wãk'ari nãɨya jarasima:
—Mɨa k'ɨ̃ria bɨma ara nãɨyana pɨa Juan chi Porochoaparí poro mɨá p'arat'ude teait'a.
26Mãɨya idiside Herode minachia sõk'achia beesima. Maamina ichi ome nek'o p'anɨrã k'ĩrari piarã jarada pẽra mãɨ ãwẽrapa idida p'ue teawẽane aé pasima. 27Ara mãɨne Herodepa chi jɨ̃a nɨbɨpataɨ tedepema chi ẽpẽra peaparí wãpisima Juan poro enemeemẽrá. Wãk'ari, Juan poro bɨat'uk'ari, 28ichi poro p'arat'ude enemeek'ari Herodía k'aua teasima. Maapae chi k'aupa chi naea teasima.
29Chi Juan ome p'ɨrrɨapataɨrãpa mãɨ ũrisidaɨde Juan k'ak'ua jɨrɨde wãnak'ari t'ɨbaride ateewãsidama.
Jesupa cinco mil p'anɨa nek'opida
Mateo 14:13-21; Luca 9:10-17; Juan 6:1-4
30Mãɨya nak'ari Jesupa peedaɨrã ichi ome ará p'aneenak'ari, ãchia oodada mãɨnepa jarateadada ichiá nepɨrɨsidama. 31Mãɨya p'anɨne ẽpẽerã minachia cheepɨrɨsidama. Ãchi k'aripa p'anɨpa p'ue nek'odaé pasima. Mãɨpuru Jesupa jarasima:
—Wãtɨma ẽpẽerã newẽmá mãma ɨ̃apaadai k'orea.
32Ara mãɨne ãchi tuaba p'ãp'orrode ĩjũa ẽpẽerã newẽmá wãsidama. 33Maamina ẽpẽerã minachia nɨbɨpa ãchi wãuta unusidama. Mãɨne k'awasidama k'airãt'a jãɨya wãutat'a. Mãɨpuru p'uuruchadepemarã ãchi wãutamá jĩte p'ira wãnak'ari ãchi naa pasidama. 34Jesú p'ãp'orrodepa edá batoorude mãɨ ẽpẽerã minachia nɨbɨ unuk'ari, sõchupuriasima, ãchi oveja chi ak'ɨparí newẽa p'anɨ jĩra p'anana pẽra. Mãɨ k'orea ãchiá ne ãarea jaratea beesima.
35K'iumaa bada pẽra ichi ome p'ɨrrɨapataɨrã ichimá wãnak'ari jarasidama:
—Nãma ẽpẽra k'ait'a newẽma. Mãɨ awara k'iumaa bɨma. 36Ẽpẽrarã́ jarase mãɨ mĩa eudade te k'obemá mãɨnepa p'uuru bemá chik'o atade wãnamẽrá.#6:36 Griego pedeade chi eda waapẽarã k'art'ade bɨ bɨma: chik'o k'odai newẽ pẽra.
37Maamina Jesupa jarasima:
—Mãrapuru nek'opit'ɨ.
Mãɨne ãchia jarasidama:
—¿K'ãre taipa k'opidaima? ¿Pɨa k'ɨ̃ria bɨk'ãra taipa jõma nãɨ ẽpẽerã pae p'ana atade wãnait'a? Jedek'o k'ak'o ocho mimiai bɨma mãɨ erreara jitai k'orea.
38Mãɨne Jesupa idisima:
—¿Tachia p'ana jõmasã́ uru p'anɨma? Ak'ɨde wãt'ɨ.
Ara mãɨne wãsidama. Ak'ɨdak'ari jarade chesidama:
—P'ana joesoma mãɨnepa beta ume uru p'anɨma.
39Maapae Jesupa ãareaɨrã́ jarasima p'ũajãra ɨ̃rɨ ara ãchi k'ak'awá posoa suak'abari p'aneenamẽrá. 40Ara mãɨne chi eda waapẽarã cicienea mãɨnepa cicicuentá ãchi k'ak'awá posoa suak'abari p'aneesidama. 41Jesupa p'ana joesoma p'anɨ mãɨnepa beta ume p'anɨ ichi juade atak'ari pajãnea ak'ɨk'ari Tachi Ak'õrea sõpia bɨade asima. Maapae p'ana t'oet'aak'ari ichi ome p'ɨrrɨapataɨrã́ teasima jedadamẽrá. Beta ume p'anɨ sida teasima jedadamẽrá. 42Maapae ãareaɨrã nek'odak'ari jãwaasidama. 43Chi Jesú p'ɨrrɨapataɨrãpa p'ana mãɨnepa beta pichoada jɨrɨp'esidaɨde jabara k'ak'o doce ipirupisidama. 44Mãma chi nek'odaadarã cinco mil p'anasidama.
Jesú to ɨ̃rɨ nipada
Mateo 14:22-27; Juan 6:16-21
45Mãɨya bak'ari Jesupa ichi ome p'ɨrrɨapataɨrã p'ãp'orrode batoopisima ichi naa k'ĩaria lao, Betsaidadea wãnamẽrá. Mãɨne ichi mãma beesima ẽpẽerã ãchi tiidá peek'ayá. 46Jõmãɨrã wãpik'ari eyadea Tachi Ak'õrea ɨt'aa chiidide wãsima. 47K'iuside chi Jesú ome p'ɨrrɨapataɨrã p'ãp'orrode to estarik'a p'anasidama. Mãɨne Jesú tua ichi tuaba basima. 48Mãmãɨpa unusima chi ichi ome p'ɨrrɨapataɨrãpa ãchi toyadepa minachia mĩa wii p'anɨt'a, chi nãu ãchimá minachia p'õat'ɨ nɨbɨ pẽra. Ãsã parudea Jesú ãchi k'ait'a senia ɨ̃rɨ nipasima. Mãɨya ãchi wãyá wãru pasima. 49-50Mãɨne ãchia ichi to ɨ̃rɨ cheru ununak'ari jaoreade a k'ɨ̃risiasidama. Mãɨpuru minachia p'eradak'ari ãareaɨrãpa ne wap'eapa biasidama. Ara mãɨne Jesupa jarasima:
—¡P'erarãt'ɨ! Mɨpɨ. ¡Ne wap'earãt'ɨ!
51Jesú p'ãp'orrode batooside nãu p'õat'ɨwẽa nɨbeesima. Mãɨpuru minachia ne wap'easidama mãɨnepa k'awa k'ɨ̃risiadawẽa p'aneesidama, 52ãchi sõ chaarea p'anana pẽra mãɨnepa chi Jesupa p'ana ãpia bɨdepa ẽpẽerã chok'ará nek'opida k'orea k'awadawẽa p'anasidama.
Jesupa Genesare tuade k'ɨdade be jɨpa beepida
Mateo 14:34-36
53Mãɨya senia k'ĩaria wãnak'ari, chesidama Genesare ĩjũane. Mãma chi p'ãp'orro jɨ̃ nɨbɨsidama. 54P'ãp'orrodepa tua batoosidaɨde ara mãɨne chi mãmapemarãpa Jesú k'awasidama. 55Mãɨ k'orea p'uurucha p'ira wãsidama ãchi k'ɨdade be Jesumá ateewãnamẽrá. Ẽpẽerãpa Jesú sãma bɨt'a ũrisidaɨde chi k'ak'ua piawẽa be ne ẽpẽra uapataɨde ichimá ateewãpachidama. 56Ichi wãrucha ẽpẽerãpa k'ak'ua piawẽa k'ede tajatá ẽpẽerã minachia nɨbɨparimá ateewãpachidama. P'uuru chak'ede, p'uuru bede mãɨnepa te idá k'edemá mãɨya oopachidama. Ãchia ichiá chupuria idisidama abapuru ichi neet'á i t'õmaripipade asidama. Jesupa itu t'õmaripida pẽra ãarea jɨpa beek'oasidama.
Currently Selected:
Marco 6: tdc
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Marco 6
6
Jesú Nazarede bada
Mateo 13:53-58; Luca 4:16-30
1Mãmãɨpa Jesú ichi p'uurudea wãsima. Ichi ome p'ɨrrɨapataɨrã sida wãsidama. 2Mimianak'apɨ́ ewaride Jesupa judiorã ará pedeapataɨ tede Tachi Ak'õre pedea jaratea beesima. Mãɨne chok'ará ũri p'anɨpa k'awa k'ɨ̃risiadaé pasi pẽra mãɨya jara tuaneesidama:
—Ichia ¿sãmãɨpa jãɨ k'ɨ̃risia k'awasima? ¿K'aipa ichiá k'ɨ̃risia teasima? ¿Sãmaasã́ ẽpẽerãpa ne p'ue oodak'apɨɨrã ichia mãɨ p'ue ooima? 3¿Ichia pak'urudepa ne ook'oapariwẽk'ãra? ¿María warrawẽk'ãra? ¿Ichi ũpẽarã Santiago, José, Juda mãɨnepa Simonwẽk'ãra? ¿Ichi ũpẽawẽrarã sida tachi t'ãena p'anɨwẽk'ãra?
Ãchia Jesude ĩjãanai k'ɨ̃rianaé pasima. 4Mãɨpuru Jesupa jarasima:
—Tachi Ak'õre pari pedeaparí tua awaraɨdepemarãpa wap'eapatama, maamina ara ichi tuadepemarãpa, chi ichi ũpẽarã ara k'ait'apemarãpa mãɨnepa chi ichi tedepemarã pida wap'eadak'ama.
5Mãma Jesupa ne oodak'apɨ́ p'ue ooé pasima. Abapuru chi eda k'ɨdade be ɨ̃rɨ ichi jua bɨrude jɨpa beepik'oasima. 6Ichi p'uurudepemarãpa ĩjãanaé pada pẽra Jesupa k'awa k'ɨ̃risiawẽa beesima.
Jesupa doce jɨrɨ atadaɨrã peeda
Mateo 10:5-15; Luca 9:1-6
Jesupa p'uuru chak'e becha jaratea wãsima. 7Ichia chi doce jɨrɨ atadaɨrã ãarea ará t'ɨ̃sima. Ãchirã́ jua chaarea teasima jaore mietá ãyá jeret'aadamẽrá. Maapae p'uuru chak'e becha umeemea peesima. 8Ãchi wãnai naena jarasima mãɨ wãutade mi ãpia pida ne ateewãpidaemaapa. Ode chik'o, neet'á yaaparí mãɨnepa erreara sida ateewãnaiwẽa p'anɨane asima. Tumaawa puru ateewãnai p'anɨane asima. 9Mãɨnepa jarasima jĩrune jɨ̃pataɨ ateewãnai p'anɨt'a, maamina neet'á ume ateewãrãt'ɨ. 10Mãɨ awara jarasima:
—Mãra paritua p'uurude cheutade ẽpẽra tiida chi abaɨ temá wãutapɨra mãma p'aneet'ɨ aba p'uurudepa wãutadea. 11Maamina ãchia mãrá pia chesidade adaepɨra mãɨnepa mãra pedea ũri k'ɨ̃rianaepɨra, mãmãɨpa wãt'ɨ. Wãutade yooro jora mãra jĩrunepema jãrap'et'at'ɨ, Tachi Ak'õrepa mãɨ k'ɨ̃riawẽa bɨt'a ãchiá unupidai k'orea.#6:11 Griego pedeade chi eda waapẽarã k'art'ade nãɨya bɨ bɨma: Mɨa piarã jararuma: Tachi Ak'õrepa ɨtɨai ewaride Sodoma, Gomorra p'uuru k'aepẽra mãɨ p'uuru atepe ɨtɨaipɨ.
12Ara mãɨne chi Jesú ome p'ɨrrɨapataɨrã wãsidama. Wãutacha ẽpẽerã́ jarapachidama ãchi nemietá oopataɨ itu bɨdak'ari Tachi Ak'õremá chedamẽrá. 13Mãɨ awara minachia jaore mietá ẽpẽerã k'ak'uadepema ãyá jerek'oasidama mãɨnepa minachia chi k'ɨdade be olivo taapa p'ɨrɨutade jɨpa beepipachidama.#6:13 Jesú ome p'ɨrrɨapataɨrãpa k'ɨdade be olivo taapa p'ɨrɨdak'a pasima jɨpa beepidai k'orea. Mãɨpari mãɨya p'ɨrɨutade k'awapipachidama Tachi Ak'õrepuru ẽpẽerã jɨpa beepi bɨt'a. Santiago 5:14-15.
Herodepa Jesú k'orea ũrina
Mateo 14:1-12; Luca 9:7-9
14Herode Galilea tuadepema chi poro jũra jɨ̃parí jɨ̃ bɨ pasima.#6:14 Herode. Mãɨ Herode «Antipa» apachidama. Ichi k'orea nãma pedea bɨma: Mateo 14:1-10; Luca 3:19; 9:7-9; 13:31-33; 23:6-12. Ichi ak'õre «Herode chi Minachia K'awa Bɨade» apachidama. Mateo 2:1-23. Mãɨ Herodepa Jesupa ooda k'orea ũrisima. Chi eda waapẽarãpa Jesú k'orea nãɨya jarapachidama: «Juan chi Porochoaparí chok'ae p'irabarisima. Mãɨpuru jõma ẽpẽerãpa ne p'ue oodak'apɨɨrã p'ue oo bɨma».#6:14 Griego pedeade chi eda waapẽarã k'art'ade bɨ bɨma Herodepa mãɨya jarasit'a.
15Waapẽarãpa jarasidama Jesú Tachi Ak'õre pari pedeaparí Eliapɨ. Chi waapẽarãpa jarasidama: «Ichi Tachi Ak'õre pari pedeaparí tachi chõarãenapema p'anana jĩra bɨpɨ».
16Maamina Herodepa mãɨya ũrik'ari jarasima: «Mãɨ Juanpɨ. Mɨa ichi poro bɨat'upisimina, piuda chok'ae p'irabarisima».
17-18Herodepa Juan peapida nãɨya basima: Herodepa ara ichi ũpẽa P'elipe k'ima atasima. Mãɨ wẽra Herodía apachidama. Herodepa ichi ãyore atada pẽra Juanpa jarapachima: «Moisepa bɨdade bɨ bɨma pɨ ũpẽa k'ima p'ue uru baiwẽa bɨma».#Levítico 18:16. Mãɨ k'orea Herodepa Juan jitapik'ari jɨ̃a nɨbɨpataɨ tede k'ãnenapa jɨ̃ nɨbɨpisima.
19Mãɨ awara Herodiapa Juan k'ĩramá basima. Ichi peapi k'ɨ̃ria basima maamina p'ue oowẽa basima. 20Herodepa Juan wap'ea basima Juan ẽpẽra jĩp'a bɨt'a mãɨnepa Tachi Ak'õre pae bɨt'a k'awasi pẽra. Mãɨpuru Juan ak'ɨ bapachima, mãɨnepa ichia jarateada ũri k'ɨ̃ria bapachimina k'awa k'ɨ̃risiawẽa beepachima.
21Jãapae Herodiapa k'awasima ichia sãmaasã́ Juan p'ue peapiit'a. Nãɨya basima: Mãɨ Herode t'õna ewari paside nek'opataɨ waibɨa oopisima. Herode tedepemarã chi chaarearã, papaká be chi chaarearã mãɨnepa chi Galilea tuadepema chi chaarearã t'ɨ̃pisima ichi ome nek'odamẽrá. 22Mãɨya nek'o p'anɨne Herodía k'au eda chek'ari jõmãɨrã k'ĩrari paerasima. Mãɨpa Herode mãɨnepa chi ichi ome nek'o p'anɨrã minachia arapaasidama. Herodepa mãɨ ãwẽrá piarã jarasima:
—Pɨa k'ɨ̃riarut'a mɨá idise. Ara mãɨne mɨa pɨá mãɨ teaipɨ.
23Ichia piarã jarasima:
—Pɨa mɨá idiru mɨa ãarea teaipɨ. Mãɨnepa chi mɨa uru bɨdepema estarik'a teaipɨ.
24Herodía k'au tajatá wãk'ari ichi naea nãɨya idisima:
—Mɨa ¿k'ãre idiima?
Mãɨne chi naepa p'anoosima:
—Juan chi Porochoaparí poro idise.
25Chi k'au Herodemá isapea jĩitea wãk'ari nãɨya jarasima:
—Mɨa k'ɨ̃ria bɨma ara nãɨyana pɨa Juan chi Porochoaparí poro mɨá p'arat'ude teait'a.
26Mãɨya idiside Herode minachia sõk'achia beesima. Maamina ichi ome nek'o p'anɨrã k'ĩrari piarã jarada pẽra mãɨ ãwẽrapa idida p'ue teawẽane aé pasima. 27Ara mãɨne Herodepa chi jɨ̃a nɨbɨpataɨ tedepema chi ẽpẽra peaparí wãpisima Juan poro enemeemẽrá. Wãk'ari, Juan poro bɨat'uk'ari, 28ichi poro p'arat'ude enemeek'ari Herodía k'aua teasima. Maapae chi k'aupa chi naea teasima.
29Chi Juan ome p'ɨrrɨapataɨrãpa mãɨ ũrisidaɨde Juan k'ak'ua jɨrɨde wãnak'ari t'ɨbaride ateewãsidama.
Jesupa cinco mil p'anɨa nek'opida
Mateo 14:13-21; Luca 9:10-17; Juan 6:1-4
30Mãɨya nak'ari Jesupa peedaɨrã ichi ome ará p'aneenak'ari, ãchia oodada mãɨnepa jarateadada ichiá nepɨrɨsidama. 31Mãɨya p'anɨne ẽpẽerã minachia cheepɨrɨsidama. Ãchi k'aripa p'anɨpa p'ue nek'odaé pasima. Mãɨpuru Jesupa jarasima:
—Wãtɨma ẽpẽerã newẽmá mãma ɨ̃apaadai k'orea.
32Ara mãɨne ãchi tuaba p'ãp'orrode ĩjũa ẽpẽerã newẽmá wãsidama. 33Maamina ẽpẽerã minachia nɨbɨpa ãchi wãuta unusidama. Mãɨne k'awasidama k'airãt'a jãɨya wãutat'a. Mãɨpuru p'uuruchadepemarã ãchi wãutamá jĩte p'ira wãnak'ari ãchi naa pasidama. 34Jesú p'ãp'orrodepa edá batoorude mãɨ ẽpẽerã minachia nɨbɨ unuk'ari, sõchupuriasima, ãchi oveja chi ak'ɨparí newẽa p'anɨ jĩra p'anana pẽra. Mãɨ k'orea ãchiá ne ãarea jaratea beesima.
35K'iumaa bada pẽra ichi ome p'ɨrrɨapataɨrã ichimá wãnak'ari jarasidama:
—Nãma ẽpẽra k'ait'a newẽma. Mãɨ awara k'iumaa bɨma. 36Ẽpẽrarã́ jarase mãɨ mĩa eudade te k'obemá mãɨnepa p'uuru bemá chik'o atade wãnamẽrá.#6:36 Griego pedeade chi eda waapẽarã k'art'ade bɨ bɨma: chik'o k'odai newẽ pẽra.
37Maamina Jesupa jarasima:
—Mãrapuru nek'opit'ɨ.
Mãɨne ãchia jarasidama:
—¿K'ãre taipa k'opidaima? ¿Pɨa k'ɨ̃ria bɨk'ãra taipa jõma nãɨ ẽpẽerã pae p'ana atade wãnait'a? Jedek'o k'ak'o ocho mimiai bɨma mãɨ erreara jitai k'orea.
38Mãɨne Jesupa idisima:
—¿Tachia p'ana jõmasã́ uru p'anɨma? Ak'ɨde wãt'ɨ.
Ara mãɨne wãsidama. Ak'ɨdak'ari jarade chesidama:
—P'ana joesoma mãɨnepa beta ume uru p'anɨma.
39Maapae Jesupa ãareaɨrã́ jarasima p'ũajãra ɨ̃rɨ ara ãchi k'ak'awá posoa suak'abari p'aneenamẽrá. 40Ara mãɨne chi eda waapẽarã cicienea mãɨnepa cicicuentá ãchi k'ak'awá posoa suak'abari p'aneesidama. 41Jesupa p'ana joesoma p'anɨ mãɨnepa beta ume p'anɨ ichi juade atak'ari pajãnea ak'ɨk'ari Tachi Ak'õrea sõpia bɨade asima. Maapae p'ana t'oet'aak'ari ichi ome p'ɨrrɨapataɨrã́ teasima jedadamẽrá. Beta ume p'anɨ sida teasima jedadamẽrá. 42Maapae ãareaɨrã nek'odak'ari jãwaasidama. 43Chi Jesú p'ɨrrɨapataɨrãpa p'ana mãɨnepa beta pichoada jɨrɨp'esidaɨde jabara k'ak'o doce ipirupisidama. 44Mãma chi nek'odaadarã cinco mil p'anasidama.
Jesú to ɨ̃rɨ nipada
Mateo 14:22-27; Juan 6:16-21
45Mãɨya bak'ari Jesupa ichi ome p'ɨrrɨapataɨrã p'ãp'orrode batoopisima ichi naa k'ĩaria lao, Betsaidadea wãnamẽrá. Mãɨne ichi mãma beesima ẽpẽerã ãchi tiidá peek'ayá. 46Jõmãɨrã wãpik'ari eyadea Tachi Ak'õrea ɨt'aa chiidide wãsima. 47K'iuside chi Jesú ome p'ɨrrɨapataɨrã p'ãp'orrode to estarik'a p'anasidama. Mãɨne Jesú tua ichi tuaba basima. 48Mãmãɨpa unusima chi ichi ome p'ɨrrɨapataɨrãpa ãchi toyadepa minachia mĩa wii p'anɨt'a, chi nãu ãchimá minachia p'õat'ɨ nɨbɨ pẽra. Ãsã parudea Jesú ãchi k'ait'a senia ɨ̃rɨ nipasima. Mãɨya ãchi wãyá wãru pasima. 49-50Mãɨne ãchia ichi to ɨ̃rɨ cheru ununak'ari jaoreade a k'ɨ̃risiasidama. Mãɨpuru minachia p'eradak'ari ãareaɨrãpa ne wap'eapa biasidama. Ara mãɨne Jesupa jarasima:
—¡P'erarãt'ɨ! Mɨpɨ. ¡Ne wap'earãt'ɨ!
51Jesú p'ãp'orrode batooside nãu p'õat'ɨwẽa nɨbeesima. Mãɨpuru minachia ne wap'easidama mãɨnepa k'awa k'ɨ̃risiadawẽa p'aneesidama, 52ãchi sõ chaarea p'anana pẽra mãɨnepa chi Jesupa p'ana ãpia bɨdepa ẽpẽerã chok'ará nek'opida k'orea k'awadawẽa p'anasidama.
Jesupa Genesare tuade k'ɨdade be jɨpa beepida
Mateo 14:34-36
53Mãɨya senia k'ĩaria wãnak'ari, chesidama Genesare ĩjũane. Mãma chi p'ãp'orro jɨ̃ nɨbɨsidama. 54P'ãp'orrodepa tua batoosidaɨde ara mãɨne chi mãmapemarãpa Jesú k'awasidama. 55Mãɨ k'orea p'uurucha p'ira wãsidama ãchi k'ɨdade be Jesumá ateewãnamẽrá. Ẽpẽerãpa Jesú sãma bɨt'a ũrisidaɨde chi k'ak'ua piawẽa be ne ẽpẽra uapataɨde ichimá ateewãpachidama. 56Ichi wãrucha ẽpẽerãpa k'ak'ua piawẽa k'ede tajatá ẽpẽerã minachia nɨbɨparimá ateewãpachidama. P'uuru chak'ede, p'uuru bede mãɨnepa te idá k'edemá mãɨya oopachidama. Ãchia ichiá chupuria idisidama abapuru ichi neet'á i t'õmaripipade asidama. Jesupa itu t'õmaripida pẽra ãarea jɨpa beek'oasidama.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.