Marco 5
5
Jesupa jaore mietá chok'ará ãyá jeret'aada
Mateo 8:28-34; Luca 8:26-39
1Maapae senia k'ĩaria wãnak'ari Gerasa tuadea pasidama.#5:1 Gerasa. Griego pedeade chi eda waapẽarã k'art'ade bɨ bɨma: Gadara wa Gergasa. 2Jesú p'ãp'orrodepa eda wãside ara mãɨne ẽpẽra jaore mietá pará bɨ jãɨrã te p'ẽya uriadepa ichimá chesima. 3Mãɨ ẽpẽra jãɨrã te uriade bapachima. Abaɨ pida ichi p'uedak'a pasima, k'ãnenapa jɨ̃uta sida. 4Bari k'ak'o minachia ichi k'ãnenapa jĩru jɨ̃pachidamina, jua sida jɨ̃pachidamina ãarea t'eek'oapachima. Ichi mi ãpia pida p'uedak'a pasima. 5Teamasi, ãst'á pida jãɨrã tede mãɨnepa eyade bia nipapachima. Ara ichi k'ak'ua mawarapa sĩpachima. 6Ichia t'ɨmɨɨpa Jesú unuside p'ira chesima. Jesú k'ĩrari sĩraporode k'obeek'ari, 7jĩk'ua biak'ari, nãɨya jarasima:
—Tachi Ak'õre chi Atepe bɨ Warra, Jesú, ¿k'ãre k'orea mɨ ome bariyá bɨma? ¡Tachi Ak'õre k'ĩrari piarãpẽa jarase mɨ mĩapiiwẽt'a!
8Mãɨya pedeasima Jesupa ichiá nãɨya jara bada pẽra: «¡Jaore mietá, nãɨ ẽpẽra k'ak'uadepema ãyá wãse!»
9Maapae Jesupa chi jaore mietá idisima:
—¿Pɨ t'ɨ̃ k'aima?
Chi jaore mietapa p'anoosima:
—Mɨ t'ɨ̃ Chi Chok'araade#5:9 Chi Chok'araade. Griego pedeade nãɨya bɨ bɨma: Legión. Mãɨpa jara bɨma papaká berã sei mil. apatama, tai minachia p'anɨẽra.
10Mãɨne jaore mietapa Jesua chichupuria idisima mãɨ tuadepema ãyá jeret'aapiemaapa. 11Mãɨya p'anɨne ara k'ait'a bɨ eyade sina chok'ará nek'o tuanasidama. 12Mãɨ k'orea chi jaore mietaarãpa Jesua nãɨya chichupuria idisidama:
—Tai jãɨrã sina k'ak'uade itu wãpise.
13Mãɨya Jesupa itu wãpisima. Chi jaore mietaarã ẽpẽra k'ak'uadepema ãyá wãnak'ari sina k'ak'uade eda wãsidama. Maamina eda wãnak'ari sina p'ira errodak'ari p'ẽyanepa toedá t'ĩu wãk'oasidama. Ãarea todepa piusidama. Mãɨrã sina dos mil p'anasidama.
14Mãɨne chi sinarã ak'ɨ p'anana p'uurudea p'ira wãsidama. Ãchi p'uurudepemarã́ mãɨnepa chi p'uuru k'ait'a berã́ jaore mietá pará bada k'orea ãarea nepɨrɨsidama. Mãɨpuru ak'ɨde cheepɨrɨsidama. 15Jesú bɨmá cheutade, mãɨ ẽpẽra jaore mietá chok'ará uru bada unusidama. Mãɨ suak'abari bɨ, neet'á jɨ̃ bɨ mãɨnepa k'ĩra pia bɨ unusidaɨde, p'erasidama. 16Chi mãɨ ununaanapa waapẽarã́ nepɨrɨsidama chi jaore mietá pará bada mãɨnepa chi sinarã sãasit'a. 17Mãɨpuru Jesua chichupuria idisidama ãchi tuadepema ãyá wãmẽrá.
18Jesú p'ãp'orrode batooside chi jaore mietá pará badapa chichupuria idisima ichi ome wãi k'orea. 19Maamina Jesupa itu wãpié pasima. Mãɨpari jarasima:
—Tiidá wãk'ari pɨ ẽpẽerã́ jarase Tachi Chiparipa pɨ ome ne waibɨa oodat'a. Ãchiá nepɨrɨse sãmaasã́ ichia pɨ minachia k'ĩra chupuriasit'a.
20Ara mãɨne chi jaore mietá pará bada wãk'ari jõma Decápoli tuade nepɨrɨpachima Jesupa ichi ome ne waibɨa oodat'a. Mãɨpuru ãareaɨrãpa k'awa k'ɨ̃risiadaé pasima.
Jesupa wẽrak'au jɨpa beepida
Mateo 9:18-26; Luca 8:40-56
21Jesú jĩitea p'ãp'orrode senia k'ĩaria lao wãk'ari ẽpẽerã minachia ichi bɨmá chesidama to ik'idá. 22Mãɨya bɨde ẽpẽra Jairo apataɨ chesima. Mãɨ Jairo judiorã ará pedeapataɨ tede chi minachia k'awa bɨ pasima. Mãɨne Jairo Jesú k'ait'a chek'ari ichi jĩru k'ait'a bedabari k'obeek'ari, 23nãɨya chichupuria idisima:
—Mɨ k'au chae piumaa bɨma. Pɨ jua ichi ɨ̃rɨ bɨde chese jɨpa beemẽrá.
24Ara mãɨne Jesú ichi ome wãsima. Ẽpẽrarã chok'ará Jesú ome wãuta pẽra p'isua nɨbasima. 25Mãɨne ẽpẽerã t'ãena wẽra aba ãyo k'ak'o doce oamia jita bɨt'a nipasima. 26Mãɨ wẽrapa nearã́ teapataɨrã́ ichi erreara ãarea teadamina jɨpa beaé pasima. Chok'ará nẽará teapataɨrãpa ichi minachia mĩapisidama maamina mãicha wariara k'ɨdade beesima. 27-28Mãɨne Jesú k'orea pedea p'anɨ ũrik'ari ẽpẽerã t'ãena Jesú ãpɨte k'ait'a wãsima. Nãɨya k'ɨ̃risiasima: «Ichi neet'á ɨ̃rɨpema t'õmariipɨra, mɨ jɨpa beeipɨ». Ara mãɨne Jesú neet'á k'ĩup'ea t'õmarisima. 29Ara mãɨne chi oa p'oasima mãɨnepa ichia k'awasima ichi k'ak'ua jɨpa beesit'a mãɨ oamĩapa mĩa bapachit'a. 30Maamina Jesupa k'awasima ichi jua chaareadepa abaɨ jɨpa beesit'a. Mãɨpuru jĩitea ak'ɨk'ari idisima:
—Mɨ neet'á ¿k'aipa t'õmarisima?
31Mãɨne ichi ome p'ɨrrɨapataɨrãpa jarasidama:
—¿Sãmaasã́ idi bɨma k'aipa pɨ t'õmarisit'a? Pɨa unu bɨma ẽpẽerãpa pɨ p'isua uru p'anɨt'a.
32Mãɨya jarasidamina, Jesupa jõmãɨrãmá ak'ɨsima ichi mãɨyana k'awai k'orea. 33Mãɨya bɨde wẽra ne wap'eapa ore nɨbasima Jesudepa jɨpa beeda k'awa bɨ pẽra. Maapae Jesumá chek'ari ichi k'ĩrari bedabari k'obeek'ari jarasima:
—Mɨa piarã pɨ t'õmarisima.
34Mãɨpuru Jesupa ichiá jarasima:
—K'au, piarã jɨpa beeit'a ĩjãana pẽra pɨ jɨpa beesima. Ne k'ɨ̃risiawẽa wãse. Waa mãɨya mĩa baiwẽma.
35Jesú wapida pedeamaa bɨde Jairo tedepa waapẽarã chedak'ari ichiá jarasidama:
—Pɨ k'au k'ĩrawẽasima. ¿K'ãre k'orea chi Jarateaparia waa jara bɨma?
36Mãɨya jaradada ũrisimina, Jesupa Jairoa jarasima:
—Ne wap'earãse. Sõnepa ĩjãase.
37Maapae Jesupa Pedro, Santiago mãɨnepa Santiago ũpẽa Juan mãɨ Jairo tiidá ateewãsima. Chi waapẽarã itu wãpié pasima. 38Jairo temá cheutade Jesupa ũrisima ẽpẽerã ooroa jẽa p'anɨt'a. 39Eda wãk'ari Jesupa chi jẽa p'anɨrã́ jarasima:
—¿K'ãre k'orea jãɨya jẽa p'anɨma? Jãɨ wẽrak'au piuwẽa bɨma, mãɨpari k'ãi bɨma.
40Mãɨpuru ẽpẽerãpa ichi k'orea eesidama. Maamina Jesupa jõmãɨrã tajatá wãpisima. Maapae ichi ome p'ɨrrɨapataɨrã ũpea, chi wẽrak'au ak'õre mãɨnepa chi nae eda ateewãsima chi wẽrak'au badamá. 41Wẽrak'au juade jitak'ari Jesupa jarasima:
—Talitá cum. (Mãɨ arameo pedeade jara bɨma: “K'au chae, mɨa pɨá jararuma: p'irabarise”).
42Ara mãɨne chi wẽrak'au p'irabarik'ari p'ɨrrɨa beesima. Ichi doce ãyo basima. Mãɨ k'orea ãareaɨrãpa k'awa k'ɨ̃risiadaé pasima. 43Maamina Jesupa ãchiá minachia jarasima mi ãpia pida abaɨa jarapidaemaapa. Mãɨnepa jarasima wẽrak'aua nek'opidamẽrá.
Currently Selected:
Marco 5: tdc
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Marco 5
5
Jesupa jaore mietá chok'ará ãyá jeret'aada
Mateo 8:28-34; Luca 8:26-39
1Maapae senia k'ĩaria wãnak'ari Gerasa tuadea pasidama.#5:1 Gerasa. Griego pedeade chi eda waapẽarã k'art'ade bɨ bɨma: Gadara wa Gergasa. 2Jesú p'ãp'orrodepa eda wãside ara mãɨne ẽpẽra jaore mietá pará bɨ jãɨrã te p'ẽya uriadepa ichimá chesima. 3Mãɨ ẽpẽra jãɨrã te uriade bapachima. Abaɨ pida ichi p'uedak'a pasima, k'ãnenapa jɨ̃uta sida. 4Bari k'ak'o minachia ichi k'ãnenapa jĩru jɨ̃pachidamina, jua sida jɨ̃pachidamina ãarea t'eek'oapachima. Ichi mi ãpia pida p'uedak'a pasima. 5Teamasi, ãst'á pida jãɨrã tede mãɨnepa eyade bia nipapachima. Ara ichi k'ak'ua mawarapa sĩpachima. 6Ichia t'ɨmɨɨpa Jesú unuside p'ira chesima. Jesú k'ĩrari sĩraporode k'obeek'ari, 7jĩk'ua biak'ari, nãɨya jarasima:
—Tachi Ak'õre chi Atepe bɨ Warra, Jesú, ¿k'ãre k'orea mɨ ome bariyá bɨma? ¡Tachi Ak'õre k'ĩrari piarãpẽa jarase mɨ mĩapiiwẽt'a!
8Mãɨya pedeasima Jesupa ichiá nãɨya jara bada pẽra: «¡Jaore mietá, nãɨ ẽpẽra k'ak'uadepema ãyá wãse!»
9Maapae Jesupa chi jaore mietá idisima:
—¿Pɨ t'ɨ̃ k'aima?
Chi jaore mietapa p'anoosima:
—Mɨ t'ɨ̃ Chi Chok'araade#5:9 Chi Chok'araade. Griego pedeade nãɨya bɨ bɨma: Legión. Mãɨpa jara bɨma papaká berã sei mil. apatama, tai minachia p'anɨẽra.
10Mãɨne jaore mietapa Jesua chichupuria idisima mãɨ tuadepema ãyá jeret'aapiemaapa. 11Mãɨya p'anɨne ara k'ait'a bɨ eyade sina chok'ará nek'o tuanasidama. 12Mãɨ k'orea chi jaore mietaarãpa Jesua nãɨya chichupuria idisidama:
—Tai jãɨrã sina k'ak'uade itu wãpise.
13Mãɨya Jesupa itu wãpisima. Chi jaore mietaarã ẽpẽra k'ak'uadepema ãyá wãnak'ari sina k'ak'uade eda wãsidama. Maamina eda wãnak'ari sina p'ira errodak'ari p'ẽyanepa toedá t'ĩu wãk'oasidama. Ãarea todepa piusidama. Mãɨrã sina dos mil p'anasidama.
14Mãɨne chi sinarã ak'ɨ p'anana p'uurudea p'ira wãsidama. Ãchi p'uurudepemarã́ mãɨnepa chi p'uuru k'ait'a berã́ jaore mietá pará bada k'orea ãarea nepɨrɨsidama. Mãɨpuru ak'ɨde cheepɨrɨsidama. 15Jesú bɨmá cheutade, mãɨ ẽpẽra jaore mietá chok'ará uru bada unusidama. Mãɨ suak'abari bɨ, neet'á jɨ̃ bɨ mãɨnepa k'ĩra pia bɨ unusidaɨde, p'erasidama. 16Chi mãɨ ununaanapa waapẽarã́ nepɨrɨsidama chi jaore mietá pará bada mãɨnepa chi sinarã sãasit'a. 17Mãɨpuru Jesua chichupuria idisidama ãchi tuadepema ãyá wãmẽrá.
18Jesú p'ãp'orrode batooside chi jaore mietá pará badapa chichupuria idisima ichi ome wãi k'orea. 19Maamina Jesupa itu wãpié pasima. Mãɨpari jarasima:
—Tiidá wãk'ari pɨ ẽpẽerã́ jarase Tachi Chiparipa pɨ ome ne waibɨa oodat'a. Ãchiá nepɨrɨse sãmaasã́ ichia pɨ minachia k'ĩra chupuriasit'a.
20Ara mãɨne chi jaore mietá pará bada wãk'ari jõma Decápoli tuade nepɨrɨpachima Jesupa ichi ome ne waibɨa oodat'a. Mãɨpuru ãareaɨrãpa k'awa k'ɨ̃risiadaé pasima.
Jesupa wẽrak'au jɨpa beepida
Mateo 9:18-26; Luca 8:40-56
21Jesú jĩitea p'ãp'orrode senia k'ĩaria lao wãk'ari ẽpẽerã minachia ichi bɨmá chesidama to ik'idá. 22Mãɨya bɨde ẽpẽra Jairo apataɨ chesima. Mãɨ Jairo judiorã ará pedeapataɨ tede chi minachia k'awa bɨ pasima. Mãɨne Jairo Jesú k'ait'a chek'ari ichi jĩru k'ait'a bedabari k'obeek'ari, 23nãɨya chichupuria idisima:
—Mɨ k'au chae piumaa bɨma. Pɨ jua ichi ɨ̃rɨ bɨde chese jɨpa beemẽrá.
24Ara mãɨne Jesú ichi ome wãsima. Ẽpẽrarã chok'ará Jesú ome wãuta pẽra p'isua nɨbasima. 25Mãɨne ẽpẽerã t'ãena wẽra aba ãyo k'ak'o doce oamia jita bɨt'a nipasima. 26Mãɨ wẽrapa nearã́ teapataɨrã́ ichi erreara ãarea teadamina jɨpa beaé pasima. Chok'ará nẽará teapataɨrãpa ichi minachia mĩapisidama maamina mãicha wariara k'ɨdade beesima. 27-28Mãɨne Jesú k'orea pedea p'anɨ ũrik'ari ẽpẽerã t'ãena Jesú ãpɨte k'ait'a wãsima. Nãɨya k'ɨ̃risiasima: «Ichi neet'á ɨ̃rɨpema t'õmariipɨra, mɨ jɨpa beeipɨ». Ara mãɨne Jesú neet'á k'ĩup'ea t'õmarisima. 29Ara mãɨne chi oa p'oasima mãɨnepa ichia k'awasima ichi k'ak'ua jɨpa beesit'a mãɨ oamĩapa mĩa bapachit'a. 30Maamina Jesupa k'awasima ichi jua chaareadepa abaɨ jɨpa beesit'a. Mãɨpuru jĩitea ak'ɨk'ari idisima:
—Mɨ neet'á ¿k'aipa t'õmarisima?
31Mãɨne ichi ome p'ɨrrɨapataɨrãpa jarasidama:
—¿Sãmaasã́ idi bɨma k'aipa pɨ t'õmarisit'a? Pɨa unu bɨma ẽpẽerãpa pɨ p'isua uru p'anɨt'a.
32Mãɨya jarasidamina, Jesupa jõmãɨrãmá ak'ɨsima ichi mãɨyana k'awai k'orea. 33Mãɨya bɨde wẽra ne wap'eapa ore nɨbasima Jesudepa jɨpa beeda k'awa bɨ pẽra. Maapae Jesumá chek'ari ichi k'ĩrari bedabari k'obeek'ari jarasima:
—Mɨa piarã pɨ t'õmarisima.
34Mãɨpuru Jesupa ichiá jarasima:
—K'au, piarã jɨpa beeit'a ĩjãana pẽra pɨ jɨpa beesima. Ne k'ɨ̃risiawẽa wãse. Waa mãɨya mĩa baiwẽma.
35Jesú wapida pedeamaa bɨde Jairo tedepa waapẽarã chedak'ari ichiá jarasidama:
—Pɨ k'au k'ĩrawẽasima. ¿K'ãre k'orea chi Jarateaparia waa jara bɨma?
36Mãɨya jaradada ũrisimina, Jesupa Jairoa jarasima:
—Ne wap'earãse. Sõnepa ĩjãase.
37Maapae Jesupa Pedro, Santiago mãɨnepa Santiago ũpẽa Juan mãɨ Jairo tiidá ateewãsima. Chi waapẽarã itu wãpié pasima. 38Jairo temá cheutade Jesupa ũrisima ẽpẽerã ooroa jẽa p'anɨt'a. 39Eda wãk'ari Jesupa chi jẽa p'anɨrã́ jarasima:
—¿K'ãre k'orea jãɨya jẽa p'anɨma? Jãɨ wẽrak'au piuwẽa bɨma, mãɨpari k'ãi bɨma.
40Mãɨpuru ẽpẽerãpa ichi k'orea eesidama. Maamina Jesupa jõmãɨrã tajatá wãpisima. Maapae ichi ome p'ɨrrɨapataɨrã ũpea, chi wẽrak'au ak'õre mãɨnepa chi nae eda ateewãsima chi wẽrak'au badamá. 41Wẽrak'au juade jitak'ari Jesupa jarasima:
—Talitá cum. (Mãɨ arameo pedeade jara bɨma: “K'au chae, mɨa pɨá jararuma: p'irabarise”).
42Ara mãɨne chi wẽrak'au p'irabarik'ari p'ɨrrɨa beesima. Ichi doce ãyo basima. Mãɨ k'orea ãareaɨrãpa k'awa k'ɨ̃risiadaé pasima. 43Maamina Jesupa ãchiá minachia jarasima mi ãpia pida abaɨa jarapidaemaapa. Mãɨnepa jarasima wẽrak'aua nek'opidamẽrá.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.