Marco 4
4
Ne uuda k'orea nepɨrɨda
Mateo 13:1-9; Luca 8:4-8
1Mãicha Jesupa Tachi Ak'õre pedea senia minachia bɨ ik'idá jaratea beesima. Mãɨne ichimá minachia cheepɨrɨsidama. Mãɨpuru p'ãp'orrode batook'ari suak'abari beesima. Chi ẽpẽerã to ik'idá tuaneesidama. 2Maapae Jesupa ne minachia nepɨrɨ bɨdepa jarateasima. Nãɨya jarasima:
3«¡Ũrit'ɨ! Ẽpẽra ne p'ode wãsima. 4Mãɨya p'o nine chi eda waapẽarã net'a tau ode baek'oasima. Mãɨne ĩpana cheepɨrɨdak'ari mik'oasidama. 5Chi eda waapẽarã chi net'a tau ĩjũa mawara idá bɨde baek'oasima. Chi ĩjũa mawara t'at'adá bɨẽra ĩjũa namia basima. Mãɨpuru chi net'a tau isapea t'õnosima. 6Maamina pisia wãsiapa p'urpasima chi k'arra ɨ̃rɨa bada pẽra. 7Mãɨnepa chi eda waapẽarã net'a tau ĩjũa ɨɨrɨ idá bɨde baek'oasima. Chi mãma baek'oada waridak'ari jɨ̃k'ara ɨɨrɨ pará bɨpa pɨra k'enasima. Mãɨpa p'ue chaudaé pasima. 8Maamina chi eda waapẽarã net'a tau ĩjũa piade baek'oasidama. Mãɨ t'õnonak'ari, waridak'ari, maapae waapẽarã minachia chausidama, mãɨ awara atepe chausidama, mãɨ awara mãɨ atepe pará chausidama».#4:8 Griego pedeade nãɨya bɨma: Waapẽarã chausidapa treinta teasima, abaɨpa sesenta teasima mãɨnepa abaɨpa cien teasima.
9Maapae Jesupa jarasima: «Chi k'ɨɨrɨ pará bɨpa jĩrak'aua ũrise».
Jesupa ¿k'ãre k'orea nepɨrɨ bɨdepa jarateasima?
Mateo 13:10-17; Luca 8:9-10
10Ẽpẽrarã wãnak'ari Jesú ome p'ɨrrɨapataɨrã doce p'anɨpa mãɨnepa waapẽarã ichik'á p'ananapa idisidama chi ichia nepɨrɨ bɨdepa jarateada k'orea. 11Jesupa p'anoosima: «Chi Tachi Ak'õrepa ichidirã ichi juade ua bɨ k'orea ãareaɨrã́ k'awapiwẽa bɨmina mãrá k'awapi bɨma. Maamina waapẽarã́ mɨa nepɨrɨ bɨdepa pedea bɨma,
12“ãchia minachia ak'ɨ p'anɨmina mãɨ ununaemaapa,
mãɨnepa minachia ũri p'anɨmina mãɨ k'awadaemaapa.
Mãɨya p'ananaiwẽ pasira, Tachi Ak'õremá chedak'ari ãchia nemietá oopataɨ mãɨ ichia k'ɨ̃risia atuai pasima”#Isaía 6:9-10.».
Jesupa chi nepɨrɨda k'orea jarateada
Mateo 13:18-23; Luca 8:11-15
13Mãɨne Jesupa ãchiá jarasima: «¿Mãrapa mãɨ nepɨra ũrinawẽk'ãra? Mãɨyara ¿sãmaasã́ chi waapẽarã ũrinaima? 14Ũrit'ɨ. Chi net'a tau p'oparí Tachi Ak'õre pedea jaraparí jĩra bɨma. 15Chi net'a tau ode baeda chi Tachi Ak'õre pedea ũri p'anɨrã jĩra bɨma. Mãɨ pedea ũri p'anɨma, maamina ara mãɨne tiore chek'ari mãɨ pedea ãchi sõne cheda k'ɨ̃risia atuapiparima. 16Chi net'a tau mawara idá bɨ ĩjũane p'odapa nãɨ jara bɨma: waapẽarã ẽpẽerãpa Tachi Ak'õre pedea ũrinak'ari minachia arapá ũripatama. 17Maamina minachia k'arra jitawẽa be pẽra tãaraa choadak'ama. Nepɨrade baeutade mãɨyawẽpɨra Tachi Ak'õre pedea ĩjãa p'anɨ k'orea ẽpẽerãpa mĩapiutade ãchia ĩjãa p'anana itu bɨpatama. 18Net'a tau ĩjũa ɨɨrɨ idá bɨde baedapa nãɨ jara bɨma: chi eda waapẽarã ẽpẽerãpa Tachi Ak'õre pedea ũripatama. 19Maamina nãɨ ĩjũane sãmaasã́ pia beadai k'orea minachia k'ɨ̃risiapatama. Ne ãarea uru p'ananaipɨra, arapá p'ananai k'ɨ̃risiapatama. Ichiaba ne wawaria minachia k'ɨ̃riapatama. Mãɨpa ãarea Tachi Ak'õre pedea waa ũripik'ama, ne uu warida chauk'á bapari jĩra. 20Maamina chi net'a tau ĩjũa piade p'oda nãɨya jara k'ɨ̃ria bɨma: chi eda waapẽarãpa Tachi Ak'õre pedea pia ũrinak'ari ĩjãapatama. Mãɨrã chi waapẽarãpa nepia ãpia oopatama mãɨnepa chi waapẽarãpa ne wait'apea oopatama, mãɨ awara chi waapẽarãpa ne minachia oopatama».#4:20 Griego pedeade nãɨya bɨ bɨma: Waapẽarãpa treinta chaupatama, waapẽarãpa sesenta chaupatama mãɨnepa waapẽarãpa cien chaupatama.
Laap'ara k'orea nepɨrɨda
Mateo 5:15; Luca 8:16-18
21Ichiaba nepɨrɨsima: «Laap'ara enemeeparik'ãra ¿ne yaapataɨ ek'ari bɨi k'orea, wa k'ãipataɨ ek'ari bɨi k'orea? Mãɨyawẽma, laap'ara nek'opataɨ ɨ̃rɨ bɨpatama. 22Ara mãɨ jĩra ne ãarea mẽranat'a jãapae mãɨ unuipɨ. Chi tachi k'awadawẽa p'anɨt'a jãapae Tachi Ak'õrepa ãarea k'awapiipɨ. 23Chi k'ɨɨrɨ pará bɨpa jĩrak'aua ũrise».
24Mãɨ awara Jesupa jarasima: «Mɨa jaratea bɨt'a jĩrak'aua ũrit'ɨ. Abaɨ pia bɨwẽane a jarapataɨ jĩra, ara mãɨya Tachi Ak'õrepa mãra pia bɨwẽane aipɨ mãɨnepa mãrá atepe k'awapiipɨ. 25Abaɨpa Tachi Ak'õre k'orea piarã k'awaipɨra, Tachi Ak'õrepa mãɨ atepe k'awapiipɨ. Maamina chi atua bɨpa ne k'awa bɨ k'ɨ̃risiaipɨra, ichia k'ɨ̃risia bɨ sida Tachi Ak'õrepa mãɨ ẽemariipɨ».
Ne uu ĩjũa sãmaasã́ wariparii k'orea nepɨrɨda
26Jesupa nepɨrɨpodosima:
—Tachi Ak'õrepa ichidirã ichi juade ua bɨt'a net'a tau ĩjũane p'oparí jĩra bɨma. 27Teamasi chi ẽpẽra k'ãi bɨmisa mãɨnepa ãsã chok'ae bɨmisa chi net'a tau t'õnok'ari, wariparima. Chi p'odapa sãmaasã́ waripi bɨt'a k'awak'amina mãɨyaparima. 28Ĩjũane ara ichi tuaba t'õnoparima. Chi t'uk'u ochiaparima. Maapae chi k'irú ochiak'ari, otoparima. Otok'ari maapae net'a tau minachia chauparima. 29Maapae chi net'a tau waraak'ari, ẽpẽrapa nek'odepa t'ɨat'uk'ari jɨrɨp'epodoparima chi ewari pada pẽra.
Mostaza net'a tau k'orea nepɨrɨda
Mateo 13:31-32; 13:34-35; Luca 13:18-19
30Jesupa ichiaba jarasima: «¿Tachi Ak'õrepa ichidirã ichi juade ua bɨt'a k'ãre jĩra bɨma? ¿Chi sãɨ nepɨrat'a jarateaima pia k'awadamẽrá? 31Mostaza tau jĩra bɨma. Mãɨ mostaza tau chi waapẽarã net'a tau k'aepẽra chi ãpia pará bɨma. 32Maamina uuk'ari minachia wariparima pak'uru nepalá waapẽarã k'aepẽra, mãɨnepa chi jua sida jaachoaparima. Mãɨpuru ĩpana chi pak'uru juat'aede te ook'oapatama».
33Mãɨya nepɨrɨ bɨdepa Jesupa jarateapachima ẽpẽerãpa mãɨ waa ũriutamá. 34Nepɨrɨwẽa jarateak'a pasima. Maamina ichi ome p'ɨrrɨapataɨrã ãchi tuaba ará p'anɨne ãarea jarateapachima.
Jesupa nãu mãɨnepa senia ap'i bapida
Mateo 8:23-27; Luca 8:22-25
35Mãɨ ewaride k'iupodode Jesupa ichi ome p'ɨrrɨapataɨrã́ jarasima:
—¡K'ĩaria lao wãtɨma!
36Ara mãɨne ãchia ẽpẽerã arí p'anɨ ameenak'ari Jesú ome, chi badamá p'ãp'orrode k'ĩaria wãsidama. P'ãp'orro awaraɨrã ãchi paara wãsidama. 37Mãɨya p'anɨne nãu minachia p'õat'ɨ nɨbeesima. Mãɨpuru pania t'umá minachia p'ãp'orrode eda wã nɨbeesima. Chi p'ãp'orro pirupodo basima. 38Mãɨne Jesú p'ãp'orro ãtauari k'ãi basima porok'au ɨ̃rɨ. Mãɨ k'orea ichi ome p'ɨrrɨapataɨrãpa ɨ̃rɨmanak'ari nãɨya jarasidama:
—Jarateaparí, ¿K'awawẽk'ãra tai k'uawãmaa p'anɨt'a?
39Maapae Jesú p'irabarik'ari, chi nãua ɨtɨak'ari, senia chomá minachia nãɨya ɨtɨasima:
—¡K'ĩup'ea base! ¡Ap'i base!
Ara mãɨne nãu k'ĩup'ea beesima mãɨnepa ãarea ap'i ũu beesima. 40Mãɨya bɨde Jesupa ãchiá jarasima:
—Mãra ¿k'ãre k'orea minachia wap'ea p'anɨma? ¿K'ãre k'orea Tachi Ak'õrene ĩjãanawẽa p'anɨma?
41Maamina Jesupa ooda k'orea ãchi minachia p'era p'anasidama. Mãɨpuru ara ãchi tuaba idi para beesima:
—Nãɨ ¿K'ai ẽpẽrama? Nãupa mãɨnepa to pida ichi pedea ũripatama.
Currently Selected:
Marco 4: tdc
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Marco 4
4
Ne uuda k'orea nepɨrɨda
Mateo 13:1-9; Luca 8:4-8
1Mãicha Jesupa Tachi Ak'õre pedea senia minachia bɨ ik'idá jaratea beesima. Mãɨne ichimá minachia cheepɨrɨsidama. Mãɨpuru p'ãp'orrode batook'ari suak'abari beesima. Chi ẽpẽerã to ik'idá tuaneesidama. 2Maapae Jesupa ne minachia nepɨrɨ bɨdepa jarateasima. Nãɨya jarasima:
3«¡Ũrit'ɨ! Ẽpẽra ne p'ode wãsima. 4Mãɨya p'o nine chi eda waapẽarã net'a tau ode baek'oasima. Mãɨne ĩpana cheepɨrɨdak'ari mik'oasidama. 5Chi eda waapẽarã chi net'a tau ĩjũa mawara idá bɨde baek'oasima. Chi ĩjũa mawara t'at'adá bɨẽra ĩjũa namia basima. Mãɨpuru chi net'a tau isapea t'õnosima. 6Maamina pisia wãsiapa p'urpasima chi k'arra ɨ̃rɨa bada pẽra. 7Mãɨnepa chi eda waapẽarã net'a tau ĩjũa ɨɨrɨ idá bɨde baek'oasima. Chi mãma baek'oada waridak'ari jɨ̃k'ara ɨɨrɨ pará bɨpa pɨra k'enasima. Mãɨpa p'ue chaudaé pasima. 8Maamina chi eda waapẽarã net'a tau ĩjũa piade baek'oasidama. Mãɨ t'õnonak'ari, waridak'ari, maapae waapẽarã minachia chausidama, mãɨ awara atepe chausidama, mãɨ awara mãɨ atepe pará chausidama».#4:8 Griego pedeade nãɨya bɨma: Waapẽarã chausidapa treinta teasima, abaɨpa sesenta teasima mãɨnepa abaɨpa cien teasima.
9Maapae Jesupa jarasima: «Chi k'ɨɨrɨ pará bɨpa jĩrak'aua ũrise».
Jesupa ¿k'ãre k'orea nepɨrɨ bɨdepa jarateasima?
Mateo 13:10-17; Luca 8:9-10
10Ẽpẽrarã wãnak'ari Jesú ome p'ɨrrɨapataɨrã doce p'anɨpa mãɨnepa waapẽarã ichik'á p'ananapa idisidama chi ichia nepɨrɨ bɨdepa jarateada k'orea. 11Jesupa p'anoosima: «Chi Tachi Ak'õrepa ichidirã ichi juade ua bɨ k'orea ãareaɨrã́ k'awapiwẽa bɨmina mãrá k'awapi bɨma. Maamina waapẽarã́ mɨa nepɨrɨ bɨdepa pedea bɨma,
12“ãchia minachia ak'ɨ p'anɨmina mãɨ ununaemaapa,
mãɨnepa minachia ũri p'anɨmina mãɨ k'awadaemaapa.
Mãɨya p'ananaiwẽ pasira, Tachi Ak'õremá chedak'ari ãchia nemietá oopataɨ mãɨ ichia k'ɨ̃risia atuai pasima”#Isaía 6:9-10.».
Jesupa chi nepɨrɨda k'orea jarateada
Mateo 13:18-23; Luca 8:11-15
13Mãɨne Jesupa ãchiá jarasima: «¿Mãrapa mãɨ nepɨra ũrinawẽk'ãra? Mãɨyara ¿sãmaasã́ chi waapẽarã ũrinaima? 14Ũrit'ɨ. Chi net'a tau p'oparí Tachi Ak'õre pedea jaraparí jĩra bɨma. 15Chi net'a tau ode baeda chi Tachi Ak'õre pedea ũri p'anɨrã jĩra bɨma. Mãɨ pedea ũri p'anɨma, maamina ara mãɨne tiore chek'ari mãɨ pedea ãchi sõne cheda k'ɨ̃risia atuapiparima. 16Chi net'a tau mawara idá bɨ ĩjũane p'odapa nãɨ jara bɨma: waapẽarã ẽpẽerãpa Tachi Ak'õre pedea ũrinak'ari minachia arapá ũripatama. 17Maamina minachia k'arra jitawẽa be pẽra tãaraa choadak'ama. Nepɨrade baeutade mãɨyawẽpɨra Tachi Ak'õre pedea ĩjãa p'anɨ k'orea ẽpẽerãpa mĩapiutade ãchia ĩjãa p'anana itu bɨpatama. 18Net'a tau ĩjũa ɨɨrɨ idá bɨde baedapa nãɨ jara bɨma: chi eda waapẽarã ẽpẽerãpa Tachi Ak'õre pedea ũripatama. 19Maamina nãɨ ĩjũane sãmaasã́ pia beadai k'orea minachia k'ɨ̃risiapatama. Ne ãarea uru p'ananaipɨra, arapá p'ananai k'ɨ̃risiapatama. Ichiaba ne wawaria minachia k'ɨ̃riapatama. Mãɨpa ãarea Tachi Ak'õre pedea waa ũripik'ama, ne uu warida chauk'á bapari jĩra. 20Maamina chi net'a tau ĩjũa piade p'oda nãɨya jara k'ɨ̃ria bɨma: chi eda waapẽarãpa Tachi Ak'õre pedea pia ũrinak'ari ĩjãapatama. Mãɨrã chi waapẽarãpa nepia ãpia oopatama mãɨnepa chi waapẽarãpa ne wait'apea oopatama, mãɨ awara chi waapẽarãpa ne minachia oopatama».#4:20 Griego pedeade nãɨya bɨ bɨma: Waapẽarãpa treinta chaupatama, waapẽarãpa sesenta chaupatama mãɨnepa waapẽarãpa cien chaupatama.
Laap'ara k'orea nepɨrɨda
Mateo 5:15; Luca 8:16-18
21Ichiaba nepɨrɨsima: «Laap'ara enemeeparik'ãra ¿ne yaapataɨ ek'ari bɨi k'orea, wa k'ãipataɨ ek'ari bɨi k'orea? Mãɨyawẽma, laap'ara nek'opataɨ ɨ̃rɨ bɨpatama. 22Ara mãɨ jĩra ne ãarea mẽranat'a jãapae mãɨ unuipɨ. Chi tachi k'awadawẽa p'anɨt'a jãapae Tachi Ak'õrepa ãarea k'awapiipɨ. 23Chi k'ɨɨrɨ pará bɨpa jĩrak'aua ũrise».
24Mãɨ awara Jesupa jarasima: «Mɨa jaratea bɨt'a jĩrak'aua ũrit'ɨ. Abaɨ pia bɨwẽane a jarapataɨ jĩra, ara mãɨya Tachi Ak'õrepa mãra pia bɨwẽane aipɨ mãɨnepa mãrá atepe k'awapiipɨ. 25Abaɨpa Tachi Ak'õre k'orea piarã k'awaipɨra, Tachi Ak'õrepa mãɨ atepe k'awapiipɨ. Maamina chi atua bɨpa ne k'awa bɨ k'ɨ̃risiaipɨra, ichia k'ɨ̃risia bɨ sida Tachi Ak'õrepa mãɨ ẽemariipɨ».
Ne uu ĩjũa sãmaasã́ wariparii k'orea nepɨrɨda
26Jesupa nepɨrɨpodosima:
—Tachi Ak'õrepa ichidirã ichi juade ua bɨt'a net'a tau ĩjũane p'oparí jĩra bɨma. 27Teamasi chi ẽpẽra k'ãi bɨmisa mãɨnepa ãsã chok'ae bɨmisa chi net'a tau t'õnok'ari, wariparima. Chi p'odapa sãmaasã́ waripi bɨt'a k'awak'amina mãɨyaparima. 28Ĩjũane ara ichi tuaba t'õnoparima. Chi t'uk'u ochiaparima. Maapae chi k'irú ochiak'ari, otoparima. Otok'ari maapae net'a tau minachia chauparima. 29Maapae chi net'a tau waraak'ari, ẽpẽrapa nek'odepa t'ɨat'uk'ari jɨrɨp'epodoparima chi ewari pada pẽra.
Mostaza net'a tau k'orea nepɨrɨda
Mateo 13:31-32; 13:34-35; Luca 13:18-19
30Jesupa ichiaba jarasima: «¿Tachi Ak'õrepa ichidirã ichi juade ua bɨt'a k'ãre jĩra bɨma? ¿Chi sãɨ nepɨrat'a jarateaima pia k'awadamẽrá? 31Mostaza tau jĩra bɨma. Mãɨ mostaza tau chi waapẽarã net'a tau k'aepẽra chi ãpia pará bɨma. 32Maamina uuk'ari minachia wariparima pak'uru nepalá waapẽarã k'aepẽra, mãɨnepa chi jua sida jaachoaparima. Mãɨpuru ĩpana chi pak'uru juat'aede te ook'oapatama».
33Mãɨya nepɨrɨ bɨdepa Jesupa jarateapachima ẽpẽerãpa mãɨ waa ũriutamá. 34Nepɨrɨwẽa jarateak'a pasima. Maamina ichi ome p'ɨrrɨapataɨrã ãchi tuaba ará p'anɨne ãarea jarateapachima.
Jesupa nãu mãɨnepa senia ap'i bapida
Mateo 8:23-27; Luca 8:22-25
35Mãɨ ewaride k'iupodode Jesupa ichi ome p'ɨrrɨapataɨrã́ jarasima:
—¡K'ĩaria lao wãtɨma!
36Ara mãɨne ãchia ẽpẽerã arí p'anɨ ameenak'ari Jesú ome, chi badamá p'ãp'orrode k'ĩaria wãsidama. P'ãp'orro awaraɨrã ãchi paara wãsidama. 37Mãɨya p'anɨne nãu minachia p'õat'ɨ nɨbeesima. Mãɨpuru pania t'umá minachia p'ãp'orrode eda wã nɨbeesima. Chi p'ãp'orro pirupodo basima. 38Mãɨne Jesú p'ãp'orro ãtauari k'ãi basima porok'au ɨ̃rɨ. Mãɨ k'orea ichi ome p'ɨrrɨapataɨrãpa ɨ̃rɨmanak'ari nãɨya jarasidama:
—Jarateaparí, ¿K'awawẽk'ãra tai k'uawãmaa p'anɨt'a?
39Maapae Jesú p'irabarik'ari, chi nãua ɨtɨak'ari, senia chomá minachia nãɨya ɨtɨasima:
—¡K'ĩup'ea base! ¡Ap'i base!
Ara mãɨne nãu k'ĩup'ea beesima mãɨnepa ãarea ap'i ũu beesima. 40Mãɨya bɨde Jesupa ãchiá jarasima:
—Mãra ¿k'ãre k'orea minachia wap'ea p'anɨma? ¿K'ãre k'orea Tachi Ak'õrene ĩjãanawẽa p'anɨma?
41Maamina Jesupa ooda k'orea ãchi minachia p'era p'anasidama. Mãɨpuru ara ãchi tuaba idi para beesima:
—Nãɨ ¿K'ai ẽpẽrama? Nãupa mãɨnepa to pida ichi pedea ũripatama.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.