Maakusiup Aglangit 3

Angutiup Talinga Nukiqanngittuq

Maatiusi 12:9-14; Luukasi 6:6-11

1Kinguningagut Jiisusi utirivuq Juutit ukpirnirmut katimavingannut, tavvaniittuqaqpurlu angummik aggaqaqtuq nukiqanngittumik.

2Inuit tavvaniilaurivut qaujisariaqsimallutik angut Sapatimi aaqqingniarmangaagu, pasiktlirutiksaqsiurlutik. 3Angut aggalik nukiqanngittunik uqautivaa, “Maunga qaigit.” 4Inuit uqautivait, “Piqujavut Sapatimi ikajuqujivaat aanniqsiqujivalluunniit? Inuusirmik sapujjiqujivaat tuqutsiqujivalluunniit?”

Inuilli nilliqtuqanngilat.

5Avatiminiittut takusaqpait akauksarunniirluni, qiksaagutigillugit uummatingit sitijualuungmata, angummut uqaqpuq, “Aggatit isaalaukkit.” Tavva isaakpait, aaqqitsiarlutik qanuinngijjusivinirmiktut. 6Tavva Paarisit Juutit ukpirnirmut katimavingannit anigamik Iruutasiup ikajuqtinginnik ilaqarlutik kativut, qanuq tuqutsijunangaarmi Jiisusimik.

Jiisusiup Ajuriqtuininga Tasiup Sinaani Inugiakturjuanut

7Jiisusi ilinniaqtingillu Galiliamut tasirjuamualiqput, inugiakturjuanit maliktaullutik Galiliaminngaaqtunit; Juutiaminngaaqtunillu, 8Jiruusalimminngaaqtunillu, Aitumiamillu, Juartaniullu akianinngaaqtunit, iglugasagjuanillu Tairimit Saitunimillu, tamarmik Jiisusimualauqput tusalauramik taassuma pinasuarnirilauqtanginnik. 9Ilinniaqtini umiamik atuinnaruiqullugit uqautivait aturniaqtaminik, tasirmut inungnit singitauniarasugilluni. 10Inungnik amisunik qanimajunik aaqqiksilaurmat, taimaimmat qanimajut inungnik pingujaillutik Jiisusimuarasuaqput akturumallunijjuk. 11Inuit anirnirlutausimajut taassuminga takujaraangamik, paammaqattaqput qaigalaalirlutik, “Guutiup Irnirivaatit.”

12Jiisusiup anirnirluit iniqtiqpait inungnut uqausiujumanani kinaunirminik.

Jiisusiup Niruarninga Aapuusitalingnik 12-nik

Maatiusi 10:1-4; Luukasi 6:12-16

13Kinguningagut Jiisusi qaqqamut majuaqpuq, angutinik qaiqujilluni niruaqtaminik; taakkua Jiisusimuaqput, 14tavva 12 niruaqpait, najuqtigiinnarumallugit, tilijumallugit ajuriqtuijaqtuqullugit, 15pijunnarniqaqullugit anirnirlungnik anititsinirmik: 16Saimuuni Jiisusiup attiqpaa Piitturuusimik; 17Jaimisikkuk Juanasikkuk nukariik Sipitiup irningik, Jiisusiup atiqtaaqtilaupaak Puanigiisinik, imaak tukilik, “Kalluup irningik”; 18Aanturuulu, Pilippuusilu, Patiulumiulu, Maatiusilu, Tuumasilu, Jaimisilu Aulpiasiup irninga, Taatiasilu, Saimuunilu Kainanimiuq,#3:18 Kainaniat uvvalu pitturiat imaak tukilik nunaminik sirnaaqti 19Juutasilu Iskariat, taanna Jiisusimik pijautitsilauqtuq.

Jiisusiup Piulsipaapimik Ilummiqtausimaniraqtauninga

Maatiusi 12:22-32; Luukasi 11:14-23; 12:10

20Kinguningagut Jiisusi angirraqpuq; inugasagjuat amma katilirivut, aglaat Jiisusi ilinniaqtingillu nirijunnarunniiqput. 21Ilangit nangminingit tamatuminga tusaramik, upagutivut tavvanngat anitittumallugu, inuit uqaqattalirmata, “Jiisusi isumairutinirarlugu.”

22Piqujanik ilisaijit ilangit Jiruusalimminngaaqsimajut imaak uqaqput, “Jiisusiuna Piulsipaapimik ilummiqtausimagami, anirnirluit angajuqqaangannik, taassuma pijunnaniqtaaqtisimajanga anirnirlungnik anititsijunnaqtilluniuk.”

23Jiisusiup inuit qaiquvait, ajjiujumik uqarvigillugit, “Qanurli Saataanasi anititsijunnaqpaa Saataanasimik? 24Nunaqutigijaujuq angajuqqauvingnut avikturlutik immingnut akiraqtuutiliqpata, taakkua nunaqatigiingujut avikturutik inuuqatigigunnailiniaqput. 25Ilagiit iglumiuqatigiit immingnut avillutik akiraqtulirutik tavva iglumiuqatigiit asirurlutik nungunniaqput. 26Taimaaktauq Saataanasi imminut avikturluni akiraqtuliruni, asirujuittuujunnanngilaq, asirurlunili nungukkajaqpuq.

27“Nalliat suungujurjuap iglunganut itirluni piqutinginnik aqsaaqsijunnanngilaq, kisiani suungujurjuaq qilaksuqaarlugu; kingurngagut iglungata piqutinginnik aqsaalirajaqpaa.

28“Sulijumik uqautivassi, inuit ajuqtulinirnit Guutimigluunniit uqarnirluksimagaluaqpata isumagijunnairviujumaaqput; 29kisianili nalliat uqarnirluutiqaqpat Anirnirmik Ijjurnaittumik taanna isumagijunnairviunianngilaq, ajuqtulingmat pasijaksaunnaqtumik isuqanngittumut.” 30Inuit ilangit uqalaurmata, “Jiisusiuna anirnirlungmik ilummiqtausimajuq.”

Jiisusiup Anaananga Qatanngutingillu

Maatiusi 12:46-50; Luukasi 8:19-21

31Tavva Jiisusiup anaananga qatanngutingillu tavvunngaqput; igluup silataanillutik taakkua uqaujjauquvaat, qaiqullugu. 32Inugiaktulli avataani iksivajut, Jiisusimut uqaqput, “Anaanait qatanngutitillu silamiipput, ilingnik qaiqujillutik.”

33Jiisusiup kiuvait, “Kina anaanaga kinakkullu qatanngutikka?” 34Avatiminik iksivajut inuit takusarlugit uqaqpuq, “Takugit uvvaukua anaanakka qatanngutikkalu! 35Nalliat Guutiup pijumajanganik atuqtuq taanna qatanngutigivara, najagillugulu anaanagivara.”

Currently Selected:

Maakusiup Aglangit 3: EAIBR

Highlight

Copy