Maakusiup Aglangit 5
5
Jiisusiup Anirnirluktausimajumik Aaqqiksininga
Maatiusi 8:28-34; Luukasi 8:26-39
1Tavva Jiisusi ilinniaqtingillu tasirjuap Galiliap akianut tikipput, Giraasamiut nunanganut. 2Umiamit niungmat, angummut upaktauvuq iluviqarvingninngaaqtumit taanna anirnirluktausimavuq. 3Iluvirni iniqaqtuq; kinamulluunniit attungiqtaujunnarunniiqtuq, aqsaaqtuujanulluunniit;#5:3 Qilaungujanulluunniit 4itigangit aggangillu attungiqtauqattaqsimagaluaqput attungiutinut savirajangnut, aqsaqtujanullu,#5:4 Qilaungujanulluunniit taakkuali qikturaaqattaqpait, savirajaillu itigangita attungiutingit suraktiqpaglunigit; sanngiluarninganut kinamulluunniit pisimajaujunnarunniiqtuq. 5Ullukkut unnuakullu iluviqtigut pisukatainnaqattaqtuq qaqqani nilliaqattaqpuq, imminik killiaqattarluni ujaqqanut.
6Ungasiktumiilluni Jiisusi takugamiuk; tassumunga ullaksivuq saanganuarami siiqqurluni tuksiarvigivaa; 7qaigalaarluni nipiquqtulluni uqaqpuq, “Uvannut qanuiliuriaqtuqpit Jiisusi, Guutiup Quttingniqpaap Irninga? Guutiup saangani qinuvigivagit, aanniqsiqtailinnga.” 8Taanna taimaak uqaqpuq, Jiisusi uqarmat “Anirnirluk tavvanngat inungmit anigit!”
9Jiisusiup apirivaa, “Kinauvit?”
Kiuvuq, “Ligiunimik atiqaqpunga; tavvani amisualuugatta!” 10Taassuma ajuinnarluni qinuvigiiliqpaa anirnirluit tamaanngat nunamit aullaqtitauqunagit.
11Tamaanili nunami qanigijaani kuukkuusitaqaqpuq amisunik, qaqqaup sivinganingani nirinasuktunik; 12anirnirluit Jiisusi qinuvigivaat, “Kuukkuusinuaqulauqtigut.” 13Tavva Jiisusiup taimaak piquvait. Anirnirluit inungmit anigamik kuukkuusinut itiqput; kuukkuusit taakkua unuqtualuuvut katillugit 2,000 qanigijaaniipput, pangaliksigamik innaarukkut ijukkaqput tasirmut, imaani ipillutik.
14Angutit kuukkuusinik kamajit qimaksivut, uqariaqturlutik inungnut nunalingniittunut piruqsiivingniittunullu. Inuillu qaivut takujaqturlutik qanuiliuqtuqarnirmangaat. 15Jiisusimuaramik, angut takuvaat anirnirluktausimalauqtuq, iksivaaliqtuq, annuraaqsimallunilu isumaqatsialiqtuq, inuit kappiasuliqput. 16Qaujilauqtut tamatuminga unikkaaqput angut anirnirlungnut ilummiqtausimalauqtumik, kuukkuusiillu qanuililaurmangaata.
17Inuit Jiisusimik tavvanngat nunamingnit aullaqujiliqput.
18Umiamut ikiliqtillugu, angutiup anirnirluktausimalauqtuup qinuvigivaa, maligumalluni.
19Jiisusiulli maliqunngilaa, imaak uqautillugu, “Angirralirit ilannarijarnut, uqautilugit qanutigi Atanirmut piniarviusimanirijarnik, qanutigilu pittiarviunirisimajarnik taassumunga.”
20Angut qimaruutigami Tikapuliisimut nunamut qulinik iglugasagjualingnik taijaujumut aivuq, unikkaarvigilugit qanuq Jiisusimut piniarviulaurnirminik; tamarmik tusaqtut kamaniammarikput.
Jairuusiup Paninga Arnaullu Jiisusiup Annuraanginnik Aktuqsininga
Maatiusi 9:18-26; Luukasi 8:40-56
21Jiisusi umiakkut tasiup akianut utirmingmat, inugasagjuanit avalujauvuq; tasiup sinaaniitillugu suli tikivvigijangani. 22Jairuusi, Juutit ukpirnirmut katimavingita angajuqqaangitta ilangat, tikippuq; Jiisusi takugamiuk, itiganginnut siiqqurluni ukuvuq. 23Qinuvigivaa, uqarluni, “Panikuluga aksualuk qanimalluni tuqutuinnariaqalirmat. Qailutit patimmijaqtulauruk, aaqqikkuni inuuniarmat.”
24Jiisusiup maliliqpaa. Inugiakturjuallu malikput aglaat ninniuqtilirlugu avatilimaanganit.
25Tavvani arnaqtaqaqpuq akunialuk aunaanginnaqtumik arraagunik 12-nik. 26Akuni aksururutigisimavaa aaqqiktaunasuaraluarluni aanniasiuqtimmaringnut, arnaup piqutilimaani nungulauqpait, aaqqiktauvalliananili piujunniiqpalliatuinnaqpuq. 27Jiisusi unikkausiutillugu tusaqsimaliramiuk, inugasagjuatigut kinguninganit maliglugu annuraanga aktuqpaa. 28Isumalirami, “Annuraangilluunniit akturunnarukkit, aaqqiktauniaqpunga.”
29Tavvainnaq aunaarninga nuqqaqpuq; imminik ilumigut ikpingniqpuq aaqqiktaunirminik qanuijjutiminik. 30Jiisusi qaujivuq pijunnarniq imminit aningmat, tavvainnaq utimut qiviaqpuq inugasagjuanut, uqarluni, “Kia annuraakka akturmagit?”
31Ilinniaqtingita uqautivaat, “Takuvutit inugasagjuat ninniuqtimmatit avatilimaarnit, sungma uqaqpit, kia aktuqpaanga?”
32Suqusiranili qiniqpuq kinamut aktuqtaungmangaarmi. 33Arnaq qaujigami aaqqiktaunirminik upagutisivuq, sajugluni ilirasungnirmut saanganut ukulluni, uqautivaa qanuinnilimaaminik. 34Jiisusiup uqautivaa, “Panik ukpirnivit aaqqikpaatit; isumajaanngillutit qimaruutilirit, aaqqiktaugavit qanuijjutigijarnit.”
35Suli uqallaktillugu, uqariaqtuqtumik qaijuqaqpuq Jairuusiup iglunganinngaaqtumik uqarluni, “Paniit tuquvuq. Sungmat suli ajuriqtuiji qaitinnasuaqpiuk?”
36Jiisusi uqausirijanginnik kamanani, Jairuusi uqautivaa, “Isumaalunngillutit, ukpituinnarit.” 37Tavva kinakkutuinnarnik maliqujijunniiqpuq Piitturuusi Jaimisikkuglu Juanasikkuk nukariik maliqujatuarivait. 38Jairuusiup iglunganut tikinnamik, tavvani takuvuq uimajaaqtunik, tusaallunilu nipiqqutullutik qiajunik. 39Jiisusi tavvunga itirami, uqautivait, “Sungmat uimajaaqpisi qiallusilu? Una niviaqsiaq tuqunganngilaq sinituinnaqpuq.”
40Taakkua Jiisusimik sulijuqsanginirmut mitautiqaliqput. Iluunnalimaatik anitippait, niviaqsiap ataatanga anaanangalu ilinniaqtinilu pingasut itirunnaqtitatuarivait, tavvunga niviaqsiap najuqtanganut itiqput. 41Niviaqsiaq aggangitigut tigullugu uqautivaa, “Talita kuumai” imaak tukilik, “Niviaqsiakuluk, uqauppagit makittit.”
42Tavvainnaq niviaqsiaq makippuq pisukatalirluni; taanna arraaguqaqpuq 12-nik, taakkua tavvainnaq kamaniarnirmut tikitauliqput.
43Iniqtimmarikpait tamatuminga inuit qaujititauqunagit, uqautillugillu niviaqsiaq nirititauqullugu.
Currently Selected:
Maakusiup Aglangit 5: EAIBR
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible (Romanized) © Canadian Bible Society, 2022-2023.
Maakusiup Aglangit 5
5
Jiisusiup Anirnirluktausimajumik Aaqqiksininga
Maatiusi 8:28-34; Luukasi 8:26-39
1Tavva Jiisusi ilinniaqtingillu tasirjuap Galiliap akianut tikipput, Giraasamiut nunanganut. 2Umiamit niungmat, angummut upaktauvuq iluviqarvingninngaaqtumit taanna anirnirluktausimavuq. 3Iluvirni iniqaqtuq; kinamulluunniit attungiqtaujunnarunniiqtuq, aqsaaqtuujanulluunniit;#5:3 Qilaungujanulluunniit 4itigangit aggangillu attungiqtauqattaqsimagaluaqput attungiutinut savirajangnut, aqsaqtujanullu,#5:4 Qilaungujanulluunniit taakkuali qikturaaqattaqpait, savirajaillu itigangita attungiutingit suraktiqpaglunigit; sanngiluarninganut kinamulluunniit pisimajaujunnarunniiqtuq. 5Ullukkut unnuakullu iluviqtigut pisukatainnaqattaqtuq qaqqani nilliaqattaqpuq, imminik killiaqattarluni ujaqqanut.
6Ungasiktumiilluni Jiisusi takugamiuk; tassumunga ullaksivuq saanganuarami siiqqurluni tuksiarvigivaa; 7qaigalaarluni nipiquqtulluni uqaqpuq, “Uvannut qanuiliuriaqtuqpit Jiisusi, Guutiup Quttingniqpaap Irninga? Guutiup saangani qinuvigivagit, aanniqsiqtailinnga.” 8Taanna taimaak uqaqpuq, Jiisusi uqarmat “Anirnirluk tavvanngat inungmit anigit!”
9Jiisusiup apirivaa, “Kinauvit?”
Kiuvuq, “Ligiunimik atiqaqpunga; tavvani amisualuugatta!” 10Taassuma ajuinnarluni qinuvigiiliqpaa anirnirluit tamaanngat nunamit aullaqtitauqunagit.
11Tamaanili nunami qanigijaani kuukkuusitaqaqpuq amisunik, qaqqaup sivinganingani nirinasuktunik; 12anirnirluit Jiisusi qinuvigivaat, “Kuukkuusinuaqulauqtigut.” 13Tavva Jiisusiup taimaak piquvait. Anirnirluit inungmit anigamik kuukkuusinut itiqput; kuukkuusit taakkua unuqtualuuvut katillugit 2,000 qanigijaaniipput, pangaliksigamik innaarukkut ijukkaqput tasirmut, imaani ipillutik.
14Angutit kuukkuusinik kamajit qimaksivut, uqariaqturlutik inungnut nunalingniittunut piruqsiivingniittunullu. Inuillu qaivut takujaqturlutik qanuiliuqtuqarnirmangaat. 15Jiisusimuaramik, angut takuvaat anirnirluktausimalauqtuq, iksivaaliqtuq, annuraaqsimallunilu isumaqatsialiqtuq, inuit kappiasuliqput. 16Qaujilauqtut tamatuminga unikkaaqput angut anirnirlungnut ilummiqtausimalauqtumik, kuukkuusiillu qanuililaurmangaata.
17Inuit Jiisusimik tavvanngat nunamingnit aullaqujiliqput.
18Umiamut ikiliqtillugu, angutiup anirnirluktausimalauqtuup qinuvigivaa, maligumalluni.
19Jiisusiulli maliqunngilaa, imaak uqautillugu, “Angirralirit ilannarijarnut, uqautilugit qanutigi Atanirmut piniarviusimanirijarnik, qanutigilu pittiarviunirisimajarnik taassumunga.”
20Angut qimaruutigami Tikapuliisimut nunamut qulinik iglugasagjualingnik taijaujumut aivuq, unikkaarvigilugit qanuq Jiisusimut piniarviulaurnirminik; tamarmik tusaqtut kamaniammarikput.
Jairuusiup Paninga Arnaullu Jiisusiup Annuraanginnik Aktuqsininga
Maatiusi 9:18-26; Luukasi 8:40-56
21Jiisusi umiakkut tasiup akianut utirmingmat, inugasagjuanit avalujauvuq; tasiup sinaaniitillugu suli tikivvigijangani. 22Jairuusi, Juutit ukpirnirmut katimavingita angajuqqaangitta ilangat, tikippuq; Jiisusi takugamiuk, itiganginnut siiqqurluni ukuvuq. 23Qinuvigivaa, uqarluni, “Panikuluga aksualuk qanimalluni tuqutuinnariaqalirmat. Qailutit patimmijaqtulauruk, aaqqikkuni inuuniarmat.”
24Jiisusiup maliliqpaa. Inugiakturjuallu malikput aglaat ninniuqtilirlugu avatilimaanganit.
25Tavvani arnaqtaqaqpuq akunialuk aunaanginnaqtumik arraagunik 12-nik. 26Akuni aksururutigisimavaa aaqqiktaunasuaraluarluni aanniasiuqtimmaringnut, arnaup piqutilimaani nungulauqpait, aaqqiktauvalliananili piujunniiqpalliatuinnaqpuq. 27Jiisusi unikkausiutillugu tusaqsimaliramiuk, inugasagjuatigut kinguninganit maliglugu annuraanga aktuqpaa. 28Isumalirami, “Annuraangilluunniit akturunnarukkit, aaqqiktauniaqpunga.”
29Tavvainnaq aunaarninga nuqqaqpuq; imminik ilumigut ikpingniqpuq aaqqiktaunirminik qanuijjutiminik. 30Jiisusi qaujivuq pijunnarniq imminit aningmat, tavvainnaq utimut qiviaqpuq inugasagjuanut, uqarluni, “Kia annuraakka akturmagit?”
31Ilinniaqtingita uqautivaat, “Takuvutit inugasagjuat ninniuqtimmatit avatilimaarnit, sungma uqaqpit, kia aktuqpaanga?”
32Suqusiranili qiniqpuq kinamut aktuqtaungmangaarmi. 33Arnaq qaujigami aaqqiktaunirminik upagutisivuq, sajugluni ilirasungnirmut saanganut ukulluni, uqautivaa qanuinnilimaaminik. 34Jiisusiup uqautivaa, “Panik ukpirnivit aaqqikpaatit; isumajaanngillutit qimaruutilirit, aaqqiktaugavit qanuijjutigijarnit.”
35Suli uqallaktillugu, uqariaqtuqtumik qaijuqaqpuq Jairuusiup iglunganinngaaqtumik uqarluni, “Paniit tuquvuq. Sungmat suli ajuriqtuiji qaitinnasuaqpiuk?”
36Jiisusi uqausirijanginnik kamanani, Jairuusi uqautivaa, “Isumaalunngillutit, ukpituinnarit.” 37Tavva kinakkutuinnarnik maliqujijunniiqpuq Piitturuusi Jaimisikkuglu Juanasikkuk nukariik maliqujatuarivait. 38Jairuusiup iglunganut tikinnamik, tavvani takuvuq uimajaaqtunik, tusaallunilu nipiqqutullutik qiajunik. 39Jiisusi tavvunga itirami, uqautivait, “Sungmat uimajaaqpisi qiallusilu? Una niviaqsiaq tuqunganngilaq sinituinnaqpuq.”
40Taakkua Jiisusimik sulijuqsanginirmut mitautiqaliqput. Iluunnalimaatik anitippait, niviaqsiap ataatanga anaanangalu ilinniaqtinilu pingasut itirunnaqtitatuarivait, tavvunga niviaqsiap najuqtanganut itiqput. 41Niviaqsiaq aggangitigut tigullugu uqautivaa, “Talita kuumai” imaak tukilik, “Niviaqsiakuluk, uqauppagit makittit.”
42Tavvainnaq niviaqsiaq makippuq pisukatalirluni; taanna arraaguqaqpuq 12-nik, taakkua tavvainnaq kamaniarnirmut tikitauliqput.
43Iniqtimmarikpait tamatuminga inuit qaujititauqunagit, uqautillugillu niviaqsiaq nirititauqullugu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible (Romanized) © Canadian Bible Society, 2022-2023.