मूक चेलाकू 6
6
सातगोटोंग सेवकियाकू
1दो हनानाः दिनरे बिसवासी होड़कू मुरुककू बगरागोड ञवना। दो उनानी भासीकू बड़राता हँकुःआ बिसवासी होड़कू इबरानी भासीकू बड़राता हँकुःआ बिसवासी होड़कू बदीरेकू कुरबुराःआ, सगर दिनराः जोजोम जिनिसकूनराः हटिंगरे अलेरिकुःआ रंडियाहीनकू लगा गुन लकनकू हटिंगवाकूतना, माःआन। 2हनते बारहो मूक चेलाकू जमा बिसवासी होड़कू अँकू एचेरे राःतेडकूखनकू कतातेरा, “अले भगवानराः सरवन चेचेड लगा अड़ाःकेडखन जोजोम जिनिसकून हटिंगगे लगाले दोहोन दो अले लगा नपाय कोवानेःआ। 3हनालगा अजी बोपोहकूताले, अपे अते नपाय लूर-नेवनकुःआ कनहूनदारकू अरू सुद बिरुवाते पेरेगतो सातगोटोंग होड़कूपे ञाम। हँकुःआ होड़कू जोजोम जिनिस हटिंग बुता बुता लगाले एटाःकूता। 4मनदो अले अरजी लगा अरू भगवानराः सरवन होड़कूले चेड लगा लगलेले दोहोनता।”
5दो नाःआ कतारे जमा बिसवासी होड़कू मंजूरयान। हनते बिसवासी होड़कू मुरुक बिसवासगेयीग अरू सुद बिरुवाते पेरेगतो इदानिया हाँयग इसतपनूस, पिलिपूस, पोरोकुरूस, नीकानोर, तीमोन, परमिनास अरू मड़ंगरे एहूदा धरमरेय बोलोनेना हाँयग अंतकिया सहररीग निकुलाउस, नँकुःआ होड़कूकू सुनावतेरा। 6एटाः बिसवासी होड़कू नँकुःआ होड़कू ईसूरिकुःआ मूक चेलाकू एचेरेकू अगूतेडकुःआ। हनते हँकुःआ मूक चेलाकू अरजीतेडखन हँकू बोःरे तिःईकू खेपातेरा अरू हना बुता बुता लगाकू एटाःतेडकुःआ।
7दो हनन इया भगवानराः सरवन मुरुक होड़कू एचेरे सितराव ञवना। चेलाकू एरुसलेम सहररे मुरुककू बगरायान अरू मुरुक बगरा पुजउरी होड़कू हों ईसू एचेरेकू बिसवासतेरा।
एहूदाकू इसतपनूसकू साबतेरा
8दो इसतपनूस भगवानराः मया अरू जंगरते मुरुक बयाव जुवाः इयाःआ बुताकून अरू ञेनेल ञेलरे होड़कू नपाय जुवाःता हना बुताकून इसराएल होड़कू एचेरेय एचेतेरा। 9दो लिबिरतीन#6:9 लिबिरतीन होड़कू एहूदाकू अते अदोम होड़कू हवे। हँकू मड़ंगरे बेगारी होड़कू दोहोना अरू तयोमरे बेगारी बुताकू अड़ाःगोतेड। ञावराः अरजी ओड़ाःरिकुःआ होड़कू अरू कुरेन सहर, सिकंदिरिया सहर, किलिकिया छतर अरू आसिया राइजरिकुःआ एहूदाकू हाँय बदीरेकू घंटावतेरा। नँकुःआ होड़कू इसतपनूस सुदाकू अड़ा-चउकीःआ। 10मनदो हाँय हँकूराः कताकून कता कुदागे लगा भगवानराः सुद बिरुवा हाँय कनहूने एमेवातिरिया। हनालगा हँकू हाँय एचेरे मेरकू कता कुदा अवेगाड।
11हनालगा हँकुःआ मरदकू तोनोंग तोनोंग लबरा हिदइतदारकूकू एचे कतावाकुःआ, “नाँयग होड़ इसतपनूस भगवान अरू मोसेस बदीरे ओपता बड़रा कततले अयूमकिरिया।”
12दो हँकुःआ होड़कू इसराएल मूक होड़कू, चेडदार होड़कू अरू एटाः होड़कू इसतपनूस बदीरेकू बहकावतेडकूखन हँकू हाँय साबतिरिगखन मरंग पंचाइतरेकू एचे चड़ाँतिरिया। 13हँकू लबरा हिदइतदारकू हाँय बदीरेकू एचे चड़ाँतेडकुःआ अरूकू कतातेरा, “नाँयग होड़ भगवानराः ओड़ाः अरू मोसेस एमेतेरा हना नियम बदीरे ओपता घड़ीने कतागोड ञवनतना। 14नाँय नाःआ इया कततले अयूमकिरिया, नसरतरीग ईसू भगवानराः नाःआ ओड़ाःए रुबगोडता अरू मोसेस एमेकेरा हना नियम अरू रिती-बिधी अते एटाः इयाःआ नियम अरू रिती-बिधीय एमेवाबूता, माःआन।”
15हनमेला मरंग पंचाइतरेकू दुड़ुःनेना, हँकुःआ जमा होड़कू इसतपनूसकू कोबोःआ अरू इसतपनूसराः सुरइत सेरमो देसरीग बराहीलराः सुरइत इयाकू ञेलतेरा।
Currently Selected:
मूक चेलाकू 6: kfp
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
