मूक चेलाकू 7

इसतपनूसराः परसार

1हनते मूक पुजउरी इसतपनूस एचेरेय होंबोरतेरा, “नँकुःआ होड़कू कतायतना हना कता सताय हवे जा?”

2दो इसतपनूस कतातेड, “ईंगरिकुःआ वपक बोपोहकूतिंग अरू इसराएल होड़कूराः मरंग पंचाइतरिकुःआ होड़कू, अपे ईंगपे अयूम। अबूरीग खुटिपरिया होड़ इबराहीम मेसोपोटोमिया देसरेय दोहोन मेला भगवान हाँय एचेरे दरसननेनखने कतातेरा, 3अनमराः देस अरू ओड़ाःरिकुःआ होड़कूम अड़ाःगोड अरू ईंग उदुःवामता हना देसमे सलाव जुवाः, माःआन।#रेःएत 12:1”

4हनालगा हाँय कसदी होड़कूराः देस अड़ाःवाडखन हरान सहररेय बसावनेना।#रेःएत 11:31 हाँयरीग अपात गोएगनेन तयोमरे भगवान हाँय ननानाः देस अगीय वारतिरिया, अरू नाःआ देसरे अपे नुँहूपे दोहोनतना।#रेःएत 12:4 5भगवान हाँय लगा नंडा तोनोंगाः इताड सहे चड़ाँन लगा हों ओत मेरेय एमेवागाडीग। मनदो भगवान हाँय एचेरेय जबानतेरा, नाःआ देस आम अरू आमरिकुःआ लइंकूराः होया जुवाःता। मनदो हनमेला हाँय एचेरे तोनोंगीग लँइग मेरेय दोहोगान। 6हनारे हों भगवान हाँय एचेरे नाःआ इयाय कतातेरा, आमरिकुःआ लइंकू एटाः देसरे दुरीन देसरिकुःआ होड़कू इयाकू दोहोनता। हंडाकुःआ होड़कू एचेरे हँकू चइर सव बरिस बेगारीरेकू दोहोनता अरूकू एचे बेग-हतागोडकूताकू। 7मनदो हना देसरिकुःआ होड़कूयिंग डंडियावकूता अरू हना तयोमरे अपेरिकुःआ खुटिपरिया होड़कू हना देस अते उडुंगकियानखन नाःआ देसरे ईंगकू जागता।#रेःएत 15:13,14 8हनते खतना बदीरे भगवान इबराहीम सुदाय कता-जमकावतेरा। दो इबराहीमरीग बेटात इसहाक जनमावनेना हना आठ दिन तयोमरे इबराहीम हाँये खतनातेरा। हनन इया हना तयोमरे इसहाक एकूबरीग अपाते बड़ाँवनेना अरू एकूबरिकुःआ बारहगोटोंग बेटाकू होयानेना। हँकू अबूराः बारहगोटोंग गोतोररिकुःआ अआपकू दोहोना।

9एकूबरिकुःआ बेटाकू अते मी होड़ दोहोना उसूप। हाँयरिकुःआ वपक बोपोहकूतेन हाँय मुरुककू इरावाया। हनालगा हँकू हाँय मिसिरी देस अगी बेगारी होड़ इयाकू अकिरिंगगोतेडीग।#रेःएत 37:12-36 मनदो भगवान हाँय सुदाय दोहोना, 10अरू हाँयराः जमा कटसियातेय सडावतिरिया। भगवान हाँयग उसूप कनहूने एमेवातिरिया अरू मिसिरी देसरीग राजा पिरोनराः ओंगोलरे हाँय नपाय दोहोन लगा भगवान संघरावाया। हाँयग राजा अनँयग ओड़ाःराः अरू जमा मिसिरी देसरीग जिमेवारी होड़ उसूपे तुलातेरा।

11हनते मिसिरी देस अरू कनान देसरे मुरुक कतकाल होयानेन अरू होड़कूके मुरुक कटसिया होयानेन। अबूरिकुःआ खुटिपरिया होड़कू जोजोम लगा तोनोंगाः मेर दोहोगान। 12मिसिरी देसरे हुड़ू इदा माःआन एकूब अयूमतेरा दो हाँय अनँयगरिकुःआ बेटाकू, अबूरिकुःआ खुटिपरिया होड़कू, हुड़ू अगू लगा मिसिरी देस अगीय वारतेडकुःआ। 13हँकू बार पुरती मिसिरी देसरेकू सेनेडा दो उसूप हँकू एचेरेय कतातेरा, ईंग उसूप हवे, माःआन अरू मिसिरी राजा पिरोन उसूपरिकुःआ मइछुवाकू बदीरेय सुदीगोतेड। 14हनते उसूप आँयग अपांग एकूब अरू जमा ओड़ाःरिकुःआ होड़कू अगूकू लगा कतावातेडकूखने वारगोतेडकू। हाँय ओड़ाःरिकुःआ होड़कू जमाकू पछतरगोटोंग होड़कूकू दोहोना। 15दो एकूब अरू आँयग ओड़ाःरिकुःआ जमा होड़कू मिसिरी देस अगी तोराकू अरू हना ततेररे हाँय अरू अबूरिकुःआ अआपकू गोएगनेना।#रेःएत 39:1 16तोनोंग बरिस तयोमरे हँकूराः मुरदाकून अँननबूराः देस अगी सेकेम सहरकू गोःयाड अरू इबराहीम सेकेमरीग हामोरीकुःआ लइंकू अतेय किजातेरा, हना मड़गटरेकू तीलतेरा।#रेःएत 49:29–50:4; रेःएत 30:24-26

17मनदो भगवान इबराहीम एचेरेय जबानतेरा हना जबान पुरावगुःराः बेला सोदोरनेन दो अबू इसराएल होड़कू मिसिरी देसरे मुरुकबू बगरायान। 18हनते मुरुक बरिस तयोमरे उसूप बदीरे तोनोंग इया मेरेय सुदीया हाँयग एटाः राजा, मिसिरी देसरीग राजाय बड़ाँवनेना। 19हाँय अबूरिकुःआ होड़कू अँकूरिकुःआ डेंबाकू गोएग जुवाः लगा हँकू अँननकूरिकुःआ डेंबाकू बहरीकू एचे उडुंगगोतेडकू। नाःआ इया हाँयग मिसिरी राजा हँकू अडिगतेडकूखन मुरुक गराह गिराह कटसियाय एमेवातेडकुःआ।#एचे उडुंग 1:8-22

20हननमेला मोसेस जनमावनेना, अरू हाँय भगवानराः ओंगोलरे सुघरे दोहोना। पेय महिना वरी हाँय अनँयग अपातराः ओड़ाःरेकू पला दरीतिरिया। 21हाँय बहरीकू उडुंग एंडागोतेडीग दो पिरोन राजारीग बिटीत अनँयग बेटा इयाय पला दरीतिरिया। 22मिसिरी होड़कूराः रिती-बिधी इया मोसेसकू चेडतेरा अरू हाँय जमा बरानाःए एचे अवे अरू बड़रा लगा कनहूनदारे बड़ाँवनेना।

23मोसेसराः चालीस बरिस होयानेन दो हाँय अनँयग जइत इसराएल होड़कू सुदा जुमाः लगाय सेनेडा। 24मी दिन मी होड़ मिसिरी होड़ मी होड़ इसराएल होड़े बेग-हतावाःआ हना मोसेस ञेलतेरा। दो हाँय इसराएल होड़ सडावतेडखन मिसिरी होड़े ञेड एंडागोतेडीग। 25मोसेस ओंगोलतेरा, इसराएल होड़कू बुझाःता, भगवान मिसिरी होड़कू अते हँकूय सडाव लगा ईंगे उपयोतगिंगता माःआनकू ओंगलेता। मनदो हना इया मेर होयागान। 26एटाः दिन बार होड़ इसराएल होड़किन कड़ीगतोय ञेलतेरा। हाँय हँकिन मंदराव लगा ओंगोलतेडखने कताया, “ने होड़किन, अबा वपक बोपोहकिन हवे। चिला लगाबा कड़ीगतना?”

27एटाः होड़े एचे बेग-हतावातेरा हाँयग होड़ मोसेस ढोकलावतेडखने होंबोरतिरिया, “आम अले एचेरे हातपातगे लगा इये आम फड़ियावदारे तुलाकेडमेःआ? 28चिला, होला हाँयग मिसिरीम ञेड एंडातेरा हनन इया ईंग ञेड एंडा लगाम ओंगलेतना जा?” 29नाःआ कता मोसेस अयूमतेरा दो हाँय मिदान देस अगीय ञीरयान अरू हंडा दुरीन देसरीग होड़ इयाय जियाःआ।#एचे उडुंग 2:1-15 हंडा हाँय लगा बार होड़ बेटाकिन होयानेना।#एचे उडुंग 18:3,4

30चालीस बरिस तयोमरे, सेरमो देसरीग बराहील मोसेस एचेरे सीनाई पहाड़ गतर टयंगाब ततेररे सलगाःतो बुदारेय एचे ञेलनेना। 31हाँय नाःआ इयाय ञेलतेड दो हाँय बयावयाने। हाँय नपायतेय ञेल लगा हंडाय सेनेडा दो हाँय परबूराः बड़राय अयूमतेरा, 32ईंग आमरिकुःआ खुटिपरिया होड़कूरीग भगवान हवे; इबराहीमरीग, इसहाकरीग अरू एकूबरीग भगवान।#एचे उडुंग 3:6 दो मोसेस बोतोरतेय कलपाःआ अरू हाँय हना अगी ञेल लगा मेरेय डीड़ अवेगाड।

33हनते परबू हाँय एचेरेय कताया, आमराः चाटीम लड़ागे; आम चड़ाँकिया हना ततेर सुद इदा। मिसिरी देसरे ईंगरिकुःआ होड़कूराः संताविंग ञेञेलतना। 34हँकूराः फिकीरिंग अयूमकेरा अरू हँकू सडाव लगायिंग वेगकिया। दो नुँहू आम मिसिरी देस अगीयिंग वार कुदामेता।#एचे उडुंग 2:16–3:10

35अले एचेरे हातपातगे लगा इये आम फड़ियावदारे तुलाकेडमेःआ, माःआन इसराएल होड़कू मड़ंगरे आड-बेकारवाडिगखनकू कतावाया हाँयग होड़ ननाँयग मोसेस हवे। हाँयग मोसेस हँकुःआ होड़कूरीग हातपात होड़ अरू सडावदार होयाः लगा भनगवान आँयग बराहीलतेय वारतेरा अरू हाँयग मोसेस एचेरे सलगाःतो बुदारेय एचे ञेलनेना। 36हाँयग मोसेस हँकू मिसिरी देस अतेय एचे उडुंगतेडकुःआ अरू लाल समुंदररे अरू चालीस बरिस वरी टयंगाब ततेररे बयाव जुवाः इया बुताकूने एचेःआ।

37ईंग इया मी होड़ भगवानराः बड़रा कतायीग होड़ अपे अँननपे होड़कू लगा भगवान वारेयता,#दो. नि. 18:15 माःआन इसराएल होड़कू एचेरेय कतातेरा हाँयग होड़ ननाँयग मोसेस हवे। 38सेरमो देसरीग बराहील सीनाई पहाड़रे मोसेस एचेरेय बड़रानेन मेला मोसेस टयंगाब ततेररे भगवानरिकुःआ होड़कू दोहोना अबूरिकुःआ खुटिपरिया होड़कू सुदाय दोहोना। अरू हाँयग मोसेस भगवान अगीते अबूय एमेवा लगा जीयत सरवने पवावकिया।#एचे उडुंग 19:1–20:17

39मनदो अबूरिकुःआ खुटिपरिया होड़कू हाँयराः कता मेरकू मनावगान अरू हँकू अँननकू अँकू जीवरे मिसिरी देस कुदा सेन लगाकू ओंगलेःआ। 40अरू हँकू मोसेसरीग वगात हारून एचेरेकू कतातेरा, अले अगुवाइवाले लगा मुरतीकूनमे तुला। हाँयग मोसेस अबू मिसिरी देस अते एचे उडुंग अगुःबुःआ, मनदो नुँहू हाँय लगा चिला होयायना, हना अले मेरले सुदीयतना। 41दो हनानाः दिनरे हँकू हारूनतेकू एचे तुलातेरा मीटोंग पठरू होनराः मुरती। हँकू हना मुरती लगा बलिदानकू देगा अरू हँकू हरूनतेकू एचे तुलातेरा हना मुरती लगा रीझ रंग घड़ीनकू सूना।#एचे उडुंग 32:1-6 42हनालगा भगवान हँकूय अड़ाःगोतेड अरू हँकू बेर, बांगो अरू इपीलकू जाग लगाय जिमागोतेडकू। नाःआ कता भगवानराः बड़रा कता होड़कूराः कागदरे ओजाःतो इदा हना कताते मेसा जुवाःता;

ने इसराएल होड़कू, अपे चालीस बरिस टयंगाब ततेररेपे दोहोन मेला

इनिंग लगा जानरकूराः बलिदानकून अरू सराराः बलिदानकूनपे अगूकेरा जा?

43अपे सेनेडा हंडा अपे मुरतीकून जाग लगापे तुलातेरा,

मोलेक देवताराः टपइर ओड़ाः,

अरू रिफान देवताराः इपीलराः चिनहा,

अरू एटाः एटाः मुरतीकून होँपे गोःतेरा।

हनालगा ईंग अपे मुरुक लंकारे बाबील देस अते मना परोम बेगारी होड़कू इयायिंग वार एंडापेता।#अमोस 5:25-27

44अबूरिकुःआ खुटिपहार होड़कू लगा टयंगाब ततेररे भगवान सुदा जुमाःराः टपइर ओड़ाः दोहोना। हना टपइर ओड़ाः भगवान कता उदुःतेरा हनानाः अउल-तउल इया मोसेस तुलातेरा।#एचे उडुंग 25:9,40 45तयोमरे अबूरिकुःआ खुटिपहार होड़कू अँकूरिकुःआ अअपाकूते हना टपइर ओड़ाःकू पवावनेन अरू एहोसूराः अगुवाइते हँकू अँकू सुदा हना ओड़ाःकू अगूतेरा। हना तयोमरे भगवान एटाः एटाः जइत होड़कू हँकू मड़ंग अते एचे ञीरतेडकुःआ अरू हँकू नाःआ देसरेकू बसावनेना अरू हना टपइर ओड़ाः दाऊद राजाराः जूग वरी हों दोहोना। 46दाऊद राजा भगवानराः ओंगोलरे नपाये दोहोना अरू हाँय भगवान एचेरेय असेतेरा, ईंग अले इसराएल होड़कू बदीरे आम दोहोन लगा मीटोंग नपाय मरंग ओड़ाः तुतुलायिंग अवेयता जा#2 समु 7:1-16; 1 कहड़ी 17:1-14, माःआन। 47मनदो दाऊदरीग बेटा सुनुलइमान राजा हमा भगवानराः ओड़ाःए तुलातेरा।

48हनारे हों भाबी भगवान होड़कू तुलायता हना ओड़ाःरे मेरेय दोहोनता। भगवानराः बड़रा कतायीग होड़ कतातेरा हान इया,

49भगवान होंबरेतना, “सेरमो देस ईंगराः गदी हवे,

अरू ओत ईंगराः काट चोड रोपाःराः ततेर हवे।

दो करा इयाराः ओड़ाः ईंग लगापे तुलायता?

अरू ईंग लोड़ोन लगा ततेर करे दोहोनता?

50ईंग इनिंग नाःआ जमाकूनिंग तुलाकेरा।”#एस 66:1-2

51दो इसतपनूस अरूय कताया, “अपे तुड़ेंग-तपेग होड़कू हवे अरू मुरुक हेहेर होड़कू इदानपेःआ। अपे भगवानराः तोनोंगाः बड़रा अयूम लगा सहे मनाव लगा अपे मेरपे चहाःतना। अपे अपेरिकुःआ खुटिपरिया होड़कू इया इदानपेःआ। अपे सुद बिरुवा भगवानराः बड़रा कता होड़कू एचेरे कतातेरा, हना कतापे एरंगवाःआ।#एस 63:10 52अपेरिकुःआ खुटिपरिया होड़कू भगवानराः बड़रा कता होड़कू जमाकूकू संतावतेरा। अपेरिकुःआ खुटिपरिया होड़कू बेगर गारबार होड़राः बदीरे मड़ंगरेकू कतातेरा हँकुःआ होड़कू होंकू ञेड गोएग एंडातेडकुःआ। अरू नुँहू अपे ईसू चुबिलीतेडखनपे एचे ञेडतिरिया। 53भगवान सेरमोरिकुःआ बराहीलकूते अपे एचेरे नियमकूने एमेकेरा, मनदो अपे हना नियमकून मेरपे मनावगान।”

इसतपनूस दिरितेकू एचे ञेडतिरिया

54नाःआ बड़रा हँकू अयूमतेरा दो हँकू रीसनेनखन तिरिंग रेटेग-रेटेगकू कड़रावगेःआ। 55मनदो इसतपनूस, भगवानराः सुद बिरुवाते पेरेगनेनखन सेरमो अगीय संगीलतेरा। दो हाँय भगवान अगीतेःआ मरसले ञेलतेरा अरू ईसू भगवानराः खउना गतर चड़ाँतेय ञेलतिरिया। 56अरू हाँयग इसतपनूस कतातेरा, “मन ञेलपे! ईंग सेरमो देसराः दुवार गीगतो अरू मनुवारीग बेटात भगवानराः खउना गतररे चड़ाँतिंग ञेञेलतना।”

57नाःआरे मरंग पंचाइतरिकुःआ होड़कू अँकूराः लुतूर दाबतेडखन हुमइसकेकू खिररीःआ अरू हाँय एचेरेकू बतकाव सेनेडा। 58हनते हँकू हाँय हना सहर अते बहरीकू ओर उडुंगतिरिया अरू हाँय चोटरे दिरिकून हाँय तेके गोजेय लगाकू तेकेया। दो हंडा मी होड़ डिंघा होड़ दोहोना। हाँयराः ञाव दोहोना साहूल। दो इसतपनूस चोटरे दिरिकू तेकेःआ हँकुःआ होड़कू, हाँयग साहूल एचेरे हँकूराः सेरमो तुसिंगतो सोनहेकू जिमाःतेरा।

59हँकुःआ होड़कू इसतपनूस दिरितेकू तेकेया हनमेला हाँय अरजीतेरा, “परबू ईसू, ईंग आम तिःईरे ईंगराः हनसायिंग जिमागेतना।” 60हनते हाँय उकुड़ोमनेनखने खिररीःआ, “परबू, नँकुःआ होड़कूराः कसूर अँननकू बदीरे अलोम ओंगोल दोहोगे।” नाःआ कतावाडखन हाँय गोएगयाने।

Currently Selected:

मूक चेलाकू 7: kfp

Highlight

Copy