मूक चेलाकू नाःआ कागद बदीरे
नाःआ कागद बदीरे
लूका ओजाःतेरा हना नपाय सरवन ओजाःतेड अते तयोमरे, हनाँयग लूका ओजाःतेरा एटाः कागद हवे मूक चेलाकूराः बुताकून। नाःआ बनर कागद लूका तियूपिलूस लगाय ओजाःतेरा। नाँयग लूका पउलूस सुदा परसार बुता लगाय सेनेडा।
ईसूरिकुःआ मूक चेलाकू सुद बिरुवातेकू पेरेगनेना अरू एरुसलेम सहररे बुँहड़ीकियानखन एहूदिया अरू समरिया राइजरे अरू चउंदीसराः एटाः एटाः देसकून अरू सहरकूनरेकू एचेतेरा हना बयाव जुवाः इयाःआ बुताकून अरू परसार बदीरे नाःआ कागदरे ओजाःतो इदा।
एहूदाकू मसीकू तंगीःआ। ईसू जनमावनेन मेला रूमी देसरिकुःआ होड़कू एटाः एटाः देस अरू राइजरिकुःआ होड़कूकू राइजगेःआ। अरू एहूदिया छतर हों रूमी देसरिकुःआ होड़कूराः आड़रे दोहोना। दो ईसू परसारगे लगा अरू बयाव जुवाः इयाःआ बुताकून एचे लगाय बुँहड़ीतेड मेला, अदोम एहूदाकू ओंगोलतेरा, नाँयग ईसू रूमी देसरिकुःआ होड़कू सुदा कड़ीगकियानखन अबूराः राइजे अजइतगेता, माःआन। ईसू रूमी देसरिकुःआ होड़कू अते एहूदाकू सडाव लगा कोवान, मनदो जमा चउंदीसरिकुःआ होड़कू अँनकूराः कसूर अते सडावकू लगाय वेजेडा, माःआन हँकू मेरकू बुझावगान। हनालगा एहूदाकू अते मुरुक बगरा होड़कू ईसू एचेरे मेरकू बिसवासगाड अरू मसीकू तंगीगोड ञवना। ईसू गोएगतो होड़कू अते जियाव रेमनेनखन सेरमो देस अगी तोराया। हना तयोमरे ईसूरिकुःआ मूक चेलाकू अँनकूरिकुःआ होड़कू एचेरे, सतायरे भगवान गोएगतो होड़कू अते ईसूय जियाव रेमकिरिया अरू हनाँय ईसू हवे, भगवान जबानतेरा हाँयग मसी, माःआनकू परसार उदुःतेरा।
एहूदाकू जमाकू बिसवासगेता, जुना नियमरे ओजाःतो इदा हना जमा कताकून भगवानराः सरवन हवे, माःआन। हनालगा ईसूरिकुःआ मूक चेलाकू जुना नियम अते मसी बदीरे ओजाःतो इदा हना जमा कताकून एचे उहियारकेडकूखन ईसूराः जीवरे पुरावयना माःआनकू एचे बुझावगोडकुःआ। हनाते मुरुक एहूदाकू अरू बेगर एहूदाकू दोहोना हँकुःआ एटाः जइत होड़कू हों, ईसू एचेरेकू बिसवासतेरा। मनदो एहूदाकू अते बिसवासी होड़कू बड़ाँवनेना हँकुःआ होड़कू अते अदोम होड़कू कताया, बेगर एहूदाकू सडावगुः लगा ईसू मसी एचेरे बिसवासगे अते मड़ंगरे एहूदाकूराः रिती-बिधीकू मनाः लगा इदा, माःआन। हनालगा भगवान मूक चेलाकू अतेय एचे सुदीगोडकुःआ, एहूदाकू बेगर एहूदाकू अते मरंग कोवाकुःआ अरू तोनोंगीग होड़ होड़कूराः रिती-बिधी मनाः अते कोवान, मनदो ईसू मसी एचेरे एकला बिसवासकेडखने सडाव जुवाःता अरू सुद बिरुवाय पवाःता। ईसूरिकुःआ मूक चेलाकू परबू एचेरे भरसाकेडखन करा इया कटसियारेकू पारनेना हना हों अबू नाःआ कागदरेबू बछाःता। पउलूस करा इया ईसू मसी एचेरेय बिसवासतेरा अरू परसार बुता लगा करा करा राइजकूनरे सेनेडखने परसार उदुःतेरा हना जमाकून नाःआ कागदरे ओजाःतो इदा। अबू नाःआ कागदबू बछाः दो कटसिया बेलारे ईसूरिकुःआ मूक चेलाकू, सुद बिरुवाराः संघराते सहाव घड़ीन नपाय सरवनकू परसार उदुःतेरा हनन इया अबू हों एचे अवेयताबू।
बिसय सूची
सुद बिरुवाराः जंगरते ईसूरिकुःआ चेलाकू 1:1–2:47
एरुसलेमराः कलसिया 3:1–8:3
एहूदिया छतर अरू समरिया देसरे नपाय सरवनराः परसार 8:4–9:31
एटाः एटाः राइजकूनरे नपाय सरवनराः परसार 9:32–15:35
आसिया देस, उनानी देस अरू रूमी सहररे हों नपाय सरवनराः सुदरुः 15:36–28:31
Currently Selected:
मूक चेलाकू नाःआ कागद बदीरे: kfp
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.