लूका 14
14
लोड़ोनराः दिनरे नपायगुः
1मीटोंग लोड़ोनराः दिनरे ईसू मी होड़ फरीसी होड़कूरीग मरंग होड़ ओड़ाःरे जोम लगाय सेनेडा। दो फरीसी होड़कू ईसू सिरढीटकू ञेलगोड ञवना। 2हंडा मी होड़ होड़ दोहोना। हाँय फुलिया बेमारीरेय दोहोना। 3हनमेला ईसू नियम चेडदार होड़कू अरू फरीसी होड़कू एचेरेय कताया, “लोड़ोनराः दिनरे बेमरिया होड़ नपायगेय नियम इया इदा जा कोवान?” 4मनदो हँकुःआ होड़कू कलेकालयानकू। हनते ईसू हाँयग होड़ चोटरे तिःई खेपातेडखने नपायतिरिया अरू हाँये सेने ओवातिरिया।
5ईसू हँकू एचेरे अरूय कताया, “लोड़ोनराः दिनरे अपे तोनोंगीगरीग उरिग सहे गदहा इंदोरारेय कसड़ जुवाः होले अपे ओहेन उडुंगगेयतापे जा कोवान?” 6हनारे हों हँकू तोनोंग माःआन मेरकू कता कुदा अवेगाड।
भगवान सउद होड़कूय नपायता
7ईसू गुतियाकूय ञेला, हँकू मरंग मरंग होड़कू दुड़ुःता हना ततेररे दुड़ुः लगाकू ञामा। हनमेला ईसू मीटोंग अउल-तउल कहड़ीय कतातेरा। 8“तोनोंगीग अपे बियाहरे टिवाय एमेवापे दो, अपे सेनेकियानखन नपाय ततेररे मड़ंग अलोपे दुड़ुः। टिवाय एमेकेरा हाँयग होड़ आमते हों मरंग होड़े नेवताकेरा करे? 9दो आम अरू हाँयग मरंग होड़ लगा टिवाय एमेकेरा, हाँय वेगकियानखन आम एचेरेय कतायता, नाँय दुड़ुः लगाम एमेवाय, माःआन। दो हननमेला आम गियुःकियानखन जमाते हुडिंग ततेररे दुनुड़ुः पराःता। 10हनालगा बियाहमे सेन दो आम जमाकूते हुडिंग ततेररेम दुड़ुः। दो आमे टिवावारा हाँयग होड़ वेग दो, नाःआ इयाय कतायता, ने सउंगता, मड़ंग अगीम दुड़ुः। हनमेला हंडाकू दोहोनता हँकुःआ होड़कू आमकू मान मरजइतमेता। 11दो ननन इया अनँयग आँयग मरंगे ओंगलुःता हाँयग होड़ भगवान हुडिंगे बड़ाँवगेयता अरू अनँयग आँयग हुडिंगे ओंगलुःता, हाँय भगवान मरंगगे बड़ाँवगेयता।”
12हनते ईसूय टिवावातेरा हाँयग होड़ एचेरे हों ईसू कताया, “आम केलवा सहे बियाड़ी जोम लगा होड़कूम राःकूता दो, अनम सउंगताकू सहे वपक बोपोकू सहे जइत सगाकू सहे गिरहत परुसीकू अलोम राःकू। हँकुःआ होड़कूम राःतान दो, हँकू हों आमकू राःता अरू आमकू एमे कुदावाता। 13मनदो आम होड़कू जोम लगाम राःकूतान दो गरीब होड़कू, खोड़ा होड़कू, लंगड़ा होड़कू अरू अंधा होड़कूम राः। 14हँकुःआ होड़कू आम ओरोकू राः बदला अवेतेडमेःआ। हनालगा नाःआ इयाम एचेय दो भगवान आमे भलावाता। बेगर गारबार होड़कू जियाव रिमुःता हना दिन भगवान अते नपाय इमानमे पवाःता।”
जोजोमराः अउल-तउल कहड़ी
(मती 22:1-10)
15हंडा जोम लगाकू वेजेडा हँकुःआ होड़कू अते मी होड़ नाःआ बड़रा अयूमवाडखन ईसू एचेरेय कताया, “भगवान राइजरेय जोजोमता हाँयग होड़ भगवान भलावायता।”
16दो ईसू हाँय एचेरे मीटोंग अउल-तउल कहड़ीय कताया, “तोनोंगीग होड़ सरबहातेडखन मुरुक होड़कूय राःतेरा। 17दो जोम जिनिसकू संजोड़तेड दो टिवावातेडकुःआय हँकू एचेरे नाःआ इया कताय लगा सेवकियातेने वारतेरा, दबूपे, जमा जिनिसकून जोम लगा संजोड़तो इदा। 18राःवातेडकुःआय हँकुःआ होड़कू अते मेमेड होड़ ओरोयिंग सेने अवेनेना, माःआन छुटीकू असेःआ। मी होड़ कताया, ईंग नुँहू मीटोंग कियारींग किजाकेरा, हना ञेल लगा ईंगके सेन इदा। हनालगा ईंग छुटीगोडिंगमे, माःआन। 19एटाः होड़ कताया, ईंग नुँहू पाँच जवइर उरिगकूयिंग किजाकेरा। उरिगकू नपाय इदानकुःआ जा कोवान हँकू ञेल लगायिंग सेनता। हनालगा ईंग छुटीगोडिंगमे, माःआन। 20अरू मी होड़ कताया, नुँहू नुँहू ईंगराः बियाह होयाकिया। हनलगा ईंग ओरोयिंग सेने अवेतेरा, माःआन। 21हनते हाँयग सेवकिया होड़ जमा बड़रा मालिक एचेरेय कता उदुःतेरा। दो हाँयग मालिक रीसवाडखन सेवकियातेन एचेरेय कताया, सहरराः बजारकूनरे अरू खोइड़कूनरे सेनेवाडखन गरीबकू अरू खोड़ा होड़कू अरू लंगड़ा होड़कू अरू अंधा होड़कू नंडाम राः अगूकू।
22तयोमरे सेवकिया होड़ कताया, ने मालिक, आम कतातेरा हनन इयायिंग एचेकेरा। हनारे हों होड़कू मेरकू पेरेगगना। 23दो मालिक हाँयग सेवकिया होड़ एचेरेय कताया, आम संडककूनरे अरू दूरकूनरे सेनेकियानखन होड़कू रेनहाकेडकूखनमे राः अगूकू, जेमहा ईंग ओड़ाःरे होड़कू पेरेग जुवाः। 24ईंग अपे एचेरेयिंग कतायतना, मड़ंग ईंग राःतेडकुःआ हँकुःआ होड़कू अते तोनोंगीग ईंग ओड़ाःरे ओरोयिंग जोम ओवातेडकुःआ।”
ईसूरीग चेला बड़ाँःराः मतलोब
(मती 10:37-38)
25मुरुक बगरा होड़कू ईसू सुदाकू सेना। दो ईसू हँकू अगी उलटावनेनखने कताया, 26“तोनोंगीग होड़ ईंगरीग चेला बड़ाँः इदान दो ईंग अते आँयग एंगात, अपात, एरात, लइंकू, वपक बोपोहकूतेन, अजी मेमेसकूतेन अरू आँयग जीव हों बगरा अलोय दुलारगे। नाःआ इया मेरेय एचेय होले, हाँय ईंगरीग चेला ओरोय बड़ाँव अवेनेना। 27अरू अनँयगराः कुरूस रेमकेडखन ईंग तयोम मेरेय वेग दो, हाँय हों ईंगरीग चेला ओरोय बड़ाँव अवेनेना।
28अपे अते तोनोंगीग होड़ मीटोंग मरंग बड़ियाड़ उसूल ओड़ाः#14:28 नाःआ ओड़ाः होड़कू दोहोन लगा कोवानेःआ। मनदो नाःआ मरंग बड़ियाड़ उसूल ओड़ाः दोहोड़ तलारेकू तुलायता। हना ओड़ाः गोहोम अरू एटाः सराकून इनिग होड़कू अरू जानरकू अते बनसाव लगाकू उपयोतगेता। तुला अते मड़ंग हना ओड़ाः तुला लगा ईंगराः ढिबुवा पुराःता जा कोवान हना मेरेय जोड़वेता जा? 29हाँयग होड़ नेवे गडाता हना तयोमरेय सुदीगोडता नाःआ ओड़ाः रेम लगा ढिबुवा ओरो पुरावनेना, माःआन। दो होड़कू हाँयकू लंदा एरंगवायता। 30अरूकू कतायता, नाँय दो ओड़ाः तुला लगाय बुँहड़ीतेरा मनदो तितियार मेरेय अवेगाड।
31हनन इया तोनोंगीग राजा एटाः देसरीग राजा सुदा लड़ाइ लगाय सेनतान दो, हाँय नपाये ओंगोल बुझाववाता, बीस हजार सइनाकूतेन अगूकेडखन ईंग सुदा लड़ाइ लगाय वेगता हाँयग राजा सुदा ईंगरिकुःआ दस हजार सइनाकूते ईंग जीताव अवेनतिंग जा ओरो? 32जीताः मेरेय अवेय दो, हाँय एटाः राजा लनंकारेय दोनोहोन मेला आँयगरीग बराहील हाँय एचेरे वारकिडिगखन हाँय सुदा राजू नमान लगाय चहाःता।
33अपे ईंगपे अयूम। नाःआ इया तोनोंगीग अनँयगराः जमा जइतकून मेरेय अड़ाःगे दो, हाँय ईंगरीग चेला ओरोय बड़ाँव अवेनेना।
बुलुंग अते चेड
(मती 5:13; मरकूस 9:50)
34बुलुंग नपाय इदा। मनदो बुलुंगराः सेबेल मेर दोहोन दो चिला जिनिसते हना बुलुंग सेबेलगुःता? 35हना बुलुंग ओत लगा सहे रसाइनगे लगा मेर बड़ाँःता#मती 5:13 अरू होड़कू हान बहरीकू तेके एंडागोडता। अयूम अवेयता हाँयग होड़, नपायतेय अयूम ठुड़ावगे।”
Currently Selected:
लूका 14: kfp
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
लूका 14
14
लोड़ोनराः दिनरे नपायगुः
1मीटोंग लोड़ोनराः दिनरे ईसू मी होड़ फरीसी होड़कूरीग मरंग होड़ ओड़ाःरे जोम लगाय सेनेडा। दो फरीसी होड़कू ईसू सिरढीटकू ञेलगोड ञवना। 2हंडा मी होड़ होड़ दोहोना। हाँय फुलिया बेमारीरेय दोहोना। 3हनमेला ईसू नियम चेडदार होड़कू अरू फरीसी होड़कू एचेरेय कताया, “लोड़ोनराः दिनरे बेमरिया होड़ नपायगेय नियम इया इदा जा कोवान?” 4मनदो हँकुःआ होड़कू कलेकालयानकू। हनते ईसू हाँयग होड़ चोटरे तिःई खेपातेडखने नपायतिरिया अरू हाँये सेने ओवातिरिया।
5ईसू हँकू एचेरे अरूय कताया, “लोड़ोनराः दिनरे अपे तोनोंगीगरीग उरिग सहे गदहा इंदोरारेय कसड़ जुवाः होले अपे ओहेन उडुंगगेयतापे जा कोवान?” 6हनारे हों हँकू तोनोंग माःआन मेरकू कता कुदा अवेगाड।
भगवान सउद होड़कूय नपायता
7ईसू गुतियाकूय ञेला, हँकू मरंग मरंग होड़कू दुड़ुःता हना ततेररे दुड़ुः लगाकू ञामा। हनमेला ईसू मीटोंग अउल-तउल कहड़ीय कतातेरा। 8“तोनोंगीग अपे बियाहरे टिवाय एमेवापे दो, अपे सेनेकियानखन नपाय ततेररे मड़ंग अलोपे दुड़ुः। टिवाय एमेकेरा हाँयग होड़ आमते हों मरंग होड़े नेवताकेरा करे? 9दो आम अरू हाँयग मरंग होड़ लगा टिवाय एमेकेरा, हाँय वेगकियानखन आम एचेरेय कतायता, नाँय दुड़ुः लगाम एमेवाय, माःआन। दो हननमेला आम गियुःकियानखन जमाते हुडिंग ततेररे दुनुड़ुः पराःता। 10हनालगा बियाहमे सेन दो आम जमाकूते हुडिंग ततेररेम दुड़ुः। दो आमे टिवावारा हाँयग होड़ वेग दो, नाःआ इयाय कतायता, ने सउंगता, मड़ंग अगीम दुड़ुः। हनमेला हंडाकू दोहोनता हँकुःआ होड़कू आमकू मान मरजइतमेता। 11दो ननन इया अनँयग आँयग मरंगे ओंगलुःता हाँयग होड़ भगवान हुडिंगे बड़ाँवगेयता अरू अनँयग आँयग हुडिंगे ओंगलुःता, हाँय भगवान मरंगगे बड़ाँवगेयता।”
12हनते ईसूय टिवावातेरा हाँयग होड़ एचेरे हों ईसू कताया, “आम केलवा सहे बियाड़ी जोम लगा होड़कूम राःकूता दो, अनम सउंगताकू सहे वपक बोपोकू सहे जइत सगाकू सहे गिरहत परुसीकू अलोम राःकू। हँकुःआ होड़कूम राःतान दो, हँकू हों आमकू राःता अरू आमकू एमे कुदावाता। 13मनदो आम होड़कू जोम लगाम राःकूतान दो गरीब होड़कू, खोड़ा होड़कू, लंगड़ा होड़कू अरू अंधा होड़कूम राः। 14हँकुःआ होड़कू आम ओरोकू राः बदला अवेतेडमेःआ। हनालगा नाःआ इयाम एचेय दो भगवान आमे भलावाता। बेगर गारबार होड़कू जियाव रिमुःता हना दिन भगवान अते नपाय इमानमे पवाःता।”
जोजोमराः अउल-तउल कहड़ी
(मती 22:1-10)
15हंडा जोम लगाकू वेजेडा हँकुःआ होड़कू अते मी होड़ नाःआ बड़रा अयूमवाडखन ईसू एचेरेय कताया, “भगवान राइजरेय जोजोमता हाँयग होड़ भगवान भलावायता।”
16दो ईसू हाँय एचेरे मीटोंग अउल-तउल कहड़ीय कताया, “तोनोंगीग होड़ सरबहातेडखन मुरुक होड़कूय राःतेरा। 17दो जोम जिनिसकू संजोड़तेड दो टिवावातेडकुःआय हँकू एचेरे नाःआ इया कताय लगा सेवकियातेने वारतेरा, दबूपे, जमा जिनिसकून जोम लगा संजोड़तो इदा। 18राःवातेडकुःआय हँकुःआ होड़कू अते मेमेड होड़ ओरोयिंग सेने अवेनेना, माःआन छुटीकू असेःआ। मी होड़ कताया, ईंग नुँहू मीटोंग कियारींग किजाकेरा, हना ञेल लगा ईंगके सेन इदा। हनालगा ईंग छुटीगोडिंगमे, माःआन। 19एटाः होड़ कताया, ईंग नुँहू पाँच जवइर उरिगकूयिंग किजाकेरा। उरिगकू नपाय इदानकुःआ जा कोवान हँकू ञेल लगायिंग सेनता। हनालगा ईंग छुटीगोडिंगमे, माःआन। 20अरू मी होड़ कताया, नुँहू नुँहू ईंगराः बियाह होयाकिया। हनलगा ईंग ओरोयिंग सेने अवेतेरा, माःआन। 21हनते हाँयग सेवकिया होड़ जमा बड़रा मालिक एचेरेय कता उदुःतेरा। दो हाँयग मालिक रीसवाडखन सेवकियातेन एचेरेय कताया, सहरराः बजारकूनरे अरू खोइड़कूनरे सेनेवाडखन गरीबकू अरू खोड़ा होड़कू अरू लंगड़ा होड़कू अरू अंधा होड़कू नंडाम राः अगूकू।
22तयोमरे सेवकिया होड़ कताया, ने मालिक, आम कतातेरा हनन इयायिंग एचेकेरा। हनारे हों होड़कू मेरकू पेरेगगना। 23दो मालिक हाँयग सेवकिया होड़ एचेरेय कताया, आम संडककूनरे अरू दूरकूनरे सेनेकियानखन होड़कू रेनहाकेडकूखनमे राः अगूकू, जेमहा ईंग ओड़ाःरे होड़कू पेरेग जुवाः। 24ईंग अपे एचेरेयिंग कतायतना, मड़ंग ईंग राःतेडकुःआ हँकुःआ होड़कू अते तोनोंगीग ईंग ओड़ाःरे ओरोयिंग जोम ओवातेडकुःआ।”
ईसूरीग चेला बड़ाँःराः मतलोब
(मती 10:37-38)
25मुरुक बगरा होड़कू ईसू सुदाकू सेना। दो ईसू हँकू अगी उलटावनेनखने कताया, 26“तोनोंगीग होड़ ईंगरीग चेला बड़ाँः इदान दो ईंग अते आँयग एंगात, अपात, एरात, लइंकू, वपक बोपोहकूतेन, अजी मेमेसकूतेन अरू आँयग जीव हों बगरा अलोय दुलारगे। नाःआ इया मेरेय एचेय होले, हाँय ईंगरीग चेला ओरोय बड़ाँव अवेनेना। 27अरू अनँयगराः कुरूस रेमकेडखन ईंग तयोम मेरेय वेग दो, हाँय हों ईंगरीग चेला ओरोय बड़ाँव अवेनेना।
28अपे अते तोनोंगीग होड़ मीटोंग मरंग बड़ियाड़ उसूल ओड़ाः#14:28 नाःआ ओड़ाः होड़कू दोहोन लगा कोवानेःआ। मनदो नाःआ मरंग बड़ियाड़ उसूल ओड़ाः दोहोड़ तलारेकू तुलायता। हना ओड़ाः गोहोम अरू एटाः सराकून इनिग होड़कू अरू जानरकू अते बनसाव लगाकू उपयोतगेता। तुला अते मड़ंग हना ओड़ाः तुला लगा ईंगराः ढिबुवा पुराःता जा कोवान हना मेरेय जोड़वेता जा? 29हाँयग होड़ नेवे गडाता हना तयोमरेय सुदीगोडता नाःआ ओड़ाः रेम लगा ढिबुवा ओरो पुरावनेना, माःआन। दो होड़कू हाँयकू लंदा एरंगवायता। 30अरूकू कतायता, नाँय दो ओड़ाः तुला लगाय बुँहड़ीतेरा मनदो तितियार मेरेय अवेगाड।
31हनन इया तोनोंगीग राजा एटाः देसरीग राजा सुदा लड़ाइ लगाय सेनतान दो, हाँय नपाये ओंगोल बुझाववाता, बीस हजार सइनाकूतेन अगूकेडखन ईंग सुदा लड़ाइ लगाय वेगता हाँयग राजा सुदा ईंगरिकुःआ दस हजार सइनाकूते ईंग जीताव अवेनतिंग जा ओरो? 32जीताः मेरेय अवेय दो, हाँय एटाः राजा लनंकारेय दोनोहोन मेला आँयगरीग बराहील हाँय एचेरे वारकिडिगखन हाँय सुदा राजू नमान लगाय चहाःता।
33अपे ईंगपे अयूम। नाःआ इया तोनोंगीग अनँयगराः जमा जइतकून मेरेय अड़ाःगे दो, हाँय ईंगरीग चेला ओरोय बड़ाँव अवेनेना।
बुलुंग अते चेड
(मती 5:13; मरकूस 9:50)
34बुलुंग नपाय इदा। मनदो बुलुंगराः सेबेल मेर दोहोन दो चिला जिनिसते हना बुलुंग सेबेलगुःता? 35हना बुलुंग ओत लगा सहे रसाइनगे लगा मेर बड़ाँःता#मती 5:13 अरू होड़कू हान बहरीकू तेके एंडागोडता। अयूम अवेयता हाँयग होड़, नपायतेय अयूम ठुड़ावगे।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.