लूका 15
15
केड़ेत भेड़ाराः कहड़ी
(मती 18:12-14)
1दो ईसूराः बड़रा अयूमगे लगा मुरुक बगरा मलगुजारी गोः होड़कू अरू एटाः कसूर होड़कू हों ईसू एचेरेकू वेगा। 2दो फरीसी होड़कू अरू नियम चेडदार होड़कू जहड़-बेडेग घड़ीनकू कताया, नाँय दो कसूर होड़कू सुदाय जुमाःता अरू हँकू सुदाय जोमता, माःआन।
3हनमेला ईसू हँकू एचेरे मीटोंग कहड़ीय कतातेरा, 4“ओंगोलगेपे, अपे अते मी होड़ एचेरे मी सव भेड़ाकू इदा अरू हनामिन अते मीटोंग केड़े जुवाः दो, हाँय चिलाय एचेता? दो हाँय निनयानबेगोटोंग भेड़ाकू डंडहारे अड़ाःकेडकूखन केड़ेत भेड़ा अरीने ञमेय वरी ओरोय सपातिरिया जा? 5हनते हाँयग भेड़ाय ञामगोडतान दो, हाँय बहालते पसारेय दोहेँ अगुगेयता। 6हाँय ओड़ाः सेनेवाडखन आँयग सउंगताकू अरू परुसीकू जुमावकेडखने कतायता, ईंगरीग केड़ेनेना हाँयग भेड़ायिंग ञाम अगूकिरिया। हनालगा अपे ईंग सुदापे बहालगुः। 7अपे ईंगपे अयूम, ननन इया कसूरते केड़ेत तोनोंगीग होड़ भगवान अगीय कुदा वेगता दो, सेरमो देसरे हाँय लगा मुरुककू बहालगुःता। कसूर अते भगवान अगी जीव कुदाराः जरूरी मेर दोहोनता हँकुःआ निनयानबेगोटोंग बेगर गारबार होड़कू अते हाँय लगा सेरमो देसरे मुरुककू बहालगुःता।
केड़ेत रिचकी ढिबुवाराः कहड़ी
8मी होड़ अइमी एचेरे दसटोंग रिचकी ढिबुवा#15:8 मी होड़ मी दिने बुताता हना बुताराः मंजूरी हवे मीटोंग रिचकी ढिबुवा। दोहोना। हना अते मीटोंग केड़े जुवाःता दो, हाँय चिलाय एचेता? दो हाँयग अइमी ढिबरी सलगावकेडखन ओड़ाःए जोःता अरू हना केड़ेत रिचकी ढिबुवा अरीने ञाम वरीय सपागोड ञवनता। 9हना रिचकी ढिबुवाय पवाव जुवाःतान दो, हाँय अनँयग सउंगताकू अरू परुसीकू जुमावकेडखने कतायता, ईंगराः केड़ेत रिचकी ढिबुवायिंग ञामकेरा। नानलगा अपे जमाकू ईंग सुदापे बहालगुः।” 10दो ईसू कताया, “अपे ईंगपे अयूम, नान इया भगवान अगी कसूर अते जीवे कुदाता हाँयग होड़ बदीरे सेरमो देसरिकुःआ बराहीलकू बहालगुःता।
केड़ेत बेटाराः कहड़ी
11मी होड़रिकिनाः बार होड़ बेटाकिन दोहोना। 12हुडिंगीग बेटात अपात एचेरेय कतातेरा, ने, अपांग, आन-धान अते ईंग बंटा ओवायिंगमे, माःआन। दो अपात बेपटाकिन लगाय हटिंगगोतेड।
13तोनोंग दिनरे हुडिंगीग जमा आँयग बंटा ढिबुवाय सकलावतेड अरू जबर लंका सेनेवाडखन आँयगराः जमा आन-धाने चबा एंडागोतेड। 14हाँयराः आन-धान चबायान, दो हनमेला हना राइजरे मुरुक कतकालयान अरू हाँय गरीबयाने। 15दो हाँय हना राइजरीग मी होड़ होड़ एचेरे बुतारेय हेलावयान। दो हाँय सुकरीकू सराव लगा दोहोड़ अगीय वारगोतेडीग। 16हाँय चहाःआ, सुकरीकू जोमता हना सोकला ईंग जोमकेडखन दोंगेयिंग पेरेगता, माःआन। मनदो हना हों तोनोंगीग मेरेय ओवागडीग।
17हनमेला हाँय उहियारवाडखने कताया, ईंग अपांगरिकुःआ सेवकिया होड़कू जोम लगा मुरुक इदा। दो ईंग नंडा रंगेगतिंग गुजुःतना। 18ईंग रेमकियानखन ईंग अपांग एचेरेयिंग सेनता अरू हाँय एचेरे ईंग कतायता, ने अपांग, ईंग भगवान एचेरे अरू आम एचेरेयिंग कसूरकेरा। 19नुँहू ईंग आम बेटा कतन जुकूर कोवायिंगा। ईंग आमरीग सेवकिया होड़ इयाम दोहो ओवागिंग।
20हनते हाँय रेमवाडखन अपात एचेरे तोराय। बेटात जनाबर लंकारेय दोहोन मेला अपात हाँये ञेल सोगायान। हाँय बतकाव सेनेडखन हाँयराः होटोःरे कबातिडिगखन मुरुके अंजोडतिरिया। 21दो बेटात अपात एचेरेय कताया, ईंग भगवान एचेरे अरू आम एचेरे होयिंग कसूरकेरा। हनालगा नुँहू ईंग आम बेटा कतन जुकूर कोवायिंगा। 22मनदो सेवकिया होड़कू एचेरे अपात कतातेरा, हलू हलू, नपाय नपाय सोनहे नाँयपे तुसिंगगोड अरू नाँय तिःईरे अंगठी तुसिंगगोडेयपे अरू चाटीपे तुसिंगगेय। 23अरू असूलतो बसरू अगूकिरिगखनपे ञेंडेय। अबू नाँयराः बहालतेबू जोमेयता। 24ईंग बेटा गोएगतो इयाय दोहोना, नुँहू नाँय जियावयनाय, केड़ेनेनाय नुँहूयिंग पवावयान। अरू हँकू रीझ रंगगोडाकू।
25हनमेला हाँयरीग मरंगीग बेटात दोहोड़रेय दोहोना। अरू दोहोड़ अगीते ओड़ाःए सुदरुः मेला सून सेरेंगराः अरू मांदड़राः अरोय अयूमतेरा। 26हनते हाँय सेवकिया होड़कू अते मी होड़े राःतेरा अरूय होंबोरतिडिया, नाःआरे चिला होयाःतना? 27हाँय कतातेरा, आम बोहोम वेगकिया अरू नपाय नपाये कुदाकिया। हनालगा आम अपांग असूलतो बसरूय एचे ञेडकेरा।
28नाःआ अयूमतेडखन हाँय मुरुके रीसयान अरू ओड़ाःरे मेरेय बोला। दो अपात उडुंगनेनखन हाँये मंदरावा। 29बेटात अपाते कतावाड, नाःआमिन बरिस ईंग आम लगायिंग बुतातना अरू कहियो आमराः हुकुमकून मेरिंग टड़ावगरा। हनारे हों ईंग सउंगताकू सुदा रीझ रंग घड़ीन जोमेय लगा मीटोंगीग पठरू होन हों मेरेम ओवागडिंग। 30नाँयग बेटाम वेगकियान दो आम हाँय लगा असूलतो बसरूम एचे ञेडकेरा। नाँय दो आमराः आन-धान सनही अइमीकू सुदाय जोम चबागोतेडा।
31दो अपात कतातेरा, ने बाबू, आम दो सगर दिन इनिंग सुदा इदानमेःआ अरू ईंगराः जमा आन-धान दो अनमराः हवे। 32मनदो आम बोहोम गोएगतो इयाय दोहोना अरू नुँहू जियावयनाय। हाँय केड़ेनेनाय अरू नुँहूयिंग पवावयना। हनालगा नुँहू अबू बहालरे दोहोन इदा।”
Currently Selected:
लूका 15: kfp
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
लूका 15
15
केड़ेत भेड़ाराः कहड़ी
(मती 18:12-14)
1दो ईसूराः बड़रा अयूमगे लगा मुरुक बगरा मलगुजारी गोः होड़कू अरू एटाः कसूर होड़कू हों ईसू एचेरेकू वेगा। 2दो फरीसी होड़कू अरू नियम चेडदार होड़कू जहड़-बेडेग घड़ीनकू कताया, नाँय दो कसूर होड़कू सुदाय जुमाःता अरू हँकू सुदाय जोमता, माःआन।
3हनमेला ईसू हँकू एचेरे मीटोंग कहड़ीय कतातेरा, 4“ओंगोलगेपे, अपे अते मी होड़ एचेरे मी सव भेड़ाकू इदा अरू हनामिन अते मीटोंग केड़े जुवाः दो, हाँय चिलाय एचेता? दो हाँय निनयानबेगोटोंग भेड़ाकू डंडहारे अड़ाःकेडकूखन केड़ेत भेड़ा अरीने ञमेय वरी ओरोय सपातिरिया जा? 5हनते हाँयग भेड़ाय ञामगोडतान दो, हाँय बहालते पसारेय दोहेँ अगुगेयता। 6हाँय ओड़ाः सेनेवाडखन आँयग सउंगताकू अरू परुसीकू जुमावकेडखने कतायता, ईंगरीग केड़ेनेना हाँयग भेड़ायिंग ञाम अगूकिरिया। हनालगा अपे ईंग सुदापे बहालगुः। 7अपे ईंगपे अयूम, ननन इया कसूरते केड़ेत तोनोंगीग होड़ भगवान अगीय कुदा वेगता दो, सेरमो देसरे हाँय लगा मुरुककू बहालगुःता। कसूर अते भगवान अगी जीव कुदाराः जरूरी मेर दोहोनता हँकुःआ निनयानबेगोटोंग बेगर गारबार होड़कू अते हाँय लगा सेरमो देसरे मुरुककू बहालगुःता।
केड़ेत रिचकी ढिबुवाराः कहड़ी
8मी होड़ अइमी एचेरे दसटोंग रिचकी ढिबुवा#15:8 मी होड़ मी दिने बुताता हना बुताराः मंजूरी हवे मीटोंग रिचकी ढिबुवा। दोहोना। हना अते मीटोंग केड़े जुवाःता दो, हाँय चिलाय एचेता? दो हाँयग अइमी ढिबरी सलगावकेडखन ओड़ाःए जोःता अरू हना केड़ेत रिचकी ढिबुवा अरीने ञाम वरीय सपागोड ञवनता। 9हना रिचकी ढिबुवाय पवाव जुवाःतान दो, हाँय अनँयग सउंगताकू अरू परुसीकू जुमावकेडखने कतायता, ईंगराः केड़ेत रिचकी ढिबुवायिंग ञामकेरा। नानलगा अपे जमाकू ईंग सुदापे बहालगुः।” 10दो ईसू कताया, “अपे ईंगपे अयूम, नान इया भगवान अगी कसूर अते जीवे कुदाता हाँयग होड़ बदीरे सेरमो देसरिकुःआ बराहीलकू बहालगुःता।
केड़ेत बेटाराः कहड़ी
11मी होड़रिकिनाः बार होड़ बेटाकिन दोहोना। 12हुडिंगीग बेटात अपात एचेरेय कतातेरा, ने, अपांग, आन-धान अते ईंग बंटा ओवायिंगमे, माःआन। दो अपात बेपटाकिन लगाय हटिंगगोतेड।
13तोनोंग दिनरे हुडिंगीग जमा आँयग बंटा ढिबुवाय सकलावतेड अरू जबर लंका सेनेवाडखन आँयगराः जमा आन-धाने चबा एंडागोतेड। 14हाँयराः आन-धान चबायान, दो हनमेला हना राइजरे मुरुक कतकालयान अरू हाँय गरीबयाने। 15दो हाँय हना राइजरीग मी होड़ होड़ एचेरे बुतारेय हेलावयान। दो हाँय सुकरीकू सराव लगा दोहोड़ अगीय वारगोतेडीग। 16हाँय चहाःआ, सुकरीकू जोमता हना सोकला ईंग जोमकेडखन दोंगेयिंग पेरेगता, माःआन। मनदो हना हों तोनोंगीग मेरेय ओवागडीग।
17हनमेला हाँय उहियारवाडखने कताया, ईंग अपांगरिकुःआ सेवकिया होड़कू जोम लगा मुरुक इदा। दो ईंग नंडा रंगेगतिंग गुजुःतना। 18ईंग रेमकियानखन ईंग अपांग एचेरेयिंग सेनता अरू हाँय एचेरे ईंग कतायता, ने अपांग, ईंग भगवान एचेरे अरू आम एचेरेयिंग कसूरकेरा। 19नुँहू ईंग आम बेटा कतन जुकूर कोवायिंगा। ईंग आमरीग सेवकिया होड़ इयाम दोहो ओवागिंग।
20हनते हाँय रेमवाडखन अपात एचेरे तोराय। बेटात जनाबर लंकारेय दोहोन मेला अपात हाँये ञेल सोगायान। हाँय बतकाव सेनेडखन हाँयराः होटोःरे कबातिडिगखन मुरुके अंजोडतिरिया। 21दो बेटात अपात एचेरेय कताया, ईंग भगवान एचेरे अरू आम एचेरे होयिंग कसूरकेरा। हनालगा नुँहू ईंग आम बेटा कतन जुकूर कोवायिंगा। 22मनदो सेवकिया होड़कू एचेरे अपात कतातेरा, हलू हलू, नपाय नपाय सोनहे नाँयपे तुसिंगगोड अरू नाँय तिःईरे अंगठी तुसिंगगोडेयपे अरू चाटीपे तुसिंगगेय। 23अरू असूलतो बसरू अगूकिरिगखनपे ञेंडेय। अबू नाँयराः बहालतेबू जोमेयता। 24ईंग बेटा गोएगतो इयाय दोहोना, नुँहू नाँय जियावयनाय, केड़ेनेनाय नुँहूयिंग पवावयान। अरू हँकू रीझ रंगगोडाकू।
25हनमेला हाँयरीग मरंगीग बेटात दोहोड़रेय दोहोना। अरू दोहोड़ अगीते ओड़ाःए सुदरुः मेला सून सेरेंगराः अरू मांदड़राः अरोय अयूमतेरा। 26हनते हाँय सेवकिया होड़कू अते मी होड़े राःतेरा अरूय होंबोरतिडिया, नाःआरे चिला होयाःतना? 27हाँय कतातेरा, आम बोहोम वेगकिया अरू नपाय नपाये कुदाकिया। हनालगा आम अपांग असूलतो बसरूय एचे ञेडकेरा।
28नाःआ अयूमतेडखन हाँय मुरुके रीसयान अरू ओड़ाःरे मेरेय बोला। दो अपात उडुंगनेनखन हाँये मंदरावा। 29बेटात अपाते कतावाड, नाःआमिन बरिस ईंग आम लगायिंग बुतातना अरू कहियो आमराः हुकुमकून मेरिंग टड़ावगरा। हनारे हों ईंग सउंगताकू सुदा रीझ रंग घड़ीन जोमेय लगा मीटोंगीग पठरू होन हों मेरेम ओवागडिंग। 30नाँयग बेटाम वेगकियान दो आम हाँय लगा असूलतो बसरूम एचे ञेडकेरा। नाँय दो आमराः आन-धान सनही अइमीकू सुदाय जोम चबागोतेडा।
31दो अपात कतातेरा, ने बाबू, आम दो सगर दिन इनिंग सुदा इदानमेःआ अरू ईंगराः जमा आन-धान दो अनमराः हवे। 32मनदो आम बोहोम गोएगतो इयाय दोहोना अरू नुँहू जियावयनाय। हाँय केड़ेनेनाय अरू नुँहूयिंग पवावयना। हनालगा नुँहू अबू बहालरे दोहोन इदा।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.