लूका नाःआ कागद बदीरे
नाःआ कागद बदीरे
नाःआ नपाय सरवन लूका ओजाःतेरा। हाँय मड़ंगरे ईसू मेरेय सुदीया अरू बेगर एहूदा होड़े दोहोना। हाँय जिड़ीदार होड़े दोहोना अरू ईसूरीग मूक चेला, पउलूस सुदा परसारगे लगाय सेनेडा। नाःआ कागद लूका तियोपिलूस ञावीग होड़ लगाय ओजाःतेरा। ईसूराः जमा बड़रा अरू बुताराः सताय तियोपिलूस हों सुदीगे लगा लूका चहाःआ। जुना नियमरे भगवानराः बड़रा कता होड़कू कता उदुःतेरा हाँय भगवारीग जबानतोयीग होड़ ईसू हवे माःआन एहूदाकू अरू बेगर एहूदाकू होंकू सुदीगे लगा लूका चहाःआ।
लूका ओजाःतेरा भगवानराः नपाय सरवनरे ईसू होड़कूरीग सडावदार हवे। अरू केड़ेत इदानकुःआ, हँकुःआ होड़कू ईसू सडावकूता। नाःआ नपाय सरवनरे, ईसूराः जनमाः बदीरे, गुजुः बदीरे, जियाव रिमुः बदीरे अरू हाँय सेरमो देसरे कुदा सेन बदीरे, हना जमाकून ओजाःतो इदा। ईसूराः बदीरे ओजाःतेरा हना नपाय सरवन एहूदाकू लगा एकला कोवानेःआ, मनदो चउंदीसरिकुःआ जमा होड़कू लगाय ओजाःकेरा।
लूका ननानाः कताय कता उदुःगेतना, ईसू एचेरेकू भरसागेता हँकुःआ होड़कू सडाव लगा हाँय चउंदीसरेय वेगकिया।
बिसय सूची
ईसू सेवा बुँहड़ीगे लगा सपड़ाः 1:1–4:13
गलील छतररे ईसूराः सेवा 4:14–9:50
गलील अते एरुसलेम वरी ईसूराः सेन दूर 9:51–19:27
एरुसलेमरे ईसूराः टुटीग हपता 19:28–23:56
परबू ईसूराः जियाव रिमुः, चेलाकू एचेरे एचे ञिलुः अरू सेरमो देसरे सेन 24:1-53
Currently Selected:
लूका नाःआ कागद बदीरे: kfp
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.