Efesoĉantyidyes 4
4
Aty vaj yiriꞌyaꞌ tsun Cristos aꞌ buꞌjaꞌ
1Yụ Pablo ĉäꞌräij Jesucristodyes, yụ fercheꞌ jéyac paj qui rụij bäꞌyi miꞌin, ĉaĉaij na meꞌ muꞌ jínac Jenꞌ fayinacyaꞌ jiquej. 2Jam raꞌ fibiꞌnacdyeꞌtum bäꞌyi miꞌin, jämꞌyi raꞌ bäꞌyi miꞌin, tyumꞌchutidyeꞌtum judyeyaꞌ dyichyedyeꞌtum raꞌ mạꞌjitidyeij miꞌin. 3Yụꞌtacac ferdyeꞌ paj qui vaj cäts dyijyedyeꞌ cạtiñeꞌ miꞌin, ĉaĉaij na Jenꞌsiꞌ Ạꞌedyeꞌ muꞌ yirity ñuruꞌ yuꞌnac miꞌin, mọꞌ yiꞌ paj qui vaj meꞌ jämꞌjitidyeij bäꞌyi miꞌin. 4Jeshaꞌ tsun anicjejatyiꞌ Jenꞌ, tsun aꞌ buꞌjaꞌ Cristos muꞌ, yirity mọmoꞌ ñuruꞌ tsun. Yiris mọmoꞌ mọꞌyaꞌ Jenꞌsiꞌ Ạꞌedyeꞌ muꞌ, chiyirisdye mọꞌyaꞌ c̣honꞌdyedyes mọꞌ bisjaꞌsiꞌ tsun, mọꞌ raꞌ soꞌmisinꞌsiꞌ muꞌ Jenꞌ. 5Chimeꞌdye yirity mọmoꞌ muꞌyaꞌ muꞌ Ayoꞌ tsun, chiyirisdye p̂eyacdyeꞌ anicjejaꞌsiꞌ tsun, chiyirisdye jiꞌchojtidyeꞌ jịꞌĉojtyejaꞌsiꞌ tsun. 6Chiyiritydye muꞌyaꞌ muꞌ Jenꞌ, muꞌ Ạvatusinꞌtyiꞌ räj. Räjdyes ayoꞌbuꞌyi muꞌ, räj jajbuꞌyacsi, judyeyaꞌ räj soꞌmacsi paj qui carijtaqui muꞌdyes in.
7Räj vaj cäts soꞌmisinꞌ paj qui carijtaĉaꞌ muꞌdyes, junꞌ chuc mạꞌjeꞌ muꞌ Cristo, meꞌ soꞌmisinꞌ. 8Mọꞌdye p̂eyeꞌ sánacdyeꞌ, yiꞌ:
"Anic cheꞌve bojban muꞌ mạyedyeꞌcheꞌ,
cạcseban jiꞌpenactyiꞌ muꞌ.
Chimeꞌdye soꞌmacsi carijtacdyedyes muntyiꞌ in", yiꞌ sánacdyeꞌ.
9¿Jedyeꞌ buty ọij cạiꞌ p̂eyacdyeꞌ "bojban" yiꞌ? Mọꞌ jiꞌchäquiyisinꞌ junꞌ chuc tashcheꞌ jiquej, muꞌ chạij úĉan mochĉansiꞌĉan jac jịjcaij. 10Muꞌ chạijtyiꞌ jiquej chimuꞌdye bojban jadyicchescheꞌ mạyedyeꞌ jịjcaban, paj qui räj buꞌyi bäꞌyi jaccheꞌ judyeyaꞌ mạyedyeꞌcheꞌ. 11Muꞌdye soꞌmacsi ñịbeꞌyedyes muntyidyes in, carijtacdyedyes soꞌmacsi. Pạrej jutactyiꞌ yụꞌtacsi, pạrej jasoꞌmitity p̂eyacdyeꞌ yụꞌtacsi, pạrej cạyacsity p̂eyacdyeꞌ yụꞌtacsi, pạrej ĉọjcacsity anicjetety Jenꞌ yụꞌtacsi, judyeyaꞌ pạrej jịꞌchiyacsity p̂eyacdyeꞌ yụꞌtacsi. 12Meꞌ meꞌ soꞌmacsi muntyiꞌ in paj qui muꞌin jịꞌchiyacsi in judyeyaꞌ nọ́tyetacsi in muꞌin anicjetety Jenꞌ in, meꞌ räj jämꞌ yụꞌtacsi in paj qui muꞌin räj tupuj carijtaqui Jenꞌdyes in, judyeyaꞌ paj qui räjĉan fer buꞌyi bäꞌyi Jenꞌdyes in. 13Meꞌ raꞌ vaj cäts yiriꞌyaꞌ dyijyejaꞌ anicjejaty Jenꞌcheꞌ tsun, paj qui vaj cäts yiriꞌyaꞌ chị́yepja Jenꞌtyiꞌ Ạvaꞌ muꞌ, junꞌ chuc dyijyedyeꞌ muꞌsiꞌ. Meꞌdye raꞌ yejĉojaꞌ p̂anjaꞌ Jenꞌdyes tsun, junꞌ quiꞌ chuc fer buꞌjaꞌ Jenꞌdyes, yojdyemꞌ muꞌ Cristo u, paj meꞌdye qui tsun shupquejaꞌ. 14Aty qui jam jeñej buꞌjaꞌ miquity tsun, jemoñeꞌ yódyemꞌ ishoꞌmuntyiꞌ u in dyijyedyeꞌtum bäꞌyi in, jemoñeꞌ meꞌ dyijtujaꞌ tsun, paj qui jam jụꞌñis ĉụiꞌ jiꞌchäyitidyeꞌ anicjejaꞌ tsun, paj jam jeñej buꞌjaꞌ covamba jeñej jácati tyiꞌmu, junaꞌ ĉụiꞌ mọmoꞌ jịjcaij, paj qui jam meꞌ tsun. Meꞌ raꞌ chat jam seꞌ jaꞌyisinꞌ in muꞌin vaꞌves jiꞌchäyitidyeꞌ tuiꞌtyiꞌ in, mạꞌjeꞌ väñädyeꞌyaꞌ seꞌ jaꞌyacsi muntyiꞌ in. 15Jemoñeꞌ rụijsis cạjaꞌ jiꞌchäyitidyeꞌ, judyeyaꞌ mạꞌjeyacsejaty bäꞌjaꞌ tsun, paj qui yejĉojaꞌ p̂anjaꞌ Jenꞌdyes tsun, yojdyemꞌ Cristo u, paj qui meꞌ shupquejaꞌ tsun, ĉaĉaij na muꞌ joꞌnoꞌ buꞌyi tsuntum, tsun qui aꞌ buꞌjaꞌ muꞌ. 16Muꞌ bächäsinꞌ jụijyaꞌ tsun, chat qui raꞌ tsun vaj meij jämꞌjitiĉaꞌ judyeyaꞌ ñútyitiĉaꞌ chimeꞌ, meꞌ yirity mọmoꞌ aꞌ shupquejaꞌ. Räj carijtaĉaꞌ jämꞌ jụijyaꞌ tsun, meꞌ raꞌ chat dadamꞌ cheꞌejĉojaꞌ vaj cäts qui raꞌ fer buꞌjaꞌ bäꞌjaꞌ tsun, vaj meꞌ mạꞌjitiĉaꞌ jụijyaꞌ tsun.
Mụiꞌsis qui raꞌ dyijyedyeꞌ cạjaꞌ
17Mọꞌdyes Ayoꞌsiꞌcheꞌ tịj tsun yụ fercheꞌ jéyac miꞌin, aty raꞌ jam jịjcatacsebi miꞌin muꞌinsiꞌ dyijyedyeꞌ in jam anicjetetysiꞌ Jenꞌ in, mijam raꞌ jiꞌcäc̣häꞌyibun quivij miꞌin. Fibis mọmoꞌ muꞌinsiꞌ dyijyedyeꞌ in, 18muꞌinsiꞌ tojmas dyijyedyeꞌ muꞌin. Muꞌin in jam junꞌ tsạꞌchucsi Jenꞌ ĉaĉaij na jam chị́yete in, anic yäcäj ĉojtyiꞌ muꞌin. 19Jam tsị́cataqui aꞌc̣his dyijyedyeꞌ muꞌin, junꞌ chuc jämꞌtaqui in, ĉụiꞌ jiꞌsäsdyi in aꞌc̣hisĉan dyijyedyeꞌ muꞌin, ĉụiꞌ vaꞌquicdyi in. 20Miꞌin na jam meꞌ jiꞌchäyiti, jam meꞌ yiꞌ Cristos p̂eyacdyeꞌ muꞌ, mọꞌ jiꞌchäyitis miꞌin, 21ĉaĉaij na jämꞌ seꞌvebitinte jiꞌchäyitidyeꞌ muꞌ, mọꞌ rụijsis p̂eyacdyeꞌ Jesússiꞌ muꞌ. 22Mọꞌ yiꞌ jínac paj qui vaꞌquectiñeꞌ tashches dyijyedyeꞌ aꞌc̣his miꞌin, mọꞌ jeñej buꞌyiꞌ ọctumtyiꞌ quịꞌsiꞌ meꞌ raꞌ vaꞌquectiñeꞌ. Mọꞌ tashches dyijyedyeꞌ jiquej miꞌin, mọꞌ bächänacsiꞌ jiquej, mọꞌdye mọmoꞌ ac̣hiꞌnac jiquej miꞌin cäc̣häꞌchucdyeꞌyaꞌ aꞌc̣his aꞌsiꞌ miꞌin, mọꞌ vaꞌve jịjijcayinac jiquej. 23Jemoñeꞌ q̂uinꞌ mụiꞌsis dyijyedyeꞌ ĉojtyiꞌĉansiꞌ meꞌchutiñeꞌ miꞌin. 24Yódyemꞌ mụiꞌtyity quịꞌsiꞌ u, meꞌ buꞌyiꞌ mọꞌ mụiꞌsis dyijyedyeꞌ q̂uinꞌ, jemoñeꞌ mọꞌ meꞌchujaꞌ q̂uinꞌ, mọꞌ yuꞌtyiyisinꞌsiꞌ Jenꞌ. Yódyemꞌ muꞌ Jenꞌ u, meꞌ raꞌ shupquejaꞌ tsun, muꞌ mụiꞌtyity jíbujsinꞌ paj qui rụij bäꞌjaꞌ tsun, paj qui jam jụꞌñijaꞌ bäꞌjaꞌ tsun judyeyaꞌ cäc̣häꞌchupja mọꞌ rụijsis p̂eyacdyeꞌ muꞌ.
25Meꞌquiꞌdye raꞌ väñäij miꞌin, rụijsis qui ramꞌ p̂eyacdyeꞌ p̂eijtiñeꞌ räjĉan vojitytum miꞌin, ĉaĉaij na vaj yiriꞌyaꞌ buꞌjaꞌ Cristos aꞌ muꞌ.
26Fạ́coij jụijyaꞌ miꞌin, areꞌĉa juchaij miꞌin. Jemoñeꞌ cavin jiꞌjiijtiñeꞌ fạ́codyeꞌ miꞌin jambiꞌdyemꞌ siti muꞌ tsun. 27Jam raꞌ jụjbitiñeꞌ Sọyos dyijyedyeꞌ mọꞌ, paj qui jam jiꞌĉujtyinac miꞌin.
28Tyi chuc shushuꞌaty jiquej paj meꞌquiꞌdye shuꞌayeban. Damꞌdye jämꞌ ĉụiꞌ carijtaqui muꞌ tsạꞌ buꞌyedyes, tupuj qui chimeꞌ ñịbeꞌjeyacsi muꞌin jayejjotaquity jedyeꞌ in.
29Chimeꞌdye jam raꞌ aꞌc̣his p̂eyacdyeꞌ jiꞌshupquetiñeꞌ miꞌin, jämꞌsiꞌ ramꞌ p̂eyacdyeꞌ mọꞌ ramꞌ jiꞌshupquetiñeꞌ, jụꞌñis chuc tupuj nọ́tyetacsiꞌ yoctyiꞌ in, jụꞌñis chuc jemoñeꞌ in, paj qui p̂añi Jenꞌdyes in. 30Jam raꞌ jiꞌtarebitinte Jenꞌsiꞌ Ạꞌedyeꞌ muꞌ, mọꞌ soꞌmisinꞌsiꞌ Jenꞌ. Mọꞌ cac̣htacdyeꞌ buꞌyis Jenꞌsiꞌ muꞌ, mọꞌ jịꞌĉocdyes aty Jenꞌtyiꞌ tsun, paj qui chị́yac tsun aty ayijyaꞌ mọꞌ tupudyeꞌ c̣honꞌdyedyes tsun.
31Q̂uinꞌ raꞌ vaꞌquectiñeꞌ aꞌc̣his dyijyedyeꞌ ĉụiꞌsiꞌ miꞌin, aty qui raꞌ jam fạ́codyeꞌtum bäꞌyi miꞌin, meꞌquiꞌdye qui raꞌ fạ́codyeꞌtum äjnaqui miꞌin, mijam raꞌ ñäñiti miꞌin. Jam raꞌ damꞌ fáquitidyeij bäꞌyi miꞌin 32Damꞌdye jämꞌ, jämꞌyedyeꞌtum bäꞌyi miꞌin, vaj meij ñịbeꞌ ĉútidyeij miꞌin. Muꞌyaꞌ pạrej juchatunac jụijyaꞌ in jam raꞌ yejĉoij dyijtucsebi juchaj miꞌin. Yojdyemꞌ muꞌ Jenꞌ u jam dyijtubunac juchaj miꞌin ĉaĉaij na aty Cristoty miꞌin, meꞌdye raꞌ miꞌin chimeꞌ jam dyijtucsebi yoctyis juchaj muꞌin.
Currently Selected:
Efesoĉantyidyes 4: CAS
Highlight
Copy
Compare
Share
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'
Efesoĉantyidyes 4
4
Aty vaj yiriꞌyaꞌ tsun Cristos aꞌ buꞌjaꞌ
1Yụ Pablo ĉäꞌräij Jesucristodyes, yụ fercheꞌ jéyac paj qui rụij bäꞌyi miꞌin, ĉaĉaij na meꞌ muꞌ jínac Jenꞌ fayinacyaꞌ jiquej. 2Jam raꞌ fibiꞌnacdyeꞌtum bäꞌyi miꞌin, jämꞌyi raꞌ bäꞌyi miꞌin, tyumꞌchutidyeꞌtum judyeyaꞌ dyichyedyeꞌtum raꞌ mạꞌjitidyeij miꞌin. 3Yụꞌtacac ferdyeꞌ paj qui vaj cäts dyijyedyeꞌ cạtiñeꞌ miꞌin, ĉaĉaij na Jenꞌsiꞌ Ạꞌedyeꞌ muꞌ yirity ñuruꞌ yuꞌnac miꞌin, mọꞌ yiꞌ paj qui vaj meꞌ jämꞌjitidyeij bäꞌyi miꞌin. 4Jeshaꞌ tsun anicjejatyiꞌ Jenꞌ, tsun aꞌ buꞌjaꞌ Cristos muꞌ, yirity mọmoꞌ ñuruꞌ tsun. Yiris mọmoꞌ mọꞌyaꞌ Jenꞌsiꞌ Ạꞌedyeꞌ muꞌ, chiyirisdye mọꞌyaꞌ c̣honꞌdyedyes mọꞌ bisjaꞌsiꞌ tsun, mọꞌ raꞌ soꞌmisinꞌsiꞌ muꞌ Jenꞌ. 5Chimeꞌdye yirity mọmoꞌ muꞌyaꞌ muꞌ Ayoꞌ tsun, chiyirisdye p̂eyacdyeꞌ anicjejaꞌsiꞌ tsun, chiyirisdye jiꞌchojtidyeꞌ jịꞌĉojtyejaꞌsiꞌ tsun. 6Chiyiritydye muꞌyaꞌ muꞌ Jenꞌ, muꞌ Ạvatusinꞌtyiꞌ räj. Räjdyes ayoꞌbuꞌyi muꞌ, räj jajbuꞌyacsi, judyeyaꞌ räj soꞌmacsi paj qui carijtaqui muꞌdyes in.
7Räj vaj cäts soꞌmisinꞌ paj qui carijtaĉaꞌ muꞌdyes, junꞌ chuc mạꞌjeꞌ muꞌ Cristo, meꞌ soꞌmisinꞌ. 8Mọꞌdye p̂eyeꞌ sánacdyeꞌ, yiꞌ:
"Anic cheꞌve bojban muꞌ mạyedyeꞌcheꞌ,
cạcseban jiꞌpenactyiꞌ muꞌ.
Chimeꞌdye soꞌmacsi carijtacdyedyes muntyiꞌ in", yiꞌ sánacdyeꞌ.
9¿Jedyeꞌ buty ọij cạiꞌ p̂eyacdyeꞌ "bojban" yiꞌ? Mọꞌ jiꞌchäquiyisinꞌ junꞌ chuc tashcheꞌ jiquej, muꞌ chạij úĉan mochĉansiꞌĉan jac jịjcaij. 10Muꞌ chạijtyiꞌ jiquej chimuꞌdye bojban jadyicchescheꞌ mạyedyeꞌ jịjcaban, paj qui räj buꞌyi bäꞌyi jaccheꞌ judyeyaꞌ mạyedyeꞌcheꞌ. 11Muꞌdye soꞌmacsi ñịbeꞌyedyes muntyidyes in, carijtacdyedyes soꞌmacsi. Pạrej jutactyiꞌ yụꞌtacsi, pạrej jasoꞌmitity p̂eyacdyeꞌ yụꞌtacsi, pạrej cạyacsity p̂eyacdyeꞌ yụꞌtacsi, pạrej ĉọjcacsity anicjetety Jenꞌ yụꞌtacsi, judyeyaꞌ pạrej jịꞌchiyacsity p̂eyacdyeꞌ yụꞌtacsi. 12Meꞌ meꞌ soꞌmacsi muntyiꞌ in paj qui muꞌin jịꞌchiyacsi in judyeyaꞌ nọ́tyetacsi in muꞌin anicjetety Jenꞌ in, meꞌ räj jämꞌ yụꞌtacsi in paj qui muꞌin räj tupuj carijtaqui Jenꞌdyes in, judyeyaꞌ paj qui räjĉan fer buꞌyi bäꞌyi Jenꞌdyes in. 13Meꞌ raꞌ vaj cäts yiriꞌyaꞌ dyijyejaꞌ anicjejaty Jenꞌcheꞌ tsun, paj qui vaj cäts yiriꞌyaꞌ chị́yepja Jenꞌtyiꞌ Ạvaꞌ muꞌ, junꞌ chuc dyijyedyeꞌ muꞌsiꞌ. Meꞌdye raꞌ yejĉojaꞌ p̂anjaꞌ Jenꞌdyes tsun, junꞌ quiꞌ chuc fer buꞌjaꞌ Jenꞌdyes, yojdyemꞌ muꞌ Cristo u, paj meꞌdye qui tsun shupquejaꞌ. 14Aty qui jam jeñej buꞌjaꞌ miquity tsun, jemoñeꞌ yódyemꞌ ishoꞌmuntyiꞌ u in dyijyedyeꞌtum bäꞌyi in, jemoñeꞌ meꞌ dyijtujaꞌ tsun, paj qui jam jụꞌñis ĉụiꞌ jiꞌchäyitidyeꞌ anicjejaꞌ tsun, paj jam jeñej buꞌjaꞌ covamba jeñej jácati tyiꞌmu, junaꞌ ĉụiꞌ mọmoꞌ jịjcaij, paj qui jam meꞌ tsun. Meꞌ raꞌ chat jam seꞌ jaꞌyisinꞌ in muꞌin vaꞌves jiꞌchäyitidyeꞌ tuiꞌtyiꞌ in, mạꞌjeꞌ väñädyeꞌyaꞌ seꞌ jaꞌyacsi muntyiꞌ in. 15Jemoñeꞌ rụijsis cạjaꞌ jiꞌchäyitidyeꞌ, judyeyaꞌ mạꞌjeyacsejaty bäꞌjaꞌ tsun, paj qui yejĉojaꞌ p̂anjaꞌ Jenꞌdyes tsun, yojdyemꞌ Cristo u, paj qui meꞌ shupquejaꞌ tsun, ĉaĉaij na muꞌ joꞌnoꞌ buꞌyi tsuntum, tsun qui aꞌ buꞌjaꞌ muꞌ. 16Muꞌ bächäsinꞌ jụijyaꞌ tsun, chat qui raꞌ tsun vaj meij jämꞌjitiĉaꞌ judyeyaꞌ ñútyitiĉaꞌ chimeꞌ, meꞌ yirity mọmoꞌ aꞌ shupquejaꞌ. Räj carijtaĉaꞌ jämꞌ jụijyaꞌ tsun, meꞌ raꞌ chat dadamꞌ cheꞌejĉojaꞌ vaj cäts qui raꞌ fer buꞌjaꞌ bäꞌjaꞌ tsun, vaj meꞌ mạꞌjitiĉaꞌ jụijyaꞌ tsun.
Mụiꞌsis qui raꞌ dyijyedyeꞌ cạjaꞌ
17Mọꞌdyes Ayoꞌsiꞌcheꞌ tịj tsun yụ fercheꞌ jéyac miꞌin, aty raꞌ jam jịjcatacsebi miꞌin muꞌinsiꞌ dyijyedyeꞌ in jam anicjetetysiꞌ Jenꞌ in, mijam raꞌ jiꞌcäc̣häꞌyibun quivij miꞌin. Fibis mọmoꞌ muꞌinsiꞌ dyijyedyeꞌ in, 18muꞌinsiꞌ tojmas dyijyedyeꞌ muꞌin. Muꞌin in jam junꞌ tsạꞌchucsi Jenꞌ ĉaĉaij na jam chị́yete in, anic yäcäj ĉojtyiꞌ muꞌin. 19Jam tsị́cataqui aꞌc̣his dyijyedyeꞌ muꞌin, junꞌ chuc jämꞌtaqui in, ĉụiꞌ jiꞌsäsdyi in aꞌc̣hisĉan dyijyedyeꞌ muꞌin, ĉụiꞌ vaꞌquicdyi in. 20Miꞌin na jam meꞌ jiꞌchäyiti, jam meꞌ yiꞌ Cristos p̂eyacdyeꞌ muꞌ, mọꞌ jiꞌchäyitis miꞌin, 21ĉaĉaij na jämꞌ seꞌvebitinte jiꞌchäyitidyeꞌ muꞌ, mọꞌ rụijsis p̂eyacdyeꞌ Jesússiꞌ muꞌ. 22Mọꞌ yiꞌ jínac paj qui vaꞌquectiñeꞌ tashches dyijyedyeꞌ aꞌc̣his miꞌin, mọꞌ jeñej buꞌyiꞌ ọctumtyiꞌ quịꞌsiꞌ meꞌ raꞌ vaꞌquectiñeꞌ. Mọꞌ tashches dyijyedyeꞌ jiquej miꞌin, mọꞌ bächänacsiꞌ jiquej, mọꞌdye mọmoꞌ ac̣hiꞌnac jiquej miꞌin cäc̣häꞌchucdyeꞌyaꞌ aꞌc̣his aꞌsiꞌ miꞌin, mọꞌ vaꞌve jịjijcayinac jiquej. 23Jemoñeꞌ q̂uinꞌ mụiꞌsis dyijyedyeꞌ ĉojtyiꞌĉansiꞌ meꞌchutiñeꞌ miꞌin. 24Yódyemꞌ mụiꞌtyity quịꞌsiꞌ u, meꞌ buꞌyiꞌ mọꞌ mụiꞌsis dyijyedyeꞌ q̂uinꞌ, jemoñeꞌ mọꞌ meꞌchujaꞌ q̂uinꞌ, mọꞌ yuꞌtyiyisinꞌsiꞌ Jenꞌ. Yódyemꞌ muꞌ Jenꞌ u, meꞌ raꞌ shupquejaꞌ tsun, muꞌ mụiꞌtyity jíbujsinꞌ paj qui rụij bäꞌjaꞌ tsun, paj qui jam jụꞌñijaꞌ bäꞌjaꞌ tsun judyeyaꞌ cäc̣häꞌchupja mọꞌ rụijsis p̂eyacdyeꞌ muꞌ.
25Meꞌquiꞌdye raꞌ väñäij miꞌin, rụijsis qui ramꞌ p̂eyacdyeꞌ p̂eijtiñeꞌ räjĉan vojitytum miꞌin, ĉaĉaij na vaj yiriꞌyaꞌ buꞌjaꞌ Cristos aꞌ muꞌ.
26Fạ́coij jụijyaꞌ miꞌin, areꞌĉa juchaij miꞌin. Jemoñeꞌ cavin jiꞌjiijtiñeꞌ fạ́codyeꞌ miꞌin jambiꞌdyemꞌ siti muꞌ tsun. 27Jam raꞌ jụjbitiñeꞌ Sọyos dyijyedyeꞌ mọꞌ, paj qui jam jiꞌĉujtyinac miꞌin.
28Tyi chuc shushuꞌaty jiquej paj meꞌquiꞌdye shuꞌayeban. Damꞌdye jämꞌ ĉụiꞌ carijtaqui muꞌ tsạꞌ buꞌyedyes, tupuj qui chimeꞌ ñịbeꞌjeyacsi muꞌin jayejjotaquity jedyeꞌ in.
29Chimeꞌdye jam raꞌ aꞌc̣his p̂eyacdyeꞌ jiꞌshupquetiñeꞌ miꞌin, jämꞌsiꞌ ramꞌ p̂eyacdyeꞌ mọꞌ ramꞌ jiꞌshupquetiñeꞌ, jụꞌñis chuc tupuj nọ́tyetacsiꞌ yoctyiꞌ in, jụꞌñis chuc jemoñeꞌ in, paj qui p̂añi Jenꞌdyes in. 30Jam raꞌ jiꞌtarebitinte Jenꞌsiꞌ Ạꞌedyeꞌ muꞌ, mọꞌ soꞌmisinꞌsiꞌ Jenꞌ. Mọꞌ cac̣htacdyeꞌ buꞌyis Jenꞌsiꞌ muꞌ, mọꞌ jịꞌĉocdyes aty Jenꞌtyiꞌ tsun, paj qui chị́yac tsun aty ayijyaꞌ mọꞌ tupudyeꞌ c̣honꞌdyedyes tsun.
31Q̂uinꞌ raꞌ vaꞌquectiñeꞌ aꞌc̣his dyijyedyeꞌ ĉụiꞌsiꞌ miꞌin, aty qui raꞌ jam fạ́codyeꞌtum bäꞌyi miꞌin, meꞌquiꞌdye qui raꞌ fạ́codyeꞌtum äjnaqui miꞌin, mijam raꞌ ñäñiti miꞌin. Jam raꞌ damꞌ fáquitidyeij bäꞌyi miꞌin 32Damꞌdye jämꞌ, jämꞌyedyeꞌtum bäꞌyi miꞌin, vaj meij ñịbeꞌ ĉútidyeij miꞌin. Muꞌyaꞌ pạrej juchatunac jụijyaꞌ in jam raꞌ yejĉoij dyijtucsebi juchaj miꞌin. Yojdyemꞌ muꞌ Jenꞌ u jam dyijtubunac juchaj miꞌin ĉaĉaij na aty Cristoty miꞌin, meꞌdye raꞌ miꞌin chimeꞌ jam dyijtucsebi yoctyis juchaj muꞌin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'