Efesoĉantyidyes 5
5
Junꞌ chuc raꞌ bäꞌjaꞌ Jenꞌtyiꞌ Ạvaꞌ tsun
1Miꞌin nash mạꞌjeyacdyety Jenꞌtyiꞌ ạvaꞌ muꞌ, mọꞌdyes jemoñeꞌ ferdyeꞌ yụꞌtiñeꞌ paj qui rụij cäc̣häꞌchuptinte dyijyedyeꞌ muꞌ. 2Räjĉan mạꞌjeyacsejamꞌ bäꞌjamꞌ, yojdyemꞌ muꞌ Cristo mạꞌjisinꞌ u, meꞌdye raꞌ miꞌin chimeꞌ mạꞌjeyacsi. Muꞌ anic där mạꞌjisinꞌ mọꞌdyes ĉụiꞌ jiꞌsäsdyi jiꞌijati tsundyes, mọꞌ jeñej buꞌyiꞌ jiꞌcoꞌshayacdyeꞌ Jenꞌdyes, meꞌ buꞌyiꞌ sänꞌdyeꞌ muꞌ, Mọꞌ jamaꞌjotyibuti Jenꞌ yojdyemꞌ jẹrejres tucdyeꞌ o, meꞌ shupquiꞌ sänꞌdyeꞌ muꞌ.
3Q̂uinꞌ aty Jenꞌtyiꞌ miꞌin, mọꞌdyes aty raꞌ jam voꞌvoyeban miꞌin, mijam raꞌ joꞌmes aꞌc̣his dyijyedyeꞌ meꞌchubajtiñeꞌ miꞌin, mijam raꞌ fer dyijtutinte chimeꞌ querec̣ha. Aty raꞌ jam quivij joꞌmesĉan jiꞌsässun miꞌin, mijam raꞌ mọꞌ p̂eijjajtiñeꞌ miꞌin. 4Aty raꞌ jam aꞌc̣his p̂eyacdyeꞌ jiꞌshupquetiñeꞌ chụꞌĉan miꞌin, mijam raꞌ tsịcaꞌyis p̂eyacdyeꞌ chimeꞌ p̂eijjajtiñeꞌ miꞌin. Jam nash jämꞌ joꞌmes miꞌindyes, damꞌdye jämꞌ yoshoropaij jéjamꞌ Jenꞌ, mọꞌ ramꞌ jiꞌshupquetiñeꞌ miꞌin. 5Anicsis p̂eyacdyeꞌ ọij chị́yetiñes miꞌin, mọꞌ yiꞌ: tyi chuc ac̣hiꞌ bäꞌyity judyeyaꞌ voꞌvoijtyiꞌ in, judyeyaꞌ fer dyijtutety querec̣ha in, muꞌin meꞌtyity in jam nash raꞌ muꞌin junꞌ Jenꞌyadyety in yóĉandyemꞌ ayoꞌbuꞌyedyeꞌĉan u muꞌ. Jeshaꞌ fer dyijtuja querec̣ha jụijyaꞌ tsun, jeñej buꞌyiꞌ jenꞌtujaꞌsiꞌ jedyeꞌ, meꞌ buꞌyi muꞌ querec̣ha. 6Areꞌĉa seꞌ jaꞌyinac in mọꞌ fibisyaꞌ p̂eyacdyeꞌ muꞌin. Mọꞌdye juchaj sáñeꞌsiꞌ yụ ọ́cheꞌ q̂uinꞌ, mọꞌ raꞌ jiꞌmeꞌtacsiꞌ tsäquiꞌsisyaꞌ Jenꞌsiꞌ muꞌ, mọꞌ raꞌ soꞌmacsi Jenꞌ tyi chuc jam chiquetety in. 7Jam raꞌ penꞌdyetucsi miꞌin muꞌin meꞌ ac̣hiꞌ bäꞌyity in, pạrejyejamꞌ miꞌin.
8Jiquej miꞌin chimeꞌ tojmadyeꞌĉan bäꞌyi miꞌin. Q̂uinꞌ qui namꞌ aty mạyesĉan bäꞌyi miꞌin ĉaĉaij na aty Ayoꞌtyiꞌ miꞌin. Mọꞌdyes jemoñeꞌ räjĉan rụij bäꞌyi miꞌin, aty cäc̣häꞌchubitinte Jenꞌsiꞌ mạijquedyeꞌ muꞌ. 9Tyi chuc mạyesĉan bäꞌyi in, mọꞌ yiꞌ paj qui jämꞌyity shupqui in, judyeyaꞌ rụij bäꞌyity in, judyeyaꞌ rụijsis dyijyedyeꞌ cạiꞌtyiꞌ chimeꞌ in. 10Dyijtujamꞌ fer paj qui chịj miꞌin jedyeꞌ buty maꞌjotyeꞌ Ayoꞌ tsun. 11Jam raꞌ miꞌinmun cäc̣häꞌchucsebi dyijyedyeꞌ muꞌin, muꞌin tojmadyeꞌĉan bäꞌyity in, anic fibis dyijyedyeꞌ muꞌinsiꞌ in. Damꞌdye jämꞌ jéĉunacsi miꞌin muꞌin meꞌ dyijyity in paj qui jorojĉanyiꞌ mạijyisyaꞌ in, 12ĉaĉaij na caminve jämꞌtaqui aꞌc̣his in, därsiꞌ mọꞌ tsị́cadyeꞌ shupquiꞌ jiꞌjäcacsebijaꞌ dyijyedyeꞌ jụijyaꞌ muꞌin. 13Meꞌ rụij bäꞌjaꞌ muꞌinsiꞌyaꞌ vej muꞌin, chat qui Jenꞌsiꞌ mạijquedyeꞌ muꞌ jorojĉanjeyacsebiꞌ aꞌc̣his dyijyedyeꞌ muꞌin, 14mọꞌ mạijquedyeꞌ muꞌ mọꞌ räj jịꞌmotseꞌ mọꞌ tojmas aꞌc̣his muꞌin. Mọꞌdye mọmoꞌ p̂eyeꞌ mọꞌ p̂eyacdyeꞌ yiꞌ:
"Tsạꞌebada ĉọshity mi,
vañinyebada sänꞌdyeꞌĉan bäꞌyity mi,
chat qui raꞌ muꞌ Cristo mạijchun mi", yiꞌ p̂eyacdyeꞌ.
15Mọꞌdyes jämꞌ raꞌ ĉujcati ĉụiꞌ miꞌin, dyijyedyeꞌtum raꞌ bäꞌyi miꞌin, jam raꞌ itŝiꞌ jétiñeꞌ dyijyedyeꞌ bäꞌyi miꞌin. 16Jam raꞌ fibiꞌ mọmoꞌ bäꞌyi miꞌin, räjĉan raꞌ carijtaqui Jenꞌdyes miꞌin ĉaĉaij na q̂uinꞌ daiꞌ muꞌyaꞌ ac̣hiꞌyity muntyiꞌ in. 17Mọꞌdyes jam raꞌ itŝiꞌ jétiñeꞌ dyijyedyeꞌ bäꞌyi miꞌin, damꞌdye jämꞌ fer dyijtutiñeꞌ miꞌin paj qui chịj miꞌin jedyeꞌ chuc mạꞌjeꞌ Ayoꞌ, meꞌ raꞌ bäꞌyi miꞌin. 18Jam raꞌ tyédyeꞌyaꞌ yi miꞌin, mọꞌ raꞌ jedyeꞌ ĉụiꞌ jiꞌjämꞌtyiyinac, damꞌdye jämꞌ jụjbimac Jenꞌsiꞌ Ạꞌedyeꞌ muꞌ, paj qui mọꞌ bächänac. 19Jemoñeꞌ vaj meij jämꞌ p̂iyitidyeij miꞌin Jenꞌsiꞌ p̂eyacdyeꞌ muꞌ. Chimeꞌ raꞌ vaj meij p̂iyitidyeij miꞌin timaꞌcacdyes sánacdyeꞌ Jenꞌsiꞌ muꞌ judyeyaꞌ Jenꞌsiꞌ jimacdyeꞌ muꞌ, meꞌ meꞌ raꞌ vaj meij jiꞌchäyitidyeij miꞌin. Jimaĉamꞌ Ayodyes tsun, timaꞌquemac ĉojtyiꞌĉan miꞌin. 20Räjĉan raꞌ yoshoropaij jétinte Jenꞌ, muꞌ Ạvatusinꞌtyiꞌ tsun, Jesucristoscheꞌ tịj muꞌ, Ayoꞌ tsun jétinte, jedyeꞌ chuc jịꞌĉojtiñeꞌ jụijyaꞌ, meꞌ buꞌyi yoshoropaij jémac.
Junꞌ chuc raꞌ bäꞌjaꞌ p̂entum tsun
21Seꞌvitac vaj meij miꞌin ĉaĉaij na vaj meꞌ irijyi Cristocheꞌ miꞌin.
22Miꞌin p̂en, jemoñeꞌ seꞌvetinte vämtyiꞌ miꞌin, yojdyemꞌ meꞌ seꞌveja Ayoꞌ u, 23ĉaĉaij na muꞌ vämtyiꞌ joꞌnoꞌ buꞌyi p̂endyes muꞌ, muꞌ nash ĉọjcaiꞌtyiꞌ p̂en muꞌ, yojdyemꞌ muꞌ Cristo ĉujcasinꞌtyiꞌ tsun u anicjejaty, judyeyaꞌ muꞌ joꞌnoꞌ buꞌyi tsun. Muꞌ nash jiꞌc̣honsinꞌ tsun, tsun jeñej buꞌjaꞌ aꞌ muꞌ. 24Yojdyemꞌ tsun anicjejaty muꞌ Cristo u ayotuja tsun, meꞌ raꞌ miꞌin chimeꞌ p̂en jemoñeꞌ ayotuquiꞌ vämtyiꞌ miꞌin.
25Chimeꞌdye sonꞌ miꞌin, mạꞌjeyaĉamꞌ ĉụiꞌsiꞌ p̂en miꞌin, yojdyemꞌ muꞌ Cristo mạꞌjisinꞌ u anicjejaty muꞌ, mọꞌdyes muꞌ jiꞌsäsdyi jiꞌijati tsundyesiꞌ. 26Muꞌsiꞌyaꞌ sänꞌdyeꞌ muꞌ c̣hiconꞌjityisinꞌ juchaj tsun judyeyaꞌ Jenꞌdyety yuꞌsinꞌ. P̂eyacdyeꞌ muꞌ c̣hiconꞌjibusinꞌ ĉojtyiꞌ tsun, mọꞌ yuꞌsinꞌ jeñej buꞌyi c̣hiconꞌtactyiꞌ ojñiꞌyaꞌ tsun, meꞌ buꞌyiꞌ mọꞌ p̂eyacdyeꞌ. 27Meꞌ muꞌ Cristo anic jämꞌyity yuꞌsinꞌ, paj qui jam ọctum shupquejaꞌ, meꞌ raꞌ muꞌ ĉụiꞌsiꞌyaꞌ vej muꞌ yuꞌsinꞌ, mijam raꞌ jụꞌñijaꞌ, yojdyemꞌ yiris p̂en q̂uinꞌdyemꞌ raꞌ vämis o jämꞌ yuꞌtis vämtyidyes mọꞌ, meꞌdye raꞌ tsun muꞌsiꞌyaꞌ vej muꞌ.#5:27 Jịꞌcavacdyeꞌ 21:2,9 28Mọꞌdyes sonꞌ miꞌin mạꞌjeyaĉamꞌ p̂en miꞌin yojdyemꞌ ĉụiꞌ mạꞌjeyaqui ĉụiꞌsiꞌ aꞌ u miꞌin. Tyi chuc mạꞌjeyaquity ĉụiꞌsiꞌ p̂en muꞌ, ĉụiꞌsiꞌ aꞌ mạꞌjeyaqui, meꞌ shupquiꞌ mạꞌjitidyes muꞌ. 29Jeshaꞌ, jam yirity muntyiꞌ fạ́caqui ĉụiꞌsiꞌ aꞌ muꞌ, damꞌdye mọꞌ jämꞌ ĉọjcaqui judyeyaꞌ jiꞌsäcsaqui. Meꞌdye muꞌ chimeꞌ Ayoꞌ tsun jämꞌ ĉujcasinꞌ tsun anicjejaty, 30ĉaĉaij na tsun jeñej buꞌjaꞌ aꞌ muꞌ. 31Mọꞌdye p̂eyeꞌ sánacdyeꞌ yiꞌ: "Meꞌdyes qui raꞌ muꞌ muntyiꞌ yacchuqui ĉụiꞌtyiꞌ jenꞌ muꞌ judyeyaꞌ tseꞌ muꞌ paj qui p̂entum bäꞌyi pạrej, yirity buꞌyi cạvacsi Jenꞌ", yiꞌ sánacdyeꞌ.#5:31 Génesis 2:24 32Ọij sánacdyeꞌ anic mọjoꞌchas jịꞌĉocdyes jiꞌchäyitidyeꞌ tuiꞌ, mọꞌ jam chị́yes urucyaty muntyiꞌ jiquej in. Mọꞌ yiꞌ jiꞌjäcte muꞌ Cristo tsuntumdye anicjejaty. 33Meꞌ tsanꞌ meꞌ yiꞌ, miꞌindyes qui namꞌ ọij p̂eyacdyeꞌ yiꞌ: Miꞌin p̂enyaty mạꞌjeyaĉamꞌ ĉụiꞌsiꞌ p̂en miꞌin, judyeyaꞌ miꞌin p̂en chimeꞌ, ạ̈räjjeyaĉamꞌ ĉụiꞌtyiꞌ vämtyiꞌ miꞌin.
Currently Selected:
Efesoĉantyidyes 5: CAS
Highlight
Copy
Compare
Share
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'
Efesoĉantyidyes 5
5
Junꞌ chuc raꞌ bäꞌjaꞌ Jenꞌtyiꞌ Ạvaꞌ tsun
1Miꞌin nash mạꞌjeyacdyety Jenꞌtyiꞌ ạvaꞌ muꞌ, mọꞌdyes jemoñeꞌ ferdyeꞌ yụꞌtiñeꞌ paj qui rụij cäc̣häꞌchuptinte dyijyedyeꞌ muꞌ. 2Räjĉan mạꞌjeyacsejamꞌ bäꞌjamꞌ, yojdyemꞌ muꞌ Cristo mạꞌjisinꞌ u, meꞌdye raꞌ miꞌin chimeꞌ mạꞌjeyacsi. Muꞌ anic där mạꞌjisinꞌ mọꞌdyes ĉụiꞌ jiꞌsäsdyi jiꞌijati tsundyes, mọꞌ jeñej buꞌyiꞌ jiꞌcoꞌshayacdyeꞌ Jenꞌdyes, meꞌ buꞌyiꞌ sänꞌdyeꞌ muꞌ, Mọꞌ jamaꞌjotyibuti Jenꞌ yojdyemꞌ jẹrejres tucdyeꞌ o, meꞌ shupquiꞌ sänꞌdyeꞌ muꞌ.
3Q̂uinꞌ aty Jenꞌtyiꞌ miꞌin, mọꞌdyes aty raꞌ jam voꞌvoyeban miꞌin, mijam raꞌ joꞌmes aꞌc̣his dyijyedyeꞌ meꞌchubajtiñeꞌ miꞌin, mijam raꞌ fer dyijtutinte chimeꞌ querec̣ha. Aty raꞌ jam quivij joꞌmesĉan jiꞌsässun miꞌin, mijam raꞌ mọꞌ p̂eijjajtiñeꞌ miꞌin. 4Aty raꞌ jam aꞌc̣his p̂eyacdyeꞌ jiꞌshupquetiñeꞌ chụꞌĉan miꞌin, mijam raꞌ tsịcaꞌyis p̂eyacdyeꞌ chimeꞌ p̂eijjajtiñeꞌ miꞌin. Jam nash jämꞌ joꞌmes miꞌindyes, damꞌdye jämꞌ yoshoropaij jéjamꞌ Jenꞌ, mọꞌ ramꞌ jiꞌshupquetiñeꞌ miꞌin. 5Anicsis p̂eyacdyeꞌ ọij chị́yetiñes miꞌin, mọꞌ yiꞌ: tyi chuc ac̣hiꞌ bäꞌyity judyeyaꞌ voꞌvoijtyiꞌ in, judyeyaꞌ fer dyijtutety querec̣ha in, muꞌin meꞌtyity in jam nash raꞌ muꞌin junꞌ Jenꞌyadyety in yóĉandyemꞌ ayoꞌbuꞌyedyeꞌĉan u muꞌ. Jeshaꞌ fer dyijtuja querec̣ha jụijyaꞌ tsun, jeñej buꞌyiꞌ jenꞌtujaꞌsiꞌ jedyeꞌ, meꞌ buꞌyi muꞌ querec̣ha. 6Areꞌĉa seꞌ jaꞌyinac in mọꞌ fibisyaꞌ p̂eyacdyeꞌ muꞌin. Mọꞌdye juchaj sáñeꞌsiꞌ yụ ọ́cheꞌ q̂uinꞌ, mọꞌ raꞌ jiꞌmeꞌtacsiꞌ tsäquiꞌsisyaꞌ Jenꞌsiꞌ muꞌ, mọꞌ raꞌ soꞌmacsi Jenꞌ tyi chuc jam chiquetety in. 7Jam raꞌ penꞌdyetucsi miꞌin muꞌin meꞌ ac̣hiꞌ bäꞌyity in, pạrejyejamꞌ miꞌin.
8Jiquej miꞌin chimeꞌ tojmadyeꞌĉan bäꞌyi miꞌin. Q̂uinꞌ qui namꞌ aty mạyesĉan bäꞌyi miꞌin ĉaĉaij na aty Ayoꞌtyiꞌ miꞌin. Mọꞌdyes jemoñeꞌ räjĉan rụij bäꞌyi miꞌin, aty cäc̣häꞌchubitinte Jenꞌsiꞌ mạijquedyeꞌ muꞌ. 9Tyi chuc mạyesĉan bäꞌyi in, mọꞌ yiꞌ paj qui jämꞌyity shupqui in, judyeyaꞌ rụij bäꞌyity in, judyeyaꞌ rụijsis dyijyedyeꞌ cạiꞌtyiꞌ chimeꞌ in. 10Dyijtujamꞌ fer paj qui chịj miꞌin jedyeꞌ buty maꞌjotyeꞌ Ayoꞌ tsun. 11Jam raꞌ miꞌinmun cäc̣häꞌchucsebi dyijyedyeꞌ muꞌin, muꞌin tojmadyeꞌĉan bäꞌyity in, anic fibis dyijyedyeꞌ muꞌinsiꞌ in. Damꞌdye jämꞌ jéĉunacsi miꞌin muꞌin meꞌ dyijyity in paj qui jorojĉanyiꞌ mạijyisyaꞌ in, 12ĉaĉaij na caminve jämꞌtaqui aꞌc̣his in, därsiꞌ mọꞌ tsị́cadyeꞌ shupquiꞌ jiꞌjäcacsebijaꞌ dyijyedyeꞌ jụijyaꞌ muꞌin. 13Meꞌ rụij bäꞌjaꞌ muꞌinsiꞌyaꞌ vej muꞌin, chat qui Jenꞌsiꞌ mạijquedyeꞌ muꞌ jorojĉanjeyacsebiꞌ aꞌc̣his dyijyedyeꞌ muꞌin, 14mọꞌ mạijquedyeꞌ muꞌ mọꞌ räj jịꞌmotseꞌ mọꞌ tojmas aꞌc̣his muꞌin. Mọꞌdye mọmoꞌ p̂eyeꞌ mọꞌ p̂eyacdyeꞌ yiꞌ:
"Tsạꞌebada ĉọshity mi,
vañinyebada sänꞌdyeꞌĉan bäꞌyity mi,
chat qui raꞌ muꞌ Cristo mạijchun mi", yiꞌ p̂eyacdyeꞌ.
15Mọꞌdyes jämꞌ raꞌ ĉujcati ĉụiꞌ miꞌin, dyijyedyeꞌtum raꞌ bäꞌyi miꞌin, jam raꞌ itŝiꞌ jétiñeꞌ dyijyedyeꞌ bäꞌyi miꞌin. 16Jam raꞌ fibiꞌ mọmoꞌ bäꞌyi miꞌin, räjĉan raꞌ carijtaqui Jenꞌdyes miꞌin ĉaĉaij na q̂uinꞌ daiꞌ muꞌyaꞌ ac̣hiꞌyity muntyiꞌ in. 17Mọꞌdyes jam raꞌ itŝiꞌ jétiñeꞌ dyijyedyeꞌ bäꞌyi miꞌin, damꞌdye jämꞌ fer dyijtutiñeꞌ miꞌin paj qui chịj miꞌin jedyeꞌ chuc mạꞌjeꞌ Ayoꞌ, meꞌ raꞌ bäꞌyi miꞌin. 18Jam raꞌ tyédyeꞌyaꞌ yi miꞌin, mọꞌ raꞌ jedyeꞌ ĉụiꞌ jiꞌjämꞌtyiyinac, damꞌdye jämꞌ jụjbimac Jenꞌsiꞌ Ạꞌedyeꞌ muꞌ, paj qui mọꞌ bächänac. 19Jemoñeꞌ vaj meij jämꞌ p̂iyitidyeij miꞌin Jenꞌsiꞌ p̂eyacdyeꞌ muꞌ. Chimeꞌ raꞌ vaj meij p̂iyitidyeij miꞌin timaꞌcacdyes sánacdyeꞌ Jenꞌsiꞌ muꞌ judyeyaꞌ Jenꞌsiꞌ jimacdyeꞌ muꞌ, meꞌ meꞌ raꞌ vaj meij jiꞌchäyitidyeij miꞌin. Jimaĉamꞌ Ayodyes tsun, timaꞌquemac ĉojtyiꞌĉan miꞌin. 20Räjĉan raꞌ yoshoropaij jétinte Jenꞌ, muꞌ Ạvatusinꞌtyiꞌ tsun, Jesucristoscheꞌ tịj muꞌ, Ayoꞌ tsun jétinte, jedyeꞌ chuc jịꞌĉojtiñeꞌ jụijyaꞌ, meꞌ buꞌyi yoshoropaij jémac.
Junꞌ chuc raꞌ bäꞌjaꞌ p̂entum tsun
21Seꞌvitac vaj meij miꞌin ĉaĉaij na vaj meꞌ irijyi Cristocheꞌ miꞌin.
22Miꞌin p̂en, jemoñeꞌ seꞌvetinte vämtyiꞌ miꞌin, yojdyemꞌ meꞌ seꞌveja Ayoꞌ u, 23ĉaĉaij na muꞌ vämtyiꞌ joꞌnoꞌ buꞌyi p̂endyes muꞌ, muꞌ nash ĉọjcaiꞌtyiꞌ p̂en muꞌ, yojdyemꞌ muꞌ Cristo ĉujcasinꞌtyiꞌ tsun u anicjejaty, judyeyaꞌ muꞌ joꞌnoꞌ buꞌyi tsun. Muꞌ nash jiꞌc̣honsinꞌ tsun, tsun jeñej buꞌjaꞌ aꞌ muꞌ. 24Yojdyemꞌ tsun anicjejaty muꞌ Cristo u ayotuja tsun, meꞌ raꞌ miꞌin chimeꞌ p̂en jemoñeꞌ ayotuquiꞌ vämtyiꞌ miꞌin.
25Chimeꞌdye sonꞌ miꞌin, mạꞌjeyaĉamꞌ ĉụiꞌsiꞌ p̂en miꞌin, yojdyemꞌ muꞌ Cristo mạꞌjisinꞌ u anicjejaty muꞌ, mọꞌdyes muꞌ jiꞌsäsdyi jiꞌijati tsundyesiꞌ. 26Muꞌsiꞌyaꞌ sänꞌdyeꞌ muꞌ c̣hiconꞌjityisinꞌ juchaj tsun judyeyaꞌ Jenꞌdyety yuꞌsinꞌ. P̂eyacdyeꞌ muꞌ c̣hiconꞌjibusinꞌ ĉojtyiꞌ tsun, mọꞌ yuꞌsinꞌ jeñej buꞌyi c̣hiconꞌtactyiꞌ ojñiꞌyaꞌ tsun, meꞌ buꞌyiꞌ mọꞌ p̂eyacdyeꞌ. 27Meꞌ muꞌ Cristo anic jämꞌyity yuꞌsinꞌ, paj qui jam ọctum shupquejaꞌ, meꞌ raꞌ muꞌ ĉụiꞌsiꞌyaꞌ vej muꞌ yuꞌsinꞌ, mijam raꞌ jụꞌñijaꞌ, yojdyemꞌ yiris p̂en q̂uinꞌdyemꞌ raꞌ vämis o jämꞌ yuꞌtis vämtyidyes mọꞌ, meꞌdye raꞌ tsun muꞌsiꞌyaꞌ vej muꞌ.#5:27 Jịꞌcavacdyeꞌ 21:2,9 28Mọꞌdyes sonꞌ miꞌin mạꞌjeyaĉamꞌ p̂en miꞌin yojdyemꞌ ĉụiꞌ mạꞌjeyaqui ĉụiꞌsiꞌ aꞌ u miꞌin. Tyi chuc mạꞌjeyaquity ĉụiꞌsiꞌ p̂en muꞌ, ĉụiꞌsiꞌ aꞌ mạꞌjeyaqui, meꞌ shupquiꞌ mạꞌjitidyes muꞌ. 29Jeshaꞌ, jam yirity muntyiꞌ fạ́caqui ĉụiꞌsiꞌ aꞌ muꞌ, damꞌdye mọꞌ jämꞌ ĉọjcaqui judyeyaꞌ jiꞌsäcsaqui. Meꞌdye muꞌ chimeꞌ Ayoꞌ tsun jämꞌ ĉujcasinꞌ tsun anicjejaty, 30ĉaĉaij na tsun jeñej buꞌjaꞌ aꞌ muꞌ. 31Mọꞌdye p̂eyeꞌ sánacdyeꞌ yiꞌ: "Meꞌdyes qui raꞌ muꞌ muntyiꞌ yacchuqui ĉụiꞌtyiꞌ jenꞌ muꞌ judyeyaꞌ tseꞌ muꞌ paj qui p̂entum bäꞌyi pạrej, yirity buꞌyi cạvacsi Jenꞌ", yiꞌ sánacdyeꞌ.#5:31 Génesis 2:24 32Ọij sánacdyeꞌ anic mọjoꞌchas jịꞌĉocdyes jiꞌchäyitidyeꞌ tuiꞌ, mọꞌ jam chị́yes urucyaty muntyiꞌ jiquej in. Mọꞌ yiꞌ jiꞌjäcte muꞌ Cristo tsuntumdye anicjejaty. 33Meꞌ tsanꞌ meꞌ yiꞌ, miꞌindyes qui namꞌ ọij p̂eyacdyeꞌ yiꞌ: Miꞌin p̂enyaty mạꞌjeyaĉamꞌ ĉụiꞌsiꞌ p̂en miꞌin, judyeyaꞌ miꞌin p̂en chimeꞌ, ạ̈räjjeyaĉamꞌ ĉụiꞌtyiꞌ vämtyiꞌ miꞌin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'