Efesoĉantyidyes 6
6
1Miꞌin ạvaꞌ, chicaĉamꞌ ĉụiꞌtyiꞌ jenꞌ miꞌin judyeyaꞌ tseꞌ miꞌin, mọꞌ nash muꞌ maꞌjotyeꞌ Ayoꞌ, meꞌ raꞌ bäꞌyi miꞌin ạvaꞌ. 2Mọꞌdye p̂eyeꞌ yụꞌtacdyeꞌ yiꞌ: "Jämꞌjeyaĉamꞌ ĉụiꞌtyiꞌ jenꞌ miꞌin judyeyaꞌ tseꞌ miꞌin", yiꞌ yụꞌtacdyeꞌ. Ọij nash tashches yụꞌtacdyeꞌ jämꞌyedyeꞌ tuiꞌsiꞌ muꞌindyes chiquetydyes in. 3Mọꞌ jämꞌyedyeꞌ yiꞌ: "Meꞌ raꞌ miꞌin paj qui jämꞌ muve miꞌin judyeyaꞌ paj qui men bäꞌyi chimeꞌ úcheꞌ jaccheꞌ miꞌin", yiꞌ yụꞌtacdyeꞌ.#6:3 Exodo 20:12
4Miꞌin ạvaꞌtumtyiꞌ, jam raꞌ jịꞌfajcaqui ạvaꞌ miꞌin, jämꞌ ĉọjcaĉamꞌ judyeyaꞌ jämꞌ jiꞌp̂anaĉamꞌ miꞌin. Jemoñeꞌ jịꞌchiyaqui ạvaꞌ miꞌin paj qui chịj in paj qui jam aꞌc̣his dyijyedyeꞌ cạiꞌ in, judyeyaꞌ jịꞌchiyaĉamꞌ chimeꞌ miꞌin junꞌ chuc Ayoꞌ tsun mạꞌjeꞌ.
Junꞌ chuc raꞌ bäꞌyi úñity in judyeyaꞌ ayoꞌ muꞌin
5Miꞌin úñity, chiquemac jacchety ayoꞌ miꞌin, jämꞌjemac, irijyejamꞌ muꞌcheꞌ miꞌin. Jämꞌ carijtaĉamꞌ muꞌdyes miꞌin, yoj buꞌyidyemꞌ Cristos u, meꞌ buꞌyi raꞌ carijtaqui miꞌin. 6Jam raꞌ doijrodyeꞌĉan mọmoꞌ jämꞌ carijtaqui miꞌin paj qui maꞌjotyinac miꞌin, meꞌ tsanꞌ jam muꞌ doijroij muꞌ, jämꞌ raꞌ carijtaqui muꞌdyes miꞌin. Ĉojtyiꞌĉan qui na ramꞌ dyijtutinte muꞌ Jenꞌ miꞌin carijtacdyeꞌĉan miꞌin, mọꞌ mạꞌjeꞌ Jenꞌ ĉaĉaij na Cristoty úñity miꞌin. 7Maꞌjodyeꞌtum raꞌ carijtaqui ayodyes miꞌin, mọꞌ carijtacdyeꞌ Cristodyes, jam muntyidyes mọmoꞌ. 8Chịj miꞌin, tyi chuc jämꞌ carijtaqui Jenꞌsiꞌyaꞌ vej muꞌ, meꞌ tsanꞌ úñity, meꞌ tsanꞌ jam úñity, muꞌ raꞌ Ayoꞌ tsun soꞌmacsi bijodyeꞌ muꞌin.
9Chimeꞌdye miꞌin meꞌchucsity úñity miꞌin, meꞌdye raꞌ miꞌin chimeꞌ, jam raꞌ ashjeyaqui úñity miꞌin, jam raꞌ c̣hojvaqui miꞌin. Chịj miꞌin muꞌyaꞌ nash Ayoꞌ miꞌin mạyedyeꞌchety, muꞌ nash vaj cäts ayoꞌbuꞌyi räjdyes muntyiꞌ in, úñitydyes in judyeyaꞌ ayodyes chimeꞌ muꞌin, ĉaĉaij na muꞌ vaj cäts cạvacsi räj úchety muntyiꞌ in, junꞌ chuc bäꞌyi muꞌin in.
Chutidyeꞌ Jenꞌdyes
10Vojity, yụ raꞌ q̂uinꞌ jéyac yejĉojamꞌ fer buꞌjamꞌ miꞌin, ĉaĉaij na Ayoꞌtyiꞌ miꞌin, muꞌsiꞌyaꞌ ferdyeꞌ fer buꞌjamꞌ. 11Cätac ñutsjitidyetyĉan quịꞌsiꞌ, muꞌ soꞌminactyiꞌ Jenꞌ, muꞌĉan raꞌ tupuj dyichjetyetiñeꞌ mọꞌ Sọyoꞌ aꞌc̣hisyaꞌ dyijyedyeꞌ mọꞌ, paj qui mọꞌ jam jiꞌĉujtyinac väñädyeꞌyaꞌ mọꞌ. 12Mọꞌ chutidyeꞌ tsun, jam muntyiꞌtum chutiĉaꞌ, sọyoꞌtum nash chutiĉaꞌ tsun, räjtumdye aꞌc̣histum taiꞌyastum bäꞌyis in, judyeyaꞌ muꞌintum fer buꞌyity in jụꞌñity ĉụiꞌ q̂uinꞌ ayoꞌbuꞌyity in muꞌin ọ́chesĉan tojmas bäꞌyity in, joꞌmetytum chutiĉaꞌ tsun. 13Yiriꞌ mọmoꞌ meꞌchuvac miꞌin ñutsjitidyes Jenꞌsiꞌ muꞌ, meꞌ qui raꞌ tsanꞌ jiꞌĉujnacyaꞌ mọꞌ Sọyoꞌ, jam qui jedyeij miꞌin tupuj qui dyichjetyetiñeꞌ miꞌin, paj qui jam jiꞌpennac miꞌin.
14Jäꞌmij raꞌ jäꞌmiiꞌtyi miꞌin. Räjĉan raꞌ rụij p̂eyaqui miꞌin, mọꞌ jeñej buꞌyiꞌ ñuts buꞌyis fidyeꞌĉansiꞌ tsun. Meꞌchuvac chimeꞌ mọꞌ rụijsis dyijyedyeꞌ, mọꞌ ñuts buꞌyis eꞌfeyaꞌ tsun. 15Chimeꞌdye jäꞌmiiꞌtyevac paj qui räjĉan voroꞌtacsequi miꞌin mọꞌ jämꞌsiꞌ p̂eyacdyeꞌ jiꞌc̣honacdyes muntyiꞌ in, mọꞌ jeñej buꞌyiꞌ yujches väc̣häꞌtyitysiꞌ muꞌ. 16Dadamꞌ mọjoꞌchaꞌ meꞌchuvac mọꞌ anicyedyeꞌ Jenꞌcheꞌ miꞌin, mọꞌ jeñej buꞌyiꞌ yiris ñutsjeĉunacdyes unĉan buꞌyis väc̣häꞌtyitysiꞌ muꞌ. Mọꞌcheꞌ tupuj tyumꞌ jịꞌtŝotiñeꞌ mọꞌ coꞌshaiꞌsiꞌ ijme vaꞌtyiyinacsiꞌ mọꞌ Sọyoꞌ, mọꞌ jeñej buꞌyiꞌ jịꞌĉojtacdyeꞌ. 17Chimeꞌdye meꞌchujamꞌ c̣honꞌdyes miꞌin, mọꞌ jeñej buꞌyiꞌ ñutsyedyes joꞌnoꞌches miꞌin. Yejĉojamꞌ Jenꞌsiꞌtum p̂eyacdyeꞌ muꞌ, mọꞌ jeñej buꞌyiꞌ chutidyedyes coc̣hino mọꞌ soꞌminacsiꞌ Jenꞌsiꞌ Ạꞌedyeꞌ muꞌ. 18Jam raꞌ farajjetiñeꞌ cọdacdyeꞌ Jenꞌcheꞌ miꞌin, räjĉan cọdyemac Jenꞌ junꞌ chuc jínac Jenꞌsiꞌ Ạꞌedyeꞌ muꞌ. Räjĉan raꞌ tsạꞌ buꞌyi Jenꞌdyes miꞌin, jam raꞌ jiꞌyoquiti miꞌin. Räjĉan cọdyemac anicjetetydyes Jenꞌ räj in. 19Yụ́dyesmun chimeꞌ cọdyemac muꞌ Jenꞌ, paj qui muꞌ Jenꞌ soꞌmin yụ p̂eyacdyeꞌ muꞌ, paj qui yụ tupuj mọꞌ jéyacsi muntyiꞌ in paj qui jam chimeꞌ noiꞌyedyeꞌtum voroꞌtacsiyaꞌ muntyiꞌ in mọꞌ jämꞌsiꞌ p̂eyacdyeꞌ muꞌ, mọꞌ jam chị́yes urucyaꞌ muntyiꞌ jiquej in. 20Muꞌ p̂eyacdyeꞌ tuiꞌtyiꞌ meꞌ yuꞌtyin yụ, muꞌsiꞌ p̂eyacdyeꞌ voroꞌtacsi yụ, p̂eyacdyedyes muꞌ q̂uinꞌ ĉärꞌtac yụ. Cọdyemac Jenꞌ yụ́dyes paj qui jam noiꞌyedyeꞌtum voroꞌtacsi yụ.
Jadyiquis voryetacdyeꞌ Pablos
21-22Muꞌĉan raꞌ jịjcaij uts mạꞌjeyacdyety vojity tsun Tiquico, ĉucnac raꞌ miꞌin. Muꞌ jämꞌtyiꞌ nọ́taquity judyeyaꞌ rụij carijtaquity tsuntum Ayodyes. Meꞌdyes yụ jutete miꞌindyes muꞌ Tiquico paj qui muꞌ jínac junꞌ chuc tsun bäꞌyi úyaꞌ, mọꞌ raꞌ jiĉun yuꞌtyinac miꞌin.
23Yụ cọdyete Jenꞌ muꞌ Ạvatusinꞌtyiꞌ tsun judyeyaꞌ muꞌ Jesucristo Ayoꞌ tsun paj qui soꞌmacsi maꞌjodyeꞌ ĉojtyiꞌĉandyes muꞌin anicjetety Jenꞌ in, yụ cọdyete chimeꞌ Jenꞌ paj qui muꞌin yejĉoij mạꞌjeyacsity bäꞌyi in paj qui chimeꞌ yejĉoij muꞌcheꞌ ĉúti in. 24Chimeꞌdye yụ cọdyete Jenꞌ paj qui ñịbeꞌjitidyes soꞌminac räj miꞌin anicjetintety, yejĉoij mạꞌjetintety muꞌ Jesucristo Ayoꞌ tsun. Paj meꞌ.
Currently Selected:
Efesoĉantyidyes 6: CAS
Highlight
Copy
Compare
Share
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'
Efesoĉantyidyes 6
6
1Miꞌin ạvaꞌ, chicaĉamꞌ ĉụiꞌtyiꞌ jenꞌ miꞌin judyeyaꞌ tseꞌ miꞌin, mọꞌ nash muꞌ maꞌjotyeꞌ Ayoꞌ, meꞌ raꞌ bäꞌyi miꞌin ạvaꞌ. 2Mọꞌdye p̂eyeꞌ yụꞌtacdyeꞌ yiꞌ: "Jämꞌjeyaĉamꞌ ĉụiꞌtyiꞌ jenꞌ miꞌin judyeyaꞌ tseꞌ miꞌin", yiꞌ yụꞌtacdyeꞌ. Ọij nash tashches yụꞌtacdyeꞌ jämꞌyedyeꞌ tuiꞌsiꞌ muꞌindyes chiquetydyes in. 3Mọꞌ jämꞌyedyeꞌ yiꞌ: "Meꞌ raꞌ miꞌin paj qui jämꞌ muve miꞌin judyeyaꞌ paj qui men bäꞌyi chimeꞌ úcheꞌ jaccheꞌ miꞌin", yiꞌ yụꞌtacdyeꞌ.#6:3 Exodo 20:12
4Miꞌin ạvaꞌtumtyiꞌ, jam raꞌ jịꞌfajcaqui ạvaꞌ miꞌin, jämꞌ ĉọjcaĉamꞌ judyeyaꞌ jämꞌ jiꞌp̂anaĉamꞌ miꞌin. Jemoñeꞌ jịꞌchiyaqui ạvaꞌ miꞌin paj qui chịj in paj qui jam aꞌc̣his dyijyedyeꞌ cạiꞌ in, judyeyaꞌ jịꞌchiyaĉamꞌ chimeꞌ miꞌin junꞌ chuc Ayoꞌ tsun mạꞌjeꞌ.
Junꞌ chuc raꞌ bäꞌyi úñity in judyeyaꞌ ayoꞌ muꞌin
5Miꞌin úñity, chiquemac jacchety ayoꞌ miꞌin, jämꞌjemac, irijyejamꞌ muꞌcheꞌ miꞌin. Jämꞌ carijtaĉamꞌ muꞌdyes miꞌin, yoj buꞌyidyemꞌ Cristos u, meꞌ buꞌyi raꞌ carijtaqui miꞌin. 6Jam raꞌ doijrodyeꞌĉan mọmoꞌ jämꞌ carijtaqui miꞌin paj qui maꞌjotyinac miꞌin, meꞌ tsanꞌ jam muꞌ doijroij muꞌ, jämꞌ raꞌ carijtaqui muꞌdyes miꞌin. Ĉojtyiꞌĉan qui na ramꞌ dyijtutinte muꞌ Jenꞌ miꞌin carijtacdyeꞌĉan miꞌin, mọꞌ mạꞌjeꞌ Jenꞌ ĉaĉaij na Cristoty úñity miꞌin. 7Maꞌjodyeꞌtum raꞌ carijtaqui ayodyes miꞌin, mọꞌ carijtacdyeꞌ Cristodyes, jam muntyidyes mọmoꞌ. 8Chịj miꞌin, tyi chuc jämꞌ carijtaqui Jenꞌsiꞌyaꞌ vej muꞌ, meꞌ tsanꞌ úñity, meꞌ tsanꞌ jam úñity, muꞌ raꞌ Ayoꞌ tsun soꞌmacsi bijodyeꞌ muꞌin.
9Chimeꞌdye miꞌin meꞌchucsity úñity miꞌin, meꞌdye raꞌ miꞌin chimeꞌ, jam raꞌ ashjeyaqui úñity miꞌin, jam raꞌ c̣hojvaqui miꞌin. Chịj miꞌin muꞌyaꞌ nash Ayoꞌ miꞌin mạyedyeꞌchety, muꞌ nash vaj cäts ayoꞌbuꞌyi räjdyes muntyiꞌ in, úñitydyes in judyeyaꞌ ayodyes chimeꞌ muꞌin, ĉaĉaij na muꞌ vaj cäts cạvacsi räj úchety muntyiꞌ in, junꞌ chuc bäꞌyi muꞌin in.
Chutidyeꞌ Jenꞌdyes
10Vojity, yụ raꞌ q̂uinꞌ jéyac yejĉojamꞌ fer buꞌjamꞌ miꞌin, ĉaĉaij na Ayoꞌtyiꞌ miꞌin, muꞌsiꞌyaꞌ ferdyeꞌ fer buꞌjamꞌ. 11Cätac ñutsjitidyetyĉan quịꞌsiꞌ, muꞌ soꞌminactyiꞌ Jenꞌ, muꞌĉan raꞌ tupuj dyichjetyetiñeꞌ mọꞌ Sọyoꞌ aꞌc̣hisyaꞌ dyijyedyeꞌ mọꞌ, paj qui mọꞌ jam jiꞌĉujtyinac väñädyeꞌyaꞌ mọꞌ. 12Mọꞌ chutidyeꞌ tsun, jam muntyiꞌtum chutiĉaꞌ, sọyoꞌtum nash chutiĉaꞌ tsun, räjtumdye aꞌc̣histum taiꞌyastum bäꞌyis in, judyeyaꞌ muꞌintum fer buꞌyity in jụꞌñity ĉụiꞌ q̂uinꞌ ayoꞌbuꞌyity in muꞌin ọ́chesĉan tojmas bäꞌyity in, joꞌmetytum chutiĉaꞌ tsun. 13Yiriꞌ mọmoꞌ meꞌchuvac miꞌin ñutsjitidyes Jenꞌsiꞌ muꞌ, meꞌ qui raꞌ tsanꞌ jiꞌĉujnacyaꞌ mọꞌ Sọyoꞌ, jam qui jedyeij miꞌin tupuj qui dyichjetyetiñeꞌ miꞌin, paj qui jam jiꞌpennac miꞌin.
14Jäꞌmij raꞌ jäꞌmiiꞌtyi miꞌin. Räjĉan raꞌ rụij p̂eyaqui miꞌin, mọꞌ jeñej buꞌyiꞌ ñuts buꞌyis fidyeꞌĉansiꞌ tsun. Meꞌchuvac chimeꞌ mọꞌ rụijsis dyijyedyeꞌ, mọꞌ ñuts buꞌyis eꞌfeyaꞌ tsun. 15Chimeꞌdye jäꞌmiiꞌtyevac paj qui räjĉan voroꞌtacsequi miꞌin mọꞌ jämꞌsiꞌ p̂eyacdyeꞌ jiꞌc̣honacdyes muntyiꞌ in, mọꞌ jeñej buꞌyiꞌ yujches väc̣häꞌtyitysiꞌ muꞌ. 16Dadamꞌ mọjoꞌchaꞌ meꞌchuvac mọꞌ anicyedyeꞌ Jenꞌcheꞌ miꞌin, mọꞌ jeñej buꞌyiꞌ yiris ñutsjeĉunacdyes unĉan buꞌyis väc̣häꞌtyitysiꞌ muꞌ. Mọꞌcheꞌ tupuj tyumꞌ jịꞌtŝotiñeꞌ mọꞌ coꞌshaiꞌsiꞌ ijme vaꞌtyiyinacsiꞌ mọꞌ Sọyoꞌ, mọꞌ jeñej buꞌyiꞌ jịꞌĉojtacdyeꞌ. 17Chimeꞌdye meꞌchujamꞌ c̣honꞌdyes miꞌin, mọꞌ jeñej buꞌyiꞌ ñutsyedyes joꞌnoꞌches miꞌin. Yejĉojamꞌ Jenꞌsiꞌtum p̂eyacdyeꞌ muꞌ, mọꞌ jeñej buꞌyiꞌ chutidyedyes coc̣hino mọꞌ soꞌminacsiꞌ Jenꞌsiꞌ Ạꞌedyeꞌ muꞌ. 18Jam raꞌ farajjetiñeꞌ cọdacdyeꞌ Jenꞌcheꞌ miꞌin, räjĉan cọdyemac Jenꞌ junꞌ chuc jínac Jenꞌsiꞌ Ạꞌedyeꞌ muꞌ. Räjĉan raꞌ tsạꞌ buꞌyi Jenꞌdyes miꞌin, jam raꞌ jiꞌyoquiti miꞌin. Räjĉan cọdyemac anicjetetydyes Jenꞌ räj in. 19Yụ́dyesmun chimeꞌ cọdyemac muꞌ Jenꞌ, paj qui muꞌ Jenꞌ soꞌmin yụ p̂eyacdyeꞌ muꞌ, paj qui yụ tupuj mọꞌ jéyacsi muntyiꞌ in paj qui jam chimeꞌ noiꞌyedyeꞌtum voroꞌtacsiyaꞌ muntyiꞌ in mọꞌ jämꞌsiꞌ p̂eyacdyeꞌ muꞌ, mọꞌ jam chị́yes urucyaꞌ muntyiꞌ jiquej in. 20Muꞌ p̂eyacdyeꞌ tuiꞌtyiꞌ meꞌ yuꞌtyin yụ, muꞌsiꞌ p̂eyacdyeꞌ voroꞌtacsi yụ, p̂eyacdyedyes muꞌ q̂uinꞌ ĉärꞌtac yụ. Cọdyemac Jenꞌ yụ́dyes paj qui jam noiꞌyedyeꞌtum voroꞌtacsi yụ.
Jadyiquis voryetacdyeꞌ Pablos
21-22Muꞌĉan raꞌ jịjcaij uts mạꞌjeyacdyety vojity tsun Tiquico, ĉucnac raꞌ miꞌin. Muꞌ jämꞌtyiꞌ nọ́taquity judyeyaꞌ rụij carijtaquity tsuntum Ayodyes. Meꞌdyes yụ jutete miꞌindyes muꞌ Tiquico paj qui muꞌ jínac junꞌ chuc tsun bäꞌyi úyaꞌ, mọꞌ raꞌ jiĉun yuꞌtyinac miꞌin.
23Yụ cọdyete Jenꞌ muꞌ Ạvatusinꞌtyiꞌ tsun judyeyaꞌ muꞌ Jesucristo Ayoꞌ tsun paj qui soꞌmacsi maꞌjodyeꞌ ĉojtyiꞌĉandyes muꞌin anicjetety Jenꞌ in, yụ cọdyete chimeꞌ Jenꞌ paj qui muꞌin yejĉoij mạꞌjeyacsity bäꞌyi in paj qui chimeꞌ yejĉoij muꞌcheꞌ ĉúti in. 24Chimeꞌdye yụ cọdyete Jenꞌ paj qui ñịbeꞌjitidyes soꞌminac räj miꞌin anicjetintety, yejĉoij mạꞌjetintety muꞌ Jesucristo Ayoꞌ tsun. Paj meꞌ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'