Galaciaĉantyidyes 1
1
Tashches voryedyeꞌ Pablosiꞌ
1-2Yụ Pablo sáñeꞌ yụ ọij miꞌindyes Galaciaĉantyiꞌ jac bäꞌyity miꞌin. Yụ nash jutactyiꞌ Jenꞌtyiꞌ, jam muntyiꞌ meꞌ jutin yụ in, mijam jụꞌñity muntyiꞌ yuꞌtyin yụ, muꞌdye Jesucristo judyeyaꞌ Jenꞌ muꞌ Ạvatusinꞌtyiꞌ tsun, muꞌ jajiꞌtsaꞌibuntyiꞌ Jesucristo jiquej muꞌ yuꞌtyin yụ. Yụ räjtumdye uts vojity tsun penꞌdyetuntyiꞌ yụ in, räj tsun vorjeyac miꞌin ñuruꞌtyity Cristoty, paiꞌ Galaciaĉan bäꞌyity miꞌin. 3Yụ cọdyete Jenꞌ muꞌ Ạvatusinꞌtyiꞌ tsun, judyeyaꞌ muꞌ Jesucristo Ayoꞌ tsun, paj qui muꞌ ñịbeꞌjitidyes soꞌminac miꞌin, judyeyaꞌ paj qui muꞌ soꞌminac chimeꞌ maꞌjodyeꞌ ĉojtyiꞌĉandyes miꞌin. 4Muꞌ Jesucristo ĉụiꞌ jiꞌijati tsunsidyes juchaj jiquej paj qui jiꞌc̣honsinꞌ tsun paj qui jam meꞌsinꞌ mọꞌ q̂uinꞌsis aꞌc̣his jacches jedyeꞌ, ĉaĉaij na mọꞌ dyijyedyeꞌ Jenꞌsiꞌ muꞌ, muꞌ Ạvatusinꞌtyiꞌ tsun. 5Mọꞌdyes timaꞌqueja muꞌ Jenꞌ, jam raꞌ jụꞌñisĉan mạyedyeꞌ mọtsiꞌ timaꞌcacdyeꞌ muꞌ. ¡Paj meꞌ!
Itŝiꞌ mọꞌyaꞌ yocsiꞌ jiꞌchäyitidyeꞌ c̣honꞌdyedyes tsun
6Anic där äjjebiyac yụ dyijyedyeꞌ miꞌin, mijam jaijve farajjebibajtinte Jenꞌsiꞌ jiꞌchäyitidyeꞌ muꞌ, muꞌ fayinactyiꞌ miꞌin paj qui muꞌ Cristo jiꞌc̣honnac miꞌin ñịbeꞌjitidyesyaꞌ muꞌ. Miꞌin qui namꞌ yocsiꞌ mọmoꞌ p̂eyacdyeꞌ cäc̣häꞌchutiñeꞌ. 7Anic tsanꞌ itŝiꞌ yocsiꞌ mọꞌyaꞌ p̂eyacdyeꞌ jiꞌc̣honacsis, meꞌ tsanꞌ meꞌ, muꞌyaꞌ qui namꞌ pạrej yocjepte in p̂eyacdyeꞌ p̂eijtes muꞌ Cristo, joꞌmesyaꞌ seꞌ jaꞌyinac in cäjsisyaꞌ jiꞌchäyitidyeꞌ muꞌin. 8Där mọꞌ tsäquiꞌ tuc mọꞌ cäjsis p̂eyacdyeꞌ jiꞌc̣honacsis jeꞌsiꞌ in, meꞌ tsanꞌ tsundye mọꞌ tuiꞌ jụijyaꞌ, meꞌ tsanꞌ yirity anjer cäjsis tuiꞌ jiꞌchäyitidyeꞌ jụijyaꞌ, jam yódyesdyemꞌ tsun voroꞌtyeyac jiquej u, paj vaꞌcac tsäquiꞌsisĉan muꞌin meꞌtyity in. 9Quivij yụ raꞌ jéyac: tyi chuc cäjsis tuiꞌtyiꞌ jiꞌchäyitidyeꞌ jụijyaꞌ in, mọꞌ jam seꞌvetiñes jiquej miꞌin, muꞌin raꞌ meꞌtyity in, paj tsäquiꞌsisĉan vaꞌcac in.
10Ọijyaꞌ p̂eyacdyeꞌyaꞌ yụ jorojĉan jéyac, yụ jam mọꞌ dạqueꞌ paj qui muntyiꞌ in tiĉuñin yụ in, mọmꞌ dạqueꞌ yụ paj qui muꞌ Jenꞌ tiĉuñinve yụ. Meꞌ dyijyi jụijyaꞌ yụ paj qui muntyiꞌ tiĉuñin yụ in, a vuty jam junꞌ úñity u yụ Cristoty muꞌ.
Junꞌ chuc yụꞌtac muꞌ Pablo
11Vojity, yụ raꞌ jéyac miꞌin, ọij jämꞌsiꞌ p̂eyacdyeꞌ Jenꞌsiꞌ voroꞌyedyeꞌ yụ, jam nash mọꞌ muntyis dyijyedyeꞌ muꞌin. 12Jam mọꞌ muntyiꞌ soꞌmin yụ in, mijam jụꞌñity muntyiꞌ jiꞌchäyin yụ, meꞌdye Jesucristo mọmoꞌ soꞌmin yụ jiꞌchäyitidyeꞌ muꞌ, muꞌ jiꞌcaviyin yụ.
13Aty jeñej seꞌvaqui miꞌin junꞌ chuc bäꞌyi yụ jiquej cäc̣häꞌchucsebidyemꞌ yụ jiꞌchäyitidyeꞌ judíos muꞌin. Yụ fercheꞌ jịꞌñibeꞌcacsi jiquej muꞌin anicjetety Jenꞌ in, meꞌ buꞌyi tsanꞌ mạꞌjeꞌ jịꞌmotsacsi yụ.#1:13 Úñedyeꞌ 8:3 14Yụ jiquej mujuꞌchaꞌ fer cäc̣häꞌchuiꞌtyiꞌ jiꞌchäyitidyeꞌ chimeꞌ yicdyeꞌ judíos tsun, mọꞌ yuꞌtyiyinsiꞌ vóshiꞌvun jiquej tsun, muꞌin na penꞌdyeꞌ yụ in uyaꞌyaꞌ cäc̣häꞌchuiꞌ muꞌin in. 15-16Meꞌ tsanꞌ meꞌ yụ jiquej, Jenꞌ qui namꞌ därsiꞌyaꞌ mạꞌjitidyes muꞌ tsimꞌtyin yụ judyeyaꞌ fayin yụ paj qui yụ úñi muꞌdyes, jambiꞌdyemꞌ naꞌi yụ jiquej, aty muꞌ tạꞌcaty tsimꞌtyin yụ. Ayijyaꞌ qui tupudyeꞌ Jenꞌsiꞌ muꞌ, chat qui muꞌ yuꞌtyin yụ paj qui chị́yepte yụ Ạvaꞌ muꞌ judyeyaꞌ chimeꞌ yuꞌtyin yụ voroꞌtacsity yụ p̂eyacdyeꞌ muꞌ, mọꞌ p̂eijtes muꞌ Jesucristo mọꞌ jéyacsi yụ muꞌin jam judío in. Aty meꞌsiꞌ jam yirity muntyiꞌ jéte yụ junꞌ chuc raꞌ yụ, 17mijam Jerusalénĉan jịjcaij yụ, mijam muꞌĉantyiꞌ in jéyacsi yụ muꞌin tashcheꞌ jutactyiꞌ Jenꞌtyiꞌ muꞌ. Chụiꞌ buꞌyi Arabiaĉan jịjcaij yụ, aty meꞌsiꞌ Damascoĉan qui jijtuban yụ.
18Jiyiꞌ chibin yómodyeꞌ chat q̂uinꞌdyemꞌ Jerusalénĉan jịjcaij yụ, ĉọcte yụ muꞌ Pedro mạꞌjeꞌ yụ p̂eyaqui muꞌtum. Muꞌyaꞌ dyäqui yụ yiriꞌtac ĉanamꞌ jiyiꞌ mọmoꞌ mạyedyeꞌ jajbuꞌyete yụ. 19Mijam nạijtacsi yụ yoctyiꞌ jutactyiꞌ Jenꞌtyiꞌ muꞌ, Pedro judyeyaꞌ muꞌ Santiago, vojity muꞌ Ayoꞌtyiꞌ tsun, muꞌin mọmoꞌ päräꞌ nạijtacsi yụ. 20Ọij q̂uinꞌ p̂eyacdyeꞌ sáñeꞌsiꞌ yụ, anic rụijsis Jenꞌsiꞌyaꞌ vej muꞌ, yụ jéyac, mijam väñädyeꞌ yụ.
21Aty meꞌsiꞌ, yocsiꞌve qui jac jịjcaij yụ, Siriave judyeyaꞌ Ciliciave chimeꞌ jịjcaij yụ. 22Muꞌin na ñuruꞌtyity anicjetety Jenꞌ in, paiꞌ Judeaĉan bäꞌyity in, mijam junꞌ chäyin yụ in, 23meꞌ tsanꞌ chịj in pạrej qui namꞌ yi in: "Muꞌ jịꞌñibeꞌcasinꞌtyiꞌ tsun jiquej, mạꞌjeꞌ tsanꞌ jịꞌmotssinꞌtyiꞌ jiquej tsun anicjejaty Jenꞌ, muꞌdye q̂uinꞌ camanꞌ voroꞌtacseban mọꞌ p̂eyacdyeꞌ Jenꞌsiꞌ muꞌ", yi in, meꞌ buꞌyi jiꞌjäquin yụ in. 24Chat qui muꞌin timaꞌquete Jenꞌ in yụ́dyesiꞌ.
Currently Selected:
Galaciaĉantyidyes 1: CAS
Highlight
Copy
Compare
Share
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'
Galaciaĉantyidyes 1
1
Tashches voryedyeꞌ Pablosiꞌ
1-2Yụ Pablo sáñeꞌ yụ ọij miꞌindyes Galaciaĉantyiꞌ jac bäꞌyity miꞌin. Yụ nash jutactyiꞌ Jenꞌtyiꞌ, jam muntyiꞌ meꞌ jutin yụ in, mijam jụꞌñity muntyiꞌ yuꞌtyin yụ, muꞌdye Jesucristo judyeyaꞌ Jenꞌ muꞌ Ạvatusinꞌtyiꞌ tsun, muꞌ jajiꞌtsaꞌibuntyiꞌ Jesucristo jiquej muꞌ yuꞌtyin yụ. Yụ räjtumdye uts vojity tsun penꞌdyetuntyiꞌ yụ in, räj tsun vorjeyac miꞌin ñuruꞌtyity Cristoty, paiꞌ Galaciaĉan bäꞌyity miꞌin. 3Yụ cọdyete Jenꞌ muꞌ Ạvatusinꞌtyiꞌ tsun, judyeyaꞌ muꞌ Jesucristo Ayoꞌ tsun, paj qui muꞌ ñịbeꞌjitidyes soꞌminac miꞌin, judyeyaꞌ paj qui muꞌ soꞌminac chimeꞌ maꞌjodyeꞌ ĉojtyiꞌĉandyes miꞌin. 4Muꞌ Jesucristo ĉụiꞌ jiꞌijati tsunsidyes juchaj jiquej paj qui jiꞌc̣honsinꞌ tsun paj qui jam meꞌsinꞌ mọꞌ q̂uinꞌsis aꞌc̣his jacches jedyeꞌ, ĉaĉaij na mọꞌ dyijyedyeꞌ Jenꞌsiꞌ muꞌ, muꞌ Ạvatusinꞌtyiꞌ tsun. 5Mọꞌdyes timaꞌqueja muꞌ Jenꞌ, jam raꞌ jụꞌñisĉan mạyedyeꞌ mọtsiꞌ timaꞌcacdyeꞌ muꞌ. ¡Paj meꞌ!
Itŝiꞌ mọꞌyaꞌ yocsiꞌ jiꞌchäyitidyeꞌ c̣honꞌdyedyes tsun
6Anic där äjjebiyac yụ dyijyedyeꞌ miꞌin, mijam jaijve farajjebibajtinte Jenꞌsiꞌ jiꞌchäyitidyeꞌ muꞌ, muꞌ fayinactyiꞌ miꞌin paj qui muꞌ Cristo jiꞌc̣honnac miꞌin ñịbeꞌjitidyesyaꞌ muꞌ. Miꞌin qui namꞌ yocsiꞌ mọmoꞌ p̂eyacdyeꞌ cäc̣häꞌchutiñeꞌ. 7Anic tsanꞌ itŝiꞌ yocsiꞌ mọꞌyaꞌ p̂eyacdyeꞌ jiꞌc̣honacsis, meꞌ tsanꞌ meꞌ, muꞌyaꞌ qui namꞌ pạrej yocjepte in p̂eyacdyeꞌ p̂eijtes muꞌ Cristo, joꞌmesyaꞌ seꞌ jaꞌyinac in cäjsisyaꞌ jiꞌchäyitidyeꞌ muꞌin. 8Där mọꞌ tsäquiꞌ tuc mọꞌ cäjsis p̂eyacdyeꞌ jiꞌc̣honacsis jeꞌsiꞌ in, meꞌ tsanꞌ tsundye mọꞌ tuiꞌ jụijyaꞌ, meꞌ tsanꞌ yirity anjer cäjsis tuiꞌ jiꞌchäyitidyeꞌ jụijyaꞌ, jam yódyesdyemꞌ tsun voroꞌtyeyac jiquej u, paj vaꞌcac tsäquiꞌsisĉan muꞌin meꞌtyity in. 9Quivij yụ raꞌ jéyac: tyi chuc cäjsis tuiꞌtyiꞌ jiꞌchäyitidyeꞌ jụijyaꞌ in, mọꞌ jam seꞌvetiñes jiquej miꞌin, muꞌin raꞌ meꞌtyity in, paj tsäquiꞌsisĉan vaꞌcac in.
10Ọijyaꞌ p̂eyacdyeꞌyaꞌ yụ jorojĉan jéyac, yụ jam mọꞌ dạqueꞌ paj qui muntyiꞌ in tiĉuñin yụ in, mọmꞌ dạqueꞌ yụ paj qui muꞌ Jenꞌ tiĉuñinve yụ. Meꞌ dyijyi jụijyaꞌ yụ paj qui muntyiꞌ tiĉuñin yụ in, a vuty jam junꞌ úñity u yụ Cristoty muꞌ.
Junꞌ chuc yụꞌtac muꞌ Pablo
11Vojity, yụ raꞌ jéyac miꞌin, ọij jämꞌsiꞌ p̂eyacdyeꞌ Jenꞌsiꞌ voroꞌyedyeꞌ yụ, jam nash mọꞌ muntyis dyijyedyeꞌ muꞌin. 12Jam mọꞌ muntyiꞌ soꞌmin yụ in, mijam jụꞌñity muntyiꞌ jiꞌchäyin yụ, meꞌdye Jesucristo mọmoꞌ soꞌmin yụ jiꞌchäyitidyeꞌ muꞌ, muꞌ jiꞌcaviyin yụ.
13Aty jeñej seꞌvaqui miꞌin junꞌ chuc bäꞌyi yụ jiquej cäc̣häꞌchucsebidyemꞌ yụ jiꞌchäyitidyeꞌ judíos muꞌin. Yụ fercheꞌ jịꞌñibeꞌcacsi jiquej muꞌin anicjetety Jenꞌ in, meꞌ buꞌyi tsanꞌ mạꞌjeꞌ jịꞌmotsacsi yụ.#1:13 Úñedyeꞌ 8:3 14Yụ jiquej mujuꞌchaꞌ fer cäc̣häꞌchuiꞌtyiꞌ jiꞌchäyitidyeꞌ chimeꞌ yicdyeꞌ judíos tsun, mọꞌ yuꞌtyiyinsiꞌ vóshiꞌvun jiquej tsun, muꞌin na penꞌdyeꞌ yụ in uyaꞌyaꞌ cäc̣häꞌchuiꞌ muꞌin in. 15-16Meꞌ tsanꞌ meꞌ yụ jiquej, Jenꞌ qui namꞌ därsiꞌyaꞌ mạꞌjitidyes muꞌ tsimꞌtyin yụ judyeyaꞌ fayin yụ paj qui yụ úñi muꞌdyes, jambiꞌdyemꞌ naꞌi yụ jiquej, aty muꞌ tạꞌcaty tsimꞌtyin yụ. Ayijyaꞌ qui tupudyeꞌ Jenꞌsiꞌ muꞌ, chat qui muꞌ yuꞌtyin yụ paj qui chị́yepte yụ Ạvaꞌ muꞌ judyeyaꞌ chimeꞌ yuꞌtyin yụ voroꞌtacsity yụ p̂eyacdyeꞌ muꞌ, mọꞌ p̂eijtes muꞌ Jesucristo mọꞌ jéyacsi yụ muꞌin jam judío in. Aty meꞌsiꞌ jam yirity muntyiꞌ jéte yụ junꞌ chuc raꞌ yụ, 17mijam Jerusalénĉan jịjcaij yụ, mijam muꞌĉantyiꞌ in jéyacsi yụ muꞌin tashcheꞌ jutactyiꞌ Jenꞌtyiꞌ muꞌ. Chụiꞌ buꞌyi Arabiaĉan jịjcaij yụ, aty meꞌsiꞌ Damascoĉan qui jijtuban yụ.
18Jiyiꞌ chibin yómodyeꞌ chat q̂uinꞌdyemꞌ Jerusalénĉan jịjcaij yụ, ĉọcte yụ muꞌ Pedro mạꞌjeꞌ yụ p̂eyaqui muꞌtum. Muꞌyaꞌ dyäqui yụ yiriꞌtac ĉanamꞌ jiyiꞌ mọmoꞌ mạyedyeꞌ jajbuꞌyete yụ. 19Mijam nạijtacsi yụ yoctyiꞌ jutactyiꞌ Jenꞌtyiꞌ muꞌ, Pedro judyeyaꞌ muꞌ Santiago, vojity muꞌ Ayoꞌtyiꞌ tsun, muꞌin mọmoꞌ päräꞌ nạijtacsi yụ. 20Ọij q̂uinꞌ p̂eyacdyeꞌ sáñeꞌsiꞌ yụ, anic rụijsis Jenꞌsiꞌyaꞌ vej muꞌ, yụ jéyac, mijam väñädyeꞌ yụ.
21Aty meꞌsiꞌ, yocsiꞌve qui jac jịjcaij yụ, Siriave judyeyaꞌ Ciliciave chimeꞌ jịjcaij yụ. 22Muꞌin na ñuruꞌtyity anicjetety Jenꞌ in, paiꞌ Judeaĉan bäꞌyity in, mijam junꞌ chäyin yụ in, 23meꞌ tsanꞌ chịj in pạrej qui namꞌ yi in: "Muꞌ jịꞌñibeꞌcasinꞌtyiꞌ tsun jiquej, mạꞌjeꞌ tsanꞌ jịꞌmotssinꞌtyiꞌ jiquej tsun anicjejaty Jenꞌ, muꞌdye q̂uinꞌ camanꞌ voroꞌtacseban mọꞌ p̂eyacdyeꞌ Jenꞌsiꞌ muꞌ", yi in, meꞌ buꞌyi jiꞌjäquin yụ in. 24Chat qui muꞌin timaꞌquete Jenꞌ in yụ́dyesiꞌ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'