Galaciaĉantyidyes 4
4
1Yụ raꞌ jéyac ọij jịꞌĉocdyes p̂eyacdyeꞌ. Jeshaꞌ muꞌ jedyeꞌtumtyity ạvaꞌ muꞌ, meꞌ raꞌ tsanꞌ räj muꞌdyes jenꞌsiꞌ jedyeꞌ muꞌ, miquiꞌdyemꞌ qui namꞌ tacaꞌ jụijyaꞌ muꞌ, jeñej úñity mọmoꞌ bäꞌyi, 2ĉaĉaij na miquiꞌdyemꞌ tacaꞌ, muꞌyaꞌ qui namꞌ muꞌin ĉọjcatety in, muꞌin bächäpte jedyeꞌ in, junꞌ quiꞌ chuc ayijyaꞌ tupudyeꞌ jayuꞌtyiyitis jenꞌ muꞌ, chat q̂uinꞌdyemꞌ soꞌmaqui ạvaꞌ muꞌ paj qui bächäqui ĉụiꞌ jedyeꞌ muꞌ yụꞌtyeyetes jenꞌ muꞌ jiquej. 3Meꞌdye tsun chimeꞌ jiquej ọ́ches jacches dyijyedyeꞌ meꞌsinꞌ tsun jiquej mọꞌ bächäsinꞌ. 4A qui namꞌ ayijyaꞌ mọꞌ tupudyeꞌ yụꞌtyes Jenꞌ, muꞌ jutaqui Ạvaꞌ muꞌ, yiris munsiꞌ muꞌĉan naꞌi muꞌ, judyeyaꞌ yụꞌtacdyeꞌtum bäꞌyi ĉaĉaij na judío naꞌi muꞌ. 5Ayidyeꞌ muꞌ paj qui jiꞌc̣honsinꞌ tsun paj qui jam bächäsinꞌ mọꞌ yụꞌtacdyeꞌ judyeyaꞌ paj qui Jenꞌ ạvatusinꞌ tsun. 6Aty Jenꞌtyiꞌ ạvaꞌ miꞌin, mọꞌdyes muꞌ Jenꞌ soꞌminac ĉojtyiꞌĉan miꞌin mọꞌ Ạvaꞌsiꞌ Ạꞌedyeꞌ muꞌ. Ạꞌedyeꞌ muꞌ yiꞌ paj qui tsun jéja Jenꞌ: "Yụ́tyiꞌ Jenꞌ, yụ́tyiꞌ Jenꞌ", jéja tsun. 7Mọꞌdyes aty jam úñedyeꞌĉan miꞌin, q̂uinꞌ aty Jenꞌtyiꞌ ạvaꞌ miꞌin, muꞌdye qui raꞌ räj ñịbeꞌjinac miꞌin, mọꞌ p̂eyes p̂eyacdyeꞌ muꞌ, ĉaĉaij na aty muꞌtyiꞌ ạvaꞌ miꞌin.
Pablo táracsi Galaciaĉantyiꞌ anicjetety Jenꞌ in
8Meꞌdyemꞌ bäꞌyi jiquej miꞌin jambiꞌdyemꞌ chị́yetinte Jenꞌ miꞌin yejĉoij cäc̣häꞌchucsi miꞌin jämꞌtacdyeꞌ jacches jiquej in, mọꞌin jam Jenꞌ buꞌyis in, mọꞌ mọmoꞌ bächänac jiquej in. 9Q̂uinꞌ aty chị́yetinte Jenꞌ miꞌin, dadamꞌ jämꞌ yi yụ: muꞌ Jenꞌ aty chäyinac miꞌin. ¿Junꞌ meꞌ q̂uinꞌ u miꞌin camanꞌ dyijyeban chimuꞌve miꞌin cäc̣häꞌchubajtiñeꞌ mọꞌ ọ́ches fibis jacches dyijyedyeꞌ mọꞌ itŝis ferdyeꞌ? ¿Junꞌ meꞌ buꞌban u miꞌin mạꞌjeꞌ paj qui mọꞌdye ayotubajtiñeꞌ miꞌin? 10Anic meꞌ miꞌin cäj cạtiñeꞌ dyijyedyeꞌ miꞌin, ĉaĉaij na pạrej ạ̈räjjetiñeꞌ mạyedyeꞌ miꞌin, pạrej na ạ̈räjjetiñeꞌ ịvas feshta mọꞌ, judyeyaꞌ yómodyes feshta chimeꞌ, räj mọꞌ ạ̈räjjetiñeꞌ miꞌin, joꞌmeschemꞌ ĉúti miꞌin, mọmꞌ mọjoꞌchaꞌ dyijtutiñeꞌ. 11Anic yụ där táreyac miꞌin, junꞌ raꞌ, vatyquej yocve dyijyeban jụijyaꞌ miꞌin, areꞌ fibimꞌ jịꞌchiyeyac Jenꞌsiꞌ p̂eyacdyeꞌ muꞌ.
12Vojity, yụ raꞌ fercheꞌ jéyac miꞌin, yódyemꞌ yụ q̂uinꞌ u aty jam bächän yụ mọꞌ yụꞌtacdyeꞌ, meꞌ buꞌvacdye miꞌin chimeꞌ, ĉaĉaij na aty meꞌ bäꞌyi yụ jeñej jam judío yụ, yódyemꞌ miꞌin u jam judío miꞌin. Jeshaꞌ miꞌin jam damꞌ meꞌ aꞌc̣his soꞌmitiĉaꞌ yụ miꞌin. 13Chịj tyuꞌ u miꞌin, tashcheꞌ jiquej yụ japacjoij yụ miꞌinyaꞌ, meꞌdyes qui yụ meꞌĉandye voroꞌtyeyac miꞌin Jenꞌsiꞌ p̂eyacdyeꞌ muꞌ. 14Meꞌ tsanꞌ aꞌc̣histum japacjodyeꞌ yụ jajbuꞌyeyac jiquej miꞌin, jam qui namꞌ äcäijjitiĉaꞌ yụ miꞌin, mijam méquiꞌ vaꞌquiĉunꞌdyiĉaꞌ yụ miꞌin. Dadamꞌ mọmoꞌ jämꞌ tiĉunꞌdyiĉaꞌ yụ miꞌin, ạ̈räjjitiĉaꞌ miꞌin, jeñej Jenꞌtyiꞌ anjer, meꞌ buꞌyi tiĉunꞌdyiĉaꞌ yụ miꞌin, jeñej Jesucristo, meꞌ tiĉunꞌdyiĉaꞌ yụ miꞌin. 15Anic maꞌjotyitiĉaꞌ yụ miꞌin jiquej, meij jịjcaij mạꞌjeꞌ fónaqui vej miꞌin paj qui soꞌmitiĉaꞌ yụ miꞌin tupuj jụijyaꞌ miꞌin. Q̂uinꞌ na aty jam meꞌ dyijyi miꞌin, yocve dyijtutiĉaꞌ yụ miꞌin, aty jam jeñej jiquej maꞌjotyitiĉaꞌ yụ miꞌin. ¿Junꞌ qui ĉaĉaij meꞌ u q̂uinꞌ miꞌin? 16¿Fáquitity buty yụ miꞌintum yuꞌtiĉaꞌ miꞌin jéyacdyeꞌyaꞌ mọꞌ rụijsis p̂eyacdyeꞌ, mọꞌ buty jiꞌfajquiyitiĉaꞌ yụ miꞌin?
17Cäjsis tuiꞌtyiꞌ jiꞌchäyitidyeꞌ in anic fer dyijtunac in aꞌc̣hisyaꞌ qui namꞌ dyijyedyeꞌ dyijtunac in, mọꞌyaꞌ mạꞌjeꞌ jụj jaꞌyinac in paj qui muꞌin mọmoꞌ dyijtucsi miꞌin, paj qui aty jam tsun dyijtutiĉaꞌ u miꞌin. 18Jämꞌ tsanꞌ meꞌ dyijtunac in, jämꞌsiꞌyaꞌ dyijyedyeꞌ jụijyaꞌ muꞌin. Jemoñeꞌ qui namꞌ jämꞌsiꞌyaꞌ dyijyedyeꞌ dyijtunac in, meꞌ tsanꞌ muꞌyaꞌ yụ, meꞌ tsanꞌ itŝij yụ, meꞌ vuꞌ caꞌ meꞌ buꞌyiꞌ yoctyiꞌ dyijtunac in. 19Chätidyeꞌ, mạꞌjeyacdyety ạvaꞌ yụ, yụ anic fer táreyac yụ. Cuvij meꞌ buꞌyi yụ jeñej yiris jạjtsis p̂en, jịꞌĉojtyes areꞌredyeꞌ basdyidyes mọꞌ, meꞌdye yụ chimeꞌ fer dyijtuyac miꞌin junꞌ quiꞌ chuc fer buꞌyi Cristoyaꞌ miꞌin. 20Faraj vuꞌ caꞌ yụ miꞌintum q̂uinꞌ, tupuj meꞌ chị́yebiyac dyijyedyeꞌ miꞌin, areꞌ rụijsis, areꞌ jam, meꞌ jụijyaꞌ, tupuj chịj yụ jätäjjeyac chuc raꞌ yụ. Q̂uinꞌ qui namꞌ yụ jam chị́yebiyac dyijyedyeꞌ miꞌinsiꞌ.
Ọij jịꞌĉocdyes p̂eyacdyeꞌ jiꞌjäqueꞌ Agar judyeyaꞌ Sara
21Pạrej muꞌyaꞌ miꞌin tacaꞌ yụꞌtacdyeꞌcheꞌ ĉúti miꞌin paj qui tsanꞌ jiꞌc̣honnac ĉúti miꞌin. ¿Jam adac chiquetiñeꞌ miꞌin jätäjyiꞌ chuc mọꞌ yụꞌtacdyeꞌ Jenꞌsiꞌ muꞌ? 22Sánacdyeꞌ yiꞌ muꞌyaꞌ jiquej päräꞌ ạvaꞌ muꞌ Abrahamtyiꞌ, muꞌ tashchety úñisĉantyiꞌ ạvaꞌ muꞌ,#4:22 Génesis 16:15 muꞌ na yoctyiꞌ ạvaꞌ muꞌ ĉụiꞌsiꞌĉantyiꞌ p̂en muꞌ, jam úñisĉantyiꞌ.#4:22 Génesis 21:2 23Muꞌ úñistyiꞌ ạvaꞌ mọꞌ junꞌ chuc naꞌi jacchety ạvaꞌ in, meꞌ muꞌ naꞌi. Saraty na ạvaꞌ mọꞌ jam muꞌ meꞌ, naꞌi paj qui cạ̈tsiꞌ Jenꞌsiꞌ p̂eyacdyeꞌ muꞌ, mọꞌ jayuꞌtyiyitis Abraham jiquej. 24-25Mọꞌin päräꞌ p̂en in jịꞌĉocdyes p̂eyacdyeꞌ shupquiꞌ in. Mọꞌin päräꞌsis p̂en in jeñej päräꞌsis p̂eyacdyeꞌ yụꞌtyes Jenꞌ, meꞌ buꞌyiꞌ mọꞌin shupquiꞌ in. Agar úñis jiquej, mọꞌ jeñej buꞌyiꞌ Jenꞌsiꞌ yụꞌtacdyeꞌ muꞌ, jasoꞌmitis Moisés jiquej, mụcuꞌcheꞌ Sinaícheꞌ Arabiaĉantyiꞌ muꞌ mụcuꞌ, muꞌcheꞌ jasoꞌmiti jiquej, meꞌ buꞌyiꞌ mọꞌ shupquiꞌ Agar úñis muꞌ. Mọꞌ jịꞌĉocdyes p̂eyacdyeꞌ yiꞌ junꞌ chuc mọꞌdye q̂uinꞌ yejĉoij muꞌin judío in cäc̣häꞌchuiꞌ in mọꞌ yụꞌtacdyeꞌ, jeñej buꞌyi úñi mọꞌcheꞌ in, meꞌ buꞌyi in, ĉaĉaij na meꞌ buꞌyi in q̂uinꞌtyity Jerusalénĉantyiꞌ in. 26Mọꞌ na Sara jam úñis, mọꞌ jeñej buꞌyiꞌ mọꞌ Jenꞌsiꞌ p̂eyacdyeꞌ muꞌ jayuꞌtyiyitis Abraham jiquej, meꞌ buꞌyiꞌ mọꞌ. Tyi chuc mọꞌ anicjety in muꞌin jam úñity bäꞌyi in, jeñej mạyedyeꞌchesĉan Jerusalén bäꞌyi in, meꞌ shupqui in mạyedyeꞌchedyety yụꞌtac in. 27Yiꞌ sánacdyeꞌ:
Mi p̂en säräꞌ buꞌyis,
meꞌ tsanꞌ jam chị́yes ạvaꞌ mi,
maꞌjodyeꞌtum qui na ramꞌ äjyiꞌ mi.
Mọꞌ p̂en jọbataĉanꞌsiꞌ vämtyiꞌ daiꞌ raꞌ muꞌyaꞌ ạvaꞌ mọꞌ,
ọyaꞌyaꞌ raꞌ mọꞌ vämtyiꞌyas", yiꞌ sánacdyeꞌ.#4:27 Isaías 54:1
28Vojity yụ raꞌ jéyac, yódyemꞌ muꞌ Jenꞌ jịꞌcätseꞌ p̂eyacdyeꞌ jiquej u aty naꞌiyaꞌ Isaac, meꞌdye q̂uinꞌ miꞌinyaꞌ aty cạ̈tsiꞌ Jenꞌsiꞌ p̂eyacdyeꞌ muꞌ aty ạvatunacyaꞌ miꞌin. 29Jam meꞌ Agartyiꞌ ạvaꞌ mọꞌ yụꞌtac jiquej, jam cạ̈tsiꞌ Jenꞌsiꞌ p̂eyacdyeꞌ muꞌ naꞌiyaꞌ muꞌ. P̂añi ạvaꞌ mọꞌ, muꞌ jạñibeꞌtiꞌ Saraty ạvaꞌ mọꞌ, muꞌ naꞌi cạ̈tsiꞌ mọꞌsiꞌ p̂eyacdyeꞌ Jenꞌsiꞌ Ạꞌedyeꞌ muꞌ.#4:29 Génesis 21:9 Meꞌdye q̂uinꞌ chimeꞌ muꞌin ĉútity yụꞌtacdyeꞌcheꞌ in, muꞌin jịꞌñibeꞌcasinꞌ in tsun Jenꞌtyiꞌ ạvaꞌ tsun. 30¿Jätäjyiꞌ a ĉa sánacdyeꞌ? Yiꞌ: "Fitupjevaꞌ mọꞌ úñis ạvaꞌtumdye mọꞌ, ĉaĉaij na mọꞌ úñistyiꞌ ạvaꞌ mọꞌ jam raꞌ muꞌmun soꞌmac jenꞌsiꞌ jedyeꞌ muꞌ, muꞌ raꞌ jam jeñej Saraty ạvaꞌ mọꞌ, mọꞌ jam úñis."#4:30 Génesis 21:10 31Mọꞌdyes vojity yụ, tsun jam úñistyiꞌ vóshiꞌ tsun, jam yụꞌtacdyeꞌcheꞌ ĉútiĉaꞌtyiꞌ tsun, mọꞌ vóshiꞌ tsun jam úñis, mọꞌdyes aty faraj buꞌjaꞌ tsun.
Currently Selected:
Galaciaĉantyidyes 4: CAS
Highlight
Copy
Compare
Share
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'
Galaciaĉantyidyes 4
4
1Yụ raꞌ jéyac ọij jịꞌĉocdyes p̂eyacdyeꞌ. Jeshaꞌ muꞌ jedyeꞌtumtyity ạvaꞌ muꞌ, meꞌ raꞌ tsanꞌ räj muꞌdyes jenꞌsiꞌ jedyeꞌ muꞌ, miquiꞌdyemꞌ qui namꞌ tacaꞌ jụijyaꞌ muꞌ, jeñej úñity mọmoꞌ bäꞌyi, 2ĉaĉaij na miquiꞌdyemꞌ tacaꞌ, muꞌyaꞌ qui namꞌ muꞌin ĉọjcatety in, muꞌin bächäpte jedyeꞌ in, junꞌ quiꞌ chuc ayijyaꞌ tupudyeꞌ jayuꞌtyiyitis jenꞌ muꞌ, chat q̂uinꞌdyemꞌ soꞌmaqui ạvaꞌ muꞌ paj qui bächäqui ĉụiꞌ jedyeꞌ muꞌ yụꞌtyeyetes jenꞌ muꞌ jiquej. 3Meꞌdye tsun chimeꞌ jiquej ọ́ches jacches dyijyedyeꞌ meꞌsinꞌ tsun jiquej mọꞌ bächäsinꞌ. 4A qui namꞌ ayijyaꞌ mọꞌ tupudyeꞌ yụꞌtyes Jenꞌ, muꞌ jutaqui Ạvaꞌ muꞌ, yiris munsiꞌ muꞌĉan naꞌi muꞌ, judyeyaꞌ yụꞌtacdyeꞌtum bäꞌyi ĉaĉaij na judío naꞌi muꞌ. 5Ayidyeꞌ muꞌ paj qui jiꞌc̣honsinꞌ tsun paj qui jam bächäsinꞌ mọꞌ yụꞌtacdyeꞌ judyeyaꞌ paj qui Jenꞌ ạvatusinꞌ tsun. 6Aty Jenꞌtyiꞌ ạvaꞌ miꞌin, mọꞌdyes muꞌ Jenꞌ soꞌminac ĉojtyiꞌĉan miꞌin mọꞌ Ạvaꞌsiꞌ Ạꞌedyeꞌ muꞌ. Ạꞌedyeꞌ muꞌ yiꞌ paj qui tsun jéja Jenꞌ: "Yụ́tyiꞌ Jenꞌ, yụ́tyiꞌ Jenꞌ", jéja tsun. 7Mọꞌdyes aty jam úñedyeꞌĉan miꞌin, q̂uinꞌ aty Jenꞌtyiꞌ ạvaꞌ miꞌin, muꞌdye qui raꞌ räj ñịbeꞌjinac miꞌin, mọꞌ p̂eyes p̂eyacdyeꞌ muꞌ, ĉaĉaij na aty muꞌtyiꞌ ạvaꞌ miꞌin.
Pablo táracsi Galaciaĉantyiꞌ anicjetety Jenꞌ in
8Meꞌdyemꞌ bäꞌyi jiquej miꞌin jambiꞌdyemꞌ chị́yetinte Jenꞌ miꞌin yejĉoij cäc̣häꞌchucsi miꞌin jämꞌtacdyeꞌ jacches jiquej in, mọꞌin jam Jenꞌ buꞌyis in, mọꞌ mọmoꞌ bächänac jiquej in. 9Q̂uinꞌ aty chị́yetinte Jenꞌ miꞌin, dadamꞌ jämꞌ yi yụ: muꞌ Jenꞌ aty chäyinac miꞌin. ¿Junꞌ meꞌ q̂uinꞌ u miꞌin camanꞌ dyijyeban chimuꞌve miꞌin cäc̣häꞌchubajtiñeꞌ mọꞌ ọ́ches fibis jacches dyijyedyeꞌ mọꞌ itŝis ferdyeꞌ? ¿Junꞌ meꞌ buꞌban u miꞌin mạꞌjeꞌ paj qui mọꞌdye ayotubajtiñeꞌ miꞌin? 10Anic meꞌ miꞌin cäj cạtiñeꞌ dyijyedyeꞌ miꞌin, ĉaĉaij na pạrej ạ̈räjjetiñeꞌ mạyedyeꞌ miꞌin, pạrej na ạ̈räjjetiñeꞌ ịvas feshta mọꞌ, judyeyaꞌ yómodyes feshta chimeꞌ, räj mọꞌ ạ̈räjjetiñeꞌ miꞌin, joꞌmeschemꞌ ĉúti miꞌin, mọmꞌ mọjoꞌchaꞌ dyijtutiñeꞌ. 11Anic yụ där táreyac miꞌin, junꞌ raꞌ, vatyquej yocve dyijyeban jụijyaꞌ miꞌin, areꞌ fibimꞌ jịꞌchiyeyac Jenꞌsiꞌ p̂eyacdyeꞌ muꞌ.
12Vojity, yụ raꞌ fercheꞌ jéyac miꞌin, yódyemꞌ yụ q̂uinꞌ u aty jam bächän yụ mọꞌ yụꞌtacdyeꞌ, meꞌ buꞌvacdye miꞌin chimeꞌ, ĉaĉaij na aty meꞌ bäꞌyi yụ jeñej jam judío yụ, yódyemꞌ miꞌin u jam judío miꞌin. Jeshaꞌ miꞌin jam damꞌ meꞌ aꞌc̣his soꞌmitiĉaꞌ yụ miꞌin. 13Chịj tyuꞌ u miꞌin, tashcheꞌ jiquej yụ japacjoij yụ miꞌinyaꞌ, meꞌdyes qui yụ meꞌĉandye voroꞌtyeyac miꞌin Jenꞌsiꞌ p̂eyacdyeꞌ muꞌ. 14Meꞌ tsanꞌ aꞌc̣histum japacjodyeꞌ yụ jajbuꞌyeyac jiquej miꞌin, jam qui namꞌ äcäijjitiĉaꞌ yụ miꞌin, mijam méquiꞌ vaꞌquiĉunꞌdyiĉaꞌ yụ miꞌin. Dadamꞌ mọmoꞌ jämꞌ tiĉunꞌdyiĉaꞌ yụ miꞌin, ạ̈räjjitiĉaꞌ miꞌin, jeñej Jenꞌtyiꞌ anjer, meꞌ buꞌyi tiĉunꞌdyiĉaꞌ yụ miꞌin, jeñej Jesucristo, meꞌ tiĉunꞌdyiĉaꞌ yụ miꞌin. 15Anic maꞌjotyitiĉaꞌ yụ miꞌin jiquej, meij jịjcaij mạꞌjeꞌ fónaqui vej miꞌin paj qui soꞌmitiĉaꞌ yụ miꞌin tupuj jụijyaꞌ miꞌin. Q̂uinꞌ na aty jam meꞌ dyijyi miꞌin, yocve dyijtutiĉaꞌ yụ miꞌin, aty jam jeñej jiquej maꞌjotyitiĉaꞌ yụ miꞌin. ¿Junꞌ qui ĉaĉaij meꞌ u q̂uinꞌ miꞌin? 16¿Fáquitity buty yụ miꞌintum yuꞌtiĉaꞌ miꞌin jéyacdyeꞌyaꞌ mọꞌ rụijsis p̂eyacdyeꞌ, mọꞌ buty jiꞌfajquiyitiĉaꞌ yụ miꞌin?
17Cäjsis tuiꞌtyiꞌ jiꞌchäyitidyeꞌ in anic fer dyijtunac in aꞌc̣hisyaꞌ qui namꞌ dyijyedyeꞌ dyijtunac in, mọꞌyaꞌ mạꞌjeꞌ jụj jaꞌyinac in paj qui muꞌin mọmoꞌ dyijtucsi miꞌin, paj qui aty jam tsun dyijtutiĉaꞌ u miꞌin. 18Jämꞌ tsanꞌ meꞌ dyijtunac in, jämꞌsiꞌyaꞌ dyijyedyeꞌ jụijyaꞌ muꞌin. Jemoñeꞌ qui namꞌ jämꞌsiꞌyaꞌ dyijyedyeꞌ dyijtunac in, meꞌ tsanꞌ muꞌyaꞌ yụ, meꞌ tsanꞌ itŝij yụ, meꞌ vuꞌ caꞌ meꞌ buꞌyiꞌ yoctyiꞌ dyijtunac in. 19Chätidyeꞌ, mạꞌjeyacdyety ạvaꞌ yụ, yụ anic fer táreyac yụ. Cuvij meꞌ buꞌyi yụ jeñej yiris jạjtsis p̂en, jịꞌĉojtyes areꞌredyeꞌ basdyidyes mọꞌ, meꞌdye yụ chimeꞌ fer dyijtuyac miꞌin junꞌ quiꞌ chuc fer buꞌyi Cristoyaꞌ miꞌin. 20Faraj vuꞌ caꞌ yụ miꞌintum q̂uinꞌ, tupuj meꞌ chị́yebiyac dyijyedyeꞌ miꞌin, areꞌ rụijsis, areꞌ jam, meꞌ jụijyaꞌ, tupuj chịj yụ jätäjjeyac chuc raꞌ yụ. Q̂uinꞌ qui namꞌ yụ jam chị́yebiyac dyijyedyeꞌ miꞌinsiꞌ.
Ọij jịꞌĉocdyes p̂eyacdyeꞌ jiꞌjäqueꞌ Agar judyeyaꞌ Sara
21Pạrej muꞌyaꞌ miꞌin tacaꞌ yụꞌtacdyeꞌcheꞌ ĉúti miꞌin paj qui tsanꞌ jiꞌc̣honnac ĉúti miꞌin. ¿Jam adac chiquetiñeꞌ miꞌin jätäjyiꞌ chuc mọꞌ yụꞌtacdyeꞌ Jenꞌsiꞌ muꞌ? 22Sánacdyeꞌ yiꞌ muꞌyaꞌ jiquej päräꞌ ạvaꞌ muꞌ Abrahamtyiꞌ, muꞌ tashchety úñisĉantyiꞌ ạvaꞌ muꞌ,#4:22 Génesis 16:15 muꞌ na yoctyiꞌ ạvaꞌ muꞌ ĉụiꞌsiꞌĉantyiꞌ p̂en muꞌ, jam úñisĉantyiꞌ.#4:22 Génesis 21:2 23Muꞌ úñistyiꞌ ạvaꞌ mọꞌ junꞌ chuc naꞌi jacchety ạvaꞌ in, meꞌ muꞌ naꞌi. Saraty na ạvaꞌ mọꞌ jam muꞌ meꞌ, naꞌi paj qui cạ̈tsiꞌ Jenꞌsiꞌ p̂eyacdyeꞌ muꞌ, mọꞌ jayuꞌtyiyitis Abraham jiquej. 24-25Mọꞌin päräꞌ p̂en in jịꞌĉocdyes p̂eyacdyeꞌ shupquiꞌ in. Mọꞌin päräꞌsis p̂en in jeñej päräꞌsis p̂eyacdyeꞌ yụꞌtyes Jenꞌ, meꞌ buꞌyiꞌ mọꞌin shupquiꞌ in. Agar úñis jiquej, mọꞌ jeñej buꞌyiꞌ Jenꞌsiꞌ yụꞌtacdyeꞌ muꞌ, jasoꞌmitis Moisés jiquej, mụcuꞌcheꞌ Sinaícheꞌ Arabiaĉantyiꞌ muꞌ mụcuꞌ, muꞌcheꞌ jasoꞌmiti jiquej, meꞌ buꞌyiꞌ mọꞌ shupquiꞌ Agar úñis muꞌ. Mọꞌ jịꞌĉocdyes p̂eyacdyeꞌ yiꞌ junꞌ chuc mọꞌdye q̂uinꞌ yejĉoij muꞌin judío in cäc̣häꞌchuiꞌ in mọꞌ yụꞌtacdyeꞌ, jeñej buꞌyi úñi mọꞌcheꞌ in, meꞌ buꞌyi in, ĉaĉaij na meꞌ buꞌyi in q̂uinꞌtyity Jerusalénĉantyiꞌ in. 26Mọꞌ na Sara jam úñis, mọꞌ jeñej buꞌyiꞌ mọꞌ Jenꞌsiꞌ p̂eyacdyeꞌ muꞌ jayuꞌtyiyitis Abraham jiquej, meꞌ buꞌyiꞌ mọꞌ. Tyi chuc mọꞌ anicjety in muꞌin jam úñity bäꞌyi in, jeñej mạyedyeꞌchesĉan Jerusalén bäꞌyi in, meꞌ shupqui in mạyedyeꞌchedyety yụꞌtac in. 27Yiꞌ sánacdyeꞌ:
Mi p̂en säräꞌ buꞌyis,
meꞌ tsanꞌ jam chị́yes ạvaꞌ mi,
maꞌjodyeꞌtum qui na ramꞌ äjyiꞌ mi.
Mọꞌ p̂en jọbataĉanꞌsiꞌ vämtyiꞌ daiꞌ raꞌ muꞌyaꞌ ạvaꞌ mọꞌ,
ọyaꞌyaꞌ raꞌ mọꞌ vämtyiꞌyas", yiꞌ sánacdyeꞌ.#4:27 Isaías 54:1
28Vojity yụ raꞌ jéyac, yódyemꞌ muꞌ Jenꞌ jịꞌcätseꞌ p̂eyacdyeꞌ jiquej u aty naꞌiyaꞌ Isaac, meꞌdye q̂uinꞌ miꞌinyaꞌ aty cạ̈tsiꞌ Jenꞌsiꞌ p̂eyacdyeꞌ muꞌ aty ạvatunacyaꞌ miꞌin. 29Jam meꞌ Agartyiꞌ ạvaꞌ mọꞌ yụꞌtac jiquej, jam cạ̈tsiꞌ Jenꞌsiꞌ p̂eyacdyeꞌ muꞌ naꞌiyaꞌ muꞌ. P̂añi ạvaꞌ mọꞌ, muꞌ jạñibeꞌtiꞌ Saraty ạvaꞌ mọꞌ, muꞌ naꞌi cạ̈tsiꞌ mọꞌsiꞌ p̂eyacdyeꞌ Jenꞌsiꞌ Ạꞌedyeꞌ muꞌ.#4:29 Génesis 21:9 Meꞌdye q̂uinꞌ chimeꞌ muꞌin ĉútity yụꞌtacdyeꞌcheꞌ in, muꞌin jịꞌñibeꞌcasinꞌ in tsun Jenꞌtyiꞌ ạvaꞌ tsun. 30¿Jätäjyiꞌ a ĉa sánacdyeꞌ? Yiꞌ: "Fitupjevaꞌ mọꞌ úñis ạvaꞌtumdye mọꞌ, ĉaĉaij na mọꞌ úñistyiꞌ ạvaꞌ mọꞌ jam raꞌ muꞌmun soꞌmac jenꞌsiꞌ jedyeꞌ muꞌ, muꞌ raꞌ jam jeñej Saraty ạvaꞌ mọꞌ, mọꞌ jam úñis."#4:30 Génesis 21:10 31Mọꞌdyes vojity yụ, tsun jam úñistyiꞌ vóshiꞌ tsun, jam yụꞌtacdyeꞌcheꞌ ĉútiĉaꞌtyiꞌ tsun, mọꞌ vóshiꞌ tsun jam úñis, mọꞌdyes aty faraj buꞌjaꞌ tsun.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'