Galaciaĉantyidyes 5
5
Jam raꞌ quivij yuꞌbujshaꞌ yụꞌtacdyeꞌĉan
1Aty c̣honjaty tsun, muꞌ Cristo jiꞌc̣honsinꞌ tsun. Mọꞌdyes fer buꞌjamꞌ miꞌin, jam raꞌ cuvij jiꞌsässun yụꞌtacdyeꞌĉan miꞌin paj qui jam quivij mọꞌ bächäbunac miꞌin.
2Seꞌvitiĉamꞌ, yụ́dye Pablo jéyac raꞌ: jiꞌseiꞌtaqui aꞌ jụijyaꞌ miꞌin, aty raꞌ jam jedyedyety shupqui miꞌindyety muꞌ Cristo. 3Quivij yụ raꞌ jéyac: tyi chuc jiꞌseiꞌtaqui aꞌ muꞌin jeñej aty raꞌ tsanꞌ c̣hoñi ĉúti u in, jemoñeꞌ qui namꞌ räjenꞌ chiqueꞌ in mọꞌ p̂eyacdyeꞌ yụꞌtacdyeꞌĉansiꞌ. 4Tyi chuc dyijyi chiqueꞌ mọꞌ yụꞌtacdyeꞌ in, jeñej aty raꞌ tsanꞌ rụij yụꞌtac ĉúti u, muꞌin meijjeyac Cristoyaꞌ in, chimeꞌ meijjeyac in Jenꞌsiꞌyaꞌ ñịbeꞌjitidyes muꞌ. 5Tsun na jam meꞌ, ĉútiĉaꞌ Jenꞌcheꞌ tsun, muꞌ soꞌmisinꞌtyiꞌ Ạꞌedyeꞌ muꞌ paj qui mọꞌ ñútyisinꞌ meijquejĉodyeꞌyaꞌ bisacdyeꞌ tsun paj qui muꞌ rụij yuꞌsinꞌ anicyedyeꞌyaꞌ tsun. 6Tsun aty Jesucristoty jụijyaꞌ fibis qui ramꞌ shupquiꞌ seiꞌtacdyeꞌ muntyis, aty jam méquiꞌ nọ́taquiꞌ Jenꞌsiꞌyaꞌ vej muꞌ. Meꞌ tsanꞌ seiꞌtactyiꞌ aꞌ jụijyaꞌ tsun, meꞌ tsanꞌ jam, vaj meꞌdye qui namꞌ shupquejaꞌ Jenꞌsiꞌyaꞌ vej muꞌ, meꞌdye yiris mọmoꞌ dyijtuc, mọꞌ anicyedyeꞌ. Anicyejaꞌtyiꞌ Jenꞌcheꞌ jụijyaꞌ tsun, räjĉan raꞌ mạꞌjeyacsejaty bäꞌjaꞌ tsun.
7Jiquej miꞌin anic jämꞌ cäc̣häꞌchutinte Jenꞌ. ¿Tyi caꞌ jiꞌyacchuyinac in mọꞌ rụijsis p̂eyacdyeꞌ? 8Mọꞌ jam Jenꞌsiꞌ dyijyedyeꞌ mọꞌ jụj jaꞌyinacsiꞌ miꞌin muꞌ fayinactyiꞌ jiquej miꞌin. 9Meꞌ tsanꞌ muꞌin jam juñucsiꞌ in muꞌin cäjsis jiꞌchäyitidyeꞌ tuiꞌtyiꞌ in, uts qui namꞌ räj ac̣hiꞌtacsi yoctyiꞌ in. Mọꞌ muꞌin jịꞌcätseꞌ in mọꞌ p̂eyacdyeꞌ yiꞌ: "Damꞌ mọmoꞌ bijtac jiꞌdujraquis, ọij na tas jiꞌdujrete muꞌ pan", yiꞌ. 10Meꞌ tsanꞌ meꞌ yụ qui namꞌ chị́yete muꞌ Jenꞌ, muꞌ raꞌ ñútyinac miꞌin paj qui jam anicjeyacsebi miꞌin jiꞌchäyitidyeꞌ muꞌin meꞌtyinactyis in, meꞌ tsanꞌ jam chị́yacsity yụ, Jenꞌ qui na ramꞌ soꞌmacsi vaꞌtacdyeꞌ muꞌin meꞌtyity in.
11Pạrej väñädyeꞌyaꞌ muꞌin jiꞌjäcbun voroꞌyedyeꞌ yụ in, yi in: "Muꞌ Pablo jéyacsi muntyiꞌ jemoñeꞌ seiꞌtac aꞌ muꞌin paj qui tupuj c̣hoñi in, yi muꞌ." Jam qui namꞌ yụ meꞌ yi. Meꞌ yíyaꞌ yụ, muꞌin judío in a vuꞌ ĉa maꞌjotyibun voroꞌyedyeꞌ yụ u in, a vuꞌ ĉa jam jịꞌñibeꞌcan yụ u in. Muꞌin qui namꞌ memꞌ fáquibun voroꞌyedyeꞌ yụ in, mọꞌ yiꞌ junꞌ chuc jam yụꞌtacdyeꞌyaꞌ c̣honjaꞌ tsun, Cristo yirity jiꞌc̣honsinꞌ tsun ijacyaꞌ croshcheꞌ jiquej. 12Muꞌin meꞌtyinactyiꞌ in cäjsisyaꞌ jiꞌchäyitidyeꞌ jiꞌchäyinac in, faraj vuꞌ caꞌ ĉụiꞌdye meꞌ vaꞌquicdyi in, paj ĉụiꞌ tas ac̣hiꞌtaqui aꞌ muꞌin.
13Vojity, aty c̣hoñity miꞌin yụꞌtacdyeꞌĉan. Meꞌ tsanꞌ meꞌ, jam qui na ramꞌ cäj yi miꞌin: "Aty c̣honjaty tsun, junꞌ chuc mạꞌjeꞌ aꞌ tsun aꞌc̣his, tupuj meꞌ jämꞌtaĉaꞌ", jam raꞌ meꞌ yi miꞌin. Damꞌdye jämꞌ vaj meij ñútyitidyeij miꞌin mạꞌjitidyesyaꞌ miꞌin. 14Mọꞌ mọjoꞌchas yụꞌtacdyeꞌ yiꞌ: "Mạꞌjeyacsevac fer chätidyeꞌ miꞌin yódyemꞌ ĉụiꞌ mạꞌjiti u miꞌin."#5:14 Romaĉantyidyes 13:8-10 Räj yocsiꞌ yụꞌtacdyeꞌ in sitiꞌ in ọijĉan yirissisĉan yụꞌtacdyeꞌ Jenꞌsiꞌ muꞌ. 15Jam qui namꞌ meꞌ jụijyaꞌ miꞌin, vaj meij fáquiti bäꞌyi jụijyaꞌ miꞌin, judyeyaꞌ vaj meij ñäñiti jụijyaꞌ miꞌin, jeñej buꞌyi vajedyedyeꞌ, vaj meij caravꞌjitiꞌ in, meꞌ buꞌyi shupqui miꞌin. Areꞌĉa vaj meij jiꞌpenjun miꞌin.
Aꞌc̣his aꞌsiꞌ tsun judyeyaꞌ Jenꞌsiꞌ Ạꞌedyeꞌ muꞌ
16Yụ raꞌ jéyac miꞌin: cäc̣häꞌchubimac Jenꞌsiꞌ Ạꞌedyeꞌ muꞌ, paj qui jam cäc̣häꞌchutiñeꞌ aꞌc̣his dyijyedyeꞌ aꞌsiꞌ miꞌin. 17Mọꞌ aꞌc̣his dyijyedyeꞌ aꞌsiꞌ tsun fáquitiꞌ Jenꞌsiꞌtum Ạꞌedyeꞌ muꞌ, mijam vaj meꞌ buꞌyiꞌ mọꞌtum, mọꞌin pärenꞌ in vaj fáquitiꞌ in. Jenꞌsiꞌ Ạꞌedyeꞌ muꞌ anic yocve, jam jeñej aꞌc̣his dyijyedyeꞌ aꞌsiꞌ tsun, mọꞌdyes jam tupuj aꞌc̣his cäc̣häꞌchutiñeꞌ mọꞌ mạꞌjes aꞌ miꞌin. 18Chiqueptinte Jenꞌsiꞌ Ạꞌedyeꞌ jụijyaꞌ miꞌin, aty qui raꞌ jam bächänac quivij mọꞌ yụꞌtacdyeꞌ.
19Anic jorojĉan muꞌin bäꞌyi in aꞌsiꞌ aꞌc̣his dyijyedyeꞌ meꞌchuquity in, muꞌin ac̣hiꞌ bäꞌyi in, judyeyaꞌ voꞌvodyeꞌ dyijtuiꞌ in, tyiĉan ĉụiꞌ mọmoꞌ ĉọshiꞌ in. 20Pạrej jämꞌtacdyeꞌcheꞌ cudyiti in, judyeyaꞌ pạrej cọcojsiꞌnaqui in, judyeyaꞌ chimeꞌ vaj meij fáquitidyeij in, judyeyaꞌ doroiꞌjitidyeij in, jedyeꞌ ĉụiꞌ mọmoꞌ jiꞌfajquiyiti in, pạrej muꞌyaꞌ jam jaijve fạ́coij in, judyeyaꞌ yi in paj qui vaj meijti fáquiti yoctyiꞌ in, judyeyaꞌ yoc yoc dyijyi in. 21Pạrej jiꞌmeꞌtyiyitidyeij jedyeꞌ in, pạrej shuꞌqui in, pạrej feshtadyeꞌ dyijtuiꞌ in, joꞌmemes meꞌchuiꞌ in, meꞌ meꞌ bäꞌyi in muꞌin aꞌc̣his dyijyedyeꞌ aꞌsiꞌ meꞌchuquity in. Quivij raꞌ yụ fercheꞌ jéyac: tyi chuc meꞌ bäꞌyity jụijyaꞌ in, muꞌin jam junꞌ Jenꞌyadyety in ayoꞌbuꞌyedyeꞌĉan muꞌ.
22Anic yocve carijtaquiꞌ Jenꞌsiꞌ Ạꞌedyeꞌ muꞌ, mọꞌ yiꞌ paj qui mạꞌjeyacsejaty bäꞌjaꞌ tsun, mọꞌ soꞌmisinꞌ maꞌjodyeꞌ judyeyaꞌ dyichyedyeꞌ, judyeyaꞌ chimeꞌ paj qui vaj meij jämꞌjitiĉaꞌ tsun judyeyaꞌ paj qui jämꞌjeyacsejaty bäꞌjaꞌ tsun judyeyaꞌ ñịbeꞌ ĉọcsejaꞌ chimeꞌ, judyeyaꞌ paj qui jịꞌcätsaĉaꞌ p̂eyacdyeꞌ tsun meꞌ jéyacsejaꞌ jụijyaꞌ. 23Chimeꞌdye yiꞌ paj qui jam vaꞌbunnaĉaꞌ, judyeyaꞌ paj qui jämꞌ ĉujcatiĉaꞌ chimeꞌ tsun. Itŝiꞌ mọꞌyaꞌ yụꞌtacdyeꞌ yiꞌ paj qui jam meꞌ bäꞌjaꞌ tsun. 24Muꞌin Jesucristoty in aty jiꞌsänaqui in aꞌc̣his dyijyedyeꞌ ĉụiꞌsiꞌ muꞌin, räjtumdye aꞌc̣his mạꞌjeꞌsiꞌ in, croshcheꞌ jiquej jiꞌsänac aꞌc̣his dyijyedyeꞌ muꞌin. 25Mọꞌ qui namꞌ Jenꞌsiꞌ Ạꞌedyeꞌ muꞌ tsạꞌchusinꞌ tsun, jemoñeꞌ ĉụiꞌ jiꞌsäsdyiĉaꞌ paj qui mọꞌ bächäsinꞌ tsun.
26Mọꞌdyes jam raꞌ ĉụiꞌ timaꞌquitiĉaꞌ tsun mijam raꞌ jiꞌfajquiyitiĉaꞌ, mijam raꞌ jiꞌmeꞌtyiyitiĉaꞌ jedyeꞌ tsun.
Currently Selected:
Galaciaĉantyidyes 5: CAS
Highlight
Copy
Compare
Share
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'
Galaciaĉantyidyes 5
5
Jam raꞌ quivij yuꞌbujshaꞌ yụꞌtacdyeꞌĉan
1Aty c̣honjaty tsun, muꞌ Cristo jiꞌc̣honsinꞌ tsun. Mọꞌdyes fer buꞌjamꞌ miꞌin, jam raꞌ cuvij jiꞌsässun yụꞌtacdyeꞌĉan miꞌin paj qui jam quivij mọꞌ bächäbunac miꞌin.
2Seꞌvitiĉamꞌ, yụ́dye Pablo jéyac raꞌ: jiꞌseiꞌtaqui aꞌ jụijyaꞌ miꞌin, aty raꞌ jam jedyedyety shupqui miꞌindyety muꞌ Cristo. 3Quivij yụ raꞌ jéyac: tyi chuc jiꞌseiꞌtaqui aꞌ muꞌin jeñej aty raꞌ tsanꞌ c̣hoñi ĉúti u in, jemoñeꞌ qui namꞌ räjenꞌ chiqueꞌ in mọꞌ p̂eyacdyeꞌ yụꞌtacdyeꞌĉansiꞌ. 4Tyi chuc dyijyi chiqueꞌ mọꞌ yụꞌtacdyeꞌ in, jeñej aty raꞌ tsanꞌ rụij yụꞌtac ĉúti u, muꞌin meijjeyac Cristoyaꞌ in, chimeꞌ meijjeyac in Jenꞌsiꞌyaꞌ ñịbeꞌjitidyes muꞌ. 5Tsun na jam meꞌ, ĉútiĉaꞌ Jenꞌcheꞌ tsun, muꞌ soꞌmisinꞌtyiꞌ Ạꞌedyeꞌ muꞌ paj qui mọꞌ ñútyisinꞌ meijquejĉodyeꞌyaꞌ bisacdyeꞌ tsun paj qui muꞌ rụij yuꞌsinꞌ anicyedyeꞌyaꞌ tsun. 6Tsun aty Jesucristoty jụijyaꞌ fibis qui ramꞌ shupquiꞌ seiꞌtacdyeꞌ muntyis, aty jam méquiꞌ nọ́taquiꞌ Jenꞌsiꞌyaꞌ vej muꞌ. Meꞌ tsanꞌ seiꞌtactyiꞌ aꞌ jụijyaꞌ tsun, meꞌ tsanꞌ jam, vaj meꞌdye qui namꞌ shupquejaꞌ Jenꞌsiꞌyaꞌ vej muꞌ, meꞌdye yiris mọmoꞌ dyijtuc, mọꞌ anicyedyeꞌ. Anicyejaꞌtyiꞌ Jenꞌcheꞌ jụijyaꞌ tsun, räjĉan raꞌ mạꞌjeyacsejaty bäꞌjaꞌ tsun.
7Jiquej miꞌin anic jämꞌ cäc̣häꞌchutinte Jenꞌ. ¿Tyi caꞌ jiꞌyacchuyinac in mọꞌ rụijsis p̂eyacdyeꞌ? 8Mọꞌ jam Jenꞌsiꞌ dyijyedyeꞌ mọꞌ jụj jaꞌyinacsiꞌ miꞌin muꞌ fayinactyiꞌ jiquej miꞌin. 9Meꞌ tsanꞌ muꞌin jam juñucsiꞌ in muꞌin cäjsis jiꞌchäyitidyeꞌ tuiꞌtyiꞌ in, uts qui namꞌ räj ac̣hiꞌtacsi yoctyiꞌ in. Mọꞌ muꞌin jịꞌcätseꞌ in mọꞌ p̂eyacdyeꞌ yiꞌ: "Damꞌ mọmoꞌ bijtac jiꞌdujraquis, ọij na tas jiꞌdujrete muꞌ pan", yiꞌ. 10Meꞌ tsanꞌ meꞌ yụ qui namꞌ chị́yete muꞌ Jenꞌ, muꞌ raꞌ ñútyinac miꞌin paj qui jam anicjeyacsebi miꞌin jiꞌchäyitidyeꞌ muꞌin meꞌtyinactyis in, meꞌ tsanꞌ jam chị́yacsity yụ, Jenꞌ qui na ramꞌ soꞌmacsi vaꞌtacdyeꞌ muꞌin meꞌtyity in.
11Pạrej väñädyeꞌyaꞌ muꞌin jiꞌjäcbun voroꞌyedyeꞌ yụ in, yi in: "Muꞌ Pablo jéyacsi muntyiꞌ jemoñeꞌ seiꞌtac aꞌ muꞌin paj qui tupuj c̣hoñi in, yi muꞌ." Jam qui namꞌ yụ meꞌ yi. Meꞌ yíyaꞌ yụ, muꞌin judío in a vuꞌ ĉa maꞌjotyibun voroꞌyedyeꞌ yụ u in, a vuꞌ ĉa jam jịꞌñibeꞌcan yụ u in. Muꞌin qui namꞌ memꞌ fáquibun voroꞌyedyeꞌ yụ in, mọꞌ yiꞌ junꞌ chuc jam yụꞌtacdyeꞌyaꞌ c̣honjaꞌ tsun, Cristo yirity jiꞌc̣honsinꞌ tsun ijacyaꞌ croshcheꞌ jiquej. 12Muꞌin meꞌtyinactyiꞌ in cäjsisyaꞌ jiꞌchäyitidyeꞌ jiꞌchäyinac in, faraj vuꞌ caꞌ ĉụiꞌdye meꞌ vaꞌquicdyi in, paj ĉụiꞌ tas ac̣hiꞌtaqui aꞌ muꞌin.
13Vojity, aty c̣hoñity miꞌin yụꞌtacdyeꞌĉan. Meꞌ tsanꞌ meꞌ, jam qui na ramꞌ cäj yi miꞌin: "Aty c̣honjaty tsun, junꞌ chuc mạꞌjeꞌ aꞌ tsun aꞌc̣his, tupuj meꞌ jämꞌtaĉaꞌ", jam raꞌ meꞌ yi miꞌin. Damꞌdye jämꞌ vaj meij ñútyitidyeij miꞌin mạꞌjitidyesyaꞌ miꞌin. 14Mọꞌ mọjoꞌchas yụꞌtacdyeꞌ yiꞌ: "Mạꞌjeyacsevac fer chätidyeꞌ miꞌin yódyemꞌ ĉụiꞌ mạꞌjiti u miꞌin."#5:14 Romaĉantyidyes 13:8-10 Räj yocsiꞌ yụꞌtacdyeꞌ in sitiꞌ in ọijĉan yirissisĉan yụꞌtacdyeꞌ Jenꞌsiꞌ muꞌ. 15Jam qui namꞌ meꞌ jụijyaꞌ miꞌin, vaj meij fáquiti bäꞌyi jụijyaꞌ miꞌin, judyeyaꞌ vaj meij ñäñiti jụijyaꞌ miꞌin, jeñej buꞌyi vajedyedyeꞌ, vaj meij caravꞌjitiꞌ in, meꞌ buꞌyi shupqui miꞌin. Areꞌĉa vaj meij jiꞌpenjun miꞌin.
Aꞌc̣his aꞌsiꞌ tsun judyeyaꞌ Jenꞌsiꞌ Ạꞌedyeꞌ muꞌ
16Yụ raꞌ jéyac miꞌin: cäc̣häꞌchubimac Jenꞌsiꞌ Ạꞌedyeꞌ muꞌ, paj qui jam cäc̣häꞌchutiñeꞌ aꞌc̣his dyijyedyeꞌ aꞌsiꞌ miꞌin. 17Mọꞌ aꞌc̣his dyijyedyeꞌ aꞌsiꞌ tsun fáquitiꞌ Jenꞌsiꞌtum Ạꞌedyeꞌ muꞌ, mijam vaj meꞌ buꞌyiꞌ mọꞌtum, mọꞌin pärenꞌ in vaj fáquitiꞌ in. Jenꞌsiꞌ Ạꞌedyeꞌ muꞌ anic yocve, jam jeñej aꞌc̣his dyijyedyeꞌ aꞌsiꞌ tsun, mọꞌdyes jam tupuj aꞌc̣his cäc̣häꞌchutiñeꞌ mọꞌ mạꞌjes aꞌ miꞌin. 18Chiqueptinte Jenꞌsiꞌ Ạꞌedyeꞌ jụijyaꞌ miꞌin, aty qui raꞌ jam bächänac quivij mọꞌ yụꞌtacdyeꞌ.
19Anic jorojĉan muꞌin bäꞌyi in aꞌsiꞌ aꞌc̣his dyijyedyeꞌ meꞌchuquity in, muꞌin ac̣hiꞌ bäꞌyi in, judyeyaꞌ voꞌvodyeꞌ dyijtuiꞌ in, tyiĉan ĉụiꞌ mọmoꞌ ĉọshiꞌ in. 20Pạrej jämꞌtacdyeꞌcheꞌ cudyiti in, judyeyaꞌ pạrej cọcojsiꞌnaqui in, judyeyaꞌ chimeꞌ vaj meij fáquitidyeij in, judyeyaꞌ doroiꞌjitidyeij in, jedyeꞌ ĉụiꞌ mọmoꞌ jiꞌfajquiyiti in, pạrej muꞌyaꞌ jam jaijve fạ́coij in, judyeyaꞌ yi in paj qui vaj meijti fáquiti yoctyiꞌ in, judyeyaꞌ yoc yoc dyijyi in. 21Pạrej jiꞌmeꞌtyiyitidyeij jedyeꞌ in, pạrej shuꞌqui in, pạrej feshtadyeꞌ dyijtuiꞌ in, joꞌmemes meꞌchuiꞌ in, meꞌ meꞌ bäꞌyi in muꞌin aꞌc̣his dyijyedyeꞌ aꞌsiꞌ meꞌchuquity in. Quivij raꞌ yụ fercheꞌ jéyac: tyi chuc meꞌ bäꞌyity jụijyaꞌ in, muꞌin jam junꞌ Jenꞌyadyety in ayoꞌbuꞌyedyeꞌĉan muꞌ.
22Anic yocve carijtaquiꞌ Jenꞌsiꞌ Ạꞌedyeꞌ muꞌ, mọꞌ yiꞌ paj qui mạꞌjeyacsejaty bäꞌjaꞌ tsun, mọꞌ soꞌmisinꞌ maꞌjodyeꞌ judyeyaꞌ dyichyedyeꞌ, judyeyaꞌ chimeꞌ paj qui vaj meij jämꞌjitiĉaꞌ tsun judyeyaꞌ paj qui jämꞌjeyacsejaty bäꞌjaꞌ tsun judyeyaꞌ ñịbeꞌ ĉọcsejaꞌ chimeꞌ, judyeyaꞌ paj qui jịꞌcätsaĉaꞌ p̂eyacdyeꞌ tsun meꞌ jéyacsejaꞌ jụijyaꞌ. 23Chimeꞌdye yiꞌ paj qui jam vaꞌbunnaĉaꞌ, judyeyaꞌ paj qui jämꞌ ĉujcatiĉaꞌ chimeꞌ tsun. Itŝiꞌ mọꞌyaꞌ yụꞌtacdyeꞌ yiꞌ paj qui jam meꞌ bäꞌjaꞌ tsun. 24Muꞌin Jesucristoty in aty jiꞌsänaqui in aꞌc̣his dyijyedyeꞌ ĉụiꞌsiꞌ muꞌin, räjtumdye aꞌc̣his mạꞌjeꞌsiꞌ in, croshcheꞌ jiquej jiꞌsänac aꞌc̣his dyijyedyeꞌ muꞌin. 25Mọꞌ qui namꞌ Jenꞌsiꞌ Ạꞌedyeꞌ muꞌ tsạꞌchusinꞌ tsun, jemoñeꞌ ĉụiꞌ jiꞌsäsdyiĉaꞌ paj qui mọꞌ bächäsinꞌ tsun.
26Mọꞌdyes jam raꞌ ĉụiꞌ timaꞌquitiĉaꞌ tsun mijam raꞌ jiꞌfajquiyitiĉaꞌ, mijam raꞌ jiꞌmeꞌtyiyitiĉaꞌ jedyeꞌ tsun.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'