Marcos 7
7
Yicdyeꞌ muꞌin urucyaꞌmuntyis in
(Mat 15:1-20)
1Fariseo in judyeyaꞌ Jerusalénĉantyiꞌ jịꞌchiyacsity yụꞌtacdyeꞌ in, muꞌin ĉọshte Jesús in. 2Muꞌin cạvepte in Jesústyiꞌ jịꞌchiyactyiꞌ muꞌ, aty raꞌ säcsi in pạrej jam cäc̣häꞌchucsebi yicdyeꞌ judíos muꞌin, jam tashcheꞌ jämꞌ yụꞌtaqui un muꞌin. 3Muꞌin na fariseo in judyeyaꞌ yoctyiꞌ judío in muꞌin jambiꞌ jụꞌñiij säcsi in junꞌ quiꞌ chuc jämꞌ yụꞌtaqui un muꞌin, chat q̂uinꞌdyemꞌ säcsi muꞌin in, ĉaĉaij na meꞌdye yi vóshiꞌvun muꞌin. 4Chimeꞌdye prasayaty acaꞌyaꞌ jịjcaban jụijyaꞌ in jam tupuj säcseban in jambiꞌ jụijyaꞌ rụij favjun unyaꞌ in. Daiꞌ mọꞌyaꞌ yicdyeꞌ joꞌmes cäc̣häꞌchuiꞌsiꞌ in. Chimeꞌdye muꞌyaꞌ rụij favety pijiꞌ muꞌin judyeyaꞌ tyéquis muꞌin judyeyaꞌ tạꞌdyity muꞌin judyeyaꞌ ĉọshaquis chimeꞌ muꞌin. 5Chat qui muꞌin fariseo in judyeyaꞌ muꞌin jịꞌchiyacsity yụꞌtacdyeꞌ in jéte Jesús in:
—¿Junꞌ dash jịꞌchiyactyiꞌ mi muyetyejcaiꞌ in mọꞌ jiꞌchäyitidyeꞌ soꞌmisinꞌsiꞌ tsun vóshiꞌvun jiquej tsun? Ĉaĉaij na muꞌin säcsi in jam tashcheꞌ jämꞌ yụꞌtaqui un muꞌin.
6Jesús vorjeyacsi:
—Anic ac̣hiꞌ dyijyity miꞌin, jämꞌ yuꞌti tsanꞌ miꞌin, anic rụij p̂iijnac jiquej miꞌin Isaíassiꞌ sánacdyeꞌ muꞌ, yiꞌ:
Yi muꞌ Jenꞌ: "Útsi muntyiꞌ q̂uinꞌ in p̂eyacdyeꞌyamꞌ irijyi yụ́cheꞌ in,
ĉojtyiꞌ qui namꞌ jam úyaꞌ muꞌin,
jam irijyi yụ́cheꞌ in.
7Fibimꞌ timaꞌquin yụ in,
ĉaĉaij na muntyis mọmoꞌ yicdyeꞌ jịꞌchiyacsi in,
jeñej aty yụs yụꞌtacdyeꞌ ĉọiꞌ u in, yiꞌ sánacdyeꞌ."
8Meꞌdye miꞌin vaꞌquecbitinte Jenꞌsiꞌ yụꞌtacdyeꞌ muꞌ, ĉụiꞌsimꞌ yicdyeꞌ meꞌchuqui miꞌin.
9Chimeꞌdye jéyacsi:
—Där jämꞌ ĉúti miꞌin, ĉụiꞌsiꞌyaꞌ dyijyedyeꞌ miꞌin muyi miꞌin Jenꞌsiꞌyaꞌ yụꞌtacdyeꞌ muꞌ, paj qui ĉụiꞌsiꞌ yicdyeꞌ meꞌchuqui miꞌin. 10Moisés sáñeꞌ: "Jämꞌjeyaqui raꞌ ĉụiꞌtyiꞌ jenꞌ miꞌin judyeyaꞌ tseꞌ miꞌin."#7:10 Exodo 20:12 Chimeꞌdye yi: "Tyi chuc mistaqui ĉụiꞌtyiꞌ jenꞌ muꞌ judyeyaꞌ tseꞌ muꞌ, muꞌ raꞌ sänꞌdyeꞌ soꞌmac", yi. 11-12Miꞌin na ĉụiꞌsimꞌ jiꞌchäyitidyeꞌ yụꞌtaqui miꞌin paj qui jam nọ́taqui ĉụiꞌtyiꞌ jenꞌ miꞌin. Yi miꞌin: "Yirity muntyiꞌ meꞌ buꞌyi yi jụijyaꞌ: Räj jedyeꞌ ĉụiꞌ meꞌchuiꞌsiꞌ q̂uinꞌ yụ, aty Jenꞌdyes yụꞌtaqui yụ." Tyi chuc meꞌ yụꞌtyety p̂eyacdyeꞌ jụijyaꞌ in, meꞌ tsanꞌ meꞌchuiꞌtyiꞌ jedyeꞌ in, aty qui namꞌ jam jemoñeꞌ nọ́taqui ĉụiꞌtyiꞌ jenꞌ muꞌin judyeyaꞌ tseꞌ muꞌin, meꞌ tsanꞌ muꞌin jayejjotaqui in, meꞌ yi miꞌin. 13Meꞌtyity nash miꞌin muyetyejcabitintety Jenꞌsiꞌyaꞌ jiꞌchäyitidyeꞌ muꞌ, ĉụiꞌsimꞌ jiꞌchäyitidyeꞌ cạqui miꞌin, mọꞌdye mọmoꞌ jịꞌchiyacsi yoctyiꞌ chimeꞌ miꞌin. Anic daiꞌ joꞌmes jämꞌtiñeꞌ miꞌin.
Ac̣hiꞌtacsis muntyiꞌ
14Jesús quivij fayacsi muntyiꞌ in jéyacsi:
—Seꞌvibutiĉamꞌ jämꞌ ọij p̂eyacdyeꞌ yụ, räj miꞌin q̂uinꞌ jemoñeꞌ chicacsi miꞌin jedyeꞌ buty cạiꞌ ọij. 15-16Jedyeꞌ chuc jebeiꞌ yirity muntyiꞌ, jam mọꞌ junꞌ jaꞌac̣hiꞌti Jenꞌdyes. Mọꞌ jiꞌshupqueꞌsiꞌ ĉojtyiꞌĉan, mọꞌ chat jaꞌac̣hiꞌti.
17Jesús qui yạjquicsi muntyiꞌ chat qui siti acaꞌĉan. Jịꞌchiyactyiꞌ qui muꞌ jéte in:
—¿Jedyeꞌ buty cạiꞌ mọꞌ p̂eyacdyeꞌ jítiĉas bajaꞌ miꞌin?
18Jesús vorjeyacsi:
—¿Tacaꞌ adac itŝiꞌ dyijyedyeꞌ miꞌin? ¿Jam adac chịj miꞌin, jedyeꞌ chuc jebeiꞌ yirity muntyiꞌ q̂uinꞌ jam mọꞌ junꞌ jaꞌac̣hiꞌti Jenꞌdyes? 19Ĉaĉaij na mọꞌ jam junꞌ jasäsbuti ĉojtyiꞌ muꞌ, voꞌcoĉan mọmoꞌ jịꞌtŝoiꞌ, aty meꞌsiꞌ chat qui jiꞌshupjan.
(Ọij p̂eyacdyeꞌ muꞌ jiꞌchäquiyisinꞌ räj säcsedyeꞌ in jämꞌ jebac.) 20Chimeꞌdye yi muꞌ Jesús:
—Mọꞌ jiꞌshupques muntyiꞌ in mọꞌ nash ac̣hiꞌtacsiꞌ, 21ĉaĉaij na ĉojtyiꞌĉan muꞌin mọꞌ jiꞌshupqueꞌ in räj aꞌc̣his dyijyedyeꞌ muꞌin, judyeyaꞌ voꞌvodyeꞌ muꞌin, judyeyaꞌ shapudyeꞌ muꞌin, judyeyaꞌ shuꞌadyeꞌ muꞌin judyeyaꞌ ijatidyeꞌ muꞌin, 22judyeyaꞌ ac̣hiꞌtidyeꞌ muꞌin, judyeyaꞌ väñädyeꞌ muꞌin, judyeyaꞌ jiꞌmeꞌtyiyitidyeꞌ jedyeꞌ muꞌin, judyeyaꞌ ñäñitidyeꞌ muꞌin, judyeyaꞌ vaꞌbunyedyeꞌ chimeꞌ muꞌin. Chimeꞌdye fer mạꞌjeꞌ jedyeꞌ in, anic jiyi ac̣hiꞌ bäꞌyi in judyeyaꞌ itŝiꞌ dyijyedyeꞌ muꞌin. 23Räj ọij joꞌmes aꞌc̣his dyijyedyeꞌ yacchutiꞌ muntyisĉansiꞌ ĉojtyiꞌ muꞌ, mọꞌ nash jaꞌac̣hiꞌti Jenꞌdyes.
Yiris p̂en jam judío anicjetes Jesús
(Mat 15:21-28)
24Jesús roiꞌjeꞌ Tirove jịjcaij. Yirisĉan acaꞌ dyäqui muꞌ, jam tsanꞌ mạꞌjeꞌ muꞌ paj qui chịjve muntyiꞌ in, jam qui namꞌ junꞌ tupuj jijmuꞌsiti. 25Chimeꞌdye yiris p̂en ạvaꞌ mọꞌ sọyoꞌtumsiꞌ, chị́quiꞌ muꞌĉan muꞌ Jesús, mọꞌdyes qui ĉọcte muꞌ Jesús dyụtsyiꞌ muꞌsiꞌyaꞌ vej muꞌ. 26Jam mọꞌ judío, yocves ayij sirofenicia, meꞌ tịj jacsiꞌ mọꞌ. Mọꞌ fer cọdyete Jesús paj qui muꞌ meijjajityiyibunꞌ sọyoꞌ ạvaꞌsimꞌ. 27Jesús jeꞌ:
—Jemoñeꞌ tashcheꞌ jiꞌsäcsac ạvaꞌ in. Jam nash jämꞌ chutyetac säcsedyeꞌ ạvaꞌ in chat qui soꞌmac ac̣huj in.#7:27 Yi judío in: "Tsun Israeltyiꞌ vóshiꞌ tsun jeñej buꞌjaꞌ ạvaꞌ tsun, muꞌin qui na jam judío in jeñejjeyacsi ac̣huj in", yi in.
28Mọꞌ vorjete:
—Anic meꞌ Jịꞌchiyacsity, meꞌ tsanꞌ meꞌ mọꞌin qui namꞌ ac̣huj mesayas in, mọꞌ tsimjanꞌ in q̂uemiꞌmiiꞌsiꞌ ạvaꞌsiꞌ in, mọꞌ jebeiꞌ in.#7:28 P̂eyacdyeꞌyaꞌ mọꞌ p̂en jịꞌĉoyete anicyedyeꞌ mọꞌ.
29Jesús vorjeꞌ:
—Anic rụij voryiꞌ mi anicyedyeꞌyaꞌ mi. Tupuj acaꞌyaꞌ jịjcabanꞌ mi, a nash meijyebanꞌ sọyoꞌ ạvaꞌĉansim.
30Chat qui acaꞌyaꞌ jịjcabanꞌ mọꞌ p̂en dạcajquiĉan ạvaꞌ mọꞌ jubijĉan, aty meijyebadaque sọyoꞌ mọꞌĉansiꞌ.
Jesús yirity jiꞌchäĉajte jepepej judyeyaꞌ jam seꞌvaquity
31Jesús yạjquibanꞌ mọꞌ jac Tiro, Sidónve qui tyeij, chimeꞌ buꞌyidye tyeij Decápolisve, Mar Galilea mọꞌ chaꞌsheꞌ. 32Tuyete in yirity jepepej muntyiꞌ, jänꞌjänꞌyi p̂eyaquity. Muꞌin fer cọdyete in muꞌ Jesús jéte in paj qui muꞌ tocoꞌjete. 33Jesús yocyaꞌ jácati, chocomjete chunĉan c̣hirijriyaꞌ muꞌ judyeyaꞌ taiꞌjepte nem sónoꞌyamꞌ. 34Chat qui muꞌ Jesús mạyedyeꞌcheꞌ cạvi, fer jụ́tyejyi judyeyaꞌ jajiti:
—¡Efata! (Mọꞌ yiꞌ ca yiꞌ: "¡Chapyeva!")
35Meꞌĉandye chun muꞌ jonoc tyeiꞌ muꞌ, judyeyaꞌ chap tyeiꞌ nem muꞌ chimeꞌ, chap vatyquej p̂eyaqui muꞌ. 36Jesús jéyacsi paj qui jam yoctyiꞌ jịꞌchiqueyacsi muntyiꞌ in. Meꞌ tsanꞌ fercheꞌ jéyacsi muꞌ paj qui jam p̂eijteve in, muꞌin qui na jam c̣huꞌc̣huij in, dadamꞌ mujuꞌchaꞌ p̂eijte in, jam damꞌ ticamete in. 37Anic jiyi äjyi in. Yi in:
—Räjdye jämꞌsiꞌ carijtacdyeꞌ muꞌ, meij jịjcaij muꞌ jiꞌseꞌvacseban muꞌin tyuctyity chun in judyeyaꞌ jiꞌp̂eyacacseban muꞌin jam p̂eyaquity in.
Currently Selected:
Marcos 7: CAS
Highlight
Share
Copy
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'
Marcos 7
7
Yicdyeꞌ muꞌin urucyaꞌmuntyis in
(Mat 15:1-20)
1Fariseo in judyeyaꞌ Jerusalénĉantyiꞌ jịꞌchiyacsity yụꞌtacdyeꞌ in, muꞌin ĉọshte Jesús in. 2Muꞌin cạvepte in Jesústyiꞌ jịꞌchiyactyiꞌ muꞌ, aty raꞌ säcsi in pạrej jam cäc̣häꞌchucsebi yicdyeꞌ judíos muꞌin, jam tashcheꞌ jämꞌ yụꞌtaqui un muꞌin. 3Muꞌin na fariseo in judyeyaꞌ yoctyiꞌ judío in muꞌin jambiꞌ jụꞌñiij säcsi in junꞌ quiꞌ chuc jämꞌ yụꞌtaqui un muꞌin, chat q̂uinꞌdyemꞌ säcsi muꞌin in, ĉaĉaij na meꞌdye yi vóshiꞌvun muꞌin. 4Chimeꞌdye prasayaty acaꞌyaꞌ jịjcaban jụijyaꞌ in jam tupuj säcseban in jambiꞌ jụijyaꞌ rụij favjun unyaꞌ in. Daiꞌ mọꞌyaꞌ yicdyeꞌ joꞌmes cäc̣häꞌchuiꞌsiꞌ in. Chimeꞌdye muꞌyaꞌ rụij favety pijiꞌ muꞌin judyeyaꞌ tyéquis muꞌin judyeyaꞌ tạꞌdyity muꞌin judyeyaꞌ ĉọshaquis chimeꞌ muꞌin. 5Chat qui muꞌin fariseo in judyeyaꞌ muꞌin jịꞌchiyacsity yụꞌtacdyeꞌ in jéte Jesús in:
—¿Junꞌ dash jịꞌchiyactyiꞌ mi muyetyejcaiꞌ in mọꞌ jiꞌchäyitidyeꞌ soꞌmisinꞌsiꞌ tsun vóshiꞌvun jiquej tsun? Ĉaĉaij na muꞌin säcsi in jam tashcheꞌ jämꞌ yụꞌtaqui un muꞌin.
6Jesús vorjeyacsi:
—Anic ac̣hiꞌ dyijyity miꞌin, jämꞌ yuꞌti tsanꞌ miꞌin, anic rụij p̂iijnac jiquej miꞌin Isaíassiꞌ sánacdyeꞌ muꞌ, yiꞌ:
Yi muꞌ Jenꞌ: "Útsi muntyiꞌ q̂uinꞌ in p̂eyacdyeꞌyamꞌ irijyi yụ́cheꞌ in,
ĉojtyiꞌ qui namꞌ jam úyaꞌ muꞌin,
jam irijyi yụ́cheꞌ in.
7Fibimꞌ timaꞌquin yụ in,
ĉaĉaij na muntyis mọmoꞌ yicdyeꞌ jịꞌchiyacsi in,
jeñej aty yụs yụꞌtacdyeꞌ ĉọiꞌ u in, yiꞌ sánacdyeꞌ."
8Meꞌdye miꞌin vaꞌquecbitinte Jenꞌsiꞌ yụꞌtacdyeꞌ muꞌ, ĉụiꞌsimꞌ yicdyeꞌ meꞌchuqui miꞌin.
9Chimeꞌdye jéyacsi:
—Där jämꞌ ĉúti miꞌin, ĉụiꞌsiꞌyaꞌ dyijyedyeꞌ miꞌin muyi miꞌin Jenꞌsiꞌyaꞌ yụꞌtacdyeꞌ muꞌ, paj qui ĉụiꞌsiꞌ yicdyeꞌ meꞌchuqui miꞌin. 10Moisés sáñeꞌ: "Jämꞌjeyaqui raꞌ ĉụiꞌtyiꞌ jenꞌ miꞌin judyeyaꞌ tseꞌ miꞌin."#7:10 Exodo 20:12 Chimeꞌdye yi: "Tyi chuc mistaqui ĉụiꞌtyiꞌ jenꞌ muꞌ judyeyaꞌ tseꞌ muꞌ, muꞌ raꞌ sänꞌdyeꞌ soꞌmac", yi. 11-12Miꞌin na ĉụiꞌsimꞌ jiꞌchäyitidyeꞌ yụꞌtaqui miꞌin paj qui jam nọ́taqui ĉụiꞌtyiꞌ jenꞌ miꞌin. Yi miꞌin: "Yirity muntyiꞌ meꞌ buꞌyi yi jụijyaꞌ: Räj jedyeꞌ ĉụiꞌ meꞌchuiꞌsiꞌ q̂uinꞌ yụ, aty Jenꞌdyes yụꞌtaqui yụ." Tyi chuc meꞌ yụꞌtyety p̂eyacdyeꞌ jụijyaꞌ in, meꞌ tsanꞌ meꞌchuiꞌtyiꞌ jedyeꞌ in, aty qui namꞌ jam jemoñeꞌ nọ́taqui ĉụiꞌtyiꞌ jenꞌ muꞌin judyeyaꞌ tseꞌ muꞌin, meꞌ tsanꞌ muꞌin jayejjotaqui in, meꞌ yi miꞌin. 13Meꞌtyity nash miꞌin muyetyejcabitintety Jenꞌsiꞌyaꞌ jiꞌchäyitidyeꞌ muꞌ, ĉụiꞌsimꞌ jiꞌchäyitidyeꞌ cạqui miꞌin, mọꞌdye mọmoꞌ jịꞌchiyacsi yoctyiꞌ chimeꞌ miꞌin. Anic daiꞌ joꞌmes jämꞌtiñeꞌ miꞌin.
Ac̣hiꞌtacsis muntyiꞌ
14Jesús quivij fayacsi muntyiꞌ in jéyacsi:
—Seꞌvibutiĉamꞌ jämꞌ ọij p̂eyacdyeꞌ yụ, räj miꞌin q̂uinꞌ jemoñeꞌ chicacsi miꞌin jedyeꞌ buty cạiꞌ ọij. 15-16Jedyeꞌ chuc jebeiꞌ yirity muntyiꞌ, jam mọꞌ junꞌ jaꞌac̣hiꞌti Jenꞌdyes. Mọꞌ jiꞌshupqueꞌsiꞌ ĉojtyiꞌĉan, mọꞌ chat jaꞌac̣hiꞌti.
17Jesús qui yạjquicsi muntyiꞌ chat qui siti acaꞌĉan. Jịꞌchiyactyiꞌ qui muꞌ jéte in:
—¿Jedyeꞌ buty cạiꞌ mọꞌ p̂eyacdyeꞌ jítiĉas bajaꞌ miꞌin?
18Jesús vorjeyacsi:
—¿Tacaꞌ adac itŝiꞌ dyijyedyeꞌ miꞌin? ¿Jam adac chịj miꞌin, jedyeꞌ chuc jebeiꞌ yirity muntyiꞌ q̂uinꞌ jam mọꞌ junꞌ jaꞌac̣hiꞌti Jenꞌdyes? 19Ĉaĉaij na mọꞌ jam junꞌ jasäsbuti ĉojtyiꞌ muꞌ, voꞌcoĉan mọmoꞌ jịꞌtŝoiꞌ, aty meꞌsiꞌ chat qui jiꞌshupjan.
(Ọij p̂eyacdyeꞌ muꞌ jiꞌchäquiyisinꞌ räj säcsedyeꞌ in jämꞌ jebac.) 20Chimeꞌdye yi muꞌ Jesús:
—Mọꞌ jiꞌshupques muntyiꞌ in mọꞌ nash ac̣hiꞌtacsiꞌ, 21ĉaĉaij na ĉojtyiꞌĉan muꞌin mọꞌ jiꞌshupqueꞌ in räj aꞌc̣his dyijyedyeꞌ muꞌin, judyeyaꞌ voꞌvodyeꞌ muꞌin, judyeyaꞌ shapudyeꞌ muꞌin, judyeyaꞌ shuꞌadyeꞌ muꞌin judyeyaꞌ ijatidyeꞌ muꞌin, 22judyeyaꞌ ac̣hiꞌtidyeꞌ muꞌin, judyeyaꞌ väñädyeꞌ muꞌin, judyeyaꞌ jiꞌmeꞌtyiyitidyeꞌ jedyeꞌ muꞌin, judyeyaꞌ ñäñitidyeꞌ muꞌin, judyeyaꞌ vaꞌbunyedyeꞌ chimeꞌ muꞌin. Chimeꞌdye fer mạꞌjeꞌ jedyeꞌ in, anic jiyi ac̣hiꞌ bäꞌyi in judyeyaꞌ itŝiꞌ dyijyedyeꞌ muꞌin. 23Räj ọij joꞌmes aꞌc̣his dyijyedyeꞌ yacchutiꞌ muntyisĉansiꞌ ĉojtyiꞌ muꞌ, mọꞌ nash jaꞌac̣hiꞌti Jenꞌdyes.
Yiris p̂en jam judío anicjetes Jesús
(Mat 15:21-28)
24Jesús roiꞌjeꞌ Tirove jịjcaij. Yirisĉan acaꞌ dyäqui muꞌ, jam tsanꞌ mạꞌjeꞌ muꞌ paj qui chịjve muntyiꞌ in, jam qui namꞌ junꞌ tupuj jijmuꞌsiti. 25Chimeꞌdye yiris p̂en ạvaꞌ mọꞌ sọyoꞌtumsiꞌ, chị́quiꞌ muꞌĉan muꞌ Jesús, mọꞌdyes qui ĉọcte muꞌ Jesús dyụtsyiꞌ muꞌsiꞌyaꞌ vej muꞌ. 26Jam mọꞌ judío, yocves ayij sirofenicia, meꞌ tịj jacsiꞌ mọꞌ. Mọꞌ fer cọdyete Jesús paj qui muꞌ meijjajityiyibunꞌ sọyoꞌ ạvaꞌsimꞌ. 27Jesús jeꞌ:
—Jemoñeꞌ tashcheꞌ jiꞌsäcsac ạvaꞌ in. Jam nash jämꞌ chutyetac säcsedyeꞌ ạvaꞌ in chat qui soꞌmac ac̣huj in.#7:27 Yi judío in: "Tsun Israeltyiꞌ vóshiꞌ tsun jeñej buꞌjaꞌ ạvaꞌ tsun, muꞌin qui na jam judío in jeñejjeyacsi ac̣huj in", yi in.
28Mọꞌ vorjete:
—Anic meꞌ Jịꞌchiyacsity, meꞌ tsanꞌ meꞌ mọꞌin qui namꞌ ac̣huj mesayas in, mọꞌ tsimjanꞌ in q̂uemiꞌmiiꞌsiꞌ ạvaꞌsiꞌ in, mọꞌ jebeiꞌ in.#7:28 P̂eyacdyeꞌyaꞌ mọꞌ p̂en jịꞌĉoyete anicyedyeꞌ mọꞌ.
29Jesús vorjeꞌ:
—Anic rụij voryiꞌ mi anicyedyeꞌyaꞌ mi. Tupuj acaꞌyaꞌ jịjcabanꞌ mi, a nash meijyebanꞌ sọyoꞌ ạvaꞌĉansim.
30Chat qui acaꞌyaꞌ jịjcabanꞌ mọꞌ p̂en dạcajquiĉan ạvaꞌ mọꞌ jubijĉan, aty meijyebadaque sọyoꞌ mọꞌĉansiꞌ.
Jesús yirity jiꞌchäĉajte jepepej judyeyaꞌ jam seꞌvaquity
31Jesús yạjquibanꞌ mọꞌ jac Tiro, Sidónve qui tyeij, chimeꞌ buꞌyidye tyeij Decápolisve, Mar Galilea mọꞌ chaꞌsheꞌ. 32Tuyete in yirity jepepej muntyiꞌ, jänꞌjänꞌyi p̂eyaquity. Muꞌin fer cọdyete in muꞌ Jesús jéte in paj qui muꞌ tocoꞌjete. 33Jesús yocyaꞌ jácati, chocomjete chunĉan c̣hirijriyaꞌ muꞌ judyeyaꞌ taiꞌjepte nem sónoꞌyamꞌ. 34Chat qui muꞌ Jesús mạyedyeꞌcheꞌ cạvi, fer jụ́tyejyi judyeyaꞌ jajiti:
—¡Efata! (Mọꞌ yiꞌ ca yiꞌ: "¡Chapyeva!")
35Meꞌĉandye chun muꞌ jonoc tyeiꞌ muꞌ, judyeyaꞌ chap tyeiꞌ nem muꞌ chimeꞌ, chap vatyquej p̂eyaqui muꞌ. 36Jesús jéyacsi paj qui jam yoctyiꞌ jịꞌchiqueyacsi muntyiꞌ in. Meꞌ tsanꞌ fercheꞌ jéyacsi muꞌ paj qui jam p̂eijteve in, muꞌin qui na jam c̣huꞌc̣huij in, dadamꞌ mujuꞌchaꞌ p̂eijte in, jam damꞌ ticamete in. 37Anic jiyi äjyi in. Yi in:
—Räjdye jämꞌsiꞌ carijtacdyeꞌ muꞌ, meij jịjcaij muꞌ jiꞌseꞌvacseban muꞌin tyuctyity chun in judyeyaꞌ jiꞌp̂eyacacseban muꞌin jam p̂eyaquity in.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'