Ətefɨ̂aʼ Etu əghɛ vɛ ə ve nyi fa ŋwàʼlè
Etu əghɛ vɛ ə ve nyi fa ŋwàʼlè
Ə̀ tè nyàʼ kepî Lûk è ŋwàʼlè zɨ̀yn. È tè nyàʼ se tsàyn endom vɛ ə Zuʼse ŋwaʼase tè tsàmte chùmtè èpàm sə Njisə̀s sə shise nə se chyase tom èchùŋ ə Njèlusalɛ̀m è Njòndyâ èkɨ̂m, è Sàmalyà se nduə tàyn ə tepòlə̀ tə mbi tekɨ̂m. Ŋwàʼlè zɨ̀yn nyi feghâŋghàŋə̀ fə kûmə̀ èghɛ ə Fezhə̀zè kə ze tè zhə̀te pəyn ə ghɨə Njûsghè əfètəyn ə kə̀mnə̀ sə epomə̂ sê mbi èkɨ̂m. Lûk kyiŋə kəpî nə ngômnàyn ə Lûm ke nə fɨ̂aʼ ə Fezhə̀zè tè vachi se nji ə fekyə̂ fə vəynfe.
Ghɛ m̀kɔʼnè zɛ ə ze nyi ə ŋwàʼlè ə̀tèfɨ̀aʼ nyi efɨaʼ zɛ ə Zuʼse Ŋwaʼase nə̂, se pəyn e tyaʼke ə ghɨə poməghe ətu ə Njèlusalɛ̀m ə fetuʼ fə pentikɔ̀s, ə fɨnə ndûə kə eshike se chise è kɨsè tsàmtè ə ndɛ ə̀ Fezhə̀ è tu vɛ ve chisə zɨ̂yn se zaʼâ kə ghâŋghàŋə̀ nə fɨ̂nə̀ famə ə ŋwàʼlè ndu mi.
Etu əghɛ vɛ ə ve nyi fâ ŋwàʼlè
Epɨaʼtê se nduə tsàyn eghɛ ə Fezhə̀zè (andiŋ 1.1-26)
Ə tsàyn ghɛə Fezhə̀e ə Njèlusalɛ̀m (endiŋ 2.1–8.3)
Ə tsàyn ghɛə Fezhə̀e ə Njòndyâ è Sàmalyà (endiŋ 8.4–12.25)
Fɨ̂aʼ ə Pɔ̂lzè (endiŋ 13.1–28.31)
Currently Selected:
Ətefɨ̂aʼ Etu əghɛ vɛ ə ve nyi fa ŋwàʼlè: bfm
Highlight
Share
Copy
Want to have your highlights saved across all your devices? Sign up or sign in
©2022 CABTAL