Matyo 25
25
Nklama timi mbɔʼ bwɔaye wum.
1“Èndzobo chɛ abwa zɔnɔ ma ngo gli ngɛ, ebwa m̀fɔ̀ ekere yà mwɔ̀ na m̀fòrò bwɔaye wum â bwɛ enâm àmɔ̀ ngɔ̀ɔ é kla anɔmaye wɛ à me le ebwa nu-aye ngɛ nɔ. 2Bɔ tan abwaʼ angɔ à ne jiŋi, abɔ abê tan me le azɔm. 3Angɔ byɛ à me jiŋi ngɛ â bwɛ enâm àmɔ̀ shi ne nu ndim anâm efwɔ ela tsɛrɛ bèrè bo. 4Bɛʼngɛ angɔ byɛ à me le azɔm ngɛ, â ne bere ekɔʼ tsɛrɛ e shwe ene ndim anâm ene enâm àmɔ̀. 5Éngɛ egho wɛ à me le ebwa nu-aye ngɛ à ke zamma zeʼe bo. Éngɛ angɔ sa ǹtsɔ̀ɔ m̀bwɛrɛ. 6À sa bwɛn aghɛɛghɛɛ ǹklì ega deʼ flaba akwâ kpe egho me le ebwa nu-aye ngɛ wu! Mbɔn zeʼ kla engɔ! 7Éngɛ m̀fòrò bwɔaye wum byɛ tamma ekere gɛ̀rɛ̀ kwaʼra enâm àmɔ̀. 8Éngɛ àbwɔaye tan byɛ â me jiŋi ngɛ ga ebe angɔ byɛ a me le azɔm ngɛ kpe ‘Mbɔn ndɛʼ âfwɔ ndim anâm deʼ endyɛɛ mbɔʼnga enâm mbyɛɛ a sa ke nyim’ 9Bɛʼngɛ àbwɔaye azɔm byɛ gii kpe ‘Mbyɛɛ ke le ndim anâm eghɛʼɛ myɛ è me né kòʼ endɔn mane endyɛɛ ngɛ bo. Mbɔn ngɔɔ ene afwɔ yɛ e ma fɛ̀nnɛ ela ngɛ, gɛ̀rɛ̀ zɔn ndim anâm deʼ aŋu ene egha ndzɔn’ 10Éngɛ ajiŋi bwɔaye byɛ ngɔɔ é zɔn ndim anâm. Aŋu angɔ à gɛrɛ nyɛrɛ ngɛ anɔmaye wɛ bwɛn. Àbwɔaye tan byɛ â shi ndèerè àmɔ̀ ngɛ ngɔ̀ɔ efwɔ ndɔ nè anɔmaye wunɔ ene antara nu-aye wɛ. Engɔ gwɔb enduʼndɔ. 11E sa ndada mpiʼ nɔ, àbwɔaye abê zeʼ sa ku̧u kpe ‘Masa, masa! Ngà fuʼu ndɔ mbyɛɛ nyii.’ 12Anɔmaye wɛ gii kpe ‘Keʼ nɔ! Mmɛ ga éŋwaʼa kpe mmɛ ke nɛɛ angɔn bo!’ ” 13Éngɛ Yeso ngudu ga kpe, “Mbɔn zɔmmɔ angɔn mbɔʼnga mbɔn ke nɛɛ anji kà enyɔ̀m wɛ Ŋwɔ Gho ma zeʼe ngɛ bo.”
Yeso gà nklama timi mbɔʼ bɔ afwɛʼ tɛd
(Luk 19:11-27)
14Éngɛ Yeso gâ kpe, “Èndzobo chɛ ebwa m̀fɔ̀ ekere yà mwɔ énde, gho deʼ à na aŋu wɛ à ma ke ngɔ̀ɔ eghɛb ngɛ. Engɔ zɔʼ bɔ afwɛʼ mɔ gɛ̀rɛ̀ gè angɔ kpe e sa kɔʼ etiʼi ngbe. 15Engɔ à ndɛ̂ʼ ekɛb ebe gho ŋwàʼaŋwàʼ na aŋu egho wɛ à ma fwɛʼ anchwɔnchwɔ ngɛ. Engɔ à ndɛ̂ʼ èfraŋ ètɔɔshin tan ebe egho bi, ndɛʼ èfraŋ ètɔɔshin fyee ebe gho bi gɛ̀rɛ̀ ndɛʼ èfraŋ tɔɔshin ebe egho we. Éngɛ engɔ nyɛrɛ ngɔ̀ɔ eghɛb mɔ. 16Éngɛ egho afwɛʼ wɛ à ndɛʼ èfraŋ ètɔɔshin tan ebe engɔ ngɛ ngɔ̀ɔ ekyɛ ŋwaʼ sa le ewu̧ ene èmɔ ekɛb wɛ ǹtsara ngɔ à gɛrɛ wu mwɔ èfraŋ ètɔɔshin tan ngɛ. 17Ene aghɛʼnji ŋwaʼ ya egho afwɛʼ wɛ a me ndɛʼ engɔ èfraŋ ètɔɔshin fyee ngɛ gɛrɛ wu le èfraŋ ètɔɔshin fyee tsɛrɛ ene ǹtsara. 18Bɛʼngɛ egho afwɛʼ ngɔ wɛ a me ndɛʼ èfraŋ ekotɔɔshin ngɛ ngɔ̀ɔ tɔ ebla a chwâ nɛŋɛ ekɛb masa mɔ efwɔ aŋu. 19Egho kɛ̀ wɛ ngɔ̀ɔ tsɔmɔ endzobo dɔɔdɔɔ gɛ̀rɛ̀ shi zeʼ achim sa wèe akɛb yɛ à me ndɛʼɛ ebe bɔ afwɛʼ mɔ ngɛ. 20Egho afwɛʼ wɛ à me ndɛʼ èfraŋ ètɔɔshin tan ebe engɔ ngɛ zeʼ ndɛʼ ǹtsara èfraŋ ètɔɔshin tan è gà kpe ‘Masa ngwo à ndɛʼ angu èfraŋ ètɔɔshin tan, ne ǹtsara zɔ èfraŋ ètɔɔshin tan yɛ mmɛ shi le achim aŋu ngɛ.’ 21Masa wɛ ga kpe ‘Ngwo we fwɛʼ ebwa ǹchwɔ̀, ngwo gho afwɛʼ nchwɔnchwɔ! Ngwo we fwɛʼ ene etaa mfyɛ gimkpaʼ, ngwo we fwɛʼ é klini bwo abwa. Mmɛ wa ngo le awɛ ngwo sa klini abwa kɛkɛ, ngà zeʼ ntsɔ sa gɛnɛ abɔ.’ 22Éngɛ gho afwɛʼ wɛ à ndɛʼ èfraŋ ètɔɔshin fyee ebe engɔ ngɛ zeʼ gɛ̀rɛ̀ gà kpe ‘Masa ngwo à ndɛʼ angu èfraŋ ètɔɔshin fyee, kɔʼɔ èfraŋ ètɔɔshin tsɛrɛ zɔ fyee mmɛ shi le ene ǹtsara.’ 23Masa wɛ ga kpe, ‘Ngwo we fwɛʼ ebwa ǹchwɔ̀ ngwo gho afwɛʼ nchwɔnchwɔ! Ngwo we fwɛʼ ene etaa mfyɛ gimkpaʼ é klini bwo abwa. Mmɛ wa le awɛ ngwo sa klini abwa kɛkɛ, ngà zeʼ ntsɔ gɛnɛ abɔ!’ 24Éngɛ egho afwɛʼ wɛ à ndɛʼ èfraŋ ekotɔɔshin ebe engɔ ngɛ zeʼ gɛ̀rɛ̀ gà kpe, ‘Masa, mmɛ we nɛɛ awɛ. Ngwo we tuu ghɛʼ. Ngwo wa dzà ela ene afwɔ yɛ ngwo ne me kɔrɔ bo ngɛ, ngwo gɛrɛ wa duu ela ene afwɔ yɛ ngwo ne me mii esam bo ngɛ. 25Éngɛ mmɛ à na bumu, mmɛ nyɛrɛ ngɔɔ tɔ chwâ nɛŋɛ ekɛb ngwɛ efwɔ. Kɔʼɔ, azɔnɔ na ala yɛ ngwo à ndɛʼ ena ngɛ.’ 26Bɛʼngɛ masa wɛ gà ebe engɔ kpe, ‘Ngwo gho afwɛʼ werenji, àbɔɔ abwa wunɔ, ngwo we nɛɛ kpe mmɛ wa dzà ela byɛ mmɛ ne kɔrɔ bo ngɛ, gɛrɛ ma duu ela byɛ mmɛ ne me mii bo ngɛ, ke me éngɛ bo? 27Mala ngwo à me nɛɛ éngɛ, shi ngwo à ngo gè ekɛb ngu efwɔ ndɔ kɛb, shi mmɛ a zeʼe nɔ ngɔ̀ɔ nu ekɛb ngu gimkpaʼ nè ǹtsara achim aŋu.’ 28Éngɛ engɔ ga kpe e nu ekɛb wɛ ebe egho afwɛʼ wunɔ gɛ̀rɛ̀ ndɛʼ ebe egho wɛ à me le èfraŋ ètɔɔshin wum ngɛ. 29Éngɛ egho e me le ngɛ, e ba ngo zhiiri engɔ wu le eghɛʼ fɔɔ. Bɛʼngɛ egho wɛ è ne me le bo ngɛ, ka de mwɔ ampiʼ wɛ engɔ me le ngɛ, e ba nu ebe engɔ. 30Ene gho afwɛʼ ketsɛʼ ǹji wunɔ, mbɔn ndwa engɔ ese akwâ di, engɔ wa sa ku̧u sa kwo ashwɔ mɔ aŋu. ”
Ŋwɔ gho yà sɛ̀ʼ bɔ endzobo ngùdu ese
31Èndzobo chɛ Ŋwɔ Gho ma yà zeʼ na m̀fɔ̀ nɔ, engere ngɔ gɛrɛ mwɔ nè ngɔ ngɛ, engɔ yà tsɔmɔ edɔm atan m̀fɔ̀ mɔ yɛ a me le eghɔ ngɛ. 32Bɔ gimkpaʼ efwɔ ebɛ gimkpaʼ ba ngo buumu àmɔ̀ efàarà engɔ. Éngɛ engɔ wa ngo gɛ̀bbɛ̀ angɔ ene ǹtìmìri fyee na àkɔʼ buru ma kùurù ǹglɔ̀rɔ̀ chidi efwɔ buru ǹdwɔ nɔ. 33Engɔ wa ngo shi abɔ byɛ e ma le abwa yɛ a me koʼro efàarà Ngwe ngɛ abɛɛ abwo nde mɔ gɛ̀rɛ̀ shi abɔ abê abɛɛ abwo mɔ̀ mɔ. 34Éngɛ m̀fɔ̀ ya ngo gà ebe abɔ abɛɛ abwo nde mɔ ngɛ kpe, “Mbɔn zeʼ, mbɔn byɛ Àtɛ ngu à shi ndɛʼ m̀bɔ̀nɔ endɔn ngɛ. Mbɔn zeʼ sa nde ebwa m̀fɔ̀ Ngwe wɛ â shi ndeere shi endɔn nyɛ̀rɛ̀ zèʼe efwɔ èndzobo chɛ à ndeere ese ngɛ. 35Mbɔn ba ngo nde ela bɔnɔ mbɔʼnga mmɛ à na gwɔn nchwɔrɔ mbɔn ndɛʼ ende ena, fi̧ri ntsa ma fe mbɔn ndɛʼ ndim ena, mmɛ à ne ègɔ̀n mbɔn nu angu efwɔ ndɔrɔ ntsɔn, 36mmɛ à ne ekwa kɛɛ mbɔn ge ǹdiri ekwa ngu, mmɛ à na gwɔn mbɔn kɔʼɔ angu, mmɛ ne mwɔ a ndɔdzɔm mbɔn zeʼ gamma ena.” 37Éngɛ abɔ byɛ â ma le abwa yɛ a me koʼro efàarà Ngwe ngɛ ba gii kpe, “Masa mbyɛɛ à zɔ awɛ awe ngwo ma gwɔn nchwɔrɔ mbyɛɛ ndɛʼ ende engɛ̂, kà awe fi̧ri nchɛ ma fe mbyɛɛ ndɛ̂ʼ ala deʼ engɛ̂ ngwo ŋwɔ? 38Ne endzobo tse mbyɛɛ à zɔ awɛ ngwo mwɔ ègɔ̀n mbyɛɛ nu awɛ efwɔ ndɔrɔ nchɛɛ, kà ngwo mwɔ nè ekwa kɛɛ mbyɛɛ ge ǹdiri ekwa ngwɛ? 39Ne endzobo tse mbyɛɛ à zɔ awɛ ngwo ma gwɔn kà ngwo mwɔ a ndɔdzɔm mbyɛɛ zeʼ gamma engɛ̂?” 40Éngɛ m̀fɔ̀ ya ngo gii kpe, “Mmɛ ga éŋwaʼa endɔn kpe akyɛ gimkpaʼ yɛ mbɔn à le énde ekwa bwɔngwa mbu byɛ me tɛŋɛ kpɛɛ ngɛ, ne mwɔ na mbɔn à ma le me ena nɔ.” 41“Éngɛ engɔ wa ngo gà ebe abɔ abɛɛ abwo mɔ̀ mɔ ngɛ kpe, ‘Mbɔn nyɛrɛ ebara mfu, mbɔn byɛ Ngwe à shi ndwaʼ angɔn ngɛ. Mbɔn nyɛrɛ ngɔɔ efwɔ edzɔwu yɛ e ne ma nyimi bo ngɛ, yɛ à shi ndeere shi ebe dɛbli mane engere mɔ ngɛ. 42Mmɛ à na gwɔn nchwɔrɔ bɛʼngɛ mbɔn à ke ndɛʼ ende ena bo, fi̧ri ntsa ma fe mbɔn ne ndɛʼ ala deʼ ena é ŋwɔ bo. 43Mmɛ à ne ègɔ̀n mbɔn ke nu angu efwɔ ndɔrɔ ntsɔn bo, mmɛ mwɔ nè ekwa kɛɛ mbɔn ke ge ǹdiri ekwa ngu bo. Mmɛ à na gwɔn gɛ̀rɛ̀ mwɔ a ndɔdzɔm mbɔn ke zeʼe kɔʼrɔ angu bo.’ 44Éngɛ angɔ ba ngo gii kpe, ‘Masakɛ ne endzobo tse mbyɛɛ à zɔ awɛ ngwo ma gwɔn nchwɔrɔ kà fi̧ri nchɛ ma fe kà ngwo mwɔ ègɔ̀n kà ngwo mwɔ ekwa kɛɛ kà ngwo ma gwɔn kà ngwo mwɔ ndɔdzɔm mbyɛɛ tɔrɔ awɛ ke kpèdè?’ 45Éngɛ engɔ gii kpe ‘Mmɛ na gà éŋwaʼa endɔn kpe akyɛ gimkpaʼ yɛ mbɔn à tɔn é kpèdè bwɔngwa mbu ka dye mwɔ engɔ wɛ me tɛŋɛ kpɛɛ ngɛ, e ne mwɔ na mbɔn à tɔn é kpèdè angu nɔ.’ 46Éngɛ e ba sàa abɔ bɔnɔ efwɔ enyii kengudu, bɛʼngɛ abɔ e ma le abwa yɛ a me koʼro efàarà Ngwe ngɛ, e ba sàa angɔ efwɔ etyê kengudu.”
Currently Selected:
Matyo 25: nbt
Highlight
Share
Copy
Want to have your highlights saved across all your devices? Sign up or sign in
© 2022, CABTAL
Matyo 25
25
Nklama timi mbɔʼ bwɔaye wum.
1“Èndzobo chɛ abwa zɔnɔ ma ngo gli ngɛ, ebwa m̀fɔ̀ ekere yà mwɔ̀ na m̀fòrò bwɔaye wum â bwɛ enâm àmɔ̀ ngɔ̀ɔ é kla anɔmaye wɛ à me le ebwa nu-aye ngɛ nɔ. 2Bɔ tan abwaʼ angɔ à ne jiŋi, abɔ abê tan me le azɔm. 3Angɔ byɛ à me jiŋi ngɛ â bwɛ enâm àmɔ̀ shi ne nu ndim anâm efwɔ ela tsɛrɛ bèrè bo. 4Bɛʼngɛ angɔ byɛ à me le azɔm ngɛ, â ne bere ekɔʼ tsɛrɛ e shwe ene ndim anâm ene enâm àmɔ̀. 5Éngɛ egho wɛ à me le ebwa nu-aye ngɛ à ke zamma zeʼe bo. Éngɛ angɔ sa ǹtsɔ̀ɔ m̀bwɛrɛ. 6À sa bwɛn aghɛɛghɛɛ ǹklì ega deʼ flaba akwâ kpe egho me le ebwa nu-aye ngɛ wu! Mbɔn zeʼ kla engɔ! 7Éngɛ m̀fòrò bwɔaye wum byɛ tamma ekere gɛ̀rɛ̀ kwaʼra enâm àmɔ̀. 8Éngɛ àbwɔaye tan byɛ â me jiŋi ngɛ ga ebe angɔ byɛ a me le azɔm ngɛ kpe ‘Mbɔn ndɛʼ âfwɔ ndim anâm deʼ endyɛɛ mbɔʼnga enâm mbyɛɛ a sa ke nyim’ 9Bɛʼngɛ àbwɔaye azɔm byɛ gii kpe ‘Mbyɛɛ ke le ndim anâm eghɛʼɛ myɛ è me né kòʼ endɔn mane endyɛɛ ngɛ bo. Mbɔn ngɔɔ ene afwɔ yɛ e ma fɛ̀nnɛ ela ngɛ, gɛ̀rɛ̀ zɔn ndim anâm deʼ aŋu ene egha ndzɔn’ 10Éngɛ ajiŋi bwɔaye byɛ ngɔɔ é zɔn ndim anâm. Aŋu angɔ à gɛrɛ nyɛrɛ ngɛ anɔmaye wɛ bwɛn. Àbwɔaye tan byɛ â shi ndèerè àmɔ̀ ngɛ ngɔ̀ɔ efwɔ ndɔ nè anɔmaye wunɔ ene antara nu-aye wɛ. Engɔ gwɔb enduʼndɔ. 11E sa ndada mpiʼ nɔ, àbwɔaye abê zeʼ sa ku̧u kpe ‘Masa, masa! Ngà fuʼu ndɔ mbyɛɛ nyii.’ 12Anɔmaye wɛ gii kpe ‘Keʼ nɔ! Mmɛ ga éŋwaʼa kpe mmɛ ke nɛɛ angɔn bo!’ ” 13Éngɛ Yeso ngudu ga kpe, “Mbɔn zɔmmɔ angɔn mbɔʼnga mbɔn ke nɛɛ anji kà enyɔ̀m wɛ Ŋwɔ Gho ma zeʼe ngɛ bo.”
Yeso gà nklama timi mbɔʼ bɔ afwɛʼ tɛd
(Luk 19:11-27)
14Éngɛ Yeso gâ kpe, “Èndzobo chɛ ebwa m̀fɔ̀ ekere yà mwɔ énde, gho deʼ à na aŋu wɛ à ma ke ngɔ̀ɔ eghɛb ngɛ. Engɔ zɔʼ bɔ afwɛʼ mɔ gɛ̀rɛ̀ gè angɔ kpe e sa kɔʼ etiʼi ngbe. 15Engɔ à ndɛ̂ʼ ekɛb ebe gho ŋwàʼaŋwàʼ na aŋu egho wɛ à ma fwɛʼ anchwɔnchwɔ ngɛ. Engɔ à ndɛ̂ʼ èfraŋ ètɔɔshin tan ebe egho bi, ndɛʼ èfraŋ ètɔɔshin fyee ebe gho bi gɛ̀rɛ̀ ndɛʼ èfraŋ tɔɔshin ebe egho we. Éngɛ engɔ nyɛrɛ ngɔ̀ɔ eghɛb mɔ. 16Éngɛ egho afwɛʼ wɛ à ndɛʼ èfraŋ ètɔɔshin tan ebe engɔ ngɛ ngɔ̀ɔ ekyɛ ŋwaʼ sa le ewu̧ ene èmɔ ekɛb wɛ ǹtsara ngɔ à gɛrɛ wu mwɔ èfraŋ ètɔɔshin tan ngɛ. 17Ene aghɛʼnji ŋwaʼ ya egho afwɛʼ wɛ a me ndɛʼ engɔ èfraŋ ètɔɔshin fyee ngɛ gɛrɛ wu le èfraŋ ètɔɔshin fyee tsɛrɛ ene ǹtsara. 18Bɛʼngɛ egho afwɛʼ ngɔ wɛ a me ndɛʼ èfraŋ ekotɔɔshin ngɛ ngɔ̀ɔ tɔ ebla a chwâ nɛŋɛ ekɛb masa mɔ efwɔ aŋu. 19Egho kɛ̀ wɛ ngɔ̀ɔ tsɔmɔ endzobo dɔɔdɔɔ gɛ̀rɛ̀ shi zeʼ achim sa wèe akɛb yɛ à me ndɛʼɛ ebe bɔ afwɛʼ mɔ ngɛ. 20Egho afwɛʼ wɛ à me ndɛʼ èfraŋ ètɔɔshin tan ebe engɔ ngɛ zeʼ ndɛʼ ǹtsara èfraŋ ètɔɔshin tan è gà kpe ‘Masa ngwo à ndɛʼ angu èfraŋ ètɔɔshin tan, ne ǹtsara zɔ èfraŋ ètɔɔshin tan yɛ mmɛ shi le achim aŋu ngɛ.’ 21Masa wɛ ga kpe ‘Ngwo we fwɛʼ ebwa ǹchwɔ̀, ngwo gho afwɛʼ nchwɔnchwɔ! Ngwo we fwɛʼ ene etaa mfyɛ gimkpaʼ, ngwo we fwɛʼ é klini bwo abwa. Mmɛ wa ngo le awɛ ngwo sa klini abwa kɛkɛ, ngà zeʼ ntsɔ sa gɛnɛ abɔ.’ 22Éngɛ gho afwɛʼ wɛ à ndɛʼ èfraŋ ètɔɔshin fyee ebe engɔ ngɛ zeʼ gɛ̀rɛ̀ gà kpe ‘Masa ngwo à ndɛʼ angu èfraŋ ètɔɔshin fyee, kɔʼɔ èfraŋ ètɔɔshin tsɛrɛ zɔ fyee mmɛ shi le ene ǹtsara.’ 23Masa wɛ ga kpe, ‘Ngwo we fwɛʼ ebwa ǹchwɔ̀ ngwo gho afwɛʼ nchwɔnchwɔ! Ngwo we fwɛʼ ene etaa mfyɛ gimkpaʼ é klini bwo abwa. Mmɛ wa le awɛ ngwo sa klini abwa kɛkɛ, ngà zeʼ ntsɔ gɛnɛ abɔ!’ 24Éngɛ egho afwɛʼ wɛ à ndɛʼ èfraŋ ekotɔɔshin ebe engɔ ngɛ zeʼ gɛ̀rɛ̀ gà kpe, ‘Masa, mmɛ we nɛɛ awɛ. Ngwo we tuu ghɛʼ. Ngwo wa dzà ela ene afwɔ yɛ ngwo ne me kɔrɔ bo ngɛ, ngwo gɛrɛ wa duu ela ene afwɔ yɛ ngwo ne me mii esam bo ngɛ. 25Éngɛ mmɛ à na bumu, mmɛ nyɛrɛ ngɔɔ tɔ chwâ nɛŋɛ ekɛb ngwɛ efwɔ. Kɔʼɔ, azɔnɔ na ala yɛ ngwo à ndɛʼ ena ngɛ.’ 26Bɛʼngɛ masa wɛ gà ebe engɔ kpe, ‘Ngwo gho afwɛʼ werenji, àbɔɔ abwa wunɔ, ngwo we nɛɛ kpe mmɛ wa dzà ela byɛ mmɛ ne kɔrɔ bo ngɛ, gɛrɛ ma duu ela byɛ mmɛ ne me mii bo ngɛ, ke me éngɛ bo? 27Mala ngwo à me nɛɛ éngɛ, shi ngwo à ngo gè ekɛb ngu efwɔ ndɔ kɛb, shi mmɛ a zeʼe nɔ ngɔ̀ɔ nu ekɛb ngu gimkpaʼ nè ǹtsara achim aŋu.’ 28Éngɛ engɔ ga kpe e nu ekɛb wɛ ebe egho afwɛʼ wunɔ gɛ̀rɛ̀ ndɛʼ ebe egho wɛ à me le èfraŋ ètɔɔshin wum ngɛ. 29Éngɛ egho e me le ngɛ, e ba ngo zhiiri engɔ wu le eghɛʼ fɔɔ. Bɛʼngɛ egho wɛ è ne me le bo ngɛ, ka de mwɔ ampiʼ wɛ engɔ me le ngɛ, e ba nu ebe engɔ. 30Ene gho afwɛʼ ketsɛʼ ǹji wunɔ, mbɔn ndwa engɔ ese akwâ di, engɔ wa sa ku̧u sa kwo ashwɔ mɔ aŋu. ”
Ŋwɔ gho yà sɛ̀ʼ bɔ endzobo ngùdu ese
31Èndzobo chɛ Ŋwɔ Gho ma yà zeʼ na m̀fɔ̀ nɔ, engere ngɔ gɛrɛ mwɔ nè ngɔ ngɛ, engɔ yà tsɔmɔ edɔm atan m̀fɔ̀ mɔ yɛ a me le eghɔ ngɛ. 32Bɔ gimkpaʼ efwɔ ebɛ gimkpaʼ ba ngo buumu àmɔ̀ efàarà engɔ. Éngɛ engɔ wa ngo gɛ̀bbɛ̀ angɔ ene ǹtìmìri fyee na àkɔʼ buru ma kùurù ǹglɔ̀rɔ̀ chidi efwɔ buru ǹdwɔ nɔ. 33Engɔ wa ngo shi abɔ byɛ e ma le abwa yɛ a me koʼro efàarà Ngwe ngɛ abɛɛ abwo nde mɔ gɛ̀rɛ̀ shi abɔ abê abɛɛ abwo mɔ̀ mɔ. 34Éngɛ m̀fɔ̀ ya ngo gà ebe abɔ abɛɛ abwo nde mɔ ngɛ kpe, “Mbɔn zeʼ, mbɔn byɛ Àtɛ ngu à shi ndɛʼ m̀bɔ̀nɔ endɔn ngɛ. Mbɔn zeʼ sa nde ebwa m̀fɔ̀ Ngwe wɛ â shi ndeere shi endɔn nyɛ̀rɛ̀ zèʼe efwɔ èndzobo chɛ à ndeere ese ngɛ. 35Mbɔn ba ngo nde ela bɔnɔ mbɔʼnga mmɛ à na gwɔn nchwɔrɔ mbɔn ndɛʼ ende ena, fi̧ri ntsa ma fe mbɔn ndɛʼ ndim ena, mmɛ à ne ègɔ̀n mbɔn nu angu efwɔ ndɔrɔ ntsɔn, 36mmɛ à ne ekwa kɛɛ mbɔn ge ǹdiri ekwa ngu, mmɛ à na gwɔn mbɔn kɔʼɔ angu, mmɛ ne mwɔ a ndɔdzɔm mbɔn zeʼ gamma ena.” 37Éngɛ abɔ byɛ â ma le abwa yɛ a me koʼro efàarà Ngwe ngɛ ba gii kpe, “Masa mbyɛɛ à zɔ awɛ awe ngwo ma gwɔn nchwɔrɔ mbyɛɛ ndɛʼ ende engɛ̂, kà awe fi̧ri nchɛ ma fe mbyɛɛ ndɛ̂ʼ ala deʼ engɛ̂ ngwo ŋwɔ? 38Ne endzobo tse mbyɛɛ à zɔ awɛ ngwo mwɔ ègɔ̀n mbyɛɛ nu awɛ efwɔ ndɔrɔ nchɛɛ, kà ngwo mwɔ nè ekwa kɛɛ mbyɛɛ ge ǹdiri ekwa ngwɛ? 39Ne endzobo tse mbyɛɛ à zɔ awɛ ngwo ma gwɔn kà ngwo mwɔ a ndɔdzɔm mbyɛɛ zeʼ gamma engɛ̂?” 40Éngɛ m̀fɔ̀ ya ngo gii kpe, “Mmɛ ga éŋwaʼa endɔn kpe akyɛ gimkpaʼ yɛ mbɔn à le énde ekwa bwɔngwa mbu byɛ me tɛŋɛ kpɛɛ ngɛ, ne mwɔ na mbɔn à ma le me ena nɔ.” 41“Éngɛ engɔ wa ngo gà ebe abɔ abɛɛ abwo mɔ̀ mɔ ngɛ kpe, ‘Mbɔn nyɛrɛ ebara mfu, mbɔn byɛ Ngwe à shi ndwaʼ angɔn ngɛ. Mbɔn nyɛrɛ ngɔɔ efwɔ edzɔwu yɛ e ne ma nyimi bo ngɛ, yɛ à shi ndeere shi ebe dɛbli mane engere mɔ ngɛ. 42Mmɛ à na gwɔn nchwɔrɔ bɛʼngɛ mbɔn à ke ndɛʼ ende ena bo, fi̧ri ntsa ma fe mbɔn ne ndɛʼ ala deʼ ena é ŋwɔ bo. 43Mmɛ à ne ègɔ̀n mbɔn ke nu angu efwɔ ndɔrɔ ntsɔn bo, mmɛ mwɔ nè ekwa kɛɛ mbɔn ke ge ǹdiri ekwa ngu bo. Mmɛ à na gwɔn gɛ̀rɛ̀ mwɔ a ndɔdzɔm mbɔn ke zeʼe kɔʼrɔ angu bo.’ 44Éngɛ angɔ ba ngo gii kpe, ‘Masakɛ ne endzobo tse mbyɛɛ à zɔ awɛ ngwo ma gwɔn nchwɔrɔ kà fi̧ri nchɛ ma fe kà ngwo mwɔ ègɔ̀n kà ngwo mwɔ ekwa kɛɛ kà ngwo ma gwɔn kà ngwo mwɔ ndɔdzɔm mbyɛɛ tɔrɔ awɛ ke kpèdè?’ 45Éngɛ engɔ gii kpe ‘Mmɛ na gà éŋwaʼa endɔn kpe akyɛ gimkpaʼ yɛ mbɔn à tɔn é kpèdè bwɔngwa mbu ka dye mwɔ engɔ wɛ me tɛŋɛ kpɛɛ ngɛ, e ne mwɔ na mbɔn à tɔn é kpèdè angu nɔ.’ 46Éngɛ e ba sàa abɔ bɔnɔ efwɔ enyii kengudu, bɛʼngɛ abɔ e ma le abwa yɛ a me koʼro efàarà Ngwe ngɛ, e ba sàa angɔ efwɔ etyê kengudu.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, CABTAL