Matyo 26
26
E nde ewɔ̧ɔ é zhudu Yeso
(Mak 14:1-2; Luk 22:1-2; Eyɔ 11:45-53)
1Èndzobo chɛ Yeso à mɛɛrɛ tee abwa zɔnɔ gimkpaʼ ngɛ, engɔ gâ ebe bɔ bɛɛrɛ abwa mɔ kpe, 2“Mbɔn nɛɛ kpe enji ba sa fɔɔ èfyee ma Antara fɔɔ ekere, e gɛrɛ ma ngo ndɛ̀ʼ Ŋwɔ Gho é kɔ̀mmɔ̀ ene azɔd baʼra.” 3Éngɛ m̀fɔ̀rɔ̀ zhiri mane eto â sɔŋɔ afwɔbi efwɔ ndɔ Kayfas wɛ à mwɔ Angwa zhiri ngɛ. 4Angɔ à na ke ndèerè aŋu e ma ngo bere Yeso ene egeʼ gɛ̀rɛ̀ zhudu engɔ ngɛ. 5Angɔ gâ kpe, “Ntsɔ ke le ebwa wunɔ endzobo antara bo shi abɔ byɛ ba ti esɛʼ.”
Aye deʼ zhwaʼa Yeso a Bɛtani
(Mak 14:3-9; Eyɔ 12:1-8)
6Yeso à ne mwɔ a Bɛtani a ndɔ Shimun. Shimun wɛ à shi zɔ ǹgoʼ ene akɔ̂m ngɛ. 7Aŋu Yeso à ma nde ngɛ, aye deʼ zeʼ ebe engɔ nè akɔʼ deʼ â me ndèere ene etye deʼ â ma zɔ̀ʼrɔ̀ kpe alabasta e shwe nè ngud mbì kamakɛb ngɛ dɔ̀ɔrɔ ato Yeso. 8Bɔ bɛɛrɛ abwa zɔ ebwa wunɔ bɔɔ etaa. Angɔ biiri kpe, “E na tsɔŋɔ angud mɔnɔ kpe ayɛ? 9A ne né fɛ̀n ngud mɔnɔ ene ekɛb akɛkɛ ndɛ̀ʼ ekɛb mɔmbwo ebe bɔ ndzaŋa!” 10Yeso à nɛɛ ebwa wɛ angɔ à ma gà ngɛ, è biiri ebe angɔ kpe, “Mbɔn na gbɛɛrɛ aye wunɔ kpe ayɛ? Engɔ ne fwɛʼ me ebwa ǹchwɔ̀ ena. 11Mbɔn ba ngo mwɔ nè bɔ ndzaŋa abwaʼ ndzɔn akyɛ gimkpaʼ bɛʼngɛ mbɔn ke ma ngo mwɔ nè mmɛ akyɛ gimkpaʼ bo. 12Ebwa wɛ engɔ à fwɛʼ ngɛ a ne tu ngud mbì nchwɔnchwɔ mɔnɔ ekwa ngu é ndèerè aŋu e ma ngo kpa angu ngɛ. 13Enjitsɔ, mmɛ ga éŋwaʼa endɔn kpe akwâ gimkpaʼ yɛ e ma ngo sɛ̀ɛrɛ̀ ekɔn ǹchwɔ̀ wunɔ edɔm ese ngɛ, e yà sa gà ebwa wunɔ wɛ aye wunɔ me fwɛʼ nɔ sa zhuŋu engɔ anyi.”
Judas bɛ̀rɛ é fɛ̀n enji Yeso.
(Mak 14:10-11; Luk 22:3-6)
14Éngɛ gho bɛ̀ɛrɛ abwa bi abwaʼ wum ǹchwɔ̀ fyee wɛ ekumu ngɔ à mwɔ Judas Iskariyɔd ngɛ, ngɔɔ ebe m̀fɔ̀rɔ̀ zhiri 15biiri ebe angɔ kpe, “Mala mmɛ fɛn ènji Yeso endɔn, mbɔn ba ndɛ̀ʼ ayɛ ena?” Éngɛ angɔ ta ekɛb atɔrɔ asamabi tɛʼ wum ndɛʼ ebe Judas Iskariyɔd. 16Enyɛrɛ éngɛ, sa ngɔɔ embè, Judas Iskariyɔd sa zɛ̀ʼ aghɛʼnji yɛ è me né ndɛ̀ʼ Yeso ebe angɔ ngɛ.
Yeso nde ende antara fɔɔ ekere nè bɔ bɛɛrɛ abwa mɔ
(Mak 14:12-21; Luk 22:7-13-21-23; Eyɔ 13:21-30)
17Efwɔ anji mbèmbè ene antara ǹgoŋ ketsɛʼ àfòo, bɔ bɛɛrɛ abwa zeʼ biiri ebe Yeso kpe, “Ngwo ne ke kpe mbyɛɛ ngɔɔ ndèerè afwɔ é nde antara fɔɔ ekere ngɛ awe?” 18Yeso gâ ebe angɔ kpe, “Mbɔn ngɔɔ ebe gho deʼ efwɔ antiri abɛ ga ebe engɔ kpe, ‘Àtee abwa ga kpe endzobo ndza shi zeʼe, bɔ bɛɛrɛ abwa mbu mane mmɛ ba zeʼe nde antara fɔɔ #26:18 ekere a ndɔ mbyɛ.’ ” 19Bɔ bɛɛrɛ abwa le na aŋu Yeso à ga ebe angɔ ngɛ gɛ̀rɛ̀ ndèerè afwɔ ene antara fɔɔ ekere.
20Èndzobo chɛ etiʼi à di ngɛ, Yeso mane bɔ bɛɛrɛ abwa wum ǹchwɔ̀ fyee tsɔmɔ a chwâ é nde. 21Aŋu angɔ à ma nde ngɛ Yeso gâ kpe, “Mmɛ ga éŋwaʼa endɔn gho bi abwaʼ ndzɔn wa ngo fɛ̀n angu.” 22Bɔ bɛɛrɛ abwa ju ghɛʼ klada sa biiri ebe engɔ gho ŋwàʼaŋwàʼ kpe, “Masakɛ mmɛ we zhuŋu kpe ngwo ke two ma mmɛ bo?” 23Yeso gíì kpe, “Engɔ wɛ abwo ndza mane angɔ ngɔ a sɔŋɔ efwɔ ekuʼ ngɛ wa ngo fɛ̀n angu. 24Ŋwɔ gho wa ngo ku aŋu aŋwɛʼrɛ Ngwe à shi ga ngɛ, bɛʼngɛ e yà me ǹgoʼ ebe egho wɛ è fɛrɛ enji Ŋwɔ Gho ngɛ. Ankɔmɔ ngɛ a ne nara ebe egho wunɔ mala â ne be engɔ bo.” 25Judas wɛ ma ngo fɛ̀n engɔ ngɛ ga kpe, “Àtee abwa mmɛ we zhuŋu kpe ngwo ke two ma mmɛ bo.” Yeso shi gii kpe, “Ngwo shi ga éngɛ.”
Etara
(Mak 14:22-26; Luk 22:14-20; 1Kɔ 11:23-25)
26Aŋu angɔ à ma nde ngɛ, Yeso nu abɔʼ ǹgoŋ ndɛ̀ʼ ebɛrɛ ebe Ngwe, bɔʼrɔ gɛ̀rɛ̀ ndɛʼ ebe bɔ bɛɛrɛ abwa mɔ ga kpe, “Mbɔn kwo nde, ewunɔ ne ekwa ngu.” 27Éngɛ engɔ nu ǹtɔʼ mɔm, ndɛʼ ebɛrɛ ebe Ngwe gɛ̀rɛ̀ ndɛʼ ebe angɔ ga kpe, “Mbɔn ŋwɔ mbɔn bɔ gimkpaʼ, 28azɔnɔ na anɔm ndza yɛ Ngwe me nu é le etsɛrɛ mane bɔ mɔ ngɛ, â tu anɔm ndza a chwâ mbɔʼtye Ngwe me né dzɛ̀d abwa bɔɔbɔɔ bɔ akɛkɛ. 29Mmɛ ga endɔn kpe mmɛ yà ne wu ŋwɔ amɔm mɔnɔ bo bwɛn anji yɛ mmɛ ma wu ŋwɔ mɔm nè mbɔn efwɔ ebwa m̀fɔ̀ àtɛ ngu ngɛ.” 30Éngɛ angɔ à kwɔn etsa gɛ̀rɛ̀ ngɔ̀ɔ ese edɔm egu Olifs.
Yeso gâ aŋu Petoro ma ngo tɔn engɔ ngɛ
31Èndzobo chɛ angɔ à bwɛn ngɛ, Yeso gâ ebe angɔ kpe, “Ǹklì ànchwɔ̀, mbɔn bɔ gimkpaʼ ba ngo dɔrɔ waʼ angu, enga aŋwɛʼrɛ Ngwe ye ga kpe ‘Ngwe ya zhudu àkɔʼ ǹglɔ̀rɔ̀, enɔrɔ ǹglɔ̀ gɛ̀rɛ̀ sam.’ 32Bɛʼngɛ èndzobo chɛ Ngwe ma zhwɛɛmɛ angu ene ewu ngɛ, mmɛ wa ngɔɔ embè ndzɔn a Galilii.” 33Petoro ga ekere ebe Yeso kpe, “Mmɛ yà na awɛ saara ka abɔ abê gimkpaʼ le éngɛ.” 34Yeso gâ ebe Petoro kpe, “Mmɛ ga éŋwaʼa engɛ̂ kpe èkoʼo fa le sa tsoʼo ǹklì ànchwɔ̀, ngwo shi ga agha tɛd kpe ngwo ke nɛɛ angu bo.” 35Petoro gii kpe, “Mmɛ yà ne éngɛ ga, ka mmɛ de ma ngo ku nè ngwo!” Abɔ bɛɛrɛ abwa abê gimkpaʼ gɛrɛ ga ebwa ŋwaʼ wɛ.
Yeso tsaʼra Ngwe a Gethsemane
36Éngɛ Yeso ngɔɔ nè bɔ bɛɛrɛ abwa mɔ afwɔ deʼ à ma zɔʼrɔ kpe Gethsemane, gɛ̀rɛ̀ gâ ebe angɔ kpe, “Mbɔn tsɔmɔ anɔ shi mmɛ ngɔɔ tsàʼrà Ngwe abɛɛ ande.” 37Engɔ à nu Petoro mane bwɔanɔm Zɛbɛdii fyee ngɔ̀ɔ nè angɔ. Ediritaa mane ezhuŋu abwa nyii ekwa ngɔ. 38Engɔ gɛrɛ gâ ebe angɔ kpe, “Etaa mfu fe diri tyetye mmɛ ku. Mbɔn tsɔmɔ anɔ mwɔ ekere nè mmɛ” 39Engɔ à wu tini ngɔɔ embè, ndwa amɔ, tuʼu efàarà mɔ a chwâ gɛ̀rɛ̀ sa tsàʼrà Ngwe kpe, “Àtɛ ngu, mala e me zamma, ngwo nu ǹtoʼ ǹgoʼ zɔnɔ ena! Bɛʼngɛ shi ne mwɔ engɔ wɛ mmɛ ma ke ngɛ bo, engɔ wɛ ngwo ma ke ngɛ.” 40Éngɛ engɔ ghɛɛbɛ ngɔ̀ɔ ebe bɔ bɛɛrɛ abwa tɛd gɛ̀rɛ̀ dù kla angɔ ma bwɛnɛ. Engɔ gɛrɛ gà ebe Petoro kpe, “Ayɛ me le mbɔn bɔ tɛd ne me né tsɔmɔ ekere nè mmɛ ka ene enyɔ̀m bi bo? 41Mbɔn tsɔmɔ ekere gɛ̀rɛ̀ sa tsàʼrà Ngwe kpe mbɔn ke nyii efwɔ akwa̧ʼra bo. Azhwɛɛrɛ ya ke bɛʼngɛ nyɛm ekwa shi me la.” 42Yeso gɛrɛ wu nyɛrɛ egha tsɛrɛ ngɔɔ tsàʼrà Ngwe kpe, “Àtɛ ngu mala e ne me zamma é nu ǹtoʼ nyii zɔnɔ kɔʼɔ tyè kpe mmɛ ŋwɔ bo ezhuŋu njɛ fwɛʼɛ.” 43Èndzobo chɛ engɔ à wu zeʼe achim ngɛ, e bwɛn, kla bɔ bɛɛrɛ abwa ma bli à bwɛnɛ, angɔ à ke né tsɔmɔ ekere bo, m̀bwɛrɛ à ne shwe aghɔɔ angɔ. 44Yeso gɛrɛ wu nyɛrɛ shi angɔ ngɔɔ é tsàʼrà Ngwe ene agha nùrù tɛd, ma gà abwa ŋwaʼ yɛ à shi dye ga ngɛ. 45Éngɛ engɔ ghɛɛbɛ zeʼe ebe bɔ bɛɛrɛ abwa gɛ̀rɛ̀ ga kpe, “Mbɔn ba bli à bwɛnɛ gɛ̀rɛ̀ ma ku̧ru andzɔn? Mbɔn kɔʼɔ endzobo shi koʼo é gè Ŋwɔ Gho eblabwo bɔ abwa bɔɔbɔɔ. 46Mbɔn tamma ekere ntsɔ ngɔɔ. Kɔʼɔ egho wɛ me fɛrɛ angu ngɛ è wû è ma zeʼe!”
E bere Yeso
47Aŋu Yeso à ma bli à gà ngɛ, Judas gho bi abwaʼ bɔ bɛɛrɛ abwa wum ǹchwɔ̀ fyee bwɛn. Engɔ à ne zhiri nè engwa ebaŋabɔ byɛ à me bere abyeŋwɔ mane entiritam ngɛ. À gɛrɛ me saa angɔ ma m̀fɔ̀rɔ̀ zhiri mane eto. 48Àfɛ̀nɛ enjiri bɔ wɛ a shi tòʼro anɛ̂ ebe ebaŋabɔ wɛ kpe, “Egho wɛ mmɛ ma bàa ngɛ ne engɔ, mbɔn bere engɔ.” 49Judas à ngɔɔ ekyɛ ŋwaʼ ebe Yeso gɛ̀rɛ̀ ga ebe engɔ kpe, “Àtee abwa mmɛ gamma.” Engɔ gɛrɛ bàa engɔ. 50Yeso gíì kpe, “Esɔrɔ ngu, zamma fwɛʼ ebwa ngwo me zeʼ é fwɛʼ ngɛ.” Éngɛ angɔ zeʼe bere Yeso gɛ̀rɛ̀ shwɔrɔ engɔ. 51Egho bi wɛ à mwɔ nè Yeso ngɛ chi ebyeŋwɔ̀ mɔ gɛ̀rɛ̀ gbɛ è tsɛd àtimi gho afwɛʼ angwa zhiri anyi. 52Yeso gâ ebe engɔ kpe, “Ngà ge ebyeŋwɔ̀ ngwɛ efwɔ m̀bɛ̀ʼ, abɔ byɛ e ma ngwe ene abyeŋwɔ ngɛ ba ngo kudu ene abyeŋwɔ. 53Ngwo ke nɛɛ kpe mmɛ we né zɔʼ àtɛ ngu ene ekpede, ekyɛ ŋwaʼ engɔ me né sàa anɔrɔ engere ngwe ebiri fɔɔ wum ǹchwɔ̀ fyee é ngwe ena bo? 54Mala Ngwe saa engere kpe e kpede angu, ebwa wɛ aŋwɛʼrɛ Ngwe à ga kpe e wara gli éngɛ ngɛ sa mwɔ éŋwaʼa ene?” 55Éngɛ Yeso gâ ebe enɔrɔ bɔ wɛ kpe, “Mbɔn a ne zeʼe nè abyeŋwɔ mane entiritam é bere angu na mmɛ mwɔ ejii kamakam nɔ. Enji gimkpaʼ mmɛ à na tsɔmɔ a chwâ gɛ̀rɛ̀ ma tee abwa efwɔ ndɔngwe kɛ̀, mbɔn ne bere angu bo. 56Bɛʼngɛ abwa zɔnɔ gimkpaʼ na gli é le kpe abwa yɛ bàmɛnɛkɔn Ngwe à ŋwɛʼrɛ efwɔ aŋwɛʼrɛ Ngwe ngɛ gli eŋwàʼ.” Éngɛ bɔ bɛɛrɛ abwa gimkpaʼ waʼa engɔ gɛ̀rɛ̀ dɔrɔ ngɔɔ.
Yeso efàarà m̀pàrà
57Abɔ byɛ à bere Yeso ngɛ nu engɔ ngɔ̀ɔ enduʼndɔ Angwa zhiri wɛ ekumu ngɔ à mwɔ Kayfas ngɛ. Àtee atsɛrɛ mane eto â ne ngɔɔ sɔ̀ŋɔ̀ aŋu. 58Petoro à na kìrì engɔ shi me nɔ achim kɛ, engɔ à kiri ngɔɔ bwɛrɛ emwɔ m̀pàrà enduʼndɔ angwa zhiri. Engɔ à ngɔɔ emwɔ m̀pàrà gɛ̀rɛ̀ tsɔmɔ a chwâ nè àkɔʼ akwâ mà ke é zɔ abwa gimkpaʼ yɛ à ma ngo gli ngɛ. 59M̀fɔ̀rɔ̀ zhiri mane bɔ m̀pàrà gimkpaʼ â zɛʼ aghɛʼ é gè andɔɔ deʼ enji Yeso é zhudu engɔ. 60Bɛʼngɛ angɔ à ke zɔ aghɛʼ deʼ bo ka de mwɔ aŋu bɔ akɛkɛ â gli tamma embè ga andɔɔ mbɔʼ engɔ ngɛ. É ngùdù bɔ fyee â tamma ekere 61ga kpe, “Egho wunɔ à ga kpe mbè we né sɛ̀ʼ ndɔngwe kɛ̀ Ngwe zɔnɔ sàa a chwâ gɛ̀rɛ̀ wu byɛ efwɔ enji tɛd.” 62Angwa zhiri tam ekere gɛ̀rɛ̀ gà ebe Yeso kpe, “Ngwo ke le ebwa deʼ é gii ene abwa zɔnɔ e me ga enji njɛ nɔ bo?” 63Yeso ba tuuu. Angwa zhiri gɛrɛ wu ga ebe engɔ kpe, “Ene ekumu Ngwe yɛ è mwɔ ekɔʼɔ ngɛ, ga éŋwaʼa endyɛɛ ka ngwo na Ǹtɔmzhwaʼa gɛ̀rɛ̀ mwɔ ŋwɔ Ngwe.” 64Yeso gíì ebe engɔ kpe, “Ngwo shi ga éngɛ bɛʼngɛ mmɛ na tòʼrò endɔn bɔ gimkpaʼ e nyɛrɛ enjitsɔ sa ngɔɔ embè, mbɔn ba zɔ Ŋwɔ Gho me tsɔmɔ abɛɛ abwo nde Angwanìm Ngwe gɛrɛ ma zeʼe edɔm m̀bɛ̀ʼ yɛ mwɔ ezob ngɛ.” 65Enyɛrɛ zeʼe ene ega wunɔ, Angwa zhiri kere ǹdiri ekwa mɔ gɛ̀rɛ̀ ga kpe, “Engɔ shi ndwaʼa Ngwe, ntsɔ ke ma wa ke entsɛ deʼ é ga kpe engɔ we go bo. Mbɔn shi zo aŋu engɔ shi ndwaʼa Ngwe ngɛ! 66Mbɔn ne zhuŋu kpe ayɛ?” Angɔ gii kpe, “Engɔ shi go esɛʼ. Engɔ we koʼro é ku.” 67Éngɛ angɔ tu emɛn efàarà ngɔ gɛ̀rɛ̀ sɔm engɔ. Abɔ ngɔ byɛ â fɛ engɔ ngɛ 68ga kpe, “Ǹtɔmzhwaʼa, mala ngwo mwɔ àmɛnɛkɔn Ngwe, toʼro endyɛɛ, buʼu egho wɛ a fɛ awɛ ngɛ!”
Petoro tɔn Yeso
69Petoro à ne tsɔmɔ ese emwɔ m̀pàrà, aŋwɔaye afwɛʼ Angwa zhiri zeʼ ebe engɔ gɛ̀rɛ̀ ga kpe, “Ngwo à gɛrɛ ne mwɔ nè Yeso gho Galilii.” 70Bɛʼngɛ engɔ tɔn efàarà angɔ bɔ gimkpaʼ gii kpe, “Mmɛ de ke nɛɛ ebwa ngwo ma ga ngɛ bo.” 71Engɔ ngɔɔ ene aghɛʼnji yɛ a ma nyii à ngɔ̀ɔ emwɔ m̀pàrà ngɛ aŋwɔaye afwɛʼ tsɛrɛ zɔ engɔ gɛrɛ ga ebe anɔm byɛ aŋu ngɛ kpe, “Egho wunɔ à ne mwɔ nè Yeso gho Nazarɛd.” 72Petoro wu tɔn egha tsɛrɛ gɛ̀rɛ̀ gii kpe, “Mmɛ kanna kpe mmɛ ke nɛɛ egho wunde bo.” 73Afwɔ sa ndada abɔ byɛ a me tamma aŋu ngɛ zeʼ ebe Petoro gɛ̀rɛ̀ ga kpe, “Éŋwaʼa ngwo ne egho bi. Ene abwa gimkpaʼ, ngwo na ga na gho Galilii nɔ.” 74Éngɛ Petoro ga kpe, “Mmɛ kanna kpe mmɛ na ga éŋwaʼa, mala mmɛ ma ga andɔɔ, Ngwe ge enyii ekwa ngu! Mmɛ de ke nɛɛ egho wunde bo!” Èndzobo chɛ èkoʼo gɛrɛ tsoʼ. 75Petoro zhuŋu ebwa wɛ Yeso à ga ebe engɔ ngɛ kpe, “Èkoʼo fa sa ngo tsoʼ, ngwo shi ga agha tɛd kpe ngwo ke nɛɛ angu bo.” Engɔ à ngɔɔ ese gɛ̀rɛ̀ ku̧u tɛ̀tɛ̀tɛ̀tɛ̀.
Currently Selected:
Matyo 26: nbt
Highlight
Share
Copy
Want to have your highlights saved across all your devices? Sign up or sign in
© 2022, CABTAL
Matyo 26
26
E nde ewɔ̧ɔ é zhudu Yeso
(Mak 14:1-2; Luk 22:1-2; Eyɔ 11:45-53)
1Èndzobo chɛ Yeso à mɛɛrɛ tee abwa zɔnɔ gimkpaʼ ngɛ, engɔ gâ ebe bɔ bɛɛrɛ abwa mɔ kpe, 2“Mbɔn nɛɛ kpe enji ba sa fɔɔ èfyee ma Antara fɔɔ ekere, e gɛrɛ ma ngo ndɛ̀ʼ Ŋwɔ Gho é kɔ̀mmɔ̀ ene azɔd baʼra.” 3Éngɛ m̀fɔ̀rɔ̀ zhiri mane eto â sɔŋɔ afwɔbi efwɔ ndɔ Kayfas wɛ à mwɔ Angwa zhiri ngɛ. 4Angɔ à na ke ndèerè aŋu e ma ngo bere Yeso ene egeʼ gɛ̀rɛ̀ zhudu engɔ ngɛ. 5Angɔ gâ kpe, “Ntsɔ ke le ebwa wunɔ endzobo antara bo shi abɔ byɛ ba ti esɛʼ.”
Aye deʼ zhwaʼa Yeso a Bɛtani
(Mak 14:3-9; Eyɔ 12:1-8)
6Yeso à ne mwɔ a Bɛtani a ndɔ Shimun. Shimun wɛ à shi zɔ ǹgoʼ ene akɔ̂m ngɛ. 7Aŋu Yeso à ma nde ngɛ, aye deʼ zeʼ ebe engɔ nè akɔʼ deʼ â me ndèere ene etye deʼ â ma zɔ̀ʼrɔ̀ kpe alabasta e shwe nè ngud mbì kamakɛb ngɛ dɔ̀ɔrɔ ato Yeso. 8Bɔ bɛɛrɛ abwa zɔ ebwa wunɔ bɔɔ etaa. Angɔ biiri kpe, “E na tsɔŋɔ angud mɔnɔ kpe ayɛ? 9A ne né fɛ̀n ngud mɔnɔ ene ekɛb akɛkɛ ndɛ̀ʼ ekɛb mɔmbwo ebe bɔ ndzaŋa!” 10Yeso à nɛɛ ebwa wɛ angɔ à ma gà ngɛ, è biiri ebe angɔ kpe, “Mbɔn na gbɛɛrɛ aye wunɔ kpe ayɛ? Engɔ ne fwɛʼ me ebwa ǹchwɔ̀ ena. 11Mbɔn ba ngo mwɔ nè bɔ ndzaŋa abwaʼ ndzɔn akyɛ gimkpaʼ bɛʼngɛ mbɔn ke ma ngo mwɔ nè mmɛ akyɛ gimkpaʼ bo. 12Ebwa wɛ engɔ à fwɛʼ ngɛ a ne tu ngud mbì nchwɔnchwɔ mɔnɔ ekwa ngu é ndèerè aŋu e ma ngo kpa angu ngɛ. 13Enjitsɔ, mmɛ ga éŋwaʼa endɔn kpe akwâ gimkpaʼ yɛ e ma ngo sɛ̀ɛrɛ̀ ekɔn ǹchwɔ̀ wunɔ edɔm ese ngɛ, e yà sa gà ebwa wunɔ wɛ aye wunɔ me fwɛʼ nɔ sa zhuŋu engɔ anyi.”
Judas bɛ̀rɛ é fɛ̀n enji Yeso.
(Mak 14:10-11; Luk 22:3-6)
14Éngɛ gho bɛ̀ɛrɛ abwa bi abwaʼ wum ǹchwɔ̀ fyee wɛ ekumu ngɔ à mwɔ Judas Iskariyɔd ngɛ, ngɔɔ ebe m̀fɔ̀rɔ̀ zhiri 15biiri ebe angɔ kpe, “Mala mmɛ fɛn ènji Yeso endɔn, mbɔn ba ndɛ̀ʼ ayɛ ena?” Éngɛ angɔ ta ekɛb atɔrɔ asamabi tɛʼ wum ndɛʼ ebe Judas Iskariyɔd. 16Enyɛrɛ éngɛ, sa ngɔɔ embè, Judas Iskariyɔd sa zɛ̀ʼ aghɛʼnji yɛ è me né ndɛ̀ʼ Yeso ebe angɔ ngɛ.
Yeso nde ende antara fɔɔ ekere nè bɔ bɛɛrɛ abwa mɔ
(Mak 14:12-21; Luk 22:7-13-21-23; Eyɔ 13:21-30)
17Efwɔ anji mbèmbè ene antara ǹgoŋ ketsɛʼ àfòo, bɔ bɛɛrɛ abwa zeʼ biiri ebe Yeso kpe, “Ngwo ne ke kpe mbyɛɛ ngɔɔ ndèerè afwɔ é nde antara fɔɔ ekere ngɛ awe?” 18Yeso gâ ebe angɔ kpe, “Mbɔn ngɔɔ ebe gho deʼ efwɔ antiri abɛ ga ebe engɔ kpe, ‘Àtee abwa ga kpe endzobo ndza shi zeʼe, bɔ bɛɛrɛ abwa mbu mane mmɛ ba zeʼe nde antara fɔɔ #26:18 ekere a ndɔ mbyɛ.’ ” 19Bɔ bɛɛrɛ abwa le na aŋu Yeso à ga ebe angɔ ngɛ gɛ̀rɛ̀ ndèerè afwɔ ene antara fɔɔ ekere.
20Èndzobo chɛ etiʼi à di ngɛ, Yeso mane bɔ bɛɛrɛ abwa wum ǹchwɔ̀ fyee tsɔmɔ a chwâ é nde. 21Aŋu angɔ à ma nde ngɛ Yeso gâ kpe, “Mmɛ ga éŋwaʼa endɔn gho bi abwaʼ ndzɔn wa ngo fɛ̀n angu.” 22Bɔ bɛɛrɛ abwa ju ghɛʼ klada sa biiri ebe engɔ gho ŋwàʼaŋwàʼ kpe, “Masakɛ mmɛ we zhuŋu kpe ngwo ke two ma mmɛ bo?” 23Yeso gíì kpe, “Engɔ wɛ abwo ndza mane angɔ ngɔ a sɔŋɔ efwɔ ekuʼ ngɛ wa ngo fɛ̀n angu. 24Ŋwɔ gho wa ngo ku aŋu aŋwɛʼrɛ Ngwe à shi ga ngɛ, bɛʼngɛ e yà me ǹgoʼ ebe egho wɛ è fɛrɛ enji Ŋwɔ Gho ngɛ. Ankɔmɔ ngɛ a ne nara ebe egho wunɔ mala â ne be engɔ bo.” 25Judas wɛ ma ngo fɛ̀n engɔ ngɛ ga kpe, “Àtee abwa mmɛ we zhuŋu kpe ngwo ke two ma mmɛ bo.” Yeso shi gii kpe, “Ngwo shi ga éngɛ.”
Etara
(Mak 14:22-26; Luk 22:14-20; 1Kɔ 11:23-25)
26Aŋu angɔ à ma nde ngɛ, Yeso nu abɔʼ ǹgoŋ ndɛ̀ʼ ebɛrɛ ebe Ngwe, bɔʼrɔ gɛ̀rɛ̀ ndɛʼ ebe bɔ bɛɛrɛ abwa mɔ ga kpe, “Mbɔn kwo nde, ewunɔ ne ekwa ngu.” 27Éngɛ engɔ nu ǹtɔʼ mɔm, ndɛʼ ebɛrɛ ebe Ngwe gɛ̀rɛ̀ ndɛʼ ebe angɔ ga kpe, “Mbɔn ŋwɔ mbɔn bɔ gimkpaʼ, 28azɔnɔ na anɔm ndza yɛ Ngwe me nu é le etsɛrɛ mane bɔ mɔ ngɛ, â tu anɔm ndza a chwâ mbɔʼtye Ngwe me né dzɛ̀d abwa bɔɔbɔɔ bɔ akɛkɛ. 29Mmɛ ga endɔn kpe mmɛ yà ne wu ŋwɔ amɔm mɔnɔ bo bwɛn anji yɛ mmɛ ma wu ŋwɔ mɔm nè mbɔn efwɔ ebwa m̀fɔ̀ àtɛ ngu ngɛ.” 30Éngɛ angɔ à kwɔn etsa gɛ̀rɛ̀ ngɔ̀ɔ ese edɔm egu Olifs.
Yeso gâ aŋu Petoro ma ngo tɔn engɔ ngɛ
31Èndzobo chɛ angɔ à bwɛn ngɛ, Yeso gâ ebe angɔ kpe, “Ǹklì ànchwɔ̀, mbɔn bɔ gimkpaʼ ba ngo dɔrɔ waʼ angu, enga aŋwɛʼrɛ Ngwe ye ga kpe ‘Ngwe ya zhudu àkɔʼ ǹglɔ̀rɔ̀, enɔrɔ ǹglɔ̀ gɛ̀rɛ̀ sam.’ 32Bɛʼngɛ èndzobo chɛ Ngwe ma zhwɛɛmɛ angu ene ewu ngɛ, mmɛ wa ngɔɔ embè ndzɔn a Galilii.” 33Petoro ga ekere ebe Yeso kpe, “Mmɛ yà na awɛ saara ka abɔ abê gimkpaʼ le éngɛ.” 34Yeso gâ ebe Petoro kpe, “Mmɛ ga éŋwaʼa engɛ̂ kpe èkoʼo fa le sa tsoʼo ǹklì ànchwɔ̀, ngwo shi ga agha tɛd kpe ngwo ke nɛɛ angu bo.” 35Petoro gii kpe, “Mmɛ yà ne éngɛ ga, ka mmɛ de ma ngo ku nè ngwo!” Abɔ bɛɛrɛ abwa abê gimkpaʼ gɛrɛ ga ebwa ŋwaʼ wɛ.
Yeso tsaʼra Ngwe a Gethsemane
36Éngɛ Yeso ngɔɔ nè bɔ bɛɛrɛ abwa mɔ afwɔ deʼ à ma zɔʼrɔ kpe Gethsemane, gɛ̀rɛ̀ gâ ebe angɔ kpe, “Mbɔn tsɔmɔ anɔ shi mmɛ ngɔɔ tsàʼrà Ngwe abɛɛ ande.” 37Engɔ à nu Petoro mane bwɔanɔm Zɛbɛdii fyee ngɔ̀ɔ nè angɔ. Ediritaa mane ezhuŋu abwa nyii ekwa ngɔ. 38Engɔ gɛrɛ gâ ebe angɔ kpe, “Etaa mfu fe diri tyetye mmɛ ku. Mbɔn tsɔmɔ anɔ mwɔ ekere nè mmɛ” 39Engɔ à wu tini ngɔɔ embè, ndwa amɔ, tuʼu efàarà mɔ a chwâ gɛ̀rɛ̀ sa tsàʼrà Ngwe kpe, “Àtɛ ngu, mala e me zamma, ngwo nu ǹtoʼ ǹgoʼ zɔnɔ ena! Bɛʼngɛ shi ne mwɔ engɔ wɛ mmɛ ma ke ngɛ bo, engɔ wɛ ngwo ma ke ngɛ.” 40Éngɛ engɔ ghɛɛbɛ ngɔ̀ɔ ebe bɔ bɛɛrɛ abwa tɛd gɛ̀rɛ̀ dù kla angɔ ma bwɛnɛ. Engɔ gɛrɛ gà ebe Petoro kpe, “Ayɛ me le mbɔn bɔ tɛd ne me né tsɔmɔ ekere nè mmɛ ka ene enyɔ̀m bi bo? 41Mbɔn tsɔmɔ ekere gɛ̀rɛ̀ sa tsàʼrà Ngwe kpe mbɔn ke nyii efwɔ akwa̧ʼra bo. Azhwɛɛrɛ ya ke bɛʼngɛ nyɛm ekwa shi me la.” 42Yeso gɛrɛ wu nyɛrɛ egha tsɛrɛ ngɔɔ tsàʼrà Ngwe kpe, “Àtɛ ngu mala e ne me zamma é nu ǹtoʼ nyii zɔnɔ kɔʼɔ tyè kpe mmɛ ŋwɔ bo ezhuŋu njɛ fwɛʼɛ.” 43Èndzobo chɛ engɔ à wu zeʼe achim ngɛ, e bwɛn, kla bɔ bɛɛrɛ abwa ma bli à bwɛnɛ, angɔ à ke né tsɔmɔ ekere bo, m̀bwɛrɛ à ne shwe aghɔɔ angɔ. 44Yeso gɛrɛ wu nyɛrɛ shi angɔ ngɔɔ é tsàʼrà Ngwe ene agha nùrù tɛd, ma gà abwa ŋwaʼ yɛ à shi dye ga ngɛ. 45Éngɛ engɔ ghɛɛbɛ zeʼe ebe bɔ bɛɛrɛ abwa gɛ̀rɛ̀ ga kpe, “Mbɔn ba bli à bwɛnɛ gɛ̀rɛ̀ ma ku̧ru andzɔn? Mbɔn kɔʼɔ endzobo shi koʼo é gè Ŋwɔ Gho eblabwo bɔ abwa bɔɔbɔɔ. 46Mbɔn tamma ekere ntsɔ ngɔɔ. Kɔʼɔ egho wɛ me fɛrɛ angu ngɛ è wû è ma zeʼe!”
E bere Yeso
47Aŋu Yeso à ma bli à gà ngɛ, Judas gho bi abwaʼ bɔ bɛɛrɛ abwa wum ǹchwɔ̀ fyee bwɛn. Engɔ à ne zhiri nè engwa ebaŋabɔ byɛ à me bere abyeŋwɔ mane entiritam ngɛ. À gɛrɛ me saa angɔ ma m̀fɔ̀rɔ̀ zhiri mane eto. 48Àfɛ̀nɛ enjiri bɔ wɛ a shi tòʼro anɛ̂ ebe ebaŋabɔ wɛ kpe, “Egho wɛ mmɛ ma bàa ngɛ ne engɔ, mbɔn bere engɔ.” 49Judas à ngɔɔ ekyɛ ŋwaʼ ebe Yeso gɛ̀rɛ̀ ga ebe engɔ kpe, “Àtee abwa mmɛ gamma.” Engɔ gɛrɛ bàa engɔ. 50Yeso gíì kpe, “Esɔrɔ ngu, zamma fwɛʼ ebwa ngwo me zeʼ é fwɛʼ ngɛ.” Éngɛ angɔ zeʼe bere Yeso gɛ̀rɛ̀ shwɔrɔ engɔ. 51Egho bi wɛ à mwɔ nè Yeso ngɛ chi ebyeŋwɔ̀ mɔ gɛ̀rɛ̀ gbɛ è tsɛd àtimi gho afwɛʼ angwa zhiri anyi. 52Yeso gâ ebe engɔ kpe, “Ngà ge ebyeŋwɔ̀ ngwɛ efwɔ m̀bɛ̀ʼ, abɔ byɛ e ma ngwe ene abyeŋwɔ ngɛ ba ngo kudu ene abyeŋwɔ. 53Ngwo ke nɛɛ kpe mmɛ we né zɔʼ àtɛ ngu ene ekpede, ekyɛ ŋwaʼ engɔ me né sàa anɔrɔ engere ngwe ebiri fɔɔ wum ǹchwɔ̀ fyee é ngwe ena bo? 54Mala Ngwe saa engere kpe e kpede angu, ebwa wɛ aŋwɛʼrɛ Ngwe à ga kpe e wara gli éngɛ ngɛ sa mwɔ éŋwaʼa ene?” 55Éngɛ Yeso gâ ebe enɔrɔ bɔ wɛ kpe, “Mbɔn a ne zeʼe nè abyeŋwɔ mane entiritam é bere angu na mmɛ mwɔ ejii kamakam nɔ. Enji gimkpaʼ mmɛ à na tsɔmɔ a chwâ gɛ̀rɛ̀ ma tee abwa efwɔ ndɔngwe kɛ̀, mbɔn ne bere angu bo. 56Bɛʼngɛ abwa zɔnɔ gimkpaʼ na gli é le kpe abwa yɛ bàmɛnɛkɔn Ngwe à ŋwɛʼrɛ efwɔ aŋwɛʼrɛ Ngwe ngɛ gli eŋwàʼ.” Éngɛ bɔ bɛɛrɛ abwa gimkpaʼ waʼa engɔ gɛ̀rɛ̀ dɔrɔ ngɔɔ.
Yeso efàarà m̀pàrà
57Abɔ byɛ à bere Yeso ngɛ nu engɔ ngɔ̀ɔ enduʼndɔ Angwa zhiri wɛ ekumu ngɔ à mwɔ Kayfas ngɛ. Àtee atsɛrɛ mane eto â ne ngɔɔ sɔ̀ŋɔ̀ aŋu. 58Petoro à na kìrì engɔ shi me nɔ achim kɛ, engɔ à kiri ngɔɔ bwɛrɛ emwɔ m̀pàrà enduʼndɔ angwa zhiri. Engɔ à ngɔɔ emwɔ m̀pàrà gɛ̀rɛ̀ tsɔmɔ a chwâ nè àkɔʼ akwâ mà ke é zɔ abwa gimkpaʼ yɛ à ma ngo gli ngɛ. 59M̀fɔ̀rɔ̀ zhiri mane bɔ m̀pàrà gimkpaʼ â zɛʼ aghɛʼ é gè andɔɔ deʼ enji Yeso é zhudu engɔ. 60Bɛʼngɛ angɔ à ke zɔ aghɛʼ deʼ bo ka de mwɔ aŋu bɔ akɛkɛ â gli tamma embè ga andɔɔ mbɔʼ engɔ ngɛ. É ngùdù bɔ fyee â tamma ekere 61ga kpe, “Egho wunɔ à ga kpe mbè we né sɛ̀ʼ ndɔngwe kɛ̀ Ngwe zɔnɔ sàa a chwâ gɛ̀rɛ̀ wu byɛ efwɔ enji tɛd.” 62Angwa zhiri tam ekere gɛ̀rɛ̀ gà ebe Yeso kpe, “Ngwo ke le ebwa deʼ é gii ene abwa zɔnɔ e me ga enji njɛ nɔ bo?” 63Yeso ba tuuu. Angwa zhiri gɛrɛ wu ga ebe engɔ kpe, “Ene ekumu Ngwe yɛ è mwɔ ekɔʼɔ ngɛ, ga éŋwaʼa endyɛɛ ka ngwo na Ǹtɔmzhwaʼa gɛ̀rɛ̀ mwɔ ŋwɔ Ngwe.” 64Yeso gíì ebe engɔ kpe, “Ngwo shi ga éngɛ bɛʼngɛ mmɛ na tòʼrò endɔn bɔ gimkpaʼ e nyɛrɛ enjitsɔ sa ngɔɔ embè, mbɔn ba zɔ Ŋwɔ Gho me tsɔmɔ abɛɛ abwo nde Angwanìm Ngwe gɛrɛ ma zeʼe edɔm m̀bɛ̀ʼ yɛ mwɔ ezob ngɛ.” 65Enyɛrɛ zeʼe ene ega wunɔ, Angwa zhiri kere ǹdiri ekwa mɔ gɛ̀rɛ̀ ga kpe, “Engɔ shi ndwaʼa Ngwe, ntsɔ ke ma wa ke entsɛ deʼ é ga kpe engɔ we go bo. Mbɔn shi zo aŋu engɔ shi ndwaʼa Ngwe ngɛ! 66Mbɔn ne zhuŋu kpe ayɛ?” Angɔ gii kpe, “Engɔ shi go esɛʼ. Engɔ we koʼro é ku.” 67Éngɛ angɔ tu emɛn efàarà ngɔ gɛ̀rɛ̀ sɔm engɔ. Abɔ ngɔ byɛ â fɛ engɔ ngɛ 68ga kpe, “Ǹtɔmzhwaʼa, mala ngwo mwɔ àmɛnɛkɔn Ngwe, toʼro endyɛɛ, buʼu egho wɛ a fɛ awɛ ngɛ!”
Petoro tɔn Yeso
69Petoro à ne tsɔmɔ ese emwɔ m̀pàrà, aŋwɔaye afwɛʼ Angwa zhiri zeʼ ebe engɔ gɛ̀rɛ̀ ga kpe, “Ngwo à gɛrɛ ne mwɔ nè Yeso gho Galilii.” 70Bɛʼngɛ engɔ tɔn efàarà angɔ bɔ gimkpaʼ gii kpe, “Mmɛ de ke nɛɛ ebwa ngwo ma ga ngɛ bo.” 71Engɔ ngɔɔ ene aghɛʼnji yɛ a ma nyii à ngɔ̀ɔ emwɔ m̀pàrà ngɛ aŋwɔaye afwɛʼ tsɛrɛ zɔ engɔ gɛrɛ ga ebe anɔm byɛ aŋu ngɛ kpe, “Egho wunɔ à ne mwɔ nè Yeso gho Nazarɛd.” 72Petoro wu tɔn egha tsɛrɛ gɛ̀rɛ̀ gii kpe, “Mmɛ kanna kpe mmɛ ke nɛɛ egho wunde bo.” 73Afwɔ sa ndada abɔ byɛ a me tamma aŋu ngɛ zeʼ ebe Petoro gɛ̀rɛ̀ ga kpe, “Éŋwaʼa ngwo ne egho bi. Ene abwa gimkpaʼ, ngwo na ga na gho Galilii nɔ.” 74Éngɛ Petoro ga kpe, “Mmɛ kanna kpe mmɛ na ga éŋwaʼa, mala mmɛ ma ga andɔɔ, Ngwe ge enyii ekwa ngu! Mmɛ de ke nɛɛ egho wunde bo!” Èndzobo chɛ èkoʼo gɛrɛ tsoʼ. 75Petoro zhuŋu ebwa wɛ Yeso à ga ebe engɔ ngɛ kpe, “Èkoʼo fa sa ngo tsoʼ, ngwo shi ga agha tɛd kpe ngwo ke nɛɛ angu bo.” Engɔ à ngɔɔ ese gɛ̀rɛ̀ ku̧u tɛ̀tɛ̀tɛ̀tɛ̀.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, CABTAL