Matyo 27
27
E nu Yeso ngɔɔ ebe Paylet
(Mak 15:1; Luk 23:1-2; Eyɔ 18:28-32)
1Enchwenchwe, m̀fɔ̀rɔ̀ zhiri gimkpaʼ mane eto ndèerè aŋu e ma ngo zhudu Yeso ngɛ. 2Angɔ à koro engɔ, nu engɔ ngɔ̀ɔ ndɛ̀ʼ ebe Paylet wɛ a mwɔ ato yɛ bɔ Rom à me ge ngɛ.
Ewu Judas Iskariyɔd
3Èndzobo chɛ Judas, egho wɛ à fɛn Yeso, à zo kpe a shi tsɛrɛ kpe e ba ngo zhudu Yeso ngɛ, engɔ kobo etaa mɔ, nu ekɛb atɔrɔ asere asamabi tɛʼ wum byɛ ngɔ̀ɔ gii achim ebe m̀fɔ̀rɔ̀ zhiri mane eto. 4Engɔ gâ kpe, “Mmɛ shi le ebwa bɔɔbɔɔ gɛ̀rɛ̀ fɛ̀n gho wɛ è ne me le ebwa deʼ bo ngɛ kpe e zhudu engɔ.” Angɔ gíì kpe, “Ewɛngɛ de ke le ebwa deʼ é fwɛʼ akwa njɛɛ bo. Ewɛngɛ ne esɛʼ ngwɛ.” 5Judas ndwa ekɛb wɛ efwɔ ndɔngwe kɛ̀ nyɛ̀rɛ̀ ngɔ̀ɔ shwɛ̀rɛ. 6Éngɛ m̀fɔ̀rɔ̀ zhiri nu ekɛb wɛ gɛ̀rɛ̀ ga kpe, “Ewunɔ ne ekɛb enɔgho, e ke nara kpe ntsɔ nu m̀pè ekɛb wunɔ gè efwɔ ekwɔb ekɛb ndɔngwe kɛ̀ bo mbɔʼnga ne ekɛb anɔm.” 7Éngɛ angɔ ga gɛ̀rɛ̀ bɛ̀rɛ kpe, angɔ nu ekɛb wɛ ngɔ̀ɔ zɔn afwɔ chwâ deʼ â ma zɔʼrɔ kpe fiiri potas, ga kpe e ba sa kpa ebɛ bɔ aŋu. 8Ne ǹji yɛ é bwɛn ànchwɔ̀, e ba zɔʼrɔ afwɔ chwâ yɛ kpe, “Chwâ anɔm” ngɛ. 9Éngɛ ebwa wɛ Àmɛnɛkɔn Ngwe Jerimaya à shi ga ngɛ gli éŋwaʼa kpe, “Angɔ à nu etɔrɔ esere asamabi tɛʼ wum, ekɛb wɛ bɔ Israel a shi bɛrɛ é nɛ̀rɛ̀ ato ngɔ ngɛ, 10gɛ̀rɛ̀ zɔn afwɔ a fiiri Potas aŋu Masakɛ à shi tsɛrɛ kpe mmɛ le ngɛ.”
Paylet bìiri abwa ebe Yeso
11Yeso à tam efàarà ato yɛ bɔ Rom a me ge ngɛ, engɔ biiri ebe Yeso kpe, “Ngwo na m̀fɔ̀ bɔ Juu.” Yeso gíì kpe, “Ngwo shi ga éngɛ.” 12Bɛʼngɛ Yeso à ke gii ega deʼ ene abwa yɛ m̀fɔ̀rɔ̀ zhiri mane eto â ga mbɔʼ engɔ ngɛ bo! 13Éngɛ Paylet biiri ebe Yeso kpe, “Ngwo ke ma zo abwa zɔnɔ yɛ angɔ ma ga ato njɛ nɔ bo?” 14Bɛʼngɛ ato yɛ bɔ Rom à me ge ngɛ kɔ̂n mbɔʼnga Yeso à ke gii ega deʼ bo.
E nu etsɛrɛ kpe Yeso ku
15Efwɔ enɔ̂m gimkpaʼ endzobo Antara fɔɔ ekere, ato yɛ bɔ Rom à me ge ngɛ à na pwèerè gho deʼ ŋwaʼ sàa wɛ bɔ à ma ke ngɛ. 16Èndzobo chɛ efwɔ abɛ Rom ghodzɔm deʼ à na aŋu wɛ bɔ à me nɛɛ engɔ ghɛʼ wɛ ekumu ngɔ à mwɔ Yeso Barabas. 17Aŋu ebaŋagho à shi sɔŋɔ ngɛ, Paylet biiri ebe angɔ kpe, “Mbɔn ne ke kpe mmɛ pweere wɛ sàa endɔn? Yeso Barabas kà Yeso wɛ e ma zɔʼrɔ kpe Ǹtɔmzhwaʼa ngɛ?” 18Engɔ à ne nɛɛ anchwɔnchwɔ kpe bɔ kɛ ebe bɔ Juu à sa sàa Yeso énde mbɔʼnga angɔ à ne le ekumbog ene engɔ. 19Aŋu Paylet à me tsɔmɔ efwɔ ndɔ m̀pàrà mɔ ngɛ, eye ngɔ tɔm ekɔn ebe engɔ kpe, “Ke le ebwa deʼ ekwa egho wɛngɛ ne me nɛɛ ebwa deʼ ngɛ bo, mbɔʼnga ǹklì ànchwɔ̀ mmɛ a zɔ ǹgoʼ ene nklama mbɔʼ engɔ.” 20M̀fɔ̀rɔ̀ zhiri mane eto bii ebaŋagho ga ebe angɔ kpe angɔ ga ebe Paylet shi è pwèere Barabas ndɛʼ Yeso shi e zhudu. 21Paylet wu biiri kpe, “Mmɛ pweere awɛ abwaʼ abɔ fyee bɔnɔ sàa endɔn?” Angɔ gii kpe, “Barabas.” 22Paylet biiri ebe angɔ kpe, “Éngɛ mmɛ le ene nè Yeso wɛ e ma zɔʼrɔ kpe Ǹtɔmzhwaʼa ngɛ?” Angɔ gii kpe, “Kɔmɔ engɔ.” 23Paylet wu biiri kpe, “Bɛʼngɛ engɔ we le ebwa bɔɔbɔɔ we ngà?” Angɔ klada sa flaba akwâ eghɛʼghɛʼ kpe, “Kɔmɔ engɔ.” 24Èndzobo chɛ Paylet à zɔ kpe engɔ ke né wu le ebwa deʼ bo, bɔ klada sa byɛdɛ ngɛ, engɔ nu ndim sò ebwo mɔ anyi efàarà ebaŋagho wɛ, gà ebe angɔ kpe, “Mmɛ ke le ebwa deʼ ene ewu egho wunɔ bɔ. Ewunɔ na mbɔn a ma fwɛ̀ʼ!” 25Ebaŋagho gii kpe, “Shi ewu ngɔ mwɔ ato njɛɛ mane ato bwɔ mbyɛɛ!” 26Éngɛ Paylet pwèerè Barabas sàa ebe angɔ aŋu angɔ à ma ke ngɛ. Engɔ wuru Yeso gɛ̀rɛ̀ nu engɔ ndɛ̀ʼ kpe angɔ kɔmmɔ.
Bɔ ebiri sere Yeso
27Éngɛ bɔ ebiri Paylet nu Yeso ngɔ̀ɔ efwɔ ǹtɔʼ ebe ato yɛ bɔ Rom a me ge ngɛ, ǹtìmi bɔ ebiri gimkpaʼ kɛɛrɛ engɔ sɔ̀. 28Angɔ à chidi ǹdiri ngɔ gɛ̀rɛ̀ gè ǹdi fàn deʼ ekwa ngɔ é tee kpe engɔ na m̀fɔ̀. 29Angɔ à ndeere apɛgɛ m̀fɔ̀ ene atɔ ńtwɔn gè ato ngɔ gɛ̀rɛ̀ nu atam gè abwo anɔm ngɔ, éngɛ angɔ gunu etongu àmɔ̀ a chwâ efàarà engɔ sa sèrè ngɔ ga kpe, “M̀fɔ̀ bɔ Juu tsɔmɔ efwɔ endzobo dɔɔdɔɔ.” 30Angɔ à tu emɛn efàarà ngɔ gɛ̀rɛ̀ nu atam yɛ wuru ato ngɔ anyi akyɛ akɛkɛ. 31Èndzobo chɛ â shi mɛ̀ɛrɛ̀ sèrè engɔ ngɛ, angɔ chi ǹdi yɛ ekwa ngɔ gɛ̀rɛ̀ wu gè ǹdi ngɔ ekwa ngɔ. Éngɛ angɔ nu engɔ ngɔ̀ɔ é kɔ̀mmɔ̀.
E kɔmmɔ Yeso
32Aŋu angɔ à ma nu Yeso ma ngɔ̀ɔ ngɛ, angɔ sɔŋɔ nè gho deʼ wɛ à me zeʼe abɛɛ abɛ Sirɛn wɛ ekumu ngɔ à mwɔ Shimun ngɛ. Bɔ ebiri tiri engɔ é beʼ azɔd baʼra Yeso. 33Aŋu â bwɛrɛ afwɔ deʼ yɛ â ma zɔʼrɔ kpe Golgota, ǹji me ga kpe, “Afwɔ akɔʼato” ngɛ, 34angɔ ndɛʼ mɔm myɛ a me blidi nè ela ngwengwe ngɛ ebe Yeso, bɛʼngɛ èndzobo chɛ engɔ à zhweʼre ngɛ, è tɔn ne ŋwɔ bo. 35Èndzobo chɛ â kɔmmɔ engɔ ngɛ, e gɛbbɛ ǹdiri ngɔ àmɔ̀ àmɔ̀ aŋu angɔ à ndwa antsántsá ngɛ. 36Èndzobo chɛ angɔ à shi mɛ̀ɛrɛ̀ ngɛ angɔ tsɔmɔ a chwâ aŋu sa kɔʼ engɔ. 37Angɔ à ŋwɛʼrɛ abwa yɛ angɔ à kpe engɔ à le ngɛ kɔ̀rɔ̀ edɔm azɔd baʼra ngɛ kpe, “Ewùnɔ na Yeso wɛ è mwɔ m̀fɔ̀ bɔ Juu ngɛ.” 38Éngɛ angɔ à kɔmmɔ àjii kamakam fyee nè Yeso, eŋwàʼ abɛɛ abwo anɔm, êwè abɛɛ abwo aye ngɔ. 39Abɔ byɛ â ma fɔɔ ene aghɛʼnji yɛ ngɛ sa da njiʼri eto àmɔ̀, ma sèrè à ndwaʼa engɔ ma ga kpe, 40“Ngwo wɛ ngwo à ga kpe ngwo wa ngo sɛ̀ʼ ndɔngwe kɛ̀ sàa a chwâ gɛ̀rɛ̀ wu byɛ efwɔ enji tɛd! Mala ngwo mwɔ ŋwɔ Ngwe pwèere awɛ kla ekere azɔd baʼra zeʼe a chwâ.” 41Ene aghɛʼnji ŋwaʼ zɔnɔ m̀fɔ̀rɔ̀ zhiri, bàtee atsɛrɛ mane eto gɛrɛ sa nyɛ̀ engɔ ga kpe, 42“Engɔ à pwèerè abɔ tsɛrɛ, è ke né pwèerè amɔ bo? Engɔ ke ma m̀fɔ̀ bɔ Juu bo? Mala engɔ kla zeʼe a chwâ edɔm azɔd baʼra enjitsɔ, shi ntsɔ ba ngo le ebɛrɛ kpe engɔ na Ǹtɔmzhwaʼa. 43Engɔ we shi etaa mɔ ene Ngwe gɛ̀rɛ̀ ga kpe mbè na ŋwɔ Ngwe. Éngɛ ntsɔ zɔ ka Ngwe ya ngo pwèerè engɔ enjitsɔ ngà.” 44Ka de mwɔ àjii kamakam byɛ â me kɔmmɔ abwaʼ engɔ ngɛ â gɛrɛ nyɛ̀ engɔ ene aghɛʼnji ŋwaʼ yɛ.
Ewu Yeso
45À sa bwɛn aghɛɛghɛɛ nchi, adi̧iri koo akwâ gimkpaʼ ngɔ̀ɔ bwɛn ene enyɔ̀m tɛd. 46À sa bwɛn ne enyɔ̀m tɛd nɔ Yeso flaba akwâ eghɛʼ ku̧u ga kpe, “Eli! Eli! Lama Sabaktani?” ǹji me ga kpe, “Ngwe ndza! Ngwe ndza! Ngwo ne waʼ angu kpe ayɛ?” 47Abɔ deʼ abwaʼ abɔ byɛ â me tamma ebara aŋu ngɛ zo gɛ̀rɛ̀ ga kpe, “Engɔ wa zɔʼ Elayja kpe engɔ pweere angbe.” 48Ekyɛ ŋwaʼ egho bi abwaʼ abɔ byɛ â me tamma aŋu ngɛ nu èzɛ̀ʼ chu ato atam gɛ̀rɛ̀ tuʼu efwɔ atwa mɔm beʼ ndɛʼ ebe engɔ kpe ŋwɔ. 49Bɛʼngɛ abɔ abê ga ebe ngɔ kpe, “Dye sò ntsɔ zɔ kpe ka Elayja wa zeʼ pwèerè engɔ ngà.” 50Yeso gɛrɛ wu flaba akwâ kù̧u, kwaʼ zhwɛ̀ɛrɛ̀ egha ŋwaʼ ku. 51Angwa aparandi#27:51 Aparandi zɔnɔ na angɔ yɛ a me gɛ̀bbɛ afwɔ pɛ ene agha fyee ngɛ Exodus 40.21 wɛ à me kɔrɔ efwɔ ndɔngwe kɛ̀ ngɛ pan aghɛɛghɛɛ, e klada ekere ngɔ̀ɔ bwɛn a chwâ. Chwâ njiʼri, akob sanna. 52Etoshe akɛkɛ à pɔm fuʼ, Ngwe zhwɛɛmɛ bɔ Ngwe byɛ â shi kudu ngɛ. 53Angɔ à glini efwɔ eshe. Èndzobo chɛ à shi zhwɛɛmɛ Yeso ene ewu ngɛ, angɔ à ngɔ̀ɔ efwɔ antiri abɛ pɛ Ngwe, aŋu bɔ akɛkɛ â zɔ angɔ. 54Èndzobo chɛ ato ebe bɔ ebiri mane abɔ ebiri byɛ â mwɔ nè engɔ byɛ â ma kɔʼ Yeso â zɔ aŋu chwâ à njiʼri mane abwa tsɛrɛ yɛ à gli ngɛ, akwa angɔ fe, e ga kpe, “Éŋwaʼaŋwâʼ engɔ à na ŋwɔ Ngwe.” 55Aye akɛkɛ à na aŋu me tamma ezhin dɔɔdɔɔ ma kede ebwa we à ma gli ngɛ. Aye bɔnɔ à kiri Yeso nyɛ̀rɛ̀ zèʼe a Galilii gɛ̀rɛ̀ kpèdè engɔ. 56Abwaʼ angɔ a na Meri Magdalɛn, Meri áʼɔ̧̀ Jems mane Yɔsɛf, mane eye Zɛbɛdii.
E kpa Yeso
57Endzobo etiʼdi anji yɛ, gho ekɛb deʼ wɛ à me zeʼe afwɔ deʼ â ma zɔʼrɔ kpe Arimatya ngɛ bwɛn aŋu. Ekumu ngɔ à na Yɔsɛf. Engɔ à gɛrɛ na gho bɛ̀ɛrɛ abwa Yeso bi. 58Engɔ à ngɔ̀ɔ efàarà Paylet bii akudugho Yeso. Paylet ndɛ̀ʼ etsɛrɛ kpe e ndɛʼ akudugho Yeso ebe engɔ. 59Éngɛ Yɔsɛf nu akudugho ngɔ furu efwɔ abwondi fe, 60gɛ̀rɛ̀ nu ngɔ̀ɔ gè efwɔ èmɔ eshe yɛ a me kwa à twètwe efwɔ ekob kamakam ngɛ. Engɔ tiri angwa etye deʼ koo enduʼeshe wɛ anyi nyɛrɛ ngɔ̀ɔ amɔ. 61Meri Magdalɛn mane Meri we à ne tsɔmɔ aŋu ma kɔʼ atoshe.
Bɔ ebiri byɛ â ma kɔʼɔ atoshe Yeso ngɛ
62E tam enchwe aŋu wɛ à mwɔ anji ku̧ru bɔ Juu ngɛ, m̀fɔ̀rɔ̀ zhiri mane bɔ Farisii ngɔɔ kla Paylet gɛ̀rɛ̀ ga 63ebe engɔ kpe, “Masa mbyɛɛ be nɛɛ kpe èndzobo chɛ egho àndɔɔ wunɔ à mwɔ ekɔʼɔ ngɛ à ga kpe, ‘E ba ngo zhwɛɛmɛ angu ene ewu efwɔ enji tɛd.’ 64Ngwo ndɛʼ etsɛrɛ ebe bɔ ebiri shi e ngɔɔ sa kɔʼ atoshe ngɔ efwɔ enji tɛd é le kpe bɔ bɛɛrɛ abwa ngɔ ne zeʼ ji akudugho ngɔ sa ga kpe engɔ à shi zhwɛm ene ewu bo, mbɔʼnga andɔɔ zɔnɔ ya ngo me bɔɔ fɔɔ angɔ mbèmbè ngɛ.” 65Paylet ga ebe angɔ kpe, “Mbɔn nu bɔ ebiri shi e ngɔɔ sa kɔʼ atoshe aŋu mbɔn me ke ngɛ.” 66Éngɛ angɔ ngɔ̀ɔ bwɛrɛ gè anɛ̂ edɔm etye yɛ à me koo atoshe anyi ngɛ gɛ̀rɛ̀ shi abɔ ebiri byɛ aŋu.
Currently Selected:
Matyo 27: nbt
Highlight
Share
Copy
Want to have your highlights saved across all your devices? Sign up or sign in
© 2022, CABTAL
Matyo 27
27
E nu Yeso ngɔɔ ebe Paylet
(Mak 15:1; Luk 23:1-2; Eyɔ 18:28-32)
1Enchwenchwe, m̀fɔ̀rɔ̀ zhiri gimkpaʼ mane eto ndèerè aŋu e ma ngo zhudu Yeso ngɛ. 2Angɔ à koro engɔ, nu engɔ ngɔ̀ɔ ndɛ̀ʼ ebe Paylet wɛ a mwɔ ato yɛ bɔ Rom à me ge ngɛ.
Ewu Judas Iskariyɔd
3Èndzobo chɛ Judas, egho wɛ à fɛn Yeso, à zo kpe a shi tsɛrɛ kpe e ba ngo zhudu Yeso ngɛ, engɔ kobo etaa mɔ, nu ekɛb atɔrɔ asere asamabi tɛʼ wum byɛ ngɔ̀ɔ gii achim ebe m̀fɔ̀rɔ̀ zhiri mane eto. 4Engɔ gâ kpe, “Mmɛ shi le ebwa bɔɔbɔɔ gɛ̀rɛ̀ fɛ̀n gho wɛ è ne me le ebwa deʼ bo ngɛ kpe e zhudu engɔ.” Angɔ gíì kpe, “Ewɛngɛ de ke le ebwa deʼ é fwɛʼ akwa njɛɛ bo. Ewɛngɛ ne esɛʼ ngwɛ.” 5Judas ndwa ekɛb wɛ efwɔ ndɔngwe kɛ̀ nyɛ̀rɛ̀ ngɔ̀ɔ shwɛ̀rɛ. 6Éngɛ m̀fɔ̀rɔ̀ zhiri nu ekɛb wɛ gɛ̀rɛ̀ ga kpe, “Ewunɔ ne ekɛb enɔgho, e ke nara kpe ntsɔ nu m̀pè ekɛb wunɔ gè efwɔ ekwɔb ekɛb ndɔngwe kɛ̀ bo mbɔʼnga ne ekɛb anɔm.” 7Éngɛ angɔ ga gɛ̀rɛ̀ bɛ̀rɛ kpe, angɔ nu ekɛb wɛ ngɔ̀ɔ zɔn afwɔ chwâ deʼ â ma zɔʼrɔ kpe fiiri potas, ga kpe e ba sa kpa ebɛ bɔ aŋu. 8Ne ǹji yɛ é bwɛn ànchwɔ̀, e ba zɔʼrɔ afwɔ chwâ yɛ kpe, “Chwâ anɔm” ngɛ. 9Éngɛ ebwa wɛ Àmɛnɛkɔn Ngwe Jerimaya à shi ga ngɛ gli éŋwaʼa kpe, “Angɔ à nu etɔrɔ esere asamabi tɛʼ wum, ekɛb wɛ bɔ Israel a shi bɛrɛ é nɛ̀rɛ̀ ato ngɔ ngɛ, 10gɛ̀rɛ̀ zɔn afwɔ a fiiri Potas aŋu Masakɛ à shi tsɛrɛ kpe mmɛ le ngɛ.”
Paylet bìiri abwa ebe Yeso
11Yeso à tam efàarà ato yɛ bɔ Rom a me ge ngɛ, engɔ biiri ebe Yeso kpe, “Ngwo na m̀fɔ̀ bɔ Juu.” Yeso gíì kpe, “Ngwo shi ga éngɛ.” 12Bɛʼngɛ Yeso à ke gii ega deʼ ene abwa yɛ m̀fɔ̀rɔ̀ zhiri mane eto â ga mbɔʼ engɔ ngɛ bo! 13Éngɛ Paylet biiri ebe Yeso kpe, “Ngwo ke ma zo abwa zɔnɔ yɛ angɔ ma ga ato njɛ nɔ bo?” 14Bɛʼngɛ ato yɛ bɔ Rom à me ge ngɛ kɔ̂n mbɔʼnga Yeso à ke gii ega deʼ bo.
E nu etsɛrɛ kpe Yeso ku
15Efwɔ enɔ̂m gimkpaʼ endzobo Antara fɔɔ ekere, ato yɛ bɔ Rom à me ge ngɛ à na pwèerè gho deʼ ŋwaʼ sàa wɛ bɔ à ma ke ngɛ. 16Èndzobo chɛ efwɔ abɛ Rom ghodzɔm deʼ à na aŋu wɛ bɔ à me nɛɛ engɔ ghɛʼ wɛ ekumu ngɔ à mwɔ Yeso Barabas. 17Aŋu ebaŋagho à shi sɔŋɔ ngɛ, Paylet biiri ebe angɔ kpe, “Mbɔn ne ke kpe mmɛ pweere wɛ sàa endɔn? Yeso Barabas kà Yeso wɛ e ma zɔʼrɔ kpe Ǹtɔmzhwaʼa ngɛ?” 18Engɔ à ne nɛɛ anchwɔnchwɔ kpe bɔ kɛ ebe bɔ Juu à sa sàa Yeso énde mbɔʼnga angɔ à ne le ekumbog ene engɔ. 19Aŋu Paylet à me tsɔmɔ efwɔ ndɔ m̀pàrà mɔ ngɛ, eye ngɔ tɔm ekɔn ebe engɔ kpe, “Ke le ebwa deʼ ekwa egho wɛngɛ ne me nɛɛ ebwa deʼ ngɛ bo, mbɔʼnga ǹklì ànchwɔ̀ mmɛ a zɔ ǹgoʼ ene nklama mbɔʼ engɔ.” 20M̀fɔ̀rɔ̀ zhiri mane eto bii ebaŋagho ga ebe angɔ kpe angɔ ga ebe Paylet shi è pwèere Barabas ndɛʼ Yeso shi e zhudu. 21Paylet wu biiri kpe, “Mmɛ pweere awɛ abwaʼ abɔ fyee bɔnɔ sàa endɔn?” Angɔ gii kpe, “Barabas.” 22Paylet biiri ebe angɔ kpe, “Éngɛ mmɛ le ene nè Yeso wɛ e ma zɔʼrɔ kpe Ǹtɔmzhwaʼa ngɛ?” Angɔ gii kpe, “Kɔmɔ engɔ.” 23Paylet wu biiri kpe, “Bɛʼngɛ engɔ we le ebwa bɔɔbɔɔ we ngà?” Angɔ klada sa flaba akwâ eghɛʼghɛʼ kpe, “Kɔmɔ engɔ.” 24Èndzobo chɛ Paylet à zɔ kpe engɔ ke né wu le ebwa deʼ bo, bɔ klada sa byɛdɛ ngɛ, engɔ nu ndim sò ebwo mɔ anyi efàarà ebaŋagho wɛ, gà ebe angɔ kpe, “Mmɛ ke le ebwa deʼ ene ewu egho wunɔ bɔ. Ewunɔ na mbɔn a ma fwɛ̀ʼ!” 25Ebaŋagho gii kpe, “Shi ewu ngɔ mwɔ ato njɛɛ mane ato bwɔ mbyɛɛ!” 26Éngɛ Paylet pwèerè Barabas sàa ebe angɔ aŋu angɔ à ma ke ngɛ. Engɔ wuru Yeso gɛ̀rɛ̀ nu engɔ ndɛ̀ʼ kpe angɔ kɔmmɔ.
Bɔ ebiri sere Yeso
27Éngɛ bɔ ebiri Paylet nu Yeso ngɔ̀ɔ efwɔ ǹtɔʼ ebe ato yɛ bɔ Rom a me ge ngɛ, ǹtìmi bɔ ebiri gimkpaʼ kɛɛrɛ engɔ sɔ̀. 28Angɔ à chidi ǹdiri ngɔ gɛ̀rɛ̀ gè ǹdi fàn deʼ ekwa ngɔ é tee kpe engɔ na m̀fɔ̀. 29Angɔ à ndeere apɛgɛ m̀fɔ̀ ene atɔ ńtwɔn gè ato ngɔ gɛ̀rɛ̀ nu atam gè abwo anɔm ngɔ, éngɛ angɔ gunu etongu àmɔ̀ a chwâ efàarà engɔ sa sèrè ngɔ ga kpe, “M̀fɔ̀ bɔ Juu tsɔmɔ efwɔ endzobo dɔɔdɔɔ.” 30Angɔ à tu emɛn efàarà ngɔ gɛ̀rɛ̀ nu atam yɛ wuru ato ngɔ anyi akyɛ akɛkɛ. 31Èndzobo chɛ â shi mɛ̀ɛrɛ̀ sèrè engɔ ngɛ, angɔ chi ǹdi yɛ ekwa ngɔ gɛ̀rɛ̀ wu gè ǹdi ngɔ ekwa ngɔ. Éngɛ angɔ nu engɔ ngɔ̀ɔ é kɔ̀mmɔ̀.
E kɔmmɔ Yeso
32Aŋu angɔ à ma nu Yeso ma ngɔ̀ɔ ngɛ, angɔ sɔŋɔ nè gho deʼ wɛ à me zeʼe abɛɛ abɛ Sirɛn wɛ ekumu ngɔ à mwɔ Shimun ngɛ. Bɔ ebiri tiri engɔ é beʼ azɔd baʼra Yeso. 33Aŋu â bwɛrɛ afwɔ deʼ yɛ â ma zɔʼrɔ kpe Golgota, ǹji me ga kpe, “Afwɔ akɔʼato” ngɛ, 34angɔ ndɛʼ mɔm myɛ a me blidi nè ela ngwengwe ngɛ ebe Yeso, bɛʼngɛ èndzobo chɛ engɔ à zhweʼre ngɛ, è tɔn ne ŋwɔ bo. 35Èndzobo chɛ â kɔmmɔ engɔ ngɛ, e gɛbbɛ ǹdiri ngɔ àmɔ̀ àmɔ̀ aŋu angɔ à ndwa antsántsá ngɛ. 36Èndzobo chɛ angɔ à shi mɛ̀ɛrɛ̀ ngɛ angɔ tsɔmɔ a chwâ aŋu sa kɔʼ engɔ. 37Angɔ à ŋwɛʼrɛ abwa yɛ angɔ à kpe engɔ à le ngɛ kɔ̀rɔ̀ edɔm azɔd baʼra ngɛ kpe, “Ewùnɔ na Yeso wɛ è mwɔ m̀fɔ̀ bɔ Juu ngɛ.” 38Éngɛ angɔ à kɔmmɔ àjii kamakam fyee nè Yeso, eŋwàʼ abɛɛ abwo anɔm, êwè abɛɛ abwo aye ngɔ. 39Abɔ byɛ â ma fɔɔ ene aghɛʼnji yɛ ngɛ sa da njiʼri eto àmɔ̀, ma sèrè à ndwaʼa engɔ ma ga kpe, 40“Ngwo wɛ ngwo à ga kpe ngwo wa ngo sɛ̀ʼ ndɔngwe kɛ̀ sàa a chwâ gɛ̀rɛ̀ wu byɛ efwɔ enji tɛd! Mala ngwo mwɔ ŋwɔ Ngwe pwèere awɛ kla ekere azɔd baʼra zeʼe a chwâ.” 41Ene aghɛʼnji ŋwaʼ zɔnɔ m̀fɔ̀rɔ̀ zhiri, bàtee atsɛrɛ mane eto gɛrɛ sa nyɛ̀ engɔ ga kpe, 42“Engɔ à pwèerè abɔ tsɛrɛ, è ke né pwèerè amɔ bo? Engɔ ke ma m̀fɔ̀ bɔ Juu bo? Mala engɔ kla zeʼe a chwâ edɔm azɔd baʼra enjitsɔ, shi ntsɔ ba ngo le ebɛrɛ kpe engɔ na Ǹtɔmzhwaʼa. 43Engɔ we shi etaa mɔ ene Ngwe gɛ̀rɛ̀ ga kpe mbè na ŋwɔ Ngwe. Éngɛ ntsɔ zɔ ka Ngwe ya ngo pwèerè engɔ enjitsɔ ngà.” 44Ka de mwɔ àjii kamakam byɛ â me kɔmmɔ abwaʼ engɔ ngɛ â gɛrɛ nyɛ̀ engɔ ene aghɛʼnji ŋwaʼ yɛ.
Ewu Yeso
45À sa bwɛn aghɛɛghɛɛ nchi, adi̧iri koo akwâ gimkpaʼ ngɔ̀ɔ bwɛn ene enyɔ̀m tɛd. 46À sa bwɛn ne enyɔ̀m tɛd nɔ Yeso flaba akwâ eghɛʼ ku̧u ga kpe, “Eli! Eli! Lama Sabaktani?” ǹji me ga kpe, “Ngwe ndza! Ngwe ndza! Ngwo ne waʼ angu kpe ayɛ?” 47Abɔ deʼ abwaʼ abɔ byɛ â me tamma ebara aŋu ngɛ zo gɛ̀rɛ̀ ga kpe, “Engɔ wa zɔʼ Elayja kpe engɔ pweere angbe.” 48Ekyɛ ŋwaʼ egho bi abwaʼ abɔ byɛ â me tamma aŋu ngɛ nu èzɛ̀ʼ chu ato atam gɛ̀rɛ̀ tuʼu efwɔ atwa mɔm beʼ ndɛʼ ebe engɔ kpe ŋwɔ. 49Bɛʼngɛ abɔ abê ga ebe ngɔ kpe, “Dye sò ntsɔ zɔ kpe ka Elayja wa zeʼ pwèerè engɔ ngà.” 50Yeso gɛrɛ wu flaba akwâ kù̧u, kwaʼ zhwɛ̀ɛrɛ̀ egha ŋwaʼ ku. 51Angwa aparandi#27:51 Aparandi zɔnɔ na angɔ yɛ a me gɛ̀bbɛ afwɔ pɛ ene agha fyee ngɛ Exodus 40.21 wɛ à me kɔrɔ efwɔ ndɔngwe kɛ̀ ngɛ pan aghɛɛghɛɛ, e klada ekere ngɔ̀ɔ bwɛn a chwâ. Chwâ njiʼri, akob sanna. 52Etoshe akɛkɛ à pɔm fuʼ, Ngwe zhwɛɛmɛ bɔ Ngwe byɛ â shi kudu ngɛ. 53Angɔ à glini efwɔ eshe. Èndzobo chɛ à shi zhwɛɛmɛ Yeso ene ewu ngɛ, angɔ à ngɔ̀ɔ efwɔ antiri abɛ pɛ Ngwe, aŋu bɔ akɛkɛ â zɔ angɔ. 54Èndzobo chɛ ato ebe bɔ ebiri mane abɔ ebiri byɛ â mwɔ nè engɔ byɛ â ma kɔʼ Yeso â zɔ aŋu chwâ à njiʼri mane abwa tsɛrɛ yɛ à gli ngɛ, akwa angɔ fe, e ga kpe, “Éŋwaʼaŋwâʼ engɔ à na ŋwɔ Ngwe.” 55Aye akɛkɛ à na aŋu me tamma ezhin dɔɔdɔɔ ma kede ebwa we à ma gli ngɛ. Aye bɔnɔ à kiri Yeso nyɛ̀rɛ̀ zèʼe a Galilii gɛ̀rɛ̀ kpèdè engɔ. 56Abwaʼ angɔ a na Meri Magdalɛn, Meri áʼɔ̧̀ Jems mane Yɔsɛf, mane eye Zɛbɛdii.
E kpa Yeso
57Endzobo etiʼdi anji yɛ, gho ekɛb deʼ wɛ à me zeʼe afwɔ deʼ â ma zɔʼrɔ kpe Arimatya ngɛ bwɛn aŋu. Ekumu ngɔ à na Yɔsɛf. Engɔ à gɛrɛ na gho bɛ̀ɛrɛ abwa Yeso bi. 58Engɔ à ngɔ̀ɔ efàarà Paylet bii akudugho Yeso. Paylet ndɛ̀ʼ etsɛrɛ kpe e ndɛʼ akudugho Yeso ebe engɔ. 59Éngɛ Yɔsɛf nu akudugho ngɔ furu efwɔ abwondi fe, 60gɛ̀rɛ̀ nu ngɔ̀ɔ gè efwɔ èmɔ eshe yɛ a me kwa à twètwe efwɔ ekob kamakam ngɛ. Engɔ tiri angwa etye deʼ koo enduʼeshe wɛ anyi nyɛrɛ ngɔ̀ɔ amɔ. 61Meri Magdalɛn mane Meri we à ne tsɔmɔ aŋu ma kɔʼ atoshe.
Bɔ ebiri byɛ â ma kɔʼɔ atoshe Yeso ngɛ
62E tam enchwe aŋu wɛ à mwɔ anji ku̧ru bɔ Juu ngɛ, m̀fɔ̀rɔ̀ zhiri mane bɔ Farisii ngɔɔ kla Paylet gɛ̀rɛ̀ ga 63ebe engɔ kpe, “Masa mbyɛɛ be nɛɛ kpe èndzobo chɛ egho àndɔɔ wunɔ à mwɔ ekɔʼɔ ngɛ à ga kpe, ‘E ba ngo zhwɛɛmɛ angu ene ewu efwɔ enji tɛd.’ 64Ngwo ndɛʼ etsɛrɛ ebe bɔ ebiri shi e ngɔɔ sa kɔʼ atoshe ngɔ efwɔ enji tɛd é le kpe bɔ bɛɛrɛ abwa ngɔ ne zeʼ ji akudugho ngɔ sa ga kpe engɔ à shi zhwɛm ene ewu bo, mbɔʼnga andɔɔ zɔnɔ ya ngo me bɔɔ fɔɔ angɔ mbèmbè ngɛ.” 65Paylet ga ebe angɔ kpe, “Mbɔn nu bɔ ebiri shi e ngɔɔ sa kɔʼ atoshe aŋu mbɔn me ke ngɛ.” 66Éngɛ angɔ ngɔ̀ɔ bwɛrɛ gè anɛ̂ edɔm etye yɛ à me koo atoshe anyi ngɛ gɛ̀rɛ̀ shi abɔ ebiri byɛ aŋu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, CABTAL